♥️قنآة نعي للشعراء♥️

—

—

جيشين التـقن باطـل گبــاله الحـگ وي يا جيش چفك من يصير الطگ وي حسين لو تبقى أعلـى تـل العار ثـوب العــار مــا يسـتر تـره مشگگ ( وحسين الذل لا ميريده ) الشاعر موسى البديري

عندك علم داعشكم شصار وياه بالمگابل احطك يالنـِذل فوگــاه دم اولادي بالك تعتـقـد ننســاه ( ما يبرد دم العياله ) الشاعر موسى البديري

فـدوه نگِـول وي حسين الاستشهد نرده ان شاءالله ودم اهلي ما يبرد التماده اليوم لابد ما نحطله الحـد ( والعايل نگطع چف ايده ) الشاعر موسى البديري

هوسات ضد العدوان السعودي الصهيوني المشترك ضد ابناء علي تمادت ال اميه وأهلي دمهم سال ومـن اجديد ظل يتشمت الجمـال يوم احتارت الحره بحرم واطفال ( الشامت نفس الشامت من يزيد وال سعود ) الشاعر موسى البديري

يا عباس هـدمـي امـن الـضـرب بـيّـن .. هَزل بي واگـيـد الـسـبـي يـا خـويــه  .. هِزل بي دگــوم اگـبـالــي وبـچـفــك  .. هز البي فـخـر لـخــتـك لـوآئـك جـيـبـه ألـيـه *------------------------*-------------------* ✍خادم العباس) ع) الشاعر رعد الجريخي

مثل طف السده اعله احسين .. طفهن الشمر و بسوطة عالنسوان .. طفهن يعباس بخيمكم نار .. طفهن وصلت للعبي وچوّت رقيه رفعنه اچفوف لله .. ودّعينه لخوي الطاح اركض .. ودّعينه الكافل وي ضعنّه .. ودّعينه تناطر لعد خدر الهاشميه بعد ما ينجمع شملي ..وشملاك يبني ودم البضلعي .. وشملاك ريت بحظني الوليك .. وشملاك موش بدفع بابي اتموت الية فاضل الجهلاوي

يعبـــاس الحـــــزن بعـــدك خيمنـــه وردتـــك يا گمــــر حاضــر خي يمه وتشوف أشصار من حرگو خيمنـــه الحـرم هجت تروح ليا نويــه

نعي مفجع بحق الاخوان الاخو سلوه الاخيه بوكت الحزان يزيل هموم گلبه وينسه همه يصير حزام چنه بساعت الضيج ويگضّ ضهر الاخو لو ناده بسمه جرح يترك غيابه بوسط العيون الغفاله ارموشه من تطبك تلچمه الله ايعين گلبه الينفجع بيه يضل صوره اعله باله ايعيش رسمه يخاويه السهر ودموع الحزان ويگضي اليل يحسب نجمه نجمه الصبر تنحد حدوده بيوم الفراگ لون صبرك جبل اقسم يهدمه لذالك من هوه العباس عالكاع انحناله حسين وبنحره يشمه انهدم حيله اعله اخيه وصاح ياخوي ومد طوله اعله طوله وطاح يمه يگله اشلون اصبر خويه عباس وانه غيرك بعد ياهو الاكلمه بعد يافرحه تحله بطيحتك هاي واصد راسك يغالي ايسيل دمه صرت عگبك وحيد ابين الجيوش وچان الجيش يمي وما اهمه حلم چنه عمرنه الراح وياك اشينومني ويعيد اليل حلمه ----------------------------------- ابو ذيه نشيدي الچان بسمك دوم ..ينشاد گلت بيك الضهر عباس ..ينشاد شگولن لو اجاني طفل .. ينشاد اجاوب لو اهل دمع الرزيه --------------------------------------- ✍الشاعر رعد الجريخي✍

نعي عن السيدة زينب بعد مقتل الحسين --------------------------------------------- ويــــــن اللاكَــــــيهم بعــــــد ولياني شلون ترضون انسبي يخواني حــــــشمت شكــــــثر محد اجاني تسمعوني لچن ياوسفة ميتين ----------------------------------------- ما بين الغرب امشي يســــــيرة ولا خوتي تجيني ولا عشيرة ولديرة اطــــــب من بعد ديــــرة چا شنهي العذر مني يطيبين ------------------------------------------------ غريبة ولا ولي ما بين عدوان واركض عالجمر حافي يوليان واخوي مسلب ومذبوح عطشان والخيمة وعباتي بنار داووين ------------------------------------------------ يخوية حبال شدوهن بدية ينادوني بشــــــماتة يالسبــــــية وجر بيدة التراچي من رقية تصيح احاه عمة والدي وين ------------------------------------------------ ادور فياي صبغت لوني الشموس وكلبي من الحزن والنوح متروس ملتــــــــــــني بكثر ما انوح النفــــــوس ياخوية من اختكم نشفت العين ------------------------------------------------ أسالكم الدعاء رائد الاسدي

نعي لرقيه عزيزة الحسين ع في الخرابه نعي للسيده رقيه عليها السلام طفله وشاهدت والـــدها بالنــــوم تگله وين يــــــا بويـــــه يجيدوم علينه يبويه انــــــــــدارت الگوم وبعد عينك يبويه الگلب يسعر * فـــــزت مــــن حلمها اتصيح عمه چـــــان اهنــــــاه ابوي وجنت يمه ونمت بحضانه عمه وگمت اشمه وسألته اعلى الرضيع وعلي الاكبر * تگلهــــا زينب ودمعتها بالــــعين يعمه أعلينــــــه كل اهلچ بعيدين ولن نــــــادت رقيه بويه يحسين أريدنك يبويه لحـــــــــــالي تحضر * أراويك بويــــه شحــــــال متني واگلك هـــــــــاي گوم العذبتني من الماي يا بــــــويه أحرمتني ومثـــــل گلبك يبويه الگلب وجر * تقول لها زينب ____ ابــــوچ امسافــــــر يطول غيابه وبعد عيناه عمه احنـــه ابخرابه نــــادت وين عني رحـــــت يابه أخذني ويـــــــاك عن فرگاك مگدر *** ويـــــــزيد ابحقد وده الراس ليها ومذبـــــوح نظــــرتله وليهــــــــا وعلى راس الولـــــي زادت بجيه وعمرها أعلى الولي هاليوم گوطر ___ وعندما قال الامام السجاد (عليه السلام) للسيده زينب عمي نحي الطفل فقد ماتت على راس والدي كأني بالسيده زينب قالت ... أنــــه زينب أبظهري السوط وشام وكبر حزني لمصاب السبي والشام علــــى راسك هوّت يحسين وتشم عزيــــزت گلبك ومـــــاتت رقية موسى البديري

نعي عن السيدة زينب بعد مقتل الحسين عليهما السلام --------------------------------------------- عجاج الخيل اشوفن صار عالي واشوف اظلم الكون ومالي والي چنه حسين طاح شلون حالي دخيلك يا اله الكــــــون استر ----------------------------------------------- گمت اسمع صهيل الخيل كَـرب مشاعل نار اجتني وحيل تلهب وانة كَلبي على الخوان عطب على الصيوان اشوف الخيل تفتر ----------------------------------------- اكظ بيد العـباية وايد الاخيام وهمه صياح الهم گوموا للشام شمات ويظحكون اعله الايتام على هالحال خوية اشلون اصبر ------------------------------------------- صاحوا بالخيم يحســـين فرهود وابو الغيرة على التربان ممدود والكافل طريح وماكــــــو ازنود يتباهون جــــدام النساويــــــن ------------------------------------------- حرم واطفـــــال من النار هجت تسحكَ عالجمر بالخوف شردت حفاي وتــــــچوت لــــــية ردت شيلمهم وهم لا واحد اثنـــــين -------------------------------------- صيوان الحرم بالـــــــــنار داوي ويحرگون العـــبي فوكَ العلاوي نخينة وما فزعتوا اعلى النخاوي الحكَوا اعيالكم خوية يطـــيبين ---------------------------------------------- دارت كل كــــــــتر بينة ال مية بســــــــياط وظرب داروا علية ويجـــــــرون التراجي من رقية ظلام وفـــــــــلا همة مسلمين ------------------------- أسألكم الدعاء رائــــــد الاســــــدي

نعي مفجع بحق الاخوان الاخو سلوه الاخيه بوكت الحزان يزيل هموم گلبه وينسه همه يصير حزام چنه بساعت الضيج ويگضّ ضهر الاخو لو ناده بسمه جرح يترك غيابه بوسط العيون الغفاله ارموشه من تطبك تلچمه الله ايعين گلبه الينفجع بيه يضل صوره اعله باله ايعيش رسمه يخاويه السهر ودموع الحزان ويگضي اليل يحسب نجمه نجمه الصبر تنحد حدوده بيوم الفراگ لون صبرك جبل اقسم يهدمه لذالك من هوه العباس عالكاع انحناله حسين وبنحره يشمه انهدم حيله اعله اخيه وصاح ياخوي ومد طوله اعله طوله وطاح يمه يگله اشلون اصبر خويه عباس وانه غيرك بعد ياهو الاكلمه بعد يافرحه تحله بطيحتك هاي واصد راسك يغالي ايسيل دمه صرت عگبك وحيد ابين الجيوش وچان الجيش يمي وما اهمه حلم چنه عمرنه الراح وياك اشينومني ويعيد اليل حلمه ----------------------------------- ابو ذيه نشيدي الچان بسمك دوم ..ينشاد گلت بيك الضهر عباس ..ينشاد شگولن لو اجاني طفل .. ينشاد اجاوب لو اهل دمع الرزيه --------------------------------------- ✍الشاعر رعد الجريخي✍

نعي كرناوي بحق مولاتنا العليله ع مو سهله علينه نفارك اعزاز ننسه شلون كعدتهم ويانه بعده البيت يشهد والصور ذيج وبعده امجانهم يكتل عمانه صدك عشرتنه خلصت والامل خاب ومنهم خاب يا يمه رجانه عافوا ذكريات اتهدم الحيل وبينه حيل ضل يحرك ضمانه شح بيهم زماني وصاروا بعيد ومنهم لا خبر يا ناس اجانه يسوون المناحه ودمعة العين يا شمعت البيت ويا ضوانه صدك شالوا اهلنه وبعد هيهات شخصهم مايجي لينه ولفانه تربي عيونه بس مالفوا ليش مو طبع الغريب يفارك اوطانه بقلم الشاعرة سحر ام كرار الساعدي

من رجع ضعن السبايا الى كربلاء لسان مولاتنا زينب الوكت دولبني يـــــــــخوتي هاي انه زينب سمعو صوتي ارد اشرحلكم كبــــــل موتي عالقـــصر جان شلون فوتي لو شايفين شــــصار بيه من وره الشـام وال اميه شمرو احجار اشكد عليه وين التـــــــوجع والقويه يحســـين راسك جبته وياي عالرمح خــويه صارله هواي يابو علي امن الشام لي جاي طلعو روحي اعــداك وعداي شتاكيتلك يال خال ولدي يابو الفــضل يابعد جبدي اخ ثاني مثلك كون عندي جا هيج ما ضليت وحدي مو الاوليه حســـــين اجيتك لتشـــــــــــوفها عمت ابنيتك رديتلك مــــــــتعوبه يحسين مو ذيج هيه ام عون اخيتك ياخويه اجيـــتك بربعينك والجايبيني الجـــــــاتلينك اتحملتهم كوه يحــــــسين مو خوش ناس الذابحينك مو زين عدله الهسه ضليت والكربلاء بهالحيل رديــــت بالـــــــــشام فريت الدرابين وبسوك مال خـــباث طبيت الصار بعشيرة بني هاشم ما صــــــاير بتاريخ وادم بالغــــاضرية اهل العمايم ذبحوهم اكبـــال الحرايم علي صكار الرحيماوي ✏️

#نعي ام البنين تتمنه يرجع احد اولادها للدفن روحي فداهم اتمنيت واحـد مـنهـم ايـعـود وگـبـل المنيـه كـون مـوجـود ايشيل الجنازه ويلبس السود وتهمل دمعته فـوگ الـخـدود اتمنيت بـس هـاي بـحـيــاتـي وبكل مسيـه ادعي بـصـلاتـي يحضـر وَلَـد سـاعـت وفـاتـي وفـوگ النعش ينـشـر عـباتـي اتمنيت يـمـي بـاخـر انـفــاس وعله الـچتـف يحملني عباس راعي المحنه الـيـرفـع الـراس صعبه ألجنازه اتشيلهه الناس اتمنيت لاچَـن كلشي مـاصـار اليوم الـمـنيـه وتـسعـر الـنـار مدري زمانـي اشيطلب ابـثـار خلانـي انـوحـن لـيـل ونـهـار الشاعر رعد الجريخي #اللهم_عجل_لوليك_الفرج

#نعي عزاء الفواطم ومولاتي أم البنين صلوات الله عليهن ياهي الجايه ومنتظره عالباب اظن هاي الوفيه وام الاطياب تعالي ياشـريجـتـنه بالامصاب الج حگ البجي ولازم تنـوحين تعالي وجابـليـني وخـل نـون حيل انمـنعـت امن البواجي اهناك بالليل وشيسكت لاخـوها داسـته الــخـيل گلبي امن الهظم مجسوم نصين و اجت ام البنين وحــسها مبحــوح و خدها امن اللطم عالوالي مـجروح صاحـت صـدگ عود احسين مذبوح وضل مطروح جسمه بالميادين ولـدي اهناك خوما قـصرو اوياج انه مــربـيـتهـم يـمـوتون جــواج من رحتي اعله هزله ياهو ماشاج ومحد صاح زينب وين ماوين زينـب گالت الها . اهناك عــبــاس وگف وگفه لخواته تــرفع الـراس بس من طاح هدت عالخيم ناس واخيالي انلمح يايمه بالعين اجروح اتگابلن يبجن عله الصار ثكله بثكله لطــمن واللـطم حـار مــافـتّــر لطـمــهن بــالــگلب نار لطم الفاجدات الفگدن ابنين وام عــباس شـگهت رادت اتمـــوت ولاجـت من وجعها وصاحت بصوت صدگ جسمه بحصيره وماكو تابوت صدگ مسلوب ضل بالهيمه لحسين ابو حميدة الشويلي #اللهم_عجل_لوليك_الفرج