قناه النعي والابوذيات

#نعـي (وهل بقي لي احد بالمدينة؟) الامام زين العابدين يكلم عمته زينب روحي فداهما يحاچي زينب عمّته وچلثومه وعله خده دمعته مسجومه للمدينه نروح يابضعة علي خافن تموتين ياباقي هلي من گبر عمي لعد گبر الولي راح حيلچ كافي يامظلومه تگله مابگه بالدار من اهلي احد شعندي اردن گلي ياعمه بعد سبعطعش خليت عل غبره عدد شلون ارجع ياعلي مهضومه شرد اجاوب لليناشدني شگول وين عباس البطل وبن البتول صابني ياعمه لمصابه النحول واللي مثلي يصير ياهو يلومه ابني بيت احزن واسكن كربله ولو اموتن يبني بهاي الفله ريت اجاني هنا وارتاح البله اشبگه اببيت حسين بس رسومه شلون افارگهم وروحن للوطن شلون عيني تنام ويجيها الوسن وچني اشوف حسين من جسمه نطحن وعيني تنظر كل وكت للحومه شلي بالدنيا بعد عگب اخوتي وطاحت على الگاع عمه خيمتي للمدينه شلون صعب ردتي وحسرتي عليهم تظل مكتومه الشيخ عبدالامير المنصوري #اللهم_عجل_لوليك_الفرج

#نعـي جبت الدرب كله بواچي وي روس حلوين المحاچي جبت الدرب سكته وبلا اصريخ مو روس فوگ النوگ تاريخ جبت الدرب بالضيم حالي چنه خلص عزي ودلالي جبت الدرب ابجي وانا نحيله وشيبني هضم وونين العليله جبت الدرب دمعه عله دمعه ضلمه ومناحه وعمري شمعه جبت الدرب مكيوده بحبال غريب اليحدي بيه وموش كفال جبت الدرب كله مناحه ومايوم شفت أنا راحه جبت الدرب كله ونين لحسين ابو كلب الحنين جبت الدرب كله اونن لعباس لو لحسين احنن جبت الدرب اتمنى موتي ويه روس كله من خوتي جبت الدرب غصه اعله غصه حمل ضعنه بلايه رخصه #اللهم_عجل_لوليك_الفرج

#نعـي متعوبه جيت و گلبي محروگ خدرك رجعلك من عگب سوگ طلوگ الگلب مو نفس الطلوگ ماتت قهر ثـلثـيـنـهـا النوگ ياخويه جيتك و العمر سيل بليل هدعش ضيعت أنه الحيل تفارگنه خويه بهدت الخيل كل ليله دهر بفراگك الليل فراگك يخويه خله نيشان تعبان كلشي أعليك تعبان چنت آنه زينب من گبل چان طولك رهبها شيوخ ديوان ياخويه جيتك من دواوين يل فارگت ضل النساوين چا هية هيج العيشه يحسين ميتين احنه و انتو ميتين يل نشفتها نياط الگلوب مطلوب ضعنك چنه مطلوب يا وسفه جان الضعن مهيوب مو سهلة تذبح ذيج الدروب علي حسين الخفاجي #اللهم_عجل_لوليك_الفرج

#أبوذيـة الكلب شاجر على ابن امي وداوي تضعضع ونـهــدم حيـلـي وداوي لا مجــروح حته اگـعـد وداوي ولا غايب واگـول اتعـود اليه للمرحوم عبد الامير الفتلاوي #اللهم_عجل_لوليك_الفرج

#أبوذيات للأربعيـن الـدرب والليل كـله اونـيـن - جبته آه اعله اخوي السلبوا من مات - جبته ابــو السجاد راسـه ويــاي - جبته اعله وجهه ارماد تنور المنيه صدگ جــف الشرف بالحبل - ينشد سبونه ولــن يـزيـد اشـعـار - ينشد رجعت وخفت اخوي حسين - ينشد وانه بچوياتها مجفنه رقيه الشيخ حيدر الحميداوي #اللهم_عجل_لوليك_الفرج

#نعـي لشهادة مولاي الرضا روحي فداه يامن يسرج الشكره امن الخيول ويطر الصحاري ويصل الفحول بني هاشم ومن يوصلهم يگول وليكم سمموه بارض مشهد . وليكم ماله من الخلك عونه من السم تراه انگلب لونه ويريد ابنه الذي يغمض عيونه يريد ابنه على ايده يتوسد . حگة لو طلب هالساعه ابنه شكثر صار الرضا محروم منه ابوه وبشوفة ابنه ما تهنه وين ابنه تراه الرضا امدد . وين ابن الاكارم وابن الحيود الجواد العلى كل الوادم يجود يدري بالغريب بروحه متهود اذا مو هله يمه لو تشهد . وهو اعلم بعد بالماله عوان من يبگى وحيد ابين عدوان جده حسين ضل عالترب عريان ثلثتيام ضل اللهُ الاحد . ثلثتيام باگي بهوه الصحره وتحت حر الشمس مطروح صدره الا ابنه اعتناه والحده بگبره لوله ابنه فلا يدناله احد عبدالله الفريجي #اللهم_عجل_لوليك_الفرج

#نعـي حيـهـم هلي اكبار الشوارب مسبيه جـابـونـي الاجـانب بسوك راونـي الـعــجــايـب فــوك السـطح كله تـراقـب شـمـات تنضلي وكـــتـايب ومخزيه مـن عين الغرايب ترضونهه يـشـــيوخ طالب مجتوفه وركض عل ترايـب ومــن السـبـي دلالـي ذايـب وتـدرون مــن كثر المـصـايب مو بس دليلي وراسي شـايـب بيضه اصبحت حتى الحواجب مـن اعداي كل هاي المـتـاعب ويـخـوان زينب يـالاطـايـب مـلـيـت مـابـيـاش اعـاتــب ومحد فزعلي مـن الگرايب بين الشماته ودمـعي سايل وضلوعي تكتب بالرسايـل وطـروش وديــت ابأصايل تحشم هـلي وكــل الكبايل وتصـيـح يشـيوخ الثكـايل زيـنـب مشـت فوك الهزايل والـشام لــكــاني بـهـلاهل والــوادم اتـــأشـــر عـلـيـه وتصـيح هـاي الـخـارجيه انـه الـعـقـيـلـه الهاشـمـيه بــت حـيـدر الـبـجه الثنيه وبت فاطمه الزهره الزجيه واخت الكمر حامي الحميه جـا ليـش بالـغـربـه سبـيـه علي الحاتمي #اللهم_عجل_لوليك_الفرج

#فصيـح ▪️في استشهاد الإمام الرضا (صلى الله عليه) (إذا رُمتَ النجاةَ فزُرْ) علياً ‏عنيتُ بهِ "الرِّضا" مَنْ حلَّ طوسَ ‏فإنَّ الجنَّةَ اشتاقتْ لعبدٍ ‏عليهِ العطرُ مِنْ قبرِ ابنِ موسى أنخْ عندَ الرؤوفِ رحالَ قلبٍ وبينَ رياضهِ فأطِلْ جلوسا لتُروى أيها الصادي بعَذْبٍ وترجعَ لا حزيناً ، لا يؤوسا وذَكِّرْ بالذي لاقاهُ مِمَّنْ بشرعِ الكفرِ قدْ فاقَ المَجُوسا فَدَتْ نفسي الرِّضا الراضي قضاءً تَحَمُّلُ عُشْرِهِ يُفْني النفوسا أيصبحُ في خراسانٍ طليقاً ولكنْ مثلَ مَنْ قاسى الحبوسا ؟! يُوَلَّى العهدَ وهْوَ وليُّ طَٰهَ فَيَا لَلَّهِ ما أدْهى الخسيسا ! إلى أنْ دَسَّ ذاكَ الرِّجْسُ سُمَّاً إليهِ قطَّعَ النَّفَسَ النفيسا فباتَ الطهرُ يجترعُ المنايا غريباً يرقبُ الولدَ الأنيسا بكيتُ على الجوادِ أتى إليهِ فهبَّ يبثُّهُ شوقاً رسيسا بكيتُ عليهِ يسحبهُ برفقٍ* يصبُّ لديهِ مدمعهُ جليسا ولكنْ هوَّنَ الأرزاءَ جَدٌّ ظميٌّ ذاقَ بالسيفِ الكؤوسا وبعد الموتِ أولادُ البغايا مع الأصحابِ علَّوْهُمْ رؤوسا جاءَ في الرواية الشريفة : ثمّ سحبه سحباً إلى فراشه، وأكبّ عليه محمّد بن عليّ عليه السلام يقبّله ويسارّه بشيء لم أفهمه. تمت بعناية الحجة (عجل الله فرجه) علي عسيلي العاملي #الإمام_الرضا #اللهم_عجل_لوليك_الفرج

#نعـي لأربعين مولاي الحسين عليه السلام بعد الحـــشا والعيــــن اجــــيتك يبــن امـــي لكــــــن ما لگــــيتك ادريك ميـــــــت بـــــس نخيـتك گــــــوم وتـــلگــاهـــــا اخيـــــتك طحت اعله گبرك من على النوگ كاتلني خويـه الشــوگ والســـوگ وصدري بحنينه اعليك مخــنوگ شلون الغرب بضعـــــونك تسوگ جيتك وشـــشكي هــواي هنــــه مـــن گــــد المعـــاين تــعـــــبنــه ونـــي النـــيـــــــاگ ولا تــــونــه اگـــعد ورجعنــه اعلــــــه اهلنــه لا تنـــشـــد وخــــــلــها خـــفيــه يحسيـــن ما جــــبنــه رقــــيـــه ماتـــت علــــيك بهضـــم هــــيـه بالـــشــام باگتــــــها المــــــنــــيه هــــنا يخــوتي يالصــــناديـــد وين المـــــحاچي والـــمواعيد طير انذبح يخـــواني ماهــيد فزعـــو وما شـــــــفنه هواديد بالـــروس اجــيناكم يالاحـــنان عطشان گلبي وشوفي عطشان محدبه بمشــيتي فاگده اخوان راح الــــــعلي خيمة وذره چان بيــــن المـــگابر گاعده اگعــــود وملخت گلبـــي وي الاخـــــدود نــــرجع لبيتـــــــك راح ونـــعود يا ريت كـــون ويانـه مــــوجود         عبد العليلـه ✍حيدر ابو كيان الفاطمي #اللهم_عجل_لوليك_الفرج

#نعـي رجوع الضعن يوم الأربعين مر أربعينك وآنه جيتك بلروحه و الجيه نعيتك مطرور گلبي منعتنيتك ياريت عميه من لگيتك ما تنگطع خويه المحنه هذا أربعينك رد شملنه ضعنه عگب عيناك ضعنه يا شيخه و يچبير أهلنه رديت و الدلال يثغب أختك ولا تعرفها زينب بدرب اليسر لجدام تتعب و العل هزل خويه يتعَذب رديتلك من شيب گلبي ليل و صبح يا خويه دربي يحبي الدمع للگاع يحبي يم گبرك و ينزاح تعبي رديت و الدلال مسعر هذا أربعينك ضهر يكسر جبت الدرب لعيون تنظر صوب الطفوف الما تقدر مهظومه يا مذبوح أختك ردتك تگوم بملگه ردتك تالي بگبر يا خويه شفتك من القهر يحسين صحتك من لشام أجالك بزر أمك خويه أشتكي من الضيم يمك أختك و أجيتك همي همك دم الدمع من طاح دمك من رحت عنك خويه لشام شدوا أدينه و شدوا أجدام عاگب شهر و العين متنام محروگ گلبي حرگة أخيام جيتي الك مو خوش جيه مشدود گلبي بحبل أديه من طلعوني بدم سبيه عگبك ولا حنوا عليه هذا الگلب مو زين حاله من ما حضه بخوه و كفاله ياهو الترك خدره و دلاله و مر أربعينه و توه جاله يحسين هذا الحال حالي هذا أربعينك شده بالي يا خويه كتلتني الليالي و منكم ولا واحد أجالي علي حسين الخفاجي #اللهم_عجل_لوليك_الفرج

#نعـي زيـنـب لــفـت مــن الـخـرابة وشـمـرت نفسها اعل الترابة جــيــتــك وگــبـرك تـاه بـابه حــضــنـك علـيَّ طـوّل غيابه عـنــدك عــلـم بـالـصار بـية ؟ صـارت عـقــيــلـتـكم سـبـيـة زيـنـب لفـتــلـك مـوش هـية جــيـتـك لـچّـنها اشلون جية جـيـتك يـبو اجـروح الوسيعة يـالـجـثّــتـك بـالـبـر صـريعـة يـحـسيـن يـا عـظـم الفجيعة وادم خــبــر ســبــيي تـذيـعه يـالــمـنــذبـح فــرّكـاك ذابــح كــل حــيـل عـد المسبي رايح يـالـطـايح انهض عمري طـايح جرحي اعله جرح الـمات نايح جـيـتـك يـمـن مرمرت حالي يـالـطـيـحـتـك سـلبت دلالي يــا غـالي مـوتـك هـاد غـالي كـــابـرت بـس حــزني يـلالي جـيتك وأثـر ضـربـات بـيدي بكل دمعة سوط يگلي هيدي هـضمة وحـگ اجروح گيدي مجـتوفة واعله الرمح حيدي جـيـتـك واريـد اشكي السباني يـسـبـني ردي ويــضربنـي ثاني مــا شــايــفــة الـراحـة ثـواني شـــام الــنــوايــب حـدّبــانـي جيتك واخاف احجي الجرعته يهضم حجي الشام السـمعته چـم مـرّة غـاد الـموت عشته ضيم السبي وضـيمك حملته جـيـتــك غــريــبة ابلا خدرها ذيج ال على التل كـف عمرها دار الـدهـر بـيــهــا وكـسـرهـا بـيـن الاجـانـب شــاع سـرهــا جـيـت بـألـم سـبـيي وطـريجه فــرگــاك شـبّ بـيــة حـريـجة مـهـضـومـة والخـوّة العـتيجة يــالـمـا حـلـت دونـك ولـيـجة ردّيــــت بــــس ابـــلا رقــيـــة راســـك ثـجــيـل اعـله الـسبية شــبـگـتـه ونامــت حـــدر فـيّه وفّــت الـشــوگ بـــعــمـر ديّـة جـيــتـك ومــدري ابـيـش اردّن لا خـــوّة لا لــعــيــون ضــلّـــن اضـلوعي بـذكـر طـاريـك يخوّن چــا ردّتـــي ابــلــيـاك الــمــن؟ كرار رحمن #اللهم_عجل_لوليك_الفرج

#نعـي لسان حال السيده زينب عليها السلام على قبر الحسين عليه السلام عند الاربعين يحسين زينب يمك اليوم انه الچنت لو طبلك اتگوم جايتك هسه وگلبي ملچوم مشتاگه اشوفن ذيچ الارسوم ما رايده احچي الصار بينه راسك يسولف عن سبينه چم سوگ طب اچم مدينه وچم مره راسك ضاربينه ماكو مره مثلي سبوهه ومچتوفه علهزل خذوهه الروسه يمها ايگربوهه وعلرمح ينطگ راس اخوهه مشتاگه خويه الذاك ملگاك مشتاگه اشبگك واحچي وياك مهدومه والهادمني فرگاك ياخويه مر كلشي بلياك يحسين اجت امدللاتك دور الگبر گعدن خواتك مو كل بناتك جايتك درب السبي خلص بناتك يمك نواعي بصوت مبحوح وكل ونه بينه اطلع الروح مثكوله كلها ابگلب مجروح واعظم مصيبه انته يمذبوح يمك نواعي الخويه وال اه وماعدنه بس ويلاه حسيناه انكظ الگبر وانسولف وياه هظم التحملنا بچيناه صار الي ما صار علبالي وي صدرك اطشر دلالي وللدار ارجع وي عيالي وشلون اطب والدار خالي فرغت بيوت الساده يحسين وببيوتهم بس النساوين وصوت النعي يفطر الحياطين ومن البچي ماتنشف العين الخادم علي الحميداوي #اللهم_عجل_لوليك_الفرج

#أبوذيـات البِجه والنوح يبن امي وجبلك دوه ولا ماي عندي آنه وجبلك كلت احضر كبل ذبحك واجبلك ذباحك سبكني وفتك بيه محد فزع يازينب وجع لي واحس امن العطش كلبي وجع لي يخويه امن الذبح ماحس وجع لي الوجع حسيته من رحتي سبيه يمحمد اخبرك وين بتنه ابخرابه وماتت إمن الهضم بتنه اجيت وخالي من الزلم بتنه زلمنه اتذبحت بالغاضريه السبي عالبال أبداً ماطريته ودمعي ادموم عالخد ماطريته انه حي الهواشم ماطريته اشلون السوك اطرنه سبيه ملا عاشور الصيداوي #اللهم_عجل_لوليك_الفرج

#نعـي وصلت كربله زينب وشمت ريحة اخوتها ودلتها اعلى ابو اليمة ريحة خوته دلتها حين الوصلت لكبره هوت من فوك ناكتها تكله امن شوكت صارت متكوم اتلگاني ــــــــــــــــــــــــــــــــــــــ صارت خويه من يمتى اجي وانت تضل نايم كوم وشوف ضيم اختك واتلگه البگه لهاشم گوم وياي ياخويه خل تشوفك الوادم اگلهم عندي فيّ إخوه اذا محروك صيواني ــــــــــــــــــــــــــــــــــــــ خذوني ميسرة يحسين وتدري بحال الميسر يغمض بالخرابة العين ويكعد على تراب البر والاكلف خذوها اختك لبلد يكره علي حيدر وجرحو خاطري خويه من عرفوني ياهي اني ــــــــــــــــــــــــــــــــــــــ من عرفوني ياهي انه وبتمن وانعرف اسمي حجي الشمات عذبني يا خويه وحرك دمي احترك دمي يبعد اختك من انجاب طاري امي اثاري الشام واهل الشام كلها لجيتي اتاني ــــــــــــــــــــــــــــــــــــــ عگب ما سولفت لحسين حنت لليفي الها والسجاد زتاها لعد عباس كافلها اجت وشلون اجت زينب يم كبر المدللها كالتله المدللها عگبك ضلت تعاني ــــــــــــــــــــــــــــــــــــــ اجيتك خويه يا عباس من اليسر تعبانه اجيتك يا اخو زينب على خوتك عطشانه وين اليمشي وي اجناب امن اليمشي اويه خوانه شيعوضك يبعد اختك يريحة هلي وخواني عبدالله الفريجي #اللهم_عجل_لوليك_الفرج

#نعـي مفجع 😭 رجوع الركب من الشام الى كربلاء وحال الفاطميات . على قبر الحسين (روحي فداه) : هوت عالگبر و المدمع تهله او تسولفله ابفجع زجر او خوله لفينه امن اليسر ليكم تـگله گوم انصب لعيالک امخيم سدرنه امن اليسر للغاضريه يخويه اضيوف عندک هالمسيه 😭 يبو السجاد اجیناک ابشچیه لبونه ایـزيد بالديوان شـتم يخويه هاي ما چانت على البال اطب المجلسه او بزنودي الحبال راسک بالطشت و تشوفه العـيال بيده العود و يوسم المبسم صاحت يلحرم گومن امشنه لعد اللي تچفلنه امن اهلنه نریده ایگوم و يردنه الوطنه او مثل ما جابنه بينه ايتوزم .على قبر العباس (روحي فداه) : زينب و الحرم كلهن تعنن الشاطي العلگمی او عالگبر گعدن گامن ونة الثكله يونن او حمام الدوح من عدهن تعلم يبو فاضل تصیح ابگلب مالوم لفينه امن اليسر يم گبرك اليوم شسولفلك يخويه اشسووا الگوم اعادي و العدو هـيهات يرحم یخویه اگعد يراعي العلم و الجود او شوف امتونه امن اسياطهم سود وشوف امن الحبال اشحال الازنود بگت لليوم مـنها ينضح الدم يخويه اگعد آوردنه الوطن جدنه حرم و ایتام مانسدر وحدنه اشنگله لليجي او عنک نشدنه ابو فاضل على الشاطي تخذم .على قبر علي الاكبر (روحي فداه): گامن من ابو فاضل للاكبر دارن عالگبر و النوح گبر تگله امه او گلبها ابنار يسعر ما تگعد يبعد الخال و العم يبني امن اليسر ليكم لفينه دگوم اوشوفنه ابيا حال اجينه تريد اظعونه اترد للمدينه يلكبر گوم للمشـه تولم .على قبر القاسم بن الحسن (روحي فداهم) : او عجن بالبچه اعليه الفواطم گامن من علي الاكبر الجاسم تگله امـه ينور العين نايم هظيمه اعلى الولد لو ذلة الام يجاسم يسر بالشامات چنه اولیک امن اليسر عود ظعنه نريد انروح يوليدي الوطنه او تبارینه نریدک یلمشيم .ام الرضيع (روحي فداهم) لفت تبچي الرباب الزين العباد تگله ويـن گبر ابني يسجاد ورم صدري على ابني و الوجع زاد او گلبي من كثر صبري تورم ارید اگعد عـلى گبره و انوحه و بفيض الدموع اغسل اجروحه بـلچن لو سمعني اتعود روحه او يعود الفرح ليه او يذهب الهم الشاعر المرحوم السيد عبد الحسين الشرع #اللهم_عجل_لوليك_الفرج

#نعـي اجويعدات احنه بعبينه ومربطات اثنين ادينه ويعاين الشامت علينه الله اكبر يالخرابة بيها گعدنه اعله الترابة آ يا سبينه ويا مصابه نسوان يهل الله انّهبنه ومن العرف محّد چهبنه وبسوطه حادينه رهبنه وين الوجوه الدللتنه متنه بديار الشام متنه شيوخ ونسه وصبيان اجتنه ها يال هاشم يا كلافة طالع ضعنكم يا حسافة وكل النظر بالكون شافه وين العرب وين اهل ابونه كون بدربنه ايجابلونه وهذا اليجرنه ايحاربونه محمد جبر الدراجي #اللهم_عجل_لوليك_الفرج

#نعـي ردت    لهلهه   ومالهه   اخوان وحسين وسفه  يضمه    تربان ويلي  الغريبه     تريد    وليان راية    كفيل    بدون    ذرعان بهداي    ممشى   الناگه   بهداي للطف  ضعنه  محمل     وجاي  وين   الحنين    وصاحب  الراي يگعد  يساعدني  اعله      بلواي فوگ  الهزل   والنوح    بسكوت ما  ينسمع   ما   يطلع   الصوت بعد  الحسين شتسوى   البيوت من  بعده  كون  الواحد   يموت هذا     التراب     البيه     محنه يم     الگبر      بالطف    گعدنه يا  خويه   ظل   فارغ     ضعنه يحسين     متردنه      الوطنه ؟ شميت   گبرك    والوجع    هاد مثل   النفس    يا رايح     وراد  يا  اغلى  مني   ومن     الاولاد ياهو   اليگول   النوح   ما   فاد موش اوليه   ام  عون   يحسين كبرني   درب    الشام     عمرين ثاري     الفراگ    يخرب    العين بعدين     بس   الموت     بعدين ودوني     يم   الكافل    الحيد گلوله    ردت    چانت      بعيد ارد  ابچي  يمه  وكلشي ماريد خلصت  بعد   يبن     الاجاويد كلمات الخادم  / رعد الفريجي ثوابها الى روح والدتي #اللهم_عجل_لوليك_الفرج

#نعـي للاربعين بدرب السبي وذكر بخوتي تمنيت ذاك اليوم موتي حيره وخفت ينسمع صوتي يحسين بلوه انه بلوتي جبت الدرب كله انه اهم بيك ودموع تهمل ويه طاريك مدفون خويه شلون اخليك تمنيت تكعدلي واحاجيك تمنيت لو تكعد يوالي وتشوف اجيتك هذ حالي مو زينب تبدل دلالي بلظيم وبسود اليالي شفت التعب من فاركتكم وغصبن علي ما ودعتكم تدرون هسه شلون اختكم مسبيه من راحت وجتكم ابو سلام الجابري #اللهم_عجل_لوليك_الفرج

#نعـي عـبـاس اجـيـتـك والـگلـب نـار يمـك اسولف واشتكـي الـصـار عـوف الـتـرب واگـعـد يـمغـوار مـلـگـاك اريـده وشوگك الـحـار يـامـن ابـوك الـحـامـي لـلـجـار اگـعـد يخويـه احسبني خـطـار جـبـت الـحــرم بـدمـوع مـدرار اتـريـدك تـردهن الازض ألـديـار بظـرب الاعادي عـنـدك أخـبـار اليـوم اجـيـتـك جـبـت الـزغـار بــمـتـونـهــم لـچــمــات وآ ثـار تـدري بـغيابـك هـالـوگـت جـار وتدري العقيله اجروحـه اكـبـار لتمشي سبيه اشتحچي تـحتـار ✍الشاعر رعد الجريخي #اللهم_عجل_لوليك_الفرج

#أبوذيـات شاطي العلگمي ابدمعي ... كسرته او گلب الناگه من وني .... كسرته عَلَي فَيّ ابعباتك ما ........ كسرته ولا اتلگيتني او هلّيت بيّه... اجدامي الشوگ يبن امي ... يراهن اعله گبرك والمدامع دم ..... يراهن اعله متني آثآر لو گلبك .... يراهن نحيب الثكله چا تنحب عليه ... أعيوني امن البواچي اعليك ... مالان او گلب الحادي ابد يحسين ... ما لان اجيتك شاچيه امن احمول ... مالن وآنه امن الحبل توجعني أديه ... وحگك ما جرت لاحد ... محنّه نوم الليل من عيني .... محنّه اجيتك رايده أشبع ...... محنه لگيتك بل اگبور أشلون بيه ... مِعسره أوياي ابد ما شفت ... يسره ابيمنتي اتستر . او للشگف ... يسره مو بيدي بطيت اعليك ....... اسرى چنت بل شام تتفرج عليه ... أنا الما والد اوياها .... ولا امها الشمر حاديها وابسوطه .. ولمها آنه زينبك دگعد ........ ولمها أسويعه ارجوك خل نگعد سويه أبو فاطمة الطائي #اللهم_عجل_لوليك_الفرج