قناة الشاعر كامل السعيدي

قصيدة استشهاد الرسول محمد ص لحن دهري ذبني ظهرك              محني الله اليعينك ياعلي الليله معذوره عينك كون ماتقبل اتنام فكد العزيز ايگوم ياكل بالعظام راح الاخوه البضيج يفزعلك احزام دهرك بعد ياحيد ليامك اشضام جرحك              دامي غير المدامع مابقت حيله الله اليعينك ياعلي الليله ــــــــــــــ ــــــــــــــ ــــــــــــــ راح العليه قران متنزل وتم ضلمت يحامي الجار وتلملمت لم غدر السقيفه اعليك ويه الهوى انشم وعندك وصيه وشور ما يرضى بالدم وحدك               باقي وراح الكبل ظهرك يتجيله الله اليعينك ياعلي الليله ــــــــــــــ ــــــــــــــ ــــــــــــــ غالي وترك بجفاه حسره ابدليلك بغيابه يابوحسين شيخلصه ليلك حقك تون وتنوح دافن خليلك راح العزيز وراح وي طه حيلك تعذب              گلبك من دم عزيزك كمت تبجيله الله اليعينك ياعلي الليله ــــــــــــــ ــــــــــــــ ـــــــــــــــ وضع الاهل بالدار تتحمله اشلون وللزهره من النوح ماضلت اعيون اتشوف الحسن وحسين وزينب ينوحون يم گبره خل انروح منك يطلبون دافن              روحك وتنوح كلها ابدارك العيله الله اليعينك ياعلي الليله ــــــــــــــ ــــــــــــــ ـــــــــــــــ والزهره بيت احزان باني انته ليها فكد الابوه المسموم اثر عليها اتفطر دليلك حيل من گد بجيها حقها ومحمد راح من بين اديها صعبه               غيابه يم كبره تمشي اهموم تشكيله الله اليعينك ياعلي الليله ــــــــــــــ ــــــــــــــ ـــــــــــــــ   ✍الخادم كامل السعيدي

قصيدة استشهاد النبي محمد ص فاطمه بدمعات وآه ـ ناحــت راح النـبي واويـــلاه ـ صاحت ــ⊱☆☆❀☆☆⊰ــ تصيح راح الابد ما ينسد مكانه غاب نجم اسهيل المنور سمانه راح المنسينه كل همنه بحنانه راح ابونه العايشين ابضل امانه اركـان دار الايـــــمان ـ  طاحت راح النــــبي واويــــلاه ـ صاحت ـــ⊱☆☆❀☆☆⊰ــ راح التسـكن الالم نبرات صـــوته ونگطع وحي الرســاله ابيوم موته التمطر الدنيه نعــــم لحظة قنوته وسفه سم اهل الغدر گطع ابتوته ايامـنهالحـــــلوه وياه ـ راحـت راح النــــبي واويــــلاه ـ صاحت ــ⊱☆☆❀☆☆⊰ــ تلطـم اعله الراس وتنـادي الحزينه تصيح ياخيمتنة ليش اگطعت بينه الظلـم بعــدك تدري يتكالب علينه تأمـرو ضـــدنه ابغيـــــابك يا نبيـنه ريحــة غدرهم هاليوم ـ فاحـت راح النــــبي واويــــلاه ـ صاحت ــ⊱☆☆❀☆☆⊰ــ الجان يوميه الوحي ابيته يضــيفه اتامرو ضــده رجالات الســــقيفه سممو ولد البطون المو شــريفه ونكرو البيعه وفلان اصبح خليفه وســــــــهامهم بالدلال ـ لاحــت راح النــــبي واويــــلاه ـ صاحت ــ⊱☆☆❀☆☆⊰ــ بحتضـــاره الوادم اتبــــــدل حچيها ومن اجل كرسي الحكم باعت نبيها حـتى دار المـرتضـى هجمو عليـــها وعصرو الزهره واگع محسن بديها زمـــرتهم الدار اللـه  ـ اجتاحت راح النــــبي واويــــلاه ـ صاحت ــ⊱☆☆❀☆☆⊰ــ ✍الخادم كامل السعيدي

عن لسان أمير المؤمنين علي ع يالكاسر ظهري ابموتك ما بيه احمـــــل تابوتك يامحمد.. ــ⊱☆☆❀☆☆⊰ــ شضال بيه وفگدك امهدملي حيلي هشم اعضـــــــامي وداعك ياخليلي ريـت گبـلك صــار يالهــادي رحيــلي آخ يـا فجــر المنـــيه الطـــــر دليلي هجرك بالروح اوجاعه مااحـمل فگدك ساعه يامحمد.. ــ⊱☆☆❀☆☆⊰ــ بعازة الخـــوه يبو الزهــــــره عفتـــني ثلث مــــن عمــري انهدم من فارگتني من رجعت امـــن الدفن ريتك شفتني ساعه اگومـن ســــاعه اطيحن عذبتني يـا نبــع الكــــوثر وينك مشتاق اتصدلي بعينك يامحمد.. ــ⊱☆☆❀☆☆⊰ــ يـا محمد عتـــــــرتك بيها الحـــزن شاع وآنه گلبي المارجف مــــــن فگدك إِلتاع طفت گمرة شيـــــــبتك وي ليل الوداع وفاطمه من هسه بيها انكسرت اضلاع تبچي ومكسورة خاطر مـن عندك جيه اتناطر يامحمد.. ــ⊱☆☆❀☆☆⊰ــ يـا حبيــب اللــه وحبيــــــبي واعـــز ناسي البگه ابراس الدين بعـــــــدك لو ابراسي ابسفـــرتك هاي انفتــــــح بـاب المئاسي مدري اواسي الناس مدري بروحي اوسي ســـــــــهران بعالم نوحي وحسباتي وليل اجروحي يامحمد… ــ⊱☆☆❀☆☆⊰ــ يالچنت خيمــــتنه وتلمنه ابحــــــنانك يـا فــراغ المــــحد ايعــوض مـــــكانك يـا ترافه الجــــنه نلمســـــــــها بأذآنك وســــــفه راح اوياك مايرجع زمـــــانك شلون اصبر گلي امروتك اتموت وما اسمع صوتك يمحمد.. ــ⊱☆☆❀☆☆⊰ــ ✍الخادم كامل السعيدي

قصيدة اسشتهاد الرسول الاكرم ص استأذن الموت وخذاك ــ ويتــم العـــــالم وراك انته بس  ماكو سـواك ــ استأذنه الموت ©©©©©©©© يمن نزلت آية الباري اعله صدرك بالأرض لو بالســمه ينحفــر گبرك؟ الأنبياء يمك تجــي لو غاب بدرك؟ لو ملائكت العرش تنزل تحظــرك؟ يا سـراج المهتدين ــ ياضياء الصالحين ياهو قبلك يا آمين ــ استأذنه الموت ©©©©©©©© اتيتمو هاليوم حيـــــدر والزچيه يبو الزهره امصيبتك اعظم رزيه اتگابلو يم راســـك اونو ســـويه اوداعـة الله يامحمد هالمســــيه ادموع حيدر والبتول ــ تجري من دم يالرسول كاذب الغيــــرك يگول ــ استأذنه الموت ©©©©©©©© يطــرق البـاب بأدب مثل اليـزورك استأذنك ميريد ابد يجرح شعورك گالك رب العرش يطلب حظـــورك وبان ياطــه على وجهك ســـرورك وانته لبيت النداء ــ ورفع روحك للسماء ياهو مــن الانبياء ــ استأذنه الموت ©©©©©©©© الدعو اصحاب.  الجرح عافو نزيفه الك ما نصــبو عزاء نصـــبو سقيفه انكـرو عهـدك والاحـاديث الشـريفه وقبل دفنـــك نصبو منهم خليـــفه وي علي ماشــــيعوك ــ ابسرعه ياطه نسوك اوماكو غيرك يعرفوك ــ استأذنه الموت ©©©©©©©© وي علي الليله تضـــل بس ذكريـاتك ومنـــك بأيده بقـت سبـحت صـلاتك نكسر ظهره وتدري عنده شگد غلاتك اوياه الامــــلاك انزلت تبچي ابمماتك ارد اسألك يالحنين ــ يانبي قبلك امين قبل لاتغمضله عين ــ استأذنه الموت ©©©©©©©© ✍الخادم كامل السعيدي

نزال.. ضلو ابلايه ولي = ام الحسين وعلي                 يتامه يالنبي                          -------****------ هاي ليله تمـــــــرنه على استشهادك بيهه جبريل اجه اينوح يعزي اولادك ربك اشتـــــاگ الك حيل يطه ورادك وانته لبيت أله وحــان وقت ميعادك اليوم وي رب السماء = سيدي حان ألقاء                    يتامه يالنبي                          -------****------- ابموتت الدين ابوحسين ينوح وحاير يالنبي اليـوم بالــــوداع يتيمك صاير رمشه بي شيــــب كثر ما يهل الناظر صعبه وشلون للگبــور حبيبه ايسافر ضل يقبله ابشفته  = ماتساعد حالته                    يتامه يالنبي                          -------****------ ستـــأذن المــوت قبل لا يطب الدارك يطرق البــــاب الك جاي مثل خطارك يبو القاســـم عظيمه وعجيبه اسرارك بجنحه جبريل يمولاي يغمض انضارك بحضن حيدر من متت = جروح بيه اشگد عفت                     يتامه يالنبي                        -------****------ فاطمه اتنوح والجـروح بدت تاذيهه العين بركان والدمــوع جمـر تبچيهه ذابت الروح على امهه ورحل هاديهه ثانـــي امصـــــاب يمرهه ويأثر بيهه آه ياليـــل الحزن = بيه مفجوعه وتون                  يتامه يالنبي                        --------****-------- اظلــم الكـــون يمولاي ونــورك غايب ليل الفـراگ فجعنه شكثر هـــم جايب الحسن وحسين بالمصاب گلبهم ذايب يتمتـــهم والدمــــــوع يطـــه اتعـاتب ليش عايفنه بألم = حيلنه اليله انهدم                     يتامه يالنبي                         -------****-------         الخادم   كامل السعيدي

مقدمه للرسول الاعظم محمد (ص) يـا محـــمد يـا نبيـــنه يصعب امصابك علينه يا حبيب الله مصابك حيل أذانه وفجعنه لجلك انقـيم المئـاتم ونلطم ونهمل دمعنه ابمجلسك يابوالزچيه الله وفقنه وجمعنه ما نعوفـك تدري بيــنه يصعب امصابك علينه العـالـــم بأســره ينــادي لا تســـافر يـا محمد جمرة اغيابك چوتنه سيـدي ومالحضه تخمد بعدك اجروح المصيبه بالگلب ماضنهه تضمد اصبحت ظلمه المدينه يصعب امصابك علينه حضرت الزهره ابعزائك تلطم ومحني ظهرهه اهـواي أذاهـه مصـابك اشـد من لوعة كَسرْهه ليلة اوداعك مئاسي ابكل وكت يسعر جمرهه ليلتك وحشـه وحزينه يصعب امصابك علينه حيدر ابدمعاته ناده يارسـول الله افجعتنه غمضت عيـنك يغــالي جنه انتـه وفارگتنه يالچنت منبع ترافه سافرت وسفه وعفتنه يا محمـــد مـو بديـــنه يصعب امصابك عليمه يارسول الله مصابك موسهل والباري يشهد حتـى عزرائيك اجالك مستحي وعنك تردد والاذان انسمعه ناده اشـهدُ قد غـاب احمــد بعـدك اشيــنفع بچيـنه يصعب امصابك علينه     الخادم كامل السعيدي

مقدمه.. ليلة استشهاد النبي الاكرم محمد ص الله يعيــنك      الله يعينك ياعلي الليله      الله يعينك             ـ****ـ عظم الله اجرك يحـــيدر هالمسيه راح عنك هيـــــــبة الزهره الزچيه ابد مايرحم بشر ســـــــــهم المنيه شحال گلبه البيده يحفر گبر اخيه الله يعيــنك      الله يعينك ياعلي الليله      الله يعينك         ـ***ـ افراك اخيك موسهل ويصـــدع اگلوب اتضيگ بيك الوسعه كل مامرك اغروب ياعلي اشــما تطب داره روحك اتذوب المــوت حال ابينكم وبعيـــده الدروب الله يعيــنك      الله يعينك ياعلي الليله      الله يعينك            ـ*ـ ندري صعبه المحب من يدفن حبيبه ينكسر ظهــره وفــلا يســـكن نحيبه اليله ظلمه وآه ياليل المصـــــــــــيبه وحشه دارك والبدر اعلن مغــــــــيبه الله يعيــنك      الله يعينك ياعلي الليله      الله يعينك        ـ****ـ اوياك تنعه البسمله والقل هوه اتنوح اليله زحمة نايبــات اوزحمة اجـروح حلم فاطم يا حســـافه اليله مذبوح الفرح سـد بابه وحزنكم بابه مفتوح الله يعيــنك      الله يعينك ياعلي الليله      الله يعينك              ـ*ـ ✍الخادم كامل السعيدي

https://youtu.be/8POvSWXA8zg?si=1D9LJAt8iWHLIntX

قصيدة الامام الرضا ع عيني اشتاقت تشــــــوف المناره وبـاب الرضـا اقـــــــــــره الزيـاره       ــ⊱☆☆❀☆☆⊰ــ مشـــهد حيل مشـــــــــتاق اعتنيها مـــــــــولاي الرضـا موجـــــــود بيها واللـه زيـارته ابروحــــي اشــــــتريها وتبــــــرك اريدن مـــــــن مـــزاره           ــ⊱☆☆❀☆☆⊰ــ ما تبـــرد ابگلـبي احــــرورة الشوگ ورتاح امن اطب حضرت المعشوگ ما يحــــــتاج اشـــد بيبــــانه بعلوگ ينطـــــيني الاريــــده ابلا خســـاره         ــ⊱☆☆❀☆☆⊰ــ بـاب الحـاجه هـوه اليسـعد الناس بالراحه ابضريحه ايحيطك احساس هوه الضـــــــامن البي نرفع الراس كلش تطمـــــئن يمه الحيـــــــاره           ــ⊱☆☆❀☆☆⊰ــ للعشاگ صـــــــاير صـــحنه عنـوان تتوافــــد عليــــــه امنــــين ماچـان كل محتاج يرجــــــــــــع منه مليان امشـــــــــــــرع للكرم بيبان داره           ــ⊱☆☆❀☆☆⊰ــ ادعـــي اللـه يحـقق طلبــــــتي هاي وگصــد للرضا امـــن البيت مشاي مشــــــــــتاق الگلب لزيارته اهواي وبشــــــــــوفة المرقد تطفه ناره          ــ⊱☆☆❀☆☆⊰ــ ✍الخادم كامل السعيدي

قصيدة استشهاد الامام الرضا ع للمسموم  ••••  للمظلوم    دوم اعيوني هماله    ـ••••••••••••••••••••••••••••••ـ لمصاب الرضا هاليوم ـ ظهري امن الالم محني وياظلم الغريب هواي ـ بالـدلال جارحــــــــــــني مثل جــده وابو سمو ـ وليل امصــابه ذابحني ضل بروحي عايش دوم ـ يماسيني ويصـــبحني ليل انهار ••• يلهب نار گلبي وحالته حاله    ـ••••••••••••••••••••••••••••••ـ بيـت الحـزن مو بالگاع ـ اله ابنـص الگلـب باني وهذا مأتمه المنصوب ـ صبح موسوعة احزاني لبو محمد لطمت الراس ـ ودمعي مبلل اجفاني وما يبرد لهيب احشـاي ـ ومصـابه اهواي آذاني مات وحيد ••• وهله ابعيد وغاب امن السمه اهلاله    ـ••••••••••••••••••••••••••••••ـ ابكسرة خاطر المولاي ـ اهيم اشما قره الناعي وعيني ابكثر ماتبچيه ـ صــارت للدمـــع ســاعي اريد الطم ابحرگه اعليه ـ لحد ماكسر اضــلاعي فقط بس هالخدامه اتصير ـ بدرب الاخره امتاعي اه اعليه ••• ماناسيه دوم ابچيله وقراله    ـ••••••••••••••••••••••••••••••ـ الحزن ناصب بروحي شراع ـ ويطوف ابحر نوحي ومثل حركة اخيام حسين ـ حارگ خيم بجروحي احمرار اعيوني والحسرات ـ كلها لغربته توحي لبومحمد اشما ونيت ـ ابد ماتكتفي روحي حسرة وآه ••• يا فــــرگاه       بيه فرحانه عذاله ـ••••••••••••••••••••••••••••••ـ لجده وكل اهل بيته ـ القتل والسم صبح عاده وبومحمد وحيد بطوس ـ ضل ساعة استشهاده خطر جان لبني العباس ـ شافو كثره وفاده لذالك قررو ينهو ـ الان شغلتهم امجاده والمأمون ••• هل ملعون        هوه الصار چتاله ـ••••••••••••••••••••••••••••••ـ ✍الخادم كامل السعيدي

https://youtu.be/H7sRkwqKJGw?si=Pn_AEejQaC6R3Zxc

https://youtu.be/e9oIwKYOT7g

https://youtu.be/XcmPQPfKvLg?si=-oPQhZ6oM0owfk19

https://youtu.be/kwdJAyGyVEI?si=3T4lasUHTF5wD2-C