قصائد استشهاد مولاي السجاد (ع)

للعليل اليوم صوت النايحه والفروض عليه تقره الفاتحه ========== الفروض الخمسه حست بالبُعد والنوافل تبجي وتعزي الحمد السجده صاحت وين رايح مبتعد فگدك لركن الفرائض جارحه ========== الليل نافلته طِلع منها الونين وراح من عدها اليأديها بيقين راح اليسموه سيد الساجدين والصلاه سمعت دعائه البارحه ========== عليها ماهان البُعد تبجي الشفع والوتر بأخر فرض تجري الدمع بعد آذانه علي ماينسمع وجانت لآذانه كلش شابحه ========== والمناجاة العشر والخامسه حست يحل الظلام بهل مسه نوره غاب اليوم ابن خير النسه والضوه بفكد العليل شذابحه ========== والتصدق صاح ويه البسمله راح عالي الشان عالي المنزله راح من عايش مصايب كربله وروحه يم المنذبح جن رايحه ========== المصحف واياته حزنت والسور والصحيفه ونها يكسر بالحجر انثلم ركن الدين بمصابه انفطر والسمه دمعتها بانت سايحه ========== أنبياء الله تون لجل العليل آدم ونوح وبجه اليوم الخليل وابو الزهره انفطر من عنده الدليل وبالسماء اليوم صارت صايحه ========== الشاعر علي النائلي https://telegram.me/aabas78 قصائد لكل ايام محرم اشترك بالقناة

نعي لاستشهاد الامام زين العابدين عليه السلام ويلي على السجاد ماصار وجره من كربله للموت ناره أموجره من كربله للموت روحه أمكدره من شاف ابوه الگوم گطعوا منحره بسيوف غيظ وحقد هامه أمطبره وماسلم من گطع الخناجر خنصره ابدور الهواشم نور طاحت علثره وجسومهم فوگ التراب أموذره ويم الشريعه الگمر بيه محد دره بدوس الحوافر إله ظلوع امكسره لضعونه السجاد يسچب ناظره نهبوا احمول آل الزچيه الطاهره صارت الدنيا أعليه ظلمه ومغبره من شاف عمته ام عون تمشي ميسره ذيچ العزيزه الكل عمرها أمخدره بالسم غده السجاد روحه امرمره من الباري ماإلهم بعد كل مغفره خصم العده المختار يوم الاخره الشاعر حسن لعيبي الحريشاوي

الامام السجاد ع للزمن حكايه انتصرت السبايه اختمنه ثورة حسين بالعصا وعبايه **** احنه لِكسرنه الظلم لا ما كسرنه بعده مرفوع ويرف عالي علمنه ظنو إهمه الفازو بذبحة زلمنه ما درونه ننتصر من ننطي دمنه آنه والعقيله اصرخنه عالهزيله نهدم آل اميه بالعصا وعبايه **** الله ما بين الأهل وزّع رسايل جنوده مو لازم تحارب بالبواسل آنه دور حسين اخذته وبالمقابل عمّتي زينب خذت دور ابو فاضل آنه الي الرساله وعمّتي الكفاله الله قرر انفوز بالعصا وعبايه **** عالرماح الروس ويانه ومشينه ثوره عدنه وبالحبال امچتفينه ادخلنه لبن ازياد واخزرناها عينه احنه احد من كل صوارمهم حَچِينه صاحت الاميره دولتك گصيره نكتب احنه تاريخ بالعصا وعبايه **** بالسبي سوط اليجينه ما نرده ابيا محمد يا علي صرنه نصده الضحى بالعباس وحسين اشيهده لو الف منه يزيد احنه النبدّه خيرة الله احنه ياهو بالله گدنه عدنه عزم ابو حسين بالعصا وعبايه **** ايزيد عنده جنود وآنه عندي چلمه بالقصر خطبه نطيت وباد عزمه الهادي جدي گتله جدك شنهو اسمه الزهره امي وهو ياهي بالله إمه طينتي أمينه وطينته لعينه كل شرفنه مرسوم بالعصا وعبايه **** يوم عاشر اي صحيح اكبر رزيه لله كلشي انطينه حتى اختي رقيه بالثريه احنه وخصمنه بالوطيه وين آل المصطفى أوين آل اميه فزنه بالبدايه وفزنه بالنهايه كلشي هسه مكشوف بالعصا وعبايه **** الشاعر اياد الديراوي

(السلامُ على زين العابدين) بَدَلَ الدمعِ دماء. نبكي زَينَ العابدين _____ مِن ثَرى الكرارِ نبكي زَينَ عُبّادِ الهُدى إذ رَأى رُزءً جَليلاً دامِياً أبكى العِدى كُلُ احبابِهِ صَرعى. فَوقَ رَمضاءِ الرَدى وحُسينٌ في العَراءِ باتَ مَسلوبَ الرِدا رُزءُهُ أبكى السَماءَ مِن دِما والأرَضين بَدَلَ الدمعِ دِماءً نَبكي زَينَ العابدين __ جُر‌حُهُ ينزِفُ هَمّاً مِن رَزايا كربلا شاهَدَ المَيمونَ يَصهَل. عادَ باكٍ مِعوِلا إذ بقى للموتِ يَقرأ للحُسينِ مَقتَلا وبدَمعِ العينِ يَنعى. للخدورِ كافِلا لَم يَجِف دمعُ المَآقي. والى الموتِ حَزين بَدَل الدمعِ دِماءً نَبكي زَينَ العابدين _____ يَنظُرُ القَتلى بعَينٍ دمعُها دَمّاً هَمى جُزِروا مِثلَ الأضاحي. غارقينَ بالدِما يَرنو أطفالاً يَتامى. ونِسا دونَ حِما أينَ ساقينا تُنادي. تَشكو مِن حَرِ الظَما يَندبُ العَمَ بحُزنٍ ينعى مَقطوعَ الوَتين بَدَلَ الدمعِ دِماءً نَبكي زَينَ العابدين _____ لَم تَزَل نارُ الخيامِ بِهِ تَسري لَهَبا مَعَهُ للموتِ عاشَت. كُلُ آلامِ السِبا كَيفَ اُمُ الخِدرِ تُسبى. صارِخاً وازينبا رَكَبَت هِزلَ النِياقِ بِنتُ اصحابِ العَبا هوَ والحوراءُ كانوا. رغمَ هذا صابرين بَدَلَ الدمعِ دِماءً نَبكي زَينَ العابدين __ ضَعنُ آلِ اللهِ ظُلماً بالحِبالِ كُتِفا وسِياطُ البَغيِ أدمَت. أظهُراً للمصطفى لَعَنَ اللهُ إبنَ سَعدٍ في الاذى قَد اسرَفا لُغَةُ الإرهابِ شَمرٌ غَيرَها لَن يَعرِفا بِبُكاءٍ ونَحيبٍ يَذكُرُ الاسرَ اللعين بَدَلَ الدمعِ دِماءً نَبكي زَينَ العابدين __ آهِ مِن شامِ الدَعِيَه. كَم عليهِ قَد قَسى إذ رَأى زينبَ تَدخُل. ليزيدٍ مَجلِسا وصُراخٌ ونِياحٌ لليَتامى والنِسا اعَلى رَأسِ أبيهِ هاجَ جَمرٌ للأسى أم لِمَأساةِ رُقيه. ياتُرى هذا الانين بَدَلَ الدمعِ دِماءً نَبكي زَينَ العابدين _____ أيُ كَبدٍ للرسولِ طاغيَ العَصرِ فَرى كَبدُ سجادِ الهُداةِ شِبلِ اسيادِ الوَرى عادَ احفادُ اُمَيه. فيهُمُ الحِقدُ سَرى هَدَموا قبراً شريفاً فَلِماذا ياتُرى كُلُ هذا كانَ بُغضاً لأميرِ المؤمنين بَدلَ الدمعِ دِماءً نَبكي زَينَ العابدين ~~ سيد نبيل ابو العيس

وين هاشم خلهه تنصب فاتحه ميت وگيد المصيبه الجارحه ........................................ مات زين العابدين اليله مات خلص عمره حايطاته النايبات مات واجفوفه ابحديد امنيشنات وياهو ينعاله وتنوح النايحه ........................................... مات من تمم ابوه فرض الصلا وانتصر دمه على اصحاب البلا سبب موته مو ابسم من كربلاء اشما ذكرهه ادموعه عالخد طايحه ................................................ مات من شاف الحسين ابلا غسل وبيه حسرات السبي وركب الهزل اشما ذكر زينب مشت مدمع يهل وعن اخوه ابلا محمل رايحه ............................................. ابو الباقر خلص اسنينه ابألم وگلبه من الفرگه نصين انجسم يبجي كلما ينذكر راعي العلم الجثة العباس بالدم سابحه ................................................ نار واخيام وحرم هيمه اوسبي الشيل ضهره ماگدر يحبي حبي بيه لوعه ابعلو التل الزينبي شاف نحر حسين شمر الذابحه ............................................. ماله خوان النعش صاحت عليه وال هاشم موته من سبله اديه كون وكت الموت ابو الاكبر يجيه وغمض اعيونه وقراله الفاتحه خادم اهل البيت علي الزرگاني

قصيدة موشح في السجاد ع...........................الله يلــعن آلُ مَيَـــة هالزَمــن المـا رضو يبنولكم كَبـه وصحن **************************** والله يالسجــــاد بُغضــــاً هَدِمــــوك ذولــه يـا مولاي ميتــــين من أبــوك حتـــى وانت بالكَـــبر هـم حــاربوك على الدين الهِــدم كَبـــرك؟يؤتَمـن؟ **************************** لعنـة الله على البَغـض آل الرســول لعنـة الله على الظِلم بِنتـه البتــــول يلعـــن الله الصعدت بذيــچ الخيــول البيها صدر حسين بالحومة أنطحن **************************** ذولـــة أنـــذَل ما خِلـــق رب السِمه حيــدر شكَـــد حاربــــوهُ وفاطــــمة أطفالــها الـــي بالمهد هم مُجــرمـة حقـد ذيــــچ اجدادهم بيــــها اندفــن **************************** عَلِمـــوهم عالجــريمــــة وعالحـــقد حاقـــــد على العتــــرة ابنهم ينــولد وعلي چا ذبحونه أمس لومـه الحشد وچـــان كـــل نسوانـه هم انسِــــبَن **************************** روس مــو مالت عكَـل مالت سحكَ أمــس شكَينـه الزلمــهم چـــم حـلكَ حشــد أهــل البيت يوجــع من يطكَ چــان هِدمو شكـــو مرقد بالـــوطن **************************** سيــدي طَبــق الأصـــل من حرملـة لــو يــرد هســـه الحُسـين تقـــــاتله والدليــــل تريــــد تهــــدم كربلـــــة وِلــد ذيـــچ السَمِمت چبـــد الحــسن **************************** الحكَـــوك الينســكت عنــهـا تضــيع بيـــا ذنـب لليـــوم مهدوم البقــــيع يالدعـــائك ما يرجــعه الله السمــيع يعجل الله إلنـه بظهور ابـن الحسـن **************************** يمتـه مهديكم يكَــص هـاي الركَــاب بسيــفـه جُمعــة ينالـــون العِقـــــاب ذولــة مو مالــت لطُف مالــت عذاب الظُلـــم كِلــه مِـــن حكُمهم والفِــــتن؟ **************************** سيـــدي يمـــته نجــــي لزيـــــارتـك ومثــــل أبو اليمــــه ترفرف رايــتك كــون من بعيـــد تسطــــع كَبـــــــتك والمواكـــب سيـــدي يمـــك يِجــــــن **************************** حيدر حسين الكَرعاوي https://t.me/HaideraHlkareawi313m

القصيدة في الإمام السجاد عليه السلام ✍️ يمسمومـآه       يمظلومــآه ******** على السجاد انوحن     أنه بحب آلـه أنجن شفيعي وهذا أمامي    أحصـل مثله عدمـن يحبني وآنـــه أحبه     عطوف اعليـه كَلبه عَليِ يوميــه يعفـي     رغم ما اني اتعبـــه ****** عشــكَ آلـــهَ مُحمد     بحياتي وعمري ورد نموت وبينه عايش     على حبنه الله يشهد تـريــد الله يثيبـــــك     العمر خلصه الحبيبك اللهســه بـلا منـــارة    إخدمه الحـد مَشيبك ******* أهِــل دمعي المصابه   على القتلــو شبابــــه لـونـــي وي رقيـــة     واموتـــن بالخرابــــه علـيِ صـــدرك ألطمه     سلامـي على الأئمـه عليـــش مهدميــــها     المراقــد لســه ظلمـه ******** يشاهد عَمتـــهَ زينب     بكَلبها الخيمـة تلـهب بكَبرها يصب دمعها    الصبر من عدهه شيب ولهسه بلايـــه كافـل     زلــم عدنـــه بواســـل يتانــــون الإشــــارة      وتِهـــب كلها تقــــاتل ******** سلام الله على كَبـره     الخلص باللوعة عمره سبي وسَـــم وظُلاَمه       ولهسه بلايـه حضره القهر عاشـه بمحرم     لمـن شَـــب المُخيــــم سبوهن كـــل خواتـــه     العليها يبڄــي من دم ******* صحن مالــه ومنــاره    على مهدينــه حيــاره الظهوره شكَد نتانـــي     شكثر طــال أنتظــاره العَدو تمــاده بغروره    إجــــه قائمنــه دوره الأرض ظُلماً ملـــوها      يرب عجل ظهـــوره ******* نجــــددلك عهدنـــه      لون الدنيـــا ضدنــــه نموت على المراقــد     يظل دايـــم حشدنــــه زلم متروسه غيــــرهَ    وِلـــد بـــدر العشيرة ندافــــع عن وطنـــه    لأن ما عدنــــه غيـــره ******* حيدر حسين الكَرعاوي✍️ https://t.me/HaideraHlkareawi313m

القصيدة في الإمام السجاد ع على لحن الحاج باسم الكربلائي جرح المدينة نسمع ونينه✍️ عاش الأذيــــــة      الّيوم المنيـــــة    *********  كَلبــك يزين العابدين شبــي قهــر وجــروح  چـم نايبة بطف بكربله وچم منحر المذبــوح   مثل اُمـك الزهـرة أظن روحـك لَهسه تنـوح   لأرض البقيع المؤلمة ويالمهدي يمتـه نروح  نزورة سويـــــــه      اليوم المنيـــــــة    *********    الله يعينــك عالجرة وشفته بشــهر عاشــور  ميتــه؟وكَلب زينب لهَسه من السبي مقهور  چم وآحد الچنه النبــي بطف كربله منحــور  أله بظهــور المُنتظر ما يكَضي هذا الجــــور مـن آل أميـــــة      اليوم المنيـــــــة    ********* الله يَبِــــن مكــة ومُنــى شراوتكــم الأيــــام يعادل مصايب چم نبـي درب السبي للشام المثــل العقيلة من الحزن؟لو ميته ما تّــلام خلص عمرها بت علــي وما خلصت الآلام چنهـــا الزچيــــة       اليوم المنيـــــــة    ********* بچفوفك كَيـــود اليســـر وبكَلبك أنتَ النــار أكبـــر جبل؟لـو مو بشر ما يحمل الي صار عن الإمام المنتظــر ما عدنـــه كـل أخبــــار وأنتَ لهســـه سيــــدي لا حضـــرة لا زوار لهـاي المســـــية       اليوم المنيـــــــة  ********* شاهَد خواته بكربلـــه من تسَلِــبت باللــــيل شاهد أبو فوكَ الضِمه بصدره تدوس الخيل  أقوى بشر من المِحن هـم ما يظــل بي حيـل  مو دمعـة لازم دم ألــك وي الدموع يسيـــل  مـن الغاضـــرية       اليوم المنيـــــــة    ********* قصور النواصب عالية وكَبــر الحسن مهدوم الباقـر يظـــل ليــا وكت يبن الحُجَــــج مظلوم أهل السقيــفة؟المصطفى قتلوله چــم معصوم يخلص قهرنـه والحــزن يا سيــدي بيـــا يوم كلســــا رزيـــــة       اليوم المنيـــــــة    ********* هَــم نلتقي ويـاه بالصحن ويلمنـه كَبـر حسين  شـوكَ السباية لكربلة هيــچ احنـــه مشتـاكَين  النـاس القَبلنـــه انتظرته؟بالمكَبـــرة ميتيـــن؟  يساورنـــه أحيانا قلـــق؟ من طلعته مأيســين چــي ماله جيـــه      اليوم المنيـــــــة    ********* يا ليلـة تخلص غَيبته المهدي ويشيـل إلـوآه ومشاية نكًصد حضرتك ونصلي جمعــة ويــاه ليـل اليتاني بـس حـزن لوعـــة ودمـــوع وّآه الحركَــو خيامـــه بكربله قائمنــه مــا ينســــاه وچفـــوف أخيــــه       اليوم المنيـــــــة    ********* حيدر حسين الكَرعاوي✍️ https://t.me/HaideraHlkareawi313m

قصيدة تلث دگات.. في السجاد ع✍️ يا من كَضيت سنين عمرك مُصايب للحشر تنعى اعليك هــاي المواكب  ******** يـا سيــدي السجــاد هــذا عهدنـــه عن حبكم أهــل البيـت محد يردنــه شكَد على درب حسين ماتت ولِدنه إحنه على أهـل البيت كلسـا نحارب ******** يا سيــدي السجاد لــو هــل مُحـرم كل جفن يـا مولاي بي تلكَه أثر دَم يــوم إبنــات حسيــن وَج المُخيـــم وزينب أخت عباس شبعت مصايب ******** شفت السبي والضيم وي آلُ أميـة بذاك الضعن ويــاك چــم هاشميــة والتشبه الزهــــراء زينـب سبيـــة لا خيمــة لا خــوان لا من حبــايب ******** غيـر أنتهت وأنكَـول خلصت حياته حقــدو على السجاد حتـى ابمماته منهم رســـول الله هــــذي جزاتــــه يلعنهم الله هنـــاك يـــوم الحـــاسب ******** هـذا البقيــع اليـــوم شـــاهد عليها ولو تلكَــه وحـي الله تقتله بأديهــا شيعتك ما تنساك وانـت ادره بيهـا وانصـار الك ما زال مهدينه غايب ******* رَبَتهُــم على العــار ذيــچ السقيفة ابن الَتي يعاديــك والمـــو شريفـة والفاســـق الملعــون يردو خليـــفة خِسه وضحالة وعار ذولة النواصب ******** ينهدم كَبــرك ليــش يالماكو مثــلك والله خِلــق هالكــون والدنيـا لجلك العنده شرف مولاي ما ينسه فضلك تخضعلك بتقديــر حتــى الكواكــــب ******** الله يلعنـــه البيـــك أفجـــع مُحمــد أحفادهم كرهـــوك يا سيــدي أزيــد إرهابيــة ما يردون حتى الله يُعبَــد هالطَبَـــعَو مــولاي  وي الأجـانب ******** بلا كَبـــر لكــن بيـــك خله الإمامة مِن وصــل يالسجاد هــاي الكرامة واالحاربـــك ينهان يـــوم القيــــامة لو سائِله الله هناك راح شيجاوب ******** حيدر حسين الكَرعاوي✍️ https://t.me/HaideraHlkareawi313m

واويلي على السجاد  @@@ ضنوة بوعلي وروحه .. واويلي على السجاد  للطف مابطل نوحه .. واويلي على السجاد وعينه ابدمعه مجروحه .. واويلي على السجاد تبچي اموذره الاجساد .. واويلي على السجاد @@@ من امصيبه لمصيبه .. واويلي على السجاد شاف بعمره چم نيبه .. واويلي على السجاد وبالسم ذابل اكليبه .. واويلي على السجاد ومات الوارث الاجداد .. واويلي على السجاد @@@ مات ابگلبه لمفطر .. واويلي على السجاد ولوعة مذبح المنحر .. واويلي على السجاد وحسم حسين اموذر .. واويلي على السجاد مصابه يفتت الاكباد .. واويلي على السجاد @@@ مصابه شيب ألراسي .. واويلي على السجاد مات ابكل امر قاسي .. واويلي على السجاد سبي الحوره ما ناسي .. واويلي على السجاد وجرح السبي ماله اضماد .. واويلي على السجاد @@@ احبال بأسره واغلاله .. واويلي على السجاد غيرت للابد حاله .. واويلي على السجاد نعذر مدمعه الساله .. واويلي على السجاد عاللي راحوا بأصفاد .. واويلي على السجاد @@@ علي أحمد الحمود  ١٠-٧-٢٠٢٦ شهادة السجاد  فزاعي

ادخيل يامولاي زين العابدين @@@ دخنت لدموع والهم ألتضه  وسودت بالعين افاق الفضه  بالله الحگ ياحفيد المرتضى  خادم اتعناك يا اعظم معين  @@@ خانگ بهالروح حبل المعضله  وحكمت شدتها چنها سلسله  وانته چن جدك تحل المشكله  ياسمي الكرار مير المؤمنين  @@@ يامرض عجّز من الطب الدوه  لو فگر عالحال محكوم استوه  اعليك امشي بوالفضل راعي اللوه ابيساره المنگطع ويه اليمين  @@@ انته بابك باب الله المنگفل  وانه حالي حال لي حده وصل  مابقه غيرك إلي تالي امل واذا تتركني بعد ماكو معين  @@@ عندي معلول المآسي هدته  حتى گالوا كون نگطع چبدته  يامشيئة الله وانته عدته  اشفي چبده بلادوه ومتبرعين @@@ عدنه چم واحد كسر ظهره العقم  وعايش الدنيه بحزن طگ العظم  تقبلون الجاي الكم ينهظم  يالبيديكم ينرزق مال وبنين  @@@ وعدنه هم ابرتبه من عالي الرتب وحزن فوگ احزانه كله غلب  للبقيع ابيوم نبنيها القبب وتلحگ اتضم الضريح الزائرين  @@@ علي احمد الحمود ٩-٧-٢٠٢٦ نخوه  الامام السجاد ع

بقيــوده ويجـــرن دمعــــاتـــه ☼ـــــــــــ☼ــــــــــ☼ الله يســاعـــد گلبــه وروحـــه مــا بطـــل دمعــاتــه ونــوحـه چم رگبه يشـاهـــد مذبــوحــه السجــاد يـذبحــن عبـــاراتــه ☼ـــــــــــ☼ــــــــــ☼ شاهـد جسم حســين اتگطــع وبالطف مـن الخيـل أتـــوزع من دم حگه يسيــل المدمــع مــا تبــرد تسعـــــر جمــراته ☼ـــــــــــ☼ــــــــــ☼ شاهــد بالطــف جـسم الأكبـر چــن طــاها أمــوزع ومطبـر وعبدالله اتــروه مــن المنحر وبالنبلـه انذبحــت ضحكـاته ☼ـــــــــــ☼ــــــــــ☼ شــاهد بـــدر القــاسم بالطــف شلون أسيــوف البيهن يِنـزَف أبــدم الهامــه يحنّــون الچــف وبــالعــاشر طفـــو شمعــاتــه ☼ـــــــــــ☼ــــــــــ☼ شاهــد بالدمعـــه المــذروفـه الكافـل عمــه أبــلايا چفـوفـه طايح والغيـره مــن اجروفـه عالكــافــل تـكبـــر شـوغاتـه ☼ـــــــــــ☼ــــــــــ☼ شاهـد حــرگ أخيــام الخــدّر يوم الهجمت وسفه العســكر أيتـــام يشـــاهــدهــم بالبـــر وتضحــك يسمعهــم شمـاته ☼ـــــــــــ☼ــــــــــ☼ شاهـــد عمتـه مـن يگيـدوها وعـالهَـزّل گــام يــركبــوهــا گلبــه أتفطــر مـن شتمــوها والســـوط أيلـــوع عمــاتــه ☼ـــــــــــ☼ــــــــــ☼ بيده الگيــد ويصعــب حــاله وينظـــر بالــدمعـات أطفــاله وروس أهله مرفوعه اگباله تكثــر مــن يصــد آهـــاتـــه ☼ـــــــــــ☼ــــــــــ☼ چم مـره مات مـن الحسـره من شاهــد مچتوفـه الحـره خــدّر راحت للشـام أســره مــات السجــاد بلوعــاتـــه ☼ـــــــــــ☼ــــــــــ☼ الشاعر موسى البديري

مهضوم وعليل... دم أيده اتسيل وثيابة مصبوغة دمه وزينب عليه مألمه ــــــــــــــــــــــــــــــــــــــــــــــــــــــ يا سفر ما مثلة سفر ولامتله ينعاد ليش بسلاسل ينشبگ من دون العباد هذا لأن جده علي ولربه سجاد مارحمته بدرب السبي اقيود الأحقاد من الكوفة للشام .. محمل بالالام بن فاطم وحامي الحمة وزينب عليه مألمه ــــــــــــــــــــــــــــــــــــــــــــــــــــــ صبوا حقدهم عالولي ابن الصميدة كلمن اجاه بسلسلة يرضي يزيده ولمن وصفت المقصله الخلوها بيده خنگت عبرتي حالته وعفت القصيدة شكتبلك اليوم ... يلكلك هموم گمت انعه والصدر الطمه وزينب عليه مألمه ــــــــــــــــــــــــــــــــــــــــــــــــــــــ وي زينب بهذا الدرب قصتكم دموع تذوب الحديد وشدته ذوبان الشموع مو سبي واحد هم الك للشام ارجوع تندفن بيها عمتك وي وكت الطلوع عمرك خلص نار ... لا ديرة لا دار موزمة تسلم موزمة وزينب عليه مألمه ــــــــــــــــــــــــــــــــــــــــــــــــــــــ ماتنسي قصتك يبن حامي الحمية بين المرض بين الجرى بالغاضرية وفوگ الأسر انته وبنات الفاطمية ابين ايديكم تندفن اختك رقية من شافت الرأس ... ابئيد الانجاس عالموت فزت هايمه وزينب عليه مألمه ــــــــــــــــــــــــــــــــــــــــــــــــــــــ يالمانسيت الفاجعة بذاك الظهر دوم ضامي ابوك وينذبح كدامك بصوم هالموقف الي موتك مو جمر السموم اخذت حياتك كربلاء وذكراها كل يوم من تذكر حسين ... تلطم على العين ودموع عينك ساجمة وزينب عليه مألمه ــــــــــــــــــــــــــــــــــــــــــــــــــــــ رغم الجرالك سيدي من غدر الانجاس ثبتت انته وعمتك موقف رفع راس سويت مجلس بالگصر بچاها للناس لليوم قايم بالحسين وذكر عباس وهاليوم ننعاك .. مجلسنه بسماك ومنك نريد المكرمة وزينب عليه مألمه ــــــــــــــــــــــــــــــــــــــــــــــــــــــ خادم خدام السجاد ع مجيد عبد الرضا القريشي

لاستشهاد الامام علي بن الحسين السجاد عليه السلام شوط كربلائي ماينساهن السجاد حتى ابنادم يذَكرَه ايام الطفوف وياه نار وتلهب بصدره ★★★★★ لحظات الطفوف أثگال ينسه منها يالحضه الفاگدله عشيره شلون يهَوَّد الجفن ويغمضه چم حيد نذبح بالسيف وحافر بالصدر رَضَّه احزان الشافها السجاد كل يوم اليمر تنعاد يهل الدمع وكت الزاد ويصد للماي يتذكر گلب عطشان للگطره ★★★★★ لفحات وسموم الطف شكثر مولاي خانگته شينسه ياجسد مرضوض عشر خيول ساحگته ينسه أعيال مرعوبين لوينسه هظم عمته بحيره عمته ضلت بلاوليان تتلفت اعيال من الرعب فرت اصعب موقف يشوفه هدم حيله و كسر ظهره ★★★★★ أبد ماترحل الذكره جرح چتال تبراله حالت كل بدر مذبوح أويلي اسووت ابحاله شحال الدنيا بعيونه الغريب وفارگ عياله ولمن يفتح عيونه مايلگه اليهمو نه بحرگه يطبگ جفونه واشد لوعات من فارگ عزيز الطاهره الزهره ★★★★★چ أشد لوعات من فارگ اهله ابروح حيرانه المدينه اظلمت كلها وحتى الشمس حزنانه روحه من القهر ذابت غريبة حال خلصانه بعد افراگ ابواليمه النهار تساوه بالظلمه يوم الغدرت الأمه بسبط المصطفى المختار نبيهم خالفوا امره ★★★★★ بلوعة يوسف وبلواه وحزن يعگوب وآلامه وصبر ايوب بالصعبات النوايب تِحدِي بأيامه ياهو المثله بالوادم أبوه انذبح گدامه وراح الاكبر وجاسم بالحومه وگمر هاشم بفعل كل غادر وظالم راحوا كل هله الطيبيين يعني راحت العشره الشاعر حسن لعيبي الحريشاوي

لاستشهاد الإمام علي بن الحسين زين العابدين عليه السلام (وزن تجليبه ) الصحيفه تنوح عنها ابن النبي غَرَّب وعطايا السر نحيب الفاگده تنحب من الطف بلگلب جمره لآخر يوم من عمره واويلي على السجاد ★★★★★ مثل يعگوب مابطل ابد نوحه ظلت للعذاب وللحزن روحه علطاح وشمر چملهن اجروحه وجثه على التراب صبحت مطروحه اختنگ بالآه والعبره لآخر يوم من عمره واويلي على السجاد ★★★★★ هذا ابن الشهيد الماضعف عزمه البرهن مايفوز السيف علكلمه ولا علنور تفخر لُمَّت الظلمه مناجاته اعتراض وعسكره الحكمه عبر كل حد عبر صبره لآخر يوم من عمره واويلي على السجاد ★★★★★ وجه الدين غَيَّم والعلم مهموم مطالبها لگت من دورت هلگوم گضه السجاد نحبه للاسف مسموم يوم على الهواشم ماكو مثله اليوم غريب ومنكسر ظهره لآخر يوم من عمره واويلي على السجاد ★★★★★ خاب المايعرفه وقاصد يجهله من ياگوم ينشد بالعرب اهله ابن الماحصل بين البشر مثله من روح الزچيه ومن علي اصله عيونه من البچي حمره لآخر يوم من عمره واويلي على السجاد ★★★★★ المدينه تعرفه ومكه ومشاهدها الصفا ومروه تجاوب لوتناشدها حاديها المعارف هو قائدها زين العابدين ويبقه سيدها لگه دروب المجد خطره لآخر يوم من عمره واويلي على السجاد ★★★★★ سعه بشَرَّه الوليد وجهز اعوانه غميج احقاد تكشف غدر وجدانه نكر جود الامام وعطفه وحسانه وحن الجاهليته ومعبد اوثانه دره بالظالم يغدره لآخر يوم من عمره واويلي على السجاد الشاعر حسن لعيبي الحريشاوي

في مدح الامام زين العابدين  عليه السلام      هذا  الي تعرف   الگاع ممشاه   عظيم الشان عند الباري مولاه هذا الي يعرفه الحرم والبيت   علي السجاد   رب الكون علَّاه هذا البلعلم والدين معروف      وبطيب وهله للناس ملگاه هذا ابن النجابه ونسل عدنان   من بيت الكرم والصيت والجاه هذا ابن الصميده علي كرار    الناس الدوم كلها اتلوذ بحماه هذا ابن الذبيح الماشرب ماي   ولاگطره العدو من الماي رَوَّاه هذا ابن الذبيح الماخطاه سيف   ولامنهم سهم فات وتخطاه هذا ابن الصنع للناس ثورات   وخله الطاغي حاير وين منواه هذا البلطفوف العاش لوعات عليل فراگ ابوه شكثر  بچاَّه هذا البلاسر بحبال مچتوف    مشه حافي ولهيب الرمل چوَّاه هذا العمته حارت بالضعون    عليل وماتريد لحرب  تنخاه هذا الهز يزيد بمجلس الشام   ذليل الراي بين الناس  خَلَّاه هذا الي رجع من بعد الاحباب   حزين الحال هم وهظم دنياه زاده وي الدموع اختلط مهظوم  عگب حسين زادت حيل بلواه شكثر من ال اميه شاف   نكبات  لاچن ماثنوا للخير مسعاه الحمل زاد الفقير ومعتني بليل ماتدري يساره شتنطي يمناه علي حير عقول الي يوصفون ياچلمه  اووصف توصل المعناه الشاعر حسن لعيبي الحريشاوي

لاستشهاد الامام علي بن الحسين زين العابدين عليه السلام (وزن ميمر) أبصبره وعلومه السجاد  خله الْعِدَه محتاره ★★★★★ وَسَّع قواعد كل كتر شعبيه وكثف عواطف للخلگ شيعيه حتى الطفوف اتصير ما منسيه وعاشر حسين المذبوح  ماتنمحي آثاره ★★★★★ رغم الالم من جرح حاير دامي وذكرى أليمه   للشهيد  الضامي يسعى بعزم رفع الوعي الإسلامي حَصَّن ابعلمه الاسلام  وزال الجهل بأفكاره ★★★★★ قَدَّم مدارس للبشر فكريه وحَشَّد  منافذ للعلم ثوريه بزوده تضل طول الوكت محميه من الظلمه طلعها الناس   صوب العلم وأنواره ★★★★★ شماحارب الطاغي النهج ويعادي بأسلوب ثاني نشر  دين الهادي صوت الصحيفه بالدعاء اينادي سلاح الدعاء الفَتَّاك   يزيح الظلم وأخطاره ★★★★★ من أول حياته ولنهاية عمره راعي اليتامه واليحيير بأمره بحر الكرم من جوده اصبح گطره ومعروفه غوث المحتاج   كلمن سئل عن داره ★★★★★ زاهد وعابد للكريم وشاكر سيف الدعا يوم الشدايد باتر خط منهجه ومعناه يوم العاشر زلزل دعاءه الأشرار   يامن تريد أخباره الشاعر حسن لعيبي الحريشاوي

الامام السجاد المسموم الم يسعى بصحن گلبي والم طاف ومواجــع كربله بروحي والم طاف آخــــــــــر حال مشواري والمطاف ذابت چبدتـــــــــــي ابسمّ آل اميه ✍ فراس المحمداوي

١٣٠٢- الامام السجاد عليه السلام مو آنه الــــذي بلـــــومك لميته وتگلّـي امصيبتك تخلص لميته بحصيره جسم ابوي اذكر لميته من الم اعظـــــامه تتطشر بديه ✍ فراس المحمداوي

١٣٠١- الامام علي السجاد عليه السلام لا تكــــــثر يبو حمـــــزه بلاماي وبس ربـــــي الذي يعلم بلاماي ابــوي انذبــح عالغـــبره بلاماي وعگب ذبحه انسلب بالغاضريه ✍ فراس المحمداوي