قصائد استشهاد مولاي القاسم (ع)

#تـراث لمولاي القاسم بن الحسن روحي فداهما آنه الوالده وانته ظناها والوالده تطلب رباها لیش انگطع منك رجاها يبني انطفه عينـي ضـواهـا يومك يالوحيد عماها وضلوعي الگصر حناها يبني امهنه ابطيب نومك عریان و مسلّبه اهدومك حر الشمس غير ارسومك لون تنشره ابروحي لسومك وين الذي ياخذ اعلومك لبوك الحسن وهلك اوگومك اویلاه يالغسلك ادمومك اویلاه يبني يوم يومك شلفايده ويـــــاك يبني آنه الوالده هين تذبني مهو ارباك يمدلل اتعبني ردتك عليه البيت تبني سِل اوسگم يومك انشبني يبني العتب وياك شيفيد يا نور عيني افراگك ابعيد یا مهجتي يالفرد ووحيد يبني امن ابنها الوالده اتريد جسمي نحيل اوشوفي ازهيد هذه البهضني او جرح المچيد تجي دفعة الشبان بالعيد أُمّك يـجاسم تگدر اتهيد سطرني زماني او سطرته امنيد الشاعر الشيخ عبد الأمير الفتلاوي #اللهم_عجل_لوليك_الفرج

#تـراث يريع الگلب يمدلل...يجاسم جاعده يمك يبني گوم باصرني...عفتني ليش ماني أمك ــــــــــــــــــــــــــــــــــــــ يبني مو محل النوم...فك عينك إو حاچيني وين أنطي الوجه عگبك...رايي تاه دليني ما أوچد بعد دربي...منها سال مي عيني وما أعتقد تتبره...ما هي إمناسبه منك ــــــــــــــــــــــــــــــــــــــ تسعه بالحمل شلتك...وأطلبك بالمنازع ذاك وأطلبك بالحليب إللي...شربته وسهر ليلي إوياك أبچي مثل ما تبچي...وأتسله الگلب برباك ما خليتك إعله الگاع...تمشي إو شايله همك ــــــــــــــــــــــــــــــــــــــ ما هميت بس برباك...يبني وأحسب إسنينيك وتوصل حد مواصيلك...وتنظر لمك إبعينك وأعرسك وافرح إبعرسك...واخضب حنه چفينك أبد ما چان بحسابي...حنه يصير إلك دمك ــــــــــــــــــــــــــــــــــــــ وإملبسك صار الزان...والنشاب يوليدي وزفوك برماح وبيض...يا سعدي وبدر عيدي ردت يومي گبل يومك...وإنت إتحضر توسيدي حسابي طلع بالمگلوب...يالبيك إنفجع عمك ــــــــــــــــــــــــــــــــــــــ الولد مريود يالمهيوب...يبني المثل هالساعه يالنارك إبلب إحشاي...يالغطريف لساعه إجه عمك ابدمع العين...چوچه إعليك فك باعه مسح دم وجهك إبچفه...وحسره جذب وإشتمك ــــــــــــــــــــــــــــــــــــــ ردت نادته رمله...كافي النوم يا جسام عمك خلصت أنصاره...والعسكر عليه هالحام گوم إنده علي ألأكبر...إشلون ينام وإنت تنام منهو بالحمل ينهض...يمن عودك ضخر ضمك ــــــــــــــــــــــــــــــــــــــ لاچن يولدي معذور...أحشمك غصب يمنتب أدري عتب ما تحمل...وأعتبنك يالمعتب شلون تگوم وإمواصل...طبر يالشهم وإمهذب بسيوف العده وسفه...وحيف الغبره إتضمك ــــــــــــــــــــــــــــــــــــــ يا سلوتي شلون تنام...من بعد شلون العين يالما تمّت إسنينك...وحاتفني عليك البين غبت والشهر ظل لمك...يا ضخر الحسن لحسين يعريس الحرب يبني...إرماح إعداك زفنك الشاعر المرحوم الحاج كاظم السلامي الكربلائي #اللهم_عجل_لوليك_الفرج

#تـراث يـمـه ذكريني مـن تـمـر زفـة شباب مـن الـعـرس مـحـروم ... حـنتي دم المصاب شــمــعـة شـبـابـي مـن يـطـفـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب ------ بـزغ  من برج المخيم ..... جاسم ونوره يتشعشع نـاشر جعوده  على متنه .. ومثل طير الجنه يلمع هـلهلت  رمله وتگله ..... هاك إخذ گلبي المگطع شـنـهـي يـجـاسم نيتك.... ثاير بجمرة همتك چنك وفيت برگبتك .. صاح إلي دوفي المرضع مـن  ثـدي الـنـيـبـه راضـع بصافي الحليب وبـهـالـشـهـاده صـار إلـي قسمه ونصيب حــوفـتـي بـدمـي خـل يـفـرشـوهـا حـنـتـي دمـي .. والـجـفـن ذاري التراب يـمـه ذكـريـنـي مـن تـمـر زفـة شـباب ــــــــــــــــــــــــــــــــــــــ هـلـلـه هـلله شلون فزعه من فزع جاسم لعمه ضـاگت بـعـيـنـه الوسيعه والوفا يطشه ويلمه تـنـومـسـت رمله بولدها حنت ضلع الصبر يمه صاحت  النيه راشده ... وگلب أمك الله يساعده صـاح  إلـي يـوصي والده... عالوصيه يبيع دمه أهـلـي  وصـونـي بـالـوفـا يـوم الطفوف مـن  دم  وريـدي يـصـبح خضاب الچـفوف هـذي  وصـيـتـي يـالـتـسـمـعـوهـا حـنـتـي  دمـي.. والچـفـن ذاري الـتراب يـمـه ذكـريـنـي مـن تـمـر زفـة شـباب ــــــــــــــــــــــــــــــــــــــ هـنـا  يـهالغذيت روحك من ثمر روحي وحليبي مـن نـصـيـبـك هالشهاده واليسر يبني نصيبي بالجهد بيض لي وجهي يا ضوه عيوني وحبيبي ناداها  لا يصيبج رعب ... جدميلي لامات الحرب والـنـايـبات شماتصب ... إدعي والصارم مجيبي والـوفـا شـانـه يـنـعـدم بـيـه الـوجود وآنـه  وجـدانـي يـغـتـنـم جـنـة الخلود نــيـتـي  بـديـوان جـدي كـتـبـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب ــــــــــــــــــــــــــــــــــــــ ضـمـتـه  بـصـدر المحنه وانطبع رسمه بصدرها وتـشـم ريـحـانـة جماله وتكف دمعتها بصبرها وذكـرت  أيـام الرضاعه ولوجت الروح وسهرها وصاحت شوصاك الحسن.. يا منوتي ونعم المضن هاك إلبس ثياب الچفن ... يا أمل رمله ويا ذخرها يـوم الـمـبـارك أصـبـح لـديـنـي شهيد وافـزع لـعـمـي مـن يـضـل بالطف وحيد ورمــلـه بـمـصـابـي خـل يـواسـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب ــــــــــــــــــــــــــــــــــــــ يـمـه  حـاسبني ضميري وشفت مگصود اليريده والـضـمـيـر يـريـد مني أتخضب بدم العقيده والـيـريـد  الـغانمات  على الطعن يعرض وريده صـاحـت الـنيه راشده ... نيتي ويا نيتك واحده وجاسم سفر عن ساعده .. وسيف ابوه الحسن بيده صـاح  أنـا بـديـنـي مـلـتزم فرع وأصول أفـدي وجـدانـي والأجـر عـنـد الـرسول وامــي الــزهــره خــل يـهـنـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب ــــــــــــــــــــــــــــــــــــــ لـزمـت  الـدلال  بـيـد وإيد بيها إلزمت ريعه ونـادتـه  ودعـك عـنـدي الحسن يمدلل وديعه الـيـوم چـنك ضيعتني وضعت مني شلون ضيعه نـاداهـا  يمي  تيتمت ... وبحجر عمي ترعرعت ربـانـي  ولـيـوم إنـشأت .. ولربايه اليوم ابيعه دهـري يـتـمـنـي والـتـزم عـمـي برباي ومـا اعـز عـنـه مـهـجـتي وروحي ودماي وأمـي بـمـصـابـي خـل يـفـجـعـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب الشاعر الشيخ كاظم المنظور الكربلائي #اللهم_عجل_لوليك_الفرج

#تـراث لمولاي القاسم بن الحسن روحي فداهما آنه الوالده وانته ظناها والوالده تطلب رباها لیش انگطع منك رجاها يبني انطفه عينـي ضـواهـا يومك يالوحيد عماها وضلوعي الگصر حناها يبني امهنه ابطيب نومك عریان و مسلّبه اهدومك حر الشمس غير ارسومك لون تنشره ابروحي لسومك وين الذي ياخذ اعلومك لبوك الحسن وهلك اوگومك اویلاه يالغسلك ادمومك اویلاه يبني يوم يومك شلفايده ويـــــاك يبني آنه الوالده هين تذبني مهو ارباك يمدلل اتعبني ردتك عليه البيت تبني سِل اوسگم يومك انشبني يبني العتب وياك شيفيد يا نور عيني افراگك ابعيد یا مهجتي يالفرد ووحيد يبني امن ابنها الوالده اتريد جسمي نحيل اوشوفي ازهيد هذه البهضني او جرح المچيد تجي دفعة الشبان بالعيد أُمّك يـجاسم تگدر اتهيد سطرني زماني او سطرته امنيد الشاعر الشيخ عبد الأمير الفتلاوي #اللهم_عجل_لوليك_الفرج

#تـراث وين الفاجده الشبان وين الضايگه اللوعه هاي ام جاسم العريس بالعريس مفجوعه ـــــ وين الفاجـــــده الشبــان خــل وياي تتعنه لأم جاسم نريد نروح نساعــدها على الونه ونرد الحوفة العريس ونجيم بحوفته حنه ونلگه ام الشباب اتجـول على بنها العگـل مذهـول وتتنعه على الولد وتكول يشمامة المن سباح هرش الچبد مگطوعه ـــــ لگينه ام الشباب اتجول وگمنه نجول وياها ام وفاجــــده اعله النــوح مايحتاج ننخاها اولگينه شمعت العـريس مطفيه او علگناها وشــدينه الطم والنـــوح ابحرگه والگلب مجــروح ومن شفنه الولد مطروح شفنه چثه العريس أسهام ونبل مزروعه ـــــ بين الطـــــم والصـايح وبين الدمـعـه والحسره اجتهن عمت العــريس زينب شـــــابچه العشره ولگت شمع العرس داوي وصاحت لاچن ابعبره شنهي الشــمـع وي البين احنه وعرس جاسم وين لايسمع اخــــوي احسين ومن يسمع يجي بهمه ويطفي الشمع بدموعه ـــــ بالله الشمع طفنه نريد اعله الولد نلطم انه عمته وامــه وهـــــاي اموجله وتهم للطف جيت ماظنيت اليه البين متـولم وثبت بالدلـيــل اســهــام وهد حيلي بعرس جسام آيا بـــــدر ســعــدي التام راح وصورته ضلت وسط احشاي مطبوعه ـــــ من ايدي بن اخـويه راح راح الچــان الي ونسه حسبت احساب ظني خاب عمته وتفرح بعرسه راح العرس من جسام وضلت حــســرته بنفسه ويا حسرت بني هــاشم المفجرعه بعرس جاسم مبــارك عــالــثــره نـايم وعمك يبن اخوي عليك نار وسرت بضلوعه ـــــ يومك يبن اخوي يوم هد حيلي ولوه جيدي وامــك بالخيام تصيح راح الــولــد من ايدي اريــدن موتتي ويـــــاك ياعـــــريس يوليدي يجاسم شوف حال امك تــلــوج وجــاعــده يمك تخضـب راسها بــدمــك حكها ام الولد عنها حچاية العتب مرفوعه ـــــ هاي امك يجاسم هــاي بيك الدهر دوهنها سهرت ربت اوتعبت وخاب من الربه ضنها تصيح ارباي اريد ارباي گلي اشتعتذر منها تصيح ارباي اريد ارباي منـك يا ضـــــوه عيناي يجاسم مو مروّه هـــاي تروح وضلت اعله امك دواهي الحزن مجموعه للشاعر المرحوم الحاج معين السباك #اللهم_عجل_لوليك_الفرج

نعي الليله الثامنه  (القاسم) لسان حال رمله ع يـجـاسم يبني ربـيـتـك    ولـلشـيـب الـولـد يراد يـزهـرة عـمـري وسنيني   ما ادري زمانـي اشـراد اكـابـر وحـمـل جروحي    لچن ماينفع الهه اضماد شسوي وفرگتك صعبه    والگلبي الـصبـر مـا فـاد احـلـم بـيـك يـولـيـدي    افـز وصورتـك بـالـعـين يالغالي انگطع رجواي     هالفجعه اجتني مـنـيـن عفتني بحزني والدمعه   وعگبك ما رحمني البين امــك يـا بــعــد امــك      واهلك عـرسـك متانين چانت ضنتي اتشوفـك    عيني وبـيـدك الـحنـه يـوم بـيـوم احـسـبـهـن     گـلـت يـكـبـر وزفـنـه اجتنه الغاضـريـه منين    يـويلي وگطعت الضنه يـيـمه الـمـوت اشوالـي    امـوت واخلص اتـمـنـه دهـري زاوداني أعـلـيك    وبـعـد هيهات نتلاگـه الـمـثـلـك ولـد ويـروح        يـتـرك نـار حـرّاگــه ثـكـلـه وبالحزن ضليت    وروحي عليك متلاگه يگلولي خـذاچ الـشـيب    گلتلـهـم عـلـى فـراگـه                                    *---------------*---------------* ابوذيات الـلـيـالـــي خــــــــوش بـــفـــراگـــك.. يـــزتـــنـــي وشـجــاهـــه أســـهـــام عـــدوانــــك.. يـــزتـــنـــي يـــجـــاســــم يــــاهــــو لـگــــبــــري.. يـــزتـــنـــي ويـــقـــره الـفـاتـــحــــة ويـــنـــصـــب عـــــزيـــــه                            *---------------*---------------* ظـــهـــري انـكـسـر بـــمـــصـــابـــك.. وحــنــيــت ودمـــعـــتـــي ســــالــت بــــخـــدي.. وحــنــيــت يـجـــاســـم خـــضـــبـــت شــيـبــي.. وحــنــيــت بــــدمــــك والـــنــــهــــار اظـلــم عــــلــــيـــــــــه                            *---------------*---------------* ✍خادم الحسين ع الشاعر رعد الجريخي

(((نعي مفجع عريس الطفوف))) چـان الأمـل يـبـنـي يـجـسـام عريس اشوفك بـين الأعـمـام حـگهـه التـربي ترسـم احـلام وتـرجـه الـسـعـاده مـن الايـام صـوره ابخيالـي چـانـت ادور صينيتك اترس ياس وبخـور وتكمل فرحتي وگلبي مسرور وانظـر جبينـك يسطـع ابـنـور بس الشبابك حاسبه احساب وتـفـارگينـه مـن صرت شـاب چـانـت تـلمنـه لـمـت احـبـاب اشلون اعوفك جـوه الـتـراب ريـت اليالي الـراحـت اتـعـود واشـتـم يـيمـه عطر الخـدود بـلـكي حلم ولـگـاك مـوجـود وافـرح اردن وانــزع الـســود                     *------------------*------------------* ✍خادم الحسين ع الشاعر رعد الجريخي

القاسم ع #شجاعيه سريعه      .   أنطي روحي وانطي دمي   ومـــا اعــــوف الــحـومـه     تحله وي عـمـي الشهــادة   وكـلـشــي يحله بــيــومـه                   هـذا آنـه اسـمــي   جسام                            بسـم الله عـزمـي   جسام                          *---------------*---------------*     شـبـل من هاشم تراني   مـا أهـم الـلــي اجـانـي                        أگـلـب الـحـومــه دمــه     راح أصـولـن بـالأمـانـي   وأگطـع الـروس شأتاني                        شـبــه حـمـاي الـحــمــه     يـشـهـد اعـلـيـه زمـانـي   لـلـشـهــاده قـاصـد آنـي                        أدري تـــاج الأوســـمـــه                   يــالـلــي تــنــادي   جسام                            هـــــز الاعـــــادي   جسام علي جـدي الـقـلـع خيـبـر   مــو خــفــيـــه عــلــومــه                          *---------------*---------------*     حــمــلـة الـكـرار اردهـه   والكفـر أسـحك عـددهه                       مــثــل شـيـال الــعــلــم     كلمتـي أوفي بـوعـدهـه   والطفوف تظل سنـدهـه                       ومـبـخت الـمـنـي سـلـم     ضربـتـي يـاهو يــردهــه   سيفي الرْگاب ايْحصدهه                       والـجـيـوش يـلـمـهـه لـم                   هـالاســم اَخـلـده   جسام                            يشـهـدلـه مـجـده   جسام لـ عـمـه حـمـاي الشريـعـه   مــــا يـــهــــم مـحـتـومـه                          *---------------*---------------*     حـان يـومي وسـاعـتي   راح أطـب لـحـومــتــي                       واحـصـد الــمـنـي يـمـر     صـولـه ترهـب صولـتـي   أفـدي عـمـي بـرگـبــتـي                       لجله يـرخـص هـالـعـمـر     عـگـبـه شـلـي بـدنـيـتـي   بـدمـي انـصـره غـايـتي                     الــيـــوم أنــفـذلــه الأمـر                   الـيعرفـنــي آنــي   جسام                            فــر مــن رآنـــــي   جسام اليوم أسجل صور تِعْجب   بــالـــدمـــــه مــرســومــه                          *---------------*---------------*     جــدي لـيـث الـمـوزمـه     أصـبـــغ الـگـاع بــدمــه                        مــا أهــم خـيـل وعـدد     الـيـوم أخوض الملحمه     لـجـل ضـنـوة فـاطـمــه                        والله مــا أخـلــف وعــد     چـفـي يـشـهـد صـارمـه     چن علي حامي الـحـمـه                        والـخـصـم مـنـي ارتـعـد                   گـالــوا إجـــانــــه   جسام                            حـيـــدر زمــانـــه   جسام الـبــرزلـي يــطـيـر راســه   ويــغــتــســل بــدمــومـه                          *---------------*---------------*     أحـصـد ارگـاب الــعـده   هـالـحـرب حــان وبــده                        حـمـلـتـي حـمـلت علـي     صــورة ارســم خــالـده   خـل يـسـمـعـون الــنـده                        هــذا صـوتـي يـعــتـلـي     آنــــه هــيـــبـــة والــده   سيفـي يحله بـســاعـده                        والــمـراجــل تـــاج إلــي                             صـوت الـشـهـاده   جسام                            بـالـحـومــه نـاده   جسام والــــدي بـحـر الـمـكــارم   لـلــكـــرم جــــيــــدومـــه                          *---------------*---------------*         بـــزود أمــثـل حــيـدره   والـحـيـد سـبع الكنطره                         فــــرع مـن ذاك الأصـل     هـــذا يـــوم الـمـفـخـره   يـمـنـه أكُــف ومـيـسـره                         والــرجـل فـــنــه يـصـل     يـجـري خـلـه شـما جره   أكَــــلــــــب الــ أول وره                         بالـرؤوس أفـصـل فـصل                   يبقه اسمي شاهد   جسام                            آنــه الـمــجــاهــد   جسام عـاشـك وأهوه الـشـهـاده   والــعــشــك شــيــلـومــه                          *---------------*---------------*     دگّـت أجــراس الحـرب   تـيّـهـت خصمي الـدرب                       سـيفــي يحكـم بــيـهـه     چفـي مايخطي الضرب   ويـلــه كـلـمـن يـقـتـرب                       كـلـمــه هــاي أحجيـهـه     روس أشـمـر عـالـتــرب   وأخلس الجيش بـرعب                       قـسـم كلـهـه افـنــيـهــه                   ما يخفه صـيـتـي   جسام                            حانـت مــنــيـتـي   جسام الـيـريـد الـمـــوت يـفــرح   يــنـــســه كـل هـمــومـــه                          *---------------*---------------* ✍️خادم الحسين ع الشاعر رعد الچريخي

.               قليله ادموعي يُمه ابحزنك اشلون                 يجاسم ادري بعدك تعـمـه العـيـون         خذت كلهه امنيـاتـي   بعد شلي ابـحـيـاتـي                        *---------------*---------------*                   گدامـي يجاسم والـحـزن خـيّـم                   هالمره احس مــانـرجـع ونـلـتـم                   أظلن بـٱنـتـظـارك والألـم والـهـم                   اكابر والدليل ايـگـلـي مـا يسـلـم                 ٱبْغيابك ريت اموت واخلص ابساع                 حسبت احساب كـلـشـي إلّا الـوداع                         تظل بــس نـايـبـاتـي                        *---------------*---------------*                   عايفني ييمه والجـرح يـسـعـر                   مااگدر اعوفك لحـظـه ما اگدر                   ماي وبالتراب احلامي تتطشـر                   اعيش بذكرياتي وصعبه اتصبّر                 بقت احلام عرسك لچـمـه بـالـروح                 أتـانـي وفـجـأه مـنـي رايـد اتـروح                         يماضي وكلشي آتـي                        *---------------*---------------*                   واعدنـي تـروح وبالعَجل تـرجـع                   انتظرك بـديك اتنشـف الـمـدمـع                   انطيني كــلام وبـالـعـهـد اقـطـع                   يولـيـدي غـيـابـك للگلب يـشـلـع                 عـهـد يوليدي تنطي لْـ أمـك اتـعـود                 تظل عگبك دمعتي فــوگ الـخـدود                         يمـن بـيـدك نـجـاتـي                        *---------------*---------------*                   احسابي يغالـي بـالـعـرس افـرح                   افـراگـك يـجـاسـم للأمل يـذبـح                   تـرضـاهـه جـرح للربتك تـصـبـح                   يـكـفـيـه الحـزن دلّالي الـمـجـرّح                 تجازي اربـاهـه كـلـه الـربـت اتـريـد                 چـان احسابي هيچي واطمح ابعيد                         چنت ادعي ابصلاتي                        *---------------*---------------*                   احلام الـتـربـي للـشـبـاب اتـزف                   يروح اللوعتهه بـالدمـوع اهتف                   اسولـفـك ييمه والجـرح يـنـزف                   تدري ابروحتك يالواحد اتكـلـف                 كلشي ابدون شخصك مأتم ايصير                 عَلَي ضيـم الـلـيـالـي بـاچـر ايـديـر                         احس يـگـرب مماتي                        *---------------*---------------* ✍️خادم الحسين ع الشاعر رعد الچريخي

(القاسم) فـرحـه وحـزن عاش الـگـلب     مــن شـفـتـك بـزي الـحـرب         يبـني وحـرت بـيـن امـريـن  اشـعـل شـمـع اجـري الـعيـن *--------------------*------------------* متحيره آنـي بـين احـزاني وبيـن الفرحه يـا ضي دربـي خايف گلبي خاف اجرّحه ويـن الـنيـه هـاجس بـيـه يصعب شرحه حزني اتوجر حالي اتغير دمعي ايوضحه     يمي وصرت مدري اشأحس     ارجـف رغـم حـــر الشمـس               هـل حاله اجـت مـدري منين *-------------------*----------------* حلوه علومك حلوه ارسومك چنك زهره واكـف يـمي وخـوفي وهـمي آخـر نضره انـطـر تـكبـر هـذا المنضر عـمـري انتضره مثـل الشمعـه اهـمـل دمـعـه وربـي الادره     جـبـت الـعـمـر كـلـه انـتـضر     ومـا شافـت اعيوني الفـجر                   يـُمـة الصـبـر طـال اسنين *------------------*---------------* دمـعـي اتـلالـه واصـعـب حـالـه مـرت بيه يبني احچيلي اتـهـدم حيلي الوين الـنيـه رايــح شـفـتك وتـخـيـلـتـك مـاكـو جـيـه صبري أتكسره وبقه ابحسره وعيني اربيه   ارجـع ألـي وجـازي التـعب   بُـعـدك تـره الموتـي سبـب              شـاب اطلعت لـجـل الديـن *-----------------*------------------* فـدوه الـعينك تـعـبِ اسنينك يبني اتـرده أتروح وترجع يجري المدمـع بُـعـدك شـده وليدي الغالي تدري ابحالي گـلبي اتمـرده انته احساسي ورفعة راسي يجرح بُعـده    كلشي سهل غيـر الـُبـعـد     انـطـر اضـل لـمــن تــرد              خليني اشـم عـطـرك زيـن *-----------------*-------------* بزود وهمـه امضحي الـعـمـه بيك اتبـاهه اصعب روحَه كلبي اجروحه اتزود وياهه يـبنـي وتـعلـم اشـگـد تـتـألـم الام لرباهه كلك طيبه وهـاي الهيبـه اشـلـون انساهه     تدري الهجر هاجس صبح     اقـرب ألـي مـن الـفــرح                  اتغيّر شـفـت وجـه حسين *------------------*----------------* ✍خادم الحسين ع الشاعر رعد الجريخي نسألكم الدعاء

نعي جنوبي القاسم عليه السلام لايام دنياي.    .  ردتك ذخر.          لأيام دنياي من ضيم بلواي اشكي المن بعد من ضيم بلواي يا لبت حشاي.   يا سباح گلبي.     ولبت حشاي يا لب الفواد.  جاسم يا ضناي ولب الفواد للضيج ينراد تدري الولد.      الضيج ينراد ويه الاولاد شحلاته لو طلع.    ويه الاولاد اتريد والي.   . يا يمه الغريبه.      اتريد والي الضيم اليالي     يعون امك.       الضيم اليالي ولولد غالي   انا مضيعه ولد.   .   والولد غالي ارباي اريده.   جاسم ييمه.        ارباي اريده صارت بعيده.     ولمتنه بعد.    صارت بعيده ضلت وحيده. امك يل ولد.      ضلت وحيده لو راح ابنهه.   حگهه ام الولد.     لو راح المهنه لو زاد ونهه.    على افراگ الولد.  لو    زاد  ونهه اتروح عنهه.  شلونك امك  يغالي.    اتروح عنهه الشاعر سلام عزيز السعيدي بنيتي.    وليله التاسع علبناج عد الله  ونبي الله  على ابنج هنيالج والله يا رمله على ابنج وگف وگفت بطل بل غاضريه رمله تگول چانون الهجر بحشاي هل شاب ورمشي من دموع لعين هل شاب عندي من الله يا هناس هل شاب نذبح گدامي گلي شلون بيه الشاعر سلام عزيز السعيدي https://t.me/joinchat/AAAAAEN4vuuUfDbAramBIQ قناة خاصه نعي / ابوذيه / هوسات

لشهادة القاسم بن الحسن المجتبى  عليهما السلام على طور (حرم عندي)  لباسم الكربلائي يصب دمي   لأجل عمي أمامي وقرة أعيوني ★★★★★ انا ابن النبي المرسول   رحمه وخير للوادم وابوي المجتبى الطاهر  امام ومن بني هاشم أصلنه على الارض رحمه  وعالم من بعد عالم وجدي المرتضى الكرار   وانا الباسل ( القاسم ) أحاربكم   واعرَّفكُم بنفسي لوتجهلوني ★★★★★ هظمتوا حسين ابواليمه  ومنكم ياخلگ همي بشهر واحد  نكرتوها  رسايل وصلت العمي جهل لوماتعرفونه  لولمع الذهب يعمي انا ابن الحسن روحي  لبواليمه وفداه دمي إله أسنيني   ونظر عيني النصرته ماتمنعوني ★★★★★ أنا القاسم اتعنيت  للحومه اواجهكم أحمي عمي وعياله  وخيام الحرم منكم شتنكرون بالمحشر  لوتشهد رسايلكم يلكل رحمه مابيكم   وغير الغدر ماعدكم العمر ذمه   لبواليمه حب حسين مضموني ★★★★★ قليله بعيني كثرتهم   شماتكثر عساكرها الحومه ماتهد عزمي ولاكثرة مخاطرها بوادم علطمع والمال   مبيوعه ضمايرها كسروا هيبة الاسلام  ياهو البعد يجبرها مثل عمي   يضل عزمي الحرب ماغيرت لوني ★★★★★ رخص عمري لبواليمه  وشبابي وزهرة أيامي للضل لامعين وناس   ومهموم الگلب ضامي ومن اسهام تتخاطف  جبينه  للاسف دامي البواتر ماتألمني        غربته زادت آلامي يوصوني   ويذكروني للطف اهلي رَبوُّني الشاعر حسن لعيبي الحريشاوي

لسان حال الامام الحسين عليه السلام يخاطب القاسم بن الحسن عليه السلام (وزن المجرشه) يبن الحسن حيلي انهدم ياجاسم ارجع للخيَّمَ ياجاسم ارجع للخيَّمَ ★★★★★ مابيه ياعمي انفجع من بعد الاكبروالگمر أيذكرني وجهك بالحسن.جسام يانور البصر خلاني ارماد. الحزن. ياعمي دلالي انفطر أبدور كلها اتذبحت. بغيابهم كسر الظهر يلبيك اشم عطر الحسن وعيوني منك مارون وبطلعتك گلبي انلچم ياجاسم ارجع للخيَّمَ ★★★★★ من اذكر اخوي وماجره ابحاله وعذابه وبلوته من التمت اعليه الخلگ مخذول وحده عافته گلبوا موازين الحكم ارجال المصالح غدرته ختموا حياته بالغدر. رووها بالسم چبدته رد للخيم ياسلوتي جسام هوّن غربتي وهون على گلبي الألم جسام ارجع للخيَّمَ ★★★★★ شعتذر باچر للحسن باچر شگله وشعتذر وشلون اقدمك للحرب عدوان شيمتها الغدر يانور من نور الحسن. جسام يانور البدر ياغصن من شجرة وفه ياغصن خايف تنكسر من الدنيا ياعمي اشفت للموت بجدامك رحت لعدوان مابيهم رحم جسام ارجع للخيَّمَ ★★★★★ ياعمي ارجع للخيم تواسيني لوعندك قصد المطلوب عمك للخلگ عنهم يضي عيني ابتعد ادريك رايد نصرتي من اهل الضلاله والحقد لاينگطع نسل الحسن للخيم ياريتك ترد معقود ياعمي الامر هذي نهايات العمر كلشي توضح وأنحسم ياجاسم ارجع للخيَّمَ ★★★★★ امك يجاسم تنتظر ايفور على وجنتها الدمع لزمت گلبها من الخطر. لاساعه امك تنفجع تناطر ربيعك كل سنه بچف الوكت لاينگطع معتني بزودك للحرب وامسلح أعلينه الجمع للخيم ياريتك ترد جسام ياعمر الورد ياورد علموت اعتزم جسام ارجع للخيَّمَ الشاعر حسن لعيبي الحريشاوي

لسان حال  القاسم بن الحسن يخاطب أمه (وزن هجري) يمه ذكريني يرملة. من تمر زفة شباب لموت لجل حسين يحله وبالدمه يحله الخضاب ★★★★★ احله زفه الموت عندي. غير هذا مااريد اسعد الشبان كلها.    اليوم يايمه. سعيد من تگول الناس عني   القاسم  توذر شهيد مايهمني بعد هذا.  لوصرت تحت التراب ★★★★★ زفتي محلاها يمه.  من الحرب ارجع خضيب النصرة المظلوم عمي  الوگف بالحومه غريب أَمَرْ مِنْ الَأَمَرْ عندي. من ينادي.     ولامجيب ايعز عليه من ينادي.   ومالگه الصوته جواب ★★★★★ ماإلي بالدنيا مطلب.      ولاحياة بهلوجود غايتي نصرة محمد. وأوفي لحسين العهود نصرته الفوز المؤكد.   يعني معناها. الخلود ونصرة الباطل خيانه.  الدين طه والكتاب ★★★★★ اتذكري يمه الوصيه.  والدي ايوصي ويعيد حسين بيه الگوم تغدر.  هذا يوم الموبعيد القاسم ابني درع لأجله.  بلحرب لوضل وحيد هذا يوم الچنت اريده.   قربة لله موثواب ★★★★★ اليوم يوم الوفه العمي.  من بعد ذيچ السنين ابحجره رباني ورعاني. عاطفه وطيب وحنين عمري وأيامي وشبابي.  فدوه. كلهن للحسين باب للجنه الوسيعه.  وشافع بيوم الحساب الشاعر حسن لعيبي الحريشاوي

الامام الحسين عليه السلام يخاطب القاسم بن الحسن ان يعود الى المخيم (وزن تجليبه) ارجع وي الظعن   ارجع يبن الحسن يازهرة دلالي     ياعمي ارحم حالي ارجع يبن الحسن ★★★★★ لهاي الگوم  لاتوصل وتفجعني بخوي الحسن  يلوجهك يذكرني ردت منك تغسلني وتچفني وتلم جسمي    البواتر لو تگطعني تدريها اموذره   انصاري على الثره من غيرك يبقالي   ياعم ارحم حالي ارجع يبن الحسن ★★★★★ الحبيب بلاحبيب ايامه ماتنفع موسهله من اشوفك للحرب تطلع ومبروده البواتر  بيها  تتگطع تزول احزاني ياجسام من ترجع واجسوم مگطعه   يمي وعلمشرعه راحت مني اعيالي   ياعم ارحم حالي ارجع يبن الحسن ★★★★★ ردت عريس اشوفك للفرح تنزف موتهدي شبابك  للحرب بالطف بدل ماتعلگ شموع وتحني  الچف ابجيش الماله عد اليوم تتكلف لبن الزهره وعلي   شتعذر مبتلي شلون بدونك تالي  ياعم ارحم حالي ارجع يبن الحسن ★★★★★ عبدالله انذبح وتگطع الاكبر وبقه العباس يم المشرعه امطبر نصير المابقالي ولامحب يحظر اخاف عليك ياجسام تتوذر ياهو من كربله   يرجع بالعايله ظعن ويرجع خالي   ياعمي ارحم حالي ارجع يبن الحسن ★★★★★ علي يبن الحسن يصعب اودعنك يهل نور الحسن يمي من اشوفنك وتريد ارباها امك يابدر  منك شلون الها بدي مذبوح اردنك خوفي يصيبك سهم   ارجع صوب الخيم امسلح ليش اكبالي    ياعمي ارحم حالي ارجع يبن الحسن الشاعر حسن لعيبي الحريشاوي

قصيدة لاستشهاد القاسم بن الحسن رضوان الله عليه  (وزن نصاري) لسان حال الحسين عليه السلام يخاطب ابن اخيه القاسم ارجع للخِيَّم عمي يجسام ★★★★★ دمعه ايسيل ابو السجاد مهموم برز شبل الحسن غاير على الگوم ياعمي  يگله  الگلب  ملچوم الاكبر راح خله الحيل مهدوم ياشمل التريده الروح مادام ★★★★★ ياجاسم ردت بوجودك ارتاح ياشبل   العضيد ال من وكت راح صدگ طايح يعمي بيد  ذَبّاح وجسمك صار تالي مهبط ارماح يبن روح الكرامه وروح الاسلام ★★★★★ يبدر الليل يزهي الليل بضواك يا جاسم مشيت وجاني فرگاك مِتوَّذر  يماي  العين   الگاك تراب الگاع يلمهيوب غُطَّاك يعمي صار صدرك مهبط اسهام ★★★★★ على التربان عمي مو وكت نوم شباب ومن شبابك صرت محروم شگل لمك  چتيل وتنزف ادموم ودوس الخيل ماخلالك  ارسوم رسومك خربتها سيوف ظِلَّام ★★★★★ شگل لمك اذا للخيَّم رديت يعزوتها وضواها التارس البيت أسكت لو أگلَّها بحيره ضليت گبل چتلك ردت موتي وتمنيت مثل هليوم ابد ماكو بالايام الشاعر حسن لعيبي الحريشاوي

يگله حسين عمي بعد شملك ولالي شمل يوم الراح شملك دناك الموت شم الورد شملك يجاسم گطعوك على الوطيه الشاعر حسن لعيبي الحريشاوي

في شجاعة القاسم بن الحسن عليه السلام ابتلت بيه الحومه    من طلع جسامها ناده وين جيوشها الحرب وين أزلامها ★★★★★ حسين عمه يشوفه. على القاسم خوفه الساحته مكشوفه.  وبالخطر محفوفه الصولته معروفة.   بالصبر موصوفه المايهاب الصعبه.    ولاغدر ايامها ★★★★★ مايهاب الصعبه.  شماتصادف دربه علشجاعه أَتْرَبَّه     عهد منطي الربه.   لهل بيت القربه.  يفدي روحه وگلبه الحرب جنه يشوفها. عشگ عطر انسامها ★★★★★ سمع عمه ابليله.    الربه من يشكيله هلامر تعجيله.        من تقل الحيله دنه ودمعه يسيله   الحاربك ياويله وفدة الزينب روحي  ومنهو يدنه خيامها ★★★★★ يانبع وجداني.      بصبر امي اتاني لبستني اچفاني.  گبل كل إخواني اوالدي رباني.  بنصرتك. وصاني أشكرت ابوي وامي. الجنه تحت اقدامها ★★★★★ صابر على المحنه.     . للمنيه اتعنه من لگاها الجنه.        للشهاده اتمنه بالدمه الغطنه.          بدلاها الحنه وللمنايا. أَتْصَبَّر    من تخط اقلامها الشاعر حسن لعيبي الحربشاوي

‏آه يا جاسم شأحمل جمرتك ‏لا زفاف ولا شمع لا حنتك ‏للگبر تاليها صارت زفتك ‏گوم شوف امك شصاير بيها ‏ ‏يبني يا جسام من عگب الصبر ‏للخيم ترجعلي وخدودك حمر ‏هذا عمرك يبني مو مالت گبر ‏يا مصيبة كربله و واديها ‏ ‏انت مالت ورد وافراح الشباب ‏يا مصاب المثله ما هدني مصاب ‏حتى ما هليت فوگاك التراب ‏جثتك فوگ الثرى مخليها ‏ ‏ما شفت من الحياة كلشي بعد ‏ابد ما افرح عگب عينك ابد ‏ساعد الله الأم اذا فگدت ولد ‏ما يمر الفرح بعد عليها ‏ ‏ردت اشوفن زفتك وما لحگت ‏انت ويه سيوف أمية تشابگت ‏وبالحوافر انت هم تسحگت ‏كل جثثكم خيل تگصد ليها ‏ ‏ضاع آخر أمل بيها الدنيا ضاع ‏عالتراب گبالي مذبوحة السباع ‏يبني يا جسام ناديت الوداع ‏عگب عينك امك ميسريها ‏ _كلمات الشاعر : قحطان الحسناوي