الرادود الحسيني ملاهيثم اللامي قصائد وألحان خادم الزهراء ع🎤

ابوذيات نعي للرضا ع عن أهلك يبو محمد                  تجد وين شتلكَه اهناكه بالغربه                تجد وين علي يالرضا مثل اهلك              تجد وين وتكَعد يمهم ابكل مغربيه ..................................................... الاهل لمسامر الكَعده                   وجدهم وبعدك يالرضا يسعر                    وجدهم تردلهم دعَو ربهم                          وجدهم ينخونه ابصبح وابكل مسيه ..................................................... يُمر اعليك ذكراهم                        يسمهم اهلك والعدو امثالث                     يسمهم شلون اسموم صابنك                    يسمهم يحش جبدك يفخر الهاشميه ..................................................... باجر بالحشر جدك                        يمَشهد على الصار وجره بيكم                  يمشهد وأريد اهناكه كون أصرخ              يمشهد اشهدي بالجره اعله ابن الزجيه ياسر العارضي

يامولاي ياعليَّ ابنَ موسى الرضا ع ابدمعتنه التِهِل وابثوبنه الأسود ننعه امصيبتك جينه يبو محمد تعنِّينه ابدمعنه وبالسَّواد احنه ويلي اشهالمُصيبه المؤلمه صِحنه إجينه الماتَمَك والجرح ذابحنه ونار البالگلب مولاي ماتخمد إلك ياسيدي الضَّامِن تعنِّينه نريدك ياعلي تضمن بواچينه واخذ (للسيده تَكتُم ) تعازينه والرُّوح النَّبي كون العزاء يصعد يبن موسى ابنَ جعفر ياعظيم الشان ابخِدِمتَك نفتخر ( يا أيُّها السُّلطان ) يامن حُبك الهاي البَشَر مِيزان يخسر مُبغضك وايفوز التودَّد گلت ( يَبنَ شَبِيب ) ابچي على المذبوح وصيتك هاي نقراهه ونضل انُّوح عله يوم الطفوف احنه انترسنه اجروح وجمر اصدورنه اعله حسين مايبرد نبچي الزينبك يَمهيِّج الآلآم لاضَلّت زِلم لاضلَّتلهه اخيام ننعه وننتحب عالشّام آه الشّام اشما نذكر مُصايبهه البِچَه يِشتَد الليله المرقدك تتوافد احبابك والعالم ابأسره اينوح لمصابك ارزقنا الزياره وشَمَّة اعتابك ياباب الرجاء الأبد ماينسد سيد علي الموسوي

ابوذيات: يالي تزور انيس انفوس خل وصلك يشد بحبل وصله سلامی للرضا ارجوك وصله من الگلب انه اثلمت وصله ولبو محمد توصلها هديه يزاير من تزور الرضا وصله دلیلی المقترن بنور وصله ابومحمد ينبع الجود  واصله يرد للحسن وچفوفه السخيّه عظم الله لكم الاجر والثواب

السيده الزهراء وأبيها رسول الله صلوات الله عليهم أون وآنعي..واهل دمعي وليل الفرگه ياذيني ..................................... أنه الزهره يبو الزهره...الچنت اتودهه واتودَّك يوم اتشوفهه ترتاح...وآعز امن الهوه عندك حالي مو هذاك الحال...يابو فاطمه بعدك من…

السيده الزهراء وأبيها رسول الله صلوات الله عليهم أون وآنعي..واهل دمعي وليل الفرگه ياذيني ..................................... أنه الزهره يبو الزهره...الچنت اتودهه واتودَّك يوم اتشوفهه ترتاح...وآعز امن الهوه عندك حالي مو هذاك الحال...يابو فاطمه بعدك من حگهه العيون اعليك...لو صَبَّت دِمَه الفگدك يبو الكلفه...ألف وسفه متشوفك بعد عيني ....................................... حنانك تارس الدنيا ...وتارس عيني دمع الهَم الحزن مو بس على دارك..على الكون الحزن خَيَّم أعيش اجروح بغيابك...الگلب من عدهه مايسلم يبويه وحسرة افراگك...بس الباري بيها اعلم يبو العتره....الهَجُر كسره ونه المكسوره تدريني .................................... چنت أستانِس ابرؤياك...واحچيلك وتحچيلي رحيلك يارسول الله...هادِم كل قُوه ابحيلي ماجَف الدَّمع بعدك...وون بنهاري وبليلي مَراسيلي المَناحَه اعليك...وماكَفَّت مَراسيلي إلك نوحي ....وحزن روحي وعَسَن لا طالت اسنيني ......................................... يوم الغمضت اعيونك...علينه الوكت شَن حربه وعزيزك حيدر الكرار...هم مثلي انكسر گلبه اليعيش اجروح وي ناسه...يحس چن عايش ابغربه صُفينه اثنينّه انعاني....يامن فرگتك صعبه يَضَي عيناي....فرگتك هاي تضل جمرتهه تچويني ........................................ رحلت انت وجرح گلبك...يرافع راية الإسلام مثلك يانبي اتأذّه...وعاش ابوكت كِلَّه آلآم اعله مضلوميتك الكبرى...تعجز تكتب الأقلام والظلموك ظلمونه....وعشنه ابغيبتك أيتام يبو القاسم....يضل دايم الجرح مابينك وبيني سيد علي الموسوي

سلاماً یامهدي🥀 🕊زینب، رمز الصمود والکرامه🕊 زینب عَلَم ظل عالي. رایت مجد لخوتها فوگ الهزل وترتل سورة نصر نشرتها ـــــــــــــــــــــــــــــــــــــــــــــــــــ🖤 مهیوبــه زینب بالیسـر مهیوبــه کل خطوه تسبیح وحمد متعوبه منصــوره باثـار…

سلاماً یامهدي🥀 🕊زینب، رمز الصمود والکرامه🕊 زینب عَلَم ظل عالي. رایت مجد لخوتها فوگ الهزل وترتل سورة نصر نشرتها ـــــــــــــــــــــــــــــــــــــــــــــــــــ🖤 مهیوبــه زینب بالیسـر مهیوبــه کل خطوه تسبیح وحمد متعوبه منصــوره باثـار الجــدم مکتوبـه خایب خصمها بالحقد وذنــوبــه خلت خصمها محتار هیبــة علــي هیبتها ــــــــــــــــــــــــــــــــــــــــــــــــــ🖤 زینب تشد حیل الوفه بمَعوَلها مدهوشه لاچن ما رخت محملها بیهــا شجاعـت حیـدره وکافلهـا وثورة حسین بهالسبي اتکملهــا ذلت ایزید الطغيان تسطر سطر کلمتها ــــــــــــــــــــــــــــــــــــــــــــــــــ🖤 عدها الصبر سيف ويگص بعداها زينب تقــــود العكسر بممشـــاهــا حفظت قیـام اخوتهـا بیه تتبـاها محـد گــدر یمحـي ذکـر ولیــاهــا ماینمحي ذکر احسین اوســام وعلی برایتـها ـــــــــــــــــــــــــــــــــــــــــــــــــ🖤 من طرزت للعفه ثوب الاحـــزان ومن لفت العصـابه إخت الولیــان بهیبة علي من تمشي بین العــدوان وعداها حس ماعدهم مثل الخرسان صوت العدل بس لأم عون وخرســـة العـدى خلتهــا ـــــــــــــــــــــــــــــــــــــــــــــــــ🖤 مـثــل الــجبــل هيبتــها أم الخــدَّر هية الأميــرة وجيــش منهــا تأســـر عــدها الصبــر وارثتـة مـــــن الكوثـر ومن تحچي منطق چنها منطق حيدر زینب تِذِل ما تنذَل شمرة علي شمرتها ـــــــــــــــــــــــــــــــــــــــــــــــــ🖤 الفاطمیة الرافضیة

اليوم آيات الكتاب اتـيتـــمت وچنها اركان الهدايه اتهدمت ــــــــــــــــــــــــــــــــ ابلا وحي جبريل ينزل بالبكاء للنبي ويقراله آيــات الرثــــــاء والملائك فوگ تلطم بــالسماء الأنس والجن على امصابه اتألمت ــــــــــــــــــــــــــــــــ يـطبگ الصفحات هاليــــوم الكتاب الچان اله سلوه رحل ياوسفه غاب والسور مكسوره تـنـــــعه هالمصاب بصوت الاحزان الثگيله اتــــــكلمت ــــــــــــــــــــــــــــــــ يــامحمد يـصرخ اليــــوم الأمير علي بعد المصطفى يصبح كسير هذا حال الأخو لو مات الچــبير من الدمع والـنـايبه عيونه عمت ــــــــــــــــــــــــــــــــ الليله ابو الزهراء محــــــرابه نعاه اشتاگت الترتيله وانفاسه الصلاه كل ركــــن للدين هالليــلــه رثــــاه وماصحــــت دنيـــانه بالهم غيمت ــــــــــــــــــــــــــــــــ غاب صوت المصطفى عن فاطمه وابّغيابه ام الحـــــسن متـــــــألمه والدمع بـعيونـها اصبـــــح دِمـــــه يعني من هسه الضلوع اتهشمت ــــــــــــــــــــــــــــــــ اليوم كل شيعي دليله ابــهـــمه ذاب وجينه ندعي بـالعزه ابثـگل المصاب يمته مهدينه يعود إمن الغياب اجروح بينه ابغيبته لا ما شفت ——-------- حيدر بشار الدراجي

((بالدار ام حسن)) گَلــوله بالدار أم حسن بس هوه ابد ماچنه وظل يصرخ بصوته (وأن) لا نار لا من جنه لا محشر لا كـــوثر لانار لا من جنه ...                             """""""""""""""""""""""""""""""""""''''''' هــــاي الحقـيقه والبـــــعض يتوهم يــحسبونه مســلم…

((بالدار ام حسن)) گَلــوله بالدار أم حسن بس هوه ابد ماچنه وظل يصرخ بصوته (وأن) لا نار لا من جنه لا محشر لا كـــوثر لانار لا من جنه ...                             """""""""""""""""""""""""""""""""""''''''' هــــاي الحقـيقه والبـــــعض يتوهم يــحسبونه مســلم والخــليفه الأقدم والــــمــــرتضى گــلـلنه لا مـــا أسلم من شاف (حد) السيف ويهـاب الدم نسئل حُذيفه وشـتگول اسراره أبنُ اليمان وروح شوف اخباره شـــگلك نبـينه ياهو يهدم داره أي ياحذيفه وياهو يشــعل ناره بعض اليوالي المرتضى يحترم ذيچ الزمــره نــتبره هـــذا الـــمفترض من قاتلين الزهره نــعرفهم ماعدهم لا نار لا من جنه ...                                """""""""""""""""""""""""""""""""""'''''' جَــــروْ أمـامك هــا يسلمان أشهد وعين الحقيقه والجفن صار ارمد صــم الصـياخم والـــشجر هم ردد صانع الــــناس وبالحبل ظل ينشد هــا يا سليمٌ انته شفتها الحاله وشــــصار بالكرار كيف احواله من طَلعوّ يا حالـه تبچي عياله وعمامته الخضره بقت تــنعاله ويلي بهذيچ الطاهره من الرهبه تمشي وتعثر فَلوّ ابن عمي من الحبل معقوله حيدر ينجـر وبچفه يتشفه لا نار لا من جنه ...                              """""""""""""""""""""""""""""""""""''''''' التاريخ واضح والحچي مــا انفضْ عـن الشــهاده الاولى كافر وأعرض مـن ابليس للاسلام ابغـض وابغض ملموس بغضه وبالحقد ظل ينكض والعتب واضح والجُمل محچيه والعتب عــالشيعه بكتب مرويه مــــو زحمه نسمع چلمةْ البتريه وأحنه انخلقنه نبچي عالمسبيه هـــوه الخلقنه بالدمع مو زحمه نمشي الغيره من طينته وچفه العجن وصورنه من تصويره اليحميهم يـــدريهم لا نار لا من جنه ...                          """""""""""""""""""""""""""""""""""''''''' خل يصدح بصوته ويعاكس كل ضن كــــل شيعي يصرخ  للسقيفه ويلعن كســـرو ضـــــلوع وهيجو گلب الون وسطرو عـيـــون وبــــالمدامع نَــدن صـوتك ارفعه وبالحقائق انذر قـم يـــــــــاموالي ايــها المدثر هـــا يا ابوذر ياهو گال اليهجر قد حلت اللعنه اليشوف وينكر لاتــنكر غصون الورد من العصر مكسوره اعلن قضيه فاطمه ياوسفه شو مهجـــوره خل يسمع كل مسمع لا نار لا من جنه ...                                """""""""""""""""""""""""""""""""""'''''' انته الچنت حاضر وتدري الي صار انــته الگـلت طفيت بچفـوفي النار وانته الشــفت بالـبيت حيدر محتار احــچي الــشفـــت يـاسيدي ياعمار مـــن الجمر گللنه جريته حسين ويابيت حيدر حــرگته  نار البين ويگول زينب مدري وين وماوين معناها باچــر نار مــاتدري منين نـار وصواويين وركض ياناس باچر لمه باچر وراها چم طفل ينادون وينچ عمه سنـــوها وكتبوها لا نار لا من جنه ... عبد زينب محمد الابراهيمي

استشهاد الرسول ص ادري ابدليلك مجروح هل الترب فوگي وروح يا بالحسن لا تحتار ساعه ويشب باب الدار هل الترب فوگي وروح **** روحي عدله واستمع وناتك الفاطمه ظمهن علي آهاتك يا علي گوم اعله حيلك وانفظ اتراب الدفن لا يون گلبك عليه لم حسن كونك تون الگال تهجر يا محمد فاطمه ايگلها (وإن) يم الگبر يابو حسين ما تنفع ادموع العين گومي بده ايلم النار ساعه ويشب باب الدار هل الترب فوگي وروح **** يمي لا تحني الظهر يا بالحسن فگدي يا حيدر بدايات المحن يا جبل واكبر اعرفك يا علي حان الصبر منكسر ظهرك اشوفه فاجئتني ابهل امر إلحگ الزهره يحيدر ماهي لحظه وتنسطر ليش اعله وجهك مگلوب عزمك يحيدر مطلوب بالشده انته الكرار ساعه ويشب باب الدار هل الترب فوگي وروح **** ابدارك إبقه ولا تخالط إمتي دورك انته تلتزم بوصيتي اشما يصير ابدارك اصبر السيف بالك يعتلي مثل ما وصيتك انه الزهره عدها اوصيه الي من يكسرونه ضلعها ما تندبك ياعلي بسمك اذا صاحت صوت بچفوفك الإمه اتموت انطيتك يحيدر اسرار ساعه ويشب باب الدار هل الترب فوگي وروح **** الونة ام حسين ادري تنفجع الزهره تحتاجك لمن ينطر ضلع من تصيح الزهره ضلعي يا علي صب دمعتك ابنيتي يم الباب توگع احظر الها ابلهفتك والجنين اتشوفه طايح يالولي يم عتبتك ابطيحتها اريدك موجود بدمعاتك اجرح الخدود تلگه اثر للمسمار ساعه ويشب باب الدار هل الترب فوگي وروح **** ويه حزنك تحزن الليله السمه بالظلام ادفن يحيدر فاطمه يا علي اخفي گبرها خلها تبقه ابلا گبر انه والكسرو ضلعها نختصم يوم الحشر السللبوك امن الخلافه يعتنولي ابيا عذر هالدنيا حسبوها اتدوم الظالم يلاگي المظلوم نتلاگه يم الجبار ساعه ويشب باب الدار هل الترب فوگي وروح **** الشاعر اياد الديراوي

ابوذيات استشهاد النبي الاعظم (صلى الله عليه واله بفاتحته اصيحن آه وي آه ونار بمهجتي فرگاه وياه ابوي وريت كون اندفن وياه يحيدر راحتي بهاي المنيه 🔸🔸 الزهره ياابو الزهره وجنها يهل جمره ولياليها وجنها عليها التمن امصايب واجنها رحيلك والضلع والغاضريه 🔸🔸 انجرح گلبي بغيابك وابد منشال والأنكر وصيتك ريت منشل لنعشك يارسول الله من شال بس حيدر حضر وكت المنيه 🔸🔸 سور وايات لمصابك هم الهن وعليك الوحي دمعاته هملهن زمزم والصفا لطمن هام الهن عنهن من غبت يابو الزجيه 🔸🔸 علي حسين المنصوري

(نعي) السيده الزهراء اتخاطب أبها رسول الله يـابــوي هـالـفـرگــه ثـگـيـلـه وماينـحـمـل مـثـلـك رحـيـلـه احــزان والـغَـيـبـه طـويـلــه جـفـني خـلـيـتـه ابـمـسـيـلـه وگـلـبـي اضـمـدنـه بـعَـويـلـه بـفـراگـك الـبـضـعـه نـحيـلـه ومـصـابـك اتحِملـه أوتـشيلـه بس الصـمـيـده الاشـتـكيـلـه والـمـرتـضـى مهـدوم حـيلـه وصـار ألـنـهــار بـلـون لـيـلـه                          *-----------------*-----------------* خادم الرسول  الأكرم ✍الشاعر رعد الجريخي

على امصاب الرسول الدمعه سچابه وهاليله الخلگ مـفجـوعه بـمصابـه ~ هاليله الشرع عالمصطفى مكسور محراب الصلاه وحشه ابغياب النور راح الچان للوادم آمان وسور محمد والفلك مفجوع بغيابه ~ هاليله المدينه مظلمه او وحــشه وچنها اغروب بيها صارت الغبشه ابـو الـقـاسم مشه للمگبــره نعشه وابــــو الحسنين نار ابگلبه لهابه ~ آيـه اتـواسي آيــه والكتاب ينوح واحروف السور ترسم عليه جروح والزهره تكله يــالنبي امن اتـــروح العداله اتغيب وايصير الحكم غابه ~ غياب المصطفى الحيدر كسر ظهره البديه يدفن رسول الله شيصبره على فگده يظل مهضوم كل عمره سهم فكد النبي وسط الگلب صابه ~ على اهل البيت ليش انقلبت الأمه ومن المصطفى ما سمعو الكلمه آذوه ابـعـتـرتـه وزيــدو همه وخانو بالوصيه الجانو اصحابه ~ يعين الله الزچيه والحسن وحسين عگب عين النبي مانامت الهم عين ضلمو فاطمه والسطره عالخدين وحيدر حركو بنار الغدر بابه .... حيدر بشار الدراجي

استشهاد الرسول (ص) بويه كل دمعچ عليه لا تهلين اول اهل البيت للجنه تروحين ضلعچ بعدي ينصاب ضمي الحيل للباب يبويه يبويه **** ادري بويه اموادع الوالد اذيه وادري تتمنين موتتنه سويه كلها ايام وتجيني يالزچيه شلون جيه وشايله انواع الرزيه هسه لفراگي بچت عينچ يزهره لكن بيوم التجيني اعليها سطره يفتت گلبي لصواب ضمي الحيل للباب يبويه يبويه **** مو وكتها الونه يالزهره الحبيبه مو مصيبه افراگي بس بابچ مصيبه الگال اهجر حظر احچايه عصيبه مات ابوها فاطمه وهسه غريبه اي غريبه والصبر يبنيتي لازم بابچ يحرگه وان موجوده فاطم ادري وحاسب احساب ضمي الحيل للباب **** الدنيه مُرّه واجهيها بدمعه مُرّه چم مصيبه اتلوعچ والباري ادره بابچ وبسمار والمحسن يزهره وما يحظرچ حيدر وخانگته عبره لا تندبينه تره عنده وصيه بالصبر مچتوف حماي الحميه تخونه كل الاصحاب ضمي الحيل للباب يبويه يبويه **** فوگ گبري فاطمه لا يعلى ونچ ضمي حيلچ يالعزيزه وهذا حزنچ هواي منچ دمع يطلب بويه ضلعچ وتنترس هاي العبايه بفيض دمچ صرخه من باب السمه راح استمعها يا محمد فاطمه كسرو ضلعها وانا بلحدي مرتاب ضمي الحيل للباب يبويه يبويه **** صبري ماهو بعيد يافطم لقانه الله حظرلچ تره اوسع جنانه انصب الضلعچ عزاء بنفسي انه المجلسچ حتى العرش يبچي البچانه السطرتچ والمحسن المذبوح ننعه وكل نهر بالجنه بويه انترسه دمعه يخلص هذا المصاب ضمي الحيل للباب يبويه يبويه **** الشاعر اياد الديراوي

استشهاد الرسول ص ( عگيلي ) گومك شبو نار ابابك گومك شبو نار ابابك **** من غمْضت عينك يالهادي طاحت هاي الامه بوادي بس حيدر للحگ اينادي انكشفت يالمختار اصحابك **** نهجك بابو العتره اتغير الباطل فوگ الحگ اتصدر الگلك تهجر وسفه اتبختر وما ناشف لساته اترابك **** بعدك صار ايحقق طيفه ظل ايشرّع وسفه بكيفه لجل السلطه جرد سيفه حيف ارخيص ابعينه امصابك **** قرآنك چان الهم غصه يدرون الكرار اموصه يالهادي اغتنموها الفرصه التمو كلهم يم اعتابك **** هجموا ياويلي اعله البضعه واحد گال الباب اندفعه وگال الثاني الباب انقلعه ما تدري اشسوو بحبابك **** آسف باب الزهره اتكسر وبنيران الگوم اتوجر خد فاطم بصواب اتفطر بانت غايتهم بغيابك **** فجعو بنتك يابو العتره ابسمار انطر ضلع الزهره وطاح المحسن فوگ الغبره يشبه ويلي اصوابه اصوابك **** انبث اخبار احنه ونتأسف حيدر يابو الزهره اتچتف ضيم الشافه ما يتوصف اتعذب يالمختار اكتابك **** الشاعر اياد الديراوي