قصائد العكيلي ( عكيلي )

مشـــايـــــه لگبــــرك نتعـنــــه *** هاليوم    لگبــــرك   عنــايــه گبـرك يحسين أصبــــح غايه بيد أحبابــــك تحلـه الرايــــه فـــوگ الــرايه أبــــدم وقعنه *** وقعنـــه أبـــدم  مـــا نتغــيــر لــو نتگـطـــــع لــــو  نتــــوذر نبقه انحبــــك يـــا أبو الأكبـر  وصحنك يحسـين اليجَمّعنــه *** صحنـــك يجمـع كل أحبابـك عطشــانه وتــورّد منْ  بابـــك بابــك ميــِـرجـــــع طـــلابــك وكـــل محتـــاج ابلهفه أتعـنه *** مشــايــه اتعنينــه الحضــره لمصابــك نجـــريها العبــــره نقسملك بــمصـاب الزهــــره لــــو نتفجــــر لا ميّهمنـــــه ***  لــــو نتفجــر  لا  مـــا نرجــعْ أرواح ابگبـــرك   نتجــمــــــعْ شيعـــه وخـــل العالم يسمـعْ حسين الـدين حسين الجنه *** حسين الـــدين ولا منبــدلـه حسين الايه واحنـــه أنرتلــه حسين الإيمــــان وي القبلـه يحسيـن بحبــــــــك آمنـــــه *** بحبــك آمنـــه و منعـــوفه أرواح لــدربـــك ملهـوفــه شـوگ البينه أعداك تشوفه ويـا حاقـــد عنـــك يمّنعَنه *** الشاعر موسى البديري ليلة ١٢/صفر /١٤٤٨ هجري الاثنين 27\7 \2026 طريق المشايه #قصائد1448

بقيــوده ويجـــرن دمعــــاتـــه ☼ـــــــــــ☼ــــــــــ☼ الله يســاعـــد گلبــه وروحـــه مــا بطـــل دمعــاتــه ونــوحـه چم رگبه يشـاهـــد مذبــوحــه السجــاد يـذبحــن عبـــاراتــه ☼ـــــــــــ☼ــــــــــ☼ شاهـد جسم حســين اتگطــع وبالطف مـن الخيـل أتـــوزع من دم حگه يسيــل المدمــع مــا تبــرد تسعـــــر جمــراته ☼ـــــــــــ☼ــــــــــ☼ شاهــد بالطــف جـسم الأكبـر چــن طــاها أمــوزع ومطبـر وعبدالله اتــروه مــن المنحر وبالنبلـه انذبحــت ضحكـاته ☼ـــــــــــ☼ــــــــــ☼ شــاهد بـــدر القــاسم بالطــف شلون أسيــوف البيهن يِنـزَف أبــدم الهامــه يحنّــون الچــف وبــالعــاشر طفـــو شمعــاتــه ☼ـــــــــــ☼ــــــــــ☼ شاهــد بالدمعـــه المــذروفـه الكافـل عمــه أبــلايا چفـوفـه طايح والغيـره مــن اجروفـه عالكــافــل تـكبـــر شـوغاتـه ☼ـــــــــــ☼ــــــــــ☼ شاهـد حــرگ أخيــام الخــدّر يوم الهجمت وسفه العســكر أيتـــام يشـــاهــدهــم بالبـــر وتضحــك يسمعهــم شمـاته ☼ـــــــــــ☼ــــــــــ☼ شاهـــد عمتـه مـن يگيـدوها وعـالهَـزّل گــام يــركبــوهــا گلبــه أتفطــر مـن شتمــوها والســـوط أيلـــوع عمــاتــه ☼ـــــــــــ☼ــــــــــ☼ بيده الگيــد ويصعــب حــاله وينظـــر بالــدمعـات أطفــاله وروس أهله مرفوعه اگباله تكثــر مــن يصــد آهـــاتـــه ☼ـــــــــــ☼ــــــــــ☼ چم مـره مات مـن الحسـره من شاهــد مچتوفـه الحـره خــدّر راحت للشـام أســره مــات السجــاد بلوعــاتـــه ☼ـــــــــــ☼ــــــــــ☼ الشاعر موسى البديري

قصيدة للمشاية (عگيلي) 1446 هـ مشاية لگبرك والينة ونجدد حزنك تدرينة ============= زينب هاليوم انواسيها ونشاركها احزان البيها ونتذكر ما صار اعليها ومصاب الطف ما ناسينة ================ نمشيلك ونجد ممشانة ويمشي المهدي انحس ويانة عينة اعله امصابك حزنانة يا جدي ايندبك مهدينة ================ من يمشي المهدي بيا حالة مصاب الطف يصير گبالة كل آه التطلع چتالة ينوح اعليك وعالي ونينة ================ انواسي اعيالك من سلبوها من بعدك هزل ركبوها ومن ديرة لديرة ايطبوها يحسين الصار امأذينة =============== نمشي ابهم وحزن ولوعة من نذكر جسمك وضلوعة آثار بجسمك مطبوعة ويا حيف بسيف موذرينة =============== علويات الهادي ابهيمة وثمانين ايتيم ايتيمة وبحر الصيف ابلا خيمة وسفة السجاد امگيدينة =============== كل عام انجدد ذكراكم ليوم المحشر ما ننساكم نعيش انموت انضل وياكم حبكم مولاي اينجينة ============== تلگاها الشيعة اتعنتك وباحزان الطف گصدتك يحسين اباهلك واستك ترضى انريدك يا ابو سكينة =============== اسالكم الدعاء رائد الاسدي

عگيلي للسجاد ع نواسي السجاد بهليلة. ،،،،،،،،،،،،،١،،،،،،،،،،،،،،،،،،، مصاب السجاد ايبچينه. فاضت روحه وتهمل عينه. دم يبچي اعلمصاب حسينه. لمصاب الطف ينهد حيله. نواسي السجاد بهليلة. ،،،،،،،،،،،،،،،،،٢،،،،،،،،،،،،،،،،، أثار أحبال بچفينه. ومطبوعه صياط بچتفينه. ومسموم وچبده مصوبينه. مدمعنه بهليوم أنسيله. نواسي السجاد بهليلة ،،،،،،،،،،،،،،،،،،،،٣،،،،،،،،،،،،، ماينسه الطف لسه جروحه. وأجساد أخوانه المطروحه. اشچم جثه يشاهد مذبوحه. وزينب من الهم تشكيله. انواسي السجاد بهليلة. ،،،،،،،،،،،،،،،،،،،،،،،٤،،،،،،،،،،،،،،،،،، شاف حسين بغير عمامه. وكافل زينب طبروا هامه. يم عباس ايطيح احزامه. حسين وماضلت كل حيله. نواسي السجاد بهليلة. ،،،،،،،،،،،،،،،،،،،،،،،،،،،٥،،،،،،،،،،،،،،،،،،، شاف الأكبر تجري دمومه. وجسام مخضب بالحومه. وزينب مهظومه ومظلومه. من يمشي هيه اتچيله. انواسي السجادبهليلة ،،،،،،،،،،،،،،،،،،،،،،،٦،،،،،،،،،،،،،،،،، حرگ الخيمه ايعيش أباله من شردت بالبر أعياله. والخيل أتسحگ بطفاله. حتى الگاع اتضل تبچيله. انواسي السجاد بهليلة. ،،،،،،،،،،،،،،،،،،،،،،،،،،،،،،،،،،،،،،،،،،، حيدر موسى الرميثي. https://telegram.me/aabas78 قصائد لكل ايام محرم اشترك بالقناة

ليل انهار الدمعه ابعينك ليل انهار الدمعه ابعينك ••••••••••••••••••••••• دمعك يهمل فوگ اخدودك فـارث لحمك حبـل ازنودك خاسف چتفك ثگل اقيودك فوگ الناگه وناصر دينك ليل انهار الدمعه ابعينك ••••••••••••••••••••••• شفت حسين مطشر جسمـه فـوگ الگــاع و ينـفــر دمـــه و زينب تنحـب طاحت يمـه نادت وينك شيل احسينك ليـل انهـار الدمعـه ابعينك ••••••••••••••••••••••• ذبحــو عمـك صگـر البيـده صوبـو عينـه وگطعـو ايـده فوگ الجاري يجري اوريده وانته احبال تحز چفينك ليل انهار الدمعـه ابعينك ••••••••••••••••••••••• بيدك دافن شيخ العتره ندري بگلبك طاح بگبره لمن شفته مطشر صدره دافن بيدك شمس سنينك ليل انهار الدمعـه ابعينـك ••••••••••••••••••••••• بقصر الكوفه مرافگ اهلك عـن الاكبــــر كلهـه اتسألك وين القـاسم نــاس اتگـلك وين ابدورك يـ مگيدينك ليل انهار الدمعه ابعينك ••••••••••••••••••••••• اوف الشام اشسوت بيكم دم أتسـايـل مـن رجليكـم نـار احجـار الكـل ترميكم يلهب ثوبك و مـچوينك ليل انهار الدمعه ابعينك •••••••••••••••••••••••   الشاعر حيدر العمار الخزعلي ليلة ٢٥/محرم الحرام /١٤٤٨ هجري السبت 11 \7 \2026 ليلة استشهاد الامام السجاد عليه السلام #قصائد1448 #عكيلي

للزهره الليله نواسيها بفگد السجاد أنعزيها _____ نواسـي الزهراء أبهل ليله ومدمع عالسجاد انسيله واجــب نــنــعاه ونبچيله ويـاهـا الدمعه نجريها بـفگد السـجاد أنعزيها ____ الله يساعد گلب البضعه كــل يوم بواحد منفجعه ماتنشف جـاريها الدمعه آلآم الــدهـر أمـراويها بفگد السجاد أنعزيها ____ يم نعشه بلوعه وملهوفه حـضرت للسجاد تشوفه چبدته من السم مزروفه مصاب المسموم أمئذيها بـفگــد الســجاد أنــعزيها ____ ويلي أعله السجاد ويومه تبچيله الزهره المضلومه مـسموم وگـبته مـهدومه منظر للزهره ايبچيها بفگد السجاد أنعزيها ____ ظل السجاد ابهل صوره هِدموا گبره وطفوا نوره ومنعوا مـا واحد ليزوره گبته أويه الگاع مساويها بفــگد الســجاد أنـعزيها ____ الدافن أهله بحزن ولوعه ميّت وأعله الخـد دموعه عالهشموا بالطف ضلوعه لحسين الصرخه نعليها بـفگد السـجاد أنـعزيها ____ بالطف شاهد هاي الحاله مات ومـا راحـت عـن باله راس حـسين ايـلوح گـباله ومن دمه الشيبه مخضبيها بـفگــد الســـجاد أنــعـزيها ____ وشـاف العـباس مـوذرينه ونابـت سـهم البين أبعينه وچـفوف الحـيد مگطعينه بعامود الهامه أمهشميها بـفگــد الســجاد أنـعزيها ____ وعبد الله وجاسم والأكبر كـلهم مـحزوزين المـنحر وأعله أرماح الروس وتفتر وگدام العيله أمكشفيها بـفگد الســجاد أنـعزيها ____ شاهد زينب من گيدوها عــالـهّـزل لمــن ركـبوها بــين البــلدان أو فـروها للشام الحره أميسريها بفگد السـجاد أنعزيها ____ يازهــراء أنـعظم أجـرچ يل نابت بسمار بصدرچ بفگد الأولاد الله يصبرچ يامحنه ولوعه التنسيها بفـگد السـجاد أنـعزيها _______ الشاعر اسعد قاسم الگريعاوي ليلة ٢٥/محرم الحرام /١٤٤٨ هجري السبت 11 \7 \2026 ليلة استشهاد الامام السجاد عليه السلام #عكيلي

يالسجاد نمـــوت عليكم **** بهذا الحب نتحده العــــالم أحنــه بحبكم ما نتفــــاهم نسَوي جيوش ونعبر مالم؟؟ مهدينـــه القــــــائم يبنيكم  **** يتمنون العــــاشر يرجــع أّويـهَ الأكبــر روحك تطلع جسمـــك بالحــافر يتكَطع وترد داعشـــهم تسبيـــكم ****  يالسجــــاد والله اليشــــهد عدنه ازيد من هالحب وازيد نهــز الدنيـــا من نتـــــوحد ونصــول على العــالم بيكم ****  هنيـــاله الينطيكم عمـــرة بالمحشر تشفعلة الزهـــرة يبن الداس الحـــافر صدرة بيمـــن مولاي نوفـــــــكم  ****  الدين أنتو ومن يترك دينه جارت كل الدنيــا علينـــه  دم مولاي شكَـــد أنطينــه وهيهات بيــــوم نجـــازيكم **** العَبـــوات شكَد باكَـت مِنهَ اليقتل شيعي يطب الجنه؟؟ يذبحـــونه عليكــم نتمنــه شكَـد مثل القـــاسم ننطيكم ****  هذا الحب يظـــل للمحشر نمــوت وعنكم ما نتـــغير رايد مولاي شچـــم منحر بس اتأمـــرونه متـــانيكم  **** شكراً ياربــي على النعمة كل عـــام تخلينـــه انخدمة هذا ابن الضـــايع كَبر أمه ميتيـــن ولســـا تاذيـــــكم؟ ****   صـــح بعيـــدين ومو يمك بس انت بكل نسمـــه نشمك حرب لحــربك سلم لسلــمك من يانـــور الله مســــويكم   **** الشاعر  حيدر حسين الكرعاوي ليلة ٢٥/محرم الحرام /١٤٤٨ هجري السبت 11 \7 \2026 ليلة استشهاد الامام السجاد عليه السلام #عكيلي #قصائد1448

عگيلي للسجاد ع ما خلصت للموت احزانه ما خلصت للموت احزانه ____ يل  شفت حسين يذبحونه وبلحومه اشلون ايسحگونه ضلت  تربي   اعليك  اعيونه بس ما يكدر يحجي السانه ____ يل. عمك  طاحن    چفينه نابت.  سهم   اعداك  بعينه خجلان يگول  من  اسكينه ما ارد   لسكينه.  وعطشانه ما خلصت للموت احزانه ____ يل شفت الخيمة يحرگوهه زينب    جدامك    شتموهه صاحت  يحسين.  وطگوهه صيوانك.   تلهب.      نيرانه ما خلصت للموت احزانه ____ تجري من الهم ضلت عينك وكدامك  مذبوح.   احسينك وانته.   السجاد     مگيدينك والحره.   اتلوج.     وحيرانه ما خلصت للموت احزانه ____ يل عشت اشام وهم ضيمه طريت.  ويم.   عون  الهيمه الله   يعينك.  يا أبو.  أشيمه وعدوانك    كلهم.    خوانه ما خلصت للموت احزانه __ طبيت.   المجلس    باحزانك وتبرالك.  هم   روس اخوانك يوحيد.  وما     واحد.   عانك وأيزيد   اگبالك.       واعوانه ما خلصت للموت احزانه _ الشاعر الحسيني سلام عزيز السعيدي https://telegram.me/aabas78 قصائد لكل ايام محرم اشترك بالقناة

فوگ اجروحه الهدت حيله مسموم   السجاد   الليله ========================= محد  يوصل حاله  وجرحه كل ساعه الحسبات   اذبحه بالون  يخلص  ليله  وصبحه والمدمع  من   دم  يسيله مسموم   السجاد   الليله ========================= فوگ  اجروحه  وفوگ  الأمه راس  حسين   انحز   جدامه خلصت   ون    ونوح    أيامه وعياله  من الهم  تشكيله مسموم   السجاد   الليله ========================= بين   الشام    وبين    الكوفه چم حسره وچم  ونه  اطوفه وياكل  ظل   الگيد   اچفوفه ومن دم تبچي اگباله العيله مسموم  السجاد  الليله ========================= گيده  مجرح  ايده  ونحره وخانگته اعله اعياله العبره يتوچه   بعوچته    وصبره مانايم  صبحه  ولا ليله مسموم السجاد الليله ========================= بدمعة عينه  ايصد  ايتامه يشعر  گربت  حيل   أيامه گلبه وروحه  الهم  محتامه وصبره اعله الفرگه يتچيله مسموم السجاد الليله ========================= شاف  المامر   ابكل   واحد گيده  الينزف  ظل  الشاهد چم شامت  سبه وچم  حاقد من  أفعاله  الضدك ويله مسموم السجاد الليله ========================= سم   الحاقد   مرد   چبده بس عوچيته  وزينب  عنده طاح   الليله  وحيله  اتبده ومن دم گام الكل تبچيله مسموم السجاد الليله ======================== الشاعر احسان الحميداوي ليلة ٢٥/محرم الحرام /١٤٤٨ هجري السبت 11 \7 \2026 ليلة استشهاد الامام السجاد عليه السلام #زين_العابدين_ع #قصائد1448

عكيلي للسجاد والنص تجليبه عالسجاد انهل الدمعه 1 على السجاد ننعه ابدمعه هماله لان حاله مثلها ماتمر حاله ينظر كل غربته ولوعة اطفاله بالطف من ايون انسمعه 2 علي السجاد شاهد عالجره والصار لان گدام عينه ذبحو الأقمار صور طف المنايه بكل وكت تندار من شاهدهم بالطف صرعه 3 بيا حاله اوصف حيرته وهمه من شاهد ابوه ضل سابح ابدمه على التربان مرمي ضل ابو اليمه والماسامع بالطف سمعه 4 نار اتشب جمر وبگلبه جم حسره على مصاب الطفوف وكاظم بصبره بعينه شاف أبوه من انگطع نحره وسيوف العدوان اتگطعه 5 اشيتحمل بعد وهمومه كاتمها وبكلبه المشاهد كلها راسمها المهدي يظهر وباچر يحاكمها للظلمو أولاد البضعه 6 على مصاب العليل ومن رحل مظلوم ننعه بكل حزن هالليله نبچي دموم ودعنه ورحل عن دنيته مسموم واحنه بهل دمعات انودعه لاتنسون والدي ووالدتي وأبني عباس من الرحمه والمغفره خادمكم رياض الرسل الجابري https://telegram.me/aabas78 قصائد لكل ايام محرم اشترك بالقناة

فوگ اجروحه الهدت حيله مسموم   السجــــاد   الليله ====================== محد  يوصل حاله  وجرحه كل ساعه الحسبات   اذبحه بالون  يخلص  ليله  وصبحه والمدمع  من   دم  يسيله مسموم   السجاد   الليله ======================== فوگ  اجروحه  وفوگ  الأمه راس  حسين   انحز   جدامه خلصت   ون    ونوح    أيامه وعياله  من الهم  تشكيله مسموم   السجاد   الليله ======================== بين   الشام    وبين    الكوفه چم حسره وچم ونه اطوفه وياكل  ظل   الگيد   اچفوفه ومن دم تبچي اگباله العيله مسموم السجاد الليله ======================== گيده  مجرح  ايده  ونحره وخانگته اعله اعياله العبره يتوچه   بعوچته    وصبره مانايم  صبحه  ولا ليله مسموم السجاد الليله ======================== بدمعة عينه  ايصد  ايتامه يشعر  گربت  حيل   أيامه گلبه وروحه  الهم  محتامه وصبره اعله الفرگه يتچيله مسموم السجاد الليله ======================== شاف  المامر   ابكل   واحد گيده  الينزف  ظل  الشاهد چم شامت سبه وچم حاقد من أفعاله الضدك ويله مسموم السجاد الليله ======================== سم   الحاقد   مرد   چبده بس عوچيته وزينب عنده طاح   الليله  وحيله  اتبده ومن دم گام الكل تبچيله مسموم السجاد الليله ======================= الشاعر احسان الحميداوي https://telegram.me/aabas78 قصائد لكل ايام محرم اشترك بالقناة

عكيلي للسجاد والنص تجليبه عالسجاد انهل الدمعه 1 على السجاد ننعه ابدمعه هماله لان حاله مثلها ماتمر حاله ينظر كل غربته ولوعة اطفاله بالطف من ايون انسمعه 2 علي السجاد شاهد عالجره والصار لان گدام عينه ذبحو الأقمار صور طف المنايه بكل وكت تندار من شاهدهم بالطف صرعه 3 بيا حاله اوصف حيرته وهمه من شاهد ابوه ضل سابح ابدمه على التربان مرمي ضل ابو اليمه والماسامع بالطف سمعه 4 نار اتشب جمر وبگلبه جم حسره على مصاب الطفوف وكاظم بصبره بعينه شاف أبوه من انگطع نحره وسيوف العدوان اتگطعه 5 اشيتحمل بعد وهمومه كاتمها وبكلبه المشاهد كلها راسمها المهدي يظهر وباچر يحاكمها للظلمو أولاد البضعه 6 على مصاب العليل ومن رحل مظلوم ننعه بكل حزن هالليله نبچي دموم ودعنه ورحل عن دنيته مسموم واحنه بهل دمعات انودعه لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

عكيلي اربعين مسلم (ع) مسلم خدامك وفايه ١ كل عام انجدد هالذكره ونكتبلك بل ون والعبره بيك انعزي الليله الزهره بكل مجلس نرفعلك رايه مسلم خدامك وفايه ٢ وفايه وماننسه مصابك شاهد يامسلم احبابك كلها اتنوح وتبجي ابابك تحضرلك كلها وعنايه مسلم خدامك وفايه ٣ بمصابك نحضر وانعاهد ما نتأخر والله الشاهد تعرف بينه واحد واحد من نحضر بس انته الغايه مسلم خدامك وفايه ٤ تدري امصابك اثر بينه ياصوت الحق يا والينه مسلم اولنه وتالينه عاهدنه ومنطين حجايه مسلم خدامك وفايه ٥ أبنيتك تعرفنه وخدامك من نوگع نوگع گدامك يامسلم بحزن بأيامك والخدام اتون ويايه مسلم خدامك وفايه ٦ گبرك جنه ومن انشوفه يامسلم بالدمعه انطوفه اسمك شرف كل الكوفه وبسمك هالكوفه امسمايه مسلم خدامك وفايه لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

عگيلي لدفن الاجساد الطاهره يا دفان احسين اشلونه ؟ يادفان احسين اشلونه ؟ ____ يا دفان ابن امي اشحاله خوما خليت امن اوصاله السحگتهن عشرة خياله واعظامه الامست مطحونه ____ ايگللها او تهمل دم عينه يا عمتي ريت اتشوفينه بالگاع احسين اموزعينه يكسر ظهر الي يشوفونه ____ ساعه اضلوعه اجمع واحسبهن ساعه اوذر من جسمه اجمعهن والخنصر يا عمه اكلفهن ياخي عون الي يلگونه ____ عمه اعله التربان اموذر ما ينشال . الله او اكبر اشما حاولت ارفع ما اگدر خله الروح اتون مسحونه ____ شلته اعله احصيره او نزلته لا غسلته او لا چفنته ياعمه ابلا خد وسدته بس منحر متغير لونه ____ وسدته ابلا خد بس نحره او عبدالله وسدته ابصدره ياعمه ما ضلت عبره والمثلي خل تعمه اعيونه ____ وللعباس امشيت ابحسره كوكب. چيف انًزله ابگبره ياعمه ابلا يمنه او يسره وآثار الجربه اعله امتونه ____ دافنهم جيتچ بجروحي موت حيلي وني او نوحي اوياهم ريتن دافن روحي او لا تبقه ابهل هم مسجونه ____ الشاعر ابو فاطمة الطائي https://telegram.me/aabas78 قصائد لكل ايام محرم اشترك بالقناة

اعگيلي  للدفنه حيره  احتار  بدفن  حسينه وظلت تهمل  من  دم   عينه !!!!!!!!!!!!!!!!!!!!!!!!!!!!!!!!!!!!!!!!!!!!!! ظل  محتار  شلون   يلمه ووذر صاير بالطف  جسمه ما  مگطوع    وينزف  دمه ويون    ويسمع    لونينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!! محتار  وتهمل   دمعاته ونار  وتتلاهب  حسراته اعله حسين وحاله وناته ويذكر  ماي  تريد  سكينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!! ظل   ايدور   خنصر   ايده وكلسا جرحه اهموم يزيده ويوميله حسين اعله وليده اعلصار بحاله  الله  يعينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!!! الله يعينه  اشصار  بحاله مطشر جسمه من الخياله ايدور ظل  ويلم  اوصاله ويصيح  الخنصر  چاوينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!!! بين الكافل بين اچفوفه محتار بيا جرح  ايروفه ظل بونه ودمعه يطوفه عدمن   يا عمي  مخلينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!!! بحسره وجمره  تعنه الاكبر وبكل خطوه  يگوم  ويعثر من شافه اعله الغبره موذر ابخيل ابلا رحمه موذرينه حيره احتار بدفن  حسينه !!!!!!!!!!!!!!!!!!!!!!!!!!!!!!!!!!!!!!!!!!!!! يم   القاسم   راح    بونه بدم  اصوابه يشوفه محنه گام اجروحه اسولف  عنه من دم  اخضابه    محنينه حيره احتار  بدفن  حسينه !!!!!!!!!!!!!!!!!!!!!!!!!!!!!!!!!!!!!!!!!!! الشاعر احسان الحميداوي https://telegram.me/aabas78 قصائد لكل ايام محرم اشترك بالقناة

حيره  احتار  بدفن  حسينه وظلت تهمل  من  دم   عينه !!!!!!!!!!!!!!!!!!!!!!!!!!!!!!!!!!!!!!!!!!!!!!!! ظل  محتار  شلون   يلمه ووذر صاير بالطف  جسمه ما  مگطوع    وينزف  دمه ويون    ويسمع    لونينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!!!!! محتار  وتهمل   دمعاته ونار  وتتلاهب  حسراته اعله حسين وحاله وناته ويذكر  ماي  تريد  سكينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!!!!! ظل   ايدور   خنصر   ايده وكلسا جرحه اهموم يزيده ويوميله حسين اعله وليده اعلصار بحاله  الله  يعينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!!!!! الله يعينه  اشصار  بحاله مطشر جسمه من الخياله ايدور ظل  ويلم  اوصاله ويصيح  الخنصر  چاوينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!!!!! بين الكافل بين اچفوفه محتار بيا جرح  ايروفه ظل بونه ودمعه يطوفه عدمن   يا عمي  مخلينه حيره احتار بدفن حسينه !!!!!!!!!!!!!!!!!!!!!!!!!!!!!!!!!!!!!!!!!!!!!!!! بحسره وجمره  تعنه الاكبر وبكل خطوه  يگوم  ويعثر من شافه اعله الغبره موذر ابخيل ابلا رحمه موذرينه حيره احتار بدفن  حسينه !!!!!!!!!!!!!!!!!!!!!!!!!!!!!!!!!!!!!!!!!!!!!!!! يم   القاسم   راح    بونه بدم  اصوابه يشوفه محنه گام اجروحه اسولف  عنه من دم  اخضابه    محنينه حيره احتار  بدفن  حسينه !!!!!!!!!!!!!!!!!!!!!!!!!!!!!!!!!!!!!!!!!!!!!!!! الشاعر احسان الحميداوي ليلة ١٣/محرم الحرام /١٤٤٨ هجري الاثنين 29 \6 \2026 ليلة دفن الأجساد الطاهره #عكيلي #جديد_محرم_الحرام_١٤٤٨هج

في شجاعة أبا الفضل العباس سلام الله عليه (وزن عگيلي ) العسكر تتراجف صوبينه.  شعامل بيهم عم سكينه ★★★★★ عم سكينه شعامل بيهم بالحيره الگوم مخليهم چاوين الگاع توديهم امركب هلموت ابچفينه شعامل بيهم عم سكينه ★★★★★ ياهو اليتعنه ويدناله راحت چاوين الخَيَّالَه يتمرجل يازلمه اگباله تجدح نار الغيظ ابعينه شعامل بيهم عم سكينه ★★★★★ هز العدوان وميدانه من صد لسكينه الحيرانه ومن صاحت ياعم عطشانه وانته من الماي اتروينه شعامل بيهم عم سكينه ★★★★★ لوتصفه الگوم المنتشره بگد ذرات رمال الصحره ميهاب الي ناذر عمره وبايعهن لحسين اسنينه شعامل بيهم عم سكينه ★★★★★ الرفع الحگ ودفع الباطل مجرب سيفك يابو فاضل تفخر زينب انته الكافل وحماي الحره امسمينه شعامل بيهم عم سكينه الشاعر حسن لعيبي الحريشاوي

* يحسيـن الدنيـه اشـظل بيـها * * تحـرص ليش الناس اعليـها * 1-   ------------------------------------------------- نهــجـــك للمـــوت احنـه اتباعه                                                          او هيــه امطاحــن حسبــة ساعــه كــلـمــن عـــاد ايطـلعـــه اذراعه                                                          بالهيــن لا مـا ننـطيـــها يحسيــن الدنيــه اشـظل بيـها   2 -   ---------------------------------------------------- اتريــد انعـوفــك وكـت المحـنــه                                                      نـفـرض بــاجــر عنــك رحـنـــه اشكـد بعـدك راح انعـيش احـنـه                                                       *  عـود انعـوفـك لا تحجـيها * يحسيـن الدنيـه اشـظل بيـها   3 -     -------------------------------------------------- اتـريـد انعــوفـــك يبـن الزهـــره                                                           حـتى انعـيـش اخـلافـــك فـتـــره هــــوه ابنـــادم ضـامـن عـمــره                                                               *  للمـوت أولـها او تاليها * يحسيـن الدنيه اشظل بـيها 4 -     هـيـــه الدنيــه اشـتســـوه ابدونــك                                                         حـــتى الأنــصــار أيــعــوفــونـــــك وحــــدك بــالطــــف ايخــلـــونـــك                                                                 *  اشتتــوقــع احنــه انسـويـها * يحسيـن الدنيه اشظل بيـها   5 -     -------------------------------------------------- جـينـه اويـاك انسجــل مــوقـــف                                                      فــوك السـاتــر بـاجــر نـهـتـــف او تكـتـب كـل كطــرة دم تـنـزف                                                            *  هـاي اللحظـات انتانيـها * يحسيـن الدنيـه اشـظل بيـها   6 -      ------------------------------------------------- عـــود انعــوفــك هـاي ابعـيـــده                                               والمــوت اويــاك احـنـه انريــده كلمــن شايــل روحــه ابــ أيـــده                                                             * واجـيــوش الدنيـه انـلاويـها * يحسيـن الدنيـه اشـظل بـيها   7 -       ----------------------------------------------- يــــا مـــشعــــل درب الحـــريــــه                                                                ويــــاك امــصـــفـيـــــن النـيـــــه مـاتســـوه الدنيـــه او مـكـضيـــه                                                       * هاليـوم الزهــره انـوفـيــها * يحسيـن الدنيـه اشظل بيـها ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪     الشاعر أبو حيدر المجراوي ليلة ٩/محرم الحرام /١٤٤٨ هجري الخميس 25 \6 \2026 ليلة علي الأكبر عليه السلام #عكيلي #قصائد1448

عكَيلي .للانصار ....................... لا منعوفك . لا منعوفك . وحدك بالطف لا منعوفك. .............................................. نعمه انت ولازم نشكرها. والثوره انصارك تنصرها. باجر يوم الطف يذكرها. عن مبدء نحرم وانطوفك ................................. تعرفنه انصارك يوم الدم. يحسين انخانه ولا تهتم. باجر جدامك نتحزم. غالي ونركع بين اجفوفك. .......................................... ما نتخاذل يابو الاكبر . وفايه أنسر الخاطر سّر . واحدنه الكافل لو زمجر.. بين احبابك حلوه انشوفك ......................................... نقسملك بضلوع الزهره. غالي وعنك ما نتبره. وفايه ونبصم بالعشره.. خسران الينكر معروفك . ........................................ يبن اليحضر وكت الشده . جدامك ماي ونتبده. الماكو بكَلبه حسين شعنده.. يصبح محروم من اطيوفك .................................... ياوجه الباري وميزانه. ليش اخت زينب حزنانه. باجر عد عينك تلكَانه. بالحومه ونهتف بحروفك. ....................................... باجر. ياعنوان الكوثر. منذور النحرك جم منحر. نرضيك الحد مانتوذر. نتعفر من ذاري اطفوفك. .......................................... ✍ ابو منتظر الحجامي......2026

جاسم بالطف ثبت يومه ــــــــــــــ ــــــــــــــ ــــــــــــــ بعده ازغيـــر وهز ميـــدانه ومســـــرفن للعـركه اردانه ابصــولاته امه شگد فرحانه زلزلها بضـرباته الحــــومه جاســـم بالطف ثبت يومه ــــــــــــــ ــــــــــــــ ــــــــــــــ يتخير صيـــــــــداته ابكيفه وروس العسكر زاد السيفه چن حيــدر خزراته امخيفه ويشيمن بالحومه اعلومه جاســـم بالطف ثبت يومه ــــــــــــــ ــــــــــــــ ــــــــــــــ اهله اعله الكلفه اموصــينه بيوم العاشر يفدي احسينيه نشـمي وما رجفـن چفيـــنه ادبها وذلاهـه اخصـــــومه جاســــم بالطف ثبت يومه ــــــــــــــ ــــــــــــــ ــــــــــــــ تخسه الكثره وتخسه القاده ما هـــزو گلب ابن الســـاده واحدهم ضيع مشــــــــراده حگها الضلت بي مصدومه جاســــم بالطف ثبت يومه ــــــــــــــ ــــــــــــــ ــــــــــــــ موت احمر خصمه ايشوفونه والغيــض امبـــــــــين بعيونه ماقـل عــزمه ودار امتــــــونه كـرار ويگضـــــي الملــزومه جاســـــــم بالطف ثبت يومه ــــــــــــــ ــــــــــــــ ــــــــــــــ ملك المــــوت يحارب چنه مـــن عبــاس اتعـــــلم فنه كلها اتســـــولف ضلت عنه نشـمي ومقوار وجيدومه جاســـم بالطف ثبت يومه ــــــــــــــ ــــــــــــــ ــــــــــــــ كر الشات الرگبه ايكـــــرها ابعوده العدوان امذكــــرها ثورت عمـه ابـدم ناصـــــرها والروس انداست بجدومه جاســــم بالطف ثبت يومه ــــــــــــــ ــــــــــــــ ــــــــــــــ الشاعر كامل السعيدي ليلة ٨/محرم الحرام /١٤٤٨ هجري الأربعاء 24 \6 \2026 ليلة القاسم ابن الحسن ع #عكيلي #قصائد1448