قصائد الميمر ( ميمر )

لاستشهاد الإمام الحسن المجتبى عليه السلام ( ميمر) اه يلحسن.    بعد الفتن مرت عليك. اشگد محن شعندك ذنب وَيَّه الناس.  يوم الأجت طَلَّابِه ★★★★★ جتك  نوايب شرد اسولف عنها شاب الگلب وچلاك ذابت منها يبن الأمين     الناس. لتأمنها شوف الجمع.   ماظن ربع الخانوا  علي.  نفس الطبع وچن وكت طه المختار امغلَّفه گلوب أصحابه ★★★★★ للسلم عن غايه العدو قاصدها اگلوب مشبوهه ومطامع. عدها چاگالوا أنته.   للحرب. رايدها اهل البدع     گالوا طلع للغانمه.    ولأجل الطمع العهد الظلاله يحنون  من غلق جدك بابه ★★★★★ شگد ناس زلت وانت التسامحها الدرب الهدايه والعدل ناصحها بصلحك الوادم من ردت صالحها تريد البشر.      تاخذ حذر من الفتن.     أصل الخطر ومجروح شفت الاسلام.  لازم تضمد اصوابه ★★★★★ فگدك صعب يهظم گلوب العتره كسر الصعب ماظن زمان يجبره مكسور تدري حسين بعدك ظهره الدارك  يطب عينه تصب ماتنطفي.        نار الگلب ياساعه يغفه ويرتاح. اليدفن اعز احبابه ★★★★★ يمطر حزن گلب العقيلة غَيَّمْ تفرهد شملها شلون بعدك يلتم دنيه صفت بس نايبات وبس هم ام الحزن.      لجلك تون الذاك الربه.  تبچي وتحن تندب يبن حامي الجار.  اه يلحسن ومصابه الشاعر حسن لعيبي الحريشاوي

لاستشهاد الامام علي بن الحسين زين العابدين عليه السلام (وزن ميمر) أبصبره وعلومه السجاد  خله الْعِدَه محتاره ★★★★★ وَسَّع قواعد كل كتر شعبيه وكثف عواطف للخلگ شيعيه حتى الطفوف اتصير ما منسيه وعاشر حسين المذبوح  ماتنمحي آثاره ★★★★★ رغم الالم من جرح حاير دامي وذكرى أليمه   للشهيد  الضامي يسعى بعزم رفع الوعي الإسلامي حَصَّن ابعلمه الاسلام  وزال الجهل بأفكاره ★★★★★ قَدَّم مدارس للبشر فكريه وحَشَّد  منافذ للعلم ثوريه بزوده تضل طول الوكت محميه من الظلمه طلعها الناس   صوب العلم وأنواره ★★★★★ شماحارب الطاغي النهج ويعادي بأسلوب ثاني نشر  دين الهادي صوت الصحيفه بالدعاء اينادي سلاح الدعاء الفَتَّاك   يزيح الظلم وأخطاره ★★★★★ من أول حياته ولنهاية عمره راعي اليتامه واليحيير بأمره بحر الكرم من جوده اصبح گطره ومعروفه غوث المحتاج   كلمن سئل عن داره ★★★★★ زاهد وعابد للكريم وشاكر سيف الدعا يوم الشدايد باتر خط منهجه ومعناه يوم العاشر زلزل دعاءه الأشرار   يامن تريد أخباره الشاعر حسن لعيبي الحريشاوي

لاستشهاد الامام علي بن الحسين زين العابدين عليه السلام.  ( ميمر) هذا التعرف الگاع ممشه اجدامه وبيت الله يهواه ويحب احرامه ★★★★★ زين العباد البلخلگ مامثله ونور المعارف هيه فرعه واصله خير البشر علنشد ياهم اهله قائد و يخدم كل وكت بايتامه ★★★★★★ أتعرفه العجم والعرب تعرف كلها مثل الهوه بعلمه الارض شاملها كل معضله عنده علمها وحلها عارف بدين المصطفى واحكامه ★★★★★ سهل الطبع عنده المكارم عاده ويقدم المحتاج قبل اولاده زاد الفقير بليل ينقل زاده لهاي المكارم الها شد احزامه ★★★★★ حاز الكرم والجود ياهو بجوده بحر الكرم وبلانهايه احدوده مااثرت بيه الليالي السوده بالطف عليل اموجرات اخيامه ★★★★★ ياهو الي مثله شاف لوعه وحرگه منهوب ضعنه والخيم محترگه منحور ابوه وشاف ليل وفرگه حيف انتهوا اهله ذبح گدامه ★★★★★ گدرت الزمره الباغيه الغداره المالاحته بالطف تلوحه ابداره راد الشهاده وهلمصير اختاره يدري بمصيره وخاتمة ايامه الشاعر حسن لعيبي الحريشاوي

لاستشهاد الامام علي بن الحسين السجاد عليه السلام  (ميمر ) شماكثر هظم الايام   ثابت علي بمنهاجه ★★★★★ شمايمر طاري  كربله ولوعتها ووجوه تربان    الأرض غطتها وجسوم خيل اهل الغدر داستها زاد بثباته الايمان.   صوب المجد معراجه ★★★★★ واجه علي السجاد أكبر هجمه من گوم ماعدهم ظمير ورحمه قابلهم بفكره.    ودعائه وعزمه أحرج سلاطين الجور.  وكلمن يريد احراجه ★★★★★ واجه علي السجاد أصعب محنه احباب وأهل للموت راحوا عنه شمل الاهل حماي ماضل  منه راحوا أطايب عدنان. أبدور السمه الوهاجَّه ★★★★★ يالوعه ينسه   اوصافها معروفه من الشام  لومن كربله  والكوفه النكروا  فضل جده النبي ومعروفه بحر العلم والايمان.  زاح الجهل بامواجه ★★★★★ وين الوليد  الظالم وسلطانه مافادت اقصوره  وكثر اعوانه هذا علي السجاد  عالي شانه لهاي الخلگ مايحتاج.    وكل الخلگ تحتاجه الشاعر حسن لعيبي الحريشاوي

عن استشهاد الامام علي بن الحسين زين العابدين عليه السلام.( ميمر) الگاع تعرف خطوته وأجدامه وبيت الله يهواه ويحب إحرامه ★★★★★ زين العباد البلخلگ مامثله ونور المعارف هيه منه واصله خير البشر علنشد ياهم اهله سلطان يخدم كل وكت بايتامه ★★★★★ تعرفه العجم والعرب تدري كلها مثل العطر علمه الارض شاملها كل معضله عنده علمها وحلها تملي المكان البيه حضر انسامه ★★★★★ سهل الطبع عنده المكارم عاده ويقدم المحتاج قبل اولاده زاد الفقير بليل ينقل زاده لهاي المكارم الها شد احزامه ★★★★★ حاز الكرم والجود ياهو بجوده بحر الكرم وبلانهايه احدوده مااثرت بيه الليالي السوده بالطف عليل اموجرات اخيامه ★★★★★ ياهو الي مثله شاف لوعه وحرگه منهوب ضعنه والخيم محترگه منحور ابوه وشاف ليل وفرگه حيف انتهوا اهله ذبح گدامه ★★★★★ گدرت الزمره الباغيه الغداره المالاحته بالطف تلوحه ابداره راد الشهاده وهلمصير اختاره يدري حياته ابخاتمة ايامه الشاعر حسن لعيبي الحريشاوي

حزنك  كلف  بالدلال نوح اقتبس من نوحك **** شفت المصايب والحزن بدموعك اهات ونك  تحني حتى اظلوعك لچمات دهرك سولفت موضوعك حمزه الثمالي يلگاك ليل الحزن بجروحك ** حزنك اخذ طول العمر بالعبره وياك چن اسمع  نواعي الزهره خلصته  ليلك بالنوايب حسره ماتنسه يوم المذبوح نهرك دمع بسفوحك *** مرت  عليك اشكد محن تتگوه چنك  غريب   وبالجمر  تتچوه ظهرك اشوفه من الهضم يتلوه بالطف  عشتهه المأساة دهرك يعذب روحك ** امضت سنينك بالحزن والمدمع بعيونك اتشاهد جثث بالمصرع شفت المأسي حدبت بالمضجع اعرف ونينك مفجوع سهم  المنيه ايلوحك *** لان الحديد اعله النبي بشجانك وانت الصبر جاز وعبر  بأحزانك صرت  ابونينك  بالبچي عنوانك خامس الخمسه اليبچون نقره  الكتاب  اطروحك *** دهر المصيبه خيم اعله المحتوم ترسم محط النايبه اعله المظلوم ويلاه صحنه امصيبتك يامسموم تاليته طفك  ميشوم هدم كيان اصروحك *** موتك نشوفه ابكربله ضي عينك ونك اشد من السبي عله حسينك حان السفر  هالليله شفنه اجبينك حضرته دمعك يحسين جرح الختام   ابنوحك *** الشاعر يوسف الفتلاوي ليلة ٢٥/محرم الحرام /١٤٤٨ هجري السبت 11 \7 \2026 ليلة استشهاد الامام السجاد عليه السلام #ميمر #زين_العابدين_ع

ميمر زينب شرف زينـب صيت زينب كــيان اهـــل البيت سمي انته بسم العباس يامن ردت تقراها -------- يامن ردت اخــت الگمر تطريها ابماي الفرات احچايتك وضيها ابشبـاچ ابو فاضـل علگ خليها مــالك عـلاقــه بالنـــاس سوي الي يرضي العباس لتدور اعله الـ(الله)  وتهتك ستر بت طه ----- اترك شكو احچايات ماتتحجب وعالمفرده المكــشوفه لاتـتقرب ستر الله زينب بالك اتغث زينب لاتنـدگ بخدر ام عون اشرف مره بهذا الكون راس السمه امفرع چان وچف زينب الغطاها ------- زيـــنب مـره بــس بالنـــسه ماتنــــقاس زيــــنب مـــــره لكن تحســـها العــــباس امن اتگول اسمها حط اديك اعله الراس اشمــا ترتفــع بالاعلام يبقه انته اسمك خدام والـخادم امن المــفروض اغـــلاطــه يـــتلافها ------- عالـــي قدرها مــاتلوحـه الايــدين شيلوحه وموقع عليه چف احسين لا اذن بيه سمــعت ولاشافت عين الرايد يلـوح النجمات ماتوصل ايده لو مات هيچ الله علـــه الحوراء ويــم النجم خلاها ------- صح انســـبت لــكن سبــيـها مـدروس رادت تنــور درب بيـــه ضـلمـه الروس زينب شمس من چان حصره الفانوس بشمس الظهر لا لتعيل ميضمها وجه الغـربيل تنشاف بس تعمي اعيـــون كل واحد الاذاها ------- من حــچت بالديـــوان چـنــها القـران حسچه وكـــلام الحـسچه رايـــد اذان من الخجل غـــط ابــثيـــابه الــديوان اليحــچي ولـســانــه مـــترين انطم من حچت اخت احسين الشاهدهــم ايحس خــرسام وتــورطو وياها -------- احذر ذليله اتـــگــول طـــبت للـــشام هيه السبتـــهم ماســبــوهــا الظـــلام امن المستحه مو خايفه امدنگه الهام والمستحه البالحوراء ماخــذته مـن الزهراء والدها حــماي الجار مـــن الشرف غـــذاها ------- نتأدب اويــاها وعـليـــنه واجــب ونخــتار بــس الذي الهــا ايناسب البنت النبي ياناس احنه انخاطب وهذا الحچي عن ليطول نحچــي الكلام الــمعقول زينب ستر رب الكون ورب الستر سواها ------- حيدر تركي الكربلائي

ميمر احنه المسوينه حسين وبكيفه شيخلينه شمحلاها هاي الخدمه وشمحلاها ماتنمل وشُبحانَ من مسواها للوادم حسين ابرحمته انطاها بالدنيا لوضاع الراي بس هيه الدلينه ،،،،،،،،،،،،،،،،،،،،،،،،،،،،،،،،،،،،،،،،، بالك تزل ابخدمتك يالخادم مفضلتك الزهره اعله هاي الوادم من تغلط اتضل كل حياتك نادم لاتباوع بعين الناس محبوبك اجمل عينه ،،،،،،،،،،،،،،،،،،،،،،،،،،،،،،،،،،،،،، بالخدمه جلب لاتعوف الخدمه نعمتنه هايه ولا تطير النعمه الهمه بخدمته خله يبقه بهمه اليزلك بلا راي يروح ومحد يناشد وينه ،،،،،،،،،،،،،،،،،،،،،،،،،،،،،،،،،،،،،،،، تواضع اشويه ولا تضل تتكبر بثوب البصاطه تحله اكثر واكثر ابنادم شما يتواضع ايضل يكبر يخسر خدمته ودنياه المايقتدي بحسينه ،،،،،،،،،،،،،،،،،،،،،،،،،،،،،،،،،،،،،،،،،، تواضع بهاي الدنيا وعرف حجمك گلي عليمن بالله رافع خشمك خل همك بنيتك وانسالي اسمك عوف التكبر ميفيد هل حاله ابد موزينه العبد ابوفايز الرافضي

ميمر — طيحت علم ،، وحركَـ الخيم ودرب السبي الكله ألم ما اثنى عزم اخت حسين / ذلت شمر ما ذلهه 📜1 زينب علي ابكل الشدايد كَـدهه ذلت شمر وال الشمر وحدهه هاي الحقيقه المحد ايفندهه بدرب اليسر … زرعت ستر كسرتهم الما تنكسر بطركَـ العبايه وثوراة / قادت اوكل ذل ألهه 📜📜2 زينب غضب رب السمه شافتهه كل العده و حرب السبي قادتهه بنفس الحبل كَـادت عده الكَـادتهه كثر العدد …ما همهه ابد هاللبوه من ذاك الأسد مو بالحجي بالافعال / وزين الحجي يندلهه 📜📜📜3 زينب إسم شامخ وصل للقمه حرمه لجنهه عادلت جم زلمه وكَـفت بعد موت الكفلهه ابهمه ابوجه العدو … وكَـفت كفو مثل الكفلهه والادأبو لا هابت الجيش ولا / هابت شمر يقتلهه 📜📜📜📜4 زينب أمل كل البقو بالعاشر بعد الأخو الما ظله بالطف ناصر ابسيف الصبر شطرت ظهر كل كافر هي السِبت …. موش انسبت لسبعين الف بيهم مشت ابحبل اليسر والشمات / محتاره ظلت كلهه 📜📜📜📜📜5 زينب شرف حيدر علي والزهره ما واحد الشاف الهه ظل ابعمره حتى بحركَـ ذيج الخيم منستره اجلالاً وكَـف ….. إلهه الشرف وكل صيته  من عدهه انعرف زينب ستر رب الكون / بالعفه من يوصلهه 📜📜📜📜📜📜6 زينب خذت دور الأبو اودور العم بشام الغدر نصبت لخوهه المأتم وما واحد البيهم كَـدر يتكلم هم والده …. وهم قائده وخطبتهه ظلت شاهده ابمجلس يزيد الملعون / وكَـفت مثل كافلهه __________ ✍️🏻 كلمات #موسى_الخادم ٢٠٢٦

ميمر للدفن بليل الدفن يالموعود ياريت يمنه وحاضر ١ زينب تسولف بالحزن والدمعه عن الدفن واتنوح هيه وتنعه والصوت عمتك من تنادي اتسمعه محتاره بالطف مولاي عمتك وتكسر خاطر ٢ جدك حسين ابلا دفن ترضاها يالمهدي بالطف كونك انته وياها عمتك غريبه وحايره بولياها من بعد طف الأحزان تمشي السبيها باچر ٣ محتاره زينب بالدفن واللوعه وصوت البواچي من الخيم مسموعه مفجوعه عمتك نادت مفجوعه گلب العقيله بهل يوم يتوجه المن حاير ٤ نادت عليك ويمها رادت تحضر الدفن الغوالي وكون ما تتآخر عمتك وحيده و روح كونك تگدر خفف عليها الاحزان واجبر گلبها الصابر ٥ يوم الدفن زينب عليها اشكبره اخوتها كلها امذبحه اعله غبره زينب تون وتصيح يبن الزهره تحضر وكون بهل يوم وتشوف بينه اشصاير ٦ يكسر الخاطر بالوصف منظرنا بهل فاجعه ياعمه شيصبرنا بعين الآله ونندعي تحظرنا اعلينه الشماته ينظرون والناس الها الظاهر لاتنسون والدي ووالدتي وابني عباس من الرحمه والمغفره خادمكم رياض الرسل الجابري

((ميمر)) يـلـه أسـتعـد    **     واقـره الحمـد وأيــدك أبـــد    **      بـالـك تــمــد الـغَـيـر الـعـفيـفـه الـحـره *-------------------------*----------------------* أم الـبنـيـن الـحـاجـتـك تـگـظيـهـه أقره الـحـمـد لـلـطـاهـره وأدعيـهـه خـليـهـه نـيـتـك صـادقّـه خـليـهـه الأنـطـت زلـم     **    بـيـهـه الـتـزم أم الــوفـــه      **    مـحلـه  الأسـم أتـشـوف الـدعـاهـه بـعـبـره *------------------------*-------------------* بـالـك تـشـكـك بـالـطـلـب والنيّـه تـزعـل عـلـيـك الطاهره الـبـدويـه اتـوكل عـلـيّـه وحـاجـتـك مگظيه يـمـهـه الأمـر    **     ومنهـه انتظر اتشوف الأجه    **    ودگ الـصـدر ويـطـلـب طـلـب تـنـتـظـره *---------------------------*-------------------* مـاي الـوجّـوه أتـقـدّره وشـرّايـه وفّـايـه بـوقـات الـشــدد وفّـايـه حلفهه بچفوف الـگـمـر والـرايـه طاري الگمر    **    عـدهـه فـخـر تـوكـف تـره   **     الـكـل البـشـر سِـفـرتـهـه اوسـع سـفـره *------------------------*-------------------* بـاب العطايه أمـجـرّبـه ومعروفه حـاشـه تـردهـن لـلـيـمـد اچفوفه اشـلـون اليجيهه بدمعته وتعوفه جـود الـحسن    **     بـيـهـه أرتـهـن معنى الـكـرم     **     طـول الـزمـن بـيـهـه الـخَـدم مـفـتخـره *------------------------*----------------------* اعظم وسيلـه وبالـشـدد موجـوده أتـذكّـرك بـأسـم الحسـن وبـجـوده فـايظ كـرمـهـه لـلـبـشـر وحـدوده أجـره أنـكـتـب     **     كلـمـن تـعـب بسجـل الخَـدم     **    أسمه انحسب وثـابـت عـطـاهـه وأجـره *--------------------------*-------------------* هنـيالـه كـلـمـن دمـعـتّـه سـچـابـه كلشي تـحفـظـه والاجـر بـحسـابـه خـلـي بـعـزاهـه جـمّـرتــك لـهـابـه كـون بـحـزن     **      تـنـعـه وتـوّن الجاري الدمع    **     جـفـنك يـحـن وروحـك تـضـل مـتـوجـره *------------------------*---------------------* ✍خـادم ام البنين ((ع)) الشاعر رعد الجريخي

.ميمر فلقة قمر .                     فـلـقــة قـمـر   مـاچـن بـشـر                       شـبـهِ الـنـبـي   نـــوره زهـــر             يتبختر بنص الجيش بهيبة علي ايشوفونه                      *---------------*---------------*                    يشبه محمد بـالـخـلـق والـصـوره                    شاب اوتعنه لـ حومـتـه بـحـروره                    يتفاخر السيـف ابـيـمـيـنـه ودوره                       وحده ارتجل   وألهم نـزل                       ابزود الوصي   خيـر العمل             جده الصميده الكرار كلهـم تـره ايـعـرفـونـه                      *---------------*---------------*                    رغـم الأعـــادي بـالـعـدد والـعـده                    اترجّل عليهه ابصولته ولـوحـده                    ثابت يقينـه بـالـحـرب والـمـبـده                       شاب وشهم   صال ابـعـزم                       قـــدّم درس   دينه الـمـهـم             وحده ارتجز بالميدان وكل العده ايسمعونه                      *---------------*---------------*                    احتارت اجيوش العده بـٱفـعـالـه                    يخسر حياته الـبـالـوجـه يـدنـالـه                    الشاهده خـيـر الـعـمـل حـسـبـالـه                       الـسـالـم يـرد   يقره الـحـمـد                       هـــذا الـفـتـه   يحصد حصد             الگنطره وذاك اليوم خله الـعـده ايـذكـرونـه                      *---------------*---------------*                    وارث علي ابـهـيـبـتـه والـصـولـه                    امفصله افصال الشجاعه لْـ طوله                    اشجع زلمهـم بـالـحـرب جـابـولـه                       عاشوا رعـب   يـوم الحـرب                       ذكـروا عـلـي   لـمــن يـطـب             غيره وشجاعه وإصرار ماگـدروا ايـلاگـونـه                      *---------------*---------------*                    منطي الحياة لْـ مبدئـه ولـ ديـنـه                    لـِ حسينه قدمهه بـعـزم لِـ حسينه                    الأكبر نذكره والشـرف يـكـفـيـنـه                       هــذا الــذكـر   مـو بس أجر                       طول الـزمـن   بـي نـفـتـخـر             ماينسّي ايظل للدوم اليسحر جمال اعيونه                      *---------------*---------------* ✍️خادم الحسين ع الشاعر رعد الچريخي

ميمر ( وِلد مسلم) الـمـسـلـم وِلــد  **   مــثـــل الـورد يــــوم الاجــت  **  خـيــل الـحقـد فرّوا لـچـن ما يدرون ويـن الـوجـه ينطونـه                                    *---------------*---------------* يـوم الاجـتـهـم لـلـخـيـم خـيّـالـه ركـضـوا سـويـه والـدمـع يـتـلالـه ايشيّب دلـيـلـه الـصـوراهـه ابـالـه خـوف ورعـب   نــار وحــرب هــذا الـمــفــر    كـلـش صعب حالتهم بهذا الحال وبس الدمع يجرونه                                    *---------------*---------------* انعدمت ابگلب الاعـادي الشيـمـه رعـبوهـم وطـلـعـو لـعـد الـهيـمـه ألـهـم دمـعـنـه والـعـزاء انـقـيـمـه الـدگ الـصـدر   مـاكـو عـذر ألــهــم نـضــل   نـحـّي الامـر الماعدهم ابگدنه اجروح اعله البچي ايلومونه                                    *---------------*---------------* اتـخـيـل اشلون الـغـرب والـصـوره جــار الـزمـان ويـفــتــر ابـنـاعـوره خـلـه الـيـتـامـه بـالـفـلـه مـذعـوره مـــن الـــزمــن   شـافـوا مـحـن اخـيـول الـعـده   لــمــن اجـــن اشحال الطفل بالميدان ايخاف العده ايدوسونه                                    *---------------*---------------* اتـحـمـلـوا خـوف وظـلام الـغـربــه حـالـتـهـم اتأذي الـغـيـور وصـعـبـه مالـومـن لـلـيسـعـر عـلـيـهـم گـلـبـه كـلــهـــم ألــم    ابـحـرگ الـخـيـم ركضـوا ركـض   حـافـي الــجــدم الهجمت عَليه الصوبين المن يدير اعيونه                                   *---------------*---------------* قصتهم اتـخلـي الـمـحـب بـهـمـومـه بالـحـومـه ما بيـن الـعـده بالحـومـه ابذيچ الضهيره القاسيّـه الـميشومـه ابسـيـل الـدمـع    اصـعـب وضـع مـاضــل امـــل    طــش الـجـمـع نبقه ابحزنهم للموت ابدگ الصدر خلونه                                    *---------------*---------------* يـاهـو اليردهـم والـمـديـنـه ابـعـيـده ومسراهـم ابـدرب الخـطـر والـبـيـده غـربـه ويـتـامـه هالجـرح شـيـفـيـده دمــع الـحــزن     فـوگ الـجـفـن صـار الـزمـن      مـثـل الـسـجـن ابگلب اليتامه المجروح نار الغرب مكنونه                                    *---------------*---------------* ✍خادم اولاد مسلم (ع) الشاعر رعد الجريخي

.((صال الگمر)) ميمر .               صــال الـگـمـر     سـيـفــه شـهـر                 يـشـبــه عـلـي     فــارس مـضـر        لـمـن نــــزل لـلـمــيــدان خـلـه الــزلــم مـحـتـاره                         *---------------*---------------*               هــز رايـتـه بالمـلـحـمـه وعـلاهـه               تـتـخـافـگ ارواح الــزلـم ويـاهــه               ايحير ابزمـانه التقترب شـافـاهـه                 يـمـهـه الأجـل     بـالـطـف نـــزل                 هـيـبــة عـلـي     بـيـهــه حــمــل        وارث ابــوه الـكــرار ويـحـمـل جـمـيـع اســــراره                         *---------------*---------------*               راواهم انجوم الظهر بـالـحـومـه               يطلبهم ابثار الـحـسـن وبـيـومـه               زلمه اليخلص والـيـفـر بـهـدومـه                 يـوم الـحـشـر     يـــوم الـنـشـر                 شــافــوا تــره     انجوم الظـهـر        يـنـتـظـره طـول الايــام يــــوم الـنـزال وثـــــاره                         *---------------*---------------*               چنه الصميده ابصولته وٱفـعـالـه               يـقـره العديله البالحـرب يـدنـالـه               الشاهده حامي الـحـمـه حسبـالـه                 يــنــزل رعـب     وكت الـحـرب                 تــدوخ الـعـده     بـاسـم يـطب        ذكّـــرهــم ابـذو الـفـقـار مــن شــاهــدوا بــتّــاره                         *---------------*---------------*               مذهوله خلاهه الـعـده مـذهـولـه               وارث ابـوه الـمـرجـلـه والصـولـه               كلمـن بـرزلـه الـفـاتـحـه يـقـرولـه                 اتـعـرفـه الزلم     غـيـره وعَــزم                 هـــذا الـبـطـل     نـعـمـه الاسـم        إتـرادمـوا راس بـــراس ابـحـومـتـه وشـن غـاره                         *---------------*---------------*               تتراجف وعنه الجيوش ابـعـيـده               مثل الاسد والنيشـنـاه ايـصـيـده               يتنومس السيف اليصيـر ابـإيـده                 يحصد حصـد     بــاشــط يــرد                 بـيــد الـگــمــر     يحوي المجـد        إمـدلـل ابـچـف عـبـاس يـاهـو الّــــذي يـخـتـاره                         *---------------*---------------*               ايعرفونه حيد الملحمه ايعرفونه               واحد بالف بالمعركه ايحسـبـونـه               يتجادحن چنهن شــرار اعـيـونـه                 مـحـد وكـــف     زيـن الــعــرف                 دربـــه وشــرد     كـفـاهـه كــف        ايعرفونه يحصدهه الروس ابن اليحامي لـ جاره                         *---------------*---------------* ✍️خادم الحسين ع الشاعر رعد الچريخي

(ميمر) .          فـگـد الـگـمـر     يحني الظـهـر            بــس الاشـــد     گـلـبـي كــسـر ايشوّفني يوميه الموت فگد الحبيب احسيني                               *---------------*---------------*           احـلامـي چـانـت للحبيب ايعاود           وبـعـيـنـه يـنـظـر حالتي ويشاهد           مـارايـد لــ غَيره الـگـلـب ما رايـد            گـلـبـي يـحـن     وللـغـالـي اون            اشـيرهم عَلّي     غـيـر الـحــزن احلامي اخذهن وياه وخله الدموع ابـعـيـنـي                               *---------------*---------------*           يـومـيـه امـوت ابغربته واتـعـذب           الـيـفـگـد عزيزه ينعذر لـو شـيّـب           اليسمع ونيني وحسرتـي يتعَجب            حَـتـى الامــل     مـــات وذبــل            مـثـلـي ابــــد     مـحـد  حـمـل احـسـب ليالي وايام بـلـكـت خـبـر يـلـفـيـنـي                               *---------------*---------------*           شـيـفـيـد الـمـضـيـع وِلـد ويكابر           وشيطيّب الگلبه انكسر والخاطر           غـايـب ضواهه والعيون اتنـاطـر            بـلـكـت يـــرد     نـسـمـة بــــرد            يطفي الجمـر     يـنـهـي البُـعـد اتمنه يرجعلي ابطيف وسبط النبي ايحاﺟيني                               *---------------*---------------*           اتـمـنـه مـوتـي والاجـل ما يـبـعـد           يـاهـو الـيـجـيـنـي للمدينه وينشد           ما بيه اگـومـن يا خلك مـن اگـعـد            حيلي انـهـدم     عـمـري انعدم            تچـوي الگلب     نــــار الالـــــم ضلتلي بس الحـسـرات راح العـمـر وسـنـيـنـي                               *---------------*---------------*           شلون اقنعه والـگـلـب مـا يـقـنـع           امـتـانـيـهـم وينطر شملهم يرجع           تـتـوجع اجـروح البـعـد تـتـوجـع            وكتِ الـغـرب     كلش صـعـب            عـيـنـي تـهـل     صـوب الدرب مـعـقـولـه خلانـي وراح وضي الـنـظـر ناسيني                                                          *---------------*---------------* ✍خادم ام البنين ع الشاعر رعد الجريخي

ميمر .((موسم دمع)) .               مـوسـم دمــع     بــي نـنـجـمـع                 هــــذا الـعـهـد     هـاك اسـتـمـع         منعوفه حزنك مولاي انجددهه هاي النيّه                        *---------------*---------------*                خيمة عزائك واسعـه وتجمعنه                انعاهـدلك الليله ويهل مدمعنه                يلگانه نلطم لو شخص ضيعنه                 بـس مـنـبـرك     بينه اشـتـرك                 روح وجـسـد     وي مـنـحـرك         ماننسه يومك للموت اي والمشت مـسـبـيـه                        *---------------*---------------*                أنتاني محرم سيدي مو كـلـمـه                نتشرف بهـذا اللطم والـخـدمـه                فدوه نروح لـ مجلسك والأسمه                 عايش جــرح     راس ابــرمـح                 يـابــــو عـلـي     صعبه الشـرح         يالدمك امروّي الدين واسمك شرف طـاريـه                        *---------------*---------------*                خليهـه نـاس الـمـادرت معذوره                البارد ضميره مايحس بـحـروره                المايفهم الناعي اشيگول بطوره                 گـلـه ارتـچـي     عوف الحچي                 نــار الـعـشـگ     لٱهـل البـچـي         يعرفهه نار المجروح بس الحـضـر لـطـمـيـه                        *---------------*---------------*                 يامجلس يقيم ابدموع اندوره                 يالوعة اگلوب الخـدم والـثوره                 عِبرتنه تـبـقـى للأبـد والـعَـبـره                 ينطي الـعـبـر     دم الــــنـحــر                 مـن الــخــدم     اخــذ الـخـبـر         اليبتعد عـن ذكـراك ايـعـيـش ابـنـدم تـالـيـه                        *---------------*---------------*                 خدامك ودربك نظل ماشيـنـه                 مابينه ليعوف العهـد مـابـيـنـه                 متوهم الگال الجرح نـاسـيـنـه                 نـبـقــى ابـــد     ابهالـمـعـتـقـد                 وسـط الگلب     نــــاره وَقَــــد         طـفـك أبـا عـبـد الله يـلـچـم جـرح يـومـيـه                        *---------------*---------------* ✍️خادم الحسين ع الشاعر رعد الچريخي

ميمر ليلة العباس س الميمر اذا عالعـــبــاس اتداوي الـــجـــرح كـلمــاته   *   يالتحچي عن عباس شوف شيحمل سيــف ابوفاضل بالحرب من ينزل مستــــفعلن مستفــــــعلن مســتفـعل يالـــدورت بالاوزان وزن الكـــمر خـــزراته *   وزن الگمر ديوان گد هالديره اشما تقره بيه لازم اتضل ابحيره امن اجلاده لجلاده ينگط غيره ديوانه مثل القران تتقبل اجلاداته   * الديوانه بي عبـاس دله وجربه الشيخ الحقيقي هو هذا نحــسبه الماخذها كوه ثق اهلـــها اطلبه المابي بخـت من عــباس لا يحچــي بمــيلاته * عباس ســالوفة علي الممـــلوحه المالاحه خلـي لايتـــــعب روحه عالي الگمر مو مال ادين تلوحه انجـــوم السمه بنــص اللـــيل تتـعلل بوجنــاته * انجوم السمه والبالسمه ايجلونه عباس مـن گــــد الوفــــه البعيونه اهل الوفه رب الوفه ايسـمونه ماشيف ابگد عباس تتسولف احچاياته   * عباس مو ويه الاوادم ينـقاس لاهو ملك لاهو نبي ياهالناس عباس اصله من فصيلة عباس محتاره اهــل الجيـــنات ماحللـــت جــيناته * المعصوم لو بست ايده چن بست الدين وعباس باسـو يمــــنته المعـــــصومين الـــكرار والسجاد والغالي حــســين شـــكد چــــا مـــقام العـــباس عند الله وبجنــاته * اشكبره مقامك تارس الطف ازنود عباس مـــــثله والله لا مامــــوجود جود الله ونياله الشرب مـن هالجود واليرتوي امن العــباس مايضـــمه من شـــرباته *     بگصة بني أدم الــغيره گـطره وبگصته نهـر الـفرات بكـــبره عباس ياهالناس وســمه شكبره    اسمه مع العليين  چيه من صدگ نياته   * لحسين انطه عيونه وانطه الچفين والدين مطلوب الابو فاضـــل دين لاهسه مثله الي يجي ولا بعــــدين صارت درس للأجـــيال ماتنـــسي وكفــاته * حيدر تركي الكربلائي

صيت الخدم ميمر .              خـدمـة شــرف     بـيـهــه انـعــرف                صـيـت الـخـدم     بــيــرغـهــه رف          يتجدد بدمعه ونوح شهر الـمـحـرم بـيـنـه                            *---------------*---------------*                 يتجدد ابطول الزمن هالـمـدمـع                 لـ شهر المحرم نستعد من يرجع                 مانقنع بغير اللطم مــــــا نـقـنـع                خـلــه الـيـضـد     وأهـل الـحـقــد                شــــد الــعـــزم     عــــوف الـنـقـد          ثابت عهدنه وللموت بكل الحـچـوا معلينه                            *---------------*---------------*                 ماتطفه جمرة كربـلـه والـعـاشـر                 مايدري بيهه البالطم مـاحـاضـر                 دمعتنه تـبـقـى للصدر والحـافـر                اليعرف صـدگ     لـ صـدره يدگ                العايـش جـرح     الظل محـتـرگ          مرت علينه الأيام وهذا الـعـزه امـتـانـيـنـه                            *---------------*---------------*                 مايعرف بـجـمـرة حـزنّـه الـبـارد                 الخلص حياته لـلـمـجـالـس ناقد                 مايقبل ابـلـيـس ابصلاة الـعـابـد                مـثـل الــجـمـر     الـكـل تـنـتـظـر                بشـهـر الـحـزن     اتـوسـم الصدر          مايعرف بدمنه الحار الگال الحزن ناسينـه                            *---------------*---------------*                 يتـعـذر بـكـيـفـه اليظل يـتـعـذر                 انجدد عـهـدنـه وباللطم يـتـكـرر                 هـاي التجاره الـرابحه بـالـمـعـبـر                يــــــوم الـنـدم     الـثـابـت قـــدم                بـــــس الـيـهـل     دمـعـه وخِـــدم          العاده اللطم والخدام باچر يشوف ابعينـه                            *---------------*---------------*                 يكفينه خدام وشرف هالخدمـه               اندگه الصدرنه للسبط ونوسّـمـه                  ندعي تدوم التعـزيـه والـنـعـمـه                الـعـمــره نـــذر     لا مــــا خـسـر                بـــي نـسـتـعـد     هــــذا الـشـهـر          يخلص لطم وقرايات كون الحزن يچوينه                            *---------------*---------------*                 دايم عـزانـه وللابـد نـحـچـيـهـه                 انعزي الزچيه وبالجره انواسيهه                 معليهه ناس المارضت معلـيـهـه                نـطـلـب مـــدد     اكــثــــر بــعــد                يـابــــو عــلــي     انـتــه الـسـنــد          شكرا الك يـامـولاي عـنـدك خدم خـلِـيـنـه                            *---------------*---------------* ✍️خادم الحسين ع الشاعر رعد الچريخي

لسان حال فاطمة العليله بعد رحيل الاهل( ميمر جناس ) معلوله بديار الأهل منسيه اسوَّت الفرگه من بعدهم بيه ★★★★★★ روحي علهونك ياوكت عاملها أيام .وَنَّت چن تون. عاملها دنياي تحكم والدهر. عاملها معلوله واهلي راحوا ابلاجيه ★★★★★★ چاوين ابوي الچان بيَّه داري موحشه خلافه اليوم صارت داري وين اليسلي مهجتي. ويداري روحي الگبل ماليها بالحنيه ★★★★★★ شمسويه روحي والزمن عادلها ومحد من احباب الگلب عادلها ياربي. يارحمان. ياعادلها دنيه وِلَتنِي وماتصفَّي النْيَّه ★★★★★★ غير الصبر بعد المشوا من ظرها روحي بحزن طول الوكت منظرها دروب الخذتكم لا بعد. منظرها ركَّت أعيوني الكل وكتها. أربيه ★★★★★★ روحي ابمرض فوگ المناطر خلها ضدي الليالي. وصار دمعي. خلها الصَبَّرْ جروحي گتله تنحب خلها چتال. ياذكر الاهل. طاريه ★★★★★★ حگ الصبر يهلي كمل وَديَّتَه وگلبي وراكم ينتحب. وَديَّتَه جاني وكت . لاودني. لا وَديَّتَه خله الضلوع من القهر محنيَّه الشاعر حسن لعيبي الحريشاوي

لسان حال  العليلة  (وزن ميمر ملمع ) بين الاقواس  فصحى (كل الرزايا بعدكم قليله ) (هل تذكرون عندكم عليله) ياوالدي والله شهر الحزن انعاه انا العليله ★★★★★ شنهي عگب عيناك مابچاني جمرة حزن هذا الوكت سَوَّاني گطَّع دليلي وغَيَّرالي الواني سالفتي بس نوح ودمع خلَّاني (وَحيدةُّ   حَزينَةُّ غريبه) (مني المنايا اصبحت قريبه) ياوالدي تدرون اظلم بعيني الكون انا العليله ★★★★★ انا العليله ودهري ماسامحني من روحي اقرب وسفه اخذهم مني ذاك الأبو ماظنتي ايودعني اليفگدني دوم ودوم يسئل عني (الروح نادت  أهلها الظليمه) (بدونما انفاسكم يتيمه) گلبي شكثر مهظوم جرح بجرح ملچوم انا العليله ★★★★★ ياحسبتي الماتنگضي ولاتنفض لَمَّة هلي للموت ماتتعوض هَدَّت ضلوعي النايبه شلون انهض چنها سنابك خيل رَضتَّهن رض (ان الفراق غُربةًّ أكيده) (قافلَةُ الاحباب كم بعيده) وشماتمر ايام ماترحل الآلام انا العليله ★★★★★ هذا الوكت موزين يتراوالي من نايبه النايبه يريد بحالي جمرة مِنيَّه افراگ ابوي الغالي وحسبات ماالهن نهاية إبالي (ان ليالي الحزن كم بغيضه) (صار نحيب الليل لي فريضه) ابچي لبوي حسين حد ماتطيح العين انا العليله ★★★★★ لا وجه ابوي وضحكته واطيابه اسوَوَّت بحالي فرگته وغيابه ياوكت عن الظيف ينسد بابه ودار الغرب صارت محط أرچابه (ان الجراح لم تزل  عسيره) (تزايدت كأدمعي الغزيره) وبلا اهل ضليت من الصبر مليت انا العليله الشاعر حسن لعيبي الحريشاوي