ابوذيات فراس المحمداوي

١٣٠٨- فقد الامام الحسن عليه السلام صَفــر من راح اخونه منحسنّه وسگف عالبیت عگبه منحسنّه چــــــــان الخیر کله من حسنّه وراح الخیر لمّن غــــــاب ضیّه ✍ فراس المحمداوي

١٣٠٧- في خربة الشام ابچــي وعيني تجـــري عطّشت روح اعله راسك واجت تفتر عطّشت روح يبو اليمّــــــه بغـيـابــك عطّشت روح رقيه يالچنت مـــــــــاي الرقيه ✍ فراس المحمداوي

١٣٠٦- رقية بنت الحسين صلوات الله عليها جروحي اتفزز الجلمود لوعات عله الشافت بعمر الورد لوعات تولّاهـه الشمـــر لو جار لوعات وبچعب الرمــــح یضرب رقیه ✍ فراس المحمداوي

١٣٠٥- وارقيتاه دمعاتي بسواجـــــي العين للآن وذهيل وگلبي صايــر بيت للآن من اضوگ الماي مُـر الماي للآن النهر مكسور چي عطشت رقيّه ✍ فراس المحمداوي

١٣٠٤- الشام ما الشام بالطـــف متت مرّه مَرّه بالشام وشفت ايام عگبك مُرّه بالشام عمد ظعن الفواطم مَره بالشام الشمــــــر والناس تتفرّج عليه ✍ فراس المحمداوي

١٣٠٣- الامام السجاد المسموم الم يسعى بصحن گلبي والم طاف ومواجــع كربله بروحي والم طاف آخــــــــــر حال مشواري والمطاف ذابت چبدتـــــــــــي ابسمّ آل اميه ✍ فراس المحمداوي

١٣٠٢- الامام السجاد عليه السلام مو آنه الــــذي بلـــــومك لميته وتگلّـي امصيبتك تخلص لميته بحصيره جسم ابوي اذكر لميته من الم اعظـــــامه تتطشر بديه ✍ فراس المحمداوي

١٣٠١- الامام علي السجاد عليه السلام لا تكــــــثر يبو حمـــــزه بلاماي وبس ربـــــي الذي يعلم بلاماي ابــوي انذبــح عالغـــبره بلاماي وعگب ذبحه انسلب بالغاضريه ✍ فراس المحمداوي

١٣٠٠- سبي الفاطميات وحگ العالنهر دامــــــي لگنه اليريد اونين بس عـدنه لگنه الصبر والستر والحشمه لگنه والما لاگ نمـــشي ابين اميه ✍ فراس المحمداوي

١٢٩٩- بلا غسل ولا تكفين قطار الفرگه لـــــــو سيّر ميتنه وغير احزان ارض الطف ميتنه ظل بلا غســــــــل عاري ميتنه وترض بصدره خيـل الاعوجيه ✍ فراس المحمداوي