الشاعر أبو علي الركابي ( قناة قصائد اهل البيت ع )

الليله عن الــــــدار شايل نورها وابتده اوي ام الحسن عاشورها *** الليله كل الكون بالهــــــم مبتلي الليله مكسور الظهر يبجي علي راح الي ايكل للزجيـــــه ادللي حارس الزهره النبي وناطورها *** الليله عن بيت النبي شال الضوه وفاطمــــــــــه دلالها نار انجوه خنكه دنياها وتحس ضاع الهوه والمدينه موحشـــــه كل دورها *** راح يبدي انوب ضــيم ام الحسن اجيوش احزان ومصيبات ومحن منين ماجـــــــــان النوايب لو لفن بعد ابوها ايحين فاطـــــم دورها *** آه الله ايعينــــــــها اشتحمل حزن فوك فكد الهادي واجــروح الدفن خدها مسطور ويظل دامي الجفن وينهتك بيت الزجـــــيه وسورها *** أمة السؤء اللعينــــــــــه الفاجره باجر اتخلي الوديعــــــه امرمره اضلوعها بالله اشجنت وامكسره اتصير ماتكدر تكف مكدورها *** تثكَل اعليها المصـــيبه فاطمه تفزع المن ياهــو بالله اتحشمه والوصيه امجتفه حامي الحمه وللشريعه يحتـمل كل جورها *** انصبت المأساة جن سيل وهجم اجروح وهموم ومناحــات وألم سوط شمات وضلع منها انهشم وباجر اللجمات تلفـي ابدورها *** ابو علي الركابي

طود الشجاعه بالحرب مايلوي اذراعـــــه ابد ذاك الرسـول المنتجب باسل همـــام وكالأسد هوه وعلي يوم الوغى ظهر بظهر يوم الشدد حماية الدين اصبحــوا من الله عدهـــم هالعهد وحيدر شجاع وقسوره بيمينه سيف المقدره واينادي والد فاطمه مـــدد ياحماي الحمه *** هزموا صــــناديد الكفر ماهمهم اجيـــــوش العدى لاعزى لالات وهــــبل سحكو على اصنام الردى بعز الله وآيات العلــــى نشروا مفاهــــــيم الهدى كالو وحك رب العرش احنه اهــــــــل بيت الفدى اهل المجد والمفخره خل يدري كل المادره هاليوم يوم الملحمه مـــدد ياحامي الحمه *** من تشبك اســيوف الزلم لوضاكـت اهوال الحرب وتتصعب احداث الوغى وبالحنجره ايصــير الكلب يتنخه والد فاطــــــــــمه من يوصل الموقف صعب انته لهـــــــا يابا الحسن هاليوم يومــــــك من تطب يرعد حسامه بزمجره يحصد رؤس الكافره وعلي ايجيب الغانمه مـــدد ياحامي الحمه *** من هو اليرده لوغضب هذا الغــــــلام الحيدري هوه ومحمد لوهجـــــم ويبدي نــزال السامري أحد وملاحـــــمها وبدر وحصن اليهود الخيبري يزئر يقاتل ماتعـــــــب بصوت الهدير القسوري جمع الاعادي امطشره فوك الرمال اموذره كامت تصيح اهل السمه مـــدد ياحامي الحمه *** يتقدم الهادي النبـــــــي ورافع لوائــه حيدره عدهم يقين اعله النصر مو بالجيوش القاهره قله ويهزمون الجمــــع بحد السيوف اموذره نار وزلازل عالارض تحصد جماجم كافره مشوها مثل المسطره كلبوها يمنه بمسيره وامسبحه بفيض الدمه مدد ياحامي الحمه *** ابو علي الركابي

(الزهراء والنبي) انفاسه قرآن وي ارحم انسان وانفاســه قرآن الجان اليـه وطن وخيمه لأم الحسن وانفاسه قرآن *** اجمل مكان البيه سكن كلبـــي وترعرع حضن النبي الماينوصف نوره التشعشع عشرة محبه تنتهـــــــي ومن بالي تطلع جني احس وي المشو روحــــي اتكطع من غمض العين في يوم الاثنين الجان اليه وطن وخيمه لأم الحسن وانفاسه قرآن *** اقدس حرم عد فاطمــــه روح النبوه من عندي شال ومابقه حضن الابوه وضاكت عليه دنيتي وكلبـــــي تلوه راح الحنين الجان الـي بالدنيا تجوه شال وتركني بموته ذبحني الجان اليه وطن وخيمه لأم الحسن وانفاسه قرآن *** ماترضه تنشف دمعتـــــــي من دم ذروفه لاسمه بدليلي امعلكــــــــه انخطت حروفه الينحط على اجروحي دوه الماكمت اشوفه معقوله هيجي ابهالســــهلوله اكدر اعوفه لاتمشي عني موتك لجمني الجان اليه وطن وخيمه لأم الحسن وانفاسه قرآن *** راح اليعينج فاطمــــــــه من هو اليعوده جنتي أمـــــيره بصايته وعشتي بوجوده من دونه صرتي ابلا وطن والدنيا سوده ياوسفه تربان اللحـــــــــد طمهن خدوده ظليت الوجن لأجله وانوحن الجان اليه وطن وخيمه لأم الحسن وانفاسه قرآن *** الجيش النوايب والحزن يا الله استعدي ضيمج يفاطـــــم والالم من هسه يبدي لوبيدي ياروحي الامر والقدره عندي ويه ابوي آنه ارتحل هالســـاعه ودي ماريد اعيشن وياه اموتن الجان اليه وطن وخيمه لأم الحسن وانفاسه قرآن *** ابو علي الركابي

وينه الي ايواسي المظلومه وينه الي ايواسي المظلومه *** وينه الي الليلـــه ايساعدها فاطم مفجوعــــــه بوالدها اغلى الناس المـــيت عدها ومن بعده اتنوح وملجومه *** وينه الي ايواســي بدمعاته يحضر مجلســــــنه بآهاته يندب يالهـــــــادي بلطماته ويساعد هـــــاي المهظومه *** وينه الي يجبر كســـرتها والليله اينشــــف دمعتها من صارت تخنك دنيتها وحدها وتبجــي ومهمومه *** وينه الي ابدمعه ايعزيها وبلطمه الليلـــه ايواسيها والدها وفكَـــــده امأذيها تنعه ام حســين ومالومه *** خل نبجي ونتصور همها موت الاحبــــاب أمألمها وجرح المختار اللاجمها من حضن الوالد محرومه *** ماشبعت محتاجه الحضـنه اشلون اتفكــــــر تبعد عنه اشلون اوياه اتكطع الضنه وكل ساعه اطلــع بهدومه *** ابو علي الركابي

يالرايح درب ابعيد شايل لاوين اتريد يابو الزهره ارحم بينه فكَــــدك كلش ياذينه شايل لاوين اتريد *** يارسول الله ريض اشــويه لاتيتمــــــها بس هالبنــــيه فدوه حاجيني وعينك اعليه والله بالدنيه كلشــــــي ماليه يالرايح راح الحــــيل من تمشي انشوف الويل هالليله اشــــــكد ونينه فكَـــــــــدك كلش ياذينه شايل لاوين اتريد *** شيبت روحــي شيبت رمشي من تسد عينك ينطفي كلشي من يشيعونك شــــيعو نعشي والله من تمشي فاطمه تمشي اسم الله اعليك امن الموت ولاتنشـــال ابتـــــابوت نبجي ولأجـــــــــلك حنينه فكَـــــــــدك كلش ياذينه شايل لاوين اتريد *** ياضوه اعيونــي عازتك عازه انته ألي تجـوه وصعب تجازه حاضر اهمومي ابيوم الموازه اشلون اظل عدله بيوم الجنازه رايــــــدتك بالعـــازات من اتصـــــير الشدات باجر ننــــــــدب هادينه فكَــــــــدك كلش ياذينه شايل لاوين اتريد *** لوغبت عنـــــي ينـــــــهدم بيتي يختنك صدري ياهـــــــوه ريتي وما اعيش اهواي تمشي عافيتي تكصر ايامي وتعلــــــــــم بنيتي لوحان اوياك اوداع انفاسي اتموت ابساع كلش اظلـــــــم ياوالينه فكَـــــدك كلش ياذينه شايل لاوين اتريد *** يندفع بابي و يألمك وضعي تنسطر عيني واندبك وانعي ينكسر كلبي وينكسر ضلعي ينهظم حالي ومايجف دمعي ابابي ايشبون النار ويجتفــــون الكرار ماواحد يفـــــزع لينه فكَـــــــدك كلش ياذينه شايل لاوين اتريد *** ابو علي الركابي

علي خويــــه وبعد بيتي اريدك تسمع اوصيتي يحماي الحميه عينك عالزجيه علي خويه وبعد بيتي *** اخوك الهادي ياحيدر يجاذب بالنفس كَــوه علي يا بالحسن خويه الحياة بشوفتك حلوه احسن بالاجــل كرب واحس الروح تتلوه راح امشي واعوفنكم وكلبي بناره يتجوه ينازع بالنفس صـــدري خلص يابالحسن عمري ماشي بهالمسيه عينك عالزجيه علي خويه وبعد بيتي *** ملك الموت اشـــوفنه يكلي اســــــتعد لأمرك ودع كل اهــــل بيتك الليله ينتهــــــي عمرك وآنه بالــــــي يم بالك اشوفن مـختنك صدرك شد حيلك يبــو زينب اتحزم ياعلـي بصبرك عندي اسوالف اهوايه واعرفك راعي الكفايه الك عندي وصيه عينك عالزجيه علي خويه وبعد بيتي *** كبل ماغمض اعيونــي كبل ما تخلص انفاسي كرب منـــي ياســلواي خويه ويا اعــز ناسي وصيه عندي يالمهيوب ظلت تلجــم احساسي عينك عالحنينه اهواي اذكرك وانته مو ناسي حطها بروحك افديها ودومك عينك اعليها راحل مو بديه عينك عالزجيه علي خويه وبعد بيتي *** راحل عنهــــــا هالليله ماشي وتدري مــوبيدي عزيزه اهواي ياحيدر واغلى امن الهوى عندي حطها بروحك الزهره تراهي تنهظـــــــم بعدي امصايبها تهـــد الحيل بيوم اجنازتــــــــي تبدي جثيره امصـــايب الزهره خاطر كل نبي اتكسره ونتها شــــجيه عينك عالزجيه علي خويه وبعد بيتي *** تموت وتعدل الزهـــره تجالع بالاحزن والهم تظل امن الهجر تبجي وعليه اهـــواي تتألم ومن كوم اليكروهونه اخاف اعليــها تتلجم اباب الدار ياخــــــويه ضلع ابنيتــي يتهشم على ابنيتي تهد كلها وغيرك كلشـــي ما الها وادموعي جريه عينك عالزجيه علي خويه وبعد بيتي *** الله ايعينـها ابنيتــــــــي تشـوف امن الأم مره مو بس هيـه تتــــــلوع حتى اولادهـا الزهـره الحسن وانوبه ابو اليمه بالطف ينكَـــطع نحره واخته ياعلي واخــــته آ يمصــــــيبة الحـــره المصيبه تنسبي زينب وباجر عالهزل تركب زينبنه ســـبيه عينك عالزجيه علي خويه وبعد بيتي *** باجر تنتظـــــــر زينب وتبدي اوي السبي رحله كلبها يطحن ومجروح المصيبه كلفــــه موسهله بخرابات الهظم تكعـــد وتكســـــر حالها الطفله رقيه التشبه الزهـــــره تزيد باجـــــــــــر العله رقيه اتمــــــوت يا حيدر وتحضن ياعلـــــي المنحر ابنيتنه رقـــــيه عينك عالزجيه علي خويه وبعد بيتي *** ابو علي الركابي

حضري النوح وحضري الدمعه باجر يمشــــي المختار تبدي احزانـــــــــــــج يالمظلومه من يرحل راعي الدار اتحزمي بصبرج يالزهره تبدي باجر اخطار *** يالزهره الخيمه المهيوبه الفيها اشكبره فوك العـــــتره طاحت يم حسين اشلون ابدونه انفاسج شنهو احساسج فيج واشلون بدونه فيج لو سد اعيونه فيج راح ايدفنونه اشلون بحالج باجر لوعه واهواي الدنيا اتمــيل وحدج واهمومج كثرانــه والناس اويـاج اتعــيل لورحل يالزهـــــره الغالي ليلج اصــبح نهار اتحزمي بصبرج يالزهره تبدي باجر اخطار *** راح اتعيشين ابلا حضنه باجـــــر يمشي ويرحل كلشي اشلون اتكدرين اتعوفينه العطره بصدرج الكاسر ظهرج عينج من دم تبجيله عينج ياهم تحجيله عينج حزنج تشكيله كليله ارحم كلب الزهره مايتحمــــــــل فركاك كليله الوادم تكــــــرهنه ماترحمنـــــــــه ابلياك هالوكت باجر ياذينــــه وشايل ألنــــه اخبار اتحزمي بصبرج يالزهره تبدي باجر اخطار *** من هسه الاحزان الصعبه اتغير لونــج تبجي اعيونج سولف كلبــــج عن الحسره وذيج اللجمه بيوم الهــجمه باجر بعده ايلوعونج باجر نار ايجــــــونج باجر حـــيل اعذبونج لوغمضت عين المايرضى تسعر نيران الباب منهو ايحامي البيت واهله لو خانوه الاصحاب ابابج يابنت الرحـــــــــمه تلهب ذيــــج النار اتحزمي بصبرج يالزهره تبدي باجر اخطار *** لمي الصبر الوكت العازه وكت الظلمه المابي رحمه من ينسون الكوم النعمه وفضل الساده الكل تتمــــاده حيدر مـن ايجتفونه حيدر كَوه ايطلعونه حيدر حكَه ايمنعونه امجتف حيدر كوه الوالي من البيــت ايطلـــعوه جدامج وانتي اتشـــوفينه صابر من ايجتـــــفوه ينجبر والمــــــــر يتجرع يدري ماكو انصار اتحزمي بصبرج يالزهره تبدي باجــر اخطار *** ايدفعونج انتي اعله الحايط آيالبضــعه وحـــــــيل الدفعه اطيحين اعله الكاع ومحسن من يوكع ايشوف المصرع محسن ياذنب العــنده محسن ماشايف مهده محسن ياعمر الورده ضلعج مكسور اتحسينه واوليدج مابـــي روح محتاره اتظلــين اهوايه صدرج بالهم مجروح لا ابو يمـــــــــج لا حيدر محبوس الكــرار اتحزمي بصبرج يالزهره تبدي باجر اخطار *** ابو علي الركابي

انصبي فاتحه اعلـه الهادي يالبضعه وخلي الناس تبجي و تنحـب وتنعه *** انصبي فاتحة احــــــــــزان هالليله زيدي الونه يم حســــــــين وانعيله العرش الله اعله فكَـــده منهدم حيله بجي الي تحبه وشـــــــيعته وربعه *** بجي الي تحبه بصــــــــوت حنيه انعيله يزهره وجيبــــــــي طاريه وخلي الكون تتهــــــــــيج بواجيه واجرام السمه البالكـــون مرتفعه *** واجرام السمه وكل السكن بيها بطورج يالزجيه الليلــــه بجيها تنتظرج الدنيا امصــيبه تقريها المقتل يالزجيه بصوتج انسمعه *** المقتل يالزجيه وانتــــي تروينه بصوتج يم حسن هيجي بواجينه الكبل الحادثـــه والبعـده تحجينه من موت النبي والبابـــج ودفعه *** من موت النبي والصـــــار بأحداثه ومنعو كل حقوقـــــــج حتى ميراثه قريتي قل اعــــــــــوذ اشرور نفاثه على الردو الدين الات مجتمـــــــعه *** على الردو الدين الجاهلي وعهــــده احركو باب النبـــــــوه وانهتك حده دره الثاني ابعملته محــــــــــد ايرده وأن كال وتعدى اعله النبي وشرعه *** ابو علي الركابي

يا أبا عبد الله خدمتــي أتقبلـــها *** كون اضلن خادم بهـــــاي المـواكب من زغر سني لحد ماصــــير شايب خلي اسمي سيدي بأعلــــي المراتب وكَلبي بأحساس العشك يالغالي ذايب هالامــــر اتمناه خدمتـــي اتسجلها يا أبا عــــبد الله خدمــــــتي اتقبلها *** أكتب اسمي اوي الخـدم يبن الزجيه وما املن خدمتك صـــــــبح ومسيه انطيني قوه ابجاه ابو الغـــيره الوفيه خاطر ابقى خادم الحــــــــــد المنيه هالدعـــى ما انساه وفاطمه اتوسلها يا أبا عــــــــبد الله خدمـــتي اتقبلــها *** يلي فاتح للمحنــــــــه دوم كَلبك فدوه لاتسلبني يابو اليمــــه حبك انته نعمه الجنه ادري بهذا دربك واليحبك يعني راضـي عنه ربك والعشك يامحلاه امحبتك ما املها يا أبا عـــــبد الله خدمـــتي اتقبلها *** والله كل ما اتعــب بهاي الخدامه كلبي يرتاح واحس طعم الكرامه هذا رزقك والجــزه ابيوم القيامه تنطي كلمن يخدمك باجر وسامه بالكَــــــبر تتلكاه والدمــوع انهلها يا أبا عـــــبد الله خدمـــــتي اتقبلها *** العوده كون بكل ســـنه يابو المحنه يا ابو كَلب الجبــــــــير اقبل عملنه وعالخدامه يبو سكينه اجمع شملنه انته بالدنيـــــــــــه يبو ارقيه املنه حبـــــــك اتأملناه ورحمتك نسالها يا أبا عـــــبد الله خدمـــتي اتقبلها *** ابو علي الركابي

هاي الاراضي البيها عطر اخواني رديت بس ماواحــــــــــــد اتلكاني ياحسين ياحسين ياحسين يا ابا عبد الله *** من اليسر رديت وي اضعوني ودمع البواجي مايهد اعيوني خضر الشيب وطلع من الشيله متغيره حيل وذابلات اجفوني متروس كلبـــي وفايض آلام من كربله والكوفــه و الشام بكد الصحاري ودمع الايتام لأهل المحنه اهــواي الي مشتاكه بلكت يصح وي العزيــز املاكه ياحسين ياحسين ياحسين يا اباعبد الله *** كل ماتميل الناكه ملت اوياها متعوبه روحي من حزن دنياها شهر وعشـــر تيام مر ايامها للموت لجماتــــــي ولا انساها كلت امن اردن الكه الاخوان مشتاكه الهـــــم والله الاحنان اكعد واسولف ضيم الاحزان محد كعـــد لا فززاه اونيني خافن يزينب هالاهل ناسيني ياحسين ياحسين ياحسين يا اباعبد الله *** عندي حجي مايخلص آنه اوياهم وين الله كون اليوم اهلي الكاهم ماعودنه اعله الهـــجر واجروحه جنها سنين اهـــواي من عفناهم ارد احجي ضيمي ورجبت النوك يهل المحنه صــــــــدري مخنوك ترضون اختكم جفــــــها مشبوك بكلبي مصايب واله حيل اهوايه ارد احجي لحسين وكفيل الرايه ياحسين ياحسين ياحسين يا ابا عبد الله *** خلصانه روحي امن اليسر متعوبه زينب يهلنه بيش جـــا مطلوبه بس جسد مابي روح فـوك الناكه ماتت اختكم جي مشت مسلوبه جم مره شفت الموت بالعين زينب تطب زحمه الدواوين واسمع شتم عباس وحسين حجي الشـــماته هوه المأذيني كصر حياتي وسلباني اسنيني ياحسين ياحسين ياحسين يا ابا عبد الله *** من كـــــون متردون ياغــــــيابي يمكم اريدن دفنتـــــي يحــــــبابي اغفه اعله ريحتكم واموت اهنانه ومن الشريعه هاذي بخو اترابي خل روح زينب تطلع اهنا بين المخــــــــيم والمنساه عباس آه او واحســـيناه من عكب اهلنه شلي جا آنه بروحي بلكي المنيــه اداوي ضــيم اجروحي ياحسين ياحسين ياحسين يا ابا عبد الله *** ابو علي الركابي

رديت وترس عينــي البواجي ندهتك وانه انعه اعله الترايب كعدت اعله الكبر يابو المحنه جوت كلبي لجمات المصايب عندي اهواي الك خويه سوالف عن ضيم الصحاري والخرايب يابعد حيلي احجي واحجيلي يغالي حسين ياخويه ياخويه ياخويه .... فك كبرك يخويه وزيح التراب عطشان الكلب تدري وحزينه ياروحي اشكثر مشتاگه العيون اشوفنك يبو الروح الحنينه اكطع ضنتي لوتكعد اردود مايخلص نعي كلبي ونينه تنزف جروحي . يابعد روحي يغالي حسين ياخويه ياخويه ياخويه يوجعني المتن من كثر السياط يدروني العده وحدي وسبيه اركض حافيه وتتظاحك الناس وكلهه الوادم اتباوع عليه يكثرون الشتم من انخه عباس هاكد سبو بامنه الزجيه جي يكرهونه هاليشتمونه يغالي حسين ياخويه ياخويه ياخويه جبت اعيالك وكل النساوين هاي اطفالك وذني خواتك تحملت اشكثر يابعد العيون وردن يالاخو كلهن بناتك بس اعذرني ماردت عزيزه ماتت جي درت خويه بوفاتك زغر ابنيه ابنيتك ارقيه يغالي حسين ياخويه ياخويه ياخويه ابطل امن المعاتب خاف ياذيك وراح اتكف سوالفها العقيله يالميت سليب ويابس الريج ومن كثر السحك روحك نحيله مو مره متت ياكلب الحسين بكل حافر فرس يابو العليله حركت اخيامي وجبدك الضامي يغالي حسين ياخويه ياخويه ياخويه ابو علي الركابي

ردت زينب ياكافلها ياعباس انت استقبلها متعوبه وبيدك نزلها *** زينب وكل النســـــه نوخـــت بجمالها يابو فاضل والاخـت انته تدري بحالها هاي التعزها اوصلت كَــــوم بأستقبالها أتريد تشكيلك هظــــم كلشي دار ابالها زينب ردت يابو الغيره مجتوفه من ديره الديره عن آلام الشام أسئلها *** اتريدك اتطول النشــد وتســــــتمع لعــلومها خاطر اتفصـــــل ألك لحظه لحظه اهمومها بالبراري اميســـــــره امتــــربات اهـدومها الضيم والهم والحرزن غيــرتها ارســــومها متعوبه اهواي العلويه من بعدك صارت مسبيه امصابك يوم الطف علعلها *** امجتفه وفـــوك الهزل الشمس كلبت لونها اهواي شتموها وبجت حمـــره دم اعيونها حدبت من القــــــــهر وطلع شيب اجفونها لوتشوف امن السياط امجـرحات امتونها تحجيلك ياضيم الشافت ايتام وطفلتها الماتت ردت ياحيل الظللها *** لوتسولف عالســــــبي ويامصيبه الصارت اعبيهن افراش وغطه بالخـــــرايب بابـتت ليل واجناب وخطـــر والنوايب حاطـــــت بزينب اتلوذ النســـــه والاطفال الخـــافت والسجاد امهدم حيله وي عمته حارس عالعيله يبجي لأم عون وحن الها *** اجروحه تنذر ملــــــح من تندبك تنسـب تكسر الخاطــــر بقت يابو فاضــل زينب لاخوان ولاوطـــــــن كلشي منها اتسلب وروس اهلها جن تحن بالمدامــــع تنحب ردت والمدمع يتجاره من بعدك ظلت محتاره يلي جنت امدللها *** ابو علي الركابي

رجوع زينب ع الى كربلاء

صبري كلبج يختي لاتبجـي عليه طولي بالج باجــر ادموعج جريه باجر اهواي الألم باجر اتطيح الخيم خويه خويه *** يم عون الحســن عوفيه صح فــت الألم جبده صح آنه جرعت اسموم وهاكَــــــد شدتي شده ملتمه الاهل يمـــــــــي ولاظل الحسن وحده ابجي اعليــــج يازينب واليبقى الظهر وحده والله مفروض النعــي وهالليله نقره موش اليه للذي يســـــحكون صدره لو وكع راعي العلم باجر اتطيح الخيم خويه خويه *** ادري بفكدي موهــــين وكاسر خاطرج كسري وادري امصيبتي كلفـــه ومني ســــــــلبو عمري لاجن كلشي يختي ايهون ماكطعو غــــدر نحري ولا بالخـــــــــيل يازينب داسو عالرمـــل ظهري موش ميت بالشمس وابــــلا ملابس وحافر بنص الكلب وابصدري دايس آخ ياذاك السهم باجر اتطيح الخيم خويه خويه *** بالفي موتتــــــي وبالدار وهاي احــــبابي هاليمي لا حر لاشمس يم عون ومابي كل جرح جسمي لاضامي ويبس ريجي ولاسال ونــــــزف دمي ولامترضرضه اعظامي ولا سيف النـــــثر لحمي وعشره اصابع ايدي ظلن موش تسعه بس اخوج العالرمل مكطـــوع اصبعه كلبي نصين انجسم باجر اتطيح الخيم خويه خويه *** انه احزام الظهر يمــــي واكف ناشــــر افيايه مالازم اصفاحــي اعليه وعكلــــي منشده رايه لاشايف سهم بالعــــــين لاشــايف امســــــنايه لاباجي اعله كطع جفوف ولا عالشايل الرايه ايعينج الله لو وكع راعـــي المحنه اشلون كلبج يرضه من تمشين عنه حيلي من هسه انهدم باجر اتطيح الخيم خويه خويه *** راح امشي واودعكم بس ظل منشده بالي آخ اعليج يختــــي وآه لوظل الضعن خالي تشوفين الأهل صرعه وماعندج يظل والي كلها امذبحه الخـــــوان غالي طاح يم غالي ياهو الــتندهينـــه كل اهلـج ذبايح راح تكضين الوكت دمعه ونوايح امسلبه اتصير الحرم باجر اتطيح الخيم خويه خويه *** اشلون بحالج اتشوفين خيماتج يحـركوهن خواتج تنسلب كــــوه وعالهزل يرجبوهن وحده الوحده البنيات بيديهن يجتفـــوهن وحيل ابلا رحم بسياط شماتج يضـربوهن يالبقيتي الوحــــدج بين الأجانب لاعمام ولا اهــــل وابلا كرايب امرافكه المابي رحم باجر اتطيح الخيم خويه خويه *** الدنيا اتميل حــــــيل اوياج مر ابمــــر تكضــيها بالشام المصاب اهـــــواي والحــــــيره تشـوفيها حتى الطفله بنت حســين ميته من تعـــــــرفيها تاخذ روحج امن اتروح وبجفوفــــــــج تدفنيها ياخسارتنه الجبيره احنه برقيه والله هاكد غاليــــه الطفله عليه ألم اصعب من ألم باجر اتطيح الخيم خويه خويه *** ابو علي الركابي

عطر الزهره (الامام الحسن ) ع عطر الزهره وتيجان الامجاد باب الجنـــــــه وترنيمة عباد *** الحسن اسمه بحروفه الخيرات باب الرحمـــــــه وتؤيل الايات جف النعمه وفهرست الطيبات كنز الامه واهـــــداها الرايات دار وملجاء لأحشـــود الوفاد باب الجنــه وترنيمـــة عباد *** وارث طــه وسلطان الاطهار يشبه حيـــدر بل جنه الكرار وجه الضاوي تبلجــــج انوار فايح عطــره بستان الازهار عطر الزهره ميراث الاجداد باب الجنــــــه وترنيمة عباد *** نهج العتره وارشاد الاصلاح الرايد جنه يم بابـــــــه المفتاح بحبه وعشـكَه اوطان الارواح اليطلب منه يطـــــــمن يرتاح يوزع خيره والـــي راد امراد باب الجنــــــــه وترنيمة عباد *** مثل الكوثر ظل فيض جوده بحر افاضاله مجهوله احدوده فاتح كلبــــه مايخلــص زوده أسأل واقره التاريـــخ اشهوده صار القمــه ونبراس الاسياد باب الجنــــــه وترنيمة عباد *** نور العاشــك مصــباح الايمان هادي السائل منجــــاة الحيران كنز الشـــيعه واكسير الاحسان شافع نافــــع للطالــــب غفران مال وغيره ماتنفــــــــع اولاد باب الجنــــــــه وترنيمة عباد *** ابو علي الركابي

سيف الملاحم (الامام الحسن) ع سيف الملاحم بالوغى وارث علي حامي الحمه ماواحد اليدنى الحسن ليث وشــــــهم بالملحمه شبل وارث حيدره الحسن ذاك القسوره *** شبل المعالي والمجـــد ليث الفــــــوارس بالحرب مايركن الصوت العدى يسحك على الحد الصعب يمطر براكين وحــــمم وروس اليضدونه الحطب جبريل يدعي بالنصـــر لوشال ســـــــــــيفه للسمه صعب زوده انفسره خله يــدري المادره أسد يوم الزمجــره الحسن ذاك القسوره *** يدخل ميادين الوغى وايزلزل اركــــان الفضا تسجدله قادات الكفر واليرضى والي مارضى حر وهمام وقسوره وقول الصوارم فارضه يتحدث ويقره الفتح لو لمــع باسل صارمه العلي الباري امصوره الجود عنده جوهره شبل حامـي المفخره الحسن ذاك القسوره *** طوفان ويغرك الارض يخسف ســــلاطين الكفر صولة محمد صـــــولته من يركب اخيول النصر دمدم على احشود العده والجيش من سيفه يفر يعطش حسامه ويرتوي لو كثر بخصــمه الدمه الجيش كله امطشره صوته يرعد مقدره عاد ريح الصرصره الحسن ذاك القسوره *** تخرس لسنها العـــادته بيمينه لـــــو رف اللوه يحصد جماجمها البطل ويضـــيع اعليها الهوى من تلمع اعيون بغضب يعميها وايموت الضوى سبع الملاحـــــم لو هجم سواها يوم الحاطمه الموت بيهم كثره والالوف امــــوذره شبه حملة خيبره الحسن ذاك القسوره *** مايهتم بكـــــــثر العدد يشــــبه مواقف حيدره لوكر عليهم كالأســــد صوته رعيد وزمجره تشهدله معركة الجمل الجيش بيمنــــه طشره وصفين تشهد صولته بحملة نزالـه الحاسمه الناس كلها امحــــيره المينه اعله الميسره جنــــــه يوم الاخره الحسن ذاك القسوره *** ابو علي الركابي

أحزام ظهري (زينب تسأل الحسين عن الحسن) ع أحزام ظهري اشلونه شو تغــــــير لونه فكَـــد الأعزاز هظمني فگد الاعزاز *** اهواي كلب ام عون جن كثرن جراحه يبو اليمه اوليش شــــو ماعـندي راحه اشلونه اخونه المجتبى كَلــي الصراحه من امس لليوم اذتنـــــــــــــي المناحه غافيات اعيونه ومايفتح اجفونه فكَد الاعزاز هظمني فگد الاعزاز *** ليش مامرتاحه وادموعـــــي جريه وجودر اعليه الحـــــزن هالمغربيه وجنها وي المجتبــــــــى آخر مسيه وبعد مانلتم يبو اليمــــــــــــه سويه الدنيا مالت بينه والحزن غاطينه فكَد الاعزاز هظمني فگد الاعزاز *** أكبر اخواني وعــــزيز وهاغلاته هوه راعي البيت وامـــدلل خواته فده ايروحله خــــــواته وكل بناته الله ياخذ عمـــري اذا حانت وفاته مرمراني امصابه حيل يجوي اصوابه فكَد الاعزاز هظمني فگد الاعزاز *** أخذ دور الوالـد او وفه ابمكــــانه مثل ابوي افيايــــه غاطيني حنانه خيمه فوكي وعايشه بخيره وامانه اهواي نعتازه الوكت لو لوعانه والا خـو عازاته بكل وكت وكفاته فكَد الاعزاز هظمني فگد الاعزاز *** خايفه اهواي وتراودنـي المصيبه كلشي هندس صار بعيوني عجيبه اسمع ابأذني يصيحولـــي الغريبه راح تمشي اهلج بعد وانتي سليبه آخ ياخـــــواني الضيم لو وازاني فكَد الاعزاز هظمني فگد الاعزاز *** ليش كلبــــــي مايظلولـــه اليحبهم العودوني عايشه ايامـــــــي بقربهم بساع يمشون وتظل عيني الدربهم تبقى روحي املوعه وتنعه بسببهم خوفي لاتنسوني وكلكم اتعوفوني فكَد الاعزاز هظمني فگد الاعزاز *** ابو علي الركابي

(زينب والحسن)ع ياخويه المظـلوم رايــح ومخليني ياخويه المسموم وافراكك ياذيني أختك كَلبي انفطر باجر ضيم وسهر رايح ومخليني **** زينب ها يخـو زينب ابجــي ودمعي بي جمره لوين اتريـــد يامظلوم ماشي وعايـــف الحـــره ماني اختك يبو محمـد هيج وهـــــــانت العشره شايل يابعـــــــد عيني بصدري اختنكت العبره يرجف كَلبي اعليك يابخت وتجايه دمعاتــــــي اتناديك تنعالك شجايه حس دلالي بخطر باجر ضيم وسهر رايح ومخليني **** تسمعني يبعد الـــــروح اخيتك يالحســــن يمك لتغمض العيون ارجوك خويه ابجاه ضلع امك زينب شافت الأحـــزان ماتحمــــــل بعد لجمك مهمومه وحزينة حــال وانوبه اجرعــت همك ياخويه اللوعات ماعافـــــن دلالي يوميه الآهــــات افكَد وانعه الغالي قاسي وياي الدهر باجر ضيم وسهر رايح ومخليني **** لِزمت ايدك يبو القاسم ادخيلك لا تهــــــد جفي الخوه البينــــه ياخوي احسهه الليله جن تجتفي ردتك للدهر والضـيم كونك واكــــــف بصفي باجر يالحســـــن آلام شبهه الســـيل من تلفي باجر بس حســـين لا اهله ولااصحابه تنعه وتبجي العين حاضر كون امصابه لو ظل ابلا كَــمر باجر ضيم وسهر رايح ومخليني *** باجر ياضو اعيونـــي يعصرني الوكت والبــين اظل بكربله ابلا راي غريبه واصـــــفج الجفين لا انتــه ولاعــــــباس ولا خوي الحنين الحسين صرعه كله خوانـــي صحرى واتجــــه لاوين عطشان المذبوح طايح فوك الغبره والكافل مطروح لايمنه ولايســره انظـــــر دم ونحر باجر ضيم وسهر رايح ومخليني **** محتاجه الأخو والعون لو ظل الضعن خالـــي لاخيمه وحمى ولاسور يـــم النـــــــهر كفالــي يذبحني الهظم ياخـوي شلون الشمر يبرالـــي فوك الناكه مجتوفـــه ريتك تنــظر الحالـــي اختك فـــــــوك النوك واتحاجيك اعيوني صدري ايظل مخنوك واتأذينـــي امتوني سبي وحزن وقهر باجر ضيم وسهر رايح ومخليني **** اوداعك يالحنين اجروح نار وبالجــــــــبد تلهب جبير اخواني والهيبــــه وكَلبـــي الفركتك شيب امتوني تســــــعر اعليه وظهري يا لأخو حدب يابس ريجي من هســـه وهالليله انســـبت زينب من هسه الأحزان تتواكَـــد جمرتهه راح افكد خــوان ماتحصل خوتهه خاف يطول السفر باجر ضيم وقهر رايح ومخليني **** اخافن يالحســـــن باجر اصيرن خويه مسبيه آنه اتكفل النســـــــوان واخاف اتضيع علويه ليل الشام يذبحنــــــي بخرابه اتمـوت البنيه رقيه بنت اخوك حسين آيا لوعـــــــــة ارقيه اتموت بصف الراس حاضنته وماتحجي مكطوعـــــه الانفاس بس دمعتـه التبجي مدري اشضملي القدر باجر ضيم وقهر رايح ومخليني **** ابو علي الركابي

قصائد استشهاد الامام الحسن المجتبى ع