قصائد العاشر ( عاشوراء) و الوداع و الوحشه

الثـــوره الزينــبيه ــ الخطبه الهاشميه متداد الكربله متداد الكربله °°°°°°°°°°°°°°°°° امتــــــــــداد الثورة حســــين الشهيد ثـوره ســـــــــوت زيـنب وذلـت يزيـد كيد كيــــدك وســـعه ســعيك ما يفيد ابوجه صاحت وبتده الطف من جديد اوگفت مثل المناره ــ ونعم بنت الغياره خطـبتها زلزله متـداد الكربله °°°°°°°°°°°°°°°°°°° والله كدها ام عون بت خير النسه كلفه خطبـــــــــــتها وابـد ما تنسه اكبر الســـــــان ابحچيها اتخورسه آيه اســـــمها واجب احنه انقدسه جبل بالغاظريه ــ ونعم يالهاشميه  لضــعنها كافله مـتداد الكربله °°°°°°°°°°°°°°°°°° ثورة الحــــره انتصار ومفخره ابكربله ايســـموها لبوة حيدره دورها يمثل نبي ما چــــن مره وبيها كل افعال سبع الگنــطره العصف يشبه حجيها ــ اكضمت يمهم بچيها ابمسير العايله مـتداد الكريله °°°°°°°°°°°°°°°°°°°°°°° والله ماچن خطبه سوة ملحمه بنت ابوها وعالشـجاعه امعلمه هزت اعروش الطـغات الظالمه هم خليفه الفاطمه وهم عالمه اميره ويعرفوها ـ تجسد دور اخوها ابعزمها اتمثله مــتداد الكربله °°°°°°°°°°°°°°°°°° وحـــــــــده كلمـــتها وابـد ماتنثني لو تريد ابدعـوه تفنيــــــــــنهم فني هاي زينب يعني جيش الطف شني يســــــجد التــاريخ يمـها وينـحني حقيقه اومو روايه ـ وتضل للخوه رايه شجاعه ومرجله متــــداد الكربله °°°°°°°°°°°°°°°°°°°° ✍الخادم كامل السعيدي https://telegram.me/aabas78 قصائد لكل ايام محرم اشترك بالقناة

من گالولي زينب جابو الماي" گلتلهم عليمن چا بعد جاي؟ يماي أنت استمع زين عطشنه لوجه الحسين ياماي.. ياماي ___________________ ما نروه بعد للموت ما نروه العطش مو ماي، لچن ريحة الخوه سنة ونص راح أظل بالفرگة أتلوه أنه المن إخوتي مأخوذة بالگوه تره العطشان مو عالماي عطشان عطشنه إحنه الصدگ بفراگ الخوّان بعد نلگاهم منين؟ عطشنه لوجه الحسين ياماي.. ياماي ____________________ أنه المذبوح أخوي حسين گدامي وآنه الحرمة الغريبة الحِرگوا خيامي ما يرويني ماي وتبرد آلامي وأخوي حسين گدامي انذبح ضامي كل عمري البقه راح أبقى أشتاگ شتتوقع يماي تطفّي الفراگ؟ وإنته امرافگ العين عطشنه لوجه الحسين ياماي.. ياماي ____________________ ماكو أنته چنت ياماي بالعاشر بس هواي چنت بدمعة الناظر تتلظى اليتامه وتكسر الخاطر ويم جرفك لأبو اليمة ظهر كاسر من توادعوا ياماي ما جيت شجاك ويم رجلهم ما تبديت؟ من عالفرگة ناوين عطشنه لوجه الحسين ياماي.. ياماي ____________________ شنتروه وگلبنه شيطفي نيرانه؟ العطش ياناس من حسين خلانه يماي الدنيا كلها اندارت اويانه وآنه كل العمر راح أبقى عطشانه أشوف الماي وأذكر گطعة الراس واتمعن وأشوف اچفوف عباس وأتذكر مبعدين عطشنه لوجه الحسين ياماي.. ياماي _____________________ عبد الله الطفل منك يحرمونه عن شفته غبت بس أنت بعيونه طفل عطشان فوگاها يذبحونه حسين اينوح لوليده يشوفونه شلون گـلوبهم واتحملت هاي؟ شتتوقع بعد تروينه ياماي؟ العطش مو مرة مرتين عطشنه لوجه الحسين ياماي.. ياماي _____________________ ✍️احمد علي البغدادي

🔶موشح ايام العشره الثانيه من محرم🔶 هــا يزينب رايحــه بــدون الـكفيل           و بعد اخــوتج هــم بقى لشام حيل              شلون صعدّتي النسا فوك الهزيل                 و هيه كل وحده تون لبنينها               شلون سكّتي الاطـفال من البجي              و التخنگه العبره هم يفهم حجي              اشلــون قنعتيهـم الــكافل يــجي            و يروي سكنه و تسكت من اونينها             شلـون مـن شفتي الشمس متوذره             خيـل و اسـيوف و زلم و انـتي مـره             اشلون من شاهدتي كطعوا منحره               رگبته من السيف الله يعينها               يعـينج الله يالصـفيتي بلا معين               بالـخرابه بعـد كل ذيـچ السنين              هذا كله و برمـح راس الـحسين              و الشماته تكول مات حسينها            شلـون ضميتي الدمع يم الـرمح           و هوه يمّج كل مسيه و كل صبح            شلون من لاحظتي بجبينه جـرح             شلون ما طلعت العبره بحينها           شلــون خلــيتي رقـيه تغـض بصـر          و التـدور اعليـه مــن يـمـهـا يــمر          اشلون من الشمس ضوت عالنحر             و شيضم الشمس ما تخفينها       هــذا كلـه و شـامـخه بنـص الـسـبي      وچن خيام اعـلى المـتن مو بس عبي      انطيتني اجمل صـوره عن خدر النـبي           خالده بهل الدنيا عبر اسنينها        كفـو مـن حـدثتي ابــناءِ الـرجـس        بقصـر وحـدج لا مُعيـن و لا أنس        خاف ما تدري تره اشياخك امس         سطرة الحمزه اطبعت بجبينها       كيد كيدك و اسعى سعيك يا يزيد        حـكمك و عـمرك عـدد لابد يـبيد       انته و اجـدادك جنت لهلي عـبيـد         و احنا اصل المرجله و راعينها        لــو الكافل حي و لا تبـقى بـقصر        لا الـجيش ايضـل و لا حتى عـمر       شنهي ما سولفلك اشصار الشمر       خبط جيشه اليسره ويا ايمينها       خـاف ما سـولفلك انظـر للعلم        و تعرف اطباع و فعايلها الـزلـم       طاح بس الرايه ما هدها الشهم       بهاي تعرف ليش ممكطعينها   من وسط جيشك علا صوت الصياح   و للخــيم دمــُهم وصل من الجراح     الكــدر يركب مهـرته للـكوفــه راح         الماكدر يسأل عليها وينها الشاعر الشاب مصطفى ثامر الحلفي @HxzEU1 #قناه_نشر_القصائد_المنبريه #الناشر_مصطفى_المياحي

#ياخيل_هذا_ابن_امي_رحميه لسان حال السيده زينب ع / ثگيل ميـت يخيل حـســين ودوسينه چـا هـو مـات وبـعـد شطلبينه ياخيل هذا ابن امي رحميه ياخـيـل بـســچ لاتدوسـيه =========================== مات حسين بس ياخـيل بسچ لا تسحكينه لا مــــره و لا مـرتـيـن ابن امــي تـدوسـينه ماظل بي مچان حسين من جدمه لحد عينه سمعنه اتكسرت اضلاع وسمعنه حسين بونينه بالخيمه وسمع خيلهم من هجمت والصوت گلّي اعظام صدره انكسرت ياخـيـل نايم لاتگعدي ياخيل هذا ابن امي رحمي =========================== كل حافر سحگ صدره يكـسـر ضـلـع بضلوعه نيشان الحــوافر هـاي اعله صـدر حسين مطبوعه وصلت للخيام اضلوع من ابن امــي مشلوعه ياخيل اشبقه بحـسين كلـسـاع ويجــر شوغه كلساع ابن امــي يـفـز عالـغبـره والعله ادري حسين كلها بصدره ياخيل كافي لاتلچمي ياخيل هذا ابن امي رحمي =========================== عذبـني ونيـن حســيـن عـذبـني ويجـر اهات مدري من وجـع مابــي مدري الحسره للخيمات مدري من الطن وارماح مــدري ايشوف البنيات من يگطع ونينه حسين افزن لي واگولن مــات اركض بلهفه واطمئن لبن امــي اعثر واگــوم وخـيلـهـم تلحگني الف وتسمعمه جرح بيه ياخيل هذا ابن امي رحمي =========================== مسلوب وجروحه اهــواي والملعون حــز نحره ايـرفـسـه الشـمـر ويــلاه ويثـنـي عـلى صدره حـتى ايعذبه بالـسـيـف شـمـر من الگفه يذبحه ويضربه اثنعش وبحـيل ضربه اشد من ضربه السيف حار ومن گفه يعذب اهواي منحور نايــم علـثـره ابلايـــه افياي جيت بعباتي حسين اغطي ياخيل هذا ابن امي رحمي =========================== ✍️عباس مالك آل عفريت نسألكم الدعاء

زينب اعله الهزيله حشمت بالكفلهه هنا ياحامي الضعينه نومتك مو محلهه ———— وين اخوتي النشامه ياهو ظل واشتكيله هم نشدتو اعله زينب صعدت اعله الهزيله الحادي مابي محنه وجن سفرته طويله الحرمه تصبح ذليله الما تحاميهه اهلهه ————- اعتب اعله النسوني حكي لو حشمتهم راح اروحن سبيه من الخيم فزعتهم ما هي هينه اعله اخوتي وي غرب تمشي اختهم ياهو يمسح دمعتي يم شماته من اهلهه ————- وينه درب الشريعه ياهو ياخذني بيده يمهه واحد كفلني يفزع اليوم اريده مو وكت نومه نايم واخته ظلت وحيده افزع اختك تريدك ياهو غيرك كفلهه ———— ارد اگل للكفلني اكعد اختك سبوها والخيم من عفتني ياكمر فرهدوها بيهه لذه النعاوي اخت من تنعه اخوها والمصيبه لجبيره لو نعاوي بمحلهه —————- لنه حادي الضعينه ظل يصيح عليه عوفي اخوتج يزينب وامشي عنهم سبيه خويه مجبوره اروحن ياكمر مو بديه زينب اخت النشامه وي غرب محد الهه ————— خويه كوفه الشماته كلهه منتظره اختكم وي غرب ماهي عدله اطلع انه ابختكم خويه احسبوني حرمه ما عرفكم نختكم زينب بشده طاحت بس فزعتك تحلهه ————- الخادم موسى البطلي

مقدمه للسبي حسراتك جبيرات    عالراحن سبيات ساعد الله قلبك يابوصالح   ***   اتبده بوجهك المدمع / بگـد مــاي النهر مرتين الرايحلك شــرف الله / بي ريحة چفوف حسين چانن حاسرات النوگ / الفوكاهن اصول الدين وحدتـهن اذا ونـــت / تجيها سياط مدري منين   عماتـك غريبــات         بدنيه كلها شمات ساعد الله قلبك يابوصالح   ***   الــدروب بكــل وكت خرسه / من عدلين ولياهن وحچن من شافن اعله النوگ / اخوه ماكو وياهن العــــلويات بالـــغربــــه / الحچي اليوجع تلگاهن خوات حسيــن والعــباس /  مسبــــيات جـــبناهن   كافلهن لمن مات        اخـــذوهن اسيرات ساعد الله قلبك يابوصالح   ***   المحاملهن ضوه العفه / مـشن وبـلا محاملهن الحادي صــاح متعــمد / شــو ما هـوه كافلهن اتخذها فرصــه وتـجرء / بكل قـسوه يعاملهن المكان البي يحس شمات / رغم عنهن ينزلهن   واستار السماوات      شگد شافن معانات ساعد الله قلبك يابوصالح   ***   اجروحك يا ابوصـالح / الســبي أتصور اكبرهن حريـــم الله الف وسـفه / الشــمر وسـنان اسرهن الوحي اليستأذن اعليهن / زجر بالسوط يزجرهن الماشـــافتــهن النــسوان / اعيون اجناب تنظرهن   يمشن چنهن ايات     ويتـــبدن جراحات ساعد الله قلبك يابوصالح   ***   ســـتر عفــة بنــي هاشم / المحد شاف الها خيال عــــذراً يــا ابـــوصــالح / شافو طـــولها الانذال الاديها مخاويه المصحف / حريمه امگيده بحبال اليـــسوه والـــي مايــسـوه / شاهـــدها بـــلا كفال   دمعاتك غزيرات       علّي بالعرى اتبات ساعد الله قلبك يابوصالح   ***   گلبك شــايلاته الــنوگ / يعينــك الله يالمــهدي الناس ادموعها من ماي / وعينك من دمه تدي بذنـــك صوتــهن يــدوي / من البضـعن يحدي وحــده تصــيح يامـــتني / وحده تصيح ياخدي   بــيك هوايه لجــمات   من درب الجراحات ساعد الله قلبك يابوصالح * حيدر تركي الكربلائي

گعده السبي راحت الدنيا اويه اهلها من عگب عيـن الكفلها زينب ابلا اخو زينب .. ماكو خير يفزع الها   ***   كان يامــاكـان كانــت ســيده تدعى الامـيره چانـت امن تريد تطلع تطلــع اوياها عشيره مو خشب محملها حيدر فصله تفصال غيره   يتخدر بضلها الخدر .. شيلتهـا عنوان الستر تاليها وبتالي العمـر .. تنوخذ زينب اسيره   الچانــت الجنـه بكبرها تستحي تحچي بخدرها عالهزيله بلايه محمل .. وحايره اتلم بشملها   ***   زينب الستر التـــبقه بوكــت بـــي ماكــو شهامه بت علي لو ماخــدرها عالشــرف نقــره السلامه وچـان راس الســمه فــرع لحــد متقــوم القيــامه   وصارت ضريبتها السبي .. وحاديها زلمه اجنبي شكــراً الى بنـــت الــنبي .. الدين ردتله احترامه   والله لو وياها اخــوها بالحــچي ماشامروها آخ نظرات الشماته .. عله زينــب وشثكلها   ***   احجابها رايــة (محمد)  وماتطـــيح ابداً الرايه ضنهــم اشويه العـقيله وبالسبــي طلعت اهوايه چـــم ولايــه طـبـــبوها ابــلا كفيــل ولا حمايه   اذنت حي اعله الشرف .. والعالم بكبـره وگف الوالدها سلطان النجف .. زحمه تنعد عالسبايه   الچان ابو فاضل سماها شـمر من عگبها سباها اوف ياكــلمة ســــبيه .. اتخلبص الزينب غزلها   *** زينــب الــمحــد لمحها زينـــب الحــره الابـيه الباري لو للــعفه ارسل نبــي چان ارسلها هيه زينـب اول تالي تدخـــل في دواويـــن ال اميه   ويديها مشـــدوده بحـبل .. لا والله ابــد ماتنعقل نادينه ها  يابــا الفضل .. تحضر الهه بالرزيه   مدللت عباس وحسين وينـها اويـن الدواوين من عگب عين ابوفاضل .. ياهو اليـــنزل حملها   ***   چان مــن يــمر ذكــرها ماقـــبل عــشره محرم الناس كــلها تصيح صلى الله علــى زينب وسلم شــصار ياهالنــاس بلله من وره حرگ المــخيم   من طاح اخوها اعله النهر .. مسبيه سماها الدهر وسفه انسبت اخت الگـمر .. والخـدر ذاكه تهدم   لاعشيرة ولا كرايب سكــنوها بالخــرايب تچوي خد السمه زينب .. لمــن الدمـــعه تهلها *** حيدر تركي الكربلائي

#شلون_علحومه_تنام_حيودها اخـيام زينـب اصبـحت فرهودها شلـون علحـومـه تنام احـيـودها ====================== شـلــون يزلام الوغـى هـذا يصير اخيام زينب بالعده اتحيط وتديـر يهل زينب زينب اوحـيـده وتحـير والعـسـاچــر دِنـت يم حدودها ====================== والعساچر حــرگت اخـيام الها غاد دامي مـن رد يصـهل بعالي الجواد الظليمه ايصيح علحـومه الاجساد والحــرم فـت الخــبـر بچـبـودها ====================== صاحت ادركنا يبن حـامي الدخـيل ابّـيـن عــج اترابها وبـيـن الصـهيل حـسيـن وينك وين عـباس الچفيل مــن بعدكم حـبل صـار ايگـودهـا ====================== صِعدت التل والحــزن يمرد صـخـر عين صوب حسين واخره اعله النهر صاحـت بحسره وگلـب منها انفطر حـسـين رد ليّـه يخـويـه . بصـوتها ====================== هــا يخوتي هــا يزلــم الـنـايـبـات يــا ولــد حـيـدر حرمـكم حايـرات لاخــيـام ولا مـچــان الـبـي نبات وياكـــم اتمـنـت اخـتكـم مـوتـها ====================== وياكــم اتمنيت مـوتـي ولا اشـوف ابن امي طايح دارت اعليه السيوف والعلـم مرمـي وگمرنه ابلا چفوف وحــدي مابـيـن العـده وجـنودها ====================== ✍️عباس مالك آل عفريت #جديد_محرم_الحرام_١٤٤٨هـ_٢٠٢٦م نسألكم الدعاء

#زينب_تنسبي_اعله_الـنوگ السبي زينب تنسبي اعله النوگ هاي شلون ترضوها چــا ويـن الهواشم وين ثـايـتـهـم يـدگــوها ========================== فرسان الحــرايب ويـن ويــن ازلام هـاشـمـهـا خل تفزع اسياد الگـوم وتفـيـض الـرگــب دمها واتصول وتخلي احدود تگـلـب عـالــي سـافلها نســوان وحــرايـر هاي ويـاهـــم يـرجـعــوهـا ========================== حيدر وين ابو الصعبات الخلّـص يونـس ونجـاه وين الرجّــــع اليعگوب شوفه ورجعـالـه اضناه زينب هاي فـــوگ النوگ حـيــدر خلتصد عيناه فوگ الهزله وسط السوگ زينـبكــم يشـتـمـوها ========================== هـزلـه النــوگ وممشاها يعـذب الراچـب وتعرج وحادي النوگ مسرع دوم بالمـمـشـه ولا يـرفــج منظــر يلهـواشـم هــاذ منـظـر للگلـب يحــرج اخوتها امطرح اعله الگاع و النســوان يـسـبـوها ========================== تمـشـي الروس وياهــن وگــدام الركــب تمشي حرگــان الگلـب والنـوح كل عـيـن التصـد تبـچي زيــنــب آه يـا زيــنــب المن بالهضـم تـشـكــي روس اخوتها فوگ ارماح ومچـتـوفه يـشـوفـوهـا ========================== اه السوك شسولف بــي حــزن الـسـاده والأهـات تشتم ناس وناس احجار وناس بهل ظعن شمّـات موش ابساع ممشه النوگ الحادي ريّض الخطوات حتى الناس كلها اتشـوف والـعـيـلـه يهـضـمـوها ========================== ابمجلس يزيد اهناك زينـب يـا اهــــل زينـب وحدها وتدير العـين شوصف والوصف يصعب ماكو حسين لاعباس وحـيـده بالظعن من طب ابمجلس غرب وانذال زيـنـبـكـم يـوگـفـوهـا ========================== ✍️عباس مالك آل عفريت نسألكم الدعاء

السيده زينب وهي واقفه على التل وتكلم اخاها الحسين بعد مصرعه انادي ابن امي من علتل  .. صحـتـلا يمغشي اعلــيك علغـبـره .. صحت لا؟ صـــوبك خيلهم ركـــضن .. صحت لا بصـوتـي وفـرفـحت وشـصار بـيـه ========================= ادموعي اتخلصن توشلن  .. ولمچـن آه بلـــوعـــــة الـعـــاشــر  .. ولم چان ابن أمـي غـيّر الطـيـحـه   .. ولمچان اجـنـك راكـــضـات الاعــوجــــيـه ========================== ✍️عباس مالك آل عفريت نسألكم الدعاء

(( #رفقاً #رفقاً  )) لسان حال احدى النياق …………………………………………………………… رفقاً رفقاً ياهزلات .. متعوبات العلويات جارت كل الدنيه اعليهن عاد احنه الخل نرحم بيهن رفقاً رفقاً …………………………………………………………… رفقاً و الحرم هايه . الله لذاته ناسبهن ربن عالخير مهيوبات . حسين اشگد امدللهن انذبح واليهن وظل راس .وهِنّه السبي ذابحهن اجنچن من رگض والبيه الف عثره وجدم ماكول صار ابحلگ چم جمره و اذن مجروحه شبعت شتم بالزهره خل نستقبلهن بونين .. انصب دمعات الاخت حسين و اعل العباس انواسيهن عاد احنه الخل نرحم بيهن رفقاً رفقاً …………………………………………………………… نتساوه اوي سطح الگاع . ننوّخ حيل للرچبه عالي الظهر عدنه وخاف .الصعده اعل الحرم صعبه چف الجابهن مگطوع . واديهن ظلت ابغربه لو صعدن عليچن بالعجل نهظن تره اعليهن سياط ابضرب يلتمن السوط تگول نار ومنه يتأذّن وبهيده اتنهظن يجمال .. بيديهن ملفوفه احبال من وحده الوحده امچتفيهن عاد احنه الخل نرحم بيهن رفقاً رفقاً …………………………………………………………… جبيرات الحرم يانوگ . نگول ايحملن الصعده لچن اشلون بالاطفال . اليطيح وياهو الي يرده لو احنا النسحگه ولو . ابسوطه الشمر ويجلده العطش و الجوع حيل امأثر اعليهم من شوچ الارض متروسه رجليهم يضربوهم اذا سمعوا بواجيهم كل واحد مجروح احساس .. امدللهم حيل العباس وردات ابخوف امذبليهن عاد احنه الخل نرحم بيهن رفقاً رفقاً …………………………………………………………… امر واحد صعب يانوگ . وابد ما نگدر انوفره افياي انحصله الهن وين .تره شمس الضهر جمره هاي العبي سوده اليوم . وباجر تنگلب حمره لو نزلن نظل وگفه و نفيي احنه امبارك ساعه فَيّ الهن يحصلنه بدلهن خلي هاي الشمس تحرگنه بس شلون ابريح الحار .. ايهب اعليهن مثل النار ابلا سد ايظل ايچوّيهن عاد احنه الخل نرحم بيهن رفقاً رفقاً …………………………………………………………… يناگة سكنه كل ساعه . يم الراس گربيها ابگلبها الهظمه مكبوته . لبوها تريد تحچيها الراس او وين ما فروه . يرد و يلتفت ليها يناگة زينب او وصليها للكافل تره عدها عتب وي راس فاضل عالو بيها محد وكّف العايل خدري وهم مثلك مذبوح .. يم اچفوفك عفت الروح اعل زندوك خويه اتخليهن عاد احنه الخل نرحم بيهن رفقاً رفقاً …………………………………………………………… والاصعب لو وصلنه الشام . سوگ او وادم امعيده يتلگانه كل واحد . احجار امحمّل ابأيده نعلي ارگابنه ليفوگ . الحجر عن زينب انصده ينوگ هناك لازم ننركض ابسرعه من السوگ نخلص كون و انطلِعه انخلط ماي الخجل عدهن اويه الدمعه فاطم تبچي ابدم يانوگ .. ابنيّات الها ابنص السوگ فرحان ايزيد امتانيهن عاد احنه الخل نرحم بيهن رفقاً رفقاً …………………………………………………………… ✍️ ( سيد خضر الزاملي )

ودو اليثرب اخبار لمحمد اخونه كطعو راس الاحسين كلوله وسبونه ــــــــــــــــــــــــــــــــــــــ يمحمد يصنديد عوف ارض المدينه اريدك تسبك الريح بالشكره وتجينه الحك يااخو احسين احسينك ذابحينه داسو صدره بالخيل واحنه سلبونه ــــــــــــــــــــــــــــــــــــــ يبن فراس الاحروب لوطارش اجالك معصب بيده وديت فزع كل رجالك ذبحو كل هلك غاد ما واحد بكالك ياسراجة الخيل يمته تلحكونه ــــــــــــــــــــــــــــــــــــــ اريد ابغيضك اتهيج من تلكد رسنهه تعال وجيب الاسباع واختكم نشدو عنهه حته ارموش الاعيون طالع شيب منهه بضرب السوط ترضون ضهري يورمونه ــــــــــــــــــــــــــــــــــــــ عكب ماذبحو الشيخ لزوم الكم مواقف دطفو نار الادلال واغلكوهه المضايف يهلنه راس الاحسين بالبالدان طايف ومن ضربات الاحجار احمر غادي لونه ــــــــــــــــــــــــــــــــــــــ جا يمته يشجعان تنجزون المهمه ابمواضيكم تهدون زلمه بضهر زلمه حرمكم طبت الشام واهل الشام لمه بدك الطبل وادفوف هيج استقبلونه ــــــــــــــــــــــــــــــــــــــ هم يوم أمن الايام سمعتو بهالرزيه علويه اوي الاجناب ماخوذه سبيه جان اسمي الحوراء وهسه الخارجيه آ ياطبة السوك آه أمن الولونه ــــــــــــــــــــــــــــــــــــــ حيهم ياهلي انصيح ولا واحد اجانه القصر الاموي اهناك حادينه خذانه ويزيد  اكبالنه الراس طكه بخيزرانه من حلكه الدمه سال جا يمته اتحمونه محمد الجماسي #اللهم_عجل_لوليك_الفرج

#تـراث #نعـي اختك الكوفه امن اجت ليها يا طبّت الگشره عليها يبن والدي شمّات بيها تسمع شماتتها اوحچيتها ولا من عشيره اتمد اديها تطلج العيله من سبيها اوطبت المجلس نختشيها يرضيك هذا يا وليها يخوتي اشبعد شحچي شگلكم هظيمه الحرّه امخدّرتكم سمعتو شيخاطبني عدوكم يگول النذل ربكم فضحكم يگول استراح البلد منكم يزينب اوشفتو اشلون ذلكم نسيتو بني هاشم فعلكم بشيوخنه سلفو چتلكم فعلتو اوفعلنه احنا مثلكم كتلنه العميد احسين منكم وانتم سبي وانّهب عزكم بالمُلك بعد احسين شلكم عَلَي طبّت ابن ازياد شدّه 😭😭 يعرضونه وحدةٍ وحده اومن شافني كثّر النشده يسبني ولا واحد يردّه بس راس أُخوي احسين عنده يضربه النذل بالسوط عمده وينه علي ابعينه يصدّه بس دمعته تجري اعله خدّه توجه علي الكرّار جدّه هتف بالعشيره اوبهل ودّه الشاعر المرحوم السيد عبد الحسين الشرع #اللهم_عجل_لوليك_الفرج

السيده رقيه تخاطب حامل رأس أبيها الحسين عليه السلام تعرفه الشايله ابرمحك يعمي اذا كتلك اريده تنزله يمي ولو بس راس ضال اگدر احاچيه بلكي ايرد علي ويروح همي بلكي انسولف انه وياه بالعيون وكله انكسرن اعليك اختي ومي هذا المامزعل بته فد يوم ومايرتاح اذا ما يحچي بسمي طويل الدرب حد مانوصل الشام انطيني الراس اضمه جوه هدمي هذا حسين ابوي الراسه وياك هذا اليمشي ليهسه ويه دمي اسألك عمي بس لطگني بالسوط جاوبني اعله گدي وشوف حلمي هم عندك ابنيه اتحبك هواي هم عطشانه مثلي ومالگت ماي هم شايف بناتك بين الخيول يركضن عالجمر ترفات حفاي نزل الراس اليه والله ينطيك ونه بنت الحسين الجاي احاجيك بس خليني احلفك بيمن ادريك اذا انته ضميرك مايأذيك ولاتسوه عتب حته اعتب اعليك ودعي من الله ربي ايتعبك هواي وشكو شي صار بينه ايصير هم بيك

نزله (( #الأميرة ))  …………………………………………………………… أسيرة .. رفض كلمة اسيره أميره ..  ابعرش راحت أميره …………………………………………………………… جبل عالناگه صاعد . ابعرش بلقيس گاعد واذا باوع على الگاع . يشوف الالف واحد  ابطريج السبي كله . شمر من عدها لابد ابد ما مات عباس . تراها ام عون قائد عشيره . غدت بيرغ عشيره أميره . بعرش راحت أميره …………………………………………………………… اسم طه اعل چفها . حبل شنهو و چتفها النار و بردن اتصير . اذا وصلت طرفها تطيح النجمه جائز . وشمخ زينب انفها تميل الكاع بالناس . اذا مايل چتفها كسيره .. ايخسه الگايل كسيره أميره ..   ابعرش راحت أميره …………………………………………………………… لمن بالكوفه خطبت . رياح الخوف هبّت اصفر اصبح اللون . شوارب زلم گلبت قيامه اليوم چنهم . عليهم نار شبّت حچيها اتكول فقار . لبن مرجانه رعبت زغيره .. زلم صارت زغيره أميره .. بعرش راحت اميره …………………………………………………………… خذت دور الزعامه . حجاب و كالعِمامه غدت وي زين العباد . درع يحمي الامامه تضم الباقر الها . مثل جنح الحمامه درب چن لبوه تمشيه . وشمر مثل النعامه وزيره . لبو الباقر وزيره أميره . ابعرش راحت أميره …………………………………………………………… نزل من الله اسمها .  وعلم كامل علمها الله وگص عباتين . الها او وحده لمها عاشت ورده بيضه . ابشغف حيدر يشمها اذا ضيّعت الحسين . فقط تلگاه يمها قريره .. بها عيونه قريره اميره .. ابعرش عاشت اميره …………………………………………………………… الملك تيّه لسانه . قزم ضاع ابمچانه يزيد انغسل وجهين . سمع اكبر اهانه تگله اعليك غصبن . يظل يرف لوانه ابن هند ام الاكباد . و بنت الزهره انه كبيره .. أنه الشيخه الكبيره اميره .. ابعرش راحت اميره …………………………………………………………… غدت جنه الخرابه . وابد مو عالترابه الله امن السمه ابساط . فرش الها السحابه تنور وماكو ظلمه . الكمر فك الها بابه يخسه يزيد ويعيش . خدر الله وحجابه قديره .. تهد قصره قديره اميره .. ابعرش راحت اميره …………………………………………………………… ✍️ ( سيد خضر الزاملي )

لا إله إلا الله عالهزّل انسبيت بلا كافلي مشيت وادخل عله السوگ لا إله إلا الله لا راية لا دلال بس آنه والحبال بلا محمل النوگ للشام اجينه مو للمدينة ياوسفة والناس تنظر علينه ————————— لا إله إلا الله ضعن الله شاهدوه وبالهيمة فرهدوه وين الهواشم لا إله إلا الله ويه الحبل يميل يمشي وبلا كفيل ضعن الفواطم الله أكبر ما يرحم البر ضعن الله مجبور بالبر تطشّر ________ لا إله إلا الله صبّح علينة عيد اتزيّن قصر يزيد ومعيّدة الناس لا إله إلا الله ياخارجية صاح واهتزت الرماح ما يرضه عباس يخواني اگعدو ولعيوني ردّو اتحزمو لاختكم وبالغيرة هدّو _________ لا إله إلا الله يابالفضل يخوي گوملنه يبن ابوي لاگونه بحجار لا إله إلا الله ترضاها يالكفيل فوگ الهزل اميل وماي السطح حار خويه العجيبة گالوا غريبة بلا محمل انفوت هاي المصيبة ________ محمد جبر الدراجي

. .                 يضيم الشام مدري اشسوّه بيهه                   طـبـت للقصـر مـشـدوده اديـهـه                       *---------------*---------------*                   القصر والسوگ ما يرحم سـبـيـه                   يـويلي اشلون گلبِ الـهـاشـمـيـه                   تـطـب ديــوان وتــعــايــن امـيـه                   وظل عـبـاس بأرض الـغـاضـريـه                   يگوم اشـلون عـبـاس ويـجـيـهـه                       *---------------*---------------*                   آل الـبـيـت مـعــروفـيـن اهـلـهـه                   وتتـفـرج عـلـيـهـه النـاس كـلـهـه                   جرح الشام والـضـيـم الـكـتـلـهـه                   امنين اجيـب عـبـاس الـكـفـلـهـه                   الناس الناس مايرحـم حـچـيـهـه                       *---------------*---------------*                   الوگفه اشلون مابـيـن الـسـبـايـه                   ورمل وتراب متروسـه الـعـبـايــه                   بنـت اللا فـتـى وسـيـدِ الـبـرايــه                   مـن أشـر عـدوهـه وگـال هــايــه                   تدير الـعـيـن مـا شـافـت ولـيـهـه                       *---------------*---------------*                   ابقـصـر ايـزيـد وديـار الـبـعـيـده                   ويشتمهه الـنـذل هـوّه وعـبـيـده                   عگبِ اخوانهه وعـگـبِ الصميده                   زينب حايره ابهـمـهـه و وحـيـده                   يـم الـگـوم مــا تـظـهـر بـچـيـهـه                       *---------------*---------------*                   عدهم عـيـد والـحـره بـحـزنـهـه                   ودمعِ الـعـيـن محبوس ابجفنهه                   ما تدري الخلگ شـتـريـد مـنـهـه                   لچموا روحـهـه ولچموا مـتـنـهـه                   مـاچـنـهـه العقيله وبـت نـبـيـهـه                       *---------------*---------------*                   مـضـرب چـان لـلـوادم خـدرهـه                   حـتـى الـجـار مــا مـره نـظـرهـه                   تـالـي الشيب سـابـيـهـه دهـرهـه                   كسر حسين والـكـافـل كـسـرهـه                   وشماته اهناك تـشـمّـت عـلـيـهـه                       *---------------*---------------* ✍️خادم الحسين ع الشاعر رعد الچريخي

ابو ذيات الليلة الثانية عشر يراعي الغيره عگبك ...   مرمروني وعلى كل منظر  الـ  ....  مُر. مروني ما خلوني اودعك ....   مَر . مروني يعت الهزل عت غصبن بيه  .... أشبع ردت من چفيك ...        شمات لچن الي حدوها النوگ ..       شمات خويه انچان ريحة حرگ  ..   شميت اخبرك ذني اجدامي واديه ..... عذابي . أيوب ما يحمل ... عـُشيره گلبي بس دمع عيني      ... عشيره اجيت الكربلا او عندي ....  عشيره تاليها صفيت الخارجيه ... أمروة كافلي ما هي ....    يسيره         قليله ما يدري  انا الليله ....      يسيره ضعنًه الحادي بسياطه . .  يسيّره اطلعت روحي يكافل رد عليه .... _____ الشاعر ابو فاطمة الطائي ليلة ١٣/محرم الحرام /١٤٤٨ هجري الاثنين 29 \6 \2026 ليلة دفن الأجساد الطاهره #ابوذيات #جديد_محرم_الحرام_١٤٤٨هج