خادم الحسين محمد البنداوي

موشح الباب والبسمار هشم جم عظم ويارزية فاطمة هـــموم وهظم عمر تستاهل بواجي وهم لطم لئن بجة الكون والله اونينها ------------- طاح محسن والإرض نار وجمر وكسر الظلعين مـن گد العصر الله يلعن ذاك ابو جفوف الغدر من ضربته حمره صارت عينها ------------- محدبة ظلت فاطمة وقاسي الوجع والنبي وگلب النبي بگبره انفجع وشاب جبرائيل من فاطم سمع تنادي فضه اومو بعلها يعينها ------------- من بجت زينب بجت حتى السمة والجليل وعرشة من شاف الدمة خله كل الكـــون يـبجي الفاطمة راحة ماشافت يويلي اسنينها ------------- من عصرهه النذل أذه اظلوعهه ودمها يجري ويلي وي دموعهه فاطمة والماعرف مـــوضوعهه لايكول الجـــنة باجر وينها ------------- السمه شابت عليها والإرض اومو موالي الما يلعنه بكل فرض النبت البسمار مـن شاف الرفض فاطمة ثورتها سوت دينها ------------- الشاعر محمد البنداوي

رسالة من والى ………… يا أعمى البصيرة تعرف أسبابة الكسر خاطر مُحمد والحرگ بابة تعرف انته لمتهم ياهيه اللي وزتهم :::::::::::::::::: نگعها التقية ومايها اشربه تقبل ضلع أمك واحد يضربه إذا تقبلها انته انه احس صعبه كافي الخاطر الله انجامل الغربه اليضرب مره ماعنده كل غيره هذا الحل دواه وعندي تفسيره روح انشد على المضجع يطلع اصلك مگطع وماراعوا حرمته وهجروا اكتابة يا أعمى البصيرة تعرف أسبابة :::::::::::::::::: لمهم علزجية وذبحوا النعمة انشد هذا عنه تگول هم زلمة واليبغض علي معروفه ياهي أمة صار من المرح والجيفة والظلمة ولازم علحروف انشيخ النقطة ومعروف الكره ونكشفت الخطة ذاك الواضحة اجذوره حيدر يمك ابدوره ومايطلع عدل لو حلل أصلابة يا أعمى البصيرة تعرف أسبابة :::::::::::::::::: إذا عندك تقية وخايف اتگله باجر وين گلي تروح من الله أدافع عن شخص افعاله موسهله ابليس امرافگه اكثر حته من ضله الخله بخدها تبقى طابعة السطرة لو مرخوص حيدر جا كسر ظهره ومن تنشد على اسلامة سوده مصخمه ايامة عباد الوثن وظيم بصحابة يا أعمى البصيرة تعرف أسبابة :::::::::::::::::: الخله بصدر فاطم تسكن الحسرة باجر بالظهور انطلعه من گبرة هذه احنه حلمنا وانته شتفسرة وراسه من اجلها باجر انكسرة وثار الرافضية هذا النريده الساطر خدها باجر تنگطع ايده الثار الونه والدمعة من گبره وعلي انطلعة وعاف بكل گلب نيران لهابة يا أعمى البصيرة تعرف أسبابة :::::::::::::::::: نعرف منهو خله الحقد بعيونه تكره فاطمة هالمره الملعونه أمرتهم ضلع فاطم يكسرونه هذه الثار شيعي اشلون ينسونه باجر راس هاي الحاقدة انبترة خلت كل حقدها ملاحق العترة مُحمد ذمها بلسانه يعرف بيها شيطانه بظلع الطاهرة هل زادت امصابة يا أعمى البصيرة تعرف أسبابة :::::::::::::::::: الشاعر محمد البنداوي

على مُحمد واويلاه على مُحمد واويلاه -------------- شافت علي بـي ماشي دفان گلـتله جـيبـه ألگلبي خلصان دخــلي نعـشه أبيت الاحزان خليني وحــدي اتـوادع وياه على مُحمد واويلاه ----------- صاحت يحـــيدر دنيا وحشه لمـــن ابــوي انــشال نعشه بــيدك اريــد اســـده رمشه هـــذه ابـوي وصعبة انساه على مُحمد واويلاه -------------- بعــده الـدمع مايترك الخد ومن هــسه انه وياي محد شــنهـي لحـــياة بلا محمد بعده الــعمر مايـسوه والله على مُحمد واويلاه -------------- عاشـت عـمــر امُ الأبــيها جان الــنـبي ايــقبل اديها راح وبعد ماضـن يـجـيها هسة التراب الغالي غطاه على مُحمد واويلاه -------------- فــگـد الأبــو من يترك اجروح يخلي الجسد بس ياخذ الروح هيج بغـــيابك فــاطـمة تنوح ياخذها مـلك المــوت تنخاه على مُحمد واويلاه -------------- تـبجي الارض ويه السماوات سمعن حبيب الزهره من مات وخله بگـلبهــه هواي لجمات صاحت يعون الهـسه شافاه على مُحمد واويلاه -------------- لفلانه صار اليوم موضوع والزهرة فوگ اخدودهه ادموع وتدري برحيلك كسر الضلوع والمثلك انته يبقى محلاه على مُحمد واويلاه -------------- الشاعر محمد البنداوي

استشهاد النبي محمد صلى الله عليه وسلم

اصــف ابــن بـرخـيا الحـير أعقول البشر مايوصل الفاطمة لو عاش طول الدهر وين الگايل حضرت لولاله ::::::::::::::::؛؛: خاف ابصاط انطواله اصـــف بهل ملحمة ينطوي الكون اعله ديها مـن تأشر فاطمة واصــف وعفريته ذاكّ وعينه ضلت المظلمة فاطمة دنياها تضوي بوجه حماي الحمة والخلق أنـس ويجنها يخـــــــدماً راداً ابنها فاطمة الزهرة بجفنها تلگى الكبار جان الوجــود بابهه واگف حرس ومن عطرها الهوى ياخذله نفس هاي الجانت للكون هلاله وين الگايل حضرت لولاله ::::::::::::::::؛؛: فاطمة اتجــيب البواطن اقل من طبگت رمش وعجبة من بلقيس عدهـم اصف يجيب العرش وياسليمان ويقـصته الرادت بمـــوقف تطش ويجــعل الذلة بإهلـها گالت ومنـــهه أندهش ربنا مــــن صلى عليها والعجائب تحت اديهه الصارت امٌ لــــي أبيها ليل ونهار فاطمة بعـــين النبوة أكبر حلم اوبلصلاب الشامخة نعـم النعم واصف قصتج مرسومة باله ويــن الگايل حضرت لولاله ::::::::::::::::؛؛: بلحيا مرتيـــــن ردت وحــده يوم الواقعة وثاني مرة عله المهدي يـوم تجري الفاجعة وعل حياة الزهرة هـــيج بكـل زمان أموزعة بيها أســــرار القلاقل فاطمة هـل جامعة هي مو شغلت عواطف يذمهه ويقدسلي اصف فاطمـة بكـل المواقف هي تذكار فاطمة حضرت تره بگطع النحر وبموتت سليمان اصـف ماحضر فاطم شدت جرحه ودلاله ويـن الگايل حضرت لولاله ::::::::::::::::؛؛: الگالوا باصف عجيبة ويملك ســرار العلم بعالـم الذر الزجية وشــايله بجفهه القلم وكل نواميـس الطبيعة تكونت مـن الخيم والقوانين العجيبة أســـتاذها راعي العلم وفاطمة ســر العجائب وتعرف بدرب الكواكب وبيتهه علـــم المناقب والفلك صار بالحـــــديث الله يخصهه بإيته والغز هذه الكون فاطم كشفته هذه المصدر هاك استدلاله ويـــن الگايل حضرت لولاله ::::::::::::::::؛؛: كل علـــــوم الجاذبــــية بابها هل مستقر وفاطمة جدت هذاك النطق اهناك الحجر وكل حروف الأبجدية بيها من اسمج نضر اصــــف وكل اليشوفه شافته بلمح البصر فاطمة شجان بعقلهه كلعلوم الــــــي بعلها بلعلــــم محد وصلها علم وأسرار وخاف علم الفسلجة هسه انكشف جان خادم عــــــــد بعلها وانعرف لهذ الكائــن يوگفله جلاله وين الگايل حضرت لولاله ::::::::::::::::؛؛: الشاعر محمد البنداوي

نستعد لعاشوراء امنا فاطمة وصلى الله عليك يافاطمة

انه وامـــــــي بهل مسية جايتكم وعجبة ماماتت يروحي الفارگتكم وهسه يعزاز الگلب گومو يله من الترب انه واااااامي :::::::::::::::: امي تنعه وانه أون وياها بحساس والله يستاهل بواجي المثل عباس دللاني بجاله اخوي اليرفع الراس ارد حط راسي اعلى گبرك يبو النوماس روحي ملهوفة وتريدك تمسع الدمعـات بيدك يلي عفتونــي بغرب گومو يله من الترب انه واااااامي :::::::::::::::: والله ماشبعانة منــــك ياضوه العين خلي يمــك ابقه وامي تمشي لحسين ولا يشـيب تـراب گبــــرك من الونين احنه بس هل ليلة يمك خويه ماشين وگــوم وتلگاني أخيتك زينب ام عون بحميتك بيه مر موقف صعب گومـو يله من الترب انه واااااامي :::::::::::::::: يل حنان انه اختكم گلبي مكسور جيـــت أتعثر ودور بيـــن الگبور خويه مو مثل اليريد براحته يزور يهلي يم گبوركم والحادي ناطور صحت ياحادينه هونك عوفنا منتــــريد كونك متنه مو مـن الرعب گومو يله من الترب انه واااااامي :::::::::::::::: ذكرت من الحوافر خسفت الضلوع وانه ابجــي وعلاحبهم گلبي مشلوع وشفت گلب الدللاني هواي موجوع أطلعت مـــــن كربلة للشام بدموع على التل وگمت اصيح ومثل دمع عيون اطيح ماخذه أحبابي الحرب گومـو يله مــن الترب انه واااااامي :::::::::::::::: هاي آخر ليلة يمكـم وامشي لشام وخلي أگول بهل خــــبر وزيد الالام وماتت اهناك رقــية بذيــــج الايام طفلة ويردلهه بوهه عدهه الاحلام اهناك ماتت حشميتك طفلت حسين ونخيتك من الهضم ومن الضرب گومو يله من الترب انه واااااامي :::::::::::::::: الشاعر محمد البنداوي

جزء ثاني لأمير المؤمنين علي مع مولاتي زينب حديث الاربعينة اليوم حالج يم عون كلش قهرني وبويه ونج لحسين كلش كسرني —————— ليـش محتاره ام عون ومـن سـمعت يگولون بـــــــيج بويه يعيرون وانتي بت شيخ الكون اوحيرانه يم عون الليلة ———1——— أنضـــرب متنج والراس گبال جـــــــف العباس وبيج مجروحه احساس وشامته هواي الناس اومهظومة زينب دمعاتج ———2——— امشي بدموعـــي وياج اوشــــفت بويه الاذاج ويلگــــــــمر ماخلاج ومن سمعته السباج اوتردينه عبــاس الهيبة ———3——— جيت وبگلــــبي النار وبيج يم عــون الصار اوحايـــــره بليل نهار اوياج يبجون ازغار اوديــني للضارب متنج ———4——— اشلون عطـشانه هواي وجنج حـــــسين بهاي ليــــش حرموج الماي وياج شابت دنياي وملوعينه گلبج يم عون ———5——— الشاعر محمد البنداوي

وكأني بأمير المؤمنين علي يوم الأربعين مع السيدة زينب كــون بيه ولابـيج يبــــعد اهلنه اشلون جرحج ملجوم يم المحنه ::::::::::: عمت عيني يبويه هواي متعوبه والدنيا عله راسـج حيل مگلوبه وبسوط الشمر كلساع مضروبه اومضروبه كل الليلة متونج كون بيه ولابيج يبعد اهلنه ::::::::::::: تشيبين الگلـب لمـــــن تونين وبكسرت الخاطر ليش تمشين وبكافل ضـعونــج لا تحشمين وماخلي محــتاره ضعونج كون بيه ولابيج يبعد اهلنه ::::::::::::: ومحروگه العباء والخيمه بلنار وتراميج الشماته سهام وحجار ومحتاره وابوج اليحمي بالجار اومحتاره كل ليلة عيونج كون بيه ولابيج يبعد اهلنه ::::::::::::: حــــيدر انه ابوج اليوم يم عون ماخليج وحـــدج تبجي العيون وضم متنج يبويه من اليضربون اومذبوحه ياويلي ضنونج كون بيه ولابيج يبعد اهلنه ::::::::::::: ومتأذي يزينب جيـتج هوااااااااي خل نمشي لاخوتج وبجي لبجاي الراس حسين نمشي ناخذ الماي اومن دونه يم عون شلونج كون بيه ولابيج يبعد اهلنه ::::::::::::: الشاعر محمد البنداوي

شوگ زينب يللي تنشد عل گلب وشحارگة تسعة وتلاثين يوم امفارگة ******{}********* تسعة وتلاثين يوم انشد اجيت وين اخوتي الروح صاحت من بجيت وكون ميته اليوم انه ولا لفيت واشلون ترضون انه اضل بلايه بيت وبدون هودج جيت فوگ الناگة تسعة وتلاثين يوم امفارگة ******{}********* خايفه من أوصل گبر محد يگوم وراح اگللكم يخوتي وعل عموم انه زينب صار (ثوبي) من الهموم اوين عباس الولا زاعلني يوم ريت ياجفنه السهم ماشابگة تسعة وتلاثين يوم امفارگة ******{}********* گمت گبل دموعي عيني هسه اطيح والگلب ياخو الگلب بعدك جريح وصوتي مامسموع بس خلوني اصيح گوم ياعباس والحگ للذبيح فوگ صدره اخيولهم متسابگة تسعة وتلاثين يوم امفارگة ******{}********* راد من الضيم وأيام ألجروح راده الكم بس جسد ماعندي روح ساتره اعليه البواجي ومن أنوح خايفه من أوصلكم بساع واروح وجيت رجلي اعله الجمر هم ساحگة تسعة وتلاثين يوم امفارگة ******{}********* صارلي ويل يوم هذا الأربعين جيت محتامة وادور علحنين وراح وياكم دلالي بهل سنين جايتكم والگلب ماضنه زين ومتني ياخوتي الشمر شو طاگة تسعة وتلاثين يوم امفارگة ******{}********* الشاعر محمد البنداوي

تلث دكات جرح الأربعين شيبلي العيون موسهله ويهون فراگك يمزيون ~~~~~~~~~~~~~~~~~~~~~ لمن خذوني لليسر خوية وتركتك وتمنه جنت انه شكثر بس ماشبگتك جاوينه طولك يلشهم ما ترحم أختك وعيوني يمك هلبقن ماتخفي ؤنتك وبجفوفي الحبال حرمه ويلرجال ومسلوبة الضعون شيبلي العيون ~~~~~~~~~~~~~~~~~~~~~ بالشام خوية تناشد وانته بسؤالي جاوب يبعد المابرد وينك يغااااالي موحلوه بالشام وعلي كل اليااااالي جاوب ولوو مره ردت ورحملي حالي وياخوية بالشام مذبوحه الأحلام ماترحم ام عون شيبلي العيون ~~~~~~~~~~~~~~~~~~~~~ شما شوفه راسك بالرمح گلبي يتصدع ومن سهم البعينك بعد ؤن وتگطع مو حته شيب البلگلب يصرخلك ارجع وادري الأخو يم الأخت من تحجي يسمع وخلي احجي وياك مسبية بجفاك ومن اليشتمون شيبلي العيون ~~~~~~~~~~~~~~~~~~~~~ مسبية زينب هلصرت من طاحت إيدك وعباس ارحم بالگلب ؤن ويريدك وموو انه شايلني جنت دم بوريدك خليني أخبرك من رحت ذبحوو عضيدك وگعد يعباس شتموني هلناس وذبحولي الضنون شيبلي العيون ~~~~~~~~~~~~~~~~~~~~~ ماريد اهضمك بالجره وياهو الهضمني وماتقبل اعرف لو شخص غيرك لمحني وشحال كلساع الشمر هسه يطگني ولمن يسب بفاطمة كلش ذبحني وبمي الزجية تسب آل أمية وصوت اليضحكون شيبلي العيون ~~~~~~~~~~~~~~~~~~~~~ عبد فاطمة محمد البنداوي

يازاير اشرب ماي وتذكر بذاك الوكت من طاح ابو الأكبر ❁ ❁ ❁ ❁ ❁ ❁ الماي يمه من تشربونه هدوو للحُسين وخاطر عيونه ياشيعة ذمة كون تنسونه ابن العزيزة وانتو تدرونه فوگ العطش بيه الشمس تسعر يازاير اشرب ماي وتذكر ❁ ❁ ❁ ❁ ❁ ❁ كلمن گصدله بدمعه ويريده أذكر حسين وصرخة اوليده من العطش ضل شايله بأيده والمشرعة البيها الآخو بعيده وضل اعله اخووه احسين يتحسر يازاير اشرب ماي وتذكر ❁ ❁ ❁ ❁ ❁ ❁ كلمن يروح ويعتني بدربه اذكر حسين وگفته الصعبه والريج صاير غاد جن خشبه ومايمه ماي وخاطر يشربه والعطش قاسي وشيب المنحر يازاير اشرب ماي وتذكر ❁ ❁ ❁ ❁ ❁ ❁ بالصور نحره من تشوفونه من العطش ذبلان تلگونه من دموعكم ياريت تسگونه وتذكروا لمن غارت عيونه هذا الحبيب ويانه ماقصر يازاير اشرب ماي وتذكر ❁ ❁ ❁ ❁ ❁ ❁ كلمن يروح ورايد ايشوفه خلي الضريح بدمعته يطوفه هذا الحسين الغالي من عوفه لو بينا كلمن گطعوا اجفوفه ابغير شخصه انعيش مانگدر يازاير اشرب ماي وتذكر ❁ ❁ ❁ ❁ ❁ ❁ الشاعر محمد البنداوي

ما عفناه احسين ودربه ما عفناه احسين ودربه ❁ ❁ ❁ ❁ ❁ ❁ من هسه حضروها الخيم عطشانه عينه اعلى الخدم وكل زاير بنگلت جدم خل يذكر احسين احسين واگف بالدرب وتشاهد عيونه والله بعظمته والنبي يحب اليحبونه بتسعين حجة بالمصادر لليزورونه هذه الدرب جنة وعلي عد اليريدونه اومن بعيد تبين الگبه ما عفناه احسين ودربه ❁ ❁ ❁ ❁ ❁ ❁ وكل واحد يطب كربلة لا ينسه ضيم العائلة جسمه من الإسهام نملة وتبجيله هل عين گام الحسين بكل هله وبجفه فك بابه ومن هسه فتحووه السجل واتسجل اصحابه مو هين اعلينا وعلي يا وأدم أمصابه ويه رقية بالدمع هم صيحو يايابه والدمعات أتطيب گلبه ما عفناه احسين ودربه ❁ ❁ ❁ ❁ ❁ ❁ بكل خطوة خل ننطي وعد للموت نبقى عل عهد وللغالي خلي نستعد ها يلموالين الخير والكون الصعب يا وأدم بأيده وخيعونه كلمن عنده حض حسين اليريده وخلونا نبجي انضل ابد للفاگد اعضيده وهذا العهد يمهّ بخجل يستاهل انعيده والجافاه يعيش بغربه ما عفناه احسين ودربه ❁ ❁ ❁ ❁ ❁ ❁ كل زاير بهذا الدرب بجدامه يسهل كل صعب واليعلن الحب والحرب يذل هل شياطين اليوم جبرائيل ينزل ويه أنصاره مكلفهم احسين بهله يحرسون زواره الليلة الزجية فاطمة وياكم بداره وكل گاصد احسين بدمع خل ياخذ بشاره ومن تريد بدمعك طلبه ما عفناه احسين ودربه ❁ ❁ ❁ ❁ ❁ ❁ شگد ماشي لو طال الدرب ومن توصل ايروح التعب احسين يا سيد العجب يمحلي السنين كل زاير بهذه الدرب خل يرفع الراية وحسين ميصاحب تره الموو گد الحجاية ونتمه من الله تضل ازيارته هواية والماعرف معنى العشگ ماينسمع راية ويامحلاه احسين وحبه ما عفناه احسين ودربه ❁ ❁ ❁ ❁ ❁ ❁ الشاعر محمد البنداوي