القصائد المكتوبه مع اللحن

يَلَّــه ياخوتــي النشامـــه               لِـلَّـطــم نتــــرك عـلامـــه               بمجلس اسكينه الحزينـه               لِـلَّـطــم نتـــرك عـلامــــه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ صَلفه عين الموت صَلفه ــ تعايــن ابوجه الحبايـب چــم…

يَلَّــه ياخوتــي النشامـــه               لِـلَّـطــم نتــــرك عـلامـــه               بمجلس اسكينه الحزينـه               لِـلَّـطــم نتـــرك عـلامــــه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ صَلفه عين الموت صَلفه ــ تعايــن ابوجه الحبايـب چــم عزيــز وچم عزيزه ــ نامــو ابحــدر التـرايـب مــاتت الليلــه الحبيبـه ــ اسكينه من جور النوايب لو يُـمُــر گلبــي بجرحها ــ يلگـه لوعات ومصايــب                لا نسينــه ولا جزعنـه                عالسِبِيّــه انهل دمعنـه                يا خلگ واجـب علينه                لِـلَّـطم نتــرك عـلامــه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ والله ماننسه جرحهــــا ــ تنــزف اللوعتهـا لجـروح  يا حزنها البينــه عايش ــ والدمـع عالوجنه مسفوح مو جرح لا چـن طواحن ــ تطحن ابدلالي والــروح مو دمع عالوجنه جمرات ــ عالمشت مسبِيّه واتنوح                  لاتِظِن مرتــاح بالـي                   من تُمُر هاي الليالـي                 ننعى لمصيبة اسكينه                 لِـلَّـطم نتــرك عـلامـه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ مَــر نسيـم الشوگ بينه ــ ريـت هالليلــه ابگبرها يا سليلــة بــت محمــد ــ فاطمه الزهره وذخرها نحيـي هالليله المصيبه ــ ونروي للـوادم خبــرها غربه واهموم ومواجـع ــ وبالقهــر عاشت عمرها              يا زمــن لاهلــه بملگــاك              ريــت لاجينــه ولشفناك              عفنه كلشي بس رضينه               لِـلَّـطـم نتــرك عـلامــه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ بينه مايوم الحزن مـــل ــ للنوايب صوته مسمـوع مايهِــم بُعدِ المسافـــات ــ إلهــا مرقد بيـن الضلوع هــذي ليلــتهــــا الرزيـه ــ مهجتي بالفاجعـه اتلـوع للحزينه ابعث سلامي  ــ حروفه مكتوبه بالدموع               ريت يابنــت الوديعـه               بالحشــر النــه شفيعه               العمر لو طالت سنينه                لِـلَّـطم نتـرك عـلامـه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ شَيّعــوچ العتره لطهـــار ــ مو نعش لا منجم اسـرار هذا نعش البـــي تقدم  ــ واليشيعـچ ابــو الاحـــرار ودعچ بالحسره ودمــوع ــ  ابكربلـه يتذكــر الصــار شينسه من مسبيه اخذوچ ــ لو خرابة گوم الاشرار               يا قبس بيــت الامامــه               انودعچ والف السلامـه               لمأتمــچ هــذا اجينــــه                لِـلَّـطم نتـرك عـلامــه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعر عمار الراشدي ليلة ٥ /ربيع الأول /١٤٤٨ هجري الأربعاء 19\8 \2026 ليلة استشهاد السيده سكينه عليها السلام #قصائد1448

تون اليوم سكنه عكب الأحباب ماتت والأحبه اليوم غياب ❥━──➸➽❥💔❥━──➸➽❥💔 ماتت والاحبه اليوم ما جوهه لا صلو عليهه ولا يغسلوهه اضنهه بلمدينه الغرب دفنوهه من شالت كلبهه شايل اعتاب ❥━──➸➽❥💔❥━──➸➽❥💔 ماتت والاحبه ما اجو ليهه ولا واحد حضرهه وصله اعليهه مهضومه مشت من عكب…

تون اليوم سكنه عكب الأحباب ماتت والأحبه اليوم غياب ❥━──➸➽❥💔❥━──➸➽❥💔 ماتت والاحبه اليوم ما جوهه لا صلو عليهه ولا يغسلوهه اضنهه بلمدينه الغرب دفنوهه من شالت كلبهه شايل اعتاب ❥━──➸➽❥💔❥━──➸➽❥💔 ماتت والاحبه ما اجو ليهه ولا واحد حضرهه وصله اعليهه مهضومه مشت من عكب واليهه عافوهه او نامو حدر الاتراب ❥━──➸➽❥💔❥━──➸➽❥💔 تون اليوم سكنه وغمضت العين لا عباس حاضرهه ولا حسين خلتهم ضحايه بالميادين ودماهم عليهم صاير اخضاب ❥━──➸➽❥💔❥━──➸➽❥💔 تون اليوم سكنه ولاولي عدهه كضت كل عمرهه ادموعهه ابخدهه وافتهه منيتهه ابلد جدهه ما واحد حضرهه من الاطياب ❥━──➸➽❥💔❥━──➸➽❥💔 وحدهه تون وشايله الليله من كثر المصايب صايره انحيله لحسين الحضرهه ولا رياجيله ماتت بالمدينه ابدمع سجاب ❥━──➸➽❥💔❥━──➸➽❥💔 الشاعره أميره أم محمد الكناني ليلة ٥ /ربيع الأول /١٤٤٨ هجري الأربعاء 19\8 \2026 ليلة استشهاد السيده سكينه عليها السلام #قصائد1448

زينب تنتحب وتعلي الونين عوانه تريد البت الحسين """"""""""""" لسكنه تريد عوانه يجوها زينب تنتحب وتريد اخوها تلطم عالصدر جنهم نسوها يالسجاد عمه غمض العين ✍️ام حسين الحلفي 🕊•┈┈••❉🕊🏴🕊❉••┈┈•🕊أدك    امتونها   وتهل  العيون السكنه فاتحه خلهم  ينصبون البت حسين وبسرعه…

زينب تنتحب وتعلي الونين عوانه تريد البت الحسين """"""""""""" لسكنه تريد عوانه يجوها زينب تنتحب وتريد اخوها تلطم عالصدر جنهم نسوها يالسجاد عمه غمض العين ✍️ام حسين الحلفي 🕊•┈┈••❉🕊🏴🕊❉••┈┈•🕊أدك    امتونها   وتهل  العيون السكنه فاتحه خلهم  ينصبون البت حسين وبسرعه يفزعون خل يلحك عليها اليله الحنين ✍️ام زهراءالفاطميه 🕊•┈┈••❉🕊🏴🕊❉••┈┈•🕊 الحره تريد منه اليوم عونه ياويلي الاهل هضمه هضمونه  وحدي وماكو جناز الحنونه  اريد مغسله من الكافل الزين ام زين العابدين ✍🏻🕊•┈┈••❉🕊🏴🕊❉••┈┈•🕊 تريد اخوانها  السكنه يشيلون تره هيبه الجنازه من يشيعون العشيره والعمام الهه يحضرون اصيح  اهنا يعمه فراك هلبين ام محمد الساري 🕊•┈┈••❉🕊🏴🕊❉••┈┈•🕊 يجيب الماي ضلت تنطر هنا الهاذا اليوم عباسج ذخرنا يجي  ليج  الحنين اليوم ردنا ويجيب احسين هاويه والمعزين ✍🏻 ام رحمه 🕊•┈┈••❉🕊🏴🕊❉••┈┈•🕊 سكنه  يلخو بعدك ولوها شبكوها بحبل ويشتموها صاحت يالابو بتك سبوها خلي الوالي  يحضر ها بالونين ✍️ #العلويه بتول الهاشمي 🕊•┈┈••❉🕊🏴🕊❉••┈┈•🕊 خلي الوالي يحضر هالمسيه سكنه تريدهم وكت المنيه اهلها احنان نامو عالوطيه تريد اليوم اهلها اهل الدواوين ✍️ام حسين الحلفي 🕊•┈┈••❉🕊🏴🕊❉••┈┈•🕊 زينب تنتحب وتنادي الاحباب ل السكنه بالعجل گومو يالطياب جيبو الچفن وجيبوالها ازهاب نعاتب بوالفضل مكطوع ليدين ✍🏻سلمى أم جعفر 🕊•┈┈••❉🕊🏴🕊❉••┈┈•🕊 تمت بعون الله بااقلام.رابطة سيد الشهداء ع ــــــــــــــــــــــــــــــــــــــــــــــــــــــــ ليلة ٥ /ربيع الأول /١٤٤٨ هجري الأربعاء 19\8 \2026 ليلة استشهاد السيده سكينه عليها السلام #قصائد1448

سكينه والعباس ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ أنت لو راجع يعمي بهالمسيه يم خيمنه  ماتدنت آل اميه ياذخرنه......كل عمرنه ...... يابو فاضل.......... .................................................. آنه سكنه........عندي محنه اليتامه كلها تنشد عمنه وينه…

سكينه والعباس ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ أنت لو راجع يعمي بهالمسيه يم خيمنه  ماتدنت آل اميه ياذخرنه......كل عمرنه ...... يابو فاضل.......... .................................................. آنه سكنه........عندي محنه اليتامه كلها تنشد عمنه وينه رَد جوابك.....وي خضابك مستحي مني يعمي وما تجينه هايموعود.....رِد الزنود عمي ارجع يالكفيل شگد نخينه اترك الماي....ها يوفاي ارجع وموت بخيمنه ياولينه . انت لو راجع يعمي ما بچينه لا شمر لا بن سعد يهجم علينه يا فخرنه.......كل عمرنه ....... يابو فاضل ........ ..................................................... ريشة الطاس....تخوف الارجاس عمي ارفعها برمح مابين الخيام اسمع الناس.....ذاكه عباس واگف بوسط المخيم بيده صمصام راعي الجود......بعده موجود ياشمر ماتگدر اتحز نحر اليمّام لا تهجمون....لا تگربون ضربته معروفه لابد تشطر الهام . للخیم لمن رجع شاف الزچیه انتفض لمن نظر دمعة رقيه يانصرنه........كل عمرنه ...... يابو فاضل ...... ..................................................... لو اجونه......وحاصرونه من الخيم اشمر عليهم عمي درعك وليشوفه......يبدي خوفه مستميت.ويابطل يكدر يصرعك هايمقدام......لا متنظام كلها تعرف بالحرب محد يجرعك يالسكوتك......يخفي موتك حيرتهم بالخيم محد يسمعك . منهو يگرب للمخیم وانت موجود والهجم یترك وصيته يعني ميعود من يمرنه........كل عمرنه ........ يابو فاضل ......... ..................................................... انته مغوار.....عندك اسرار حتى لو ميت سلاحك بي مهابه من يزحفون....صوب الضعون يهجم اعلينه الشمر ويسل حرابه ارهب الكون....عاليهجمون اسحب السيف واردنه الگرابه من یسمعون.....مایظلون قائد السبعین الف یفقد صوابه . حتی لو میت یعمي هم يخافون يم طرف باب المخيم ما يمرون يالتسرنه.......كل عمرنه ....... يابو فاضل ......... ..................................................... آنه تانيت.....وانته ماجيت مستحي مني يعمي وآنه اريدك انت لو جاي....چفك الماي نرتوي ياعمي كلنه بشمة ايدك تدري بالصار....بالخيم نار الشمر ثنى وذبح منحر عضيدك من رقيه.......هالوصيه عمي وصتني اقبلك من وريدك . هايه دمعه بچفي من عين العقيله عمي بعدك اصبحت هيه الكفيله ياجرحنه......كل عمرنه ....... يابو فاضل ......... ..................................................... جمر الدموع....وسط الضلوع عگبك خیول العدی هجمت علینه سلبونه.....عذبونه والدي صدره انسحك واحنه انسبينه مرمرونه.....لوعونه عمي بحبال الخيم شدو ادينه تدري بينه.....ياولينه عمي فص عينك نظر مدمع بچينه . ارد احضنك هايعمي گلبي ملهوف وینه حجرك وينه خدك وين الچفوف حل يسرنه....كل عمرنه ....... يابو فاضل ....... ..................................................... الشاعر حسن الموالي الفاطمي ليلة ٥ /ربيع الأول /١٤٤٨ هجري الأربعاء 19\8 \2026 ليلة استشهاد السيده سكينه عليها السلام #قصائد1448

آنـــه سكينـــه ــ يا بو سكينـــه ــ رديت الدارك بالنــوح ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ قصـــة حزنـــي من أرويها ــ تنزف دم هجرك لحــروف واحداث المـرت بسنيني ــ أشرحها ابگلبي المخطوف حسره وغربه دمعه وشده ــ خيل ونار وصوت سيوف ماظل شي يجرح ماشفته ــ عميـَـه…

آنـــه سكينـــه ــ يا بو سكينـــه ــ رديت الدارك بالنــوح ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ قصـــة حزنـــي من أرويها ــ تنزف دم هجرك لحــروف واحداث المـرت بسنيني ــ أشرحها ابگلبي المخطوف حسره وغربه دمعه وشده ــ خيل ونار وصوت سيوف ماظل شي يجرح ماشفته ــ عميـَـه اتمنيـت و ماشوف أشرح هضمي ـ حزني وهمي ـ بمنازف گلبي المجروح ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ عن جرحي وشوغت آهاتي ـ وعن عمري الخالي ابلياك خـط المدمـع قصة حزني ــ تشرح جرحي وهم فرگاك دهـري مــن بعـدك خلاني ــ مذبوحــه بشفرات اعداك مـا تطفـــه النـار بدلالــي ــ هاك اسمع دمعي الحاچاك انته التدري ـ بناري وجمري ـ يحسين الظامي المذبوح ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ رديـــت الــــدارك يابــويـــه ــ مكســـورة خاطر رديت يتموني ومنك حرمونــي ــ شلون اگدر اسكن هالبيـت منهـــو ايصبحني يابويـــه ــ ومنهـــو ايمسيني ناديت ويـــن  احبابي وين الغالي ــ والعمـــي الكافــل حنيت دمعي السايل ــ العمي الكافل ــ ماظنيت بسرعه يروح ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ دار الچانت بيك امنوره ــ صارت وحشه وظلمه الدار لا عبد الله الچان بصوته ــ بيهــا ايناغــي ليــل انهـار ولا جسام الچان ابنــوره ــ نجمه و تضويها الاسحـار ولا عمـي العباس الكافل ــ والاكبـــر شبــــه المختـار بالطف كلهم ــ هدرو دمهم ــ بسيوف الباطل مسفوح ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ ظليت الوحـــدي بهالدنيه ــ اتصـــارع وَيّــه النكبات صعبــــه الأيـــام العشناها ــ أيامــــي نـوح وعبـرات تمنيـــت اوياكـــم اتوسد ــ ولا عيش ابدنيا الويلات مكسورة خاطر عفتوني ــ وعيونـي بالحسره اتبـات أسهــر ليلــي ــ أجرع ويلـــي ــ للموت الناظر مشبوح ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ خلصت أيامي و  الليله ــ  مني  اتگــرب بويه الموت تمنيت اليحمل جثماني ــ ياخـــذ بچفوفـــه التابوت ويطوف ابگبرك يابويه ــ ايزورني ابحزني المكبوت وياخذني آنه وتابوتي ــ وابجنـــة عبـــاس يفــــوت نعشي الليله ــ الموت يشيله ــ مكتوب بصفحات اللوح ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعر عمار الراشدي ليلة ٥ /ربيع الأول /١٤٤٨ هجري الأربعاء 19\8 \2026 ليلة استشهاد السيده سكينه عليها السلام #قصائد1448

هاليوم نلطم عالصدر ونصيح اه يسكينه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ ياضيم شفتي وياقهر بالنوح گضيتي العمر عنوان صرتي للصبر وگل احنه الچ ونينه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ انوح گل احنه الچ والشام گلش بهذلچ مافزع واحد من هلچ وعباس عنچ وينه ٪٪٪٪٪٪٪٪٪٪٪٪٪…

هاليوم نلطم عالصدر ونصيح اه يسكينه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ ياضيم شفتي وياقهر بالنوح گضيتي العمر عنوان صرتي للصبر وگل احنه الچ ونينه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ انوح گل احنه الچ والشام گلش بهذلچ مافزع واحد من هلچ وعباس عنچ وينه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ عنچ الحيد شعطله مايدري بيچ مبهذله نايم بوادي گربله ومايدري تحشمينه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ مايدري نايم عالترب وانتي تولوچ الغرب من الظيم ماضلچ گلب وعفيه المر اتحملينه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ ظيم اشگد اتحمليتي بسگوت من ونيتي ولهل الشيم صديتي ومحد الچ صد عينه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعره ام عون الحلاويه ليلة ٥ /ربيع الأول /١٤٤٨ هجري الأربعاء 19\8 \2026 ليلة استشهاد السيده سكينه عليها السلام #قصائد1448

☑️أعلنَ مكتبُ سماحة السيد السيستاني (دام ظلّه) في النجف الأشرف أن يوم غدٍ الجمعة هو المكمّل لشهر صفر ، ويوم السبت الموافق (١٥-٨-٢٠٢٦ م) هو الأول من شهر ربيع الاول لعام ١٤٤٨ للهجرة، ونسألكم الدعاء . #مكتب_السيد_السيستاني

تشرفنا بزيارة الامام علي ابن ابي طالب عليه السلام اليوم ٢٨/صفر /١٤٤٨ هجري الأربعاء 12\8 \2026 استشهاد الرسول الأعظم صل الله عليه وآله وسلم في النجف الأشرف وكان معي ولدي هاشم ونسأل الله تعالى القبول والتسجيل عند مولاتي فاطمة الزهراء عليها السلام وعظم الله لنا ولكم الأجر والثواب ولم ننساكم بالدعاء خادمكم ابو هاشم الربيعي