قصائد الـ تجليبه ( تجليبة )

في خدمة الامام الحسين عليه السلام  (تجليبة ) لبواليمه وذكر عاشور وفايه مشي وخدمه ولطم ودموع وقرايه ★★★★★ مشي حد مايوصلنه الجدم يمك فداك ارواحنه كلها وفده الأسمك نواليك ونعادي كل وكت خصمك يبواليمه إلك للدوم مشايه ★★★★★ إلك خدام  يلمذبوح بالعاشر نصبناها المواكب كل وكت داير نضل ليل ونهار بخدمة الزاير وحگ زينب الحره وحامل الرايه ★★★★★ لطمنه اعليك  يلمتخضب ابدمك برض الخيل شنهي الباقي من جسمك بس عطرك دليل الضال من رسمك بصدرك چم سهم عافته الرمايه ★★★★★ منكف البچي بدموع سچابه ونعلي الصوت آه يحسين ومصابه يلمذبوح بعد أعياله وأصحابه بعد چتلك الوادم شلها من غايه ★★★★★ قرايه وبيها دوم انجدد الذكره ونواسي الهادي والكرار والزهره والحجة الغريب المنكسر ظهره سوالف للطفوف اتعذب  أهوايه الشاعر حسن لعيبي الحريشاوي

تجليبه (مصيبة السيده رقيه ع) يشيعه الفزت من النوم عازوها واعله امصاب ابو السجاد عينوها * * عازوها على ابوها ولبة احشاها الماعايفها يوم اشلون عافاها فزت تنشد وخل ننشد وياها شلون يعوف طفله الگوم يسبوها * * يشيعه ننشد العودها باحضانه تفز وتلوذ بيه ويحچي وجدانه على صوته تنام ولهجة لسانه وسافة بالخرابه اليوم نوموها * * نوموها بأسرها بالخرابه اليوم تتجرع الحسرة والگلب مهظوم ماتنشف الدمعه ياخلگ للدوم من دمعة رقية الدمعه اورثوها * * وبعد ننشد الطفله شگالها وفزت وصاحت بالخرابه وگاعها اهتزت ياشهگة حزينة بالگلب عزت على حسين وگصدها وبيه فجعوها * * گصدها الراس وانت تخيل الموضوع التتنطر بأمل صورة حلم مطبوع ترد الها عدل مو راسك المگطوع يحسين الغريبه بطشت ذبحوها * * شافت راس ابوها وشهگت على الراس ياگطرة ندى العالورد ماتنجاس ملامح طلتك يحسين كلها احساس بحجر ليش ودمه يحسين شوهوها * * تغير وجهك وجبهتك رضوها واثر شفة محمد ليش حزوها ليش ارسوم خدك بويه خضبوها بدمه وتراب ليش الشيبه دموها * * شفتك بيها لچمة خيزران يزيد وحسرات العطش فوگ اللهيب تزيد عمتعيني يبو السجاد ماي تريد؟ اخذ عيني ودمعها البيك رووها * * يبو السجاد فدوه الروح لعيونك واخذ روحي البعد ماترهم بدونك يبويه جرعوني هموم من دونك تريد وياك روحي لا تعوفوها * * يشيعه ماتت الطفله على راس حسين بگيود البديها بدمعة البالعين يشيعة مايطيبن بالگلب جرحين جرح حسين والبالشام دفنوها * * تمت … علي العزامي

لاستشهاد الإمام علي بن الحسين زين العابدين عليه السلام (وزن تجليبه ) الصحيفه تنوح عنها ابن النبي غَرَّب وعطايا السر نحيب الفاگده تنحب من الطف بلگلب جمره لآخر يوم من عمره واويلي على السجاد ★★★★★ مثل يعگوب مابطل ابد نوحه ظلت للعذاب وللحزن روحه علطاح وشمر چملهن اجروحه وجثه على التراب صبحت مطروحه اختنگ بالآه والعبره لآخر يوم من عمره واويلي على السجاد ★★★★★ هذا ابن الشهيد الماضعف عزمه البرهن مايفوز السيف علكلمه ولا علنور تفخر لُمَّت الظلمه مناجاته اعتراض وعسكره الحكمه عبر كل حد عبر صبره لآخر يوم من عمره واويلي على السجاد ★★★★★ وجه الدين غَيَّم والعلم مهموم مطالبها لگت من دورت هلگوم گضه السجاد نحبه للاسف مسموم يوم على الهواشم ماكو مثله اليوم غريب ومنكسر ظهره لآخر يوم من عمره واويلي على السجاد ★★★★★ خاب المايعرفه وقاصد يجهله من ياگوم ينشد بالعرب اهله ابن الماحصل بين البشر مثله من روح الزچيه ومن علي اصله عيونه من البچي حمره لآخر يوم من عمره واويلي على السجاد ★★★★★ المدينه تعرفه ومكه ومشاهدها الصفا ومروه تجاوب لوتناشدها حاديها المعارف هو قائدها زين العابدين ويبقه سيدها لگه دروب المجد خطره لآخر يوم من عمره واويلي على السجاد ★★★★★ سعه بشَرَّه الوليد وجهز اعوانه غميج احقاد تكشف غدر وجدانه نكر جود الامام وعطفه وحسانه وحن الجاهليته ومعبد اوثانه دره بالظالم يغدره لآخر يوم من عمره واويلي على السجاد الشاعر حسن لعيبي الحريشاوي

ياهو الگال زينب مشت مسبيه  (وزن تجليبه) يا هو الگال  زينب مشت مسبيه بنت الطاهره  الزهره الرساليه ★★★★★ صوت حسين زينب من ضوه الكوثر وصولات الحسن لمن يلاگي الشر وصلابه ومعرفه وايمان من حيدر وبصيرة راي من الهادي قدسيه ★★★★★ من علم الرسول المصطفى زينب وبلاغة حيدر الكرار المجرب وصلابه فاطمه المثل الجبل واصلب اخت حسين من صبره ومعانيه ★★★★★ يا زينب شجاع ومعرفه وحكمه وعزم حيدر علي ومن فاطمه الحشمه سوت كل نهار على العدو  ظلمه بجحافل من بلاغتها السماويه ★★★★★ مجمع للفضائل والعلم زينب قدسيه وعظيمه وجاه من الرب تحملتي الصعب مولاتي والاصعب وناتچ حملتچ  ثوره حسينيه ★★★★★ تكفلتي اليتامى وحاربيتي البين وحفظتيها الرساله وماخذلتي الدين وكملتي المسيره بعد اخوچ حسين كل تقصير ماعندچ يعلويه ★★★★★ كل تقصير ما عندچ يخت عباس انتي دوم للاسلام رفعت راس العوالم بيچ هيه بيامدى  تنقاس يبنت الفاضله الطاهره المرضيه الشاعر حسن لعيبي الحريشاوي

تجليبه كاع الطف وذر متروسه من عدكم حيره شلون الم الاجساد و ادفنكم …….. كاع الطف وذر متروسه من حسين بدفن اجسادكم حاير ابلش منين مطشر جسمك وربعك تره موذرين وينه الحيل وينه حته المنكم كاع الطف وذر متروسه من عدكم ……… هنا جبدك ليكته بالسهم مصيوب واضلوعك مطشره وبيها الم النوب مذبوح وطريح اعله الثره ومسلوب المك وي علي وعبد الله اجمعكم كاع الطف وذر متروسه من عدكم ……… لملمته بحصيره الجسد لملمته و علي الاكبر وصل يابويه جمعته وعبد الله اعله صدرك جبته وسدته ادموعي المالحه خايف لتلجمكم كاع الطف وذر متروسه من عدكم ……….. وجثه تفوح منها ريحة العمبر بياض مغطي وجها وجسمه المطبر وصلتله وثاري جون الطيب تغير لونه وطاب ريحه من خلط دمكم كاع الطف وذر متروسه من عدكم ……….. جثث عالمشرعه ومترسه الصوبين وراس الغيره عالشط منجسم نصين هنا جف منكطع وهنا سهم بالعين ورايه اعله الشريعه هنا ترفلكم كاع الطف وذر متروسه من عدكم ……… الشاعر احمد ابو الشون https://telegram.me/aabas78 قصائد لكل ايام محرم اشترك بالقناة

تجليبه دفن الأجساد ه ه ه اجه السجاد يطوي الگاع بحزانه رايد يدفن الوالده واخوانه ه ه ه اجه من الكوفه والدمعات بعيونه ودم   الگيد  لسه  يسيل  بمتونه ثلث تيام اهل  بيته  ممدفونه الذبحوهم بيوم الطبگ عدوانه ه ه ه اجه السجاد حار بدربه يمشي منين عله الانصار عالاخوان يم حسين يصد صوب الشريعه ويهمل العينين وعليهم تشب وسط الكلب نيرانه ه ه ه تلگوه ال اسد وتحسّْرو  يمه وگصد لحسين بالحسرات وبهمه وگف وتحير عله الجسد شيلمه الحوافر وذرته وطشرته بميدانه ه ه ه بچه هوايه بچه وانسالت دموعه يوّن اونّته  عله حسين  مسموعه ابن ينضر لبيه الرگبه  مگطوعه حفر حفره لبوه هناكه بمچانه ه ه ه وجاب الطفل عبدالله عله صدره عگب ماسمع هذا الطلب من نحره الله  يعين  ابو  الباقر  عله  امره يهيل عله الابو والاخو تربانه ه ه ه واجه بياحال يدفن وبدمع احمر يجر بجدمه گوه يم علي الاكبر شيلم من الاخو مذبوح وموذر خلّاه يم ابوه وذاب وجدانه ه ه ه ورد وحفر حفره چبيره للانصار ودفن ذيچ النفوس الطيبه  والاقمار بالحسرات والآلام والاعبار وحفر حفره الحبيب المرتفع شانه ه ه ه وشد حيله وتعنه هناكه للعباس لايمنه   ولايسره  وگطيع  الراس ينادي يا گمر هاشم يبو النوماس عگبك يبو الغيره اشسوت عدانه ه ه ه دفنهم كلهم وللكوفه رد اردود ماظل عده حيل وباذل المجهود وزينب شافته الساجد بروحه يجود كاللهه دفنت حسين هسه آنه الشاعر ابو احمد الهنداوي https://telegram.me/aabas78 قصائد لكل ايام محرم اشترك بالقناة

تجليبه الزهراء والدفن تنعه من المدينه حضرت الزهره مامدفون ابنها اتشوفه عالغبره ١ من ذبحو ابنها حسين بالعاشر للطف حضرت ومكسورة الخاطر مامدفون ابنها وعالصدر حافر من ذيچ الخيول الداست بصدره ٢ اثر لخيول كلها بصدره مطبوعه وطاحنته طحن ومهشمه ضلوعه الزهره شافته بس بالگلب لوعه مامدفون باقي وحارت بأمره ٣ تحچي وي الجسد وتهل دموع العين حاچيني يبعد الروح يمه حسين مامدفون جسمك يمه راسك وين تحچي وي الجسم والموقف اشكبره ٤ مامدفون ابنها وعالترب عاري وتشاهد ابنها امچفن بذاري يبني حسين نادت تلتهب ناري عليك بكل دمعها تنحب بعبره ٥ گامت تمشي گامت والگلب هايم العريس الهواشم شافته نايم من دمه تشاهد حنته القاسم صبت كل دمعها بلوعه وبحسره ٦ گامت تمشي گامت لچن تتعثر مامدفون شافت جسمه الموذر يشبـه والدي ابني علي الاكبر ليش اسيوف أميه اتگطعه واتوذره ٧ ظلت تمشي ظلت والفكر محتار فوگ اعله الوطيه شافت الانصار تيبچي الزهره تبچي وبگلبها النار وعيون الزچيه من البچي حمره ٨ وصاحت وين ابني الكافل وحامي فوگ اعله الشريعه شافته وضامي مهشم راسه شافت والجسم دامي فوگ السطره ضربت عينها بسطره ٩ و دورت عن طفل ماعبر ست اشهور مابين الضحايه الزهره بس اتدور عبدالله تشوفه بالسهم منحور زين وعين ألها گامت اتنظره لاتنسون والدي ووالدتي وابني عباس من الرحمه والمغفره خادمكم رياض الرسل الجابري

عن لسان العقيلة زينب عليها السلام    ليلة الوداع ليلة العاشر   (وزن تجليبه) باچر جيَّت العاشر  ريته لايجي باچر هاي الناس تطلبكم  ياهو يضلي من عدكم                    ريته لايجي باچر ★★★★★ يبواليمه يخويه شلون حاچيني يمن رايد تودعني وتخليني ردت منك يابو الغيره تحاميني كفيله اتريدني خوية وتوصيني باچر ينتهي كلشي  يوم العني بيه تمشي اموتن من اودعكم  ياهو يضلي من عدكم                ريته لايجي باچر ★★★★★ اشوفن دعوتك  دمعات وياها وتدعي الله وتوصيه بنسل طاها وتدعي كون  زينب   ربي ترعاها اعرفت ياخويه هاذي شنهي معناها خويه لاتودعني      تره الفرگه تعذبني اروح وابتعد عنكم    ياهو يضلي من عدكم                ريته لايجي باچر ★★★★★ ريت الله يوگف   كل فلك داير ولاشمس الصبح تطلع  عليَّّ باچر ولااشوفك وحيد  وماالك ناصر وعليه الگوم بعدك  خويه تَّجاسَر تتفرج علينه الناس      لاانته  ولاعباس ضحايا اشلون اشوفنكم  ياهو يضلي من عدكم                ريته لايجي باچر ★★★★★ صدگ خوية ولااشوفن بعد نورك ويضل وياي يمشي دوم عاشورك من هاشم تغيب    وترحل ابدورك فراگ الدوم يكتل    بعد ما ازورك باچر لايجي باچر   ويظل الگلب حاير اخاف العده اتفرهدكم    ياهو يضلي من عدكم                ريته لايجي باچر ★★★★★ خوفي من يجي مذبوح ابواليمه وتصير الدنيا سوده بناظري وظلمه القاسم وي الاكبر ينسحگ جسمه ولاعباس چفه.   ورايته يمه باچر بالضعن وحدي  وايام الحزن تبدي سليبه وخاليه خيمكم    ياهو يضلي من عدكم                ريته لايجي باچر الشاعر حسن لعيبي الحريشاوي

لسان حال ام عبد الله الرضيع وزن تجليبه الشطر الأول فقط من التراث تصلح نعي اوقصيدة منبريه (انوح اعليك يبني من تنوح وياي ؟ والوَيَّاي بلواهن مثل  بلواي  ,) ★★★★★ انوح عليك يبني ومارحل حزني صفيت من الحزن تالي وصِفَه مني ذُبَّاحَك يماي العين ذابحني لَمَّن صَوبَّك حط السهم بحشاي ★★★★★ بحشاي السهم يوليدي من صابك تموج الگاع بيه من اذكر مصابك هاي الماردتها  ساعة  اغيابك شلي بالروح بعدك ياگمر دنياي ★★★★★ شلي بدنياي بعدك ياضوه اعيوني من سابع سمه لمن يذكروني چنها اطيح روحي وينخطف لوني سگوك ابدم يعبد الله ابدال الماي ★★★★★ ارِدَّن للمدينه  شلون من دونك وشوف العين يبني من ضوه عيونك اسف يبني الترايب غَيَّرَت لونك تدري بروحتك من عندي راح الراي ★★★★★ راح الراي بعدك وانشده بالي شوصفلك وماله كل وصف حالي اسنيني من غيابك مالهن تالي على الدنيا العفا من رحت يارجواي الشاعر حسن لعيبي الحريشاوي

..نزله تجليبه.. ‏بچي ونوح وزلمهم مادري شبيها ‏علي الاكبر خبطها وشرب صافيها ‏كفو .. كفو .. كفو .. ‏...................... ‏ابو فاضل سمع صوت لبواچيهم ‏سأل يحسين خويه شصاير شبيهم ‏كله حسين هذا ابني طـلع ليـهم ‏ضحك عباس گال اليوم يگضيهم ‏أنه مدربه ابن اخوي ومايثنيها ‏علي الاكبر خبطها وشرب صافيها ‏كفو .. كفو .. كفو ‏...................... ‏مشه يرتب السوالف والحچي يعدله ‏طلع باوع عليهم گالهم سهله ‏اشجع واحد البيكم يرد لاهله ‏لا يندم اذه اتعناله واوصله ‏ناس الما اتربـت آنـه اربيـهـا ‏علي الاكبر خبطها وشرب صافيها ‏كفو .. كفو .. كفو ‏...................... ‏يقدملهم نصيحه وما يسمعوها ‏اضن طگات سيـفي ما تعرفوها ‏موت  وجايكم الاسباع اطلعوها ‏اليوم ارگابكم عدمن تضموها ‏اخذ روسكم ياهو الي يحميها ‏علي الاكبر خبطها وشرب صافيها ‏كفو .. كفو .. كفو ‏...................... ‏آنه ابن اليگل للذله الف هيهات ‏وابن الماينزل ينزل راسه للصعبات ‏وجدي التارك بسوح الحرب بصمات ‏مامات اليخلف لا علي مـا مـات ‏كل هاشم فخر معروف ماضيها ‏علي الاكبر خبطها وشرب صافيها ‏كفو .. كفو .. كفو ‏...................... ‏المراجل سلسله واحد وره الثاني ‏ورث جدي لابوي او آنه واخواني ‏أنه الحزمني ابوي وعمي رباني ‏آنـه اگبـالكم يـاهـو ايـتحـدانـي ‏وحده احچايتي وموطبعي ارد بيها ‏علي الاكبر خبطها وشرب صافيها ‏كفو .. كفو .. كفو ‏...................... الشاعر ‏محمود الساعدي ‏ https://telegram.me/aabas78 قصائد لكل ايام محرم اشترك بالقناة

الامام الحسين عليه السلام يخاطب القاسم بن الحسن ان يعود الى المخيم (وزن تجليبه) ارجع وي الظعن   ارجع يبن الحسن يازهرة دلالي     ياعمي ارحم حالي ارجع يبن الحسن ★★★★★ لهاي الگوم  لاتوصل وتفجعني بخوي الحسن  يلوجهك يذكرني ردت منك تغسلني وتچفني وتلم جسمي    البواتر لو تگطعني تدريها اموذره   انصاري على الثره من غيرك يبقالي   ياعم ارحم حالي ارجع يبن الحسن ★★★★★ الحبيب بلاحبيب ايامه ماتنفع موسهله من اشوفك للحرب تطلع ومبروده البواتر  بيها  تتگطع تزول احزاني ياجسام من ترجع واجسوم مگطعه   يمي وعلمشرعه راحت مني اعيالي   ياعم ارحم حالي ارجع يبن الحسن ★★★★★ ردت عريس اشوفك للفرح تنزف موتهدي شبابك  للحرب بالطف بدل ماتعلگ شموع وتحني  الچف ابجيش الماله عد اليوم تتكلف لبن الزهره وعلي   شتعذر مبتلي شلون بدونك تالي  ياعم ارحم حالي ارجع يبن الحسن ★★★★★ عبدالله انذبح وتگطع الاكبر وبقه العباس يم المشرعه امطبر نصير المابقالي ولامحب يحظر اخاف عليك ياجسام تتوذر ياهو من كربله   يرجع بالعايله ظعن ويرجع خالي   ياعمي ارحم حالي ارجع يبن الحسن ★★★★★ علي يبن الحسن يصعب اودعنك يهل نور الحسن يمي من اشوفنك وتريد ارباها امك يابدر  منك شلون الها بدي مذبوح اردنك خوفي يصيبك سهم   ارجع صوب الخيم امسلح ليش اكبالي    ياعمي ارحم حالي ارجع يبن الحسن الشاعر حسن لعيبي الحريشاوي

تجليبه ليلة القاسم ع العـمه ايصير ابـو فاضل بـعـد شـيريد مـثل عـمـك يجاسم كـون تطـلع حـيد -------------------------- مـن حقـها تحسدك يمـه هــاي الناس مـنو العــمـه يـشابــه عمــك الـعـباس اريـدك مثـله ابــدن مـاتـطـخ الـراس اذا للحومـه تـدخل كـون عندك عـيد -------------------------- الحــرب عـيدك اريــد بيـوم تدخلـها والسبــعـين الــف وحــدك تــزلـزلــها الحــومه ابشـاربــك بـالـــك تـزعلـها مهرها ارگاب وانـته گـدها ياصنديد -------------------------- گــدهـا وماتـنــزل راســـك الـــواحد اذا عــمـك الــقائــد انــته هــم قــائد هـذا جيــش امـيـه شـوفــه وشـرايد اذا ماعنــده شـغـله خـل يروح ابعيد -------------------------- كــون الجـيش عمـتك يـمه متــشوفه واذا للكــوفـه تگــدر وصــله للــكـوفه ابصيحه  وحده مـنك تـوگــع اسيوفه خلــيهم ابحـيره وأيــد تصــفـج بـــيد -------------------------- خلــي الينــجه مــنـك يــذكـــر الأيـــام ويجفل لو سمع مــر طاري اسم جـسام اليــشــرد يمــه مــنك حقــه مــاينـــلام چيـه صولات ابـوك الحسن راح اتــعيد -------------------------- صولات الحسن لـو عالجـيوش اتحـين بالــك يــمــه گلــبك بالمــعـاره ايــلــين اريــدك مـثل ابـوك ابيوم طـب صفين طـشرها الجـيوش ولمـها مـن اجــديد -------------------------- مــن اتـلمــهــا لاتــتـــرك أثــر بالــگــاع وثـارك ادري بـي يـبن الحسـن مـاضاع سـبع واهلـك ابـزود اسباع ولــد اسباع الشـجاعه الـها أهلها وهـيه هــم تعويد -------------------------- نعــم عـنده شجاعه الـي رخــص دمـــه المــثل حســين عــمـه يستــحق عـمـــه ييــمــه مــن تنــصــره يــنفــرج هــمـــه واذا لاســـامـح الله تــره هــمــه ايـزيد -------------------------- تمت والحمد لله في ٢٨/ ٩ / ٢٠١٦ حيدر تركي الكربلائي

بعد استشهاد أبا الفضل العباس عليه السلام (وزن تجليبه) يبوفاضل يموت على العده امنزَّل ترضه شلون زينب تصعد الْهَزَّل ★★★★★ ترضه شلون زينب علهزل تصعد بعد وج الخيم نيران ماتخمد يعمي العين دمع الينزل على الخد وين تروح بعدك يادرب تندل ★★★★★ تندل يادرب وتروح زينب وين من عگبك شماته هلخلگ صوبين تمنت موتها بعدك وبعد احسين ارحلت عنها وتمنت هلعمر يرحل ★★★★★ انظر للحرم شوف الحرم ضلن محتارات وين الياكتر يرحن وحده بوحده لاذت عنك ينشدن العزيز بلاهله ابدار الغرب ينذل ★★★★★ مهظومه المشت بالعزم موصوفه بت حيدر علي زينب المعروفه مطبوع بمتنها السوط مچتوفه بهذا الحال يابوالفضل ماتقبل ★★★★★ يكافلها بوجودك دوم مهيوبه مسلوبة ضعن بالضعن متعوبه بياصوچ وذنب للگوم مطلوبه أَبيَّه وبالخلگ ما يوم تتوسل ★★★★★ دنت ليك المنايا شلون ساعتها يمضيج على العدوان ساحتها يمطشر الصفوف بوكت لمتها على اختك ضاگت الدنيا تريد الحل الشاعر حسن لعيبي الحريشاوي

في خدمة الامام الحسين عليه السلام (وزن تجليبه ) أسم وصيت عند الناس موهَمَّي بس عندك اريدن ينعرف اسمي خادم للمنيَّه   إلك يبن الزچيه بس عندك اريدن ينعرف اسمي ★★★★★ ما خاب التِسَجَّل إسمه وتذكره خادم يرتجي بالمحشر تحضره لو عني الخلگ  مولاي تتبرَّه ندم هلدنيا  كلها  بدونك وحسره اون صبح ومسيه الك يبن الزچيه بس عندك اريدن ينعرف اسمي ★★★★★ متهمني الوجاهه بدنيتي وشتصيير يهمني بخدمتك اتجنب التقصير شنهي الاسم والاعلام والتصوير وانت الخير ياهو اليفر  من الخير الحزن شمسوي بيه  الك يبن الزچيه بس عندك اريدن ينعرف اسمي ★★★★★ ميهمني بخدمتك ياهو يمدحني يبو  الاكبر خدمتك هيه التهمني بس حبك بهاي الدنيا شاغلني وبيدك من عذاب الحشر تاخذني كل خير العليَّه   الك يبن الزچيه بس عندك اريدن ينعرف اسمي ★★★★★ على الدنيا العفا يحسين يا مولاي بلا حبك ضياع   ومظلمه  دنياي ومثل صحراء روحي ما يمرها الماي وانت الراي شنهو العقل مابيه  راي كل هاي العزيه الك يبن الزچيه بس عندك اريدن ينعرف اسمي ★★★★★ انت العَلَمِتني ونَوَّرت دربي الك وَجَّهت روحي وسَلَّمت گلبي وفهمت احكام ديني وعرفت ربي وعلى من حاربك  يبن  الوصي حربي سلامات وتحيه الك يابن الزچيه بس عندك اريدن ينعرف اسمي الشاعر حسن لعيبي الحريشاوي

ياحسين ( وزن تجليبه ) يا ذخرى  وشفيعي من عذاب النار بيك أتوجهت للواحد القهار يبو اليمه  يبواليمه ★★★★★ بيك أتوجهت يحسين يا مولاي وبيك اتوسلت للخالق بشكواي يخامس نور سوده ومظلمه دنياي باسمك صرت الهج دوم ليل نهار يبواليمه   يبو اليمه ★★★★★ بيك أتوجهت يابو علي الاكبر لوذلني زماني بالشدد تحضر والوذن بيك يوم الوعد والمحشر امان الخايف بذاك الوكت محتار يبواليمه   يبواليمه  ★★★★★ رجائي ما تخيبه كل وكت رجواي يلمحروم بلطف من لذيذ  الماي عليك بهظم  زينب تنظر  البلواي الك عين الغريب من الهظم تندار يبواليمه يبواليمه ★★★★★ يابو الاكبر نخيتك ما تخيبني بلحدي لو لفتني الوحشه تحضرني واذا تتبره كل هاي الخلگ مني دِخِيلَك ماتعوفه يبن حامي الجار يبواليمه يبواليمه ★★★★★ غيرك كل وسيله ما إلي  يحسين يلي  تحضر المخلوق بالدارين عين العقل من تبچي عليك العين ياروح الحبيب المصطفى المختار يبواليمه يبواليمه الشاعر حسن لعيبي الحريشاوي

تجليبة .... وداع الحسين عليه السلام ( فوگ الترب ). كلي شلون اودعك ليلة العاشر وعيني تشاهد فوگ الترب بأجر " جبيرة حيرتي هاليلة يبن امي وأخر ليلة هاي الليلة الك ي مي اسولف خوفي الك لو اشتكي همي لو اگلك بكلبي خوية اشصاير "" حكي محيرة وبس دمعتي تجري باجر ليك اجي لو اضلن بخدري لو جاك الحجر وين اتجه مدري اجيلك لو اضل بدمعة الناظر " شلون اكدر اضل بخيمتي يحسين واشوفن جبدتك وي السهم ثلثين اجيك المصرعك لو ابقه اصد بالعين تكوم وتوكع أعله جروحك تكابر " عطشان وتلوج من الضمه مجروح والذباح جاي سيفه بيده يلوح تضن ذاك الوكت اختك تضلي روح لو موتي يصير برضة الحافر " صدرك يبن ابوي بخيل لو رضوه وراسك عالرمح صوب الخيم جابوه وبالنار المخيم خوية لو حركوه وانه بليه حامي وماكو كل ناصر " حرم واطفال بأجر بالبر يفرون وبينه للسبي عدوانك يصيحون هذا اليجره بأجر وانتوا بيه تدرون موحكي الليلة من اكسر الخاطر " حگي محيرة اكبالك تعاينلي يعينج الله محد بأجر يكلي ولا اكو اخوان تنهض بأجر بحملي سبيه والدهر باخواني كاسرني سيد اياد الغالبي ٢٠٢٦/٦/١١

تجليبة .....علي الاكبر عليه السلام ( ماجاك الخبر ) ماجاك الخبر وي اليعزونك علي الاكبر موذر شفته بعيونك ' طلعت من الخيم روح وجسد يحسين تدور عن الأكبر صوته اجاك منين وصلته ومن وصلته أشاهدت بالعين اعداك بذبحته رادوا يعذبونك ' علي موذر لگيته وبالدمه غركان وجسمه للسيوف وللنبل نيشان شفت ذاك البدر متوسد التربان حگك تحتظر يمه ويشيعونك " طول بطول وياه حگك من تنام هذا المثله ماجابت ترا الايام هذا البطلايع يرتجس جدام كل الناس بيه جانوا يشوفنك ' الردته بالمنية يصير دفانك تاليها ذبيح اتوسده باحضانك ماتكدر تشيله تحشم اخوانك وتنادي بني هاشم يعينونك ' راجع للخيام بزهرت ايامك شايل كل اماني العمر واحلامك وامه وعمته منتظره بخيامك سالم بيه ترد ضنهن يلاكونك ' جسد من غير روح وكاطع الضنه رجعت وللفواطم خل يودعنه اول شاب من هاشم يفكدنه وبعد جم شاب من هاشم يودعونك ' بدت هسه الجروح ومالهن تالي وراح يروح غالي من بعد غالي وحرايركم تضل بلا حمه اوالي وبيها شلون ساعة مايفگدونك سيد اياد الغالبي ٢٠٢٦/٦/١١

تجليبة ..... القاسم عليه السلام (عودة مامشتد ) المراجل من يگلك بالعمر تنحد جاسم عبر حدها وعوده مامشتد **** جاسم والحرب بالعمر ماينقاس بس النشمي من الزغر رفعة راس طلع ويصيح ارد انطي درس للناس البشر بافعاله مو بالعمر من ينعد " سمع حجيه الكمر عباس وتبسم وكله وكفو منك يبن المشيم عليهم بعد عمك يالوفي اتقدم بالطف يبني اريد الحسن يتجدد " شمر يسال عمر والحك اله من يحير معقولة الحسن رد من جديد ازغير گله الطلع هذا بضربته التفسير اذا طبرة علي يعني ابو محمد رد " ياقائد يودون يصير اثنين بضربة سيف وحدة ينجسم نصين يصدون ألجسم بالشطر متساوين أهناء صار اليقين الحسن هذا الهد "" ساعة وهتف صوت الهز عروش الشام إنه ابن الحسن إنه البطل جسام ماتسوه الحياة بذله وي ظلام الحر يبقه حر هيهات يتقيد " ليغركم جمعكم هذا الهواية العمر موقيد للنشمي وآله غاية حالف الا اذبح صاحب الراية وبجدمي أعله راية جيشكم اصعد " طشر جيشهم والراية طيحها بجفه شالها وهوس بمسرحها وصاح المعركة الوي الله يريحها المومن موته عالحك ماكو منه اسعد سيد اياد الغالبي ٢٠٢٦/٦/١٠

تجليبة ...الامام العباس عليه السلام ( سابع سمه ) طلع والراية خضرة بجفه محلاها ومن سابع سمه جبريل حياها ' طلع ومن السمة ناده الوحي جبريل طشر يابو فاضل جيش أهل الفيل ضربت صارمك تشبه عصف سجيل وربك رايتك بارك بمسعاها " راية بجف علي هاي أمس منشوره ماتخسر ابد كل حرب منصوره راية اليحجي عنها يذكر اسطورة بس هيه حقيقة بعين شفناها ' وي صوت الوحي سبع الوفه اتبسم مو واحد عليهم جيش وتقدم المالحك يفر ذب سيفه وستسلم طلع والموت حل بكل سراياها ' طلع عباس ليها وكلها صاحت صوت صار الموت جملة شيلحك التابوت يتلمس ركبته اليمه گام يفوت بعدها سالمه لو سيفه حزاها ' طلع عباس ليها وخنگ وادي الطف صفت بين التخورس والبقه مصفصف وعساكرهم بقت كل صف يلوذ بصف اجت لينه المنيه الماحسبناها " توجه للنهر واختلت الحراس وقائدهم ينادي ولكم العباس هذا إلا بشر لاجيش بيه ينقاس هذا البالحرب ماضربه ثناها ' طب للمشرعة وكل لونها اتغير ومن دم الاعادي الجرف صار احمر ركع جدامه حتى الماي واتعذر وآداله التحيه بصدق معناها سيد اياد الغالبي ٢٠٢٦/٦/١٠

تجليبة ......الأنصار. رضوان الله عليهم ( ابن أمه ). كلهم صوت واحد صاحوا السبعين ابن أمه وأبوه اليوصلك يحسين " نهض وين الآبي المفطوم عالغيره ولحرورة البيهم عركت الديرة وألطف بكبرها صارت زغيرة من شدوا حزمهم عالحرب ناوين ' كل واحد يصيح إنه اطلع أولكم وشوفوا شلون أسرنها خواطركم صاح حسين نعمين وكفو منكم نشامه وبالحرب كلكم زلم كلفين ' هوس شيخهم جدامه بالراية حبيب وكاله عمك والي حجاية الأنصار الي تبدي نريد بس هايه ونكفيك الحرب ياتالي الطيبين " وعابس مبتسم وينادي عد عيناك وصل بيه العشك حد الجنون اوياك احنه انصارك شحده بشر يدناك بس ارخصنه ندفنهم الك عدلين " ركض للحومه عابس ركضت المجنون والسبعين كلهم كاموا ينادون مو تكضي الجيوش وياك حصة الجون خلي يريد يوفي بخدمته وبالدين " الحومه دخنت بس روس بيها تطير وصوت يصيح يبن الزهرة ابد متحير الماصارت كبل لعيونك انت تصير الك ارواحنه نقدمها عالجفين " زينب نادت الهم والثلث تنعام العنده أنصار هيجي أخته فلاتنظام سمعوا زينب ويوم القيامة قام أعله جيش الطاغية عادوا بدر وحنين سيد اياد الغالبي ٢٠٢٦/٦/١٠