انور الموسوي

على ١٨ عام غربه . يروحي . نوحي . لمصابه إمامي بسجن ذاب گلبه . جروحي لحزنه وعذابه حياته ظلمه بسجونه عِيونه انجرحن عِيونه ______ اعله يا جرْح الصبر ينحط . اذا تترادف جروحه السجن والگيد والشامت . ووحشته وغربه البروحه اشيطيب روح مذبوحه الهم شاچر . ايمر يومه ايناطر وشيسوي ابّاچر . نفس الحال يا حاله . الهم شاغل باله بين امر عياله . وسجنه الطال ..... منو الياخذ اشواگ گلبه . وغربته . الولده وبناته السجن يصبر اعليه بس الشماته . اگباله الشماته شماته اتزيد شجونه عيونه انجرحن عيونه ______ جره من الگيد دم ايده . البديه هذا الخلق وامره وصابر عا الجره وياه . اعله هضم السندي شيصبره كسر هضم الحچي ظهره ايشتمونه . بكلشي ايجرحونه يرفعها عيونه . لرب الكون ارحمني . وانت ادره بحزني يا رب خلصني . من هارون ..... اشكبر وحشته وضيم گلبه . النهاره . وليله سويه الصبح يبدي وياه بوحشة . مسيه . لحد المسيه دموعه اتبدد سكونه عيونه انجرحن عيونه ___ السجن مرسوم بعيونه . خرابه بشكل طاموره وصوت اهاته يطلع وي  ضحك هارون وقصوره وتعيد لخاطره الصوره ايصد گيده . اليا گيد ايعيده وجروح البيده . اتبچيه ليل وجروحه . اتفز تاخذ روحه بگيوده ونوحه . ايبيد الحيل ..... عُمُر خلّص بليل سجنه . خرابه . وعايش رزيه ولا فارگ الصوت إذنه . يبابه . ويبچي لرقيه الليالي اتذكره بظعونه عيونه انجرحن عيونه ______ الفرج با السم صبح تالي . بلسم گلبه المثلم ولا شافت ضوه عيونه . من سجنه إللحد اظلم وطابع ع الادين الدم خلوها . جنازه وبا الشارع والناس تباوع . وايلاه بملحوده . خلوه بگيوده وراح لمعبوده . وگيده وياه ..... يدنيه بسجن ليش تغمض . عيونه . ووحشه لمماته مشه وضلت ادموع گلبه . بسجونه . شاهد حياته لمنيته ايتاني اليجونه عيونه انجرحن عيونه اللهم عجل لوليك الفرج

الله يا صبر العقيلة الله خَِشعَت جبالُ الارضِ لو حملت رزايها الثقيلة وهوت سماواتُ العلى لو صبرُها حاكت مثيله فجميعُ آلِ محٍمد (فرداً) وهُم تِلكَ الجليلة تلك المُبجلةُ المُقدسةُ المُعظمةُ الأثيلة من أدركَ الشمسَ وهل بُلِغت ؟ فتلك المستحيله هي رَبّةُ الحُزنِ وسيّدةُ العذابات الطويله كانت لقلب شقيقها الزهراءَ والام البديله ورثت رزايا فاطمٌ وبحملها كانت وكيله قد هشّمت احزانُها أظلاعُ مهجتِها النحيله ظُفِرَت مآسيها على وجدانها ظفر الجديله ومظت بركبِ حسينِها فردا وينظُرُها قبيله اللهُ يا هذا الخليل ووجدُها تلكَ الخليله فكيف قدّمت الجواد وهيّئت عنها رحيله اخذت يديهِ لقلبِها ليُسكّنَ الروح العليله ما كان أربطُ جأشَها وفؤادها يعلو عويله ما كان أشجعها وتنظُرُ خطوة الهجرِ الثقيله لم تُرخِ وابِلِ دمعِها كي لا تُهيجُ له غليله أختاهُ صبراً للفراقِ وما امضَّ الصبرَ حِيله أختاهُ فلترَ عينُكِ من كل ما يجري جميله اُختاهُ كوني للعيال إذا مضيتُ أنا مُعيله ومضى الحسينُ الى الكفاحِ بهمةِ الأختِ الاصيله فرداً وحاطته الجموعُ مُعظّما وهيَ الظئيله عن ناصرٍ لخيامهِ في الكونِ ناظرَه يُجيله ضمآن يرنو للفراتِ وما قَرَى الشطُ نزيله فغدا يُسبّحُ جُرحهُ تسبيحةِ الأم الثكولة حتى تعالى با الإبا ومضى المطهّمُ في سبيله بلجامِهِ أبكى السما و بسرجِهِ الملويِّ غيلة عَلَقاً تٌجلِّلُهُ الدِما وعيونٌه منها كحيلة وأستعلمتهُ من الخِبا فأجابها الدمعُ هطوله أن الحسينَ على الثرى خيلُ العدى رامت وصوله خرجت بأمي والدموعُ تُعيقُ خُطوتها الخَجوله وقفت على تل الأسى للهِ وقفتُها النبيله إن كُنتَ حيا تندِبُ وهيَ التي ماتت قُبيلَه هرَعَت لمصرعِ قلبِها والليلُ قد أرخى سُدُوله فرأت سليباً والجِراحُ عليهِ قد نسَجَت خَمِيله ذُهِلت فياللهِ من رؤياهُ أبقتها ذَهوله وَهْيَ البليغةُ لم تجِد قولا فيُسعِفُها تَقوله أهوت عليه ومن مدامعُ عينِها اضحى غُسوله أأُخيَ إني زينبٌ يا أينَ وقفتُكَ الجميله أأُخي تمضي يا حسينُ وتتركُ الأختَ الذَبوله أأخي تتركُنُي بلا روحٍ ولا حلٍ و حِيله فَرَأت بأنَّ جوابَهُ دمعاً بمُقلَتِها تُهيله نهَظَت من المقتولِ إلا أنها نَهظَت قَتِيله اللهُ يا ذاك الصباحُ وآذَنَ الرَكبُ رحيله مرّت عليه وقد بكت لحنينِها النوقُ الهزيله أوَ ذا يكونُ وَداعُنا ؟ يا بِئس للدُنيا الرذيله أَتَنوحَهُ فوقَ الثرى أم فوقَ رُمحٍ تشتكيله فتوزعت مثل الجُسُومِ نياطُ خافقِها الوصيله وبِرُغمِ كلِ عذابِها قد جسّدت معنى البطوله ولكل فاطمةٍ غَدَت مُذ غاب كافِلُها كفيله وسوى عليٍ لم يَكُن إن شئت معناها العقيله فَهيَ المعاني ما وراء صريحِ مفهومِ الرجوله يا من صَبَرت بصبرِها وبُكاكَ إن ذُكِرَت تُطيله و لِجُرحِها دهرٌ حَيِيتَ وانتَ نَزفاً تَنتميله يا وَعدُها الموعودُ إذ خَطبـت وقد كُنتَ دَليله ماتت تَصبُّرُ بإنتظارِ نهايةِ الغيبه الطويله مولاي هل لجـراحِها ودموعُ مُقلتِها الجزيله إيّاكَ بَلسمَ يُرتَجى وسواهُ صارمكم وسيله ؟ فا السيف إنَّ بهِ شفاء فؤادُ عمتكَ العليله اللهم بقلب العقيله الصبور ولسانها الشكور اللهم عجل لمُدرك ثأرها الفرج

الشام ما ساكنها مبخوت ويستثگل الهه الهاشمي ايفوت شلون وعقيلة آل عدنان با الشام تغمض عين وتموت الشام منين وياهو اليعرفه ويجيله . الشام منين شلون البين اهنا اخذ روح العقيله يا زمن لا ما انصفت يل حاربت ابوها المجروحه من درب العدو اتموت ابّلد عدوها اتّاني اليجوها ام الخدر وما ضل اهل يجوها اشحال المجبور يجي لديرة عدوانه ويموت بگاع غرب مو گاع إخوانه ايضل اسم الشام حسافه وي عنوانه ______ باالكوفه ليش الموت ما صار ع الاقل بيها للاهل دار بي ريحه من عباس وحسين با الشام بس انفاس كفار ما معقول لبت علي اهنانه النهايه . ما معقول والمكفول غير نعشه اتلفه رايه مصيبه موت ام الخدر بس الاشد مصيبه غمّضت وبديرة عدو متحيره وغريبه من نار خيمتها وگلبها ما خمد لهيبه بيا حال گلب العقيله اتطيب جروحه من نوح خيمتها اجت للشام ونوحه اجروح عالگاع مشت والگاع مملوحه ____ لو تانه أجلها جية اخوان ما يرجع الضل حدر تربان والعاش غربة يوم عاشور وياه غربته تبقى عنوان ما ترتاح الشافت الخيمه وجمرها . ماترتاح وي ذباح آه يا ممشه يسرها . وي ذباح ما تگدر تهل الدمع واليمها ناس اجانب ذايب گلبها من القهر تمشي بدرب مصايب ماعدها فرصه للبچي بس گعدت الخرايب عافت اخو الها ولا قبلولها تودعه ميتها بس ما تگدر يمه تجي وتنعه واگبال شامت لازم ما تنزل الدمعه _______ صاحت مشت عنك ظِعوني يحسين يا سلوة عيوني يبن امي ردت الموت وياك ويردون عنك ياخذوني كون وياك ما ردت عنك بعيده . كون وياك شلون انساك وانت دم گلبي ووريده . شلون انساك لو ميته خويه بكربله يهون الجره عليه وجنت انسه ضيم الشام والكوفه وشكو اذيه وحشة منيتي وفرگتك با الشام اجن سويه عاري اعله الگاع وانه بهضمي اعله الناگه اتمنيت الموت الف مرة اعله فراگه راح اغمض عين وانه لطولك مشتاگه اللهم عجل لوليك الفرج

ما دامك بنص البيت مولود بيت الله إذن دار بمدارك لكل قادم كرامه المنطق يگول وانته ابيته يعني الله زارك لبو طالب الناس اتهني با الگاع وملائكة السمه لله إتّبارك مبارك يا الهي بسيفك الحاد اليمشي احچايتك وايقر قرارك الف عام وجدار الكبعه مفتوح عجز ترقيعهم ما ظم نهارك محبس بيدك اليمنه السماوات بَل ارض وسمه لمعه بفقارك انت الواضح بكل آيه با الكون واضح رغم ما بيّن سِتارك علي الفطره الاصيله بعمق الانسان لهذا نعيش ونموت بجوارك يا من حبه أدق كاشف للانساب شكرا يا علي لهذا إبتكارك علي من الكعبه شع نورك للاكوان يعني انبثق من الباري نورك وبقه لنورك بقية امتانيه الگاع وانت بها الوعد لحظة سرورك من الكعبه شوكت يظهر الموعود ونشوفك يا علي بكامل ظهورك اللهم بظهور نور أمير المؤمنين صلوات الله عليه أظهر نور وليك بقية الله الأعظم عجل الله تعالى فرجه الشريف

آجرك الله مولاي يا بقية الله بشهادة عمّك الهمام أبا جعفر السيد محمد ابن الإمام الهادي صلوات الله عليهم بحماك يا سبع الدجيل لو على گلبك حُجُب تتبده ليل وللبچي اعله الضامي لو تحتاج حيل غبّش بگلبك لبابه وشيل اديك وصيح اجيت ادخيل يا سبع الدجيل جيت ادخيل صحت يا عم الحجه مدد يا مولاي ردت من حبكم عده وعدد وما رد خالي كلمن بيك اتنخّه وطلب حامي الجار دخيل اسمك يا سيد بلد آنه من كلشي صحت بحماكم . يا مولاي ارزقني نيّه تستمر وياكم . رايه وراي ارزقني دمعه لكل جرح بچّاكم . وجرح الماي بحماك يا سبع الدجيل ____ ضامن الوفّاد كهف المستجير الك وافد كون تضمنلي المصير يمن غيرة عمك العباس بيك كون من غيرتك ترزقني ضمير شمس الليل يمن للغيره حروفه شرع رب الحيل يمن صار لنور اهله درع جيت ادخيل يسيد محمد بيدي گلب حط بي ويل على الزهره واسعدها بدمع ابختني يا مولاي وبدلّالي . رايد نار ايصير حال البچي كل احولالي . اعله الاطهار ارزقني غيره وگلبي بيها ايوالي. راعي الثار بحماك يا سبع الدجيل ___ آنه من چف هاشميتك غيره اريد استعبدو عيوني يسادات العبيد كون وِردي ايصير صبحاً ومساء شلون ضل حسين با الهيمه وحيد يامن چان لليزورونه ايباري حِمه احمي جروح دليلي لگلبه اليشكي الضمه يبن الهادي يامن حبك بس للشهم مالي غير رحمتك يا باب المرحمه بهاشميتك گرها هاي عيوني . بحسن الحال بحلي اريد وياكم اتخلوني . وبا الترحال مثل ما تردوني اتصيروني . هاي امال بحماك يا سبع الدجيل _ جزع گلب العسكري وهوه الصبور شلون لازم نبچي يومك يا غيور حادثه تاخذنه لمصاب الكفيل وانته تقره الجرح ما بين السطور صب فوگاك دمع خوه وطر ثوبه جزع بس مولاي جرح من نعشك للطف طلع لدمع حسين على الكافل من يمه وصل بس حسين غريب ومحد ويّاه فزع ابو الاكبر شاف اخوه وناده . واويلاا لا اصحابه ولا اخوه واولاده . اشضل وياا بس مخيم بقه منه ارماده . يا زهراء اللهم عجل لوليك الفرج

ان شاء الله اتعدي الليالي المؤلمه ان شاء الله تجمعنه امنه فاطمه يجي ويعوض السنين المهدي من ولد الحسين ان شاء الله اتعدي الليالي المؤلمه _____ عن قريب وياك لازم ننجمع وتسمع الياهلا بلسان الدمع نحظنك ونبضات گلبك نستمع اتگول طولتو الغياب والدمع ينزل جواب لچن ما نهوه يصب دمعك دمه ان شاء الله اتعدي الليالي المؤلمه ________ شلون نتلگاك لو شفناك جاي شلون نتبده حدر نعليك ماي اسئله واحلام ما حدّدها راي شلون نوگف بين اديك بيا حچي انسلم عليك صوته عالي الشوگ بيمن نكتمه ان شاء الله اتعدي الليالي المؤلمه ____ شلون نتحمل حُسن عينك نصد واحنه كلفناك كل هذا البُعد لاچن من اتشوف بيدينه الورد تعفي عن هجر الزمان وانت سلطان الحنان يامن الله يتاني لحظة مبسمه ان شاء الله اتعدي الليالي المؤلمه ______ مَلَكوت الحُسِن قهّار الجمال فاطمي الطلعه و عَلَويِّ الجلال كون گلبي اترزقه وياك ارقه حال يا ابو الصفح الجميل آنه من هجرك دخيل يامن لگلبي ملاذه وعالمه ان شاء الله اتعدي الليالي المؤلمه ____ ان شاء الله انحف بجوارك عن قريب والله سبحانه لرِجانه ما يخيب يا غريب العايش اينوح لغريب عنه منعوه الفرات وهوه شريان الحياة ان شاء الله نحظره بحظورك مأتمه ان شاء الله اتعدي الليالي المؤلمه اللهم بوعدك الصادق عجل لوليك الفرج

من اسنين . للحين . ينزف نحري لهاليوم اتناك . وانخاك . ياطالب ثاري اتگوم آنه ثارك. ناري نارك . بإنتظارك . يا طالب ثاري اتگوم ____ صبرت جروحي يمهدي وطالت الغيبه وحنيني من الف عام وأتاني سيفك ايسكّن ونيني يبني عيني اترابي دربك برايتك يمته تجيني وامّنيّت الثار مهدي ذمه ما بينك وبيني متانيك . وادريك . تبچيلي بدم عيناك متانيك . ايهم بيك . كل فكري وگلبي وياك لخاطري انته . المُر جرعته واللي ردته . يا طالب ثاري اتگوم _____ انتظاراتي أليمه وانته يبني بهايه تدري قبلك هواي انتظرته مْن الشريعه يردلي بدري يبني من طال ورحتله انكسر من شفته ظهري شاب گلبي باإنتظاره وشيّب من الغيبه صبري لليوم . محروم . گلب اسكينه مْن الماي واحساس . عباس . يبرد لو شافك جاي ارجع الهم . بِل عطشهم كل أملهم . يا طالب ثاري اتگوم ________ إتغرب بنص هيمه ظعني وعيشتك با الهيمه اليه وللدمه الصب من چبدتي عينك اتصب دم عليه بيني ما ببينك يمهدي جروح واينزفن سويه وينجرح گلبي من اشوفك شايل ابمتنك رقيه ويلاه . أبَتَاه . صوت بإذني الها الساع والايد . بالايد . چان اجَرح كل اوداع للزچيه . ولرقيه . لكل رزيه . يا طالب ثاري اتگوم ____ يا غريب الدنيه حالك ايذكّر جروحي بغربتي من بقيت آنه وخيامي وطاحو اگبالي صُحبتي استنصرت محد فزعلي وسيفي من فارگ يمنتي عفته الك سيفي يمهدي ومنك امتاني نصرتي من طاح . ما راح . سيفي لغيرك يا حيد وعا الگاع . اذراع . راية عباس اتريد بگلبي عاشر . ايتاني باچر تلفي ناصر . ياطالب ثاري اتگوم _____ اهواي ما تنعد جروحي وكل جروحي انته عشتها وطرفي من درته لخيامي نظرتي اشبيها اعرفتها عمتك الظلت وَحدها با المخيم من عفتها لهسه تنتظرك يمهدي هوايه عذبها وكتها واتلوب . چم دوب . وتحسب چم عام وعام وچم نار . للثار . تنتظرك بأرض الشام خذ قرارك. وانوي ثارك. بإنتظارك .يا طالب ثاري اتگوم قال مولانا ابا عبد الله الحسين مخاطبا ولده السجاد صلوات الله وسلامه عليهم : [ يَا وَلَدي يَا عَليُّ، وَاللهِ! لاَ يَسْكُنُ دَمي حَتَّى يَبْعَثَ اللهُ الْمَهْديَّ،.] * المَنَاقب : ج ٤ ص ٨٥ اللهم عجل لوليك المنتقم الفرج

يروحي وراحله . وداعج معضله واذا ضيّج طفه . على الدنيه العفه _ وداع وسلمت لامرج من ردتي تودعيني بس هوه وداع وغير لازم عينج بعيني ؟ اخر مره اصد الهن دخيلج لا تحرميني ليش امغطيّه عيونج يبعد عيوني حاچيني سكوتج قاتِلي . يكل نبضه بعلي واذا صار الجفه . على الدنيه العفه _ وصّيتيني اجي لگبرج اذا ليلي نشر ظله ميته وما حملتي افراگ شلون فراگج اگدرله اكيد البيها علتي اتطيب يصير افراگها العله ولان ما شاهر الفقار غمدته بمهجتي كله اذا ابچي دمه . انعذر يا فاطمه فرگتج مُكلفه . على الدنيا العفه __ علي وراي الخَلگ بيدي تسهل شدته الوياي بعدني بااول اوداعچ واحس من عندي ضاع الراي غمّضتي و يبس گلبي بللني دمع عيناي ضمه يخلّف يفاطمتي من ايحل وداع الماي يجف بيه الگلب . أون طول الدرب وجروحي هاتفه . على الدنيه العفه __ أرد لداري من دونچ وتبيّن كسرة جناحي أرد وحيلي مو بيه حنيني بيه وانياحي داري شلون اطب ليها وهوه الباب ذباحي اعله بسمار الظلع اعبر وچفوفي على اصفاحي سويه ننذبح . جرح وياه جرح ولا الهن شفه . على الدنيه العفه ____ اعرف ليش گلتيلي علي غسلني بثيابي تخافين المح جروحج وادري شصار يم بابي عرفته من الجنين الطاح يفاطم اكبر امصابي مثل ضلعج يفاطمتي بعد ما يجبَر اصوابي تجيس ايدي الضلع . واغسلج با الدمع بدمعتي النازِفه . على الدنيه العفه اللهم بهذا المصاب عجل لوليك الفرج

لتعوفيني. ضايع دربي _____ لا ترحلين . ما عندي حل لا ترحلين . وانتي الامل لا ترحلين . وآنه اظل . دمعه وهضم مو چنت كل مغرب يحل انتي الضوه يبدد وحشتي وأبتسم ثاري حلم عمري المضه واتوسلج ما اريد افز من ها الحلم بمايج عشت لو رحتي يذبحني الضمه . يا فاطمه يا كوكبي اليضوي بليالي المظلمه . يا فاطمه اتغيثينه يترجاج حماي الحمه . يا فاطمه بس طمنيني . وينبض گلبي لتعوفيني . ضايع دربي ______ حال اليتيم . حالي صفه حال اليتيم . ابلا عاطفه حال اليتيم . بيتي انطفه . يا فاطمه يحزامي ردي مثل امس ضهري خِله كونچ تشوفي حيدره طولي التحبينه انچفه شيعدله تعبني درب المگبره ليله اجيلج بالدمع چم ليله اعد . امشي وارد دربي حفظها مشيتي دافن ورد . امشي وارد كل خطوه حيلي ينثلم بيمن يشد . امشي وارد حزني بعيني . واضح تعبي لتعوفيني . ضايع دربي ______ حزني يطول . جرحي كلف حزني يطول . ماينوصف حزني يطول . مالي عرف . يافاطمه غيرچ منو عنده علي وياهوه اله وهمومي المن تنشرح يالچانت عيونچ فرج شهالمشكله وبروحي يا كبر الجرح لمّن شفت غصنج بده ايميل وذبل . مات الامل كلشي انكسر كلشي انجرح كلشي رحل . مات الامل وبس البچي صاير عمل خير العمل . مات الامل عيني لبابي . تبجي وتربي _______ انزف ضمير . يمج طحت جرحي چبير . واتغربت ما يكفي بير . لو سولفت . يا فاطمه من شفتج امعصبه الجرح هضمه انثنيت وانهد على متوني جبل غسلتج بدمعي لَمَن ظلعج شفت اتبده العمر با المغتسل بين الوصيه وغربتج گلبي انسحن . يم الحسن ذبحولي مو ام دار الي ذبحو وطن . يم الحسن يل رحتي گلبي اللي دفع غالي الثمن . يم الحسن يا ام بيتي . احتاجج قربي لتعوفيني . وضايع دربي اللهم عجل لوليك الفرج

يا للزمانِ عجيباً كيف ينقَلِبُ ولا يَمِيزُ تُراباً ذا . وذا ذَهَبُ كيف على بابِ خيرِ الخلقِ قد وَثَبو با النارِ شَرَّ شِرارَ الخلقِ يا عَجَبُ ..... آه . حيره عجيبه آه . واكبر مصيبه شلون . باب الصميده آه . يسعر لهيبه ..... سر المكنون . حيدر وبابه قدس بها الباب شلون . يوكف بناره الرجس وما رد النار . الراد بجفوفه الشمس ____ من بِئْرِ حيدرَ لَوْ هَذي الورى شَرِبَت حتى المماتِ بِدَمعٍ من دَمٍ لَبَكَت وكُلُ هذي الجِبالُ الصُمُ قد خَشَعت فَكيفَ للبِئرُ هذا الحُزنُ قد جَرَعت ..... لبير . يسولف هضمته لبير . ويحچي غربته بليل . يمشيله وحده لبير . وايكَشفه صمته ..... حيدر مجروح . آه ينزف ضامره للبير ايروح . لإن راحت كوثره من آه ل آه . عكب عين الطاهره _____ حُزناً وقَرْحاً فيا وِجدانُ فأبكي لهُ و ذُبْ لِصَبرِ علياً بَعدَ فاطِمُهُ با الماءِ غَسّلها والدَمعُ غَسّلَهُ في اللَحْدِ أودعها والعَيشُ وَدَّعَهُ ..... آه . روحه وصبرها آه . العاش بعطرها شلون . چفه يطيعه آه . ويحفر گبرها ..... ايصدها بيا عين . فاطمه بين الگبر وين ايرد وين . ودفن كلشي با العمر بعد الزهراء . كل نِفَس يطلع كسر اللهم عجل لوليك الفرج

بويه شد صبرك . يبويه مو ذبل عمرك . يبويه ______ اشكثرها دموعك وعجزت اتطفي بگلبك الحرگه اشوفك ملوي يم الباب اشما طبيت واتطبگه اعذرك من عگب اُمْنه سلبت روحك الفرگه لچن بويه التموت امه غير اعله الابو حگه خفف الامك . يبويه لخاطر ايتامك .يبويه اللاذو بكترك . يبويه . بويه شد صبرك _____ مظلوم شكثر مظلوم . گلبك وشكثر صبره حتى اليسمع احزانه . ما يعرف شنو بصدره يبويه البير ما واساك . مرّه وبادلك حسره عوف البير واحجيلي . اصير لعبرتك عبره طايح بشده . يبويه وعايش بوُحده . يبويه هذا مو گدرك . يبويه . بويه شد صبرك ____ يبويه اشتاگ حظن امي . لعبايتها امشي واتدثر اعيش ابلايه أُم بويه اريد اقتنع ما اگدر افز با الليل اريد ابچي واجيك وكلشي يتغير يهون الصاير بزينب إمْن اشوف اشصاير بحيدر ساهر لوحدك . يبويه ودمعك بخدك . يبويه وواصل لنحرك . يبويه . بويه شد صبرك ______ اشوف الدنيه يا بويه . مْن انخلقت عدوتنه شتراوينه اذا بأول عمرنه وهيج رواتنه مصيبتنه الزچيه وخاف تكبر بويه محنتنه ويجي يوم اشد من الباب واكبر من مصيبتنه المحن تبدي . يبويه خاف اظل وحدي . يبويه خوفي شيخبرك . يبويه . بويه شد صبرك اللهم عجل لوليك الفرج

حيره شلون اواسيكم يا ساداتي ما عندي گلب يحمل نواعيكم ما بيّه حزن يشبه لياليكم كل جروحكم تهضم بس ها المرّه مختلفه خسارة اُم ام گلوبكم ماتت القبل لا الها تنكسرون كلكم باچيه اعليكم واذا چانت خلگها ايضيج تتسله بأساميكم الحنينه ام گلب طيب وام ضلع ما طاب الزهره الناحله الدفعو عليها الباب امصاب الما يشبهه امصاب امصاب الخله حيدر يضم سره ابّير ابو نهج البلاغه و يعجزه التعبير وثگيل السمه صار اويَ الهوى يندار وين ايدير امصاب العافكم موته گبل لا موت يلفيكم حيره شلون اواسيكم حيره شلون اواصلكم وبيا دمعه اطب الكم ودمعتكم يتامه حسين من ينذكر محسنكم رضيع الكم على حر صدر ابوه غافي وغفه المحسن على حر نار عتبتكم لهاي وذيج ما بطلت دمعتكم اول جرح غرّبكم امصاب الصار بي گلب الحسن مجمور وخمس سنين عاف حسينكم مكسور واول دمع صب من عين عمتكم من عدها وبده ناعي مجالسكم ومن عدها وولا كفت بواچيكم حيره شلون اواسيكم ليش ١٣ معصوم ما منكم چبد يسلم ليش اورودكم مو نده ايصبن دم اسم الام يبچيكم واسم الاب يبچيكم واسم الاخت والخوه وكفيل وعم ليش نحوركم تنكطع ما تنشم ليش النار تندلكم خيم وبيوت وما صح اليحاميكم حيره شلون اواسيكم ليش اكبر مصايب صارن بها الكون هنه المرن اعليكم وليش أي فاجِعه تمر أي بشر بالناس مثلها الگه سدت بيكم ليش اولا جرح با الكون يخطيكم شعجب يهل الله ما صح اليراعيكم مو الكم خلقها الگاع شو غربه طواريكم اذا منكم إمام اسمه ( الرضا ) ومسموم منو اليطلب مراضيكم شعجب قرآنكم من ينجمع ما ينحسب قرآن شعجب امكم الزهره تبني بيت احزان شو جبتوها قربان بضهر قربان حتى لو طلع مسجونكم بإفراج يطلع ميت ويتشمت السجان ليش بكل جسر اذكر اجنازتكم وليش بكل نهر ابچي اعله جربتكم وليش مْن اسمع بْعَودَة امسافر عاد يكسر گلبي غايبكم ويم كل باب دمعة ام الاگيكم مظلومين مظلومين يا ساداتي شــــرثيكم عدكم بعد طالب ثار غاب وطالت الغيبه يجي وثاراتكم يطلب بس ياهوه يطلب ثار طول اغياب مهديكم حيره شلون اواسيكم حيره شلون اواسيكم اللهم عجل لوليك الفرج

هذا . حالي وأون هذا . عمري حزن حگها . دموعي تصب __ حانت . اخير ايامي وطاحت . بقايه احلامي مثل الدمعه غيّر . مصابي كلشي حيدر . اعوفه وامشي ما متوقعه امشي . واعوفه ينوح حيدر . شريك الروح يبقه . بگلب مجروح . ما متوقعه اخافن لو اموت ارتاح واعوفه يموت مسه ومصباح چنت آنه السند ويّاه وصرت حزنه الفلا ينزاح يكسرني حال المرتضى المسلوبه عافيته مجروح حماي الحمه وخنگه الهوه بريته بمنزلتي عنده وخاطِرِي ينسه ترجيته وشلون ينسه اللي بچت گدامه ام بيته شاب و شيّب الي اشصار بحاله علي حيدر . ينسه صعب . حگها دموعي تصب _____ گوه . هواي اشتمه وتلچم . كسرتي النسمه وظلعي الحاني اخفي . دمعتي بخدي وابچي . بغربتي لوحدي ابّيت احزاني ظلعي . انكسر ما طاب وابچي . مْن اصد للباب بيها . جنيني انصاب . دم بچاني جنيني بيا ذنب ينصاب وتصد عيني دماه ع الباب أنه مظلــومه يا ها الناس واليه اويَ الزمان اعتاب عود المدينه بسم ابوي ومنها طَلْعوني ما چانن ايأذن بشر من يبچن عيوني گطعو جنيني وثمرتي ون عنده حرموني بشجره أراك اتظللت عا الشجره لحگوني صعبه . دموعي اضم تارس . گلبي هضم وما ظل . عندي گلب . حگها دموعي تصب ____ نوحي . اعيش بنوحي جروحي . چبيره جروحي عگب الهادي داري . مصايب داري ناري . چوتهم ناري آ يولادي  حيره . التطلع الروح ولدي . تون وتنوح شافو . عليه جروح  . آ يولادي أضم شلون   جروحي هواي ثگيله الباب   وحنت مگفاي أليه أعزاز     اذا يبچون جمر ينزل  دمع عيناي أولادي وشمنهم أعز بچتني غربتهم ام كلثوم وحسين وحسن تجرحني دمعتهم زينب تصدلي امودعه بيمن تصبرهم وتگلي شيفيد العمر للما ترد امهم حيره . بيه لگو بظلعي  . اهلي درو شفته . موتي درب .حگها دموعي تصب ______ ما اهم . لدلالي الضايع همي . علي ابلا تابع مو سيدهم ؟ كلها . الذي مبايعته تالي . علي وفاطمته ومحد عدهم تالي . الزمن يندار حيدر . بلا انصار بأهله . تشب النار . ومحد عدهم ظلع طگلي وتسيل دماي وخذو انظر علي رجواي على جروحي لحگته بصوت اريدن سيدي ومولاي وصّيته سراً اندفن خوفي على عيونه ما رايده ايشيل النعش واعداه يلاگونه اعلم بتشييعي تفيض من الدمع عينه ومو حيدر اللي دمعته تهمل يشوفونه امشي . بظلعي كسر امشي . ومالي گبر وبعدي. اهلي غُرب . حگها دموعي تصب اللهم عجل لوليك الفرج

فاطمٌ . لَو نَويتي الرحيل مَنْ إذاً . لِي بصبرٍ جميل تَعلمين . الموتَ هجرُ الخليل قد أرهقَتني الليالي نـبضاً لقلبي تَعالي ثم إسئليها دُموعي تُخْبِركِ ما حالُ حالي تَنَاهَبَ بُعدُكِ صَبري وبَعثَرَ كُلَ أشيائي وعاث الدَهرُ بُستاني فلا نَخلِي ولا مائي فناديتُ أيا دهري بصوتٍ فتَّ احشائي خُذِ الدُنيا وما فيها و دَعْ لِي وَجهُ زَهرائي ______ فاطمٌ . يا جمالَ الحياة زهرتي . بَسمةُ الذِكريات كُنتِ لي . الصبرُ في النائبات قد كُنتِ دِفئاً لِقلبي كفّاكِ ملجأُ تَعبي يا توأمَ الروحِ عودي احتاجُكِ الآن قُربي فأنتي الاُنسُ في بيتي وانتي النورُ في عيني وانتي الكوكبَ الدُري اذا مَا الحُزنُ يأتيني يُميتُ الصمتُ ايامي فمن لي كي يُواسيني اُناديكِ بِآهاتي أيا زهراءَ أغيثيني _______ فاطمٌ . كوثري والزلال ها انا . ضامئٌ للوصال قد حَوَت . كُلَّ عُمري الرمال روحٌ بروحٍ سَكَنَّا مَنِ الذي ماتَ مِنـّا مُتنا سَوياً ولكن لا زِلتُ أبكيكِ حُزنا اما قُلتِ الى البِئرِ إشتكي بَعدي أسى الصَبرُ ومُنذُ الليلةِ الاولى امتلى من أدمُعي البِئرُ دَفَنتُكِ بين أعماقي وجرحُكِ كُلهُ جَمرُ لهذا لا يُرى منكِ على هذا الثرى قبرُ _____ فاطمٌ . مُذ اتاكِ السُكوت بيتنا . مات دونَ البُيوت إرجَعي . ذا عليٌ يموت مِثلَ حُسينٍ حنيني في الدارِ اُبدي أنيني زهراءُ يا روحَ قلبي أنا علي كلِّميني على أيُّ الجِراحْ أصبِر أيا زهراءُ لا ادري لِنارُ البُعدُ أم نارِ الضُلوعِ ورنةُ الكسرِ صَبرتُ على الأذى قسراً فكيفَ على العِدا صبري ومثلُ البابِ يا زهراء تَشِبُ النار في صدري اللهم بصبر المولى أمير المؤمنين صلوات الله عليه عجل لوليك الفرج

بليله شح ضواها ومنخسف گمرها دفنو الزچيه وانخفه قبرها هلّن دموع الصميده . زهرته ويدفنها بيده ______ علي هد حيله الوداع جرح وسدها با الگاع . غريبه رمز ناموس الاشراف گبر ما عدها ينشاف . غريبه عفّ أثرها . ودمعته فوگ الگبر ظلت دلاله بگلبه سرها . رجع منها ومحني ظل يمها خياله ضم عطرها . زهرته الما مار فرگتها اعله باله ساكت برجوعه . وجدمه يمشي حيره وشلت دموعه . نظرته الاخيره جرحه مدفنها وحيده . زهرته ويدفنها بيده ______ جرح ويوداع جروح ينوح المرتضى ينوح . حقيقه منو مفكر علي الحيد يخلي اعله الضهر ايد . بطريقه وضعه جارح . خطوه يمشي وخطوه يوگف حيله وينه حزامه طايح . راحت الچانت گبل عا الهم تعينه هضمه واضح . ينقره بعيونه حزنه عالحزينه انطفه صبحها . وحيدر بعذابه شاهد لجرحها . دم بقه اعله بابه ينسه حيدر لا بعيده . زهرته ويدفنها بيده ____ علي رد مو علي الراح حيله اعله الگبر طاح . هضيمه رجع ما مثله ابو امصاب وصل بيته ولگه الباب . هضيمه انگابه كسره . بوجهه طول العمر ظل اوضح علامه ومال ظهره . ابلايه حيل التوگف بحيله القيامه بيد صبره . وبيد يمسح دمعته ودمع اليتامه ظلمه بيته ظلمه . اتغيرت ظروفه وبعده بابه هضمه . يموت من يشوفه واسم فاطمته نشيده . زهرته ويدفنها بيده _______ تعيش بروحه الالام وتطيح دموع الايتام . بدينه بعبايتها يلوذون وملامح كل العيون . حزينه راحت امهم . راح گلب الچان يغمرهم حنانه اشگد حزنهم . وگلب فاطم يا گلب ياخذ مكانه لم شملهم . علي ودمعة زينب اگباله امتحانه زينب الحزينه . يا صبر مثلها وياها من زغرها . كل جروح اهلها ولعلي صارت عضيده . زهرته ويدفنها بيده ______ بعد شتشوف العيون علي واولاده يبچون . خساره أنست ماكو ابتسامات زمان ام الحسن مات . نهاره يا ليالي . تغمض عيون اليتم وتصد حلمها شلون تالي . عايله اتدور حضن ياهو يضمها گبل عالي . سور حيدر وانطوت روحه بألمها عايش بنحيبه . حيدر بدياره مارجع حبيبه . شيجبر انكساره زمن عشرتهه اشيعيده . زهرته ويدفنها بيده يارب محمد انتقم لإبنة محمد عليهم السلام اللهم عجل لوليك المنتقم الفرج

عالمي هذا العزاء فاطميُّ الانتماء عشت بوصال الزچيه . حب ماله صفه اندبها واتخلي بيه . روح العاطفه گلبي انرزق منها نيه . وبحبها اكتفه حسبي اضل وقف للزچيه فاطمه الهوى والهويه كل ليالي عمري بحزنها با الدمع صفت فاطميه بذنبي ما هدت يميني امنيتي كون اوفي بونيني للي يا فضه إسنديني . تصيح وآنه خادمها وطلبتي ريت اساندها بدمعتي والطم وتنزف مهجتي . جريح وابقه عمري بها الرجاء فاطميُّ الإنتماء _______ الحب قراري واجالد . شما جار ال الزمن وابقه برغم كل معاند . عبد ام الحسن بعتبتها اضل عمري ساجد . عتبتها وطن جرحي حيدري من اگوله يعني كل جروحي رجوله عتبته عبرها عدوّه فشله لو زلم ما بچوله علي مجروح الحميه شلون صد حال الزچيه وما گطع نسل البريه . عجيب علي والبير وعذابه يا جبل يحمل مصابه يبچي ليليه اعله بابه . غريب وعلي بكُبره محتواا فاطميُّ الانتماء ____ كل الوجود امن اعده  . مابي مفخره ما أبدّله بدمعه وحده . من دمعي الجره عمري عِلگ كون أشده . اباب الطاهره ردت اضل أسير الوديعه بلا سعر وجودي ابيعه اتفضلي عليه اشتريني سيده وقرارج اطيعه اخذي من عندي قراري انطيني مولاتي انكساري رايد انساه اعتباري . واريد دمعه للمحسن اهلها اصرخ وتسمعني كلها فاطمه طايح حملها . شهيد صرخه توصل للسماء فاطميُّ الأنتماء ____ الزهره دايم بچيها . لا ما ينگطع تبچي واذا مَر وليها . تخفيه الدمع بچف وحده بارت بنيها . و چف اعله الضلع لو علي تـِشوفه يجيها تخفي من وجهها ابديها فاطمه بوضعها وحنينه ينجرح تحاذر وليها تخفي واتحاول تقاوِم لچن حيدر كلشي عالم والنِفَس يدري اعله فاطم . عذاب الها يبچي وتبچي لاجله وضيمهم محد يحمله واقع ولازم يقبله . مصاب وكل گلب حس هالعناء فاطميُّ الانتماء اللهم عجل لوليك الفرج

يا من برحمتها جابتني لمكان التحظرَه ورُحمَت بگلبي وصفه ينبض مشاعر طاهره لايذ بإسمج يمولاتي آنه دنيا وآخره ..... جايبلج گلب راحمته وبحبال الوهم چتّفته دخيل امانج لا جمرته تطفه گلب بدونج ما اريد اعرفه التفاته وحده وكلشي بيّه يصفه . بنظره ..... تِنَفّست هوى رحمتج وايادي لطفج عليه كثرت امنياتي اجي وبديه روحي وانادي اخذي روحي طهرت العمر يريته دمعه اصبها واتاني چلمه الزچيه قبلت ___ لعالم الطافج اجت روحي ولگيت اعظم حِمه ويا حنان اسمج اخذ گلبي وصحت يا فاطمه واعرفت حبج بصيره وكلشي من دونه عَمه الحب بيّه سجد بأعتابج ودگيته بدمعتي بابج حنانج بحب بابج احتواني اجيته محتار ولگيت اماني وندائي يا زهراء شفت ضماني . ادخيلچ ..... بشبج ضياع اذبها روحي وعطف عزائج يكض اديه وهوى المجالس من اشمه احسها روحي جديده بيه حياتي امس بَلَايه معنى وصرت مواسي لبچي الزچيه __ تكبر احلامه البشر كلما سنينه اتقدمن وآنه احلامي نفسها وما يبدلها الزمن يبچن عيوني يمولاتي إذَه عيونج بچن ..... بچيني ويدمعة عينج وسويني مواسي ايعينج امدلج ايدي ومنتهى امنياتي جرح اريدن اگضي بي حياتي نجاتي دمعي واطلبت نجاتي ..... الوصلنه من مصايب شگد بكثر هوانه النشمه واكثر اريد اعيش بگلب مواسي اعله كل مصيبه دليله ينطر الزمن يگلي مستحيله واجاوبه آنه الزچيه تگدر _ گاصد لبابج لانه للعطف اكبر سبب انرحم گلبي وبچت عيني لان شفت العجب بابج الرحمه وعلى الرحمه تشب نار ولهب مولاتي صحت رحميني وبنار الجذع چويني اريد امدن لللهب اديه وسلاماً ورحمه يصب عليه صحت عجيبه رحمة الزچيه يأرحم ام زمنها ظالم اخذ جنين و مُرَد چبدها وگلبها با الهضم يويلي انكسر وداع ببچي ولدها ووليها من غمض جفنها جبل حزن سنينه هدها اللهم عجل لوليك الفرج بحق مولاتنا الزهراء صلوات الله عليها

گلبي اعله بُعدج . يسعر غليله مو گد حملها . الفرگه الطويله ليا هم ييمه . عفتي العقيله من هذا الفراگ . عندج دخيله الليل بغيابج . بيا عين انامه تنام بدمعها . عيون اليتامه يترك رحيلج . بينه علامه بگد ما وجودج. چان ابتسامه ______ ما تفگد الناس . أُم بحنانج وبا الدنيا يا أم . تاخذ مكانج يا مأمن الكون . ظالم زمانج ليش اويه ولدج . ضايع امانج اشضل بحياتي . وراحت حياتج ما راحت وياج . شو ذكرياتج وعطر المحنه . بعده بعباتج واشما اشمها . تكبر غلاتج ______ اتمر ذكرياتج . من يلفي ليلي وكل ذكره يمه . تهدملي حيلي صوت لدمعتي . وسكته عويلي يا يمه وايصيح . بسمج دليلي عفتيني يمه . وخمسه سنيني ابلا شوفتج بيش . اقنعها عيني رِجعيلي ساعه . ورحمي حنيني ولو لحظه وحده . بحضنج خِذيني _____ شلون ابقه دونج . الحد المنيه بس آنه عندي . منج وصيه آخذ مكانج . با الغاضريه واحملها وحدي . اجبال الرزيه مرتين افگدج . هاي الاذيه عندج شبيهه . ادفنها بإديه اول حياتي . جرح الزچيه وآخر حياتي . افگد رقيه اللهم بيتم أبناء الزهراء صلوات الله عليهم عجل لوليك الفرج

يا بيتُ أحزانِ البتول إروي لنا بِبنائِكَ الكرارُ مَنْ ذا ساعَدهْ قد دافَ طينُكَ دَمعَهُ وأنينهُ كي تستعدَ لحُزنِ أوجعَ سيّدةْ وأروي لنا كيفَ أتتكَ بدمعِها مِن بيتِها مُظطرةً بَلْ مُبعَدَه يا بيتُ عُذراً . مَنْ قَبلُها مَن للحُزنِ بيتاً قد بنى ؟ يا بيتُ تَدري . هيَ بنتُ مَن ذِي ؟ وأتَتكَ تَبحثُ مَسكنا ..... هيَ فاطمٌ ام َ العُلا . هيَ نورُ أبصارِ الملا فوقَ العقولِ مقامَها ذابَ الحديدُ نشيجِها . وهيَ التي بأريجِها أحيى النبيُّ شَمَامَها ____ في غُربةِ الزهراءُ يا بيتُ الأسى لدموعِها هل مِن دُموعَ مُواسية ؟ عَجَباً أيا بيتُ إحتمَلتَ أنينها وهيَ التي قالت بعينٍ باكية صُبّت عَلَيَّ مصائبٌ لو انها صُبّت على الأيامِ صِرنَ لياليَهَ قد كذّبوها . وأهتَضموها وَهْيَ الزكيةُ فاطمه بعدَ الوصيه . حالُ الزكيه بِلا نَصيرَ ولا حِمى ..... مُنذُ الوصيّةُ أغمَدت سيفَ الفِقارِ ، تَشَجّعت جُبَناؤها وذِلالُها لولا الوصيةُ ما بَكت ولِبيتِ أحزانٍ مشت وَلَما اُضِيعَ دَلالُها ______ يا بيتّ أحزانَ الزكيّةُ لا تَدَع تَمضي البتولُ لبيتِها وأرئَف بها خطرٌ هُناكَ يُريدُ دارَ أمانَها ولربما أودى بِزَهرِ شبابِها فَهّناَك من ينوي الدخولَ لبيتها ومَسامِرُ الاهاتِ تملأُ بابها فَلأينَ تَحظر . والكُلُ كشّر أنيابهُ لحياتِها وصِغارُها مَن . يجِدوهُ مَأمَن إن عَجّلَت بمماتها ..... يا بيتُ فأحُفظْ عُمرها وأرئف بحالِ صِغارِها يا ربُ ما هذا العذاب عَجباً تحيّرَ حيدره وغدا سَتمضي الطاهره بمُصابُ لم يُشبِهْ مُصاب ______ يا بيتُ إن تسأل عنِ الزهراءْ تُرى لِمَ عنْ مَواعيدِ البُكاءِ تأخّرت ؟ اُخبِركَ قد حَرَقو الاعادي بيتَها وبِبابِها في بيتِها قد قُتِلَت يا بيتُ لَاحزانِ أتذكرُ حَملَها الطُهرُ للحَملِ المُقدسِ اسقَطَت سالتْ دِماها . وعليْ رأها حَبَسَت على صوتِ الألم فأتى اليها . وبكى عليها مِثلُ الضلوعِ بكى بِدَم فأعلم أيا بيتُ الأسى إن لمْ يَجيئُك ما نسى يمضي لِبئرِ عذابَهُ فبيتُ أحزانٍ لها وبِئرُ أحزانٍ بها يشكو الاميرَ مُصابَهُ اللهم ببيت أحزان الزهراء صلوات الله عليها عجل لوليك الفرج

حيَ على . مجالس الزچيه حي على . البواچي والعزيه حي على . اللطم يرافضيه . اليواسي وينه شدو الحزم . يدمعة المآتم شدو الحزم . يساده با العمايم شدو الحزم . گضت غريبه فاطم . اليواسي وينه ..... كون اللطم ثار ونار اعله من نار مكسور ابو حسين والعتره الاطهار اتلثت اشهر دموع ما يهدأ الروع وبمصيبة الباب مهدينه مفجوع ..... ضج للسمه . وخل يرتفع صوت الشجن لن فاطمه . دفنوها سراً مو عَلن حامي الحمه . ظهره انحنه اعله ام الحسن . يازهراء ظهره انكسره . وچتفه حمل گوه النعش يگول بقهر . ماتت عمرها اثمنطعش گوه صِبَر . ودربه بدمع عينه انفرش . يازهراء ..... على هذا المصاب شلون حيدر يقنع بصبره دفن وياها بسماته وروحه وناظره وعمره ما جبّر ضلعها شلون گلبه المرتضه يجبره وغريبه بصدره نسماته مابيها عطر زهره ما يلگاه . اتنفس آه واويلاه . يا زهراء ____ خل ينفتح . گلبنه للرزايا نبقه بجرح . روايه و لروايه وبكل سطح . نعلگ الها رايه . واسمها بيها ما ينجبر . گلبها وانكساره راحت غدر . يشيعه يا غياره لا من گبر . بسمها لا مناره . واسمها بيها ..... انعلگ الها رايات نخط يا لثارات وبسم ام الحسين ندعي السماوات يا رب يجبار عجل على الثار واليطلب بدم ما تهده اله نار ..... نار المهج . بكل طاهر اتظل تستعر ندعي الفرج . خاطر ضلعها ينجبر اعله ام الحجج . با المهدي ما باقي صبر . يازهراء دمع ام حسن . حيره وهظم منها جره من الزمن . ياهو اليغيث الطاهره هجمو علن . ووْصيْته يصبر حيدره . يازهراء ..... بسم حيدر ولا صاحت، سكوت وجانت اسبابه تدري بحيدر إموصّه يسكت لو دفع بابه صبرت ما تصيح اسمه ومنها الدمعه سچابه يا شدته اليطيح بضيج وصعبه ايفزع احبابه من الاثار . يدري شصار وإشواساه . يازهراء _______ ارحم گلب . وعطوفه من طبعها ارحم گلب . ولا نشف دمعها ارحم گلب . ورغم وجع ضلعها . بچت لابنها آه الولد . جريحه يَمَه واتون آه الولد . بعد وكت يمحسن آه الولد . ومنو المثلها و ايحن . بچت لابنها ..... ما شفته محياك متغطي بدماك مستعجل الموت ومن حضني ضمّاك گوم ابتسم گوم لإمك يمظلوم دون اخوتك ليش من درتي محروم ..... الطاهره . ونتها تجرح من تون اتگله تره . الإم تموت اويَ الابن وگلب اي مره . يتيتم بيتم الحظن . يازهراء ابّابي لذت . اعليك احامي نيّتي واتشوغِت . لاجلك يمحسن شوغتي تالي متت . وزادت عليه امصيبتي . يازهراء ..... اخوتك چانو متانين يوليدي ضِحك سنك وخواتك تنتظر جيتك ومن ايدي يشيلنك لچن شافنّك بإيدي والدم بيك شافنك ما لوليت الك يمه شلتك حتى انوحنك ما لوليت . والتانيت صرت انعاه . يازهراء اللهم بنور الزهراء صلوات الله عليها عجل لوليك الفرج