قصائد دفن الاجساد الطاهره (الدفن و السبي )

سجـادك.. لولادك.. دفـنـهم ياحيدر.. والذاري.. چفنهم ـــــــــــــــــ الميت اكـرامـه دفـنته يـاعلي نـدريـهـا بويه وابدور الهواشم عالثره اموذريها كالأضاحي عالوطيه والرمل يـچـويها اشعطلك يابو الحميه ريت تحضر ليها ياذينه .. وما يگظي .. حزنهم ياحيدر .. والذاري .. چفنهم ـــــــــــــــــ بويه سلمان ابـوفاته وحـده ماخـلـيتـه ياعلي احسينك عجيبه الكربله ماجيته عالثـره مرمي النـحبه ومنّسِلب صدّيته اشأخـرك عنه يحـيدر ريـتـك اتـعنـيتـه توجعني .. وتهظمني .. محنهم يـاحـيدر .. والذاري .. چـفنهـم ـــــــــــــــــ الله يعلم شنهي حاله البيده يـدفـن روحـه من دفن حامي الشريعه ريت تسمع نـوحه ايدور اچفوفه ودمعته بويه تچوي اجروحه وآخ مـن عـايـن عليهـا رايـتـه مـطـروحـه حـاربهم.. يـاوسفه.. زمـنهــم ياحيدر .. والذاري .. چفنهم ـــــــــــــــــ الچنت بحظانك تلمهم بويه وتباريهم لَمّهم السجاد بيده لاچـن اموذريـهــم الاكبر اليشبه محمد گطّعوه تـدريهـم اباريه شاله يـبـويـه الله لايـنطـيـهـم شُباني .. الدم غَيّر .. حِسنهم ياحيدر .. والذاري .. چفنهم ـــــــــــــــــ مـاي ماصـح ابـدفـنـهم بـويـه ويـرشونـه ابحيره ظل زين العباد وبس يدير اعيونه وهوه من ثگل السلاسل طايحات امتونه حـيـل ماعنده يـبـويـه الله كان ابـــعـونه ايعظم الله.. يابويه.. اجرهم ياحيدر .. والذاري .. چفنهم ـــــــــــــــــ رد علي السجاد ليه والدموع ابعينه امن المگابر رد عليه امتربه چفينه اتگابلينه بالبواچي عن فگد والينه ايگلي ياعمه دفنته ضامي ومسلبينه ياريتك.. بالدفنه.. احضرتهم ياحيدر .. والذاري .. چفنهم ـــــــــــــــــ حيدر بشار الدراجي

حاير وايدي عله خدي والدفنهم حسره عندي بويه ماظل حيل بيه دفنتك  تصعب عليه ............بالحصيره گمت ألمك ●●●●●●●●●●●●●●●●●●●●●● اتحيرت  يابويه  بمرك ... ظلع منك ما سلم طحت مرتين عله وجهي..حيلي بالدفنه انهدم چم ظلع ظليت ألمن.....والچبد شفته انثلم ليش اعله ترب عاري......جسمه اتوسط الحومه من حر الشمس ياحيف... چنهه امغيره ارسومه ما باقي واشيل احسين...حتى امسلب اهدومه حاير  ابذيج   الظهيره حصلت بس الحصيره آه من شفت الرزيه دفنتك تصعب عليه ●●●●●●●●●●●●●●●●●●●●●● صحره والطف كلهاصرعه..بويه ماعندي گلب اشلون  اعاين عالمصيبه....انعه والمدمع يصب انذبح   چم  مره   بويه.....رايح  الديرة   غرب ___ شمسويه الحوافر هاي....صدرك يطبگ ابظهرك خيل الاعوجيه ادوس......عمداً تطحن بصدرك ضيعت العمر يحسين...خلص عمري وي عمرك اتحيرت   وشلون  ألمك گمت الم أعضاء جسمك ويلي برض الغاضريه دفنتك  تصعب عليه ●●●●●●●●●●●●●●●●●●●●●● دورت تسعه الأصابع....وانه شحسب يانحر ريت ابخن ماي چبدك....بويه ذابحني النهر ياحسافه اتموت ضامي....وانه عذبني الدهر ما چانت ابد عالبال.....اشوفك عالرمح عالي جرح نزلتك بلا راس.....نحرك بويه يصفالي ابدال الخد نحر خليت....اوسد بيدي الغالي روحي يمك والكلب هام عالفراك    اتلاثه   الايام انه بس اصفك بديه دفنتك تصعب عليه ●●●●●●●●●●●●●●●●●●●●●● انه شفت الطف مجازر.....اشكد ظلوع امكسره الخيل داستهن شماته.......حتى گطعوا خنصره ماعرفت احسين لسه......صار جسمه وي الثره ............... طحت چن السمه وياي..طاحت عالارض تهوه _ ضيعت  العمر  ماريد.......من  دونك فلا يسوه ردت وياي اجيبن ماي.......بلكي  ابنحره يتروه شلون  خنگه  وبيه عبره والجرح طبره عله طبره ريت  تلفيني  المنيه دفنتك تصعب عليه ●●●●●●●●●●●●●●●●●●●●●● حدبت  يابويه ظهري.....شيبت يوم الدفن ونتهه كلشي بحياتي.....ينذبح دمع الجفن اتعذبت والدنيا غربه.....يلوگلي بس الحزن روحي اتمرمرت يحسين....ماظل الدمع بيها قصة عمري بس بالنوح......هاي الوعه احچيها نار   اتوجرت  بحشاي ....هاي الزهره اناديها صاحلي وسد رضيعي ينذبح حلمي وربيعي تنتهي الحسرات اليه دفنتك   تصعب  عليه ●●●●●●●●●●●●●●●●●●●●●● تمت بعون الله تعالى الشاعر_يوسف_الفتلاوي https://telegram.me/aabas78 قصائد لكل ايام محرم اشترك بالقناة

حيره ابوي اشلون ادفنه .. والحوافر طشرنه مصيبتي والله جبيره .. گوه لميته بحصيره الحوافر طشرنه ………………………………… نطوتلي الگاع ذاك اليوم من الكـوفه لارض الطف امشـي والظـهـر حـانـيـه وصور بعـيوني تـتخطف اتـذكـر مـصابـي هنـاك ودمعي عله الوجن ما جف من علتي شكثر ضعفان بس هسـه صرت اضـعـف الشفته بعيوني استحاله .. واحد يشوفه بخياله والدي وشيخ العشيره .. گوه لميته بحصيره الحوافر طشرنه ………………………………… اجيت ادفن انه الاجساد الضلت عالرمل بالحر ثـلـث تـيـام بـالصحـراء بـالـتـربـــان تـتـعـفر اورايـهـم ردت وحـــدي بـس اشـلون ما اگـدر عليل وگـمـت بـالخــوان والـولـيــــان اتـعـثـر بكل شبر بالطف وذرهم .. بيامكان احفر گبرهم ليا جسد احفر حفيره .. گوه لميته بحصيره الحوافر طشرنه ………………………………… رحـت للـوالــد وشـفـتـه وگـفت يمه بفـكـر حاير هـذا حـسين مـعـقـولـه اكـثـر مـن وذر صـاير ابـوي ابكـل شبر بالگـاع عـظـمـه ولحـمه متناثر صحت ويلي يبويه حسين بـيك اشلاعب الحافر حيره ابوي اشلون ألمه .. مگطع ومنثور جسمه عظامه مطحونه وكسيره .. گوه لميته بحصيره الحوافر طشرنه ………………………………… زمـاني شلون حـيرني حسين شلون ادفننه عضو لو شـيل منـعـده عضو ثاني يگـع منه عجيبه الخيل شمسويه بجسمه وهيچ خلنه شمسوي ابـوي حـسين بكـل الگـاع طـشنه والأشد واعظم مصيبه .. صبعه ضاع منين اجيبه لهل مصيبه دمعي اديره .. گوه لميته بحصيره الحوافر طشرنه ………………………………… بحـصيره گــوه لمـيـتـه ونـزلــت الابــوه بـگـبره ولـن مـن الگـبـر اسـمـع صوت يصيح مـن نحـره رضيعي يگلي ادفنه وياي يم صوب الخيم دوره ورحت جبته ودفنته وياه وخـليـته على صدره وطلعت من نحره سهمه .. وشفته هم مسحوگ جسمه مثل ابو اليمه مصيره .. گوه لميته بحصيره الحوافر طشرنه ………………………………… ويم شاطي الفرات اهناك رحت ودموعي سياله ادفــن عـمـي العبـاس بـس شفـته بأشـد حاله مگـطع مثل ابوي حسين ومصيـبـة عمـي چتاله شكثر داست عليه الخيل الحوافر مردت اوصاله چفوفه مو بس الگطيعه .. عمي تارسها الشريعه النزف للخوه غيره .. گوه لميته بحصيره الحوافر طشرنه الشاعر عقيل الحسناوي.. https://telegram.me/aabas78 قصائد لكل ايام محرم اشترك بالقناة

لسان حال الامام السجاد ع عند دفن الاجساد الطاهره ............ گطع يابويــه شـــو عـنّـي وصالك النبي شكال وحجه بأمرك وصالك بحصيره شلون ألـمـنــهـن وصالك يلـمـطشر وصــل وبـكــل نـــويــه .................................................... ✍️عباس مالك العفريت نسألكم الدعاء

تجليبه كاع الطف وذر متروسه من عدكم حيره شلون الم الاجساد و ادفنكم …….. كاع الطف وذر متروسه من حسين بدفن اجسادكم حاير ابلش منين مطشر جسمك وربعك تره موذرين وينه الحيل وينه حته المنكم كاع الطف وذر متروسه من عدكم ……… هنا جبدك ليكته بالسهم مصيوب واضلوعك مطشره وبيها الم النوب مذبوح وطريح اعله الثره ومسلوب المك وي علي وعبد الله اجمعكم كاع الطف وذر متروسه من عدكم ……… لملمته بحصيره الجسد لملمته و علي الاكبر وصل يابويه جمعته وعبد الله اعله صدرك جبته وسدته ادموعي المالحه خايف لتلجمكم كاع الطف وذر متروسه من عدكم ……….. وجثه تفوح منها ريحة العمبر بياض مغطي وجها وجسمه المطبر وصلتله وثاري جون الطيب تغير لونه وطاب ريحه من خلط دمكم كاع الطف وذر متروسه من عدكم ……….. جثث عالمشرعه ومترسه الصوبين وراس الغيره عالشط منجسم نصين هنا جف منكطع وهنا سهم بالعين ورايه اعله الشريعه هنا ترفلكم كاع الطف وذر متروسه من عدكم ……… الشاعر احمد ابو الشون https://telegram.me/aabas78 قصائد لكل ايام محرم اشترك بالقناة

قصيدة ( لميته بحصيره ) لدفن الأجساد الطاهره حوار بين الامام السجاد والسيده زينب عليهما السلام لميته بحصيره جسم الحسين لو سالم لگيته يا ضــوه العين جسمـه دامــي ومنطرح راسه ذاك اعلى الرمــح     يا عمه الحسين **** عمّــه سولفلي عظــم هــاي الــــرزيه من گصدت اليوم لارض الغــــاضريه شلون شفت حسين ظـل جثه رميــه شحاله من رضته العشــره الاعوجيه خَبّرنــي يعمّـه بصـــدره اشصَار مثل ايتامه جسم حسين طشار حسين كلّه أصبح جرح راسه ذاك اعلى الرمــح ****  گلهـا والدمعــه جـرتْ منـه يعمّـه آه يا جرح الطفوف شكبره همــه بالحصيــره والــدي ظليــت المّـه  عمه وبلهفت امفارگ گمت اشمه لميته بديه وشاغت الـــروح مذبوح ويلمْ بجروح مذبوح صعب يـا عمّـــه الشرح راسه ذاك اعلى الرمح ****  عمّــه يا جـرح الـذي گلبك مضهده گلها والدمعه جـرت من فوگ خده عمّـه كـون اليندفن راسـه نوســده بس نحر وبلايا راس شلــون شده وســدت النحـر وبگلبــي اهــات مثل حسين عمه ياشخص مات حسين أبو الوجه السمح راسه ذاك اعلــى الرمـح  **** تگله انشدك عمه عــن محنة كفيلي گلها عالشــاطـي تهــدم كلــه حيلي شفـت چفينه وصحـت يمّه يـويلي عمّي يـــا عبـاس راح يطـول ليـلي يــا عمّــه شسولف عنــه محتـار من كثر الهضم بعده الجسد حار الـﭽنه ساعــات الصبح راسه ذاك اعلـى الرمح ****   ارد اســألك مـن بعـد راعي الشريعه ويـن گلّـي وســدت منحــر رضيعــه عمه گلها وضاگـت بعينــه الوسيعـه لصدر ابوه حسين هاي اكبر فجيعه نحر حسين وي نحر الطفل صار وسدتــه واحــس گلب الابو نــار  ذبــح صــاير يــم ذبـح راسه ذاك اعلى الرمح **** مــن گصدت الأكبــر ودامي نظــرته ﭽن محمد عالارض مطروحه جثته  ويا جــرح جسام ومصـابه ومحنته اخ يا خويــه صحـت يمّــه وشبگته شحــاله ألّي يــوسد بيــده خوان عليل وبيدي اوسد گلب عطشان  يــا  دوه لعلتــي  يصح راسه ذاك اعلى الرمح  **** الشاعر موسى البديري https://telegram.me/aabas78 قصائد لكل ايام محرم اشترك بالقناة

قصيدة لدفن الاجساد على طور مر بيه لوطيف لباسم الكربلائي. حال لسان السجاد عليه السلام يابويه رديت.  من الأسر جيتك ياشمعة البيت. تعذرني ياريتك مااحمل احزان.   ياعالي الشان ★★★★★ عليل بفرگتك والدهر عذبني ودروب الأسر نيران   چوَّني أريد اوصاف إله ماينوصف حزني اسمعك من تناديني علي يبني يابويه چتال.  فراگك على روحي بويه انظر الحال. شگد لوعتي ونوحي والگلب خلصان.     ياعالي الشان ★★★★★ اجيت الدفنتك حاير يبو اليمه كون اليندفن ناس وأهل يمه وسالم كل كتر لوگلبت جسمه وذر يابويه جسمك لو ردت  لَمَّه لاظلت ارسوم.   لاخنصر العندك عليها العفه دوم.   هلدنيا من بعدك ريت الاجل حان.  ياعالي الشان ★★★★★ يبويه اليوم جيت بروح حيرانه من كثر القهر. والنوح.  خلصانه من شفت الجسد ورسومه ذبلانه يمن راسك اسير ابولية اعدانه يلمثل عباس.  كاسرني الف كسره جسمك بلاراس.   ياضنوة الزهره يلمتت عطشان.   ياعالي الشان ★★★★★ اودعك يلچنت هلروح ترعاها من اودعك جيت اودع الدنيا. معناها يدنيا الروح  بعدك شنهي دنياها تبث للباري بعدك روحي شكواها دمعاتي بالعين.  متفارگ اعيوني لمصاب الحسين.  ماتغمض جفوني وبگلبي نيران    ياعالي الشان ★★★★★ جوه التربان وسفه ادفن الجنه شگل لأم الخدر لوناشدت عنه دفت الماكتر سالم بعد منه اخاف اتموت بعد الحسره والونه متحير اشلون  خوفي على خاطرها من تسئل شلون.    حاير. شخبرها ماضلوا أخوان.  ياعالي الشان الشاعر حسن لعيبي الحريشاوي

على طور شلون ليله لحمزه الصغير (گعديه) عن دفن السجاد لجسد أبيه الامام الحسين عليه السلام وباقي الاجساد الطاهره اهواي صعبه المحب من يدفن حبيبه هلمصيبه. المامثلها كل مصيبه تهمل السجاد عينه جسم أبوه اموذرينه. اهواي صعبه ★★★★★ انطوتله الأرض لمن. رجع لأرض الغاضريه بنظرة الملهوف گاصد. نار البگلبه سريه وين ريحانة الهادي ومهجة الزهره الزچيه شاف الجسم حين التفت السجاد ناره. اتوجرت شيحسب بطعناته الصفت. الف طعنه وتسع ميه اهواي صعبه من نظر فخر الهواشم كل كتر مهشوم. ماضل كتر سالم شخلت بجسمه الحوافر وذيچ طبرات البواتر اهواي صعبه ★★★★★ شلون منظر لو اوصفه. تسبگ الدمعه المشاعر من يلم جسمه ويچفنه. الداسته خيول العساكر سمه انحط ابلحد وسفه. حسين نوره اليشع زاهر مكسور گلبه وممتحن السجاد ساعات الدفن من المدامع والحزن. اصبحن بيض النواظر اهواي صعبه يدفن الروح الحنينه نزلت املاك السمه تبچي وتعينه مابعد يحصل الملگه. فرگه المحبوب فرگه أهواي صعبه ★★★★★ يذكر السجاد زينب. بالظعن مكسوره خاطر شلون لوتدري العقيلة. شحال جسم حسين صاير علارض مفروش جسمه. من كثر دوس الحوافر لا له ملامح لارسم لاصوره ضلت لاجسم اتموت ويفارگها العزم. لون زينب تدري باچر اهواي صعبه. بياخبر زينب يگلها ارماد صارت ياحسافه. اجسوم اهلها وياه من ينصب عزيه الحال ابن خير البريه اهواي صعبه ★★★★★ الدين والايمان كله. العدل وأحكام الشريعه ومنظر الحق وجماله. النوره من نور الوديعه بالسيوف امگطعينه. وماسلم حتى رضيعه السجاد روحه معلعله صوته حزن يملي الفله هذي فجيعة كربله اعظم واكبر فجيعه اهواي صعبه من يرد للضعن باچر ولوعته ابوسط الگلب مثل الخناجر من التعب مهدوم حيله ومن يصد حال العقيله اهواي صعبه الشاعر حسن لعيبي الحريشاوي

ابوذيه الى دفن الاجساد الطاهره زينــب يــا عظــم ونهـــا    يلمها وعلـى الاحزان لا واحــد    يلمها اخوها مــن الأرض جثته   يلمها علي السجــاد يــا عظـم الــرزيه *----------*----------* الشاعر موسى البديري https://t.me/joinchat/AAAAAEN4vuuUfDbAramBIQ

كون بكلبي دفنوك مو بتراب خلوك ................  نور عيوني يحسين اوصل يمك منين اعداكم خويه سابين عنكم بينه ماشين وانتم خويه ميتين بحافر خيل سحكوك .............  انته عله الترب ضال وشدو بيه الحبال خويه كليبك شكل بيه الشمر من عال وانه همومي ثكال اكبالي عاري عافوك   .............. تشوفك مرمي العيون وانته بكلبي مدفون وتدري بحالي شلون وهمه بيه يسبون وتنزف دمه المتون ومثلي خويه سلبوك ............... باقي فوك التراب وانه بيد الجناب كلبي بطيحتك ذاب سهم بجبدي وصواب وانتو عني غياب خويه شلون داسوك ...........  بعدك ماضل انسان مسلوب انته عريان وماكو خويه دفان ترابك صار الجفان وهاجت بيه الحزان بدمك خويه  جفنوك ........... الشاعر اياد الفرح المهدوي ليلة ١٣/محرم الحرام /١٤٤٨ هجري الاثنين 29 \6 \2026 ليلة دفن الأجساد الطاهره #جديد_محرم_الحرام_١٤٤٨هج

دفنت احباب گـلبي وروحـي مسبيه انهدم حــــيلي وبعد كـل حـيل مابيّه *** يبويه اليدفن الغـــــالي يـــون حگه يدفــــنه ومــــــــابعد يتوقع الملـگه الطبع گــلبه حنين اتعذبه الــــفرگه وانه الدنيه بعـــــدكم ضـاگت اعليه *** تضيگ الدنيه بعيوني وصبرعندي ولكــــــن مو دمع دم ينترس خدي گبلكم بــــويه ريت اتوسدت لحدي دفنت اجساد دون الــروس مدميّه ***     گلـــبك يشعــــــر ابگلـــبي وجـراحاته نامـــــت باللحــــد وياك آهــــــــــــاته يــــــون اعليك وي دگـــات نبـــضاته يـــــوم الـــــــدفنه مــــــاأنسه مآسيه *** أحس گبـــــــرك يبـــويه ينـحب ترابه يگـــــلي عجـــــــبه ميت سلبو ثيــابه بشيبك مـــــادره صار الدمه خضـابه يــــون اعليك گــــــــبرك ونّه مخـفيّه ***           دفنتك بــــــــويه بيدي وگلبي يتگطع ونياحه اعليك چــني ابكـل كتر اسمع واشد الـنوح كله بجـانب المــــصرع يبويه الـــــنوح نــــوح انوار قدسيّه *** دفنتك والبـــــقه فــوگ الرمـح هامك امن اشوفه ايحن دلـــيلي بويه ليّامك اشبـگه راح اظـــــل واتـنفس الامــك وانصب مـــــأتم اعله امصابه يوميّه *** تمت بفضل الله وتوفيقه والحمدلله رب العالمين اللهُمَّ صلِّ على محمدٍوالِ محمدوعَجل فرجهم حيدركريم جارالله  الكربلائي https://telegram.me/aabas78 قصائد لكل ايام محرم اشترك بالقناة

ليلة الدفن لميتك من جوه الحافر يابواجروحي واتمنه الموت ابتشييعك ياخذ روحي غريب حسين سليب حسين ــــــــــــــــــــــــــــــــــــــ آنه اول واحد اليدفن حياته انه واحد غربه صارت ذكرياته انه واحد سبو عماته وخواته انه واحد شيع الخير بعباته كل ميت من يدفنونه.. كامل جسمه وانته إبلا راس ولاخنصر. يابواليمه غريب حسين سليب حسين ــــــــــــــــــــــــــــــــــــــ آنه واحد باكت اعيونه المدامع انه عكب أهلي بقيت انسان ضايع آنه عظمي أمن الجلد يابويه طالع آنه عن عماتي مااكدر ادافع يحسين وجابتني الدمعه..والحنيه آنه الميت واشعر أنته..التدفن بيه غريب حسين..سليب حسين ــــــــــــــــــــــــــــــــــــــ بويه لوتكعد تشوف اشصار بيه جيتك الليله وعفت عمتي السبيه الك جايب شبكه من بنتك رقيه وبوسه أمن اسكينه حاظنهه بديه اشلون أدفن واحد بالعالم..مايتعوض يابويه الخيل امضعفتك.. من كثر الرض غريب حسين..سليب حسين ــــــــــــــــــــــــــــــــــــــ آنه كعبه وللحزن أذن بلالي ماي آنه وانذبح مني زلالي ميت ويدفنله ميت هذا حالي ابحاله وحده انساك اله أدفن خيالي مادام الصوره التوجعني.. ابنص اعيوني ماانساك الحد ما انسم..ويدفنوني غريب حسين..سليب حسين ــــــــــــــــــــــــــــــــــــــ بويه يم جسمك أهل دمع النواضر آه واويلاه شمسويه الحوافر مثل سبحه وتنكطع طشار صاير بالحصيره راح اشيعك للمكابر ادفن والمنحر حاجاني.. وضل يهمسلي ابصدري المتكسر يالتدفن.. وسد طفلي غريب حسين سليب حسين ــــــــــــــــــــــــــــــــــــــ بويه سلمنه اعله اهلنه الفاركونه عالنبي وحيدر عله الزهره الحنونه ليش الانحبهم يبويه مايجونه راحو وليش بسفرهم ماخذونه سجادك واتمنه ابكبرك..تغمض عيني يابويه وكون اوياك أدفن..كل اسنيني غريب حسين..سليب حسين الشاعر محمد الجماسي https://telegram.me/aabas78 قصائد لكل ايام محرم اشترك بالقناة

لسان حال الامام السجاد عليه السلام  عند دفن جسد ابيه الامام الحسين عليه السلام  (وزن النصاري) ياوسفه بديه    دفنت ابن الزچيه تعوفه بگبره وتروح   ماظلت بعد روح          دفنت ابن الزچيه ★★★★★ دفنت الروح والدنيا والاحلام ودفنت السلوه والراحه والايام دفنت الطيبه والجنه والانسام شيصبر الروح هاگد تحمل آلآم محبوبي دفنته    وخليته  بغربته تحمل ها كثر نوح     ماظلت بعد روح           دفنت ابن الزچيه ★★★★★ انا السجاد اجيت الغاضريه دفنت حسين وايامه الزهيه دفنته وطاوعتني شلون اديه تمنيت وردت گبله المنيه ياكسري شيجبره    بديه حفرت گبره تشوف حسين مذبوح   ماظلت بعد روح           دفنت ابن الزچيه ★★★★★ شنهي المايون لحسين وينوح دفنت ايام عمري وسلوة الروح ابوي  الماحظه بالماي  مذبوح ثلث تيام فوگ الگاع مطروح مگطعته البواتر    وطاحنته الحوافر تشوفه شلون مطروح    ماظلت بعد روح           دفنت ابن الزچيه ★★★★★ يا نجم السمه  الطايح بالتراب نجم الماخفه  وعن بالي ماغاب هذا الماجره   ولامر  بالحساب عليك ادري صعب يابويه العتاب دنيا  الفارگتها     تلوعني عفتها تحمل هظم وجروح   ماظلت بعد روح           دفنت ابن الزچيه ★★★★★ يبو اليمه الجره مامر على البال يطيبة خاطري وياسلوة  الحال عليل الوحدي  مچتوف بحبال بس الحرم ظلت عندي  واطفال ماظلت مدينه    مابيها مشينه تمشي جبال وسفوح    ماظلت بعد روح           دفنت ابن الزچيه الشاعر حسن لعيبي الحريشاوي

الامام السجاد عند دفن ابيه الحسين عليه السلام يدفن حبيبه ومهجته تعنه العليل أبلوعته متعني مكسور الگلب حد كربله يطوي الدرب متعني ودموعه تصب الله يافرگه المحب والله اتموت فرگته تعنه العليل بلوعته متعني مهدود العزم من الجسم مدري شيلم كل كتر وصله من الجسم ماكو معاني ولارسم وماكو ملامح صورته تعنه العليل بلوعته لمن وصل يم الجسد الطعناته ماالهن عدد السجاد علرمله گعد من الأمر ماكو أشد مطحونه ينظر جثته تعنه العليل بلوعته معقوله ابن المرتضى ظلوعه الشريفه مرضرضه ونحبه على الغبره گضه بهلحال لمن لاحظه مخنوگ ظل بعبرته تعنه العليل بلوعته لاظهر ظل ولاصدر بدوس الحوافر منكسر بحفره نجمع نور البدر ويلاه ناده أم الخدر يبچي ويحشم عمته تعنه العليل بلوعته جيش الكدر يمك لفه امگطع ينور المصطفى والهم نهب ظعنك صفه ينادي  على الدنيا العفه بعدك  يگلبي وسلوته تعنه العليل بلوعته صعبة وأشد من الصبر حالة گلب مثل الجمر يدفن سمه بوسط الگبر والجنه وسنين العمر للباري يشكي حالته تعنه العليل بلوعته الشاعر حسن لعيبي الحربشاوي

ابوذيات لدفن الاجساد الطاهره ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ أبد ما يطفى نوره ...  بَل شمس ضل الچان أعليه طوله .... بالشمس  ضِل ثلثـ ـتيام مرمي ......   بالشمس ضَل نايم عل وجه بل غاضريه ...... ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ المثله ما اجه اعلى .. واجه أسمى چِنه بل هوى شرچه ..... واجسمه ثلثـ ـتيام ضل عاري ..... وجسمه تچوه بل شمس يهل الحميه ... ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ انطحن ما باقي منه ..   ضِل عل اتراب يويلي ابن امي غطه ...   ضلعه التراب موش احسين . گلبي ... ضَل عل تراب ولا دفان مر او حن عليه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعر ابو فاطمة الطائي ليلة ١٣/محرم الحرام /١٤٤٨ هجري الاثنين 29 \6 \2026 ليلة دفن الأجساد الطاهره #ابوذيات #جديد_محرم_الحرام_١٤٤٨هج

#نعـي دفن الاجساد الطاهرة السيده زينب مع مولاي الحسين روحي فداهما يخويه حسين كلي شلون لموك مابدوا اميه عليك وارووك ثلث تيام وسط الشمس خلوك جروحك يبسن ومامش اميه مع العباس روحي فداه صدك عباس تتركني علئ بختك بين اجناب اروحن وانه اختك اعرفك ماترد من ضيمي صحتك بلكي اتكوم موضربوا رقيه . . مولاتي ليلى مع مولاي الاكبر روحي فداهما يبعد امك يماخذ هاي العيون بلاراسك يلاكبر ليش مدفون تره امك راح تمشي بذيج الضعون بين ارجاس واحبال اب أديه . . مولاتي رملة مع مولاي القاسم روحي فداهما كبر ابني اعرفه وعندي الجواب امبين كبر جاسم بي عطر شاب اكله انهض ييمه بريتي عطاب دم بجفاك موحنه بديه . . مولاتي الرباب ومولاي الرضيع روحي فداهما دللول الكبر عبد الله ذبحوك اهزن بلكبر حسبالي كاروك مامفطوم ليش بسهم فطموك حليبك در يبعد امك عليه . . مولاتي سكينه ومولاي الحسين روحي فداهما يبويه شلون جوه الترب تنحط وانه السوط سوه بظهري الف خط يركظوني واصيح احسين وافحط لحد ماماتت الصرخات بيه مع مولاي العباس روحي فداه يعمي شلون تدخل هاي بلراس جوه الكاع تنطم وانت عباس تره عكبك بقينه ابين الارجاس وشتموا عمتي وصاحوا سبيه الشاعر بشار السامي https://t.me/joinchat/AAAAAEN4vuuUfDbAramBIQ قناة خاصه نعي / ابوذيه / هوسات

شگال  گلبك   سيدي  زين  العباد من حضرت لكربله ودفن  الجساد ========================= شگال گلبك من شفت فوگ الثره چــثة  حسـين  الــعزيز مــوذره ومن يمينه العده گطعوا خنصره والعمر  من دونه مايسوه  ويراد شگال  گلبك   سيدي  زين  العباد ====================== شحال  گلبك  من تعنيت  بهضم وشفت  اهات شكثر وشگد ظلم وجسم ابوك مسلب وبالي العظم والاهل  عنك  يابـو   البـاقر  بعاد شگال  گلبك   سيدي  زين  العباد ===================== بياعذاب وحال من شفت الجسد وانت صبر وحيل  ماعندك بعد وشفت  عبد  الرضيع  ابلا مهد وصبرك اعله الصبر قد اعلن حداد شگال  گلبك   سيدي  زين  العباد ======================= اشجره ابحالك من تعنيت  الگمر وللــخيم والــجود ما بــاقي الاثر بس اثــر  چفين   طاحن   علنهر وحي اعله العباس قد ناد  المناد شگال  گلبك   سيدي  زين  العباد ======================= اشگال  گلبك من تعنيت  الرضيع والسهم حز منحره  بمنظر  فجيع وعلي الاكبر طايح اگباله  وصريع والعرش  متوشح  بلون  السواد شگال  گلبك   سيدي  زين  العباد ======================== بعد چم  لوعه ومصاب وهم  شفت وراس  ابوك  اگبالك  تخله  بطشت زين   ظلت  بيك  روح   وما  متت وانت عندك  عالحزن  صار  اعتياد شگال  گلبك   سيدي   زين   العباد ======================== الشاعر احسان الحميداوي https://telegram.me/aabas78 قصائد لكل ايام محرم اشترك بالقناة

عگيلي لدفن الاجساد الطاهره يا دفان احسين اشلونه ؟ يادفان احسين اشلونه ؟ ____ يا دفان ابن امي اشحاله خوما خليت امن اوصاله السحگتهن عشرة خياله واعظامه الامست مطحونه ____ ايگللها او تهمل دم عينه يا عمتي ريت اتشوفينه بالگاع احسين اموزعينه يكسر ظهر الي يشوفونه ____ ساعه اضلوعه اجمع واحسبهن ساعه اوذر من جسمه اجمعهن والخنصر يا عمه اكلفهن ياخي عون الي يلگونه ____ عمه اعله التربان اموذر ما ينشال . الله او اكبر اشما حاولت ارفع ما اگدر خله الروح اتون مسحونه ____ شلته اعله احصيره او نزلته لا غسلته او لا چفنته ياعمه ابلا خد وسدته بس منحر متغير لونه ____ وسدته ابلا خد بس نحره او عبدالله وسدته ابصدره ياعمه ما ضلت عبره والمثلي خل تعمه اعيونه ____ وللعباس امشيت ابحسره كوكب. چيف انًزله ابگبره ياعمه ابلا يمنه او يسره وآثار الجربه اعله امتونه ____ دافنهم جيتچ بجروحي موت حيلي وني او نوحي اوياهم ريتن دافن روحي او لا تبقه ابهل هم مسجونه ____ الشاعر ابو فاطمة الطائي https://telegram.me/aabas78 قصائد لكل ايام محرم اشترك بالقناة

حال لسان مولاي زين العابدين ع قصيده الى دفن لاجساد الطاهره ‏شلون اشيلنك وبيش اجمعنك ‏بويه بويه     بويه بويه ‏---------------------------------------- ‏ياناس لولد فكد الابو يهظمه ‏واجيت اتوجه كوه ومشي بالهمه و‏صلت المصرعك ياحسين ابو اليمه ‏كل وصله بدرب ياهو اليجي يلمه ‏ ‏هوه مو هوه عرفته بلكوه ‏بويه بويه بويه بويه ‏---------------------------------------- ‏انا زين لعباد وعايش بلوعه ‏من شفت الحسين مكسره ظلوعه ‏شحطن بالكبر كل وصله مكعوعه ‏بعد جفني عمر ما تنشف دموعه ‏ ‏شلون ادفننه وبيش اغسلنه ‏بويه بويه بويه بويه ‏------------------------------------------- ‏العطش يبس لهاتي ولا اهل يمي ‏اوحيد انا وعليل وحاير بهمي ‏ياناس المصيبه الفورت دمي ‏الخنصر ما لكيته ولا زند عمي ‏ ‏هذا حال ابنك من اجه يدفنك ‏ابويه بويه بويه بويه ‏---------------------------------------------- ‏يبويه اعثر وكومن جيت اودعنك ‏وهذا اخر وداع وراح ادفننك ‏اريد بمنحرك ياحسين اشمنك ‏شلون على الترب مطروح اعوفنك ‏ ‏رسومك شبيها وياهو كاظيها ‏بويه بويه بويه بويه ‏---------------------------------------------- ‏كل ميت هله لازم يودعونه ‏وتلتلم الكرابه تغمض عيونه ‏ومن بعد الغسل بلحي يشيعونه ‏مو فوك الرمح راسه يشبلونه ‏ ‏جثتك بصفحه وراسك برمحه ‏بويه بويه بويه بويه ‏--------------------------------------------- ‏ثلث تيام اكابر عيني سهرانه ‏اجيت انشد يا بويه روحي لهفانه ‏العدل لوبلشمس تتغير لوانه ‏شحال الميت وما عنده دفانه ‏ بويه تعذرني خصمك اخراني ‏بويه بويه بويه بويه ‏--------------------------------------------- الشاعر ‏ابو هاجر المجراوي https://telegram.me/aabas78 قصائد لكل ايام محرم اشترك بالقناة