الشاعر حاتم صبري الكاظمي

https://youtu.be/v8bHoE42HF0?si=uTIm-6GXctZyLHfC

غابت ورده منكم ... مو كامل ظعنكم يا خويه زينب صدري مشتاگ لرقيــّه ______ يــوم اربـعيـنه ... أختــه الحزينــه من السبي رجعت إله و شبگت ترابـه ويّه أغله ناسه ... ردتـــله راســــه شـلونـــك تگله يا حُسين و رَد جوابه حاچـاها نحره ... و زينب تنــظره حَد ما وِصل جرح الذي يوجع مصابه رديتـــوا لَـــيه ... و مـــاكو رقـــيّه گالتلــه يبن امي دفــنـــاها بخـرابـــه ماتت بالمُصيــبه ... هاي اصغر غَريبــه و من نحره الحسين اطلَعَت ونّــه خــفيّه _____ مِــن ودعــتها ... تبـــچي عِــفـتـها و بين العساكر و اني افكر بيها مِهـتَـم و بنـص قتالـي ... و هيـّه اعله بالي وگــفت تباوعلي عله اطراف المُخيـــم ما أدري بــنتي ... شــافـــت ذبحتـي من السيوف امگطع و غارگ مِنِ الدم بذيــج المــسيّه ... ركضـت عليّــه ؟ بخـيل اعوجيّــه شافِــته صدري تِهشّم الاب أحله حياته ... لو دلل بــناتـه و راح الدلال و طفلتي راحت سبيـــه ______ اتجاوب ونيــنه ... بدمعه حنينــه خويه بعد حرگ الخدر سلبوا أهلها سلاّب إجــاها ... يركــض وراهـــا مرعوبه نيران الخيم حرگت رِجلها الكل حـــاوطوها ... و من چتفوها بنتك رقــيه اخشن حبل خلّو حبلها صاحت بالونين ... الحگلي يحسين بعدك يبويه طفلتك ظل يا هو إلها شحچيلك عليها ... السوط شسوّه بيها چم مره شافت بعدك الطفله المنيه _____ نمشي بسـبـينه ... و راسك عليــنه ايدور عليها و عالرمح دمعك لگيــته لاگـتـها الالام ... بالكوفــه و الشــام خوفي عليها كل طريق الي مِشيــته بليلي و مصابه ... اگعدنه بخرابــه لـ بنتك رقيـّه جابوا الراس و مِنيتــه اسمعت بنحيبي ... شلونك حبيبي راسك يبـــويه منهو خضبله لحيتــه فوگ الراس أحسها ... لَنْ گطعـت نَفَسها و بدمعتي مَيــته شِـلتها بيـن اديــّه ______ لمّن شــلتها ... و من غَســلتها گلبي انكسر بين امي بدموعي شفتها أحمر جـفنها ... و أزرك مَـتـنها بالگوّه ويّه أبنــك علي بيدي ادفنـتــها بشــام الرزيــّه ... ظلّت رقــيّــه هـاي أغله ورده بعمرك هناكه عفتها صح هيّه فرگه ... بس بعده ملگه بگبرك واحس گلبك جمر من فارگتها هالليله طِفلتَك ... تحضنها بدمعتك محله الابو وي طفلته رجعوا سويّه الشاعر حاتم صبري الكاظمي

بحرگ الخيم يا كربله النوح ابتدينه من الســبي بالاربعــين اليــوم اجينه چنه العزيزات ... صرنه غــريبات _____ بِدَت رحلة دَمِعنــه بحــرگ الخيـام الدهر ما چنه ندري شضام ما ضام شافـت چــم جـرح بعدچ هالايتـام و آ يالشــام و الشِــفنـــاه بالـشــام والله زمن بيــت النـبي مچتفه بنـاته أكبر جـرح يا كـربـله جــرح الشــماته و بهالمعانات ... صرنه غريبات ______ مشينه بالسِكَك بالگــاع الانــظار أمس نار الخِــيم هسه الشتم نار حسين وبس نِخينه كربله شصار راســه ينضــرُب شِــفنا بالحجـار تالي الوكت تتصـدق الوادم عــليه و البارحه هُمّه الي سلبـوها رقيــه ويه الفاطميات ... صرنه غريبات ____ لـ عـلويات حيــدر سبــي مَــيلوگ و گدام الخَــلــگ سابيــنه عالنـوگ هذيـچ بحبل هذه بـرُگــبتـه طوگ شسوت بينه والله وَگفت السـوگ بنت الزچـيّــه صــارت فُرجــه لـ الـعـيـن عالتنضُرب بالسوط يبچي راس الحسين گالت الدمعات ... صرنه غريبات ______ يميل الگــلب مِن يتـمايـل الراس اسهام اعيــونهم ما تِرحَـم الناس الحَمِــد لله بُقـت بالعِـفــه أنفاس أمان ايطــش علينه راس عبـاس طول الرمـح عبــاس اشوف انه دمعته چم مره يسمـع شتمـو أهل الشام اخته والله حرامات ... صرنه غريبات _____ ارجَعِتلچ كربـله و ما هاد حنّــي و چم وحــده تــون لو زاد ونـي هذيچ اتنادي أخويه و هاي ابني أخذتي كربــله كل غــالي مــني مشتاگه لـ العبــاس اريد اشــتَم چفوفه و حسين مدري بلايه راسه راح اشوفه و احچيله كلمات ... صرنه غريبات ____ شلونك راح اگله و أشِـم عطــره و أرجع راسه بيدي فـوگ نـحره شحلاته من چنـت واگف أنظـره و هسه گبالي جسمه وذره وذره من گــتله مشــتاگه جــره بـگبره دمـوعه و عبدالله ميت شفته بس شابگ ضلوعه كلشي انتهه وفات ... صرنه غريبات الشاعر حاتم صبري الكاظمي

أنا الزائر ... طريق الجنّه شافَت روحي دربك أنا الزائر ... اتيــه بكلـشــي و يدلـينــي گلـبك سبيل العاشقين ... طريقك يا حسين _ ما تِحِدنِي المَسافه يوصلني الحنين أعتنـيلك يغــالي لَوَن أمشي ســنين رايه شايل عليهه كتــب دمع الونين ( الســـلامُ عليكَ حبيبي يا حُسين ) زايرك دمــعي كتـب بالمشي يحلَه التعب و الله ما عوف و لا يوم زيارة الاربعين امام الحب ... إذا عفتك عفت ديني و كتابه امام الحب ... تـــراب الجنّــه يالگبــرك ترابه مشيت بكل يقين ... طريقك يا حسين ____ جنة الله ضـريحك اجينه لحضرتك و الزياره تظل دوم شعيرة شيعـتك هالملايين بالدموع حبـــيبي نادتـك أبد و الله وله نعوف حسين ازيارتك و اليجي تستقبله بـ هلا زايــر كربله و عالمــناير نشـاهد تِـحيي رايــتك هلا بيكم ... عله اول خطوه صوب الغاضريه هلا بيكم ... تنادي فاطــمه الزهــره الزچيّـه ترافگنه بحنين ... طريقك يا حسين ______ ماكو راحه بمشـينه التعـب والله حِلَه هالـــوعد مــا نِـتركه و لا نِـــخلف إله شكراً حسـين أجينه و وصــلنه كربله ندري من گبرك اتصيح هلا ومية هله مــوكب بأسم النبي شايل جروح السبي بالمدامع و الجروح أجت هالقـافله نناديها ... نواسيچ ابمشينه بالعقيله نناديها ... حُسين الحُب يظل أعظم وسيله و ابو فاضل معين ... طريقك يا حسين _______ يا بو الاكبر مشـــينه بدمعنه انخَـبِرك هاي الارواح و الگلوب نِـفدِّي منحرك كل سنه من توفــقه و يــزورك زايرك گبال بابـــك ينـــادي حبيــبي اشكرك يصيح بين الحـــرمين أنته كل عمري حسين أربعينك دمعتي و حـــسرتي عاشرك فلا أنسه ... و اذا انسه إذن الله نساني فلا أنسه ... دمائك سيدي طيلة زمـاني طريق العاشقين ... طريقك يا حسين ____ يا حــلاهه وگفـتي علىٰ بابك صـحت ايزيد حــبّك حبيـبي لون طال الوكت الغالي اعوفه بحياتي الزياره ما عفت روحي يحسين تجيلك إذا اني مـتـت ما أعـــوف امواعدك بروحي يبقه مـرقدك و بدمائي اعله دفتر محبتك وقعــت و الزياره ... طقوس الواجبه و الزينبـيه و الزياره ... غداً لو متنه يحسين الهويه ثبتنه و ثابتين ... طريقك يا حسين الشاعر حاتم صبري الكاظمي

https://youtu.be/4QFbh5Xx7_k?si=DRdkqeUaxbbzjxt1

هذا عهدنا مع الزهراء عليها السلام في كل اربيعينة الارواح .. الدماء .. المال .. لكَ الفداء يا أبا عبد الله قصيدة | #اعظم_نعمة | الرادود | #علي_سعيد_الوائلي | الشاعر | #حاتم_صبري_الكاظمي | __________ #الاربعين #كربلاء_المقدسة https://www.instagram.com/reel/DbJQVaZIDX9/?igsh=MWtwazU3cGhqNm5rNw==

قانون السماء .. يمنع سبـي العلويه قانون السماء .. ما بي سلِب ترچيّه بيا شــرع يا مِلّه تـلــگوها بت رسول الباري يسبوها _______ راجع الأديان ... انجيل لو قرأن شوف و استكشف عله الصار الروايات شوف مرويّه ... انسِبَتْ علويّـه هذه يا ديـن الرضه بـ سبـي الأميرات شعجب مو عَرَب محسوبه عليكم تـِچِـتـفــون العـقــايـل بـت نبـيكم يا عالم حرام ... مـچـتوفـه إيـد القــرأن يا عالم حرام ... من زلمه يسلِب نسوان الـ ما رضاها الله رضيتوها بـت رسول الباري يسـبوها _______ الـ عالنسه طُغمه ... هذه مو زلمه بوجـه سِتر الله زحمه يرفع ايــده ما حِوَه غِيره ... اليضرُب ازغيره تصير وِليَه اعليها لو ظلت وحيده مُـنَـظّـمة الطــفوله اتجرُّم الحال ؟ چِفوف الياسمين امچتفه بحبال بمحكمة الحجاب ... لمن يعرضون اسماء بمحكمة الحجاب ... ألقاضي بيها الزهراء بيا ذنب تِـسـأل يـچتفوها بت رسول الباري يسبوها ______ الدين ما يقـبَل ... بت علي تِـنــذَلْ هوّه كافي زينب انشافت بالعـيون صارت بيا يوم ... رحمة القـيوم بكل بنات النبـي مسبيات يمــشون (خمسْ اسنين) اجاها الـ ماله كل دين جَر منـها التـــراچــي بنــت الحــسـين ما عنده ضمير ... منه الشرف راح و مات ما عنده ضمير ... اليضرُب مَتِــن علويات الأَسمَه مِنْ مـريم يعرفوها بـتْ رسول الباري يسبوها _______ النــوم بالهــيمه ... ماكــو أي خيمه خَدْ رقــيه اوسادِته صارت مِنِ اتراب ولَو ماكو نوم ... الشمر بس يحوم و لو غُـفَوَو من الحبل جَراها الرگاب و يم زينــب شماته ايسَـمِع الناس هاي اختــه الذي ايسمونه عبـاس و شما تبچي عين ... يضحك عديم احساسه و شما تبچي عين ... يضـرُب لـ اخـوها راسه ايگله هــاي الي تِـحبـوها بت رسول الباري يسبوها _______ من حقوق الغير ... أن يعيش بخير و ذبحوا الخير بسبي الحره العقيله كلشي منها راح ... بولية الذبــاح حتى راس حـسين صـعبه تشتكيله تگلّه دمعـتك و يگلها ونـچ تگله منحرك و يگلها متنچ غيرني الزمان ... حته اهلي ما عرفوني غيرني الزمان ... بالمجــلس ايوگفـوني وسفه اخت عباس شافوها بت رســول الباري يـسبوها الشاعر حاتم صبري الكاظمي

بدمه الفده الدين ... ميعوفه الحسين هيهات لا ما ينساه ... اليستشهد بحب مولاه لكل دمعه بالعين ... ميعوفه الحسين _______ حُـب الشهامه اول درس مر بينه واعله العقــيده الصادقه ايدلينــه واحــدنه بيـــضه بخدمــته چفينه عاش العمر بس الحسين بعيــنه شيسوي بالغيــر ... و حسين أبو الخير شيريد من خيره انطاه اليستشهد بحب مولاه لكل دمعه بالعين ... ميعوفه الحسين _______ الأنسان ما يبـحَث عليه الجاهيّــه حسـينيك يدوّر ياهو أصدَق نيـــّه صيـــت الغنه و أسمائــنه وقتيــّه ترفعك فقط دمعه عله المسـبيّه اليخدِم بلا صوت ... ويه حسين ميموت ما دوّر أمـــــوال و جاه اليستشهد بحب مولاه لكل دمعه بالعين ... ميعوفه الحسين ____ الخِــدام كون الدنـيا ما تِشغلُهم ميلوگ والله بس الحسين إلهُم العافوا حسين و بالأمس دللهُم لو ما قِــبـــــلهُم الله ما يقبَــلهُم أعظم شهامه ... اليرضي إمامــه الله يحــشــره ويــــــاه اليستشهد بحب مولاه لكل دمعه بالعين ... ميعوفه الحسين _____ صـح فقره بس مثــال الرِفعــه أغنـانه الله حـسين صرنه رَبعه لو مات خادم چان عالطف ينعه الآلاف تطلع وره نعشه اتشيعه هالمكرمه هاي ... من سيد الماي الله يطـــيّــب مَـــثــواه اليستشهد بحب مولاه لكل دمعه بالعين ... ميعوفه الحسين ____ مبخوت بالخدمه اليخلّص عمره لو مات بالآخِره أجـــــره شكبره چم خادم إختارته انحس الزهره هنياله يم حســـين حفروا گبره لو دِفـنته الناس ... اتلگا العـباس بحضنه الحسين اتلگاه اليستشهد بحب مولاه لكل دمعه بالعين ... ميعوفه الحسين حاتم صبري الكاظمي

أزورَك مِنْ علىٰ الناگه إخِتْ و بغُربه مشتاگه..بهالأحساس بسَلام و دَمـعه وياهه زيــــارَة وارث اقراهه..عله الـراس ____ توجهت وصحت وبشـيب الجــروح ســـــلام الـلـه يــوارث آدم و نـــوح سِمَعت بزينـب اختك بالسبي اتروح إجيـت ويــاي بــس بـراس مــذبوح تُوَضـيت بشَـفَـقْ نورك انه أول زايره اتــزورك..عالــرمــاح بإسم كل غالي فوگاهه زيــــارة وارث اقــراهه..عله الراس _____ ( لَقَد عَظُمَت ) يبو اليمه الرزايه ( لَقَد جَـلَّت ) بِأَن نِطــلَع ســبايه بعد عــينــك مــشيت بلا حمايه و لَو راسك أشوفه بعيني رايــه علـيك شمـا نَـظَر يربـي الرمح بي أنته لو گـلبي...يغــالي يشايل كل حِسِـن طــه زيــــارة وارث اقــراهه..عله الراس _____ سلام جروحي ليك الگلب ما ناح يما مرتــاح بــس الـعـَـدو مــرتاح قـــريت الكَـهَــف يا قُرآن الجراح أول مــرّه اشـوفــك فوگ الرماح سلام الله عله جروحك يشايل زينــب ابروحك..والعــــيون شفــتني أبچـي! معناهه؟ زيــــارة وارث اقـــراهـه..عله الراس _____ اوْرَثِـتْ داوود بــس لـ الأن ألِمحَك شعجب ما لان جوّه الراس رُمحك يَوجـه الخــير بالـدَم غابْ صُبحَـك و گلــبي صار خـويه بلون جَرحـك وكـت خَــلاّك تاليّـــه ذبيــح و أنه مسبــيّه...و غريــبه أنه الـ بس ظيم راواها زيــــارة وارث اقـــراهـه..عله الراس ___ يوارث موسى كَلّم جرحي و تشوف وَلَو عيــنك رَمـُـل بيــها من الطفوف الرمــح مَگـدر ألوحه زرگه الچـفوف و چَفْ العـافيــه بالحَـبِـل مچتــوف حِچتـلك حالتي دموعي الشمر بالرمح لضــلوعي...كســـرهه الگلب رَغمـــاً علىٰ آهـه زيــــارة وارث اقــراهـه..عله الراس ______ (قَصَدْتُ حَرَمَــكْ) أَحرِم بالدمــوع و إنتــه (حَرَمَكْ) عالـرمــح مرفوع گــوَّه من الرمــح گالــولي منــزوع أحضنَك ردت بس ما عندك ضلوع وگفــنه و إنته جابــولي حِضنتك و انكسَر طولي..يظَـهري جَبِهتك أمسح ادماهه زيــــارة وارث اقراهه..عله الراس ______ شمــسوين بيـــك و عاينـيتَــك امْتَـرْبَه و يابِـس الدَم بـ لِحيتَك مَحــفــور النــحــر لا ما دِريتَك الرمُح خُطارك و فاتحله بيتــَك وگلتلي امغـيره اعيــونچ يزينــب بالسبي شلــونچ...يخـــويه گلــتلـك من بدينــاهه زيــــارة وارث اقراهه..عله الراس _______ بخـرابــه من تلاگـــينه ســويه وين امشي تعايِن بــس علـــيّه تگلي و أمسـح بشيـــبك بديـه اجه موعــد لقــائي وي رقيّــه التقيتو الشَبْگه بالشَبْگه شحـلات الأبــو بالمـلگه...اويه بِنْـتَـه أمس گالت سمعـناهه زيــــارة وارث اقراهه..عله الراس ____ الشاعر حاتم صبري الكاظمي

الأمام الصادق يخاطب الأمام المهدي سلام الله عليهم : شلونك و الشــلونك عايشه وياي نفت مني رقـــادي غيـبتك مولاي گلبي اعليك حته لو شربت الماي أنه ذاك اليتاني و كاض خاصرته ___ مثل دمعك غريبه دمعتي الحمره مته نــگعد ســويه و نبچي بالعبره على السحگته الخيل وطشرت صدره أنه ذاك الي چتفوا بالسبي عمته ___ شصــبر سيـــدي و الينتـظر يتعب تعال وياي نمــشي لكربله و ننحب ونسولف هيچ ضربوا عمتــي زينب ورضيع بلايه راس بچفها شايلته ___ ونگعد بالمخــــيم نثغب اعله الصار هنا ركضت رقيه وطاحت اعله النار يسطــروها اذا صـــوب الرمح تندار گلبي بغيبـــتك يالمهـــدي شــيبته ___ امشينـــه نروح بون يشَـــيب الراس نوكف عالشــريعه ابخنگت الانفاس اريدك كــــون تنعالي عله العباس هذاك الـ بالأخوّه شمحله سالفــته حاتم صبري الكاظمي

لا سكوت .. طول السبي يحچي الجرح كون اموت .. و ثــنينه فـــوگ الــرمـــح _____ اوياك ضميت السـوالف بـ ألف بـير ما شِفِـت من يوم ذبحك خويه خير يا بو رمح العالي حَبْل ايدي گصـير وحگ شِــيبَك جرح خوتـنه چــبيـر كون اعيش .. ويّـــاك انه قصــة الذبـــح كون اموت .. و ثــنيـنه فـوگ الــرمـــح ______ تدري چم مرّه ارد امـوت بهالشــهر لفرگتــك من لـيــلة الحــادي عَشر الرمـح لو عنــده يبــو الأكـــبر ظَهَر چــان من اسْوالفــي اويــاك انكسَر بدمعي باب .. بـس لـ مصــابك ينفتِــح كون اموت .. و ثــنينه فـوگ الــرمـــح _______ هواي بـچتــني رقــــيـــه شلــون هاي مدري شنهو بچفها اجت تركض وراي رغـم عطـــشــانه و تنــــاديك ابگـفاي بويه عوف الرمــح و اشرب بيدي ماي من الفرات .. ضمـــيته من خلّو يِشِح كون اموت .. و ثــنينه فـوگ الــرمـــح ________ رمل حار و شوك مَتروسه الأرُض خَلصــتها عله اعيــالك بس رَكُض الرمح ظل يهتَز عليّــه و ينتــفُـض لَمَن شــاف الســوط بمتوني يرُض شرد اگول ... و مْصابي لا ما ينشِرِح كون اموت .. و ثــنينه فـوگ الــرمـــح ________ الدنيا و الكوفه بهضمـتي تِـشْـتِـرِكْ و ناسـها متــحــبنه أجــزم ما أشِــكْ الشـــام گالـــوا ذيج ظلـــيت ارتبكْ هناك نلگـه شَتِم و طبول و ضِحِكْ هنـاكه نار ... من گلـبي لا ما تنمِسِح كون اموت .. و ثــنينه فـوگ الــرمـــح _____ صوتي مبحوح وخِفَتْ من الونيــن و كِثُر ما عالتَّل صِحِتـلك يا حسين من أجيك الشـمر : زينب گلّي وين من البچي اعليكم بعد ما عندي عين عندي ليل ... من فرگتك صار الصبح كون اموت .. و ثــنينه فـوگ الــرمـــح _____ راح اطب الشـــام واستقبل رذيل و ما أخلي يشوفني تعبـــانه حيـل بقصره بلساني و كلمتي عنها قيل ؟ هاي زينب تحچي لو هذه الكفيل بـ إنتصار .. قَصره و غـروره أكتِسِـح كون اموت .. و ثــنينه فـوگ الــرمـــح الشاعر حاتم صبري الكاظمي

بصحراء نطوف .. بعيونك شــوف .. يا طـــه خدرك مچتوف .. فاگــدله چفوف .. يا طـــه و بيــا الالام ... متانينه الشام يا طه _____ يمن صلّى علـــيك الله ... و ملائــكتــه تجي اطـوفه بناتك بالصحاري جروح ... اعله نوگ الهزله مچتوفه وجوه من الشمس ذابت ... لـ عيون الذلّــه مكشوفه شيتانينه بعد بالشــام ... مو كــافي سـبي الكـــوفه بگلب المحروگ .. و چف المشبوگ .. ممشاها حيف اعله النوگ .. من سوگ لسوگ .. ممشاها يا جفــن اينـــام ... متانــينه الشام يا طه ____ حلم رافگــني بس واقــع ... عله عيـــوني السبي كابوس الحُسين انداس بالحافر ... و انه بروحي الشماته ادوس أنه الشجرة الـ عله ايتامي ... و عَلَيْ عين العساكر فوس اطيح من الهزيله لو ... وگعلي واحد من الروس تشتمني الناس ... بعين الاحساس ... مبچاها تعاتــب يا راس ... لراس العـــباس ... مبچاها ما ادري شضام .. متانيــنه الشام يا طه ____ سبينـه ( ما رأتهُ ) عين ... غصب بي من طلعنه اليوم وسِــف خــدَّر بــني طه ... انسِبَت مثل الترك و الروم اطأطأ راسي مو بيدي ... فـــرحــانه بدمـعـنــه الگوم رمل حار و سياط تحوم ... يجدي من ضريحك گــوم بگيــد الجلاّد ... زينـــب تنگـاد ... ترضاها والگيد الحاد ... بعُنُق السجاد ... ترضاها أنهض ما دام ... متانينه الشام يا طه _____ اكابر عالجـــرح و اصبر ... اكل گلبي الهضُم و الحر منو ايمد أيده من رمحه ... اذا شافــوني من اعــــثر من العريس ارد رملــه ... اعله راسه اعله الرمح تفتر و أسمع ليــله يم راسه ... تگلّــي انزلّــي يالاكـــبر يا عمري الراح ... شــالوا برمــاح ... خـــلاها الأم ما تـــرتاح ... مكسوره جناح ... خـــلاها تِنَخــه و ما گام ... متانينه الشام يا طه _____ الحياة بلا أخو هيمه ... سراب سنيني من بعده سوه اتربـيـنه و اكبرنه ... بدلال الـ ماكو من عنده الزمن فرقنـه بارض الطف ... يجدي العايشه بسِدّه و اجه بس برمح راسه ... و جماله راح من خدّه بشيبه الدم صار ... و تراب الحار ... بعيونه و شــما احـــتار ... لزينــب يندار ... بعيونه فوگاي خيام ... متانينه الشام يا طه _____ شيتانينـه بعد أكثـــر ... من عنـــده الدهر شيريد مـو كافـــي ربيــباتك ... يُرض منها الحبل چم أيد ايتلگونه بضحك و طبول ... شنو بالشام صاير عيد عجيبه البيدها المُصحف ... مچتوفــه تِطُب ليزيـد شگد فرحانين ... الما عدهم دين ... شتموها يطلبونه بدين ؟ ... و براس حسين ... شتموها بعيون سهام ... متانينه الشام يا طه الشاعر حاتم صبري الكاظمي

قصيدة السيدة ام البنين عليها السلام: تاهَت روحي من دونك مشتــاگه حچي عيونك گـلبي يــســأل شــلونك...يمذبوح ______ بالروح ... مرسوم ... لو مـدري أوهــام مذبوح ... مسلوب ... مسحوگ العظام أسولف أنه و جروحي ... يا حيلي و بلا حيل يگــلي كل جــرح بيّـه…

قصيدة نزلة ليلة الانصار ( يحبيب بن مظاهر) الرادود الحاج #باسم_الكربلائي الشاعر #حاتم_صبري_الكاظمي ___ ليلة 6 محرم الحرام #محرم1448 حسينية ام الحسن الفاو - #البصرة https://www.instagram.com/reel/DZ7wTPUI9m4/?igsh=MXg2ZHE2dTA2ZTkxNA==

https://youtu.be/Hj4l9WG0kNA?si=hPdJ2hUX0x3ohRq0

قصيدة : إنا علىٰ دين الحسن الرادود : #علي_سعيد_الوائلي @ali_saeed_alwaeli الشاعر : #حاتم_صبري_الكاظمي @hatam.s.k مجلس عزاء حسينية الشكرجي #كربلاء_المقدسة #محرم1448 https://youtu.be/hStz4HKyEJ4?si=rQNaAiviF6YLRa_7 https://www.instagram.com/reel/DZw9vDSI5x_/?igsh=Zm53Z2x6YzYwY2p2

قلبين ظلينا… هي تناديه كأبٍ غاب، وهي تواسيها بقلبٍ مكسور. وبين الوجع والصبر… بقى الفقد واحد. [ گلبين ظلينا ] ‏أداء وألحان ⁧ #حسين_فيصل ‏للشاعر ⁧ #حاتم_صبري_الكاظمي . من إصدار قصة الحسين #محرم1448 https://www.instagram.com/reel/DZmh4xKoacy/?igsh=MWozaGtmb2xidDZ1OA==

عرّيــس الورد دَمّك حَنّه چَفّك..يالمَيّت و زِفّك..عريس الورد مو إنتــه تِــرِد يمبچي خواتــك..مِتــغيره حلاتك..مو إنته تِرِد ___ دَللتَـك عـمُر...واعله الصبُر...نُص گلبي احِفّك رِمشيني أمَد...وَكـــت البَرِد...بضـلوعي ألفَّـك أمك بيك أهِم...تكبـــر حلم...و تحنـّي چفّـك أمنـية النفِس...بـ أحله عرِس...يوليـدي ازفّك أفرح و انسعِد واتردلي دَلالك..من فدوه لجمالك..أفرح و انسعِد مو إنتــه تِــرِد يمبَچي خواتــك..مِتــغيرَه حـلاتك..مو إنته تِرِد ___ يا ريـــع التـعب...چنك ذَهـب...يا كل حلالي قَمَري وَجنـــتك...وبضحكتك...حلوه الليالي شمـيتــــك هوه...أجمل ضوه...بعــيني يلالي من بعد الحسن...وبهالزمن...بس انته غالي طبعاً تنحسِد نسوان الهواشم..العدها مثلي جاسم..طبعاً تنحسِد مو إنتــه تِــرِد يمبچي خواتــك..مِتــغيره حلاتك..مو إنته تِرِد ___ ضَمَّـــيـــتَك ذُخُر...يــوم الكـبُر...لو شَحْ نَصيبي تِسع اشهُر شِلِت...أمْ و گلِـــت...تَـعــبَك طَبيبي الأُم دون الإبــــن...لمَّــن تِحِـن...تعرُف نَحيــبي ربيــتك عشـــگ...يبني و صدگ...يسوه حلــيبي يا شــيخ الولِد من هسه ارد احشمك...بالطف افدي عمك..يا شيخ الولد مو إنتــه تِــرِد يمبَچي خواتــك..مِتــغيرَه حـلاتك..مو إنته تِرِد _______ وصاني الحسن...يوصل ظعن...أهل الشهامه لو طــب كربله...وحسين اله...ايلبسه العِمامه گــــلّه والـــدي...يا سيـــــدي...يبلـغك سلامــه يوصي قاسمَك...بمخيــــمك...ايزفــوا عَمامــه اوگــفلَه عبِـد يالتشبَه عضيده .. بس اتأشر ايده..اوگفله عبِد مو إنتــه تِــرِد يمبچي خواتــك..مِتــغيره حلاتك..مو إنته تِرِد ___ حسين برگــبتك...و بذمتـــك...لو مـــالـــه أحد يا بعـد الگـــــلب...خل عالتُرب...يتـــوسد الخَد جاسم بالدمــــه...و لفــــاطمه...متـــحني تصعد يبنـــي احنه فِـــده...بيــت الهُــده...آلُ مُـحمـد بالخيمه أصِـد عمــاته الثواكل...ايزفوا بالهلاهِـل...بالخيمه أصِد مو إنتــه تِــرِد يمبَچي خواتــك..مِتــغيرَه حـلاتك..مو إنته تِرِد _______ الشاعر حاتم صبري الكاظمي

خوَّتنــه تصيح ... اوگف لا تطيح بالگوّه مشـيت ... تدفع بيه ريـح ما چنّي الحسين الروح صاحت مو عــباس كلها الخــوّه طاحت ______ أمشي و أعثر و اوگع ... بدت روحي احس تطلع مِــن نـاده حُســين ما ادري شنــو البــيّه ... گـوّه تمــشي رجــليّه و دربي مدري وين انظر من بعيد ... شو ما عنــده أيد گتله لا تطــيح ... شلون ابقه وِحيد جيته من الخيام ... نــــاداني ســلام واگف حَسبيت ؟... امتَچي اعله السهام تركُض لِيه حته عيـــوني راحت مو عــباس كلها الخــوّه طاحت ______ طِلَعت الخيمه نُص حيلي ... گلت يا زينب ادعيلي ينطيني الله حيل شو صـيحِاتَـه من گلبه ... براسه خاف اكو ضربه آحّــا يالكـــفـــيل اليِذْكُر مِن نِسوك .. الشايل عـطر ابوك يصيـح اعله النهر .. ألحگ طاح أخوك طِحْت اعله الحِنين ... شـو ما عـنده عين گعدت و ليّه صاح ... ( هَلْ أَنتَ الحُسين ) يبعد اهلي نَعَم و الروح ناحت مو عباس كلها الخــوّه طاحت _____ دخيلك يا علي بويه ... حِضنته و صحت يا خويه شمـــسـوين بيك راسك مِنهِـشِـم كلّه ... مُردت عينك النبله مَگطوعات اديك كلشي بروحي ناح ... صخره و حيلي طاح بخاصِـرتك يخوي ... شمــســويه الرمـــاح ما ظل عندي صوت ... راح احچي سكوت شستـــحمـــل وراك ... عـــباس ارد امـوت الخــيمه و دنيــتــي ويايه مالت مو عــباس كلها الخــوّه طاحت ____ أشوف بواهِسك تبچي ... ما تگدر و لا تحـچـي يبــعد عيــوني گول زينـــب خلها تـعذرني ... اذا ما راضــيـــه عـني تـعاتـــبني البـــتول گِلتـلك يا هَــواي ... شتِعذَرك يا رجاي تريدك بـس تگوم ... بعـــد مَتــريد ماي يحاچيي لنّه حَسْ ... حِزن وجها انترَسْ سِكـت لَنْ الأخــو ... انگـطع منّه النَفَسْ لطم راسه الحسين و روحه نادت مو عــباس كلها الخــوّه طاحت ______ يروح و يوگف و يرجَع ... بلكت بي نِفَس يسمَع عساه ايرد يعيــش حچه ويمشي علىٰ كيفه... و يتــوچه علىٰ سيفه اظل وحيدي ليش ؟ شيســـوي بالحياة ... و ضماير شامتات يصيحَن من بعيد ... أخو عبـــاس مات اجه و زينــب وراه ... يگلـها ما يجيچ باخير انفاسه مات ... بقه يسلم عليچ عمود الخيمه طاح و هيّه گالت مو عــباس كلها الخــوّه طاحت الشاعر حاتم صبري الكاظمي

قصيدة لمسلم بن عقيل سلام الله عليه : أجمل واحد بين الناس شال السيف ... چنّه نبي إبراهيـــم و بيده الفاس صاح الموت ... چنّه نبي الكوفــه تِشهَد لمُسلِمها و النعــم أَسَــد هاشِمـها سلام الله عليه ____ مُطــهَّر و مَـنبَـتَه طـاهِر الحرُب تسمي أبو طاهر صــديق أبو فاضل صـاير ... غيره ما يقبل يدرونه ليش ايظل غالِب عَمّــه عليْ ابن أبو طالِب التاريخ اله فــارِس كاتِـب ... طرازه الأول أسد الساده المغوار ... فوگ الگاع ... يمشي نهر قمر الطـــف العباس ... بالكـوفــــه ... هوه قمــر شگد ابعيد من العين و گاعد بعيون حـسين بَطَل بعُمْر الخَـمسين .. بس لو صال .. خمسة عشر صــاحوا إلحـگ يبن ازياد ... واحد عاد ... وجها وَلي مو مُسلم أبو راس الحار ... يا ســتــار ... هذه علي روحــه حيـدر امعلمها و النعم أسد هاشمـها سلام الله عليه ____ جميل احسّه ايصير اجمَل لحســـين إذا مسـلم يزعَل گالـــوله بايـــــع ما يقـبـــل ... ما يبيــع ديـــنه صاح و نِـطه الخانوا ظهره يا زمـــرة أم رايــه الحمره الله اشـترا لـ ابـنِ الزهره ... واحنه شـاريــنه يا عُــبـــــاد الدينـــــار ... ضـوگوا النار ... سيفي زعَل سيفي فاس ابراهيـم ... بالتحــطيـــم ... و انتو هُبَل صح وحدي وانتو هواي بــس أبو فـــاضــل وياي الموت البي حُب مـولاي ... أي والله ... چنه عَـسَل والفـاني بطاعـــة مولاه ... عاف الجاه ... عنده فرُق مُسلم دلاّنه الحُب وين ... گال حسين ... حُبّـه رزُق و طــوعه نــادته مِنْ يمها و النعــم أســد هاشمـها سلام الله عليه ______ قـــرأن نـاطــــق و الفارِق لحســينه سـوّاه الخــالِق نعم ( هوَ السَيْفُ الناطِق ) ... بيــد أبو الأكبر گله اهجِــم بمَـرَضـي أني شِد ظهرك و عندك هاني چــا لو وِصَـــلّه الهَمَداني ... اعليه منو يگدر مسلم لوحة إعجاز ... و الإنــــجــاز ... طبعه كَـلِفْ اثلثمية فارس راح ... اليشرد صاح ... وحده بألفْ جيش الكـــــوفه الجـــرار بواحـــد صـــــاروا طــشّار هذه ابن اخو حامي الجار...صلب الأيد..گلبه تَرِف مو شــــيعة علي لا غلطان..بني سفيان..همه أصل همهّ الگطعوا نحر حسين..البيهم زين..ديــنه قَتِل يفــضَــح الي فاسِد دمها و النعــم أســد هاشمـها سلام الله عليه ______ علــمنه بالدنـــيه غرامه اليستشهد بطاعة اِمامه يوم الحشـر ماكو ندامه... الله بي ايبــارك لحسين التشيله الغيره باچر يحصِّــل من خيره اليبچي عليه لا مو غيره... ينحشُر ضاحِك غربـــيـل الدنيــه يدور .. و بعاشور .. قلّه هَلَه الما يلزم ثوب حسين .. باچر وين .. منهو اله تمــشي بدرب الشيطان لو تمشي اويه العطشان حسين بگلبه اكو مچان...خوش انسان..سِعره غِله افــلان الدوّر مُلــك الرَي ... أخِر شي ... عُمره ذِبَح امدلل بحسين الي رِضاه ... و بدنياه ... كلشي ربَح و مســلم بشرف يختمها و النعــم أســد هاشمـها سلام الله عليه ____ امچتف خَذوا بس اشكبره بعينه القصـر صار شصغره لـ البـــاري مـــن سلّم أمره... وبگلب دامي بسطح القصر صحت شلونك لـ الغـــربه رايــــــح بظعــونك حسين السلام اعله عيـــونك... أيها الظامي يا سر الله المكنون...بس يردون...موتك الك يذبحونك يا مظلوم...هاي الگوم...تسبي هَلَك و شمروا و الظالم گال جسمه ايجــروا بحبال مـسلم بس رغم الحال...دمه السال...چنّه مَلَك مات اعله حسين ومحروگ...للمعشوگ...منه گلُب مسلم عهــده العاش وياه..حب مولاه...ينسه صعُب هيچي لـ الخَـــدم فَهمها و النعــم أســد هاشمـها سلام الله عليه الشاعر حاتم صبري الكاظمي