قصائد الإمام الحسن (المجتبى) ع

٣٨٨- عزاء في خربة الشام هاي زينب جمّعت كل النساء وبالخرابه للحسن سوّت عزاء ــــــــــــــــــــــــــــ شلون اخت ياناس لخوتهه وِفَت جروحهه بفگد الحسن لا ماشِفَت امصيبته بذيچ الخرابه صادِفَت وعزه نصبت اله من باب الوفاء ــــــــــــــــــــــــــــ شام واحبال وخرابه ابلا مقر وصادف ابذاك الوكت سابع صفر تنوح ظلت عالذي چبده انفطر فوگ محنتهه ودواهي كربلاء ــــــــــــــــــــــــــــ چانت اتجدّد عزاء امصيبته وبالمدينه حسين چان واخوته کل سنه بديوانه تحضر شيعته ويصرخ الناعي الكريم الكُرماء ــــــــــــــــــــــــــــ مختلف مجلس عزاها هالسنه لا اخوان العدهه لا هي امأمّنه روس اهلهه امعلّگه بروس القّنَه وخلّصت ايامهه اتراب ودماء ــــــــــــــــــــــــــــ حزن زينب ماله بالوادم نظير والحسن عامود خيمتهه الچبیر یدري جسم حسين ملموم بحصير جسم عاري لا عمامه ولا رداء ــــــــــــــــــــــــــــ چان ابو فاضل ینوح اعله الحسن ويذكر اجنازته ونبلات الفتن عالنهر ظل وچفوفه اتگطعن والسهم صك عينه وانهد اللواء ــــــــــــــــــــــــــــ گابلت رمله وبچت اکثر بعد وبالدمع ذكرن الوالد والولد تگلهه نوحي مثلي يالمالچ احد الحسن يستاهل الدمعه والبكاء ــــــــــــــــــــــــــــ فراس المحمداوي ٧ صفر ١٤٤٨ هـ

أقرأ بالتوراة وأنجيل الزمن أعظم الآيات آيات الحسن ....... لا يقل عن أبو اليمه بالشأن أترعرعو واتربو ابنفس الحضن إبكربلاء هم عنده مستشهد ابن وعنده زوجه اتسلبت وي الضعن ........ بالشجاعه المجتبى هم لافته طابر الطابر علي وشگ هامته ريشه من جبريل حط أبخوذته وداس بأرض النهروان إشگد فتن ........ بالعلم بثه مباشر من علي وأبخطب نهج البلاغه ممتلي إبن مصحف فاطمه وثاني ولي والمسائل كلهه يمه استسلمن ....... بالكرم لو حاتم الطائي انعرف سفرة ابن الزهره من طرف الطرف إمن المدينه يمكن إتطــــخ بالنجف وتغرگ إبصينيته جياع الزمن ......... يدري باچر زينب إتظل بالظلام چان گبل الطــف يخيط بالخيام درع سوه للحسين إمن السهام وگله اسف راح تبقه ابلا چفن ...... إمعاويه الطاغي إستخف إبحرمته وجعده بنت الاشعث اللي سمته بالنبل مــــــروان زف اجنـــازته والبقيع إمن البچي إعيونه عمن الشاعر محمد الجماسي

٣٨٧- بين الحسن والحسين صلوات الله عليهم يحسين اذكرك ٠٠ بالطفوف وضيمه تبچي عليه وابچي لجل امصابك بالطفوف وضيمه ـــــــــــــــــــــــــــــ آنه الحسن وعيوني تمطر عبرات وماتعن اوجاعي مسموم چبدي وهذا عيد الشمّات من يصيح الناعي يحسين واتجدّد عليه اللوعات من يصير اوداعي حزني المصابك ٠٠ الله كون ايديمه مامثل يومك تگضي كل احبابك بالطفوف وضيمه ـــــــــــــــــــــــــــــ صابت چبدتي جُعده بنت الاشعث الله لا ينطيها يحسين باچر منهه تلگه الاخبث وچبدتك يرميها من ظهرك ايطلعون سهم امثلث وللچبد فاريها چبدك وگلبك ٠٠ بالسهم تقسيمه وصواب چبدي مايصل لصوابك بالطفوف وضيمه ـــــــــــــــــــــــــــــ لو متت ياخويه تغسلني بماي والچفن هم حاضر بالسم متت لا ذبح لا من اضماي ولا جتني العساكر غسلك بدمك تختلف انته بهاي واتدوسك حوافر تطحن اضوعك ٠٠ خويه خيل الجيمه تنادي العقيله ومايجيهه اجوابك بالطفوف وضيمه ـــــــــــــــــــــــــــــ لمن تشيل النعش گلبك حساس اصبر عالفجيعه هاليوم اخوتي كلهه غيره ونوماس ومامونه الوديعه باچر تظل اوحيد لمّن عباس يوگع عالشريعه گلوب الشماته ٠٠ لا رحم لا شیمه حتى الرضيع اتحسبه هم بحسابك بالطفوف وضيمه ـــــــــــــــــــــــــــــ يحسين هاي العايله وهذا الدار والحرم محروسه باچر شلون اخیامك اتشبهه النار وبالجمر متروسه اطفال هذا الحافي بتراب الحار وهذا خيل اتدوسه كلهم حيارى ٠٠ ويركضون بهيمه والنار تصعد للسمه من اطنابك بالطفوف وضيمه ـــــــــــــــــــــــــــــ من يخلص السابع صفر عندك حيل تسهر وي العيله زينب بليل الحادي لو جاهه الليل تسهر اصعب ليله وتظل وحيده وكل اهلها امچاتیل والفرگه ثجيله عيلة محمد ٠٠ لا ستر لا خيمه ياخويه وايروح الشمل بغيابك ـــــــــــــــــــــــــــــ انچان راید ذكره للطف هناك وتستريح بذكري هاك اخذ جاسم للحرب خويه وياك هوّه ابني وذخري لمّن يطيح وتجري دمعة عيناك تشفه لوعة صدري عرس الشهاده ٠٠ وهذا سر تكريمه وصيته كون الدم يصير اخضابك بالطفوف وضيمه ـــــــــــــــــــــــــــــ فراس المحمداوي ٢٥ محرم ١٤٤٨ هـ

مولاي مولاي  مولاي الحسن اعله الحسن هاليوم ونهل الدمع بيك يا مولاي  الحسين انفجع نزلت دموعه تهل مثل الشمع حسين الله يعينه    دمه تهمل عينه مولاي مولاي  مولاي الحسن بيا ذنب مسموم مولاي الحسن عيون زينب من دمه لجلك بجن بأل هاشم هالمسه حل الحزن حسين بالهم ناده راح شيخ الساده مولاي مولاي مولاي الحسن نهدم ركن الدين ويلي بطيحتك اعليك بالأحزان ناحت شيعتك يمته يا مولاي وترف رايتك يمته ونزور البقيع انت مولاي الشفيع مولاي مولاي مولاي الحسن سيدي بيايوم يم گبرك نطوف يمته نبني الگبر والگبه نشوف يمته ونشاهد ظريحك كالطفوف ننتظر عصر الظهور يمته ولگبرك نزور مولاي مولاي مولاي الحسن بيو محمد سيدي يبن الطهر يمته ونزورك الك نبني الگبر نسوي گبرك مثل عباس الگمر الگلب زاد احزانه اعليك يا مولانه مولاي مولاي مولاي الحسن الشاعر ل اسعد الناصري https://telegram.me/aabas78 قصائد لكل ايام محرم اشترك بالقناة

گعديه  (عن استشهاد كريم اهل البيت الامام الحسن المجتبى عليه السلام ) ليش الخلگ يابوالكرم    ماانصفوا حالك الطعنوك مولاي الحسن والنهبوا ارحالك شفت الاعاجيب     يامعدن الطيب ماانصفوا حالك ★★★★★ جهلوا اسرار الامامة  اصحاب الافكار الهزيله عوسج وسعدان صاروا رفظوا اورود الخميله نكروا وجهلوا مقامك      وانته للباري وسيله يلماردت واحد يظل غرگان ببحور الجهل شگد حاولت وبلاملل     دغش لكن واهل حيله ياسيدي يلمجتبى      الغايات معروفه شماظموا  ابليل الغدر  بالنور مكشوفه والغايه تسليب     يامعدن الطيب ماانصفوا حالك ★★★★★ عالمك طيب وتسامح ماكسرت ابيوم خاطر ياظميرك من يعرفه  الفحم وين من الجواهر ماتريد ابعيشه ضنكه الناس لومر بيها  باچر يبن الزچيه اتوقعت حنوا على ذاك الوكت لهذا السبب ماقصرت     خاطبت كل الظماير أفعال من طه وعلي. يلملتزم  بيها يلجملتها ابحكمتك  للناس تهديها لوباچر اتغيب     يامعدن الطيب ماانصفوا حالك ★★★★★ ياسبط احمد ونوره وسطوته ومنبعه الصافي ياكريم العتره تعجز  توصفك سيل  القوافي شقدمت من ذنب حته قابلوك  بهلتجافي متحجرة ابواب الفهم تريد الشرايع تنهدم ظاهر حقدهم علعلم  وبيّنت كل الخوافي جان الهدف ياسيدي  من مايقدمونك يتقدم المايستحق    لمن ياخرونك والقصد تخريب   يامعدن الطيب ماانصفوا حالك ★★★★★ مايفهمون الرساله     ولايعرفون باهلها الناس من تطلب هواها هذا  ناتج عن جهلها اطماع وقتيه  وتخلص  تنتهي ويبقه فشلها ماحكمّوا راي وعقل درب الجهل عدهم سهل ماميزوا وين العدل  وياهو كل شدّه يحلها وين اليثمنك سيدي   وين اليميزونك لوميزوا حتما  تره     لامايضيعونك ابكثر المطاليب     يامعدن الطيب ماانصفوا حالك ★★★★★ مو ضعف من صالحتهم  واحسمت هاي القضيه عن درايه وعزم ثابت     تحفظ أرواح البريه ياوفي للدوم دينك        هاي وادم مو وفيه ياجبل  عزمك ماضعف چم معترض ضدك وگف ماميزوا تالي اسف   للجهل صاروا ضحيه العارضوا حيدر گبل   عارضوا افعالك وإلي على حيدر جره   يردون يجرالك جرحك فلا ايطيب    يامعدن الطيب ماانصفوا حالك الشاعر حسن لعيبي الحريشاوي

ويحسين هاي عمامته ***** بطشت الذهب جبد الحسن. ويبن امي فركنه الزمن. وعيوني بوداعه انعمن. وهد حيلي اخوي بروحته *** خليته فوگ المغتسل ودمعك يبو اليمه همل شسوي وعضيدك رحل وجعده بحقدها سمته * للحسن تسعر جمرتي وياخويه عاين حالتي ياهو ينشف دمعتي وشيطفي نار امصيبته ** ما ينحمل فكد الاخو وخويه اليشد ضهرك منو ياهو اليرد عنه العدو وهاجت جروحي بفركته ***** كلبي انكسر وكت الدفن وشيبت من كثر الحزن الفكد الحسن كل ساع اون وبجه الكاع اجنازته *** لمصابه تنحب فاطمه والنعش بسهام انرمه وضلت تون اهل السمه والنبي ناح الغربته * راح الاعز امن الهوه وما ظن بعد نگعد سوه والجرحي ما يرهم دوه يالنزليته بحفرته *** ابابه اليتامه اتجمعت ولمصاب واليها بجت وما تنطب الدار اصبحت وننحب كعدنه بحجرته *** تمت تحسين الخفاجي

نعي للحسن **** شفت حسين ون وبكلبه حسرات وذب عمامته وصاح الحسن مات وكلهن ركضن النعشه الحنينات حرامات الاخو يرحل حرامات اعاين بالحسن كامو يغسلون وفوك الخد يصب ضل دمع العيون بخوي الناس اشوفنهم يشيعون وبالجناز اصيحن خل يتانون جا ليش النعش بسهام يرموه ورفضو يم كبر جده يدفنوه التراب اعله الحسن ضلو يهيلوه وكوه حسين من الكبر شالوه الك ماتم بنص الكلب ينصب ودمعي اعليك طول الوكت ينصب نعشك يالحسن بسهام ينصب انكسر كلب السمه بهاي المسيه البشر ينبذل لو بالمال ساموه الحسن باب الكرم والجود سموه اهل الحقد جبده اشلون سموه وبجتله افجعو سيد البريه الحسن بالكون ما نلكه شباها وهاي الناس ما تنصف شباها الظالم بالكلب ناره شباها وضل ايلوج ابن حامي الحميه الشاعر تحسين الخفاجي

بالسم خويه اتكطع جبدك يارجواي وشيصبر زينب من بعدك يا رجواي عگبك وحشه الدار شوف بحالي اشصار ياخويه ******** عكبك يالحسن ماريدن ايامي انته احلامي خويه وراحت احلامي انه حسين اخوك الحاير الضامي شفت زينب تون وتبجي كدامي من السم يخويه اتلوج. وتغير يالحسن لونك عيوني ما يمرها النوم. من تغمض عيونك ما اكدر خويه انضر طشتك يارجواي وتسولف بدموعك شفتك يا رجواي انحب ليل انهار شوف بحالي اشصار ياخويه **** زينب ناحت وتسمع بواجيها امن ادفنك يالحسن گلي اشيضل بيها ما تحمل غيابك لحضه تدريها الدنيا اخلافك اشرايح تراويها تعاين عالنعش وتكول. وحدي لا تخليني هجرك يالحسن لو طال. يذبحني وياذيني راحت وياك الحنيه يارجواي وزينب تنتضرك يوميه يارجواي مكطوعه الأخبار شوف بحالي اشصار يا خويه ****** جدمي يالحسن بالگوه انگلنه ودمعي اعليك كل غروب اهلنه تفاركنه بعد ونگطعت الضنه وانه وياك روحين بجسد جنه ابد ما حسبيت اتروح. وفوگ امتوني اشيلنك يالمفارك اخوك اشلون حدر الكاع ادفننك من غمضت عينك يالغالي يا رجواي حال الميت اصبح حالي يا رجواي حركت صدري النار شوف بحالي اشصار ياخويه **** غيابك يالحسن تارك جرح بيه واخوك حسين ما يكطع بواجيه شمعة عمري هاي الليله مطفيه هموم الدنيه كلها التمت اعليه ردتك تنضر جروحي. وبجفوفك تداويني غير انه اخوك حسين جا هيجي تبجيني رادت حكها اليوم الخوه يا رجواي ودنياي بدونك ما تسوه يا رجواي ما ضلت أفكار شوف بحالي اشصار يا خويه ******** ليش ابدال نعشك ما يحملونه كامو يالحسن بسهام يرمونه عكبك جم يتيم الهلت عيونه وليش حسين من عندك يحرمونه مظلوم وعذابك زاد. شفت الناس مو ناسك وبديها لو يصح هالناس. هسه اتهوس براسك مسموم وكلهم يدرونك يا رجواي بسهام اشلون ايرامونك يا رجواي وانته ابن الكرار شوف بحالي اشصار يا خويه ****** تمت تحسين الخفاجي

ياأمير الجود لاستشهاد الامام الحسن المجتبى عليه السلام (وزن المثلث ثلث ارباع الشيعتي) ياامير الجود        يلعامر مضيفه شگد شفت لوعات من اهل السقيفه محن من بعد المحن شفت مولاي الحسن     شگد شفت لوعات  من اهل السقيفه ★★★★★ من خصال المصطفى ومن عزم حيدر ياهو يگدر يلوي عزمك ياهو يكدر ومنهو مثلك     بالفخر لوراد يفخر انته.  من بيت البلاغه    وابن منبر صاحب الايد الكريمه والشهامه   يلتريد الخير للناس وسلامه شكثر من ظلم الزمن شفت مولاي الحسن               شگد شفت لوعات  من اهل السقيفه ★★★★★ اعرفت اشرار النفوس ومحتواها فوتت علراد.      فرصه  ومالگاها صالحت عن قوة وايمان.  ونباهه اشگابل  من ايمانك الجاك وتباهه ماصدر منك ذنب      ويه الرعيه   بس طمع علدنيا ماعدهم قضيه جروح من اهل الفتن شفت مولاي الحسن               شگد شفت لوعات   من اهل السقيفه ★★★★★ فوضى رادوها الحياة      بلانهايه وسعوا ينهون.   الظميرمن البدايه شلون تتساوه الظلاله وي الهدايه بلافقاهة ودين.    لاحكمه ودرايه يامذل المؤمنين.    شلون چلمه   گالوا وانته اصطفاك الباري رحمه غربه مابيها وطن   شفت مولاي الحسن       شگد شفت لوعات  من اهل السقيفه ★★★★★ صالحت عن قوه موضعف ومذله رغم كلمن  خضع.   للمال  وتخلّه مهدّت وبعزم.       للاسلام  دوله حسين دربك بالصبر باچر يكمله ماتميل الشجره ابد ثابت اصلها  طاح كل عاصف حقد لمن وصلها هموم عنك ماجزن شفت مولاي الحسن       شگد شفت  لوعات  من اهل السقيفه ★★★★★ نار گلب حسين       بالحسره تفطّرّ بالسهام العارضت.       نعشك تحير ناس يدريها دغش    متحزمه بالشر احقاد من يوم السقيفه لهسه تسعر استنكروا تندفن يم طه وحضرته   للبقيع حسين.   رد بيك ابحسرته سهام للشر ماخطن شفت مولاي الحسن    شگد شفت  لوعات  من اهل السقيفه الشاعر حسن لعيبي الحريشاوي

لاستشهاد الامام الحسن المجتبى عليه السلام بين الحرب والصلح   شايل عذاب وجرح تحمل عذاب والم.  لأجل الشرف والقيم شايل عذاب وجرح ★★★★★ من طه شايل طبع  للناس رايد نفع والخير ماينگطع    وشر العدو يندفع ماگلت للشر نعم لأجل الشرف والقيم شايل عذاب وجرح ★★★★★ ابن الشمس والبدر. اگباله الصبر ينكسر ماهاب شده و عسر  ولاراد منهم اجر عنده المهم والأهم.  لأجل الشرف والقيم شايل عذاب وجرح ★★★★★ ماجامل اليعترض  والي اجاه ابرفض ايريد يحيي الفرض وللناس دم ينحفظ هلحال لمن رهم.  لأجل الشرف والقيم شايل عذاب وجرح ★★★★★ يانور من الازل  سيفك غضب لونزل بالنهروان اشعمل   ماخله  الهم بطل بالدنيا سيف وكرم لأجل الشرف والقيم شايل عذاب وجرح ★★★★★ هلحال والله عجب  طعنوك طعنة غضب رحلك حسافه انسلب من الماله اصل وحسب عمرك إبسم أنختم لأجل الشرف والقيم شايل عذاب وجرح الشاعر حسن لعيبي الحريشاوي

لاستشهاد الإمام الحسن المجتبى عليه السلام ( ميمر) اه يلحسن.    بعد الفتن مرت عليك. اشگد محن شعندك ذنب وَيَّه الناس.  يوم الأجت طَلَّابِه ★★★★★ جتك  نوايب شرد اسولف عنها شاب الگلب وچلاك ذابت منها يبن الأمين     الناس. لتأمنها شوف الجمع.   ماظن ربع الخانوا  علي.  نفس الطبع وچن وكت طه المختار امغلَّفه گلوب أصحابه ★★★★★ للسلم عن غايه العدو قاصدها اگلوب مشبوهه ومطامع. عدها چاگالوا أنته.   للحرب. رايدها اهل البدع     گالوا طلع للغانمه.    ولأجل الطمع العهد الظلاله يحنون  من غلق جدك بابه ★★★★★ شگد ناس زلت وانت التسامحها الدرب الهدايه والعدل ناصحها بصلحك الوادم من ردت صالحها تريد البشر.      تاخذ حذر من الفتن.     أصل الخطر ومجروح شفت الاسلام.  لازم تضمد اصوابه ★★★★★ فگدك صعب يهظم گلوب العتره كسر الصعب ماظن زمان يجبره مكسور تدري حسين بعدك ظهره الدارك  يطب عينه تصب ماتنطفي.        نار الگلب ياساعه يغفه ويرتاح. اليدفن اعز احبابه ★★★★★ يمطر حزن گلب العقيلة غَيَّمْ تفرهد شملها شلون بعدك يلتم دنيه صفت بس نايبات وبس هم ام الحزن.      لجلك تون الذاك الربه.  تبچي وتحن تندب يبن حامي الجار.  اه يلحسن ومصابه الشاعر حسن لعيبي الحريشاوي

قصائد استشهاد الامام الحسن المجتبى عليه السلام كعدة محفور بذاكرة العالم اسمك يا مظلوم انت النوّر شمعة آدم اسمك يا مظلوم منهاجك يل حسن خالد رغم الزمن اسمك يا مظلوم ............ رابع اسماء الجلالة الزيِنَت عرش الله واللوح النوِّرَت خطوات آدم واستقر بيها فلك نوح للسمه أسرار صارت للأرض أوتاد وصروح اسمك الثاني للحجج رابع لأبواب الفرج واللي سِلَك دربك عِرج عن الدنيا لعالم الروح سر هذا الكون وانواره اسمك يا مظلوم يقود الافلاك الدواره اسمك يا مظلوم بيك السر مؤتمن خالد رغم الزمن اسمك يا مظلوم ------------- 1 نورك البي خلَص آدم واهتده بأقدس تراتيل من صلب آدم لحوّه روح صار بجسد هابيل لچن زل خصمه وتهاوه من ترك منهجك قابيل باسمك ابراهيم افتخر اسماعيل عالشده صُبر ويوسف على البير انتصر من لگاك بنبض راحيل يالناصر داوود وموسى اسمك يا مظلوم يالحافظ إلياس وعيسى اسمك يا مظلوم وايوب اعلى المحن خالد رغم الزمن اسمك يا مظلوم -------------- 2 اسمك اللي كشف ذاك الانحراف بذات إبليس خلّص من الحوت يونس رفع للجنات إدريس وگبُل رمشة طرف عين الملَك أحضر عرش بلقيس الما عرف نهجك ما عرف كلشي وعن الحق انحرف وجدّك الهادي ما وصف شخصك الا بأجل تقديس ما عافك دوم اعلى لسانه اسمك يا مظلوم لكل مؤمن واضح تبيانه اسمك يا مظلوم بصوت الهادي انعلن خالد رغم الزمن اسمك يا مظلوم ------------ 3 جدك المختار چان يصيح ويركز البرهان الحسن وحسين (إنْ قاما وإنْ قَعَدا إمامان) الحسن مني وآنه منه وِجْعلك توأم القرآن وتعادله بنفس الثقل واثنينكم من فد أصل بغيرك ابد ما يعتدل للعدل والخير ميزان بكل خطبه يعيده ويتكرر اسمك يا مظلوم راد بهذا الحب يتصدر اسمك يا مظلوم يل حطّمت الوثن خالد رغم الزمن اسمك يا مظلوم ----------- 4 هاي ذره من كيانك هاي من جدك براهين كلها ما قنعت الامة وضيّعَت كل الموازين لون جدك چان حاضر اينصرك بكل الميادين سلمٌ الى من سالمك حرب لكل من خاصمك قدّسك ، نزّه عالمك يا عطر جنة الرياحين للمختار انت الريحانه اسمك يا مظلوم واليطفي جروحه واحزانه اسمك يا مظلوم بضعة جنة عدن خالد رغم الزمن اسمك يا مظلوم ----------- 5 ابو الزهره راد اجره يكون ود الامه وياك خسرَت اول اختبار وباعتك يالحسن لعداك بالحرب عافتك وحدك بالصلح كرهت وصاياك ومن گبُل ما يطلع فجر ونار الخيانه تستعر ابرجلك نزل خنجر غدر والاثر ما فارگ حشاك مكتوبه حروفه اعلى الخنجر اسمك يا مظلوم ثابت عالحگ ما يتغير اسمك يا مظلوم حاشه يصيبك وهن خالد رغم الزمن اسمك يا مظلوم ------------- 6 الخنجر المسموم جرحه يهون يم جرح الخيانات سمّموا چبدك الطاهر من بعد ذيچ العذابات بالطشت چبدك قذفته وللاجل بانت علامات ما كفّه بالسم تنچتل جثّتك صابوهه بنبل حرموك من سيد الرسل وللحقد رفرفت رايات ام الغي تشوف وتنكر اسمك يا مظلوم يم جدك ما رادت تذكر اسمك يا مظلوم وانت بهاي الفتن خالد رغم الزمن اسمك يا مظلوم -------------- 7 عقيل الكاظمي

قصيدة عگيلي في الإمام الحسن ع🏴✍️ مسموم اولِيِــدچ يالزهـرة **** بـــأول أولادچ فجـعـــــــوكــــم كُفـــــار ومــــا يحتــــرمـوكـــم يالـــزهــرة الهســه يكرهوكـــم الله يلعـــــن هـــــاي الــزمــــرة * لا دِيـــــن ولا عدهـــــم ذمــــة مــا وآفتكــــــم هــــاي الأُمــــة شمســوي اوليـــدچ وتســمــه چــم جمعــة القـــائــم ننتظــرة * رايـــد يصــلحــها ويهــديهــــا هيــه تكرهـــا؟ ويبچـي اعليهـا الله يلـــعنهـــــا ويخــــزيــهـــا لسـه الشيعـــي الـــزارة تكـَفـرةَ * لــولاكــم مـــا ظلـــت كعبــــة ومحــد يعــرف دِينــه وربـــه تالـــي ابنــچ يتسَـمَــم كَلبــــه لـو ينــزل جبريــــل تغــــدرة؟ * الله يلعــن كــــل سُفيـــانــــي إرهابـــي ومُجـــرم شَيطــاني ذلهـــا الباليستــي الإيــرانـــي إدعــي اِلرَبـــچ الله ينُصـــــرة * شكَــد كرهونــه شكَد ذبحونه حتـى مــن العتــرة يبعــدونــة تالي الشيعــي يــزود جنُــونة ومنهـــم يالزهــــرة الله تبـــرة * إسلاميـش الينطـــي بعرضــه؟ وللأمريكــــي يسَـــــلم أرضـه نحبكــم غصبـــاً عالمــا يرضه اوي مَهديكم نبنـــي الحضـــرة * بـداعـــة چبـــد إبنــچ وآلامــه سَجلينـــه مـروتـــچ خِدامـــــة الشيعـــي يخَلُـــص كـل أيامـــة يكتـــب لــــو يخـــدم لــو يقــرة * نتـنــــفس حبكــــم يــوميـــــــة شننطيكـــم يالزهــــرة شويـــة يلعـــــن الله الــــــوهـــــابيـــــة چـــم معصـــوم امهَــــدم كَبـــرة * حبــكـــم للمحشــــر ويــــانــــه هنــاك حسينــــچ مــا ينســــانه عاشـــــوراء شكَــــد بچــــانـــه على ابنچ يوم الكَطعــــو نحــــرة * حيدر حسين الكَرعاوي✍️ https://telegram.me/aabas78 قصائد لكل ايام محرم اشترك بالقناة

لاستشهاد الإمام الحسن المجتبى عليه السلام ( ميمر) اه يلحسن.    بعد الفتن مرت عليك. اشگد محن شعندك ذنب وَيَّه الناس.  يوم الأجت طَلَّابِه ★★★★★ جتك  نوايب شرد اسولف عنها شاب الگلب وچلاك ذابت منها يبن الأمين     الناس. لتأمنها شوف الجمع.   ماظن ربع الخانوا  علي.  نفس الطبع وچن وكت طه المختار امغلَّفه گلوب أصحابه ★★★★★ للسلم عن غايه العدو قاصدها اگلوب مشبوهه ومطامع. عدها چاگالوا أنته.   للحرب. رايدها اهل البدع     گالوا طلع للغانمه.    ولأجل الطمع العهد الظلاله يحنون  من غلق جدك بابه ★★★★★ شگد ناس زلت وانت التسامحها الدرب الهدايه والعدل ناصحها بصلحك الوادم من ردت صالحها تريد البشر.      تاخذ حذر من الفتن.     أصل الخطر ومجروح شفت الاسلام.  لازم تضمد اصوابه ★★★★★ فگدك صعب يهظم گلوب العتره كسر الصعب ماظن زمان يجبره مكسور تدري حسين بعدك ظهره الدارك  يطب عينه تصب ماتنطفي.        نار الگلب ياساعه يغفه ويرتاح. اليدفن اعز احبابه ★★★★★ يمطر حزن گلب العقيلة غَيَّمْ تفرهد شملها شلون بعدك يلتم دنيه صفت بس نايبات وبس هم ام الحزن.      لجلك تون الذاك الربه.  تبچي وتحن تندب يبن حامي الجار.  اه يلحسن ومصابه الشاعر حسن لعيبي الحريشاوي

مناقب للحسن مصعوب عدها ونفسيته النبي   للشدد عدها مثل المجتبى  ياگوم عدها حيدر والده   وامه الزچيه الشاعر حسن لعيبي الحريشاوي

شهادة كريم اهل البيت الحسن ع رسول الله الحسن مولاي سمّاك انت وبـــس الـه الكــــون ساماك بحقد ابن الشرك بالــدين سمّاك وعلى اهل الدين عظمت هلرزيّه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ✍️عباس مالك العفريت #٧صفر نسألكم الدعاء

١٣٠٨- فقد الامام الحسن عليه السلام صَفــر من راح اخونه منحسنّه وسگف عالبیت عگبه منحسنّه چــــــــان الخیر کله من حسنّه وراح الخیر لمّن غــــــاب ضیّه ✍ فراس المحمداوي

٣٨٦- صلح الامام الحسن عليه السلام عالي مجدك يامُعز المؤمنين يالحسن والخالفك ماله يقين ـــــــــــــــــــــــــــــ أول اسباط الرسول المصطفه ساجد اگبالك مُحيط المعرفه منهو مثلك چان ثابت موقفه بالسياسه مثل امام المتقين ـــــــــــــــــــــــــــــ سيرتك يالحسن لمّن تنفتح لابد انعرّج عله إبرام الصلح ردت للدين الغنيمه والربح وهمّه رادو حُكم دولة فاسقين ـــــــــــــــــــــــــــــ موقفك معيار قانون السماء يامن بصلحك ردت حقن الدماء الناس مافهمتك رجعت بالولاء والبعض راح بجيوش الظالمين ـــــــــــــــــــــــــــــ مثل ما صالح بني ضُمره الرسول الك اسوه بجدّك وعندك حلول ضُمره كفرت بالكتاب وبالنزول وذول بالتأويل چانو کافرین ـــــــــــــــــــــــــــــ يالحسن من چنت عازم عالقتال شفت اصحابك ضعيفه بالنزال شلون اذا چان الأساس من الرمال حتماً الناتج وضعهم مو امين ـــــــــــــــــــــــــــــ الصلح مو خوف بل خطوة امان والحرب والسيف مو في كل زمان اهم شي للدين تنطيه الضمان وانت اولى بدين سيد المرسلين ـــــــــــــــــــــــــــــ نعم لو چانت حرب شنهو ایحصِل؟ ابرز اصحابك الخلّص تنقتل والبعض بالريح ينهز ويذل والرخيص ايصير بأسعار الثمين ـــــــــــــــــــــــــــــ والله لوما صِلحك الاهل البغض مابقه شيعي على وجه الارض يالحسن امرك فرض نهيك فرض وخاسر الچان بحكمتك يستهين ـــــــــــــــــــــــــــــ باچر انصار الحسين بكربله اتحرّر الاسلام وترجعه الهله وفوگ كل گبه ومناره بسمله والاجيال اتردد بفتحه المبين ـــــــــــــــــــــــــــــ فراس المحمداوي ٢٥ محرم ١٤٤٨ هـ

٣٨٥- ثار الامام الحسن عليه السلام ماناسي ثارك والله ٠٠ صبح ومسيه انتظره ـــــــــــــــــــــــــــــ يا اوّل اسباط النبي وكلّك جاه يالحسن يومك لا تظن يوم انساه ايدي اعله سيفي ومنتظر وعد الله يوم الظهور الموعود ٠٠ بثارك يبّين فجره ـــــــــــــــــــــــــــــ مظلوم وآنه اعرف بمظلوميتك وادري الخيانه تحددت من بيتك الا اگطع الروس الذي امعاديتك ومن بنت الاشعث بن قيس ٠٠ اخذ الثار بعشره ـــــــــــــــــــــــــــــ گوم آل امیّه خل تناطر وعدي ياعمي بيهم كل رحم ماعندي اشعر بنار السم تلوج بچبدي وشحصّلو من سمّوك ٠٠ ياعمي ذيچ الزمره ـــــــــــــــــــــــــــــ ناري عليهم للأبد ماتطفه يرمون نعشك يالحسن ياوسفه الباشر ابرميك الا اگطع چفه والطلعت بذاك اليوم ٠٠ محّد فعلهه اينكره ـــــــــــــــــــــــــــــ ويّه الايادي الشركت بسم چبدك ذيچ المره طلعت تريد اتبعدك ماقبلت ايدفنونك ابصف جدّك ام الجمل والأبغال ٠٠ طعنت الهادي بظهره ـــــــــــــــــــــــــــــ انذال كلهم والقضيه اچبیره ماعدهم اعله الدين ذرّة غيره وحسين بجنازتك ظل بحيره الگاع البقیع ایوديك ٠٠ وبعيونه تجري العبره ـــــــــــــــــــــــــــــ ياعمي وسط الروح تلهب نارك وبرگبتي تبقه قضية ثارك كلمن هدم گبرك اليوم وشارك انتقم من آل افلان ٠٠ والمَلِك اگطع ذچره ـــــــــــــــــــــــــــــ هالليله حاضر مجلسك وي الناس ابچي عليك ويدّي جرحي الحساس نوبه الطم اعله الوجه نوبه اعله الراس وادري بمجالسنه اتكون ٠٠ موجوده امنه الزهره ـــــــــــــــــــــــــــــ فراس المحمداوي ٣ صفر ١٤٤٨ هـ

اه واويلاه ياخويه الحسن ———————- اني ابو فاضل يروحــي وياهلي من اشـوفك جنت اتـــذكر علي كلي بغيابـك منو يبـــــــقه الي اني وحسينك بقينه بلا وطـن ———————— من وكت رايح يخويه مـن وكت وبعيوني شفت جبدك بالطشت انت ميت مــدري اني اللي متت واليفاركله اخــــو يجرحه الزمن ——————- صدك صارت بعد مانكعد سوه يامن مشاركني حته بالهــــــوه ياهو من قَبلي دفن بيده الضوه والورد صعبه يتغطه بالچفن ———————- من رمو نعشك تره كلبي اشتعل ردت اسل سيفي وأخيك ماقبل كلي بالطف انته التحامي الاهل بكربله سقاي تصبح للضـــعن ———————- جاسم ابنك يالحسن دمعك جره صبر ماضل عدنه حته نصـــبره منحني بفركاك سبع الكنـــــطره من دفنتك كلبي حسـيته اندفن ——————- اه يفراك الاخو كسره ضـــــهر مثل كبرك كبري ياريته انحــفر الليله مابيها ضوه عيون الكمر بعد ما بيه احمل اهات ومحن ———————- دمعتي تبقه بغيابك هامـــله والله مو حلوه بدونك كــربله ردتك وياي الخدر تتكفــــله خويه وجفوفي الك يتكطعن ———————- الشاعر سيد معتز الحسيني https://telegram.me/aabas78 قصائد لكل ايام محرم اشترك بالقناة