قناة الشاعر موسى البديري

قصيده طلب حاجه للأمام الرضا ع ضامن شيعتك لو مـــرها بأجر نار اظمن حاجــة الكاصد الك خطــار *** ضامن شيعتك معروفـــه يا مــــولاي واجيتك سيدي اشكي هضم دنيــــاي اجيتك ضامي واطلب انه شربة ماي ومايك يا أمامي مثله ابد مـــــا صار *** عذب مايك يروي الكاصدك عطشان واجيتك بالدمع واگـــف على البيبان مــــا خاب الگصدلك ما يظل حيران تجبر خاطــــــره اليگصدلك ومحتار *** محتار الكصدلك يشكـــي مـن كسره ويدري بحضرتك بس انــت التجبره كسري بالگلب هاي يالرضا شكبره طبيب العله يــــا شبل النبي المختار *** طبيبه انت وگصدلك يشكي من علته ويهل ادمـوع عينه ابحضرتك شفته تعرفه لــــو حچه وتعــرفه بالسكته لان تــــدري يبو محمد لهيب النــار *** لهيب النــار يسعر مــــن الم دنيـاه واتعنـه ابدمعتـه بلــــوعته وبـالآه يحچيلك عذابـــه بس دمع عينـاه وطبعك مـــا ترد يا سيدي الــزوار *** الراجي نظرة مولاه الرضا موسى البديري

الى سيدي ومولاي الامام الرضا عليه السلام قصيدة ( دمعة مشتاگ) بدمعة مشتاگ     ياذيه الفراگ ناديت الضامـن نظــره بجاه حسين ودم نحره     **** بدمعــة عاشگ ودلاله ينبـض شــوگ اهيمن للرضا عاشگ وهـو المعشوگ الهوه موجـود وآنـه لحضرته مخنوگ بشباچــه طفــل چنــي بعلگ مشبـوگ اهــواه والله        اعشگ ذكرها يا يـــوم اگصد للحضره بجاه حسين ودم نحـره   ****   اليِفــارگ أهلــه لابــد تنتهي الفــرگه ويــرد للفــارگـــه بدمعــات ويشبـگه انــه مفــارگ امـــام وضامي للملگه الهوه الما بيه عطره يموته ويخنگه   بالذر اهـــواه       وشلون انساه  الينسه لا يهنه بعمــره بجاه حسين ودم نحره   *   لأبـو محمد احــن ويسيلن الدمعــات للماردلــه ســائــل گــاصده بــآهــات ثلث حاجات يگضي وما يرد حاجات حتى مــن البعد هم توصله الاصوات ادري بمولاي        يسمع دعواي يجاوبني چنــه البشــره بجاه حسين ودم نحره   *   وحگ چبده التگطع مـن بنـي العباس مــا ننسى الرضا لــو تخمـد الانفــاس عدنه الحب عقيده وتضحيه واحساس نتوذر مــا نــذل فــد يـــوم لـلأرجـاس   شيعه وللموت       نرفع هالصوت خــدّام نظــــل للعتـــره  بجاه حسين ودم نحره   *         ضــامن شيعته كـافلنه بالمحشر بــاچــر ياخــذ بأيـد الــذي يعـثر يخسر كلمـن يضد الرضا يخسر مثــل النكرو البيعه لعــلي حيدر وياك نريد     مو ويه ايزيد  وياكم يا شبـــل الزهره بجاه حسين ودم نحره   *   الشاعر موسى البديري

https://youtu.be/fjELJRClWds?is=cDN1khOEv1iWLFo4

بالدمـــعِ واويــــلاه أنعـــى رســول الله حزنٌ تجدد ينعى محمد * * * انــه بيا دمعــه يالوعـه أنـــوح لسيد الأكـــوان وأحسه ويالدموع اليوم بحزنه ينحـب القـرآن لفگدك كل نبي ومرســل ينوح أبلوعه وبأحزان وينـــوح العالم العلــوي الليله سيدي أوحيران جبريلُ في مثواه بالنوح أذ ينعـــاه صوتٌ تردد ينعى محمد * * * مـن فگـدك بـده الإرهــاب يتسـلل يبــــو العتـــره البدايـه چانـت مـن البـاب يـوم الهجمـت الزمـره وضربــوا يـا ضلـع للدين ضلع الطاهره الزهـره وما ندري النهايه أشلون أحتـار المؤمن أبأمـره مــن كسرِ يوم البـاب منهــا بــدا الإرهــاب والدمــعُ يشهد ينعى محمد * * * أبچي أبحــرگت أدـموعي أبدمـع من دم فـلا ينشف مــن فگدك علينـه الجـور بـــذبـح وآلام ظـل يلتف بدء أبنحر الغريب حسين أنذبح ضامي أعلى أرض الطف وچــم منحـــر لجـــل حبــه أنذبـــح يـــا سيـــدي أبمـرهف من منحرِ المظلوم تجري النحورِ دموم نحرٌ تخلد ينعى محمد * * * وصــه الهـــادي بالعتـــره لچن سـوو عكس ما راد أبلا جــرم أوذنـــب ياحيف العتره مـن الأرض تنبــاد بسّـــم بالسجن والسيـف خلصوا يا وسف الأمجاد ومــراقد عتـــرة المختــار تنــزال بغـــدر واحـقــاد بالغدرِ تهوى صروح يسعى إليها الــروح يهبط ويصعد ينعى محمد * * * ما كفــى الذبــح بالسيف ولا مـــن حـــزو المنـحـر قــنابل صــــاروا الأنـذال بينــــه أردود تتـفجـــر لان يــالهــادي. حبينــــه عتــرتك فــتـوه تتصــدر لازم شيـعــــة الكــــرار نــزف دمهم يظل أحمـر تجري النحورُ دماء مــن زمــرةِ الطلقاء والجــــرحُ ردد ينعى محمد * * * الشاعر موسى البديري

عظــــم الله لــك الاجـــر علـــــي * يا مصابك يا عـلي شعظم المصاب منـه گلبــك سيــدي بالحــسره ذاب يــوم وجـه الهادي عن عيناك غـاب احــس روحــك غابــت بأحـــزانها * اليوم غضمت عين طــه المصطفى اليـوم روح الكــون بحضانــك غفه الشامت اليوم بعلـي وطـه اشتــفه وبالسقيـــفه گعــدو وشيــطانهــا **** روحه فاضت سيدي وعينك تشوف الامــه سلت ضـدك اقــلام وسيـوف عافت الهادي وعلى الكرسي تطوف وقسمّــت حكـم وبغـــي بطغـــاينها * عافــت الامــه نبي الرحمــه الأمين لا غســل خلـوه بعــد هــاي السنين ركضت أعلى الحكم لنها إبلايا دين شكــل ديــن أهــل البغـي و إيمانها * حيدر امصـابه بـده بجرح الرسول جرحـوا الهــادي بكسر ظل البتول اولده سـم وذبح وتجـول الخيـول لآل أميــه وسفــه وي مــروانهــا * وصه بالعتره النبي بنـص الكـتاب بالســيوف الامـه ردتلـه الجــواب حرگــو بأحقـادهم للــزهره بــاب الامــه مــا حفظت نهــج قـــرآنها * الشاعر موسى البديري

قصيدة ( خلصت الخدمه ) حال اهل المواكب بعد اكمال الخدمه يبدي امصابنه لو خلصَت الخدمه وشنو نفعه العمر لو ما ابو اليمه * يبـــدي أمصابنــه وتهــل مــدامعنه لو مــن المــواكب يخلــه شارعنـه چنه مــنْ الجنــان الــوكت طلعنـه سنـه نبقـــه نتــاني هبـّــت النسمه **** سنه نفارگ النسمه التنعش الريـه بس نسمــة الخدمــه الكلها حنيــه من تگضي نحسها الدنيا مگـضيه ونعد اعمارنه مــن تبتدي الخدمه * **** عمــر وبلا خدامه شينفع شيسوه مــِرّه ايامنه وكــت المشي حلـوه الخوه بخدمتك تختلف هـل الخوه مــو خــوة مصالح خـــوة النعمه *** يا وسفه الخدّامه خلصت ابسرعــه ومــن تفــرغ موكابنــه نهل دمعــه الگاصــد كربلـه ويعبرنه شيرجعـه تظـــل أعيونــه تتــرقـــب لجدمـــه *** تطيح اعمارنــه لــو نزلـت الـــرايه وتگضي لــو گضـت لحسين مشايه عطشانين نبقـــه لخــدمتــه ومايــه نبع حب الحسين الضاگه ما يضمه **** ليلة وحشــه چنهــا بالگلــب تـرهب لــو گالـــو نســـده بــاچــر المـوكـب وي دمــع الجفن للخدمه من نحسب سنه انتاني عطر هل الخدمه نشتمه **** الشاعر موسى البديري

ابوذيه لرجوع السبايا الى كربلاء وكأن العقيله تسأل كربلاء عن اهلها روحي مــا بطل ونهِا لهــا الون وتنشد كربله بلوعه الاهل وين مو لون الحزن صـــار لها الوان السبي والغرب والفرگه ورقيه الشاعر موسى البديري

‏مقطع صوتي من كن انسان

‏مقطع صوتي من كن انسان

قصيدة ( شكرا ) للدور البطولي الذي قادته السيده زينب عليها السلام في اظهار واقعة الطف وانتشار اهداف الحسين عليه السلام شكــــراً    يــا زينــب الثوريه شكـــراً    أنتي النصــر راعيه يا بت علي الضرغام      ذليتـي كــل الشـــام شكـــــــــــــــــــــراً *-----------*----------* الف شكـــرا يالعقيله عــالابــاء وعالنصــر الف شكـــرا للتحدي والبطولـــه والخـــدر من دخلتي الشام ثوره هزت أركان القصر يالعقيله لهذا يومچ كل ظلم مـــا مستقـــر ظنــــوا     زينب مشـت مسبيه ظنــــوا     بس للمــدامع هيـه ثـــوره مشت بأيتام      ذليتي كــل الشـــام *-----------*----------* ألف شكرا يالعظيمـه للنصـر فــي كـــربــــلاء أنتــي حققتــي ابنظالــچ حـلم كــل الأنبيـاء شگــد قــرابين بعقيــده قــدميتــي للسمـــاء وثوره بعد الطف صبحتي حاربيتي الأدعياء ثـــوره     بت حيدره معروفــه ثـــوره     بالشام وي الكوفــه شما جارت الأيام      ذليتي كــل الشـــام *-----------*----------* شكـرا نگــول أبمـدامع ويــه يـوم الأربعيـن يا نصــر حققتي بالطــف يكبــر بمر السنين هل النصر رادوه خساره يصير كل الظالمين حاولوا لكن عجيبه مستمـر نصـــر الحسين نصـــره      بصوتــچ بقى للتالي نصـــره      خليتي  راسچ  عالي ظل عالي دوم الهام     ذليتي كــل الشـــام *-----------*----------* شكـــراً وعـــذراً يحره انگولها بــآه ونـــدم احنه وصفنـاچ زينب بس مآسي وبس ألم ومــن قريناچ ابحقيقه انته ثوره من القَيّم چنّــچ العباس واگــف للنصــر رافــــع علم زينـــب     ثــوره فــــلا ذليتــي زينـــب    منذوره الـــچ قافيتي شما تكتب الأقـــلام       ذليتي كــل الشـــام *-----------*----------* كــدْ بكيدك من هتفتي رجفيتي ابــن الــدعي آنـــه بت آيـــة محمد انتـــه ابن مــن تــدّعـي آيــه صوتــچ يالعقيله لهسه يـــدوي بمسمعي مــن نوصّفــچ كـون نخجل نكتب بعفه أوعي حـــره      ذليتـي  قصــر الجائـر حــره       بيها الــزمن ظل حاير مـــا همتـــچ ظلام      ذليتي كــل الشـــام ۩•••۩•••۩•••۩•••۩ الشاعر موسى البديري

‏مقطع صوتي من كن انسان

گعديه على وزن هاي دار النوايب عتبوها لكربله جيتك وجبت الضعينه بالترايــب لگيتــك يــا وليــنه جيتــك بلوعـه ورزيه وبالغرب ظلت رقيه ماتت بحسره يا خويه الحنينه لكربله جيتك وجبــت الضعينه *----*----*-----* خويه بعد الفرگه جيتك يا عطر امي الزچيه شرد اسولف يا ظلامه منين ابدي بيا رزيه ابدي من صاحوا يزبنب يلله گومي يالسبيه لـِو ابـدي مــن شــام الالم بالسوگ چم غالي انشتم وچم شامت لحالي ابتسم يـــوم نــادو خــارجـيــه خويه كثره المصايب مرت النه شامت اليحدي يا خويه بضعنه من غمض عينه كفيلي بالغرب يا طــوله ليلي آه يـا فرحـة الشــام بسبيــنه لكربله جيتك وجبت الضعينه *----*----*-----* خويه يا روح الوديعه ويا نفس بالريه يسري ابالي مــا مرت يغالي عنــك يباعدني دهــري وآنه جنت وياك احسّب خويه اخلّص تالي عمري رحت ودمعتي سايله مسبيـه وي العــايــله يا خويه عملت كربله وياك احس گطعتلي نحـري فارگیتك غصب خـويه عليه واليفــارگ هله نفـس المنیه بالسبي بس روحي يمك تهوى كل ساعه وتشمك وابد ما بطلت ونهه الحزينه لكربله جيتك وجبت الضعينه *----*----*-----* ارد اسولفلك مصابي من طحت غالغبره دامي خويه خيل اعداك هجت بالحقد حرگو خيّامي وچــم طفل بالبر تحيّر يركض ودلاله ضـامـي نار الخيّم نار الضمه من باب امي فاطمه وياي ظلت مضرمه تستعر منهن ايامـي يوم صدرك تسحگه الاعوجیه ريــت گبلك لــفت ليــه المـنيه بيــا ذنـــب الله اكبــر عالرمل صدرك تطشر اعليك كلبي فــلا بطل ونيـنه لكربله جيتك وجبت الضعينه * خويه تدري مخدرتكم يا هلي حيرتها حيره هاي مـو عالبال اروحن عالهزل تالي اسيره وامشي من ديره يغالي خويه وادخل غير ديره من الكوفه اروح بلا ولي للشــام مــو ديــرة هلــي وبالسوگ توگف بت علي كلفــه يا خــويه وجبـيره وبالدواوين اطب هاي العجيبه يضربك اشفافك احاه شمصيبه الگبِـل قبلهــن محمد بيده يضرب ما تردد خــويه مـِا آمنوا يــوم بنبينه لكربله جيتك وجبت الضعينه * خاف يبن امي الچمك من اسولف عالخرابه بيها حزن الطف تجدد يا الم گلبي ومصابه هناك مـن نظرت رقيه راسك ودمه خضابه نادت يبويه شأخــرك گلبي شكثر يتنطــرك خليني اشمن منحرك والايــو يذبـِح غيابه بالطشت راسك اهناكه فجعه ــماتت بحسره يتــجاره دمعه چنهـا نــادتنــي رقيــه لو وصلتي ابن الزجيه عمه خبريه اعلى ضيم الصار بينه لكربله جيتك وجبت الضعينه * الشاعر موسى البديري كربلاء المقدسه

وكأن السيده زينب عليها السلام تسلم على كافلها عند وصولها من الشام الى كربلاء السلامُ علــى ســاقــي عطاشا كــربلاء السلامُ علــى ســاقــي عطاشا كــربلاء   ۩ • • • • • ۩ • • • • • ۩      بدمعــه يــا عباس ابديلك ســلامــي گلبــي يا خـويه الك ليهسه ضامــي منين ابدي امصــابي احتار بكلامي  ابـــدي مــن الشام لــو مـن كربلاء     ۩ • • • • • ۩ • • • • • ۩ بيا مصــاب ابدي يبو چفــوف الگطيعــه من طحت يا خويه ضامي اعلى الشريعه حــرگــوا اخيمنـــه بعــد ذيـــچ الفجيعــه ضدنـــه مـــن غـــارت جيــوش الطلقاء   ۩ • • • • • ۩ • • • • • ۩     آه يمصـــاب الســده بالغاضــــريه بعد ذبحك خويه صرت انــه سبيه   عالهزل عبـــاس مچتوفـــات اديه وضعن اختك يحدي خويه بالعراء   ۩ • • • • • ۩ • • • • • ۩      خويه يــا عباس يــا هيبــة خــواته آه مــن الشــام خويـــه و نايبــاتــه بسوگ نوگف خويه وتصد الشماته  وتــدري بالشمات مــا عدهم حياء      ۩ • • • • • ۩ • • • • • ۩     آنــه بنت الطـــاهره الزهره الزچيه اوگـــف بديــوان وتصــدلــي اميــه نظــرت الشمــات اشــد مــن المنيه شگــد تمنيتــك تجــي وبيدك لــواء     ۩ • • • • • ۩ • • • • • ۩     آه مــن الشام يا خــويه وعــذابــه بگلبي مــا تطفه ابد جمرة مصابه وسفــه مسبيات نگعــد بالخــرابه وجــدنه طــه وسفه سيد الانبــياء   ۩ • • • • • ۩ • • • • • ۩     وسفه خويــه انشــتم وآنــه العقيلـه ويا هضيمه دمعي بالحسرات اسيله همومي بعــدك يا گمــر كلش ثجيله حايــره بأطفــال يــا خويــه ونسـاء     ۩ • • • • • ۩ • • • • • ۩   الشاعر موسى البديري

قصيدة ( آ يزينب ) خاصه بعودة السبايا آ يـــزينب عـوّدت  بـالأربعـين ..آ يـــزينب آ يـــزينب ردت أبدمعه وانين ...آ يــزينب نادت ابلوعه وقهر  أخ منك يـــا دهر *---------------*---------------* زينـــب بمحنــة دهـرها           رجعت لطف كــربلـه بحســرة مفـارگ تنـادي             والمــدامــع سايلـه ادري المسـافر يخوتي            أهـــله مــن تستقبله وانه يا هـو استقبلاني            بس نحيـب العايله وين أهلنه عوديــنه لكـربــلاء ... وين أهلنه رد ضعنه بحسره وبلوعه وبكاء .. رد ضعنه وين عني يا گمر  أخ منك يـا دهر *---------------*---------------* عمه يالسجــاد نــادت           وينـــه دلينــي الغــريـبْ وين گلــي حسين گبره           يِمِّه أريد اشبــع نحيـبْ أراد اگله الشيب بعده           خويه من دمك خضيـبْ خويه شـاف الماي گلبك           لــو بعــد جمــرك لهــيبْ أنه زينـب خويه جيتك للطفوف ..انـه زينب گلبي يلهب مثل گلبك لو تشـوف ..گلبي يلهب گلبي نيران استعر  أخ منـك يـا دهــر *---------------*---------------* خويــه تنشد عن رقيــه              ظلت بديــرت غــرب منين أبـــديلك محنها            خـويـه يحتــار الگلــب من تنادي حسين بـويه             بسوط بنتــك تنظرب اخ يــا خويه الخـــرابه              نـــار وبگلبـي تشــب بالخرابــه نادتك خويه بأنين ...  بالخرابه يا مصابـه ماتت بلوعه وحنين...  يا مصابـه نظرت لذاك النحر     أخ منـك يـــا دهر *---------------*---------------* عمه يـــا السجاد أخذنـي                يم كفيلي بحسـرتي أرد اســـولفله عـــذابي             وارد اســولف قصتــي بدت يا خويه المواجع              يـــوم حرگو خيمتي خويه مچتوفه أعّلىَ هزلْ             من طحت يـا هيبتي والله وسفه امشي تالي لليسر .. والله وسفه هاي كلفه يحدي بضعوني الشمر ...هاي كلفه درّت عينـي للنهـر   أخ منك يـــا دهـر *---------------*---------------* خــويه جمـر الشام يسعر              بالگلــب لتظن يهيد وانـــه خـــدر الله بعباتي           صعبه  ينظرلي يـــزيد خويه بيده الخيزرانـه         ويظـرب ابــراس الشهيد صحت يا خويه أبحسرتي            وين عبــاس العنــيد خويه وينك صحت بدموع العذاب... خويه وينك ريت عينك تنظـر لهـذا المصـــاب ... ريت عينـك يضرب أبأعظم ثغر   أخ منـك يـــا دهــر *---------------*---------------* خـويه يا عباس أحلفك           بالضلـــع مّــنْ انكـسـر خويه وبحيدر أبونه        وهامـه ساعة مـا انطبـر تشاهــد أسيـاط الأعادي           شخلـت أبمتــني اثــر ادري صاب السهم عينك         اخــذ عينــي يــا گمـر هايه عيني ... بيـها انظــر يا گـمر ... هايه عيني لو تجيني تشوف حالي من القهر  .. لو تجيني زينب انه ام الفخر     أخ منـــك يا دهــر *---------------*---------------* الشاعر موسى البديري

هوسات إلى كرم خدام الحسين وأهل المواكب الذين اذهلوا العالم في أربعينية الإمام الحسين عليه السلام اكبر سفــره للخطــار بس سفرة أبو الاكبــر حاتـم هسه لـو موجود بكرم خِدّامه يتحّير من البيشه الكرم موجود لحد ما توصـل المنحر (( وحسين يعزب خطاره )) **** بالحج شفــنا هذا العام مــوقف للعـــزوبيـه كارتين اربعــه من المـاي وزع بالسعــوديـــه بمــوكب واحد انته تضيـع يــوم الاربعيــنــه (( والشط بكبره يثوبونه )) **** الكرم عند العراق يصير همّه اصله الوضع ساسه خــذوه الكرم من عباس انطــه اﭼـفوفــه وراسه اصبــح جامــعة ايثــار بعـــده أيـّـدَرس بنـــاســه (( ناسه اعلى الجود مربيها )) **** تعال انظر لربع حسين ساعة ما تجي الخدّمه كلها تصيــح عــدْ عيناك بس أمرنه أبو اليمه نعزبلك مناحــر مــوت مــوش انعــزب بلگمه (( وبالروح تعزب خدّامه )) **** الشاعر موسى البديري

بعد عودة الضعن الى المدينه وسمعت ام البنين صوت الناعي ينعى الحسين خرجت مذهوله صوت النعي منين يـــا يمّــه يحسين يا بشر خبرني شجره نــار بدليلي اموجره صوت النعي منين ** ام البنيـــن الاربعــه بـــأرض المدينـــه نيــران تلهــب والگلـــب دايــم ونينــه والينـتظــر غايــــب يــــرد الله يعينـه ما تهده ناره وعالدرب مشبوحه عينـه تتنطـر إخبـــار أوسط الگلب نار شيطفي ناره المسعره نــار بدليلي اموجره صوت النعي منين * تــدريهـا التفـارگ ولـــد تتنطـــره أيعـــود وكل ساعه لفراشه تصد كل ضنها موجود شحــال التفـــارگ أربعـــه آويــاهم العـود أحــا يگلـــب الوالـــده بالحســره ممــرود توگف على الباب واتانــي غيـــاب وشيصبر المتحيــره نــار بدليلي اموجره صوت النعي منين * منتظره ردتهم لچن صــوت النعـي صـاح ركضتله بس وسط الگلب صوبها برماح ياهو انته صحت والدمع من الجفن طـاح يالتنعه گلبي وي النعــي من الصدر راح تنعــامن اليــوم وشجايب اعلوم وينه عزيز الطاهره نــار بدليلي اموجره صوت النعي منين ** لمـن ســـأل عنها أنــذهل ام الولّد هــاي تسأل على حسين ابدمع بس فاگده الراي گــال الهـا ولــدچ عالثـــره گلتله عينــاي وطاح الگمر يم النهر بس ما شرب ماي ولـــدچ مطــاعين گالت والحسين گللها ظل اعلى الثره نــار بدليلي اموجره صوت النعي منين * مــا همتــچ هـــاي الولــد كلهم مچـــاتيــل بحسين خبرنــي شجـره ودمعـاتچ تســيل مــذبوح وبصــدره تــرض يم الگمـر خيل والراس عالرمح أنرفع كــل لحظه ويميـل يوليدي مذبــوح وزينب سبي تروح وبالدمه جثته امعفره نــار بدليلي اموجره صوت النعي منين * كـــل الــولـد يم الولد بالطــف هديــه وســالم يرد ريته وعلي شبل الزچيـه ودونه ترض صدري يريت الاعوجيه ودونــه اظل اعلى الترب بالغاضريـه من اشرب الماي تتـــلاهب اچلاي چبدي ألك متفطره نــار بدليلي اموجره صوت النعي منين ** الشاعر موسى البديري

قصيدة ( آه يا جابر ) من وزن الموشح بعد عودة الامام السجاد عليه السلام ولقائه بجابر بن عبدالله الانصاري آه يـــا جــابــر تنــــاشــد عـالجـــره منين اسـولف والله روحـي مّحيره *----------------*---------------* منين أبـديلك واسولف يــا مصـاب مــن مصــايـب كــربلــه دلالـي ذاب عن أبــوي حسين لــو عـــن الشباب اجســوم ظلت مــن دمـاهـا أمعفره *----------------*---------------* أرد اسولفلك علــى حسين شسده بعــد ذبحــه داستـه أخيـول العـده وجثتــه ظلت عالــرمـال أمــوسده بعــد مــــا گطعــت أميــه منحـــره *----------------*---------------* آه يــا جابــر بعــد عيني شتشـوف عالشريعه الگمر مگطوع الچفــوف قِبلِــه صــايــر للنـــبال وللسيـــوف وجثتــه عالشــاطــي بگت متوذره *----------------*---------------* أهنــاه يجابر طـاح الأكـــبر عالتـراب وجاسم ابكتـره دماه أصبح خضـاب يا مصــاب الطــفل مــا مثلـه مصاب آه يـــــا نبلـــة ضــمـــاه امـــوجــره *----------------*---------------* آه يـــا جــابــر شسـولــف يــا الـــم يــوم شــبت نــارهم وسـط الخـّيم عمي بالطف هجـتْ أطفــال وحـرم وين تشرد والطفـــوف أمحـاصــره *----------------*---------------* آه يــا سهـم ألــي صــوّب مهـجتّــي يمْ يــزيــد بحســره وگفــت عمّــتي شلــون يــا جــابـر أبطــل دمعـتّــي وگلب زينــب نـــــار تلهــب مسعـره *----------------*---------------* آه يــــا شــام الشمــاتــه وحســرتّــه تبقى حـــد المــوت تسعـــر جمـــرتّـه يا مصاب احچيــه روحـي الشـافـتّه عن رقيه أمصــاب مــا مثلـه جـــــره *----------------*---------------* آه يــا جابــر جمــر مـــا أظـن يهيد روس فوگ أرمــاح وبأيدي الحديد ابتشر يـا وسفــه وشمّت بينـا يزيد تظـــل  جمـــراتـي  لحّــدْ الاخـــره *----------------*---------------* الشاعر موسى البديري

جيشين التـقن باطـل گبــاله الحـگ وي يا جيش چفك من يصير الطگ وي حسين لو تبقى أعلـى تـل العار ثـوب العــار مــا يسـتر تـره مشگگ ( وحسين الذل لا ميريده ) الشاعر موسى البديري

عندك علم داعشكم شصار وياه بالمگابل احطك يالنـِذل فوگــاه دم اولادي بالك تعتـقـد ننســاه ( ما يبرد دم العياله ) الشاعر موسى البديري

فـدوه نگِـول وي حسين الاستشهد نرده ان شاءالله ودم اهلي ما يبرد التماده اليوم لابد ما نحطله الحـد ( والعايل نگطع چف ايده ) الشاعر موسى البديري