بـْوح القصّيد

‏يافاقدين أحبابكم وش تسوون ‏لا مدت الذكرى الحزينة يديها ‏كيف نتجاوز حزننا ماتعرفون ‏بعض الطواري موجعة مانبيها ‏دايم على بال المواجع يمرون ‏مافيه ضحكة مالهم صوت فيها ‏ياليتهم عن ضيقة الفقد يدرون ‏ودروبهم وشلون دايم نجيها ‏من كثر ماصاروا على البال يطرون ‏حتى خطاياهم ولهنا عليها .

الذكريات بـ كل الاحوال تشقيك ‏ما فيه روح من الحنين استراحت ‏ تحزن على ذكرى حزينه تبكيك ‏وتضيق من ذكرى جميله وراحت .

وشلون لامرّت على البال ذكراك ‏وطيفك سرق مني لذيذ الرقادي ‏وشلون اعيش اللي بقالي بليّاك ‏لا من غدينا كل واحدٍ بوادي ‏علمني اكره ذكرياتك وطرياك ‏وانسى من الليله صدوق الودادي

شوقي يهز أقصى الضلوع المهاديف ‏ويهزني طاريك وأعشق سماعه ‏حتى إذا جاني من دياركم ضيف ‏يفرق سلامه عن سلام الجماعه

مساء الخير للجميع 🤍

لقيت فيك احساس ماهو مع الناس ‏و لقيت بك من بد الأرواح روحي..

بنينا لك بوسط القلب بيتٍ م يحده سور ‏وتركت البيت وأهل البيت ماكنك مخاوينا

يا صدفةٍ ماجت على بال الايام ‏كن العمر قبلك حظوظه بخيله

احبك والعُمر مرة وأحبك والسنين فصول ‏وإذا كان العمر يرجع بـ احبك وارجع اختارك

من لا يداري خاطرك لا تداريه ‏بعض المدارى للخواطر مذله

دون حُبك لو يجون الِلي يجون ‏والله أن مالك وسّط قلبْي بديل

سبحان من خلّاه عقب التناهيد ‏شيءٍ أشوفه .. ما يحرّك كياني .

عطيتك الي ماعطيت اقرب الناس ‏علقت فيك احلام عمري وضاعت

الضيقه اللي مانعتني عن النوم ‏الله يسمح درب ، منهو سببها .

ماغبت عن قلبي ولاهان طاريك ‏اتابعك باليوم .. ساعه بـ ساعة .

تمطر لغيري من حنانك سحايب ‏ويموت قلبي بين اياديك عطشان.