🥀قُنِآةّ قُصّآئدٍ وٌآلَحًآنِ خِدٍآمً آلَنِوٌريَنِ {؏ٌ} 🥀

سلام الحسيني

قصيدة للمولانا المحسن عليه السلام ما سامع اليا يمه يبني ولا شابع مناغاك حضني بس الوصلك آخ مني .. والآخ عصره بالحياطين **** ما لحگت تحچيها يمه أول نفس بالدنيا هضمه فكت عيون النور ظلمه .. من اول اصيارك بالمياديين **** عودك بعد ما كامل وليش بالعتبه طايح والهجم جيش أفيش ما شميتك أفيش ما مني شابع شمة افييش .. وينك ييمه والچتل وين **** بلساني يا يمه الحچي يحير شتمايز بوجهك تعابير دمك ترس طولك يالزغير .. وچماله لمك ما بقت عين **** يالكله عمرك عصره بالباب اتمنيت اشوفن عندك اصحاب لهاليوم ابد ما حاسبه احساب .. بحسابي تكبر ويه السنين **** لا بيتنه شفته واهلنه غفله رحت يا يمه منه گعده سوه لا ما گعدنه .. يالما إلك ذكرى اويه الحسين **** الشاعر عزت السماوي

محمد باقر الخاقاني

كسروا ضلعي صبرت .. غصبوا حقّي صبرت .. لطموا عيني صبرت .. قتلوا ابني صبرت .. و لكن .. ما علىٰ .. عليٍّ صبرُ ** الما طالعه من بيتها اشطلّعها و اعله بن عمها خوفها يدفعها ! علَى الحسن و احسين منتَچْيّه ابإيد و الإيد الأخرى لازمه بُرگعها خلّو ابْنَ عمّي اتنادي .. لا اتيتّمون اَوْلادي او مثل القرط ظل ينتثر مدمعها و التفَت حيدر ليها .. او سلمان ردَّه اعْليها گلّه إرجع لبنت النبي او رجّعها و ابكل أدَب .. گلها يبت المصطفى چان النبي رحمه او عفُو للعالمين او بيدچ سبَب .. ينزل عذاب الله تره و السمه اتطيح اعله الأرض من تندعين گالتله چم دوب الصبر و النّار وصْلت بابي وإن چان تنشدني اشجره إسمع يعمّي اجْوابي : كسروا ضلعي صبرت .. غصبوا حقّي صبرت .. لطموا عيني صبرت .. قتلوا ابني صبرت .. و لكن .. ما علىٰ .. عليٍّ صبرُ ــــــــــــــــــــــــــــــــــــــــــــــــــــــــ عالصبر يا سلمان ما ظن بيَّه اْو لي هسَّه چفّي امن الجمر مچْويَّه ابثوب الصَّلاة الأبيض اتشم دخَّان ابّيتي أنا اْو حرگوْا البيت اْعليّه و الصار بيَّه كلَّه .. لعيون حيدر يِحْله غير آنه إسمي الراضيه المرضيَّه بس المصيبة الأدهى .. لهنانه هاي اْو حَدها ايْقتلون أبو الحسنين عدهم نيَّه ما ظل صبُر .. و أنظر إمامي او سيّدي او بَعْلِي و إبن عمّي اْو أبو اوْلادي قتيل كسر الصدُر .. أتحمّله او عالمرتضى أصبر و أكابر عالصبر !؟ .. لا مستحيل أعثَر طِلعْت ابحسرتي و أنزِف دمه امن اصوابي او لو ما يرد المرتضه لكشف لربّي اِحْجابي كسروا ضلعي صبرت .. غصبوا حقّي صبرت .. لطموا عيني صبرت .. قتلوا ابني صبرت .. و لكن .. ما علىٰ .. عليٍّ صبرُ *** من عگب ما بالحبل زنده اتچتَّف ردّت الزهره ويْ علي چْفِّ ابْـ چف اتناسَت طفلها , و الضلع , والبسمار او هانت عليها الكلفه لجْل الأكلَف هاي اطْلعَت من دارها .. حد ما رجع كرّارها و اهناك طلعه ثانيه ابيوم الطّف الحرگوْا عليها اخْيمها .. طلعَت تدوْر ابن امها او شافت أخوها ابحاله ما تتوصَّف أمِّ الحسن .. شافت جرح حامي الحِمه او زينب جُروح ألْف او تسمعيَّه تشوف و اترادِفَن .. فوگ البدَن , مثل المُزَن احجاره او عِصي او سُمر القنه اْو بيض السُّيوفْ من والدي اوْرَثتِ الصبر و امْن الزچيّه اِمصابي لاچْن الصار ابكربله ما مَر أبد بحْسابي قتلوا عَوْنًا صبرت .. قتلوا الأكبرَ صبرت قتلوا القاسِمَ صبرت .. قتلو السَّاقي صبرت و لكن .. ما علىٰ .. حُسينٍ صبرُ ـــــــــ ميرزا عادل أشكناني

گوم يا سلمان و الحگ فاطمه خاف تدعي وماتظل ارض وسمه يا زهراء •• يا زهراء …………………………………………………… ..... كوم يا سلمان للزهره ابعجل العرش دخن غيض والخالق زعل وفزع جبرائيل و محزّم نزل ما يظل بالدنيه شط و لا جبل يطفه نور الشمس تصبح مظلمه خاف تدعي و ماتظل…

گوم يا سلمان و الحگ فاطمه خاف تدعي وماتظل ارض وسمه يا زهراء •• يا زهراء …………………………………………………… ..... كوم يا سلمان للزهره ابعجل العرش دخن غيض والخالق زعل وفزع جبرائيل و محزّم نزل ما يظل بالدنيه شط و لا جبل يطفه نور الشمس تصبح مظلمه خاف تدعي و ماتظل ارض و سمه يا زهراء •• يازهراء …………………………………………………………… كوم يا سلمان والحگها ابركض كلها ابوج انبعث رحمه الـ هالارض الدنيا گصرت طولها وضاگ العرض الدنيا حبة حنطه بيدج تنقبض بيج كل هاي الكواكب قائمه خاف تدعي وماتظل ارض وسمه يازهراء •• يا زهراء ......................................................... خاف تدعي وتحجي وي رب البشر التراب ايطير و يذوب الحجر تشتعل نيران بوراق الشجر وتزعل الحيتان و يجف البحر والانهار اتموت من كثر الضمه خاف تدعي وما تظل ارض وسمه يا زهراء •• يا زهراء …………………………………………………………… حكها حمرة عين مكسورة ضلع بيد قنفذ وجه فاطم منصفع مدري الاكثر دمها لو سيل الدمع سگطت الروح او يبنها المنصرع محسن الماشاف بس سيل الدمه خاف تدعي و ماتظل ارض وسمه يا زهراء •• يا زهراء …………………………………………………………… الله عنده ام الحسن اول رقم يغضب و لو بس مجرد تنهظم شلون لو شافاها ظلت بس عظم امحنبه من عصرات شيطان الظلم بالحشر كل الخلائق ترجمه خاف تدعي وما تظل ارض وسمه يازهراء •• يا زهراء …………………………………………………………… ردها يا سلمان للدار و تطب عين الحسين وحسن تربي الدرب زغيره زينب حالها كلش صعب جويعده احذ الباب والمدمع يصب تحجي وي باب الجريمه المؤلمه خاف تدعي وماتظل ارض وسمه يازهراء •• يازهراء …………………………………………………………… خلها يا سلمان تنطيني العذر بالوصيه امجتف ومن كل كتر كون ميت كون مدفون ابكبر ولا تصيح الزهره من كثر العصر بسم فضه ومو علي اتحشمه خاف تدعي و ماتظل ارض وسمه يا زهراء •• يا زهراء …………………………………………………………… ✍️ ( سيد خضر الزاملي)

جريمة الهجوم على دار الزهراء عليها السلام استشهاد محسنها عليه السلام آه يالزهره وكسر ضلعينهه منهن اتون لوتون لجنينه .. .. .. .. .. .. اتون لبنهه المات ماشم الهوى لو صدرها البي البسمار التوى شافت المحسن عله العتبه هوى اعله الجمر شافته طاح بعينهه .. .. .. .. .. .. مثل طير انذبح ليش بلا ذنب ماي واتبده امن اديهه اعله الترب تنتظر جيتك يسباح الگلب حال ليش الموت بينه وبينهه .. .. .. .. .. .. حلم منتظرتّه وبلحظه انذبح الوردي چان بعينهه  اسود صُبَح انجرح صدر امه واهو گلبه انجرح سمع عبرتهه ونشيج اونينهه .. .. .. .. .. .. اتمنت اتناغيله وتلولي وتهز مهده وينام الولد ويرد ايفز والده وفرگه الابن كلش تعز الزهره بالمحسن عسه الله يعينهه .. .. .. .. .. .. يعينهه الله اعله الجره وفگد الولد النار والعتبه اله صارن مهد نشغه وحده ومافتح عينه بعد الفضه نادت خل تجيني وينهه .. .. .. .. .. .. وين ابوها يشوفها بهذا الوضع من اجاها فلان وبذاك الجمع ذبح محسنهه وكسر منهه الضلع ماتت وماكملت عشرينهه .. .. .. .. .. .. اشافت امن سنينهه لثمنطعش ابدال ماتتهنه شالوها بنعش ام ابوها چانت وچانتله عش اصحابه زهرت دنيته مذبلينهه .. .. .. .. .. .. لعن الله من ظلمها وغصب حقها واسقط جنينها واجرى دمعها .. .. .. .. .. .. أم محمد الحجاج

القصيده موشحه تقرء نزله وتقرء رئيسيه الشاعر عمار الدراجي گوم يالمـوعود واخذ بثارها ثار امـك تـدري حرگو دارها * تدري امك كسّرو منهه الضلــوع والجينيـن الطاح وتهل الدمــوع طاح محسنهه وعليه ضلت تلوع دفعـو الباب ونبت بـسمارها گــوم يالـموعود واخذ بثارها دفعو الباب ونبـت بضلـع بـسمار الباب محروگه وثجيله وكلها نار طاحت الزهره وسگط منها الثمار بين الطوفه والباب اسگطو اثمارها گـــوم يالــمــوعــود واخــذ بثارهــا من عصرها طاحت وضلت تنوح ثاني ملعون الهجم ماعـنده روح طب عليهه وشافها تدي الجروح واعذرني امك ماعليها اخمارها گوم يالمــوعود واخــذ بثــارها ماعلـيها اخمار من صـار الهجوم اقتحمـو الدار وبگت امك تحوم طاحت اعله العتبه ماتگدر تگوم وحترگ طرف الهدم من نارها گــوم يالـمـوعود واخذ بثارها بين الطوفه والباب انكسر ضلع البتول لچـن جــدك داسـت بـصــدره الخــيول انطبگـن اضلـوعه بـگــفاه جـدك يـگول جدك السجاد يروي اخبارها گوم يالموعود واخـذ بثارها گــوم يالمــوعــود مانحـمل غياب واخــذ ثار الـسلــبو مـنـه الثـيـاب ضـل ثلث تــيام مـتـوسـد التـراب بالرمل متغطي وبچيم احيارها گــوم يالـمـوعـود واخـذ بـثارها * مگاطف احجار العده وكثره النبال اعله جسمه المنصرع فوگ الرمال وجـابو الـعـمتك يمهدينـه الحِـبال زيـنــب العـمـك تـديـر انـضـارها گــوم يالــمـوعـود واخـذ بـثارها ** عـمـك الـعـباس چـان الهـا چـفيـل مادره بـخـته تـروح اعلـه الـهـزيـل مـچـتفـه بـحـبـال والـمدمـع تـسيل يـمـتـه يالـمـهـدي تـسل فـقـارها گـوم يالـمـوعــد واخـذ بـثـارهـا ** الشاعر عمار الدراجي.... لاتنسوني ووالديه من الدعاء

غيره ماعدهم ولاعـدهم حميه دفعو الباب ابحقدهم عالزچيه بــابـهـه اثـجـيلـة وزن ونطـبگ طـبگت جفن … عالزچيه ¢¢¢¢¢¢¢¢ مــن بـعد عـين الـنـبي بــين حقـدهم اليدعون اصحاب اله نـقضو عـهدهم غيره ماضلت ولا ضل شـــرف عدهم عالزجـــيه العـــالمه شــــنو حــــربهم دفــعوا الباب ولاخجلت اديهم خبر عدهم مايهد حيدر عليهم بـــالـوصـيه مـمـتحـن ونطبگ طبگـت جفـن… عالزيچه ¢¢¢¢¢¢¢¢ مــن احترك باب الزجيه ام الحجاب وحــيدر ايـعاتب فقاره ضمك اگـراب والله لورخصه تجيني اضـرب ارگاب حلـم عـالزهـره الخـوارج تدفع الباب بس شسوي بالوصيه مجتف اجتاف وانذبح هم لمن اسمع حيدر ايخاف واسـمـع الزهره تون ونطبگ طبگت جفن…. عالزجيه ¢¢¢¢¢¢¢¢ يــسمع الـزهره تـــون وتـهل دمعهه من عصرهه الضالم وصوب ضلعهه وصاحت الــفضه ألحگيني وسمعهه صــعبه عالكـرار مثل المـــر جرعهه لــكـن امــرالله وعلي لازم يـطيعـه يصبر اعله الصار لمصاب الوديعهه والله مايهده ويـچن ونطبگ طبگت چفن…… عالزجيه ¢¢¢¢¢¢¢¢ مـــا يـلاگـينـه علي گـل الـرفـيجه مـوصـه سـيفـه ما يراوينه بريجـه اليوم يـم بـابـه اسـويـهـا حـريجه گله موبنت النبي وبضعه خـديجه من اعتنه ليهه اليگول،اول صحابي اني فــاطم گــالــت وباب الله بابي النـــذل جـــاوب وأن وانطبگ طبگت جفن….. عالزجيه ¢¢¢¢¢¢¢¢ بــايــعين الــغيره والــخانوا نــبيهم سطـروا الزهره عسى انشلت اديهم وگـع محسن منه وغـتاضت عـليهم ومـاشكـت للمرتضى خافن يجـيهم ماشكت كسرت ضلعها وحرگت الدار خــاف يـفني الــدنيا كلها علي الكرار تحمـلت جـور الزمن ونطبگ طبگت جفن… . عالزجيه ¢¢¢¢¢¢¢¢ تم بعون الله تعالي بقلم ام زين العابدين اللامي

احمد الزوار