Goʻzal Amonova hikoyalari

Muallif: Goʻzal Amonova Ijroda: Malikaxon

Иноба. (Аллоҳга чин дилдан қайтиш) Жисмим поклаб , мушкла хушбўйлаб Нафл ибодатга қилдим азимат. "Ҳордиқ олгин" - дея шивирлаб Нафсим берди сохта ҳаловат. Ҳатм қилмоқ бўлиб Қуръонни Ихлос ила қилдим таҳорат. Ўқилмасдан бурун бир оят Эсноқ тутиб , забт этди мудроқ. Бироз муддат шу ҳолда қолиб Тушкинликка бўлдим асорат Вирдим айлаб истиъозани Хушу ила қилдим ибодат. Нафсим ила қолдирма мени Шайтонлардан айлагин сиҳат Ризолигинг азмимдир , Сени Жамолингга эришмоқ мурод. Гўзал Амонова. 05.08.2026 Самарқанд

Maqsad Insha Alloh

​...

Эрта кеч меҳнатда , тиним билмайсиз Аллоҳ паноҳида бўлинг илоҳим. Совуқми ё иссиқ ҳеч нолимайсиз. Ажрин Жаннат билан олинг ҳалолим. Рўзғорим тўкиндир, ҳеч аямайсиз Ризқ учун ташвишда бўлмас ҳаёлим. Дард келиб оғрисам лоқайд бўлмайсиз Аллоҳ рози бўлсин сиздан ҳалолим. Фарзандлар қаҳрмас, меҳрингиз туяр Келгуси беҳисоб олинг илоҳим. Қадоқ қўлларингиз ҳеч дард кўрмасин. Бахтимга саломат бўлинг ҳалолим (Бегимга) Гўзал Амонова. Самарқанд. 24.07.2026.

TORLIK hayoti: #eslatma Ashula 👉 kino 👉 anime 👉 o'yin-kulgu 👉 ko'zni tiymaslik 👉 xilvatdagi gunohlar 👉 harom munosabatlar. Natija: "Kim Mеning zikrimdan yuz o‘girsa, albatta, unga torchilik hayoti bo‘lur..." (Toha:124). KENGLIK hayoti: Namoz ➡️ Qur'on ➡️ qiyomul layl ➡️ tavakkul ➡️ ko'zni tiyish ➡️ sirli ibodat ➡️ Allohning zikri. Natija: "...kim hidoyatimga ergashsa, adashmas va badbaxt bo‘lmas" (Toha:123). Sabablar isloh bo'lsa, oqibatlar isloh bo'ladi. © ULUL ALBAB

#Badal hikoyasi toʻliq qismlari 1-qism 2-qism 3-qism 4-qism 5-qism 6-qism 7-qism 8-qism 9-qism 10-qism 11-qism 12-Yakuniy qism

Goʻzal Amonova hikoyalari pinned «#Badal 1-қисм Муаллиф:Гўзал Амонова Ҳеч ким мени тушунмайди. Туйғуларимни ҳурмат қилишмайди. Ахир қалбимга буйруқ бера олмайманку... У мен учун бутун бир олам эди. Аммо... Мана айрилганимизга ҳам бир йил бўлди. Ҳамон у билан боғлиқ хотиралар менга тинчлик…»

Asardan olgan taassurotlaringiz❔ Siz uchun manfaatli boʻldimi❔

#Badal Якуний қисм. Ё Аллоҳ. Бу нимаси. Ҳеч ким бир-бирига аҳамият бермаяпти. Ҳатто гўдаклар ҳам кимсасиз... Инсонлар танаси онадан янги туғилгандек яланг... Кўзларим дахшатдан қотиб қолди. Тоғлар қулади... Ер ёрилиб олов қоплади... Қуёш инсонлар устига олиб келинди... Тиғдан ўткир, қиличдан кескир сирот кўприги сари юриб бормоқдамиз... Оламни зулмат қоплади... Барчанинг кўзида дахшат. Шундоққина олдимдан нурли либосдаги, зоҳиридан нур таралувчи жамоат ўтиб кетишди. Ажабо, уларнинг ифори ... Мен дунё ҳаётида бундай хушбўйликни туймаганман. — Шошманг, илтимос менга ҳам нурингиздан беринг . Бу зулматда йўлимни топа олмаяпман. — Ортингизга қайтинг ва дунё ҳаётида иймон келтирганларингиздан, ишонганларингиздан сўранг бу нурни. Сирот сари юрдим... Оёқларим остида жаҳаннам оташини ҳис қилаяпман, терим куйиб  оқиб тушаяпти. Дахшат... Мендан олдиндаги киши пастга қулади... Зўрға икки қадам босдим ва ... Йўқ, йўқ... Қутқаринг мени... Ўзимга ҳам бегона бўлган ўкирик янгради бўғзимда... Оташ ичига қуладим ... Йўўўўқ... Пешонамни совуқ тер қоплади. Ўзим ҳам совуқ терга ботибман. Қизиқ, мен қаердаман. Ҳозир бўлиб ўтган воқеаларни эслашга ҳаракат қилдим. Мен вафот этдим, қабр ҳаёти, охирида қиёмат қойим бўлди... Ва... Ва мен жаҳаннамга қуладим... Унда ... унда нега оғриқни ҳис қилмаяпман? Ҳозир қаердаман? — Лайло қизим тузукмисан? Нима бўлди, нега чинқирдинг болам? — Ойи, ойижон биз жаҳаннамдамизми? — Астағфируллоҳ, нега ундай дейсан болам. Уйдамиз. Ёмон туш кўрдингми? — Туш... Буларнинг бари тушмиди? Мен ...  мен тирикман. Мен жаҳаннамда эмасман. Урааааа.... Мен тирикман... — Тавба, тавба ақилдан оздингми сен қиз. Неча марта айтдим - а шом вақти кўчада юрмагин деб. Жин чалдими сен қизни? Ойимнинг сўзларига парво қилмай уларни қаттиқ қучиб олдим. — Ёмон туш кўрибман онам ... Кўчада ёр-ёр садолари янгради. — Ойи бугун маҳаллада тўй бормиди? Ойим бирдан маҳзунлашиб , мендан нигоҳларини олиб қочдилар. Тутилиб гапира бошладилар. — Биласанми қизим... Ҳалиги... Зулфизар опанинг ўғли уйланаётган экан. Демак тушим қисман ҳақиқатга айланди... — Бахтли бўлсин ойи. Зулфизар опа жуда яхши аёл . Шунча қийинчиликларига яраша яхши келин учрасин ... — Сен ҳафа бўлмадингми қизим? — Нега ҳафа бўлай ? Тақдирда битилгани бўладида онам. Тақдирим эмас экан... Яна мен дунёдаги энг бахтли қизман . Сизлардек меҳрибон оилам бор... — Ўзингмисан Лайло? Бугун бошқачасан? — Ўзимман онам ўзимман. Шунчаки англаб етдим. Ҳеч ким умримни фидо қилишга, кўзёш тўкишимга арзимас экан . Менинг бойликларим, оилам ҳар недан устун экан... Сизларни жуда-жуда яхши кўраман онажон. — Биз ҳам сени яхши кўрамиз қароғим. Узоқ муддат бир-биримизни қучган ҳолда суҳбатлашдик. — Ойи маҳалламиз отини Ҳаж сафаридан қайтдиларми? — Шу ҳафта ичи қайтади дейишганди. Тинчликми? — Мен шу кишига шогирт тушмоқчиман . Намозни, араб тилини, энг асосийси Қуръонни ёд олмоқчиман... — Субҳаналлоҳ, Лайло бу ўзингмисан? — Ўзимман онам ўзимман — Етказганига шукр... Тугади. 16.07.2026 Гўзал Амонова. Самарқанд.

Алла айтиб овутинг она... Қалбимни ёқмоқда ўтли изтироб Меҳрингиз тафтила совутинг она. Йиғлаяпман худди маъсум гўдакдек. Мени алла айтиб овутинг она... Кўнглимни кўксига тортиқ қилганим. Кўзимни кўлобла бойитди она. Кимсасизман бевақт сўлган куртакдек. Мени алла айтиб овутинг она Менга менсизлик ҳам бермоқда азоб. Ўзимни қайтадан танитинг она. Илк бор бағрингизга олган мурғакдек Мени алла айтиб овутинг она... Гўзал Амонова Самарқанд 26.02.2026 0:47

Насиҳат бермоққа сайрайди тилим. Амалга келганда гунгман, сўзсизман. Бировнинг дардига бор тилда ечим Ўзимга келганда ношуд, ожизман. Мен кимман , ҳақир қул, руҳсиз бир этман Давралар тўрида гапдон воизман. Гўё истиқболга элтар раҳнамо Нафс билан ҳилватда ночор , мақлубман... Гўзал Амонова 15.07.2026

Umrimizga " ." qoʻyilgunga qadar savob va yaxshilik jamlab qolaylik... Zero lagʻu va razolat zararimizga "hujjat" boʻladi...

#Badal 11-қисм Нималар қилиб қўйдим-а. Умримни арзимас ҳислар учун барбод қилдим . Мени дунёга келишимга сабабчи бўлган, мен учун борини берган ота-онам ҳам кўзимга кўринмадия... Қабрга қайтдим. Доимий азобларим бошланди... Бирдан қулоқни қоматга келтирувчи, ер-у осмонни ларзага солгувчи овоз янгради. Қабрим ёрилиб, лава мисол ёна бошлади... Танам тупроқ устига кўтарилди. Ё Аллоҳ бу нимаси? Тоғлар қулаган, дарёлар тошган, ер ёрилиб мурдалар тирилган... Олдимда бир гўдак йиғлаяпти. Сочлари қордек оппоқ...

#Badal 10-қисм Бир куни қабр ҳамроҳим руҳимни ер юзига чиқарди ва бир манзил томон йўл олди. —Ахир бу... — Ҳа сен у учун ҳаётингни қурбон қилган инсон. Қара, уй нақадар бахтли тўғрими? "У" нинг чиройли оиласи, ширин фарзандлари бор экан... Мен эса... Эҳ эссиз умрим... Яна бир манзил томон йўл олдик. — Аллоҳим фарзандимни гуноҳларини мағфират қил. Қабрига жаннат боғчаларидан туйнук оч.  Охиратда ёруғ юз билан юзлашмоқни насиб эт- дея йиғлаб юбордилар. — Ё Аллоҳ наҳот шу киши менинг онажоним бўлса? Онамнинг юзларига эрта ажин тушган, сочлари қордек оқарган , қаддилари эгик... —Йиғламанг онажон мен гумроҳ қизингиз бу кўзёшларингизга арзимайман...

Alhamdulillah oilam va farzandlarim salomat. Insha Alloh yaqin kunlarda ijodga qaytaman.❤️

📨 Sizda yangi anonim xabar bor! Assalomu alaykum ijodingizni sog'indik,farzandlaringiz omonmilar☺️