قصائد استشهاد مولاتي رقية ( رقيه ع)

لوفاة السيدة رقية بنت الامام الحسين عليه السلام  وزن التجليبه ونتها خفيه   ياوسفه رقيه ★★★★★ مدامعها مطر بس ذبلن خدها الماعدها ابو شنهي اليضل عدها يوديها الحزن للموت ويردها رقيه ياهو علبلوه يساعدها تروح اليانويه   ياوسفه رقيه ★★★★★ لبوها اتريد من يوصل لبو اليمه خيول الداسته   وشخلن بجسمه سيوف الگطعنه  ونسفك دمه ياهو ايرد عليها الصوت وتحشمه أهلها على الوطيه   ياوسفه رقيه ★★★★★ اكبارمن المصايب من زغر شافت هلي راحوا صدگ يهل الرحم صاحت العزيزه بالخرابه وعلترب نامت رقيه شلون مسبيه صدگ راحت بالغربه سبيه  ياوسفه رقيه ★★★★★ ياغربه وألم للشام رحلتها روس على الرماح الگوم شالتها وچم طفله مثلها برعب شافتها وتلم بالعايله  تنظر العمتها تعذبها المسيه  ياوسفه رقيه ★★★★★ عجيبه لوبعد عدها صبر موجود المنتظره ابو للدار ابد ميعود المثل شمس الضحى وبدور كلها احيود شتسوي بگلب فاگد ليالي السود وافتها المنيه    ياوسفه رقيه الشاعر حسن لعيبي الحريشاوي

بمناسبة وفاة السيدة رقية بنت الامام الحسين عليه السلام يماي العين . رايح وين أريدَنَّك   يبويه حسين ★★★★★ گضه العاشر يبويه ولانه ودعتك أخر يوم رايح.   للعده شفتك لوبيدي يبويه أبد ماعفتك تفارگني وانا المايوم فارگتك دمعي  جَرَّح الخدين اريدنك يبويه حسين ★★★★★ اناشدمن عليك وكلها محتاره مُخَيَّمنَه احترگ ماتنطفي ناره واحدنه على واحد ضاعت اخباره علينه الگوم بويه شَنَّت  الغاره محتاره يماي العين اريدنك يبويه حسين ★★★★★ على دربك اناطر والگلب ينحب عليه اتصيح گامت عَمَّتِي زينب ردي يارقيه الظعن مو غَرَّب مو غابت شمسنه وليلها گرَّبْ مو گلبي انفطر  نصْيَّن اريدنك يبويه حسين ★★★★★ گلبي يريد يمك يا ابو الطيبه يطالب بيك مافَضَّت مطاليبه يلروحك نهار وطلعتك هيبه گالوا غايب وهم تخلص الغيبه غبت لا يوم لايومين اريدنك يبويه حسين ★★★★★ اريدنك يبويه وطالت المده خَلَّصت الصبر حتى الصبر عَدَّه اناشدمن بعد والگه الخبر عنده اظن مالك علينه ياشهم ردَّه اخافن مِن دواهي الْبِينْ اريدنك يبويه حسين الشاعر حسن لعيبي الحريشاوي

خطاب رقية لأبيها الحسين عليه السلام وزن (تجليبه) وينك يابويه حسين.  وينك يانور العين تناديني رقيه.  اتمنه بهلمسيه وينك يا نور العين ★★★★★★ أشوف دموع عمتي تحرگ بخدها يوم اتشوفني اتقرب   واناشدها عرفت من المدامع شنهي مقصدها دنيه ويانه.  غير الغدر.    ماعدها امشي وماضل من حيل موحش يابويه الليل تمر لوحلم بيه. اتمنى بهلمسيه وينك يا نور العين ★★★★★★ اموتن من غيابك بويه چم مره ماادري تسْكَّت روحي ياحسره بخدي دموع جمرة تشابگ الجمره خنگني الشوگ ثوبك من اشم عطره متعوده عليك الروح. شيظل بيها من اتروح تمر بويه عليه.  اتمنى بهلمسيه وينك يانور العين ★★★★★★ جم مرة اموتن بويه بغيابك ردت بحشاي سهم مثلث الصابك حلم روحي اندفن وتغطه بترابك يبو گلب الچبير  مفارگ احبابك من انظر گدامي الگاك شلون اتعود فرگاك تلفيني المنية.  . اتمنه بهلمسيه وينك يانور العين ★★★★★★ اموتن ريت من صغري ولااقبل ظعون اهلي العزيزه تگوطر وترحل مذموم الفراگ اهواي.  لو طَوَّل موسهله علينه نركب  الهزَّل موسهله ادروب الشام.  بلاوالي نروح ايتام يلفي الموت إليه.  اتمنه بهلمسيه وينك يانور العين ★★★★★★ غبت عني يروحي  ويانظر عيني لعد گبرك اريدن   من يوديني يجنة عمري وبهيمه تخليني زغيره وهاكثر. دهري يراويني صعبه عليه من تغيب يلكلك رحمه وطيب اندفن تحت الوطيه. اتمنه بهلمسيه وينك يانور العين الشاعر حسن لعيبي الحريشاوي

ابوذيات لشهادة السيدة رقيه سلام الله عليها وكتها بياوعد    تالي وعدها لاعم   لاابو يمها       وعدها الليالي احسابها يكتل وعدها بغياب حسين شيصبر رقيه طفله ومالگت    بالعمر راحات مثل عمر الورد ياحيف راحات لصفگ يارقيه عليچ.    راحات ودمّيه    الصدر   بثنين اديه الشاعر حسن لعيبي الحريشاوي

لسان حال رقية بنت الامام الحسين عليه السلام تخاطب عمتها زينب ابوي الغالي ماموجود. وين حسين ياعمه مشتاگه إله تدرين   عيني بلاضواه تعمه واگعد كون واشكيله. الگلب ماينوصف همه گلَّيلَه رقيه اليوم.  دنياها غدت  ظلمه تريد تشوفك  الساعه لهاي الساعه مهتمه غايب عن نظر عيني صفه چاوين ابو اليمه صدگ مذبوح ياعمتي الحوافر طشرت جسمه وراسه بالرمح مشيول. سال من الرمح دمه حياتي بدونه ماتسوه  بعد ما بالعمر لزمه بفراگه اريد الموت. كون واندفن يمه الشاعر حسن لعيبي الحريشاوي

موشح رثاء السيدة رقية ﴿ ع ﴾ يا مصاب يهون يا دمعة التصب على اللي ودعت بديار الغرب العين لو سكتت يضل ينعى الگلب و يضل دهر الفاجعة ينعاها يضل دهر الفاجعة ينعى الطهر و يحفر بضلع الزمن الها گبر هاي دمعة نصر من ذاك النصر راية ضلت ترف فوگ سماها راية ضلت ترف و بمر السنين هاي بنت حسين ثورتها الحنين بيوم من ناده النحر هل من معين نعم صاحت فوگ نحره نداها نعم نادت من حجة راس الشهيد راد ثورة يتم تستحقر يزيد لبت الدعوة على ذاك الوريد يوم من چف الأجل وافاها ما دروا للزهرة بالشام الوريث هاي بنت حسين حسرتها تغيث هدمت عرش الخبيث ابن الخبيث ورسمت الثورة بدمع عيناها رسمت الثورة اعلى قبتها علم بيها نصر النحر ورماد الخيم مثل راس حسين ما يعرف ألم آية للحق جل من سواها آية للحق صارت بديرة الشام قائدة ضعن النصر يوم الايتام للعده سجيل منبع للسلام طفلة و الباري الذي علاها ويم رقية هناك طوف بكل يقين تشوف ذاك الگبر قبلة ياسمين باب للحاجة ونعم بنت الحسين فاز كلمن بالشدد ينخاها _جواد الخطيب

#تـراث يزوار إنحبوا وإبچوا عليه بنت حسين أنه واسمي رقيه ــــــــــــــــــــــــــــــــــــــ يزوار إنحبوا وإبچوا إلحالي وذكروا عزتي واخدري ودلالي أنه بنت النبي من بيت عالي جدي المصطفى خير البريه ــــــــــــــــــــــــــــــــــــــ جدي المصطفى سيد الكونين اوجدي المرتضى والد السبطين والعم  الحسن والوالد حسين اوجدتي فاطمة زهره الزچيه ــــــــــــــــــــــــــــــــــــــ احنه إلي نشأنه وتربينه ابمدينة جدنه الهادي نبينه وين الشام وين ارض المدينه  عدونه ماعرف حرمت نبينه ــــــــــــــــــــــــــــــــــــــ عدانه عن حرم جدنه إبعدونه وعن تربت وطنه شردونه ذبحو كل هلي وإحنه سبونه هظم مر أعله عماتي وعليه ــــــــــــــــــــــــــــــــــــــ يوم الغاب أبويه حسين عني والله كل بچه والنوح فني منه اتيتمت من زغر سني  يسموني العده ياخارجيه ــــــــــــــــــــــــــــــــــــــ وحين النزلونه بالخرايب شفت طيف الإبو لن عني غايب وجابوا رأسه ابطشت النوايب اويه رأسه جابولي المنيه الشاعر المرحوم الخطيب الشيخ هادي الكربلائي #اللهم_عجل_لوليك_الفرج

#تـراث طفله من يتامه الغاضريه بالشامات وافتها المنيه شبت راس الحسين .. والزينب سبتها ــــــــــــــــــــــــــــــــــــــ طالعت تاريخ عملة كربلا واندهش نوعي وسهم من گوس الـمصايب صابني وخيط ضلوعي ومن دما نحور الضحايه غدت تتواگد دموعي وشفت الضحايه موزعه والروس منها مگطعه وشفت الـحسين ومصرعه إندهش وضعي وزاد روعي وگلبي ظل يحوم على الأرامل ونار الخيم تتواگد مشاعل واحترگت صواوين .. والزينب سبتها ــــــــــــــــــــــــــــــــــــــ چني ويا الضعن ساري من تصدى السبي الكوفه مررونه على المعاره وشفت بيها شلون شوفه هذا مسحول المفاصل وذاك المگطعه چفوفه والـجثث عريه مخدره وحالة ودايع فاطمه نشفت من جسمي الدمه وگلبي عالسجاد خوفه مكسور الگلب والجسم ناحل من الجامعه وثگل السلاسل ومگيد المتنين .. والزينب سبتها ــــــــــــــــــــــــــــــــــــــ سايرت سبي الحريم وروحي مسبيه لسبيها حرم مسبيه وغريبه وبالسياط ملوعيها شدة الكوفه نستها الشام من بين عليها چاوين سبع الگنطره ويشوف بالشام إشجره وعيال عنده ميسره وبالخرابه منزليها ومن ضرب العصي صارت علامه بمتون الأرامل واليتامى وتشاجف بالإيدين .. والزينب سبتها ــــــــــــــــــــــــــــــــــــــ فزت من النوم طفله والگلب مجمور يلهب تشوط نوبه على اليتامه ونوبه تتعلگ بزينب تصيح ابويه حسين وينه گلبي لفراگه تعطب يا عمه شفته بنومتي وانمرد چبده الحالتي وانكسر گلبه الغربتي وبمصيبتنه تصوّب عمه وصدر ابويه مكسرينه وليش بدم وريده مغسلينه والتربان تچفين .. والزينب سبتها ــــــــــــــــــــــــــــــــــــــ هيجت نار الگلوب الچامنه بيها عللها وخلت عيون الفواطم دمعة الغربه تهلها ورجنت الشام اليساره وبالنحب لمصاب اهلها صاح ابن هند على الخدم شمروع گلوب الحرم صيوان عزتها إنهدم خل تنوح الدهر خلها نادوه اليتيمه تريد أبوها وبالنوج اليساره يساعدوها وفاضت دمعة العين .. والزينب سبتها ــــــــــــــــــــــــــــــــــــــ صاح يا غلمان هذا الراس ودوه للتريده وخل تجر لمصابه ونه وتنحب الحزة وريده وخل تشوف الخيزرانه اشسوت بثغره وتچيده الله الله اشعمل والراس لعياله انحمل وخيم على الطفله الأجل وراحت الطفله شهيده وغمضت عالطشت عين اليتيمه وصاحت يالعلي والله شمصيبه وارتجت الكونين .. والزينب سبتها ــــــــــــــــــــــــــــــــــــــ إنحنت مفجوعه زينب على الطفله وگلبتها مالگت روح بجسمها وعلى القبله مددتها والمصيبه على المغسل صاحت اللي غسلتها مسمومه طفلـتكم گضت نادوها من تيسرت بالخيزران تلوعت والسياط الـوسمتها ومصرع هاليتيمه على اليتامه مثل مصرع حسين وعمامه وأثر عالخواتين .. والزينب سبتها الشاعر المرحوم كاظم منظور الكربلائي #اللهم_عجل_لوليك_الفرج

السيده زينب / ع/ اتخاطب الامام الحسين/ ع/ ابوذيات العقيله الما جره بواحد .. جرلهه عـگـبـك والـدمـع عيني .. جرلهه تـراچـي أرقيـه گـدامـي .. جرلهه    چف  الماعرف  الله  ونبيه *--------------------*------------------* ليـل اهدعش وي اجـنـاب .. بـتـه وحس گلبي عليك أنگطع ..  بـتـه المثلك  مايـعـوف  بـيـوم .. بـتـه    عفتهه  شلون  يمدلل  رقـيـه *-------------------*----------'-----------* ✍ خادم الحسين //ع الشاعر رعد الجريخي

نعي مفجع الأمام السجاد (ع) يخاطب السيده زينب( ع) بعد وفاة السيده رقيه تـصـعـب عَلـي تنــزل دمـعــتي وگـبـال عـيـنـي مـاتـت اخـتـي عَـمــه يـعـمــه اتـعـذّري انــتـي زحمه العده اتـشـاهـد عَـبـرتـي اتشَيّب الگـلب هـايه مـحـنـتـي وهـل جـامـعـه حــزت رگـبـتـي صبري انـكسر كـون انـكسـرتـي خــافـن اثــر لـسـيـاط شـفـتـي جـثـت رقـــيـــه لــــو دفـنـتــي واشـكـم جــرح بـيـهـه حسبتي أتحزمي ابصبر بـاچـر يـعـمـتـي                                           *---------------*---------------* ✍خادم الحسين ع الشاعر رعد الجريخي

نعي للسيده رقيه * اديه امن الحرك يابويه مجويه والسلاب اخذ من عندي ترجيه تدري بلا ابوها اتضيع البنيه اجيتك حافيه والخيل اجت ليه ** رحت يم الرمح ودموعي حركني اشماله الشايلك دار الرمح عني كل ماريد اشبكك ياخذك مني لهسه اجروحك بكلبي ويلجمني ** يبو طول الحلو متغير اهوايه تنام اعله الرمل مو نومتك هايه اجيتك للطشت يابويه شجايه من كد صدمتي عكلي انذهل رايه * ترضاها يبويه بالخرابه نبات ونطب للقصر بحبال مجتوفات كامت عالمحامل تنضر الشمات يبويه بيا وكت عماتي مسبيات *- علي السجاد صاح بساع شيلوها تره ماتت رقيه كومو غسلوها شيعوها بمدامعكم ودفنوها ما تحمل هجر والدها تدروها * تمت تحسين الخفاجي

نعي السيده رقيه **** فزت من حلمها تريد ابوها وجابو راس ابوها وسكتوها التراجي اتكله عكبك سلبوها وامتوني يبويه ورموها شمسويه وديه جتفوها وضلوعك شفتهم رضرضوها ردتك يالحنين تشوف حالي عيني الراسك ودمعي يلالي غربه الشام كلها وعرف مالي وانه ميسره وما عندي والي ما ضلت معزه ولا مهابه وكعدنه اخلاف عينك عالترابه عكبك ما لفاني النوم بابا وابد ما تنحمل ذيج الخرابه امسح دمك وامسح بالتراب وشكيلك عذابي ودمعي سجاب وكلك وين عني كل هالغياب ما طاب الجرح بجفاك ما طاب علي السجاد صاح بهل المسيه عمه اعله الطشت ماتت رقيه وزينب عمتي شبكت عليه ومن ذاك الحبل دم تجري اديه الشاعر تحسين الخفاجي

اسم القصيدة   : رقية ليلة العاشر اسم الشاعر  : #عزيز_الفيصلي اسم الرادود  : #محمد_الجنامي المناسبة مصاب عاشوراء 1442 المكان النجفالأشرف/هيئة الزهراء للعزاء المركزي 🏴🏴🏴🏴🏴🏴🏴🏴🏴 رقيه أعله الوساده مالگوها طلعوا بالخيم يتفگدوها ليل وچن ظلام الغاضريه ولن ضجه ابحريم الفاطميه بس لا ضاعت وتاهت رقيه وأبغربة الهيمه إيضيعوها §§§§§ عليها إيدورون ابخيمه خيمه الدنيا مظلمه والگاع هيمه بعدها امدلله ماهي يتيمه شلون اتضيع بين الدللوها §§§§§ سمعوا صوتها ورقة لحنها تلولي وغافي عبدالله أبحضنها بلچي إمن الرباب إيدر لبنها لو مايتحصل وإتروي أخوها §§§§§ يسمعون الدللول الدللول عدوك يعبدالله ساكن الچول يعبدالله يالمسنع يمدلول ويسمعها أشتگول حسين أبوها §§§§§ إجاها ومن حضنها الطفل شاله المهده وشاف رقتها أعله حاله حضنها وغده إيحاچيها ابدلاله وأشمحله سوالفها اويه أخوها §§§§§ أبحضن حسين وشمحله المحاچي عمر الورد ماتعرف بواچي وأبو السجاد عينه أعله التراچي يدري إخلاف عينه إيسلبوها §§§§§ اهي إتسولف وأهو اعيونه الحسنها ورده والعطش ذبل غصنها وراح إيزورگ السوط ابمتنها ويچتفها الحبل ويعذبوها §§§§§ گاللها عمامچ وأخوتچ هاي باچر تنذبح بالمعركه اوياي وآنه ينذبح راسي من اگفاي وبالحافر اضلوعي إيكسروها §§§§§ اريد اتواعديني ابهالوصيه عينج لاتشوف الصار بيه لوذي بذرى عمتچ يارقيه تراهي الحرم كلها إيسروها §§§§§ يبويه الگوم خوفي يعرفونچ عزيزة گلب ابوچ ويضربونچ يابويه العِده ما يرحمونچ وأغصونچ الترفه إيذبلوها §§§§§ الزمي ابثوب زينب عمتچ حيل اخاف اعليچ بويه ادوسج الخيل يبويه وياخذچ ويضيعچ الليل وماتلگاچ عمتچ لو خذوها §§§§§ آخر نومه عندي الليله يبابا ابحضني اوباچر ابحضن الترابه فرگه والوعد بآخر خرابه إجوا بالطشت لاگت راس ابوها 🏴🏴🏴🏴🏴🏴🏴🏴🏴 القصاید المکتوبه للرادودين حسن الصالحي و محمد الجنامي (صوت+کتابة) ليلة ٥/صفر /١٤٤٨ هجري الاثنين 20\7 \2026 ليلة استشهاد السيده رقيه عليها السلام #قصائد1448

السيده رقيه ع ترجعلي راودني احساس واگطعها يمك لنفاس تاخذني يالغالي وياك ماريده عمري بلياك ****** طفله اعله گد حالي العتب ميهمني شيكون السبب ما احتمل فرگه طويله من ودعتني امن الخيم بعيوني احس موتي انرسم انفاسي بغيابك ثجيله وهوايه عني اتاخرت للي رفع راسك صحت عنك يفارس خل اشيله يجرح عتاب المجروح بس لليفارگ مسموح ارحم دليل الناداك ما ريده عمري بلياك ****** تسئالني لطفال اشكثر چي تكثر ادموعي الفجر وصوب الرمح ارفع اديه لابد اگلـلهم يرد لعيوني مايحمل بعد مايگدر ايفارگ رقيه لو حته بس راس ونحر لو صحته يندار النظر طول الدرب عينه عليه يسمعني من احچي وياه وانظر دمعته ومبچاه لو گتله يكتل فرگاك ماريده عمري بلياك ****** بليل الخرابه ويا حلم ما ادري بس عندي المهم فزيت اصيح الغالي اريده صحت الجميع العايله گومونه خل نستقبله يلله يسكنه ويا حميده وچفوفي افتحها ابهله نفس العطر ما بدله الاشتمه لو نمت اعله ايده ضليت اشمّن بالراس ماضل كتر بي ينباس يابويه هيچ اشخلاك ماريده عمري بلياك ****** تعبانه وهواي اسهرت من اشبگت راسك نمت نبضاتي من شوگي سريعه اشكيلك وتشبع بچي لو هسه مو وكته الحچي لكن احلفك بالوديعه ارحملي موتي امن السهر كاتلني يحسين القهر ضاگت عله عيني الوسيعه لو عمتي تاخذها وياي اذّوها بااسوط هواي إعذر كلامي الاذاك ماريده عمري بلياك ****** زادت على ذل اليسر يابويه دخلتنه القصر اعيون الشماتهراتصد شفتها طبينه وايزيد ابتشر دلوني وين اخت الگمر خلف الحرم لاذت شفتها متقصد ابشفتك ضرب صاحتلها عمتي بكل غضب انشلت يمينك ماشلتها ضربوها ناده الحراس صاحت دخيل العباس وانه احضنت عمتي هناك ماريده عمري ابلياك **---- لوگتلي اجيت الشوفتج وادري رقيه ابغايتج عندج وعد وي العليله اعلى الطفل من وصتج گالت امانه ابرگبتج قصدج لخييج تعتنيله كلش الطفل ماباقي اله رايدله اخت لتدلـله وحشه يمر عبد الله ليله راح اغمض اعيوني وهاي طلعتها روحي البهداي للزهره تاخذني ارجاك ماريده عمري بلياك ثائر الربيعي

#تـراث مولاتي رقية روحي فداها فـــزت تــنـادي او صـوتـها ايـبـيد صــم الـصـخر و ايــذوب الـحـديد اريـــدن أبـــوي الـضـيـغيم الـحـيد جــــم دوب يـــا عــمـه الـمـواعـيد و الــتــمــن اعــلـيـهـا الـمـفـاجـيـد   كـلـمـا  يـسـمـعونها الـبـجـه ايـزيـد لــمـن  بـجـاهـن صـــار لـــه ويــد او وصـلت الـصيحه المجلس يزيد نـشـدهم اشـصـاير حــادث اجـديـد اســمـع  بــواجـي ايــزلـزل الـبـيـد گــالــولــه  خـــدامـــه و الــعــبـيـد طـفـلـة احـسـيـن الـعـودهـا اتـريـد گــلــهـم  بــجــاهـا بـــعــد شـيـفـيـد راووهــــا  راســـه بـلـچن اتـهـيـد جــابـوه  او شـافـتـهم امـــن ابـعـيد  صــاحـت هــلـه ابـراسـك يـلـعميد يــهــلال عــزنــه ابـلـيـلة الـعـمـيد   لــيــش اقـطـعـت بـيـنـه يـصـنـديد او عـفتني ويـناس الـموش اجـاويد     كــلــسـا  يـضـربـونـي الـمـمـاريـد شــبـگت  عــلـيـه او دارت الإيـــد  لاچن  ذلـيـلـه او لاويـــه الـجـيـد ســاعـه بـگـت و الـنـفـس تــرديـد صــاح الـعـليل او صـيـحته اتـجيد مـاتت يـا عـمه اخـتي اعله الوريد الشاعر المرحوم السيد عبد الحسين الشرع #اللهم_عجل_لوليك_الفرج

٣٨٣- شهيدة الشام👇👇 عمّه زينب وين ابويه الغالي شلون راح وهسه چان اگبالي ـــــــــــــــــــــــــــــ عيوني مدري شلون ياعمّه غفت برؤية الغالي العزيز اتشرُفَت وين ذيچ الرؤيه والگعده صُفت شو خرابه ونفس لوعة حالي ـــــــــــــــــــــــــــــ شلون اجه وشمني مثل شم الورد وگال راح ایهون یبنیتي البُعِد يارقيّه ومثل ماچنه نرد وامسحت طف كربله من بالي ـــــــــــــــــــــــــــــ شگد فرحت وراح كل ذاك التعب وگلت عمر اجديد ياعمّه انكتب ذاك المضوّي شنو بطشت الذهب والحَمَار بضيّه يتراوالي ـــــــــــــــــــــــــــــ عمّه دلّالي امن الفراگ انکسر من اسألچ شو تگولین بسفر وآنه ياعمّه اشم ريحة نحر عطره فايح والامر مو خالي ـــــــــــــــــــــــــــــ صدگ چنت احلم یعمّه بوالدي وعالطشت حدّد مماتي وموعدي من اموتن هاي ساعة مولدي واعقدت بحسين كل آمالي ـــــــــــــــــــــــــــــ نعم خلصت دنيتي وحان اللقاء وعله راس حسين اموت الباري شاء عمّه راح ارتاح من طف كربلاء ويگضي همّي والفرج بآجالي ـــــــــــــــــــــــــــــ خل تظل امتوني ياعمّه زرگ وذكريات ايكون ثوبي المحترگ الدنيا چذبه وبس ابو اليمه صدگ وكلهه تنصه ويبقه هوه العالي ـــــــــــــــــــــــــــــ فراس المحمداوي ٣ صفر ١٤٤٨ هـ

تحچي دمعتي .. قصة موتتي خيمة بگلبي تلهب .. واصرخ عمه زينب قصة موتتي ــــــــــــــــــــــــــــــــــــــــــــــــــــ انا ازغيرة عمر بس الجـــــرح بيه رقية وبس حزن لايگ صفه اعليه انا اللازم ورد بجفـــــــوفي يوميه ليش احبال خــــشنه وتجرح ايديه مو مالت جرح .. بس عشت الذبح خمسة اسنيني وانحب .. واصرخ عمه زينب قصة موتتي ــــــــــــــــــــــــــــــــــــــــــــــ بدت قصة الألم من حرگت اخيامي حتى بطيــــف اشوف الـــنار گدامي اسمعت عمتي تنادي راحت ايتامي اركضت والشوك واصل حتى ل عظامي امن الخيمة الجمر .. اعلى بكل كتر ما ميته ترا اعجب .. واصرخ عمه زينب قصة موتتي ــــــــــــــــــــــــــــــــــــــــــــــــــــــ الهظم ليلة يذبني اصبح الليـــلة آه الناگة تـذبح والله كل مـــــيلة ياهو المن هلي يسمعني واشكيلة بس العمْتي اروحن واصرخ ادخيله اشكي العمتي .. هزله ناگـــــــتي كل ميله ترا اتعب.. واصرخ عمه زينب قصة موتتي ـــــــــــــــــــــــــــــــــــــــ عواصف بالألم ما تحمل الشمعة الخرابة اسنيني بيها اشعر امضيعة الشمس بيها تنشف عالخد الدمعة الوضع لو بالحلم ما ينحمل وضعه ازغيره اعله الالم .. كل حيلي انهدم حبل الدنيا يسحب .. واصرخ عمه زينب قصة دمعتي ـــــــــــــــــــــــــــــــــــــــــــــــ انا الشفت المصايب والحچي يكثر شَكثر من ابوي الشفته بس منحر الحلم اصبح حقيقة ويذبح المنظر بطشت راسه نظرته والنبض يعثر حاچـــــــيته تره .. ببنيـــــته اشجره گتله اهوايه انسب .. واصرخ عمه زينب قصة موتتي ـــــــــــــــــــــــــــــــ خادم الزهراء خالد لطيف العطوي استشهاد السيدة رقية عليها السلام

١٣٠٧- في خربة الشام ابچــي وعيني تجـــري عطّشت روح اعله راسك واجت تفتر عطّشت روح يبو اليمّــــــه بغـيـابــك عطّشت روح رقيه يالچنت مـــــــــاي الرقيه ✍ فراس المحمداوي

١٣٠٦- رقية بنت الحسين صلوات الله عليها جروحي اتفزز الجلمود لوعات عله الشافت بعمر الورد لوعات تولّاهـه الشمـــر لو جار لوعات وبچعب الرمــــح یضرب رقیه ✍ فراس المحمداوي

١٣٠٥- وارقيتاه دمعاتي بسواجـــــي العين للآن وذهيل وگلبي صايــر بيت للآن من اضوگ الماي مُـر الماي للآن النهر مكسور چي عطشت رقيّه ✍ فراس المحمداوي