قصائد حسينيه وألحانها

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

الان توفرت خدمة رفع القصيدة كنغمة في حالات الفيس بوك والانستا واليوتيوب والتيك توك للتواصل واتساب 07732320742 @ahmed_alziwar0

تحضيرات محرم1447 هجري لعمل هندسة صوتية عن طريق بصمة الواتساب او التلجرام وانت كاعد بالبيت تواصل معنى @ahmed_alziwar0

يا يمه ابأرض الشام عشت انه اشكَـد آلام ما رحموني الضلام /// ذبحولي أحلامي ١؛؛؛؛؛؛؛ من وصلناهه .... الشام شفناهه ناسهه امعيده .... الذبح الحسين   كلهه فرحانه ... وانه تعبانه حيل مابيه ....  وتدمع العين   مكسوره خاطر والدمع ما ظل بعد بعيوني لا حيل ظلي ولا أهل والسوط أذه امتوني كَـوه النفس اشهكَـ صرت من كثر ما تعبوني   بس روس اخواني اوياي جابوهه اشلون بهاي هاي الوحده امن اهواي .... صارت كَـدامي ٢؛؛؛؛؛؛؛؛ والحرك بابج .... رد على احبابج يمه بالعاشر .... يحركَـ اخيام   والسطر عينج ...  رد على احسينج يكَـطع ابنحره .... اكَـبال الايتام   لو حاضره أوشفتي الجره جا ما بقتلج دمعه الباب كاسرلج ظلع والخيل كسرت ضلعه مره عليج انعه واون مره عله اخواني انعه   بينج ما بين حسين محتاره اتوجه وين والشاهد دمع العين .... وجروح ايامي       ٣؛؛؛؛؛؛؛؛؛؛؛؛؛   والكفل خدري ..... الكالي اتبشري ما يمس طولج.... كل هوى هاب   عفته عالشاطي .... اموذر ازماطي ورايته بصفه..... فوك الأتراب   شيجيبه الي راعي الشيم عفته اعله طوله مدمه السهم بايكَـله النظر والسيف بايك جسمه وجفينه طاحن عالنهر بيدي شلتهن يمه   الماعنده اجفوف اشلون يحضر يم اخته ام عون ويرد الي ايرامون .... احجار اعله أيتامي     ٤ ؛؛؛؛؛؛؛؛   بديرت الظالم .... يمه يافاطم واذكرت كسرج ... يمه بالباب   طحت مدميه .... جثه مرميه ومحسنج شفته ... شابع اتراب   هاي الصور عرضت الي يايمه من وكَـفونه يم باب ساعات الغدر جوه الشمس خلونه المارحمو ابحالج أمس يحبيبه ما رحمونه   دخلونه ابذيج النوكَـ وافترو بينه السوكَـ وطلعت للناس احلوكَـ ... من بعد الحامي   ::؛؛؛؛؛؛؛٥ قصتج وقصتي ،،،، دوم سالفتي انتي مكسوره ..... واَنه بحبال   يمه مشوني.... الحيل أذوني واسمي مسبيه ،،، صار ينكال   إنتي وأنه قصت حزن تبجيهه عين الكعبه مكتوب ألج كسر الضلع وأنه السبي والغربه والشام وانياك  الهزل وطبت السوك الصعبه   وحدي بغير الخوّان طبت بغيم احزان والشامت يضحك جان .... عالنحر الدامي   .........؛؛؛؛؛؛؛؛؛......... ✍🏻💔 كلمات موسى الخادم

(تراث للخدمة ) هنيالي من خدمنك ……………………… خادم وافتخر مولاي    وكون افديلك اسنيني ما عوضك يماي العين   لو  ألطملك  أبعيني اول ما شفت دنياي      شفت اسمك يدليني شفت الوالد المتعوب   عل  خدمة  يوصيني هنيالي من خدمنك ………………………. تجاره الخدمه يامولاي   وخدمتكم  ربح  بيها الما تاجر يضل خسران    أمضيع  هوء  تاليها وتاليها   يرد  ندمان        رايد   يلحك   اعليها مايدري الخدم مولاي      ارواح  اروح  تشريها هنيالي من اخدمنك ………………………. يل منطينه كلشي نريد    وموفر  شكو   نريده مو حكنه نموت اعليك  وجرح مصابك انعيده مولاي الجرح كل عام     فوك اجروحنه انزيده متهمنه المسافه وياك    ولا   گنة  ترء  ابعيده هنيالي من اخدمنك ………………………. ابوي صاح يواليدي       اريدك  تسمع  ابجلمة لو رايد تعيش بخير         لا تتركهه  هل  خدمة صح ربك جعل نعمات     وحسين   بكتر  نعمة يا زلمه اليعوف حسين     بس  الي  خدم  زلمة هنيالي من اخدمنك ………………………. خدامك يبو الكلفات       عل    فطرة    يحبونك مارادو طمع يحسين       بس   رادو   يخدمونك مولاي العمر شيفيد       لو  ما نضرت   اعيونك يا شده التضل مولاي      لو    بشدء     ينخونك هنيالي من اخدمنك ………………………. حيدر الفرطوسي

يشرفنا اشتراككم في قناة الشاعر المبدع وليد المندلاوي يوجد فيها كل ما يحتاجه الرادود الحسيني https://t.me/wwalmndlaue

تم نشر قصائد محرم مع الالحان للاشتراك. بالقناة اضغط على الرابط https://t.me/+QYhwKvqAiD7e_b1P

وقفت على القبور مسلما قبر الحبيب فلا يرد جوابي احبيب مالك لاترد جوابنا انسيت بعدي خلت الاحباب @@@@@@@ انا الحبيب وكيف لي بجوابكم وانا رهين جنادل وترابي اكل التراب محاسني فنسيتكم فغبت عن اهلي وعن احبابي @@@@@@@ يلي تهيلون الثره دفنوني وياه مگدر اشوف الكون خالي من محياه گشره تراهي اتصير عيشتنه بلياه عگب الولي ماريد هل الدنيا الدنيه @@@@@@@ ابونه الچان خيمتنه ويلمنه اوعلى امصابه يخي لحد يلمنه يصاحب موت الفراگه يلمنه اوألم كل وفي اوذات شجيه @@@@@@@ عگبك لحرم لبس الجديد وانه انصب المأتم ليلة العيد ماظن الگلب ينساك ويهيد ياوالدي وانت الفجيد يوم اعله يوم احزاني اتزيد لون كثر البچه ايفيد ويرجع الغاب او امشه ابعيد فادن بواچيي يصنديد عليك او ونيني اوصفگت الايد لاچن البچي والنوح يشفيد @@@@@@@ ياريت في الاحياء شخصك حاضر وحسين مطروح بعرصة كربلا عريان يكسوه الصعيد ملابسا افديه مسلوب الثياب مسربلا ولصدره تطأ الخيول وطالما بسريره جبريل كان موكلا @@@@@@@ يخيل المغيره عتنيني وبدال اخيي رضرضيني عتبي اعله حيدر مايجيني @@@@@@@ دخيلك ياعلي هل الصار هل الليل وابوي ابهل المسه يمك دفنته صحيح الله او ورسوله مايقصرون لچن ليلة الوحشه نريدك انت @@@@@@@ ابهيمه الدهر وهدنه وحدنه تهدم سورنه العالي وحدنه يبو الحسنين ضلينه وحدنه واهلنه امطرحين على الوطيه

#أبوذيـات اعله مسلم دمعي الليله .. تجآره عليه الدهر يا وسفه ... تجاره ابحبل اهل الرذيله امست . تجره او ضلت عل درب جثته رميه ... ريتك يا ابو اسكينه .... تراها جثة مسلم انجرت ..... تراها وسف فوگاه چتاله .. تراها سبه او سب علي حامي الحميه اجه الطارش لچن النار ... وجهه وابو اليمه تغير لون ...... وجهه وايگله حميده الوجه .. .. وجهه مسلم مات خلها يم رقيه .... الدهر نيران بضلوعه ......... يجرها احسين او حسرته المسلم .. يجرها صريع   او جثته الضالم .... يجرها ابسوگ اهل الحقد والناصبيه .... دليله احسين ضل منگطع .. بتاه وليله بل دمع والنوح .......  بتاه ونينه ايزود كلما شاف ...... بتاه تبچي او يبچي وياها سويه ... يامن للسبط وفّه ......... وكفّه وحگ عباس والرايه ...... وكفه حزني اعليك ما گطعه ... واكفُه لحد ما اندفن حدر الوطيه .... ابو فاطمة الطائي #اللهم_عجل_لوليك_الفرج

#ابوذيات لمولاتي ام البنين صلوات الله عليها گلب مثلي على الوليان ...   ما ون ضعنهم سدّر اعله الموت ...  ماون ابو السجاد مدري وين ....   ما ون مشه . او نيران ضل تستعر بيه.  ××××× وادي كربلا عل ضيم ... لمهم ولا چنهم بعد يلفون .... لمهم ولدي مو مهم يگضون .. لمهم يرد سالم ابو السجاد أليه ....   سلامي ابكل مسيه ...  اوجهه لحسين مشه والنار بيه ...       وجهه الحسين الوِلِد ما ريد اريدن .... وجهه الحسين خاف اتدوس فوگ الاعوجيه ...  تمنيت اگعد ابهل ليل  ....  يمكم ييمه اوكون يومي گبل ...  يمكم          يومكم ما تدرون بيها اشصار ....   يمكم            امكم خيال اصبحت چل زهره الزچيه ...      عليه الموت مثل الشهد .... بعداه كلشي ينجرع بس كلف .... بعداه گالو رحم ما تلگين ......     بعداه أويلي اشلون بحسين او رقيه .... گلب مثلي على الوليان ...   ما ون ضعنهم سدّر اعله الموت ...  ماون ابو السجاد مدري وين ....   ما ون مشه . او نيران ضل تستعر بيه.  _ وحگ زينب لمن اصعدت .......  تلها الضعن وياه اهروش الگلب ...    تلها او صفت روحي ابونين الليل ... تلها مره انعه السبط مره انعه اخيه  .... طال السفر يحنيّن ....     أما الكم رجعه ؟ لو نسيتو اهنا ... أُم إلكم روحي التون ما گطعت ... املكم تتاني اضعونكم كل مغربيه .... عله خدي الدموع ارسمت .. وسماي وعلي ضاگت عليه الارض .. واسماي عگب احسين لوني ذبل ....  واسماي تصيح ام الونين الناس اليه   ... تنام المِسعده يمها .......... وِلِدها وانه المتوذر اعله الشط .. وَلدها اويلي او أشد من هاذه .... والادهى راسه اعله الرمح جابوه اليه ...... چاره اعله الصبر مامش ...  ولا حل او بعد لا عافيه عندي ...... ولا حيل الخيل اترافس ابصدرك .... ولاح ال حافر بالگلب سوده عليه ....... العمر وياه لو بيدي ............ لجسمه و أكعّ الخيل ما توصل  ...... لجسمه جسمي خل يوذرنه     ..... لا جسمه اشحلات الموت دون ابن الزچيه  .... ابو فاطمة الطائي #اللهم_عجل_لوليك_الفرج

ابو ذيات مريضه الكوم جانت طبها لحسين وطهرها الارض لمن طبها  لحسين الحره بزود صاحت طب هلاحسين واسحك روسها العالة عليه ......... الجواب من سيدالشهداءع . اطبن وحك عينج وانه الحسين ودور قاده منهم وانه الحسين  انه الطيب كله وانه الحسين وانه راضع وفه من الزجيه ::::::----:::::: حسن صالح العيساوي

يا عباس هاي الخيل اجــت ردها وصلت صوب خيمتنه وجزت حدها . . حدها الخيل عبرت ياهو يحميني وسط الجيش خــويه لا تخليني ها عباس شو ساكت بعد عيني جــر السيف و تلكه الي عانيني ترضه ام عون بالديران وحدها . . وحـدها تـضـل ام عـون محتاره يا عباس كـــوم الها لـفـت غاره اخوك حسين طب الجيش لدياره سل السيف مــــا ضلت بعد جاره و الغارات انته تشل مطاردها . . مطاردها تشل عباس لو سليت سيفك بالحرب معروف ما مليت و ساكت ليش يا عباس ما رديت بيك احزام ضهرحسين من شديت الشده تريد راعيها الي رايدها . . رايدها الشدد عباس حي عباس حي الزود راعي السيف يا فراس وحدك دوم يا عباس ما ينجاس يمشيم الملاعب كوم يا نبراس للاجــيال و التاريخ خـلــدها . . التاريخ خلدها و يسولف بيك وتموت الزلم عباس من طاريك ما تلاج خويه ويا كفيلي ادريك ما جازيدك يا عباس ما جازيك انته الشيخ و القادات قائدها . . قائدها تعرفك يــا جبير الشان زينب راح من عكبك تطب ديوان يوم الكون سيفك مايضل ضميان درب الشام راح تــــروح وي فلان ذاك الجان عمره لابد ابسدها . . حسن صالح العيساوي

زينب من مشت من دون واليها عكب عباس صار الشمر حاديها . ريضلي اعلى هونك حادي الناكه تره افراك العزيز يموت افراكه لعد عباس اريد الروح مشتاكه والنار  بدليلي  اصبحت حراكه وراح  الراي  منها ويه  اهاليها . استجارت بالكمر عباس ابوالغيره اكعد شوف زينب طاحت ابحيره مشت اختك يخوها زينب ايسره تدور  الحره  من ديره لعد  ديره شال الجان هيبه وجان حاميها . و منهو الي عكب عيناك يرعاها زينب لومشت ياهو المشه وياها عمت من البجي يا ناس عيناها حادي النوك جدها المصطفى طه وامها  فاطمه من  كون  تدريها . ما بيهم امروه و غيره ما بيهم يخجل كل فعل من ذكر طاريهم عاميهم جهل و الطمع  عاميهم هذوله بلا رحم معروف ماضيهم حريم وناكه عرجه الكوطرت بيها . كلب زينب كسرته كسرت الجامه على عباس اخوها وطبرت الهامه هذاك  التهرب  القادات  كدامه هوه وطاحت عالتربان العمامه تكوم  الزينبك عباس و حميها . حسن صالح العيساوي

عباس زينب مشت للشام ميسوره . . مهضومه اختك مشت درب السبي يالكمر بصوت الهضم حشمت وينك يراعي الامر محتركه من الشمس لون العبايه سمر رد الها يابن علي مهضومه بيد الكفر ها يالكمر صاحتك كوم الها و بغيرتك ما تقبل امروتك لو شاهديت الصوره عباس زينب مشت للشام ميسوره . . وامتون زينب زرك من الضرب ورمن عيونها عل درب بغياب عينك ععمن صوت العلاوي بهضم ياكافلي حشمن احساب يوم السبي بيه شكثر حسبن تحضر يبن حيدره عيال النبي ميسره زينب تضل حايره من الزمان وجوره عباس زينب مشت للشام ميسوره . . ديوان لمن تطب والحال فوك الصعب عكب الاهل والزلم زينب مشت وي غرب بين عليها الهضم بين عليها التعب كون انته مو عالرمح وياها طول الدرب بصوت الهضم نادتك راس برمح شافتك لا يسره لا يمنتك والمهامه مطبوره عباس زينب مشت للشام ميسوره . . تعبانه زينب صدك كافلها راس برمح تنعه اخوها بدمع وحسين هم منذبح ماغمضت ما هدت تبجي وتون لصبح موش التعب والسفر ماذيها حيل الجرح والعين تذرف دمع بيها الكمر ماسمع من عهد باب وضلع بس بالنعي و طوره عباس زينب مشت للشام ميسوره . . عرجه الهزل يل كمر والعين دم اتهمل مذبوح حتى الحلم مذبوح مو بس طفل محد عليها نشد لا مـن اخو لا اهل كلبج يزينب عجب هاي المصيبه احتمل ما مات من الهضم من شاهديتي الضلم من مات راعي العلم ومشيتي مجبوره عباس زينب مشت للشام ميسوره . . حسن صالح العيساوي