قناة سيد علي الموسوي

يامولاي ياعلي ابن موسى الرضا ع تعيش الذكريات اوياي مثل الهوه بالرِّيَّه واحن لزيارتك مولاي يالسُّلطان يومِيَّه إلك چفيني من ابعيد لَوْحَن اشبيدي والگلب معذور لوحَن أتاني مَوْعد ازيارتك لو حان أجيك امناشَغِي امناشَغ رقيه يروحي ابذكريات العِشِگ گلباي إلصبر لزيارة السُّلطان گلباي عطر گبره يِخَمِّد نار گلباي ودُوَه اجروحي القِبَاب الرَّضَويَّه مو بير الغياهب صفت بيران وگلبي للمَواجِع صوت بي رَن أحن لزيارة المدفون بيران تسر گلبي الاجواء المشهديَّه يَمَن حُبكُم إلي والبُغُض مو لاي أواليكم واصيح ابفخر موالي أريد اطلب وازامط بيك مولاي واگول الهم گظاهه الرَّضا اليَّه سيد علي الموسوي😢😢

تعله صرختنه...يانبينه من أرض مَشهَد.....للمدينه كل وكت يتعاله...هذا صوت الرافضه والعزائك جينه...يَبن عمِّ المرتضى صحنه من الضامن...علي بن موسى الرضا انوالي مَن والاكم...واليضدكم نبغضه نهدي صيحتنه....الليله اجينه من أرض مَشهد...للمدينه ..................................... بسمك وبحروفك...تفتخر أرض وسِمَه وحگهه من تتباهه...بيك يابو فاطمه للشعائر حُبنه....هالعزاء ايترجمه وشيعتك واحبابك...عالخِدامَه امحَزِّمه واعله هالخدمه....اتسابگينه من أرض مشهد....للمدينه .................................. يانبينه الباري...رحمه لينه أرسَلَك واعله هايه اكوانه...يامُحَمَّد فَضَّلَك سيدي واعلومك....بيها مَحَّد ماثَلَك والمُحِب من جودك...يرتجي ويتوسَّلَك سيدي وشخصك....نادبينه من أرض مَشهَد....للمدينه .................................. من عزيز الكاظم...هالتنادي شيعتك والرؤوف اويانه...ينحب اعله مصيبتك من صحن والينه...هالنداء الحظرتك عهد يا اباالقاسم....نبقى دوم ابخدمتك شِلنه للبيعه...اثنين ادينه من أرض مَشهَد...للمدينه ...................................... نسأل الله ابجاهَك....ها يَجَد اهل العُلَه اوياكم ايخلِّينه...وهل عِشگ نتواصله المايحبكم هذا...يخسر ومَحَّد إله والِّذي يهواكم...الخير كِلَّه ايحصِّله يالعَذِب حُبكُم...بي روينه من أرض مشهد...للمدينه سيد علي الموسوي

يامولاي ياعليَّ ابنَ موسى الرضا ع ابدمعتنه التِهِل وابثوبنه الأسود ننعه امصيبتك جينه يبو محمد تعنِّينه ابدمعنه وبالسَّواد احنه ويلي اشهالمُصيبه المؤلمه صِحنه إجينه الماتَمَك والجرح ذابحنه ونار البالگلب مولاي ماتخمد إلك ياسيدي الضَّامِن تعنِّينه نريدك ياعلي تضمن بواچينه واخذ (للسيده تَكتُم ) تعازينه والرُّوح النَّبي كون العزاء يصعد يبن موسى ابنَ جعفر ياعظيم الشان ابخِدِمتَك نفتخر ( يا أيُّها السُّلطان ) يامن حُبك الهاي البَشَر مِيزان يخسر مُبغضك وايفوز التودَّد گلت ( يَبنَ شَبِيب ) ابچي على المذبوح وصيتك هاي نقراهه ونضل انُّوح عله يوم الطفوف احنه انترسنه اجروح وجمر اصدورنه اعله حسين مايبرد نبچي الزينبك يَمهيِّج الآلآم لاضَلّت زِلم لاضلَّتلهه اخيام ننعه وننتحب عالشّام آه الشّام اشما نذكر مُصايبهه البِچَه يِشتَد الليله المرقدك تتوافد احبابك والعالم ابأسره اينوح لمصابك ارزقنا الزياره وشَمَّة اعتابك ياباب الرجاء الأبد ماينسد سيد علي الموسوي

‏مقطع صوتي من سيد علي الموسوي

السيده الزهراء وأبيها رسول الله صلوات الله عليهم أون وآنعي..واهل دمعي وليل الفرگه ياذيني ..................................... أنه الزهره يبو الزهره...الچنت اتودهه واتودَّك يوم اتشوفهه ترتاح...وآعز امن الهوه عندك حالي مو هذاك الحال...يابو فاطمه بعدك من حگهه العيون اعليك...لو صَبَّت دِمَه الفگدك يبو الكلفه...ألف وسفه متشوفك بعد عيني ....................................... حنانك تارس الدنيا ...وتارس عيني دمع الهَم الحزن مو بس على دارك..على الكون الحزن خَيَّم أعيش اجروح بغيابك...الگلب من عدهه مايسلم يبويه وحسرة افراگك...بس الباري بيها اعلم يبو العتره....الهَجُر كسره ونه المكسوره تدريني .................................... چنت أستانِس ابرؤياك...واحچيلك وتحچيلي رحيلك يارسول الله...هادِم كل قُوه ابحيلي ماجَف الدَّمع بعدك...وون بنهاري وبليلي مَراسيلي المَناحَه اعليك...وماكَفَّت مَراسيلي إلك نوحي ....وحزن روحي وعَسَن لا طالت اسنيني ......................................... يوم الغمضت اعيونك...علينه الوكت شَن حربه وعزيزك حيدر الكرار...هم مثلي انكسر گلبه اليعيش اجروح وي ناسه...يحس چن عايش ابغربه صُفينه اثنينّه انعاني....يامن فرگتك صعبه يَضَي عيناي....فرگتك هاي تضل جمرتهه تچويني ........................................ رحلت انت وجرح گلبك...يرافع راية الإسلام مثلك يانبي اتأذّه...وعاش ابوكت كِلَّه آلآم اعله مضلوميتك الكبرى...تعجز تكتب الأقلام والظلموك ظلمونه....وعشنه ابغيبتك أيتام يبو القاسم....يضل دايم الجرح مابينك وبيني سيد علي الموسوي

‏مقطع صوتي من سيد علي الموسوي

‏مقطع صوتي من سيد علي الموسوي

ضامني وياسلطاني ازيارتك عالم ثاني ابحبك اعله الزمن...يبقى گلبي راهي يامن ازيارتك ...بيهه سِر إلاهي والبدر مَشهَدك...يابدر يضاهي يَمَّك من اعتني...أرجع ابتَبَاهي وابقه احن هَم تلگاني ازيارتك عالم ثاني ................................... ياأنيس النَّفِس...تانِس ابجِنانَك جَنَّه فوگ الأرض...ينحسب مَكانك روحي مثل الطفل...تعطش الحَنانك مو أمان الوكت...رايد الأمَانَك ما إلي غيرك آني ازيارتك عالم ثاني ................................. يالرؤوف وإلك....تگصد الحياره واليزورك صدگ...يضمن البِشاره من أوَدعَك أضل...أقرء هالعِباره سيدي اكتب إلي...العوده للزياره الدعوتك أبقه امتاني ازيارتك عالم ثاني ................................... يامُهِيجِ الحزن....ننعه بالمآتم ويَّه دمعك نضل...نبچي عالفواطم واعله طاري العَزَه...يبقه گلبي هايم الليله أتوسَّلك ....سَجِّل اسمي خادم خادمك ما تنساني ازيارتك عالم ثاني .................................... معتني ابدمعتي...وانحب المُصابك زايرك وارتجي...نظره من جنابك جايك ابلهفتي...وگاصد الرحابك سايلك مايضل....حاير اعله بابك وآخره ودنيا ترعاني ازيارتك عالم ثاني سيد علي الموسوي

‏مقطع صوتي من سيد علي الموسوي

گاصد الرحابه...أدعي بالنيابه وادري مستجابه...دعوة الغريب گاصد ابحزني وجراحي ودمعتي ابخدي الليله أدعي بالنيابه الكل محب عندي من بعد فرض الزياره والصلاة ابدي أذرف ادموع المصيبه وادعي للمهدي صاحت الجوارح...مهدي يابو صالح يمته يامسامح...ينتهي المغيب أهم من كل شي الدعاء الصاحب الطلعه كل ضلم ساعة ضهوره الغايب ايرفعه ينقذ الأمه ابقدومه وتفرح الوسعه دوله يبني لليتامه ويمسح الدمعه تفرح اليتامه...من يجي ابسلامه ماتضل ملامه...والجرح يطيب بعد دعواتي الإمامي اليكشف الغمه أمشي وادعي الكل محب ابحظرة العصمه أنخه ياربي وأنادي ابجاه ابو اليمه الليله كل مهموم يارب ينكشف همه سيدي وسألته...بالنبي وعترته واسأله ابرحمته...ربي يستجيب دعوه ندعيهه المسيه ونرفع ايدينه يا إله الكون عجل فرج مهدينه ابجاه ابو الزهره البتول وعلي والينه اخذل الطغيان وانصر من نصر دينه ربي بالوديعه...احفظ الشريعه وحبنه مانبيعه...وحيدر الحبيب سيد علي الموسوي

‏مقطع صوتي من سيد علي الموسوي

زوروني زوروني يحبابي زوروني يناس آنه الِّلذي يگصد حظرته اهمومه تنجلي واتطيب عِلته اليبچي ابمرقدي أمسح دمعته ابغربتي الزارني زرته ابغربته تلگوني تلگوني بِالشدِّه تلگوني آني الضامن السلطان آني غريب ابطوس يِتسمَّه مَكاني أنيس الزارني يحظه ابحَناني ويرد مسرور لدياره الإجاني يدروني يدروني زواري يدروني آنه المِنجِرح دَلاَّله كل حِين وآون ابغربتي واهلي بِعيدين صحت يابن شبيب ابدمعة العين نوح الكربله وابچي عله حسين واسوني واسوني بمصابه واسوني آنه الماهِدَت لحسين وَنتِي وانوح الزينب المَسبيَّه عَمتي واسوني عله امصابي وغربتي عله احبابي فلا تنشف دمعتي بعيوني بعيوني دمعاتي بعيوني أحب البالمجالس دمعه سچاب او يصيح ابصوت آه يافگد الأحباب ماطاب الجرح لليوم ماطاب واتاني المنتظر يلفي امن الاغياب عينوني عينوني عالغربه عينوني سيد علي الموسوي

خل نواسي فاطمه والمرتضى ابفگد هادينه النبي وفگد الرضا بالمناحه وبالمدامع والنحيب انواسي حماي الحمه ابفگد الحبيب ويلي ياجرح الرسول المايطيب غاب عَنَّه والحِزِن عَمِّ الفَضَه فاطمه اتون اعله ابنهه ومحنته واحنه وياهه نون لمصيبته انشارك الزهره وننوح الغربته انصيح واويلي على البالسَّم گظه اليوم حول التعزيه الزهره تطوف تاره تنعه المصطفى وتاره الرؤوف اعليهه چن انعادت احزان الطفوف وچم سهم بحشاهه هالليله مضه فگد طه المصطفى سيد الرسل عالصميده ياخلگ لا مو سهل گلبه مكسور ودمع عينه يهل وابوسط روحه تشب نار الغضه هم الامصايب يضل ماينجلي وصوت أحباب الأطايب يعتلي أعظم الباري أجركم ياعلي دايم اوياكم عزاء الرافضه عايشه اويانه غصصكم والألم مانسيناكم يهل بيت الشِّيَم نسأل الباري نضل الكم خَدَم وبالخدامه ألف هنياله الحظه سيد علي الموسوي

السيده الزهراء وأبيها رسول الله صلوات الله عليهم أون وآنعي..واهل دمعي وليل الفرگه ياذيني ..................................... أنه الزهره يبو الزهره...الچنت اتودهه واتودَّك يوم اتشوفهه ترتاح...وآعز امن الهوه عندك حالي مو هذاك الحال...يابو فاطمه بعدك من حگهه العيون اعليك...لو صَبَّت دِمَه الفگدك يبو الكلفه...ألف وسفه متشوفك بعد عيني ....................................... حنانك تارس الدنيا ...وتارس عيني دمع الهَم الحزن مو بس على دارك..على الكون الحزن خَيَّم أعيش اجروح بغيابك...الگلب من عدهه مايسلم يبويه وحسرة افراگك...بس الباري بيها اعلم يبو العتره....الهَجُر كسره ونه المكسوره تدريني .................................... چنت أستانِس ابرؤياك...واحچيلك وتحچيلي رحيلك يارسول الله...هادِم كل قُوه ابحيلي ماجَف الدَّمع بعدك...وون بنهاري وبليلي مَراسيلي المَناحَه اعليك...وماكَفَّت مَراسيلي إلك نوحي ....وحزن روحي وعَسَن لا طالت اسنيني ......................................... يوم الغمضت اعيونك...علينه الوكت شَن حربه وعزيزك حيدر الكرار...هم مثلي انكسر گلبه اليعيش اجروح وي ناسه...يحس چن عايش ابغربه صُفينه اثنينّه انعاني....يامن فرگتك صعبه يَضَي عيناي....فرگتك هاي تضل جمرتهه تچويني ........................................ رحلت انت وجرح گلبك...يرافع راية الإسلام مثلك يانبي اتأذّه...وعاش ابوكت كِلَّه آلآم اعله مضلوميتك الكبرى...تعجز تكتب الأقلام والظلموك ظلمونه....وعشنه ابغيبتك أيتام يبو القاسم....يضل دايم الجرح مابينك وبيني سيد علي الموسوي

‏مقطع صوتي من سيد علي الموسوي

يا أبا القاسم...يانبي الرحمه الليله سَجِّلنه...ابدفتر الخدمه يالنصرت اسلامك...الله رافع هامك واحنه ياهادينه...نفتخر خِدَّامك الله شَرَّفنه العزائك جينه حتى تنزل رحمة الله اعلينه واحنه من هذا العزاء نادينه عله حُبك سيدي اتعنِّينه هايه أحبابك...اتعنَّت ابهِمَّه الليله سَجِّلنه...ابدفتر الخدمه امحبِّتَك تِجمَعنَه...وبالدعاء تِسمَعنَه ياوَجِيه الليله...بِاسمَك استشفعنه يانبينه يالفجعنه اغيابك ننعه فگدك مانسينه امصابك واحنه هاي الليله نطرق بابك ياشفيع وتشفع الأحبابك والدِّعَه ابإسمك...ينجلي هَمَّه الليله سَجِّلنه...ابدفتر الخدمه يانذير وهادي...نبقه دوم انَّادي يربح الوالاكم...يخسر اللي ايعادي ياصراط المستقيم انشوفه رحنه فدوه لاسمك ولحروفه هاي شيعتكم تضل ملهوفه حُبكم الطاهر أبد منعوفه واعله خدمتكم...كلهه متحزمه الليله سجلنه...ابدفتر الخدمه فاز اليواليكم...والتمسَّك بيكم حگنه يابو الزهره...من نموت اعليكم يانبينه وشُكراً الرب السمه خَلَّه عدنه اگلوب بيكم هايمه بالرخاء وبالشدد والموزمه نبقه نهتف ياعلي ويا فاطمه فايز الحُبكُم...يسري وَي دَمَّه الليله سجلنه...ابدفتر الخدمه بالگلب شلناكم...نفتخر نهواكم إنتو ماتنسونه...واحنه ماننساكم غاد كل أُمَّه ابنبيهه تفتخر واحنه باسمك نفتخر يوم الحشر واليريد اهناك وجهه يبتشر يگضي بالخدمه الشريفه هالعمر حگه يتباهه...الينكتب إسمه الليله سجلنه...ابدفتر الخدمه سيد علي الموسوي

‏مقطع صوتي من سيد علي الموسوي

نار اشتياقي..بالگلب متوجره ريت اعتنيلك..ياحبيب الزهره حزني چنه موطني..ريت هالليله اعتني..للمدينه أگصد ابحسرة گلب..يمك اگعد وانتحب..يانبينه أجري المدامع..من اشوف الحظره ريت اعتنيلك..ياحبيب الزهره للزياره هايمه..روحي يابو فاطمه..حسره بيه يجري يمك مدمعي..واگعد اقرالك نعي..عالزچيه نبچي اعله زينب..والوگع عالغبره ريت اعتنيلك..ياحبيب الزهره جيت هالليله ابحزن..يارسول الله أون..عالمصيبه بالمناحه ينعرُف...گلبي أبداً مايكف..من نحيبه خادمكم آني...وبالمجالس أقره ريت اعتنيلك...ياحبيب الزهره هايه خدامك إجت..للعزيه واعتنت..ياأملهه هالمجالس والذكر...نبقى بيهه نفتخر..رحمه كلهه روح الموالي...كل وكت مبتشره ريت اعتنيلك...ياحبيب الزهره إي وحگ امصيبتك..نبقى نخدم عترتك..كل عمرنه بالخدامه نفتخر..سيدي ابيوم الحشر...يافخرنه يوم القيامه...كل موالي اتحظره ريت اعتنيلك...ياحبيب الزهره عالمصاب الزينبي..نبچي يمك يالنبي..لو وصلنه آه ياجد الحسين..كلنه يمك نادبين..اشفع النه ابهاي القصيده..ارجو منك نظره يمته اعتنيلك..ياحبيب الزهره سيد علي الموسوي