قصائــــٓــﺪ حسينية مڪتوبة

لطمية للنبي محمد  صلى الله عليه واله وسلم (الموت اريده) الموت اريده ...  ولاافراگ الوالي شال عني والنزل ضل خالي ضل يهد الحيل واظلم منزله هذا ابوي العيشاني امدلله هم يمر بيه واگله ياهله وهم اشوفه وينشرح دلالي الموت اريده ... ولاافراگ الوالي هم اشوفنه واهيس بالفرح ليش عافاني وطلع من الصبح گلبي بوداعه تفطر وانجرح جرحي مايضمد بعد للتالي الموت اريده ... ولاافراگ الوالي گلبي مايبرد ولاجرحه يطيب شال عن الدار مارد الحبيب عاف ابو اليمه علي اوحيد وغريب گلبه مهضوم ودمعته اتلالي الموت اريده ... ولاافراگ الوالي گلبه مهضوم ودمع عينه يسيل ماينام الليل حماي الدخيل ليش يابويه تفارگنه وتشيل يوم يومين وترد حسبالي الموت اريده ... ولاافراگ الوالي بويه كل ضني غيابك مايطول ضيعت حملي يشيال الحمول من يناشدني الحسن عنك شگول من يون حسين يشده بالي الموت اريده ... ولاافراگ الوالي من يون حسين حيلي ايهدمه ليش عفته وفارگت حامي الحمه باچر البسمار ضلعي يهشمه وباچر يصير الضلع چتالي الموت اريده ... ولاافراگ الوالي باچر انصاب ويموتني الضلع هجمن اعليه المصايب والدمع وجهك الغالي جفاني ومارجع ضيعت سوري الچبير وعالي الموت اريده ... ولاافراگ الوالي لشاعرة اهل البيت ام هجران العمارچية غير مبري الذمة من يمسح اسم الشاعره او يغيره او ينسب الرثاء لشخص اخر

#فزاعية للرسول محمد (ص) اتكول الزهراء ع عندما فارقه الحياة ابيها رسول الله صل الله عليه وعلى اله وسلم #نعي المقدمه👇 بعدك اشوفن هضم وشكد نوايب ومن هسه  الكلب  يابويه   ذايب عليك امعلمه وهذا اليوم  غايب اخذني اوياك  ..  يلناوي على الشيله     صعب فركاك بويه وماألي حيله ❥❥❀━┅┄✿➻┈┉━❀❥❃❥❃ اخذني وياك بويه ولاتون حيل تعذبني برحيلك  واسهر  الليل اخاف  اتشيل  والعدان  اتعيل ( ها يزماطي ... اشوي ريض ) ❥❥❀━┅┄✿➻┈┉━❀❥❃❥❃ دكلي اشلون والزهره  يضربوها عليها الباب    يلوالي   يدفعوعها عزيزة وغاليه ام حسين  تدروها    (نكروها ......  الكوثر بعدك) ❥❥❀━┅┄✿➻┈┉━❀❥❃❥❃ نكرو    دينهم    بويه   واجوني وخلف الباب  علبسمار    دفعوني واثر ضرباتهم ضلت عله  اعيوني ( من سطروها ... شاغت روحي) ❥❥❀━┅┄✿➻┈┉━❀❥❃❥❃ روحي اتمرمرت وطايح  اجنيني وهذا  الصار من  بعدك    يبجيني عليش اتشيل ويغدرون  بسنيني (ويحركوها .....     الباب اعليه ) ❥❥❀━┅┄✿➻┈┉━❀❥❃❥❃ دكعدلي  يمن   بلروح    طاريه اون  اعليك لو عندك   بعد جيه مهضومه  واريد   اليوم   حنيه   (الينبع طيبه ....   امضيعينه) ❥❥❀━┅┄✿➻┈┉━❀❥❃❥❃ ضيعته ابويه  وهيبت   ادلالي ولج ياعين خل دمعاتج  اتلالي بعد شالو  احبابج  والنزل خالي (يا واليها ....   الدار  اتون ) ❥❥❀━┅┄✿➻┈┉━❀❥❃❥❃ ❥❥❀━┅┄✿➻┈┉━❀❥❃❥❃ تمت بعون الله بقلم الشاعره المله زينب المالكي (ام ادم الزهرائيه) صاحبه ديوان سلاطين الحومه غير مبريه الذمه من تقوم بلتلاعب بلقصيده وحذف الاسم منها

شده للرسول ص *** نصبت فاتحه الزهره اعله والدهه وبدار الحزن تنعاه وحدهه * غريبه إخلاف أبوهه البين خلاهه ولاعدهه حنينه اتنوح وياهه اجينه لفاطمه نبجي اعله بلواهه عله مصاب النبي كلنه نساعدهه * نلطم عالصدر جينه نواسيهه الفكدت عزهه والعدوان توليهه هاي الدمعه يامولاتي شوفيهه ياهو الكال امنه أحباب ماعدهه * مجروحة كلب من دنيه غداره تدير العين ابوهه خاليه ادياره تدور عالمحنه فاطمه دواره راح اللي يشيل الدمعه من خدهه * تحن لأيامهه الحلوات يوميه وتذكر كعدته وياهه عصريه من راح الأبو وشحال البنيه والبويه بعد يانوح اليردهه * من شال النبي وعيونهه متنام منعوهه البجي عدوانهه الظلام دار احزان يبنيهه علي الضرغام ليل إنهار تبجي والوكت ضدهه * أنيس الروح ابوهه وللكلب سلوه يكلهه أم ابوهه الروح إلج فدوه عافاهه بحزن وبنوح تتلوه سل منهه الجسم والشوك ماردهه ** مامتعوده ام حسين عالهجران دنينتهه جنت آ يالنبي العدنان طفوا شمعة شباب ابنيتك العدوان مكسورة ضلع بالموت شاهدهه * أم علي الكاظمي

لطمية لرجوع السبايا الى المدينة ( عفنه احبابنه ) جينه اوگفنه بعتبة الباب من الهضم بگلوبنه اصواب ونصيح وين اوجوه الاحباب غياب مارجعوا الغياب       ( النزلة ) عفنه احبابنه ... ولديارهم جينه تعبانين وانريد اليلاگينه بالتربان جوه الگاع عفناهم عالطيبين نعتب مانسيناهم دولبنه وگضانه اصواب فرگاهم امهدم حيلنه ولاحيل ضل بينه عفنه احبابنه ... ولديارهم جينه امهدم حيلنه ونگوم بالگوه نعتب عالنسونه وفلوا الخوه طبينه ولگينه الدار ماتسوه چانت ضاويه وتزهر بهالينه عفنه احبابنه ... ولديارهم جينه چانت ضاويه وتزهر منازلهه خربهه الدهر والبين بهذلهه تنشد عن ابو السجاد شنگلهه اموذر بالسيوف ومات والينه عفنه احبابنه ... ولديارهم جينه اموذر بالسيوف ومات راعيهه چانت ضاويه ونوره اليضويهه هسه امكدره وينعه الوحل بيهه تعمي العين وحشتهه وتبچينه عفنه احبابنه ... ولديارهم جينه تعمي العين والدلال وحشتهه اجينه انشارك الدار بمصيبتهه لن صوت العليله اتصيح عمتهه وين اهل المحنه اوالدي وينه عفنه احبابنه ... ولديارهم جينه وين اهل المحنه اتصيح ياعمه ماتدري انذبح عطشان ابو اليمه وعبد الله الرضيع اتغسل بدمه وعمهه اعله الشريعه طاحت ايمينه عفنه احبابنه ... ولدريارهم جينه عمهه اتگطعن يمناه ويساره فارگنه المشينه انلوذ بكتاره ضلت خاليه وماتنچهب داره وجعان وحرم واطفال ردينه عفنه احبابنه ... ولديارهم جينه وجعان وحرم واطفال مسبيه اجينه الدارهم نبچي بمهضميه بالطف حنة العريس مچفيه جاسم ضيع امه وضيع سكينه عفنه احبابنه ... ولديارهم جينه ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

موشح لرجوع السبايا الى المدينه ( للمباني بياوجه رديتي ) للمباني بياوجه رديتي ليش وي حسين ماضليتي ليش خليتي العزيز بكربله يعمن عيونچ مضيفه ومنزله محد يگلچ هله ومية هله ومحد ايلاگيچ لو طبيتي للمباني بياوجه رديتي محد ايلاگيچ يالمهضومه والزلم كلهه ضحايه ونومه صارت ابعيده عليچ الحومه وينكم يهل الشيم ناديتي للمباني بياوجه رديتي واگفه اتصيحين وين اهل الشيم لاكفيل اوياچ رد ولاعلم حيلچ امن الضيم بايد وانهدم چم مصيبه اخلافهم جرعيتي للمباني بياوجه رديتي يامصيبه اتحمليتي وياقهر من اخذتي الراس بيدچ للنحر حسين بالحومه وكفيلچ عالنهر ضيعوچ البيهم اتباهيتي للمباني بياوجه رديتي ضيعوچ ابين كفار وعده والله يازينب عذابچ ماسده ضل علي السجاد حاير وحده عالنشامه وي علي ونيتي للمباني بياوجه رديتي بالعتب والنوح خلصتي الدرب اهلچ امنومين كلهم بالحرب يم ابو السجاد دفنيتي الگلب لاقرايه ولاعزه سويتي للمباني بياوجه رديتي لالطمتي ولاقريتي اعليهم من وصلتي الدار ماشفتيهم واحد وسبعين فارگتيهم من مرار افراگهم مليتي للمباني بياوجه رديتي ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

#الفزاعيه_بديوان_فرسان_الطفوف_الجزء_٧_. فزاعيه للرسول ﷺ ( بركان السمه الليله ) ناصب فاتحه جبريل بركان السمه الليله ❥━──➸➽❥💔❥━──➸➽❥💔 ضلمه الدنيه من بعده اليوم اتوسد ابلحده والكرار ضل وحده وياه تنحب العيله ❥━──➸➽❥💔❥━──➸➽❥💔 دين الله صبح حزنان اليوم امكدر القرآن ضجت بلمدينه احزان كلهه المدمع اتسيله ❥━──➸➽❥💔❥━──➸➽❥💔 حزنان العلم من شال وافراگ النبي چتال والكرار دمعه سال واعليه انهدم حيله ❥━──➸➽❥💔❥━──➸➽❥💔 شال اليوم مولانه والأملاك حزنانه محزن صبح قرآنه افراگه صعب شيشيله ❥━──➸➽❥💔❥━──➸➽❥💔 عليه ارتجت الكونين والأمه تهل العين وانعازي ابو الحسنين وبنته الضلت انحيله ❥━──➸➽❥💔❥━──➸➽❥💔 *تـــمت والـــــفضـــ🤲ـــل لله تعالى* *بقلم ✍ الشاعره أم محمد الكناني* *صاحبه ديوان📚أقل الوفاء في مصائب كربلاء* *لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

لطميه للرسول ﷺ ( تبچي اليوم حزنانه ) وأم حسين تبچي اليوم حزنانه خالي يالرسول المصطفى أمچانه ❥━──➸➽❥💔❥━──➸➽❥💔 خالي يالرسول أمچانه بدياره وحشه وأنطفن من حمّل أنواره وعگبه الدين ويلي طاحن أسواره فرغ برض المدينه الوالي ديوانه ❥━──➸➽❥💔❥━──➸➽❥💔 فارغ من گعدته وكشخته الليله وبدياره تنوح أو تنحب العيله حبيب الله مشه وحيدر أنهد حيله طلع بيه الوصي أملثم أو دفانه ❥━──➸➽❥💔❥━──➸➽❥💔 صاحت فاطمه لا تمشي يا يابه وأتعوف الدموع أبعيني سچابه وجهك يالحنين أيعذب أغيابه وبالگعده أنفگد يا شخصك أويانه ❥━──➸➽❥💔❥━──➸➽❥💔 مشه عن المدينه وحيدر أدموعه يجرن وأنحنت من فرگته أضلوعه والزهره أبمصابه أتنوح مفجوعه أنسد يالأسس الأسلام ديوانه ❥━──➸➽❥💔❥━──➸➽❥💔 شايل للگبر والزهره مهضومه وحيل أثگيل وأيهد يالأبو يومه وبتراب اللحد غطوهن أرسومه والزهره الزچيه اليوم نحلانه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الأربعاء / ٢١ من شهر صفر الحرام الموافق / ٢٠٢٦/٨/٥

قصيده للاربعين {{ضعون زينب}} ..💔 هاي اضعون زينب وصلت اليوم اجتي الكربله اتزورك يمضلوم ❥❥❥ـــــــــــ✿🪶✿ــــــــــــ❥❥❥ هاي ضعون مظلومة الزهره وجابت يم اخوها اليوم نحره مشتاگه اله وشمت بگبره شمت ترب گبره شمام مهظوم ❥❥❥ـــــــــــ✿🪶✿ــــــــــــ❥❥❥ للمظلوم اجتي اعزيزت احسين ترش گبره بنحيبه ودمعة العين جابتله امانه ايتام يالبين تميل ضعونهم ردت بالهموم ❥❥❥ـــــــــــ✿🪶✿ــــــــــــ❥❥❥ اجتگ مايله اختك يمذبوح فوك متونهه شالتلك جروح وجعة فاجده يم گبرك تنوح شوف عيون زينب صاحتك گوم ❥❥❥ـــــــــــ✿🪶✿ــــــــــــ❥❥❥ صار هواي مبعد صاحت ام عون وماشابگهه اخيتك يالولي شلون من ليلة وداعك محزن الكون وحزني ما يفل يحسين للدوم ❥❥❥ـــــــــــ✿🪶✿ــــــــــــ❥❥❥ اموتن ريت ما اطول بعد عام حضي ومامتت وي حرگ الخيام ارد اشلون بيتك ناقص ازلام شگل للدار من تنشد يجيدوم ❥❥❥ـــــــــــ✿🪶✿ــــــــــــ❥❥❥ #الشاعرة رسل الابراهيمي #والشاعرة هاجر الزينبية لا اجيز الحذف او التلاعب بالكلام

🔥اصدار حصري وجديد لطميه للاربعين تنقره بعدة اطوار حسب طور الملا (صدك نيام اهلنه) من ديوان محزوز الوريد 👈 ١٠ج 🔥 صدك نيام اهلنه.... مايكعدون بالظيم العلينه.... ريت يدرون ➖➖➖➖➖➖ صدك نيام والتربان غاطيهم اجيت بشوك ليهم وين الاكيهم اشكي الحال ورد اسمع محاجيهم بالصار وجره..... اعلينه يقبلون ➖➖➖➖➖➖ بالصار وجره اشكيلهم حالي نايم بالكبر شيكعده الوالي رديت بهضم والدمعه تلالي من كثر الهضم.... عميانه العيون ➖➖➖➖➖➖ من درب السبي رديت محنيه من كثر الهضم ماحيل ضل بيه غطاه اتراب مايدري اشجره اعليه نحلانه وعليله.... وذابله اللون ➖➖➖➖➖ نحلانه وعليله مغيره الواني اعتب عالحنين شلون خلاني رديت بهضمتي وماتلكاني الكيت البيه محنه.... بكبر مدفون ➖➖➖➖➖➖ الكيت البيه محنه غافيه عيونه لاكعدو اهلنه ولاتلكونه خلونه بهضمنه ليش خلونه نودي عتاب.... للي ماينشدون ➖➖➖➖➖➖ نودي عتاب للماكام شافانه لانزل ضعنه ولاتلكانه انخبركم يهلنه الظيم غطانه ماظن بهضمنه.... يهلي ترضون (ترضوها//الهضمه اعلينه) (ردينه//بالون والدمعه) (يهل الزود تلكونه//نحشم جينه) تمت ✍️ الشاعره والمله ام حسين العامري غير مبري الذمه من يحذف اسم الشاعره وينسب الكلام له

مربعه للاربعين للعباس اجيت وحيل مابيه اكله اكعد اجت زينب المسبيه اجت زينب تصيح اكعد يبو النخوه كوم اوياي يامن خوتك حلوه اجيت اعتب واجرن بالجدم كوه واكلك ليش عفت احمولي مرميه خويه ماكمت لاختك يواليها اجتي امن الشماته وحيل مابيها اتكول شلون هاي اختك تخليها من ضيم السبي والشام محنيه تعبها السبي واتصيح ياعباس كوم اكعد يخويه وشوف متني انداس ضربوني العده وكلها تشوف الناس واصيح ابصوت ماواحد كعد ليه كلت بلكت يجي الكافل يحاميني بين اعداه اخيي مايخليني اجيت اليوم يم كبرك يضي عيني واني بشاربك لتكول شعليه واني بشاربك يامن جبتني اوياك اجيت اليوم يم كبرك واريد انعاك ماريد النزل خويه عكب عيناك يضل خالي ويون كل صبح وامسيه

نعي للاربعين گرناوي : الحرمه بشارب الخير يگولون وانه الگربله جيت بشواركم گلتولي يزينب ماتضيعين وضعت يهل المحنه وحگي اعاتبكم شهر صار وعشر تيام بالگاع محد گام شو نومه بحرايبكم بيكم ريحت امي وكلكم اعزاز اريد بريحت امي الزهره اطالبكم عفتوني غريبه وبيد غربه اشلون اخاف احچي هضم گلبي واصوبكم ينشدوني الشماته چا هلچ وين وعمت عين الزمان الهيچ غيبكم خلاكم ضحايه بكربله وطشار حرب للموت حاربني وحاربكم ابوذية : ونيني الخلگ كلهه     ماتونه صحت تاني يدهري    ماتونه زلم شجعان بالطف     ماتونه وبتراب الحرب نامو سويه مجرد : نامو ونومتهم طويله وحمل التضعضع من يشيله رديت مهضومه وعليله رديت مهضومه وسبيه ادور عله البيهم حميه چا بلكت يگعدون ليه چا هلبت اعزازي يگعدون هله بيچ يازينب يگولون گلبي انشلع واتهل العيون گلبي انشلع والعين تهمل من الحزن والنوح مامل يافرگت الخوان تكتل يافرگت الخوان مره خلت بنص الگلب جمره رديت للمگطوع نحره رديت للگطعو وريده ادور اضلوعه وخنصر ايده واخوي الشفيه اليوم اريده اگعد صحت وينك يجيدوم بعازتك وانخاك هاليوم موش الك نوم المگبره گوم موش الك هالنومه يضرغام اجيتك وجبت اهموم الايام خليني اسولفلك عله الشام بالشام شفت الضيم كله بالمجلس اوگف موش سهله اگعد ونوم الگاع خله طور الفراق : النوم عوفه ... وگوم لختك ياوليهه النوم عوفه ... زمخو اخلافك عليهه النوم عوفه ... واسمع الونه وبچيهه النوم عوفه ... والسياط امهشمه اديهه ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

موشح للأربعين ( والدمع بعيونهه ) هاي زينب ... والدمع بعيونهه گوم ياعباس نزل ضعونهه گوم نزلهه يسبع الگنطره زينب امن الشام اجت للمگبره وبضهرهه اسياط خولي امكسره والحبل خله اثر بمتونهه هاي زينب ... والدمع بعيونهه الحبل بمتونهه شخله الحبل زينب امن الشام ردت عالهزل خارجيه اخلافك يگلهه النذل والسبيه اعداكم يسمونهه هاي زينب ... والدمع بعيونهه الچانت ابجالك اسمهه ام الخدر شافت اشكال المصايب باليسر گوم لختك وانفض اتراب الگبر ياعجيد الراي شوف شلونهه هاي زينب ... والدمع بعيونهه ياعجيد الراي شوف شحالهه يابس امن اصوابكم دلالهه اجت بالگوه تجر اذيالهه اتصيح حيهم رادت اتلاگونهه هاي زينب ... والدمع بعيونهه اتصيح حيهم وين اخوتي وعزوتي جايه امن الشام والكم جيتي حيلي مهدوم وثجيله هضمتي عن هضمهه واجب تنشدونهه هاي زينب ... والدمع بعيونهه واجب اتگولون يامية هله امدللتكم هاي ردت ناحله عال بيهه ودولباهه حرمله ياحسافه الغاليه تعوفونهه هاي زينب ... والدمع بعيونهه ياحسافه امن ايدكم زينب تضيع تنشد اعله حسين ووليده الرضيع اليوم اجتكم جايبه الراس الگطيع تعتب وحسبالهه تسمعونهه هاي زينب ... والدمع بعيونهه عاتبتكم والعتب بيمن يفيد لانحر عدكم ولاعدكم وريد وگفوها بمجلس الظالم يزيد خاب رجواها وجميع ضنونهه هاي زينب ... والدمع بعيونهه ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

لطمية للأربعين ( صوغه الروس جبناها ) عيني تهل والحيل مهدوم لعزاز گلبي راجعه اليوم اعتب واگلهم بسكم النوم جبت روسهم تتناگط ادموم      ( اللطمية ) للوليان صوغه الروس جبناها وصلنه الكربله ويمهم دفناها صوغه الروس جبناها المناحرهم جينه انزور اهالينه ونباصرهم نوم الگاع والتربان غيرهم فارگنه المحنه وضيعناها للوليان صوغه ... الروس جبناها ضيعنه المحنه وذيچ لمتنه سكنوا باللحود وناموا اخوتنه گعدنه اگبالهم وتسيل دمعتنه وايام الخدر والعز ذكرناها للوليان صوغه ... الروس جبناها ذكرنه ايامنه الحلوه وليالينه نامت بالتراب عيون اهالينه مايدرون بالضيم السده اعلينه تگضي الحيل شوغات الحملناها للوليان صوغه ... الروس جبناها تگضي الحيل ماتنشال كل شوغه جبنه الروس لعزاز الگلب صوغه بالدم والسموم الحار مصبوغه عدنه اهموم نعجز لو حچيناها للوليان صوغه ... الروس جبناها عدنه اهموم چتاله والف هضمه مسبيات نتعثر ونتغمه شفنه الغاضريه امكدره وظلمه بس اگبور متروسه لگيناها للوليان صوغه ... الروس جبناها شفنه الغاضريه اگبور متروسه حيران العليل ومات ناموسه بالميدان صارت نايحه وهوسه والنسوان تتباچه اعله ملفاها للوليان صوغه ... الروس جبناها محنيات كلمن يم گبر گعدت نار البين لابردت ولاخمدت وياهن رقيه اليوم ماردت اتگول ام الحزن بالشام عفناها للوليان صوغه ... الروس جبناها ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

لطمية للأربعين ( وين اگبور الاحباب ) زينب تصيح بگلب لهفان لحسين وديني يدفان ومرني عله امگطع الذرعان عافوني حرمه وبيد عدوان عيني انعمت والحيل تعبان           ( النزلة ) يادفان وين اگبور الاحباب جبتلهم يتامه وراس واعتاب جبتلهم يتامه وراس مگطوع بس جابر لگيته ايصيح ويلوع گلبي امن اليسر والشام مفجوع ضل يفور لايبرد ولاطاب يادفان وين اگبور الاحباب گلبي ولابرد لاطاب ملهوف وين الچان للكلفات موصوف خل يسمع ونيني ويگعد يشوف فرگاهم كتلني وصايره اتراب يادفان وين اگبور الاحباب فرگاهم هدم حيلي وگضاني عندي اعتاب للنام ونساني كون الموت وياهم خذاني الموت اهون عليه ولاهالمصاب يادفان وين اگبور الاحباب الموت اهون عليه امن الدواوين اجيت بشوگ للعباس وحسين يادفان وين اگبورهم وين دم اتسيل عيني وماي سچاب يادفان وين اگبور الاحباب دم وماي عيني اتهيل وتسيل عله اگبور الضحايه والمچاتيل يمهم كون اضل للدار ماشيل ظلمه اديارهم وامقفل الباب يادفان وين اگبور الاحباب ظلمه اديارهم والباب مقفول ونوم اهل الشيم بالمگبره ايطول اعتب والعتب ماجاب محصول غير النوح والعبرات ماجاب يادفان وين اگبور الاحباب لافاد العتب لاغزر النوح عباس انطبر وحسين مذبوح چا شمتانيه وماتطلع الروح اتريد اعزازهه وبالگاع غياب يادفان وين اگبور الاحباب ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

هوسات للاربعين والمشاية وي موكب علي السجاد خل نروح نمشي الكربله وناخذ دمع مسفوح يامظلوم كلنه انصيح يامذبوح (( هنياله اليوصل شباچه )) عونه اليوصل الشباچ ويطوفه حبيب ايسجل اسمه وزينب اتشوفه نگله ابداعت العباس وچفوفه (( زوارك شتريد انطيهه )) من عندك شفاعه اتريد زوارك عافو دارهم واتعنو الدارك مو بس الضمير الگلب يختارك (( والشيعه بحبك مجنونه )) مثل عابس بحبك كلنه مجنونين نمشيلك مشي ونزورك مقصرين بدمك حررتنه امن الظلم يحسين (( والسيف بدمك لاويته )) لاوه السيف دمك وانتصر دمك ضل صيتك العالي واليرف اسمك گطع النحر دوس الخيل ماهمك (( كل همك زينب وسكينه )) مذبوح وتفكر بختك وبتك اشلون اتگوم ومصوب بخاصرتك بالميدان جوه الخيل بس جثتك (( والمنحر وين امودينه )) ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

نعي للأربعين بالمگبره ضليت يومين مشلوع گلبي اوداعت حسين واعتب عله الكلهم عزيزين اعتب واريد اوجوه الاحباب شهر وعشر تيام غياب بضلوعي نار وهضم واصواب بضلوعي نار اعليهم اتفور اعتب واصيحن يهل الگبور حرمه واريد عيون ناطور حرمه واريد عيون والي محد گعدلي وشاف حالي من اليسر مشدوه بالي من الهضم حالي تصدع واشلون اعوف حسين وارجع والگه النزل مظلم ويفجع بالدار شلي اخلاف اهلهه لو بيدي اضل ماارجع الهه وبتهم تناشدني وشگلهه عنهم تناشدني العليله وابوها انطبر راسه ودليله وفراگهم مابيه حيله افراگ اخوتي يهدم الحيل كلهم مطاعين ومچاتيل ماتوا عطاشه بغير تغسيل ماتوا عطش بنفوسهم ماي اشلون ارد ومحد اوياي عالمشرعه نايم الوفاي مابيه اعوفه اعله الشريعه مدفون واچفوفه گطيعه والدم ترس عينه الوسيعه ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

موشح للاربعين والمشاية (جيت وي زواركم) جيت وي زواركم مشايه زينب تنادي وبديهه الرايه للبطل عباس جابت رايته والدرب كله تحن الشوفته اوياها خل نمشي يشيعه الحضرته وبالدموع انوافي الوفايه جيت وي زواركم مشايه خل نوافيهه بلطمنه والدمع موكب السجاد للحومه رجع زينب تنادي يضيغم ياسبع حيل مابيهه وتون شچايه جيت وي زواركم مشايه حيل مابيهه واجت من اليسر واحنه وياها ندگ اعله الصدر گوم صاحت لاتنام وتعتذر ياكفيلي اوياك عندي احچايه جيت وي زواركم مشايه اسمع اعتابي يخوي وكافلي وين وعدك مو گلتلي ادللي ليش ماتگعد تنزل محملي ضيمي ماينعد شعد اهوايه جيت وي زواركم مشايه ضيمي ماينعد شعد منه وشگول ليش ماتگعد تردني للنزول عيني مضروبه مثل عين البتول خويه وادري اعليك تصعب هايه جيت وي زواركم مشايه خويه اعرفك زين ماتحمل عتب لاچن شبيدي جمر گلبي يشب ترضه چتالك يگابلني ويسب گوه عفتك يم المسنايه جيت وي زواكم مشايه گوه عفتك من خذوني اميسره ماسده الضيم العليه وماجره جيت اشوفنك يسبع الگنطره مااريد العلگمي ولامايه جيت وي زواركم مشايه كون مات العلگمي والمشرعه طاحت اچفوفك الحلوه امگطعه جيت مهضومه واجر بالفاجعه گبور شفنه مو خيم بالثايه جيت وي زواركم مشايه شاعرة اهل البيت ام هجران العمارچيه غير مبري الذمه من يمحي الاسم او يغيره

فزاعية للاربعين والمشاية (لحسين اجو زواره) من كل مچان اعله الجدم لحسين اجو زواره نسوان واطفال وزلم والرايه تخفگ والعلم بگلوبنه اهموم والم كل گلب تسعر ناره كل گلب يجهر ونته لحسين طلعو شيعته انريد نوصل حضرته مشايه ندخل داره مشايه نوصل مرقده ونعازي امه اوالده نذكر امصابه الماسده ونعاون المحتاره انعاون الحيرانه من نوصل البيبانه بگلوبنه الحزنانه وبرواحنه المنهاره برواحنه وبگلوبنه انصيح يامحبوبنه اغفر جميع ذنوبنه ومنك انريد الچاره انريد وگفه امعدله كل شيعي باري المحمله ماننسه شوغت كربله والرايحات ايساره للكوفه عنك راحت خويه الفواطم صاحت من عله النوگ وطاحت وادموعهن تتجاره ادموعهن سچابه وسكينه صاحت يابه هوه الضخر لحبابه رحمه وشفاعه اخباره ✍شاعرة اهل البيت ام هجران العمارچية غير مبري الذمه من يمسح اسم الشاعرة او ينسب الرثاء لشخص اخر

لطمية للاربعين (وايست يخواني) هاي هيه ... وايست يخواني ولابعد واحد يشوف الثاني ايست يوم الوصلت المگبره ماشفت بس اللحود امسطره وين لمتكم هذيچ المزهره وليش محد گام يتلگاني هاي هيه ... وايست يخواني ليش محد گام منكم يخوتي ينشد اعليه وينشف دمعتي راحن اوياكم دلالي وهيبتي صبحت تالي الحزن عنواني هاي هيه ... وايست يخواني صبحت فالي المصايب والدمع والگلب كل يوم بيكم ينفجع چم حنين الفارگيته وچم سبع وضيم ياضيم الشمر شبعاني هاي هيه ... وايست يخواني ضيم شبعاني الشمر بغيابكم يلچم اضلوعي چبير اصوابكم جيت ازورنكم واشم اترابكم گلبي يابس موش بس الساني هاي هيه ... وايست يخواني يابس ومحتام شيبرده الگلب دولباني افراگكم حار وصعب وين جيدوم الطليعه والحرب خل يشوف امن الحبل ذرعاني هاي هيه ... وايست يخواني خل يشوف شسوه بذراعي الحبل وين سبع الگنطره ينزل الحمل والله اعرفنه حنين ومايمل اشلون اگول ميسره عافاني هاي هيه ... وايست يخواني اشلون اگول يعوفني وبالطف ينام والضوه بعيني عگب عينه ظلام من رقيه اليوم جبناله سلام وعن رقيه ماگعد نشداني هاي هيه ... وايست يخواني ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

فزاعية للأربعين ( يتلگه الضعن بيهه ) اجت من اليسر زينب لهاليهه تعبانه ونحيله وحيل مابيهه سبع الگنطره بيمن يلاگيهه ازنوده امگطعه وهامته امطبريهه       ( النزلة ) ماعنده الكفيل ازنود يتلگه الضعن بيهه بيش ينزل سكينه ومگطوعات چفينه وماخله السهم عينه ومحتار شيحاچيهه ضل محتار شيگلهه ومايگدر ينزلهه واخته اتريد كافلهه ايگوم وينشد اعليهه اتريد الجابهه ايردهه ايباصرهه ويناشدهه واعتاب وهضم عدهه وتعاتب بهاليهه وتعاتب بولياها شو محد تلگاها اشلون حسين ينساها مايدري شسده اعليهه بيهه شصار مايدري ردت والدمع يجري واتصيح انكسر ضهري محتامه اعله واليهه للمظلوم محتامه طگهه البين عالهامه اتگول الليل مانامه افراگ حسين گاضيهه افراگ حسين دولبهه ماشاف الشمر سبهه بالشام الدهر ذبهه گوه تشيل رجليهه ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر