أوهام 🖤

{الأحزاب} مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا(23) عامل أي يا صديقي؟ سيدنا مصعب بن عمير رضي الله عنه و ما ادراك من مصعب بن عمير؟! أول سفير في الأسلام بعد بيعة العقبة الأولى النبي صلى الله عليه وسلم اختاره هو و أرسله للمدينة وكان سبب في إسلام عدد كبير من أهل المدينة لما أسلم على إيده سيدنا "سعد بن معاذ" رضي الله عنه اللي أهتز لموته عرش الرحمن و كان سيد من أسياد الأوس من قبيلة بني عبد الأشهل وبعدها أسلم قومه معاه. كان سبب إن الإسلام يكمل وإن النبيﷺ يروح المدينة وهو مطمن إنه هيلاقي حد يقف معاه و يحميه من قريش. فتخيل كل حسنات أهل المدنية و ذريتهم في ميزان حسنات مصعب بن عمير! سيدنا مصعب كان من اغنياء القوم قبل الإسلام وعيلته كانت من أغنى العائلات وكانت معاها مفاتيح الكعبة و ضحى بالفلوس وكل ما عنده عشان يدخل الإسلام وخسر اهله وأمه اللي كانت دائماً بتحاول تخليه يرجع عن دين الإسلام. مصعب بن عمير شارك في غزوة أحد و ماكنش بس داعية لا ده كان قائد كتيبة من كتائب غزوة أحد وحامل لواء المسلمين ومن القلائل اللي ثبتوا في غزوة أحد بعد حادثة الرماه لما نزلوا من على الجبل و دافع عن النبي لحد ما استشهد في الغزوة، ولما استشهد اُشيع في جيش المسلمين إن سيدنا محمدﷺ هو اللي استشهد بسبب إنه كان شبه النبي جدا ﷺ. سيدنا مصعب مامتش موته عادية في الغزوة لا ده قطعه ايديه اليمين وهو ماسك اللواء ولما اتطقعت مسك اللواء بالشمال قطعوا ايده الشمال، فضم اللواء بين جسمه فنزله عليه بالسيوف واستشهد في الأخر. رضي الله عن مصعب بن عمير 🤍

{الأنبياء} اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ(١) عامل اي يا صديقي؟ أية نزلت من اكتر من ١٤٠٠ سنة بتقول ان الحساب اقترب و احنا في غفلة. تخيل الأية دي على قلوب الصحابة و التابعين و اتباع التابعين كانت بتعمل أي في قلوبهم و تخليهم يشتغلوا ازاي و يعملوا حساب لليوم ده الف مرة. لكن احنا الآية دي كتير منا بيقرأها أو بيسمعها و بيكون عنده طول أمل في إن لسه القريب ده بعيد ومش بيحس بحاجة أصلا كأن الاية مش بتخاطبه هو كأنه خلاص ضامن إنه من أهل الجنة! {الحجر} ذَرْهُمْ يَأْكُلُوا وَيَتَمَتَّعُوا وَيُلْهِهِمُ الْأَمَلُ فَسَوْفَ يَعْلَمُونَ(٣) ربنا قال اقترب الحساب، عداد عمرك عمال بيقل، كل ثانية بتعدي عليك بتقرب للموت أكتر؛ لكن احنا لسه بنقول بدري، لسه بنسوف التوبة، بنسوف الصلاة، بنسوف حاجات كتير أوي لو معملنهاش هنضيع و المشكلة إن ربنا بيدينا أمل و بيدني يوم جديد ولكن أحنا في غفلة؟! سنة جديدة داخله عليك، قررت هتعمل اي في دنيتك حطيت خطط السنة في تعليمك و حياتك المهنية و جوازك و فلوسك الله ينور عليك بس حضرتك نسيت تحط خطة لدينك؟! سنة جديدة داخله عليك أنوي فيها إنك هتلتزم في الصلاة لو مقصر، هتوب من معصية معينة، هتتعلم فقه، هتتعلم تجويد، هتحفظ قرآن، هتتدبر، هتحفظ أحاديث، هتتعلم أي حاجة ترفع من قيمتك كَمسلم، تقربك للجنة، تبعدك عن النار تخليك مش من الغافلين.... سنة جديدة وأمل جديد ربنا مدهولك فوق قبل ما تيجي قيامتك لأن اللي مات قيامته قامت خلاص مفيش رجوع تاني . #موضوع_كل_جمعة

{الأحزاب} يَحْسَبُونَ الْأَحْزَابَ لَمْ يَذْهَبُوا(٢٠) عامل أي يا صديقي ؟! بعد ما وصلت غزوة الأحزاب لأقصى درجات الصعوبة على النبي و الصحابة، خلص الاكل و الماية و المؤن، خيانة بنو قريظة و حصار النبي من ثلاثة جهات، قريش من الغرب و غطفان من الشرق و بنو قريظة من الجنوب وسط كل ده و الجيش يتهز و المنافقين يبان نفاقهم اكتر النبي صلى الله عليه وسلم يقول في المسلمين: الله أكبر أبشروا يا معشر المسلمين بفتح من الله ونصر. كان عنده إيمان في ربنا احنا محتاجينه دلوقتي إن ربنا هينصره. و كان دعائه( اللهم منزل الكتاب ومجري السحاب، سريع الحساب، اهزم الأحزاب و زلزلهم زلزالا شديدا) و فاجأة تتغير الأمور من عند ربنا بطل قصتنا هو شخص جه من العدم و كأنه جندي من جنود الله و هو نعيم بن مسعود " كان كافر و اسلم " و كان علاقته قوية جدا بقريش و علاقته قوية جدا في بنو قريظة و هنا جه للنبي و قاله قولي أعمل اي؟ قاله النبي خذل عنا ما استطعت.. و هنا دوره كان سبب من اسباب انتهاء الحرب بفضل الله، رجل واحد كان سبب إنه يكون النصر حليف المسلمين. فذهب لبنى قريظة وقال لهم قد عرفتم وُدى لكم وخاصة ما بينى وبينكم قالوا صدقت قال ولكن قريش ليسوا مثلكم البلد بلدكم وفيها أموالكم وأبنائكم ونسائكم ولا تقدرون أن تتحولوا عنها إذا ذهبت قريش وأما محمدًا فسينتقم منكم فقالوا وما الحل فقال لا تقاتلوا معهم حتى يعطوكم رهائن فقالوا نعم الرأى الذى أشرت به... ثم تركهم وذهب إلى قريش وقال تعلمون وُدى ونصحى لكم قالوا نعم قال أن اليهود قد ندموا على ما كان منهم من نقض عهد محمد وأصحابه وإنهم قد راسلوهم سرًا أن يأخذوا منكم رهائن يعطونه هذه الرهائن ثم يوالونه عليكم فإذا سألوكم رهائن فلا تعطوهم وذهب لغطفان وقال لهم نفس الكلام. بعد كده أرسلت قريش لبنى قريظة أنهم بقالهم كتير قاعدين وسينتهي عتادهم وطعامهم وشرابهم هنحارب أمتى بقى فييجي يبعت اليهود ليهم إن اليوم يوم السبت ونحن لا نقاتل يوم السبت ولن نُقاتل حتى تبعثوا لنا رهائن فوصلت الرُسل إلى قريش وغطفان فقالوا والله صدقكم نُعيم، فبعثوا إلى اليهود والله لن نرسل إليكم أحدًا فأخرجوا معنا حتى نهاجم محمدًا فقالوا والله لقد صدقكم نُعيم أن القوم قد نووا على الغدر. و هنا حصل فرقة في الفريقين والمعركة وقفت و الاتنين خافوا من بعض بسبب الغدر اللي ممكن يحصل منهم و عارفين إن لوحدهم مش هيقدروا يكسبوا المسلمين وبعد كده حصل رياح قوية جدا في معسكر قريش و الخبام طارت و دمر المعسكر و بقوا مرعوبين. {الأحزاب} وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا وَكَفَى اللَّهُ الْمُؤْمِنِينَ الْقِتَالَ وَكَانَ اللَّهُ قَوِيًّا عَزِيزًا(٢٥) انتهت الحرب على كده بقوة الله و عزته و بسبب جندي من جنود الله و هو نعيم بن مسعود الاشجعي اللي كلنا محتاجين نكون نعيم بن مسعود في حياتنا، رجل واحد كان سبب في وقوف حرب كانت هتنهي جيش المسلمين... فدورك أي للمسلمين في حياتك؟ #موضوع_كل_جمعة

{البقرة} الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ وَاللَّهُ يَعِدُكُم مَّغْفِرَةً مِّنْهُ وَفَضْلًا وَاللَّهُ وَاسِعٌ عَلِيمٌ(٢٦٨) عامل أي يا صديقي ؟... جي افكرني و افكرك إن دايما الشيطان هيقف زي الحيطة بينك و بين الطاعة و يقعد يديك اسباب مقنعة جدا إن لو عملت الطاعة دي في مصيبة هتحصل أو هتضر في حاجة تانية زي مثلا: الصدقة اللي لو طلعت ١٠٠ج مثلا من قبضك كل شهر الشيطان هيقعد يقولك كتير اوي انت اولى بيهم في موصلاتك و حياتك قلل الصدقة شوية و كده كده ليك أجر برضو فيجي النبي محمد ﷺ يهدم الفكرة دي في حديث ما نقص مالٌ من صدقةٍ و يقولك أنفق برحتك. وتيجي تصلي الصلاة في ميعادها أو تقول أصلي في المسجد فالشيطان يسوف و يقولك هتفرق أي الصلاة في المسجد عن البيت و يجي النبي ﷺ يقولك " صَلاةُ الجَمَاعَةِ أَفضَلُ مِنْ صَلاةِ الفَذِّ بِسَبْعٍ وَعِشْرِينَ درَجَةً" ، لكن مش بتوصل لكده بس، لا ده ممكن يخليك تسوف الصلاة لحد ما تضيع عليك اصلا و اصلا تأجيل الصلاة بدون عذر ده حرام.. تيجي يكون عندك وقت تقرأ قرآن أو ميعاد وردك جه يقعد ينسيك و يشغلك بالدنيا، يقولك استغل وقتك ده في شغلك بس أو خلص الكام حاجة دول و بعد كده الوقت لسه معانا كتير هنقرأ بليل لحد ما يضيع عليك اليوم وأنت مقرأتش و تلاقي اليوم خلص بسرعة و مكنش في بركة فيه و ده بسبب إن القرآن بيدي بركة في الوقت في قول الله {ص} كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ(٢٩) وافتكر دايما مقولة ما زاحم القرآن شيئا إلا باركه... اذكر الله كتير و متخليش الشيطان ينسيك أهم ٤ عبادات في يومك لأنه مش هيبطل يزينلك أن الطاعة هتكبتك و المعصية هتبسطك. {الأعراف} إِنَّ الَّذِينَ اتَّقَوْا إِذَا مَسَّهُمْ طَائِفٌ مِّنَ الشَّيْطَانِ تَذَكَّرُوا فَإِذَا هُم مُّبْصِرُونَ(٢٠١) #موضوع_كل_جمعة

{المطفّفين} كَلَّا بَلْ رَانَ عَلَى قُلُوبِهِم مَّا كَانُوا يَكْسِبُونَ(١٤) عامل أي يا صديقي؟ من اكتر الحاجات المرعبة اللي سمعتها مؤخرا عن عقاب فعل المعاصي هي إنك تنتكس في دينك! يعني عقاب السيئة ميكونش حاجة ظاهريه لا دي تكون باطنه في دينك من غير ما تاخد بالك، زي مثلا إنه يكون ليك ورد من القرآن و فاجأة تقطع عنه، أو تكون بتصلي السنن و فاجأة تبعد عنها، إنك تتصدق و فاجأة تقطع الصدقة، انك تكون بتصلي جماعة و محافظ على الصلوات في المسجد و فاجاة تكسل تنزل تصلي، و ده مش بيكون مؤثر أوي أو ظاهر ليك، لكن هو أصعب بكتير من أي عقاب ظاهر... و ده كله بسبب ذنوب صغيره مثلا أنت عارف إنها ذنوب لكن مستصغرها و بتعملها، و من كتر ما أنت بقيت بتعملها و مش بتوب منها مبقتش تاخد بالك اصلا إنها ذنوب، زي النم، الغيبة، إطلاق البصر، الشتيمة، الإختلاط، وحاجات تانيه كتير كفيلة إنها تحرمك من عبادة كنت بتعملها، و تنتكس في دينك ده اصعب بكتير من إن يحصلك حاجة دنياوية. فعشان كده توب من ذنبك في اسرع وقت مهم كان، ولو وقعت توب و اعزم إنك مش هترجع له تاني، استعين بالله و اوعى تستصغر ذنب و تتعود عليه عشان كده انت بتضيع نفسك من غير ما تاخد بالك! إنَّ العبدَ إذا أخطأَ خطيئةً نُكِتت في قلبِهِ نُكْتةٌ سوداءُ، فإذا هوَ نزعَ واستَغفرَ وتابَ سُقِلَ قلبُهُ، وإن عادَ زيدَ فيها حتَّى تعلوَ قلبَهُ، وَهوَ الرَّانُ الَّذي ذَكَرَ اللَّه كَلَّا بَلْ رَانَ عَلَى قُلُوبِهِمْ مَا كَانُوا يَكْسِبُونَ الراوي : أبو هريرة | المحدث : الألباني | المصدر : صحيح الترمذي #موضوع_كل_جمعة

فَلَوْلَا أَنَّهُ كَانَ مِنَ الْمُسَبِّحِينَ(١٤٣) لَلَبِثَ فِي بَطْنِهِ إِلَى يَوْمِ يُبْعَثُونَ(١٤٤) {الصافات} عامل أي يا صديقي ؟... في قصة سيدنا يونس و الدعاء المشهور لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ اللي المفسرين بيقولوا أنه كان سبب في خروجة من بطن الحوت ولكن في مفسيرين تاني بيقولوا إن سبب خروجه من بطن الحوت هو ذكره لله في وقت الرخاء و وقت القوة يعني قبل ما يكون في بطن الحوت أصلا و هو ضعيف و ملهوش حيلة غير التسبيح... فكان سيدنا يونس عابد لل،ه كان كثير التسبيح، كثير الذكر، كان دايما مع ربنا و فاكره؛ فلما وقع في بطن الحوت ذكر الله تاني، والايه هنا بتقول لولا إنه كان من المسبحين يعني التسبيح بتاع زمان هو اللي انقذه.!!!! فالشاهد من القصة إن ذكر الله دايما هينقذك، هيرفع درجاتك، هيدخلك الجنة، هيبعدك عن المعاصي و يقربك من ربنا، هيزودك حسانات و يغفرلك خطاياك، و اللي أجمل من ده كله إنها عبادة سهله مفهاش أي مجهود، تتعمل في أي وقت و في أي مكان ! و عشان كده خلي ليك ورد أذكار في يومك و ابدأ من انهاردة.... كَلِمَتَانِ خَفِيفَتَانِ علَى اللِّسَانِ، ثَقِيلَتَانِ في المِيزَانِ، حَبِيبَتَانِ إلى الرَّحْمَنِ: سُبْحَانَ اللهِ وَبِحَمْدِهِ، سُبْحَانَ اللهِ العَظِيمِ. خلاصة حكم المحدث : [صحيح] الراوي : أبو هريرة المصدر : صحيح مسلم #موضوع_كل_جمعة

إذا مات ابنُ آدمَ انقطع عملُه إلا من ثلاثٍ : صدقةٍ جاريةٍ ، وعلمٍ ينتفعُ به ، وولدٍ صالحٍ يدعو له خلاصة حكم المحدث : صحيح عامل اي يا صديقي؟ الحديث ده شارح نفسه الحمدلله و حديث مشهور جدا كلنا عارفينه تقريبا بس للأسف مش كتير مننا بيعمل بيه و يمكن بنعمل عكسه، يعني بدال صدقة جارية تكسب بيها حسانات، لا احنا بنعمل سيئة جارية بالأغاني اللي بنزلها على صفحتنا و البوستات التافهة اللي غرضها الرتش و بتنشر الفتنة بينا، و بيفضل عداد السيئات بتاعنا شغال.. و كتير منا بيكون متعلم حاجة ربنا مَنَّ عليه بيها و بيبخل بيها على الناس رغم الحاجة اللي متعلمها دي هتفيد جدا اللي هيسمعها بل ممكن تغير حياته زي ما غيرت حياتك لكن حب الدنيا بيعمي الشخص ده.. اخيرا الولد الصالح اللي لازم تشوف نفسك فيه هل انت الولد الصالح إللي لما تدعي لأبوك و أمك بالرحمة ربنا هيستجيب ليك، لو مش أنت يبقى أنت كده لما تتجوز و تخلف ابنك هيطلع بنفس طريقك و مستواك الديني، ف اشتغل على نفسك و خليك أنت الولد الصالح عشان لما تخلف تعرف تجيب ولد صالح و تربيه عشان لما تموت يدعيلك.... كل دي اعمال أنت محتاجها عشان عملك في الدنيا الله أعلم هيدخلك الجنة ول لا، فكون عداد الحسنات بتاعك شغال بسبب الصدقة أو العلم أو الولد الصالح يبقى أنت بتقرب للجنة ان شاء الله.. #موضوع_كل_جمعة

كيف لا تتفائل و تحسن الظن بالله وهو الذي صنع من طفلٍ رضيعٍ، مستضعفٍ، ملقىً في يم، هارب من حكم الإعدامِ، واقع في يد من لا يرحم؛ نبيًا من المرسلين..! سلامٌ عليك يا كليم الله موسى.

{الأعراف} وَالَّذِينَ عَمِلُوا السَّيِّئَاتِ ثُمَّ تَابُوا مِن بَعْدِهَا وَآمَنُوا إِنَّ رَبَّكَ مِن بَعْدِهَا لَغَفُورٌ رَّحِيمٌ(١٥٣) سبحان الله العجيب في الأية دي إنها جت بعد قصة بني إسرائيل بعدما عبدوا العجل؛ فتخيل ده رد ربنا عليهم وهو الغني العزيز، قالهم لو تبتوا أنا غفور رحيم، فأنت أي الذنب اللي خايف ربنا مايغفرش لك عشانه.. توب يا صديقي🤍

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ (25) سورة الفجر عامل اي يا صديقي ؟! جي افكرك إن مفيش حد هيشيل شيلتك يوم القيامة، ولا صحبك اللي بيمشيك في الحرام، ولا عيلتك اللي منعاكي من الحجاب الصح عشان أنتِ شكلك حلو بشعرك ، ولا مديرك في شغلك الحرام، كل دول يوم القيامة هيبترأوا منك.. فكل حاجة أنت هتعملها غلط أنت اللي هتتحاسب عليها لوحدك حتى لو مين وصلك ليها، كل حاجة انت عملتها غلط محدش هيشفعلك فيها ولا هيقدر يشيلها عنك.. و في حديث عن النبيﷺ : قام رسول الله ﷺ حين أنزل الله: {وأنذر عشيرتك الأقربين} [الشعراء: 214] ، قال: يا معشر قريش اشتروا أنفسكم؛ لا أغني عنكم من الله شيئا، يا بني عبد مناف، لا أغني عنكم من الله شيئا، يا عباس بن عبد المطلب، لا أغني عنك من الله شيئا، ويا صفية عمة رسول الله، لا أغني عنك من الله شيئا، ويا فاطمة بنت محمد، سليني ما شئت من مالي، لا أغني عنك من الله شيئا. الراوي : أبو هريرة | المحدث : البخاري | المصدر : صحيح البخاري في أيات القرآن: إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ (166) البقرة وَكُلُّهُمْ آتِيهِ يَوْمَ الْقِيَامَةِ فَرْدًا (95) مريم مَّنِ اهْتَدَىٰ فَإِنَّمَا يَهْتَدِي لِنَفْسِهِ ۖ وَمَن ضَلَّ فَإِنَّمَا يَضِلُّ عَلَيْهَا ۚ وَلَا تَزِرُ وَازِرَةٌ وِزْرَ أُخْرَىٰ ۗ وَمَا كُنَّا مُعَذِّبِينَ حَتَّىٰ نَبْعَثَ رَسُولًا (15) الإسراء #موضوع_كل_جمعة

ما أصاب أحدًا قط همٌّ و لا حزنٌ ، فقال : اللهمَّ إني عبدُك ، و ابنُ عبدِك ، و ابنُ أَمَتِك ، ناصيتي بيدِك ، ماضٍ فيَّ حكمُك ، عدلٌ فيَّ قضاؤُك ، أسألُك بكلِّ اسمٍ هو لك سميتَ به نفسَك ، أو علَّمتَه أحدًا من خلقِك ، أو أنزلتَه في كتابِك ، أو استأثرتَ به في علمِ الغيبِ عندَك ، أن تجعلَ القرآنَ ربيعَ قلبي ، و نورَ صدري ، و جلاءَ حزني ، و ذَهابَ همِّي ، إلا أذهبَ اللهُ همَّهُ و حزنَه ، و أبدلَه مكانَه فرجًا قال : فقيل : يا رسولَ اللهِ ألا نتعلَّمُها ؟ فقال بلى ، ينبغي لمن سمعَها أن يتعلَّمَها الراوي : عبدالله بن مسعود | المحدث : الألباني | المصدر : السلسلة الصحيحة الصفحة أو الرقم: 199 | خلاصة حكم المحدث : صحيح

{ إِنَّا فَتَحۡنَا لَكَ فَتۡحٗا مُّبِينٗا(١) }[ الفتح ] عامل اي يا صديقي؟.. سورة الفتح نزلت بعد صلح الحديبية مباشرة الصلح اللي كل الصحابة استغربوا من بنوده و إزاي النبي صلى الله عليه وسلم يوافق بالشروط اللي كلها تبان إنها ضد المسلمين و ازاي أحنا أقوى منهم ايمانا ساعتها و لو حربناهم هنكسب رغم قلة العدد بس زي يوم بدر، لكن الله له حكمة في الصلح ده و كان سبب في قوة المسلمين تبقى اضعاف اضعاف قوتهم بعد الصلح، كان سبب في نشر الدعوة للعالم كله و كان جيش المسلمين داخل مكه بعدد ١٠ الف جندي بعد ما كان ١٥٠٠جندي في الصلح ، كان سبب في نشر الإسلام في بلاد فارس و الروم و عشان كده ربنا سماه فتح... و من المواقف العجيبة في الصلح ده هو موقف سيدنا عمر بن الخطاب اليوم ده كان مستغرب وكان هيتجنن مش فاهم اي اللي بيحصل لدرجة انه راح و سأل الرسول صلى الله عليه وسلم ألسنا على الحق و هم على الباطل؟! طب ليه قبلنا بالشروط دي و كان سيدنا عمر ميعرفش الحكمة و ميعرفش إن ده أمر من الله للرسول لما قاله إني عبد الله ورسوله ولست أعصيه ولن يضيعني وهو ناصري و بعد كده لما عرف سيدنا عمر الحكمة ندم و فضل يعمل أعمالا خير تكفر عنه اليوم ده. الشاهد من القصة إن حكمة ربنا و حكمة النبي في الهدنة دي مش هتبقى للراحة و خلاص كده الحرب خلصت! لا كان الحكمة أننا نستعد أننا ننشر الدين صح بدماغ صافية من غير اي مشاكل مع قريش، وفعلا ده اللي حصل و رجع المسلمين اقوى و دخلنا مكة من غير أي قتال و الإسلام أنتشر ودخل ناس كتير اوي في الإسلام قبل الفتح! و الإستفادة برضو من القصة إنك مش لازم الأمور تمشي زي ما انت عاوز، في حاجات كتير أوي انت مغيب عنها ربنا له حكمة فيها فلما تسعى و تلاقي الموضوع ماشي عكس هواك يبقى ده الصح و تدبير ربنا أحسن ليك. كلنا عارفين إن الهدنة و الصلح مش نهاية الأمر، والموضوع ده هيخلص إزاي و نهايته على أي؛ و عشان كده جهز نفسك إيمانيا و دينيا عشان اللي جي إن شاء الله هيكون الفتح لينا بس الموضوع في ايدنا احنا . يا أَيُّهَا الَّذينَ آمَنوا إِن تَنصُرُوا اللَّهَ يَنصُركُم وَيُثَبِّت أَقدامَكُم (٧) سورة محمد #موضوع_كل_جمعة

مَرُّوا بجَنَازَةٍ، فأثْنَوْا عَلَيْهَا خَيْرًا، فَقَالَ النبيُّ صَلَّى اللهُ عليه وسلَّمَ: وجَبَتْ ثُمَّ مَرُّوا بأُخْرَى فأثْنَوْا عَلَيْهَا شَرًّا، فَقَالَ: وجَبَتْ فَقَالَ عُمَرُ بنُ الخَطَّابِ رَضِيَ اللَّهُ عنْه: ما وجَبَتْ؟ قَالَ: هذا أثْنَيْتُمْ عليه خَيْرًا، فَوَجَبَتْ له الجَنَّةُ، وهذا أثْنَيْتُمْ عليه شَرًّا، فَوَجَبَتْ له النَّارُ، أنتُمْ شُهَدَاءُ اللَّهِ في الأرْضِ. الراوي : أنس بن مالك | المحدث : البخاري | المصدر : صحيح البخاري

{ ۞وَلَوۡ أَرَادُواْ ٱلۡخُرُوجَ لَأَعَدُّواْ لَهُۥ عُدَّةٗ (٤٦) }[ التوبة ] عامل اي يا صديقي ؟ دايما لو عاوز تحقق هدف ليك بتسعى و بتبذل اقصى جهد عشان توصله، لدرجة إنك ممكن تتخلى عن حاجات كتير بتحبها عشان توصل... زي مثلا فاكر في امتحانات الثانوية أو أي امتحانات و انت بتمنع نفسك من التيلفون و الاسكرول و تضيع وقت عشان تجيب درجة كويسة؟ فاكر وانت بتمنع الاكل اللي بتحبه عشان توصل لجسم بتحلم بيه؟ فاكر نفسك وانت بتشتغل و بتجيب اخرك عشان تجيب الحاجة اللي نفسك فيها؟ لكن للأسف عمرك ما اجتهدت في حاجة للأخرة زي مثلا إنك تمنع نفسك من حاجة بتحبها عشان تطلع صدقة؟ إنك تسعى عشان تبطل ذنب أنت مدمنه و تاخد بالأسباب و تبعد عن الحاجات اللي بتخليك تعمل الذنب ده زي صُحبة بتعينك عليه و مضيعاك لكن أنت بتحبها؟ عمرك حضرت نفسك وعشان تصوم يوم واحد في سبيل الله؟ عمرك اجتهدت عشان تحافظ على وردك من القرآن وحفظك له رغم مشغال الحياة ؟ وأمتى اخر مرة زعلت على صلاتك اللي فاتتك بسبب انك ضيعت وقتها لأي سبب زي ما زعلت على ميعاد مع حد أو متش كورة فاتك . واكيد و المخزي اكتر عمرك اجتهدت عشان تنقذ اخواتك هناك؟ حاول تقاطع، متبطلش تدعي ليهم، اللتزم بدينك و اعرف عنه عشان دي بداية اجتهادك عشانهم و هو ده سلاحك الأول قبل أي حاجة و افتكر إني تكملة الأية دي صعبة أوي لأنها نزلة في المنافقين اللي كانوا عاوزين دنيا بس و رفضوا الخروجة في الجهاد في غزوة تبوك. { ۞وَلَوۡ أَرَادُواْ ٱلۡخُرُوجَ لَأَعَدُّواْ لَهُۥ عُدَّةٗ وَلَٰكِن كَرِهَ ٱللَّهُ ٱنۢبِعَاثَهُمۡ فَثَبَّطَهُمۡ وَقِيلَ ٱقۡعُدُواْ مَعَ ٱلۡقَٰعِدِينَ(٤٦) } التوبة #موضوع_كل_جمعة

{ يَعلَمونَ ظاهِرًا مِنَ الحَياةِ الدُّنيا وَهُم عَنِ الآخِرَةِ هُم غافِلونَ }[ الروم: ٧ ] عامل اي يا صديقي؟ الحمدلله لسه متخرج الأسبوع اللي فات ١٦ سنة تعليم عدوا على خير، اتعلمت فيهم حاجات كتير جدا مش بس دراسيا؛ لا ده في كل حاجة في حياتي يمكن بس في حته ناقصه و مش عارف مهمه ول لا وهي الدين!! ١٦ سنة من التعليم من غير ما استفاد منهم أي حاجة دينية تقريبا، حتى في ابتدائي الدين مكنش مادة اساسية كنا بندخل مش حافظين السورة و بنعدي عادي بدال حلينا الاختر و الصح وغلط تمام، دخلنا اعدادي و الموضوع هو هو، و بعد كده جه ثانوية ومفيش حاجة اتغيرت، لحد ما دخلنا جامعة و المواد مكنش ليها علاقة بالدين اصلا... يعني ١٦ سنة ضاعوا كده من غير ما أعرف فقه الصيام ولا الطهاره ولا الصلاة و دول الحاجات اللي هدخل بيهم الجنة، ١٦ سنة محفظتش كتاب ربنا ولا حتى نصه ولا ربعه، ١٦ سنة من النجاح الوهمي و الشهادة التقديرية الدنياويه التي لا تغني لها في الاخرة من شيء، حتى الأغرب إني وانا بروق المكتب بتاعي لقيت كتب ابتدائي و اعدادي بتاعت الدين اللي كنا بنخدهم في المدارس و لقيت معلومات قيمة جدا و بتحسر ازاي مكناش بنتعلم الحاجات دي وقتها و المدرسين كانوا فين، ده في حاجات انا معرفش عنها حاجة كمان وانا سني ٢٢ سنة!!.. طب أي أمتى بقى هنبدأ نتعلم عن دينا؟ على الأقل الحاجات الواجبة على كل مسلم، امتى هنبدأ نحفظ كتاب ربنا؟ و نحط النية اننا نحفظه كله حتى لو موتنا قبل ما نحفظه النيه تكون صادقة و ناخد الأجر إن شاء الله... ما شاء الله اليوتيوب مليان شيوخ كبيرة، الكتب موجودة على جوجل في كل مكان حوليك اسهل حاجة توصلها دلوقتي هي المعلومات، فمش هيكون ليك حجة قدام ربنا هتقول أي ساعتها مكنتش فاضي؟! أنت خلاص خلصت ١٦ سنة تعليم مفيش سنة او سنتين تعرف فيهم عند دينك ، مفيش وقت لدينك في يومك ساعة واحدة بس؟! ده مش تقليل من مسيرتك التعليمية بس من غير معلومات عن دينك وأخرتك أنت للأسف عرفت ظاهر من الحياة وغافل عن الأخرة. { كُلُّ نَفسٍ ذائِقَةُ المَوتِ وَإِنَّما تُوَفَّونَ أُجورَكُم يَومَ القِيامَةِ فَمَن زُحزِحَ عَنِ النّارِ وَأُدخِلَ الجَنَّةَ فَقَد فازَ وَمَا الحَياةُ الدُّنيا إِلّا مَتاعُ الغُرورِ }[ آل عمران: ١٨٥ ] و بفكرك أن النجاح لما تدخل الجنة بس . #موضوع_كل_جمعة

"إنَّ المرءَ لا بدَّ أن تمُرَّ عليه ساعاتٌ يشعرُ فيها بآلامٍ خفيَّةٍ تلدغُ نفسَهُ وتؤلمُهُ!." - المنفلوطي

‏"ويكفيك مني عقابًا، بأنني لن أراك كما كنتُ أراك." - محمود درويش

"ثم تدرك أن عظمة المحبة في أن تجد من يراعي مخاوفك، يحتويها متفهمًا دون أن يضاعفها." - أحمد مدحت