الشاعر حيدر بشار الدراجي

(لشهادة مولاي الامام الرضا) للرضا الليله العزيه ودمعة العين نواسي مهدينه ابرحيله وام الحسين ــــــــــــــــــــــــــــــــ طوس هالليله حزينه وحزنت وياها المدينه صوتهن واضح حنينه اينوحن اليوم الغريب والرضا امصابه فجعنه وماغِله لـجـلـه دمِعنـه وللحـزن رايـه رِفعنه يـاجـرحنه الما يطيب الليله مجلسنه نحسبه بيت الاحزان عالگضه مسموم نصرخ اه يسلطان هالمصاب ابكل موالي خله نيشان لجل ابو محمد حضرنه يالموالين نواسي مهدينه ابرحيله وام الحسين ــــــــــــــــــــــــــــــــ امنية اهل الحـمـيـه انـقيم ياريت العزيه ابصحن ابو محمد سويه ونعتني لزيارته گلوب كل هاي الغياره كلها تتمننه الــزیـاره وتصرخ ابهاي العباره كلنه شوگ الحضرته وكون نـبـنـيله مواكب طول الادروب جمره ماتطفه المصابه تچوي الاگلوب بينه حـزن اگلوب چـنه حـزن يعگوب نبني من اجله المواكب والصواوين نواسي مهدينه ابرحيله وام الحسين ــــــــــــــــــــــــــــــــ فاطمه تهمل دمعها امصاب ابو محمد فجعها سم ابنها احـنه ضلعها شـبعت الزهـره عذاب الزهره آذوها ابــولدها والرضا يـومـه ضهدها الليله تلطم على خدها وتذرف ادموع المصاب انعزي هاليله الزچيه ابشمس الاشموس عالرضا الشفنه ابحضرته اتطيب الأنفوس واحنه من نوصل عتبته انشمها وانبوس عاشقين الهل ثنيه مو مغالين نواسي مهدينه ابرحيله وام الحسين ــــــــــــــــــــــــــــــــ نـعتني القم بــالمصيبه ونقره يم اخته الغريبه ويعتلي الناعي نحيبه عالرؤف ومحنته وبصحن معصومه ننحب والگلب نـيــــرانه تـلـهـب والدمع من حــگه لوصب من دمع لمصيبته ماتت وماوصلت الثامن العتره ظلت الشوفة اخيها بيها حسره ابقم اجاها الموت ويلي وحان أمره ابغربه وافتهة المنيه وبیها جرحین نواسي مهدينه ابرحيله وام الحسين ــــــــــــــــــــــــــــــــ نواسي مهدينه ابمصابه ونندعي يخلص عذابه طول اعلينه ابغيابه والفرج كلش قريب يحضر المجلس نشوفه ونعتني انقبل اچفوفه وينظر ابعينه العطوفه الخادمه الشابع نحيب ويذكر اشگال الرضا ابذيچ الوصيه انـتــــحب يابن شبيب اعله الرزيـه مات عطشان الغريب ابــن الزچيه ابگلبه دوم الغاضريه وثگل الاونین نواسي مهدينه ابرحيله وام الحسين ــــــــــــــــــــــــــــــــ حيدر بشار الدراجي

(لشهادة الرسول) من اربعين احـسين الحظرة علي ناوين نمشي بدموع العين بمصاب النبي ~ يـالله يالخدام شدوها حِـــزمكم وابد لايبرد على الخدمه عزمكم للنجف گومو ولاتــضعف هممكم ويم ولد حيدر انصبوها خيمكم امشونه يـــاخدام خل نرفع الإعلام خل نلطم اعله الهام بمصاب النبي ~ نصبو خيمات العزه السيد البريه للنبي خــلو الاعلام ابــــكل ثنيه اليوم بـــالدمعه نودع الغاضريه ونتجه لرض الغري هاي المسـيه وبـمــــرقد الكرار نلطم ازغار اكبار عالزهره وحشه الدار بمصاب النبي ~ لاتشدون البيارغ يالموالين باچر الزوار توصل بالملاين بين ماشي وبين موكب صيرو نصين ابد لتقصرون بزيارة ابو حسين من مرقد المذبـــوح ناخذ حزن واجروح الوادي السلام انروح بمصاب النبي ~ كالسعي بين الصفا والمروه نسعه بعده موسمنه وبعد بالعين دمعه گبــر ابو السجــاد باللوعه نودعه ونگصد الحيدر علي ويم كبره ننعه فاكد اعز انــسان صار الاخوه دفان واضلمت الاكوان بمصاب النبي ~ ابشارع الطوسي اشحلاها هالعزائات والطبخ بي نكهه ويشافي الجراحات ردة اهل النـــجـف نحـــسبها مناجاة وصحن حيدر حايره ابوصفه العبارات بشباجه كلنه انطوف خطار اله واضيوف ونبچي بدمع مذروف بمصاب النبي ~ علي من انـزوره چـــن زرنه محمد غير ابن عمه اووصيه وكلهه تشهد لازم نزوره ومدامعنه عله الــــخـد مثل مازرنه الحسين بثوب الاسود مشايه نمشي اليوم وانواسي المعصوم حيل النجف مهدوم بمصاب النبي ... حيدر بشار الدراجي

‏مقطع صوتي من حيدر بشار الدراجي

ولاساعه الفرح روحي يمرهه لاهب  وابد مايطفه يمرهه الدنيا اخلاف ابو القاسم يمرها وعگب عينه تمنيت المنيه ... حيدر بشار الدراجي

اليوم آيات الكتاب اتـيتـــمت وچنها اركان الهدايه اتهدمت ــــــــــــــــــــــــــــــــ ابلا وحي جبريل ينزل بالبكاء للنبي ويقراله آيــات الرثــــــاء والملائك فوگ تلطم بــالسماء الأنس والجن على امصابه اتألمت ــــــــــــــــــــــــــــــــ يـطبگ الصفحات هاليــــوم الكتاب الچان اله سلوه رحل ياوسفه غاب والسور مكسوره تـنـــــعه هالمصاب بصوت الاحزان الثگيله اتــــــكلمت ــــــــــــــــــــــــــــــــ يــامحمد يـصرخ اليــــوم الأمير علي بعد المصطفى يصبح كسير هذا حال الأخو لو مات الچــبير من الدمع والـنـايبه عيونه عمت ــــــــــــــــــــــــــــــــ الليله ابو الزهراء محــــــرابه نعاه اشتاگت الترتيله وانفاسه الصلاه كل ركــــن للدين هالليــلــه رثــــاه وماصحــــت دنيـــانه بالهم غيمت ــــــــــــــــــــــــــــــــ غاب صوت المصطفى عن فاطمه وابّغيابه ام الحـــــسن متـــــــألمه والدمع بـعيونـها اصبـــــح دِمـــــه يعني من هسه الضلوع اتهشمت ــــــــــــــــــــــــــــــــ اليوم كل شيعي دليله ابــهـــمه ذاب وجينه ندعي بـالعزه ابثـگل المصاب يمته مهدينه يعود إمن الغياب اجروح بينه ابغيبته لا ما شفت ——-------- حيدر بشار الدراجي

على امصاب الرسول الدمعه سچابه وهاليله الخلگ مـفجـوعه بـمصابـه ~ هاليله الشرع عالمصطفى مكسور محراب الصلاه وحشه ابغياب النور راح الچان للوادم آمان وسور محمد والفلك مفجوع بغيابه ~ هاليله المدينه مظلمه او وحــشه وچنها اغروب بيها صارت الغبشه ابـو الـقـاسم مشه للمگبــره نعشه وابــــو الحسنين نار ابگلبه لهابه ~ آيـه اتـواسي آيــه والكتاب ينوح واحروف السور ترسم عليه جروح والزهره تكله يــالنبي امن اتـــروح العداله اتغيب وايصير الحكم غابه ~ غياب المصطفى الحيدر كسر ظهره البديه يدفن رسول الله شيصبره على فگده يظل مهضوم كل عمره سهم فكد النبي وسط الگلب صابه ~ على اهل البيت ليش انقلبت الأمه ومن المصطفى ما سمعو الكلمه آذوه ابـعـتـرتـه وزيــدو همه وخانو بالوصيه الجانو اصحابه ~ يعين الله الزچيه والحسن وحسين ​عگب عين النبي مانامت الهم عين ضلمو فاطمه والسطره عالخدين وحيدر حركو بنار الغدر بابه .... حيدر بشار الدراجي

https://youtu.be/5SkQR2Da764?si=7RJYilv4ZMC7-7GH

https://youtu.be/WUZgD67Wlhg?si=VKsa3OJWBofWrKdf

https://youtu.be/lcT2OKDN3d4

من محرم لحد عشرين ابصفر راسك اعلى الرمح نايم يالگمر ••• امن اليسر جيتك جرح يلچم جرح ليل صـارت دنـيتــي ومامش صبح شلون انام ونـومـتك فـوگ الرمـح لچن وي راسك شفت يحلى السهر ••• بربعينك خويه اجيت الكربله وبـــــالضعن وياي جم امدلله كوم واتلكاني يابوالمرجـــــله تدري جم سوط اعله چفيني انكسر ••• جبت راسك يابوفاضل للدفن الچنت اشبگه چن جِفِن شابگ جِفِن تدري گلب اختك عليك اشكد يحن عفيه گلبي اشايل اهموم وقهر •• هاي سكنه الگبرك الليله اعتنت ولوتناشد عن رقـيـه ماأجـــــت فوگ راس حسين ياخويه غفت وصرخت وماتت رقيه اعله النحر ••• جيت تعبانه يخويه اعلى الهزل ومنجرح چفي خشن چان الحبل المر عليه خـويـه ابـد مايـنـحـمل امصابي لو مر عالجبل چان انفطر ••• ريت يمك ادفن اسنين العمر اعليك مكسوره كسر ماينجبر ردت بيدك تحفر الاختك گبـر يـانهر ذبحوك يم جـرف النهر ••• حيدر بشار الدراجي

‏مقطع صوتي من حيدر بشار الدراجي

https://t.me/haiderbashardarraji رابط قناة التلكرام (قصيده للمشايه) بيتك الثاني احسبه بيتك الثاني هذا موكبنه يـزاير بـيـتـك الثاني ••• بشّرت ولدي واخّوِتي هذا زاير جانه چن عراضه من طلعنه ساعة اتعنانه ارد اشوف اعيونه تفرح لونظر ملگانه اليگصد احسين ابو اليمه ابگلبي كون امچانه دوم.. بـالـهـلا اتـلـگيـته دوم.. بيتي يصبح بيته خادم حسين وعترته هذا عنواني هذا موكبنه يـزايـر بيتك الثانـــي ••• ياهلا ابكل خطوه گتله شرّفت خدامك گابيلته وگمت انشده شلون ذيچ ايامك اتوسلت گتله ارد اخدمك خل افرچ اجدامك اليوجعك بس گلي وينه ارد اطيب آلامك هاي.. بــــيـها ارفع هامي هاي.. تدري احلى ايامي والدي الخدمة الزاير هوه رباني هذا موكبنه يزاير بيتك الثانــي ••• زاد ابو السجـاد والم ســــفـرتـه ممدوده الخير عدنه من بركته ومانعرف احدوده حتى طعم الاكل عدنه حـــــالته مشهوده ايكفي ويزود وبركته امن الكفيل وجوده خير .. بس عجيبه اسراره خير .. ايغرگ ابـخــــــطاره هالامر محد يعرفه امر رباني هذا موكبنه يزاير بيتك الثاني ••• كل مرض مايبقى بينه من تجي المشايه العافيه والله تجينه وحــيل بينه اهوايه خدمة الزاير دوانه ورضه حسين الغايه بأربعين حسين رفت للخدم چـــــم رايه كون.. يرضه التعـــنانه كون.. يبقه دوم ويانه ظل يصيح اهلا يزاير گلبي ولساني هذا موكبنه يزاير بيتك الثاني ••• من اشوف الناس تمشي اذكر المسبيه يوم ردت باليتامه امن التعب محنيه الله واكبر يـاضـعـنها بيه چـــم علويه الهه ماچانت مواکب لالهه احسينيه ريت.. هالمواكب هايه ريت.. اله رفعت رايه واخدم ام عون ابوكتها آني واخواني هذا موكبنه يزاير بيتك الثاني ••• حیدر بشار الدراجي

‏مقطع صوتي من حيدر بشار الدراجي

ضمي الدمع يمعون للغاضريه هذا المصاب ايهون يالهاشميه كربله طفها عجيب مامثل يوم الغريب ــــــــــــــــــــــــــــــــ مصابي يالعقيله ايهون الچبيره امصيبة احسينچ لايوماً كيوم احـسين حـضـري للـدمع عـينـچ تره هاي آخـر انـفـاسي ماريد اسمع اونينچ اوصيچ اعلى اخونه احسين عهد ماببني وبينچ امصايب وراچ هواي واتهدم الـــحـيل سم چبدي كله ايهون لمراكض الخيل بس على حسين النحيب مامثل يوم الغريب ــــــــــــــــــــــــــــــــ يخويه السم مرد چبدي وبعد كل حيل مابيه وآخر ساعه هاي اوياچ اوداعچ يصعب اعليه خلي اعيونچ ابعيني اريد اوصيچ بوصيه على احسين الغريب اوصيچ يظل مذبوح تاليه يـاخـويه ويـمنعون عنكم تره الماي يوم الطشت چتال واتحملي الجاي يوگع حسینچ خضيب مامثل يــــوم الغريب ــــــــــــــــــــــــــــــــ يم جدي ردت دفـنـي وادري الگوم مـاتـرضـه يرامون الجنازه اسهام اشبيهه الناس معترضه اهل الحقد تـاليهه تـخـلي احسين عـالـــرمضه والِتصوِّب چبدتي ابسم تجي بخيولهه اترضه لمّي الدمع يمعون لمصيبة احـسين باچر تسحگه الخيل مو مره مرتين والجرح ماله طبيب مامثل يوم الغريب ــــــــــــــــــــــــــــــــ انتي العالمه يختي علينه هالامر مكتوب سلمي امرچ الربچ وتعرفين الذي مطلوب جبل من الصبر صيري إذا شفتي الاخو مسلوب واحسينچ على الغبره وجهه اعلى الارض مگلوب وفوگ الرمح ينشال راس ابواليمه وحيلچ يخويه اهناك حاله يـهدمه من تشوفينه سليب مامثل يوم الغريب ــــــــــــــــــــــــــــــــ امن اموت آنه يغسلوني ويچفنوني ويدفنوني وابو السجاد بچفوفه يختي ايغمّض اعيوني وچن اسمع اخوي ايگول يهون الكم تخلوني سليب وعالترب دامي وتحدي الغرب بضعوني وايظل ثلث تيام فوگ الوطيه لاغسل لاتچفين روح الزچـيه ابلا دفن يبقى الحبيب مامثل يــــــوم الغريب ــــــــــــــــــــــــــــــــ وهواي السوالف هاي وانه ابگلبي الف حسره شدي الحيل يازينب باقي الكربله فتره اشلون ابعينچ اتشوفين اخيِّچ ينگطع نحره وراسه اعله الرمح ينشال وسف وعياله متيسره ياخويه وينچ وين طبت الدواوين ورغماً عليچ الصار ولها تـطـبـيـن الچ مايحصل مجيب مامثل يــــوم الغريب ــــــــــــــــــــــــــــــــ حیدر بشار الدراجي

(لـشـهـادة الإمـام الـحـسن )

صوت الملا صلاح الدراجي

خادم الموكب يظل صاحب فضل ولازم انـقـابل خـدمـتـه بـالمِـثـــل ـــــــــــــــــــــــــــــــ الخادم الموكب مكانه ومنزله احسين جابه يـخـدم بطف كربله كون هاي الخدمه هم انردهه اله ابحسن الاخلاق الزياره تكتمل ـــــــــــــــــــــــــــــــ مـثلـمـا قـدّرّنـه كـون انّـقـدّرِه انبوسه من گصّته ونرجع نشّكِره انگله اجـرك عـالزچيـــه الطاهره وليش من انودعه دمعه ينهمل ـــــــــــــــــــــــــــــــ من اجـل راحـة الزايـر هـالــتعـب هالخدامه عنده اغلى امن الذهب والف هنياله الذي اسمه انكتب عند ابوالسجاد خادم بالسجل ـــــــــــــــــــــــــــــــ اشگد مواقف شفنه بالخدمه وصور مـايـهـمـهـم بـرد لا حـر لا سـهـر مايعوف الخدمه لو ظهره انكسر امحزم الخدمة الناس ومايمل ـــــــــــــــــــــــــــــــ انجازي بالاحسان كون احسانه ابو الموكب ركض يتلگانه ابهل تواضع الله يرفع شانه والنعم منهم اهل گول وفعل ـــــــــــــــــــــــــــــــ روحي اوصيها ووصي الزائرين بالصلاه كون ابوقتها حاضرين لا شفاعه للذي مـتـهـاونـيـــــن حسين صلى وداير اعليه النبل ـــــــــــــــــــــــــــــــ بالحشر زينب تدور اعليكم ابد ماتنساكم اتــــجـازيكم ندعي يا أهل المواكب ليكم وكون كلنه بالشفاعه ننشمل ـــــــــــــــــــــــــــــــ حيدر بشار الدراجي