الشاعر محمد الجماسي

▪️عظّمَ اللهُ لكم الأجر، وأحسن اللهُ لكم العزاءَ بذكرى أستشهاد رسول الله (صلى الله عليه وآله) #محمد_الجماسي

▪️قصيدة في أستشهاد رسول الله محمد (صلى الله عليه واله) الوداع الوداع يا رسول الله الوداع يا رسول الله برحيلك.. مطرت أدموع السَّمه مَكّه مفجوعة وكئيبة.. والمدينة مُضَلّمه لبست أهدوم النواعي.. الليلة بنتك فاطمة والحسن واحسين يبجون.. إبحضن حامي الحِمه واليتامه الليلة تصرخ.. يا محمد بافتجاع الوداع الوداع يا رسول الله الوداع جان كلمن شاف وجهك.. يا محمد يبتشر وسَفه هالوجه السماوي.. اتغطّه بتراب الكبر علي بتابوتك الليلة.. شيّع أحلام العمر والأخو الدافن أخيه.. إيبيّن بضهره الكسر الفاكد أعزاز بحياته.. تخلص أيامه ضياع الوداع الوداع يا رسول الله الوداع طبع الاتفارك ابوهه.. اتعيش مكسورة كلب وفاطمة من المدامع.. سَوّت الكبرك درب ليلة الدفنوك بيهه.. حَسّت بخوف ورعب تصرخ وتلطم وجهه.. الحجرتك لمن تطب امعصبة بعصابة خَظره.. وتبجي من دون انقطاع الوداع الوداع يا رسول الله الوداع مانمت وسط المكابر.. بعدك اعله المغتسل والعذاب اعله أهل بيتك.. من سقيفتهم نزل أمّتك نكرت وصيتك.. ردّت العصر الجهل المحسن ابطن أمه بعده.. وكتلة إكبار انكتل انذبح بالبسمار ظُلماً.. من كبل يوم الرضاع الوداع الوداع يا رسول الله الوداع كل سنه انجدد مصابك.. يالنبي بآخر صفر والدموع اعليك من دم.. يمكن ايترسن نهر احنه ماناسين يومك.. مو مثل بعض البشر كسرة افراكك جبيره.. المابجه بيومك خسر وانقطع عنا الوحي.. بغقدك وحك العتره ضاع الوداع الوداع يا رسول الله الوداع #محمد_الجماسي

▪️قصيدة في ذكرى شهادة رسول الله صلى الله عليه وآله فاطمة اتسمّيله.. وحيدر ايتجيله كلشي واضح.. بالملامح.. ناوي عالسفر موت الله مامات النبي مات بغدر صحبانه اتمرض لجن وي الدوه دستله سم افلانه جان المخطط ينقتل والسلطه الهم تنتقل وحيدر يبايع بالغصب وبسمارهم يذبح طفل وبالفعل سوّوهه.. التجربة وخاضوهه اقره عنهم.. ذوله منهم.. جم جرم صدر من شربوه ذاك الدوه.. والسم تمكّن منه ضل يضعف وطوله انحنه وبروحه تمشي الونه سيطر على أعظاءه المرض كلبه وكف مابي نبض باوع عله الزهره وعلي واتشاهد وجفنه غمض السمّمو هاديهم.. لعنة الله اعليهم مو صحابه.. بل عصابه ذوله موبشر وإنَّك على خُلق هيج الله جان ايمدحه واصحابه اذوه اشكثر وافلان جان ايجرحه والمانطق عن الهوه وعند الله عالي المستوه يهجر يكلوله الربع مااجو كالوله الكوه وباخير انفاسه.. بس علي عد راسه والبقيه.. جاهليه.. خنجر بضهر الحسن باحظان النبي واحسين كام ايشمه وزينب ازغيرونه واجت حزنانه كعدت يمه وجدهم يكللهم هله باشرف واقدس عائله باجر جرحكم يبتدي من البقيع الكربله واحد ايسمونه.. وواحد يذبحونه وهالاميره.. تروح اسيره والدمع نهر بعده النبي عالمغتسل وسوو تحالف ضده طعنو الدين وصاحبه وسوو جرايم بعده هاك اسمع باول جرم الزهره لازم تنظلم وعن الوصي لو دافعت تندفع كون وتنلطم ايساعد الله الزهره.. أمن الرفس والعصره وابطنهه.. مات ابنهه بسابع الشهر #محمد_الجماسي

https://youtu.be/vlvRkbtMzP0?si=_f5gs0mYSPFq1Q-y

▪️ قصيدة في حديث السيدة الزهراء مع الإمام الحسين (عليه السلام) دلّوني بطريق احسين وامشيله أريد أنعاه واقرايه أسويله عميّه أمن البواچي وبالجفن سطره أنه الزهره أمه وجايه الكبره أريد أنعاه وأبلل بالدمع نحره بيوم الأربعين ومجلس أهديله وياكم أريد ألطَم على امصابه هم شفتو شهيد امسلبه اثيابه أريد أفرش عباتي وأكعد ابابه والزاير حوائج آنه أكضّيله لو طبيتو للحظره يمشايه تلكوني اعله بابه امحزمه ابرايه ضلعي ايطيب لمن اسمع اقرايه عالضل بالشمس محد يفيله واقرولي اعله زينب من ترد باجر ترجع من سبيهه بكسرة الخاطر علوية علي وبحالهه اشصاير الله ايساعده السلبو مداليله يازوار اذا ردتوني اسجلكم أريد أسمع بجيكم وي لطمتكم على المذبوح صبّوا اوياي دمعتكم وهنياله الاذكره اليوم وادعيله باجر بالقيامه آنه الاحاميكم مثل الطير ياشيعه التقط بيكم أعرف اوجوهكم وأعرف اساميكم كل خادم اعرفنه بتفاصيله وللعباس واجب نمشي ونطوفه هذا الكطعو عالمشرعه اجفوفه مصيوب النظر والهامه مخسوفه كضاي الشدد عباسنه ادخيله #محمد_الجماسي

يبو فاضل يبو فاضل ... من اليسر جيتك يكافل خدري تدري اشجرالي خويه لو ماتدري سوط الشمر عباس ورم ضهري تعبانه اجيتك والمدامع تجري يالاخو لاتعتذر..انهض وفك الكبر خل اشوفك يبوالغيره اشسوه بمتوني الشمر يبوفاضل يبوفاضل ... يحتاج اسوالف لوتعرف أحوالي من يوم ماعفتوني ياكفالي الحادي سباني والصبر يبرالي وبالناكه اتستر واضم اخيالي ويني اووين السبي..وانه علوية نبي جنت امشي اوياك خويه وهسه وي الأجنبي يبو فاضل ..يبو فاضل ... بالكوفه ياعباس أشد الامي بيت اهلي شفته واذكرت ايامي هسه ابسبي وامجرحات اجدامي وراسك يخويه عالرمح كدامي والعشاير بالسره..كلمن العنده مره خلصوهه وضلت اختك عالهزل و اميسره يبو فاضل يبو فاضل ... والشام اذاني وعمالي اعيوني وبين السياط المعركه وامتوني ترضه بخرابه يالاخو ايكعدوني وبالسوك اطب والوادم ايطكوني استقبلونه يالكمر..بالطبول وبالحجر وين أضم نسواني خويه قد خزينا أمن النظر يبو فاضل يبو فاضل ... انته كبل هم سامع بعلويه تدخل قصر متجتفه ومسبيه وايزيد خويه كاعد بكرسيه انتي منو ايگلي ويشتم بيه وراس ابواليمه بطشت..والله من شفته متت ايزيد طكه بخيزرانه وانه عالراس الطمت يبوفاضل يبوفاضل .... امريه غريبه والشماته اهوايه وبالشام كل ساعه تغثني احجايه رديتلك خويه يراعي الرايه اكعد وشوف امتوني الامدمايه اكعد وكلي الكوه.. جيتك الطف نينوه بيه ديره امن الجروح وشوفتك هيه الدوه يبوفاضل يبوفاضل ... امن الشام أجيت الكربله باحزاني شو مالكيتك يالكفيل امتاني انهض يسبع الكنطره اتلكاني الهيمه جوتني والرمل غطاني ضعني طب الكربله..يعباس استقبله وصيح من كبرك يخويه ياهله بزينب هله يبوفاضل يبوفاضل ... حسابي تفرش كربله الملكانه والرايه انظرهه ترف فوكانه حسبالي ترجع للوطن ويانه بس اشيكومه الكطعو ذرعانه يالطحت عالمشرعه..والادين امكطعه فاجعة فكدك يخويه مامثلهه فاجعه يبوفاضل يبوفاضل ... #اللهم_عجل_لوليك_الفرج #محمد_الجماسي

جديد قصيدة | خلصت أيام الخدمة أداء: الرادود الحاج حيدر السعد كلمات: الشاعر محمد الجماسي https://youtu.be/1opsjC0tIg4?si=gLdfaydw-Z-6NlJH ليالي شهر صفر 1448 هـ – 2026 م هيئة الشيب الخضيب بغداد – النهروان

▪️ قصيدة في زيارة الإمام الحسين يوم الأربعين جينه للطف زائرين نحيي يوم الأربعين كلشي بالدنيه حسين كلشي بالدنيه حسين ١/ بس ابواليمه ابعمرنه.. وكلشي ماعدنه سواه تربته النسجد عليهه.. هيه عنوان الصلاة الدنيه لو خلص هواهه.. نبقه نتنفس هواه احسين نطلب من رحمته.. بس رضه الزهره ورضاه بالحشر هوه الشفيع وكل تعبنه ما يضيع عنده إيمان ويقين كلشي بالدنيه حسين ٢/ الدنيه لو دارت وجهه.. وقفل أبوابه الزمان نعتني الباب الحسين.. ونلكه يم بابه الأمان أبو فاضل منه نشرب.. غيره ياناس وحنان ومن حبيب ابن مظاهر.. نستلم صك الجنان انفرح الزهره نريد من نجي الكبر الشهيد نبقه نزحف عالأدين كلشي بالدنيه حسين ٣/ آدم وحواء دكّوا.. باب أبو اليمه برجاء وحصلوا من الله نظرة.. لأن زاروا كربلاء وعيسى بالضامي توسل.. وارتفع عنه البلاء وموسى شگّ البحر لمن.. ندب سيد الشهداء كل رسالات السماء فسروها الأنبياء وعرفوا الشي الثمين كلشي بالدنيه حسين ٤/ حبًّا بسيد البريه.. وحبًّا بحامي الحِمه وبالحسن حب وكرامه.. واحترام الفاطمه من نزور احسين إلنه.. تنزل أرزاق السمه احسين وي نبضة كلبنه.. عايش ابمجره الدمه الماتمسك بالإمام يبقه عايش بالضلام وإحنه بالدم كاتبين كلشي بالدنيه حسين ٥/ من عطية العوفي ناده.. جانَه يا جابر رزق آني جاي أنظر سواده.. وكلبي يا جابر يرق جابر يكله يا خادم.. روح إلهم وانطلق ولو طلع ضعن السباية.. إنتَ حر وتنعتق أعمى جابر بالطفوف لكن بكلبه يشوف شاف ضعن الطاهرين كلشي بالدنيه حسين ٦/ العسكري كال بحديثه.. وهذا ثابت بالصحيح خمسة للمؤمن علايم.. بيهن ذنوبه تطيح وأعظم الأشياء هيّه.. زيارة احسين الذبيح خذوا كل الدنيه بس.. انطونه شَمّه من الضريح والحمد لله نكول من عرفنه ابن البتول صرنه وادم مؤمنين كلشي بالدنيه حسين #محمد_الجماسي

[ تلگوها يالمشاية ] [ #الأربعينية_١٤٤٨هـ ] https://youtu.be/OWIJk0ZOAks?si=7iTj-gI5eAkB3iI3 أداء: الرادود الحاج #حيدر_السعد كلمات: الشاعر #محمد_الجماسي مجالس العشرة الثانية من شهر محرّم الحرام هيئة السيد أحمد الغريفي الديوانية – الحمزة الشرقي

▪️ قصيدة في فضائل ومصائب الإمام الحسن المجتبى (عليه السلام) أقرأ بالتوراة وأنجيل الزمن أعظم الآيات آيات الحسن ١/ لا يقل عن أبو اليمه بالشأن أترعرعو واتربو ابنفس الحضن إبكربلاء هم عنده مستشهد ابن وعنده زوجه اتسلبت وي الضعن ٢/ بالشجاعه المجتبى هم لافته طابر الطابر علي وشگ هامته ريشه من جبريل حط أبخوذته وداس بأرض النهروان إشگد فتن ٣/ بالعلم بثه مباشر من علي وأبخطب نهج البلاغه ممتلي إبن مصحف فاطمه وثاني ولي والمسائل كلهه يمه استسلمن ٤/ بالكرم لو حاتم الطائي انعرف سفرة ابن الزهره من طرف الطرف إمن المدينه يمكن إتطــــخ بالنجف وتغرگ إبصينيته جياع الزمن ٥/ يدري باچر زينب إتظل بالظلام چان گبل الطــف يخيط بالخيام درع سوه للحسين إمن السهام وگله اسف راح تبقه ابلا چفن ٦/ إمعاويه الطاغي إستخف إبحرمته وجعده بنت الاشعث اللي سمّته بالنبل مــــــروان زف اجنـــازته والبقيع إمن البچي إعيونه عمن الشاعر #محمد_الجماسي صفر الأحزان | ١٤٤٨هـ

عظّمَ اللهُ لكم الأجر، وأحسن اللهُ لكم العزاءَ بذكرى استشهاد الإمامِ الحسنِ المُجتبى (صلوات الله عليه) الشاعر محمد الجماسي ٧ من شهر صفر | ١٤٤٨هـ

▪️ قصيدة في استشهاد الإمام الحسن المجتبى (عليه السلام) مات الحسن مات الحسن هاي المسيّه مسموم چبده وانفجع گلب الزچيّه ١/ هاللّيلة مات المجتبى ودفنوا هلاله واعله كريم آل النبي ناحوا عياله وانقفل ديوان الهله وگلبوا دلاله والكون من دم ودمع ونّ وبچاله ناح الفلك ناح الفلك من هالرزيّه مسموم چبده وانفجع گلب الزچيّه ٢/ هاللّيلة مولانه الحسن حفروله لحده أم بيته هيّه السمّته ملعونة جعده العمامة ذباها ولفظ بالطشت چبده والضوه البعيونه انطفه وسال اعله خده فت الگلب فت الگلب سمّ المنيّه مسموم چبده وانفجع گلب الزچيّه ٣/ يمّه الحسين ايصبّره ويمسح جبينه وعباس يلطم هامته ويبچي بونينه والحسن مابيناتهم وامددينه والچفن والتابوت اخوته محضّرينه واعله الأخو واعله الأخو ونّوا سويّه مسموم چبده وانفجع گلب الزچيّه ٤/ صاح الحسن يخواني يا حزمان ضهري يا تچوتي ويا عزوتي ويا ريع عمري ضمّوا الطشت لا زينب ابهالعملة تدري وبساع شيلوا اجنازتي وجهّزولي گبري تشبع بچي تشبع بچي امن اتصد عليه مسموم چبده وانفجع گلب الزچيّه ٥/ غمّض اعيونه المجتبى وراح البقيعه نصبوا عليه الفاتحه ونوحوا يشيّعه اللّيلة المدينة اتزلزلت من هالفجيعه ركن الضيافة اتهدم وركن الشريعة سبط النبي سبط النبي حدر الوطيّه مسموم چبده وانفجع گلب الزچيّه ٦/ ردّ الحسين أمن الدفن فاگد عظيده إيتجيله عباس الوفي ولازمله إيده واخته العقيلة اتلگته بونه شديده گالتله: چاوين الحسن هسه آنه أريده لطموا سوه لطموا سوه... وگاموا عزيّه مسموم چبده وانفجع گلب الزچيّه الشاعر #محمد_الجماسي ٧ صفر الأحزان | ١٤٤٨هـ

مات الحسن | قصيدة استشهاد الإمام الحسن المجتبى (عليه السلام) أداء: الرادود الحاج حيدر السعد كلمات: الشاعر محمد الجماسي https://youtu.be/MTPwUPbFlIw?si=5F5PtDUpSbKgXNzm مجالس العشرة الثالثة من شهر محرّم الحرام 1448 هـ – 2026 م هيئة مصباح الهدى بابل – قضاء جبلة

هذا العالرمح شالع نظر عيني چنه ايحن عليه ويشبه احسيني ... كلما انظرب تتلفت اعيونه چنه احسين بس شو مختلف لونه عليكم فاطمه لا لا تطكونه طكوني ابداله و ورمو جفيني ... اذا شافاني بالحر في يسويلي اذا يسمعني ابجي ابنحره يوميلي الدنيه اخلاف ابويه ماتكفيلي بس حظن الابو هوه اليداريني .... علاقه ابينه صارت وجذب احساس جسمي اعله الهزل بس كلبي يم الراس يمكن والدي الفوك الرمح ياناس اريدن واحد ابذمه يحاجيني ... كعدونه بخرابه وهوه شاغلني جبتله الماي اركض وانكلب مني اتدنيت ارد اشبكه والشمر طكني وين الجان ازعل مايخليني ... وين الجان وجهه اينور ويضوي جا هيج الذبح بالواحد ايسوي النظره المن بُعد ياناس ماتروي ياهو اينزل الراس ويرويني .... اتدنه واكولن هوه موهوه ذبحوه من كفاه اوياهم اشسوه يباوعلي بحنانه وكلبي يتجوه رقيه اني ومصاب الشام عاميني ... تاليهه ابطشت جابو إلي وشفته معقوله كلتله أنته ابوي انته شميته ومتت مثل الشمع سكته ميته بس زراك امتوني ياذيني ... #اللهم_عجل_لوليك_الفرج #محمد_الجماسي

https://youtu.be/zteSjErbRms?si=896z4kdoLxNqAyYo

https://youtu.be/NIr6OkReaso?si=h_fvR2i1Mo2sGklo

الحسن هذا الحسن بالطف يمشايه واكف اباب الضريح ولازم الرايه فارش السفره الجبيره والدلال امهيله ياهله وكواكم الله  يالاجيتو كربله كربله كربله ... يدري عباس..فضله عالراس وللضيوف  التعتنيله ايكفّي وإيوّجب يعلم بهاي..ويدري وفاي لاكن الطاحت جفوفه بيمن ايعزب ولِهذا مولاي الحسن بعمامته اتحزم وهوّه الاخذ دور الورد صار الحسن ينشم تارس صواووينه بخت والما أكل يندم يم الحسن يبره المرض وايكوم الامكرم الحسن طابخ وفه حضرو صوانيكم مرحبه ابزوار اخوي ويفتخر بيكم (إنما نُطعِمكم) هالآيه بإسمه امسجله ياهله وكواكم الله يالاجيتو الكربله كربله كربله .... جفه صابوب..احزامه مضبوب هوّه الامعزب تعرفه ابشدت احزامه اجدورته اكبار..والطبخ حار والصواني امترّسه واجفوفه سهّامه معروف ابومحمد تره ومشهوده افعاله واغموسه من راس الجدر ميقدم افضاله خدّر كهوته أعله الجمر وايفورن ادلاله والياكل امن ايد الحسن يابخته هنياله   يبتسم لو رفت الرايه الحسينيه وتدمع اعيونه عله الماخوذه مسبيه باجر اتعود الحبايب والضعن يستقبله ياهله وكواكم الله يالاجيتو الكربله كربله كربله .... امونس الجو..يحسب إخطو الزاير ايسجلّه خطواته التعب بيهن فاتح البوب.. جنه يعكوب والمواكب عالجمر واكف يتانيهن اباب البقيع المجتبه كاتب اعذروني مغلق بقيعي وعالسبب يامن تسألوني لحسين اخوي اتوجهت اترسله ماعوني والله بجمال ازيارته تتونس اعيوني يدعي للشيعه ويكول الليله مولانه الله يرحم هالوجوه التعبت اويانه الحسن سورة عشكنه والحسين البسلمه ياهله وكواكم الله يالاجيتو الكربله كربله كربله ... ربع الاحسين..ترسو العين والحسن طيّن لحيته وشيب الابراسه جبده مسموم..لاكن اليوم الهواء اليمشي بالطف قبلّه وباسه ياجاسم اينادي إولدي لا مو وكت نومك لتخلي باجر اي بشر يتجّره وايلومك من كبرك اطلع يالولد كوم البس اهدومك خليهه تكشخ كربله وكشختهه برسومك   آنه شيخ وأطبخ الهالوادم ابطيبي وانته يالقاسم اريدك من معازيبي وادم وعدهم حوائج اقضي كوم المسأله ياهله وكواكم الله يالاجيتو الكربله كربله كربله ..... حاتم اشجان..حته للآن ينذكر صيته وحسنّه الغالي تنسونه اكرم الناس..ينكط احساس وكل جمال الله انخلق من رمشة اعيونه حاتم اذا ذابح فرس واموكل الوادم عدنه الحسن ذابح شمع وامضحي بالقاسم يبقه الحسن أكرم بشر اكرم بني هاشم ابفقه المضايف والكرم صار الحسن عالم اباب ابواليمه يعاين والدمع جاري اينادي زوار اخوّتي معناهه زواري يلله يالمشايه للطف خل نوجه البوصله ياهله وكواكم الله يالاجيتو الكربله كربله كربله .... اينادي عالخير..ماكو تقصير والله بيّضتو الوجه ياشيعه حياكم واعله الاقدام..انتو كل عام تعتنون الكربله والزهره ترعاكم حتى بمواكبكم فلاْ اتجرحون  احاسيسي موكب رقيه ابصفه موكب بإسم عريسي يالقدّسيتو احسين أخيّي مثل تقّديسي جاوين سلطانة علي ياعرش بلقيسي أنتظر زينب ترد واعيوني مشتاكه استعجلي إشويه وتعالي بأختي يالناكه إرد اداوي اجروح اختنه وافتحلهه السلسله ياهله وكواكم الله يالاجيتو كربله كربله كربله ... #اللهم_عجل_لوليك_الفرج #محمد_الجماسي

ليلة مولانا القاسم ابن الحسن عليهما السلام اسم القصيدة: نام الولد نام https://youtu.be/6EcGdD0MsfI?si=I_5aLWuoWr7BeCnt اداء الرداود | #سيف_العطواني كلمات الشاعر |#محمد_الجماسي مكساج_ ليث حازم توزيع_ علي خليل مونتاج وتنفيذ_ مصطفى الحميداوي غلاف_ نبأ الحيدري مخطوطة_ رقية فاضل • ليالي العشرة الاولى محرم الحرام 1448 هـ •■■ مجلس عزاء ■■ هيئة _عزاء الله_حسينية الامام الحسن ع • العراق - النجف الاشرف_ المشخاب #اللهم_ادمها #اللهم_عجّل_لوليك_الفرج

https://youtu.be/Dvgd9_KcBtw?si=m2lu3t7Qg1CW5UAd