الشاعر علي كاظم المنصوري

https://youtu.be/LaxYWqwITZU?is=BDfLB0MlpoCXGr8m

تون ام الحسن ونه شجية وتصيح بصوت يا عظم الرزية يبويه الموت ياخذ روحي ياريت گبل يومك تمنيت المنية تدري بفاطمة ما تحمل افراگ اخذني وياك يا سيد البريه بعدك انهضم ونعصر بالباب واعيش ايامي لوعات واذية يتهدد عليه افلان وفــــلان عصابه ابلا ذنب تهجم عليه ينبتون ابصدر بنتك البسمار ويكسرون ابحقد ضلع الزجية ✍️ علي كاظم المنصوري

لسان الزهراء عليها السلام يمن تلهج ابفاطم دوم شفــتاه بعدك شفت ضيم والم شفت اه نعشك يوم بيه گوطرو شـــفتاه يبو القاسم تمنيت المنيه رحيلك روحي علعلها وشلها هدّم حيلي والدمعه وشلها لرفعها جنازتك بيده وشلها احس وياه اخذ روح الزجيه الزمان الجان ابوي وياي بسمار بعده ما ضگت كل حلو بسمار النسميهم صاحبه انبتو بسمار بضلعي وهشمو صدري عليه ✍️ علي كاظم المنصوري

يا ويلي على المختار يا ويلي على المختار ــــــــــــــــــــــــــــــــــــــــــــــــــ شايل يا عمـود الـدين حگ تهمل عليك العين ونخلّص عمرنه اونين وتفيض الــــدموع انهار يا ويلي على المختار ـــــــــــــــــــــــــــــــــــــــــــــــــ تبجِيله الانس والجان نصبتله الملاك احزان وهتزت عليه الاْركان بانــــت بالــسمه الاثار يا ويلي على المختار ــــــــــــــــــــــــــــــــــــــــــــــــــ اليوم مكدّر القــران ناحت نـــبرة الاذان ميت سيد الاكــوان نالت منّــــه الاقـــــدار يا ويلي على المختار ــــــــــــــــــــــــــــــــــــــــــــــــــ باهات والــــم وعــويل ضل ينعى عليه جبريل ودموع الملاك تســـيل الكـــون بأكملــه محتار يا ويلي على المختار ــــــــــــــــــــــــــــــــــــــــــــــــــ مفجوعه الزجيه اليوم تنحب والدموع ادموم گلب ام الحسن مصدوم شبـــت بالدليل الـــــــنار يا ويلي على المختار ــــــــــــــــــــــــــــــــــــــــــــــــــ يا حال الحـــسن وحسـين ضـــــلو بعده مكـــسورين بفگده شحال ابو الحسنين الله ايعين حامي الجار يا ويلي على المختار ✍️ علي كاظم المنصوري اهدي ثوابها الى روح والدتي

https://t.me/aliQ0Q اقرأ عالدنيا السلام /من بعد سيد الانام ردو اشباه الزلم للــــجاهليه بالسقيفه اتأمرو رغم الوصيه وسفه وسفه / وسفه وسفه ــــــــــــــــــــــــــــــــــــــــــــــــــ بعده ما غمض محمد ولدجل صار عالخلافه اتسابگت خطوات الاشرار بالسقيفه اتأمرو ضد حـامي الـــجار اتناسو اوصيت الرسول ابآله الاطهار اتجاهلو حجِي النبي / ما رضو حيدر وصي نكرو اوصيت الغدير اهل الدعيه وسفه وسفه / وسفه وسفه ــــــــــــــــــــــــــــــــــــــــــــــــــ بغضن ابحيدر علي حقد الصحابه كفــرو بدين الـنبي طه وكتــــــابه اية التطهيّر نكروها العصــــــــابه ما رعو حق عترة الهادي النجابه واستمر هذا الحقد / كل وكت ضل يستجد بيّنت بعد النبي ايد الخفيّه وسفه وسفه / وسفه وسفه ــــــــــــــــــــــــــــــــــــــــــــــــــ اتمادو اعله الزهره واتفقو عليها ما تورّث فاطمه من ارث ابـيها فدك ما ننـــطيها الها ولا ذويـها وما نريد اعله النبي نسمع بجِيها صدّرو بالزهره امر / تبجِي بس يم القبر خاف ممبجاها يأذّي الناصبيه وسفه وسفه / وسفه وسفه ــــــــــــــــــــــــــــــــــــــــــــــــــ عادو الزهره الزجيه وحــاربــوها ابلا سبب هجمو عليها وما رعوها بت محمد ليش بالباب اعصـروها ونبــــــــتو بسمار بيها وألمـــوها بيا شريعه ويا حكم / بت محمد تنهضم دمعت ام حسين سجِابه وجريه وسف وسفه / وسفه وسفه ــــــــــــــــــــــــــــــــــــــــــــــــــ ثمنطعش عام الزجيه ومـــوتوها امن الحسن وحسين يا وسفه احرموها ابعمر خمس اسنين زينب يتموها ومن بعدها انفجعت ابطبرت ابوها رافگ الحره الحزن/ شابت بفگد الحسن والمصيبه الكبرى برض الغاضريه وسفه وسفه / وسفه وسفه ــــــــــــــــــــــــــــــــــــــــــــــــــ ✍️علي كاظم المنصوري اهدي ثوابها الى روح والدتي

اهوازية،، لسان حال فاطمة الزهراء (ع) (#شريج_الروح) رايح يا شريچ الـــــروح ريت اْوياك اخذني البين للهم ولـــحزن والنــــوح عايف فاطمة ام حسين ـــــــــــــــــــــــــــــــــــــــــــــــــ يالماشي وبعد متعود عايف فاطــــمة ليا نار نار التحرگ الــــدلال لو نار التـشب بالدار بس تمشي وتغمض العين بالزهره الوكت يندار ويّاك الـــــدلال يروح يخلص عمري بس ونين ــــــــــــــــــــــــــــــــــــــــــــــــــ ايام الدلال ويـــــاك تخلص ونعصر بالباب بويه وبالضلع بسمار ينبت والصدر ينعاب ولاحيدر يشيل السيف ملزوم ابأمر واكتاب المن اشتكي والگوم لا عدهم حييه ولا دين ــــــــــــــــــــــــــــــــــــــــــــــــــ يا محله العمر ويّاك يگضي وتخلص سنيني ولاشوف العدو بجفاك يسطرني ويدميّــــني تعمه وبيها ابد ما اشوف تطفه امن الالم عينـــي شيخلص العمر لوعات كل يوم اليمر بسنين ــــــــــــــــــــــــــــــــــــــــــــــــــ ريّض يالنويت اتروح هونك لا تودعـــــني وداعك يجرح الدلال يا بويه ويهـــــدّمني فگدك مو سهل چتّال يابو الزهره يذبحني يالشخصك حنان ايفيض وين الگه بحنانك ويـــن ــــــــــــــــــــــــــــــــــــــــــــــــــ شلون اصبر وسلّي الروح نعشك من يــشيلــــــونه واشوف بعيني حدر الگاع جثـــــــــمانك ينـــــزلونه واعليك التراب اشلون اصبر من يـهـــــيلونه اجزع ونكسر بجفاك ويسليني دمع العين ــــــــــــــــــــــــــــــــــــــــــــــــــ اتضل وحشه ومچدره الدار من ايغيــــــــب راعــــيها تصبح مضلمه ابليّاك حزن اجفاك غاطيها بحال ام الحسن شيصير باجر من تطـــــــب ليها لا ام لا ابو بالــــدار يهلي من وكت ماشين ✍️علي كاظم المنصوري اهدي ثوابها الى روح والدتي

https://youtu.be/0MpDq1CBQSM?si=-7_oFKwbxe7Q-jrh

https://youtube.com/shorts/bfX-bmng3hQ?si=i6jPgZwxxSJOPuLr

https://youtu.be/hAfJFEVbl2Y?si=ObO9ietO0i7BBHuJ

https://youtu.be/1d5lpC-uNoE?si=urE46NYD2PfLyBQm

https://youtube.com/shorts/JSR_YB1oRXE?si=3Y6VjqQR6muUZ5Dy