قصائد موكب شهيد الجمعه الحسيني

خبر موزين  سمعنه اليوم رسول الله  وكع مسموم ===================؛ وحشه المدينة امن الحزن مابيها حيل الليلة او عظّم الله اجرك علي وكلش علي انهد حيله ماجاتل ابعمره بشر بس انجتل بالحِيلة ياريت فاتحته تضل كل العمر نبچيله صدك كتلوك هاي الكوم رسول الله وكع مسموم ======================؛ الزهرة نصبتلك عزة يل تهدي كل اسنينك    يوم انگطع خيط الصبر مديون الك ضل دِينك احسين مني انت گلت جا ليش عفت احسينك للطف تمنّينه تضل وتشوف كلشي بعينك علی احسينك.. ينوح البوم رسول الله وكع مسموم =======================؛ بگلوبنا موتك جمر لا ما طفت هالجمرة هاي احنه هيج بهالحزن الله ايعين الزهرة شجرة محمد مثمرة ومرمية هاي الشجرة عالصحرة لو تسحگ جنت يطلع ورد بالصحرة عمت عيني صدك متگوم رسول الله وكع مسموم =======================؛ الدين لو ما انت جا هسه انقرض واتطشر وانت اعرفت دينك ربح لمّن ختمته بحيدر والآمنو بيكم فقط فازو غدن بالمحشر والماعرفكم ماكدر يدخل ابد مايكدر عليك الدين بقه مهموم رسول الله وكع مسموم ====-؛ محمد رعد الكعبي

ياعلي جرحك بل نبي  مئذينه .. يابو الحسن جرحك بهل ليله هواي رايح ابن عمك الك جان افياي كلبك شيحمل من مصايب مولاي جرحك جبير وماكو مثله ولا جاي  يكسر مصابك ياعلي مبجينه .. فكد النبي مامثله ضيم شكبره واليوم تبجي اعله دم الزهره نعمه الكلب ما يطك ضل بصبره جمره اليفارك غالي تلكه جمره ويفاطمه تصيح المن مخلينه .. منكسر ضهرك بل مصايب مايل والعين تبجي الدمع عل خد سايل مو هينه نبع الخير منكم شايل هاذا الفكد عل كلب كلش عايل الله يعينك عل فكد والينه .. ياعلي حد الفجر ما تهده العين وي فاطمه اليوم انته كاضيها ونين حكك تون هواي ون يابو حسين خير البشر مسموم تبجيله سنين جرحك جبير وبل كلب يجوينه ..

زينب ردت اليوم اعله واليها ابلا عباس ردت هاي تاليها =====================؛ ردت والگلب مكسور واللچمات يرسم عالوجه بسمات عدهم مات زينب صارت احجاية بحلگ شمات كامت تبجي دم ماضل دمع ليها =====================؛ ردينه وشسولف ياهو يفهمنه كد اجروح اخوتي هواي من متنه لوكو امراية بالطف غاد چا گلنه موش اوجوهنا هاي الحرگ بيها =====================؛ كل ليلة اخوي بطيف تانيني بس النوم مامر بيه يحسيني بالإيمان اجيت الشام عاميني وسفة اتراب يحمي اليوم حاميها =====================؛ وصلتله ولگت جابر وحيد ايزور وگفت  عالگبر  والنور  يتبع  نور سوو مجلس وصار النعي بكل طور والسجاد عاد المقتل اعليها =====================؛ صوت امن الكبر ويصيح بمچانه شو هاي الهوادج حيل نقصانه گالت زينب اي محد بقه ويانه امشي وأدفن اب اهلك يراعيها ٭٭٭٭ محمد رعد الكعبي

اليله  تشييع الحسن هليله وعمت عينه الما رضت تبچيله @@@@@ ابن حيدر هذا او جده الرسول وامه بت المصطفى هيه البتول ثاني اصحاب الكساء عنه شنگول اليوم هاي الليله حيل طويله @@@@@ عاش مضلوم الحسن كل السنين وضلمه ما مر ابشر كلي يقين وخبر فكده اذه حيل المسلمين اليوم مو دمعه دمه نبچيله @@@@@ تكابلوا كلهم على نعش الحسن والسهام تحزمن بنعشه اجن وگام ابو السجاد وتولى الدفن وبلبقيع ادفنه ونهد حيله @@@@@ بلبقيع الگبر مهدوم وخراب ولا منارات وگبب كله تراب وگبل ما شايف ابد هيچي مصاب والگبر من البقيع نشيله @@@@@ عل فراش اليله مطروح ويبات وضلمه من دونه بگت كل الحيات وطاح مسوم الحسن يا ناس مات وعدنه هاي اليله حيل ثكيله ... حسين منتظر التميمي

اليوم زينب نوّخت بـ أركابها ‏بعد ما فارگت كل أحبابها .. ‏.......................................... ‏متعوبة ردت للـ مدينه أم الخدر ‏الگلب خاوي وأبد مابي كل صبر ‏گضت كل سنينـها بس تنتظر ‏وشهرت سنين العجاف أنيابها .. ‏،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ‏أهل المدينه بيها كلها أستغربت ‏تگول ياهي اليوم هاي الي أجت ‏بس لا ام عون هواي چنها أتغيرت ‏متعوبة من الضيم حتى أثيابها .. ‏،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ‏من دخلت اتلگتها أم الاربعـة ‏بـ لهفة واثنين العيون أمدمعة ‏النوح واصل للـ سماء السابعة ‏ونزلت أملاك السمه يم بابـها .. ‏،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ‏تعزّي زينـب أجت أملاك السمة ‏اصبري گالت يا عزيزة فاطمة ‏عظم الله أجرج يـ بت حامي الحمة ‏المصيبة عليچ هاي شجابها .. ‏،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ‏والعليلة تگول شو بس وحدچ ‏عمـه چا غير أبو فاضل واعدچ ‏اضن من رديتي محد ساعدچ ‏ العالم بـ وجهچ تسد أبوابها .. ‏،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ‏يـ بت حيدر شنهي عندچ من گلب ‏تشوفين اهلج كلها صرعة على الترب ‏چذب طاح حجابها من الضرب ‏طاحت أخوتها ومَـ طاح حجابها .. ‏،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ‏مصطفئ خالد الركابي

وين قادات العرب واسيادهه اليوم مصلوب ابن زين اعبادهه ===================؛ اليوم طايح ابن زين الساجدين مات بس ما انطه للأرذال عين والفناء ايصيح في درب الحُسين وعاد بيهم كربله وامجادهه =================؛= صاح ياثارات ابو اليمه وغضب وگام يگطف بالجماجم والرگب وشعل نار المعركة وصارو حطب وكام يهفت بالحرب وارمادهه -==================؛ فات وكت المعركة ومات الجريح والألوف اليوم يم بابه تصيح يالثاراتك وثارات الذبيح والإجوكم رجعت او يمرادهه ==================؛ زيد ثاني احسين مكتول اب غدر ويشبه  العباس  طايح  عالنهر والفرق  بس  السباية  بهالأمر وهيج هاشم راح كل اولادهه ===================؛ روحه بس يجر سهم راسه تطير ياطبيب اصواب دلاله جبير راسه ينزم كل كتر دم ويدير اوساعته حانت واجه ميعادهه =====================؛ جان ابوك اينوش كلشي اشما يريد وابفضلكم يلوي داوود الحديد صعد عالمنبر نزل فاضح يزيد وطشر اعلام الكفر واعمادهه ====================؛ محمد رعد الكعبي

مسموم طاح الحسن مسموم محتار  ضل  احسين مهضوم ================؛ الليلة الخبر يا ناس مو زين ابحيرة بقو عباس وحسين طاح الحسن وين الميامين والسم وصل لب چبدته اليوم ==================؛ طايح جبير الكوم والضيف سم تنكرم مولاي يا حيف من كيفه جبدك سال من كيف والسم طلع من بين الهدوم ==================؛ كارمله دنيا اليوم شو مات فاتحته   لازم  بالسماوات حاتم  شنو  وياه  هيهات بس هو كامل غيره مثلوم ==================؛ صاحب هلا واتفضل وفوت منك بعد مايطلع الصوت للموت رايح ليش للموت واحسين واكف حيل مهموم ===================؛ يزلام هاشم حطو الانگاب ماينحمل هالليلة الامصاب مكتول ابنكم والچبد ذاب حيهم بعد خالتفزع الكوم ==================؛ وين الثگال او وين عباس الليلة طايح اشرف الناس طاح الحسن من وادم ارجاس من آل هاشم طاحت اعلوم =========؛ محمد رعد الكعبي

آه لمـصـابك يـــزين أعــبادهــــا زلزل العـالم وسـبع أشــدادها ــــــــــــــــــــــــــــــــــــــ تضـرب الوادم ابیعـگـوب المثل شاب راسه وانحنه ظهره اونحل ومن كثر ما ينحب اودمعه همل بيضت اعيـونه اوزال اسـوادهــــا ــــــــــــــــــــــــــــــــــــــ اشراح منه اشذهب گلولي اشفگد صـــار بي ما صــــــار دلاله انمرد گالــو من اولاده الـعشــره ولد باعته الدنيه على اولادها ــــــــــــــــــــــــــــــــــــــ ومطلع یعگــوبها اوعنــده خبر عــدل يوسف ما عليه مر الخطر وعشـــره عنده وما الواحد بالعشر لو غــــده عنها يخـــل بعدادها ــــــــــــــــــــــــــــــــــــــ اشجاب یعگــوب النحيبه والونين ما يجــادي سگم زیـن العــابــدين يوم واحـــد اخــذمن خيمته البين سلف والخيمه هــوت لعمادها ــــــــــــــــــــــــــــــــــــــ سبعطعش شاب من اخوته والعمام بين شمس و چـوچــب وچـالبــدر تام هــوت لاچــن عالسيوف وعالسهام والتراب امسه يويلي وسادها ــــــــــــــــــــــــــــــــــــــ یشــوف شبان اهل بيته والشبول چالضحايه امطرحه فـوگ الرمول آه يا ويلي وعلـي اجثثها الخيــول تلكد وامسـه عليها اطــرادها ــــــــــــــــــــــــــــــــــــــ يشوف ابوه احسين من عنده الجسم بالمــواضي الگـــوم داعيته خذم ما عليه كفارها خـلـت هدم آه من شر العــده اوفسادها ــــــــــــــــــــــــــــــــــــــ ايشوف روس اهله على روس السمر حاملتها اعــلــوج سفیان الكفر ابراس ابو أمسه خــولــه يفتخر عـد يزيد الرجـس وبن ازیادها ــــــــــــــــــــــــــــــــــــــ ایشوف عماته اوخواته امسلبه وهنــد وسميّه ابملكها امحجبه وجسم ابوه الخــامس من اهل العبه اعله الثره اوراسه على ميادها ــــــــــــــــــــــــــــــــــــــ وچـم رضیع ایشوف يلعو اویضطرب والعطش بحشــاه نيرانه تشب جف حليب امه اوغده ابچيده ايحلب سهم نمرود اوثمود اوعادها ــــــــــــــــــــــــــــــــــــــ وچم رضيعـه ما يفارجها السدر وهيه متفــارج ثدايه امها التدر لاچن امها ابكــتر والبت ابكتر والثنين الخوف ذاب اچبادها ــــــــــــــــــــــــــــــــــــــ يبن من ابسيف ابـــوه الله نعبد ونشكــــر ما زال سعيه ونحمد جـــاوزت ياسيـدي ابحـزنك الحد حيث حــــزنك للانــــذال اعيادها ــــــــــــــــــــــــــــــــــــــ مايبو محمد وياشبــل الحسين نفســك تسكّن بچاها والونين منهو منكم سطه اعلـه افراشه البين سره السيف اشخاصكـم من عادها ــــــــــــــــــــــــــــــــــــــ ماسمعنه الكـم مشيب ولا كهل عالوسايد مـات بمــراض العلل انفوسكــم طيبه و عادتها الچتل حيث لن نلتوا الشهاده امرادها ــــــــــــــــــــــــــــــــــــــ سيدي ما دونك الســـان الحزن صــاح واخرس وگطع لوم اللسن الجتــل میراث من والد لابن استارثنه ارواح من اجـدادها ــــــــــــــــــــــــــــــــــــــ والچتـل للزلم بحــدود السيوف فخر عز وشــرف بي ذل ماتشوف لاچن احچيلي گبـل يوم الطفوف بالحـــروب الماضيه وطــرادها الشاعر المرحوم عبود غفلة

استشهاد الامام زين العابدين (ع) شــــاف  انــــواع  المصــــايب  والبلاء كظــــه بالســـم ابـن سيـد الشهــــداء ◆◆◆◆◆◆ ◆ ◆ ◆ شــــاف انــــواع المصـــايب والقــــهر وگلبـــه مـن الظيــم يـاوسفـــه انفطــر ادمـوعه لاجــل حسيــن تنـزل كالمطــر وشــــافها بعيـــونه مـــدرسة  الفــــداء ◆◆◆◆◆◆◆◆ ◆ حيــــل تقهـــر واللـه هيـــه مصيبتــــه وال اميــــه ارجــــاس هيـــه السمتـــه تفطـــر  الدلال  هيـــــــــــــه لوعتــــه هـــوه بالســــم يگظــي يـاويلي الفنــاء ◆ ◆◆◆◆◆◆◆◆ شــــاف ابـوه حسيــن مگطـوع النحـــر شــــاف   اخـــوه  الاكبـــر  مـــوذر  وذر وشــــاف  العبــــاس  نايـــم  عالنــــهر شــــاف كــــل أحبابه  صرعـــه  بكربلاء ◆ ◆◆◆◆◆◆◆◆ شــــاف عمـــاته وخـــواته علـى الهــزل والاطفـــال  تلـــوج  و المـــدمع  يهــــل صعبـــه نومتهـــا الخرايــب مـو سهــــل مـــن العطـــش اتفطـــرت مـنه الشفــاء ◆ ◆◆◆◆◆◆◆◆ شلــــــــــون ايصـــد للعيـــال ميــــسره حيرتـــك مـــولاي مـــامنها جــــــــــــره ونـــاره بالدلال  هيــــــه  موجــــــــــــره شــــاف كل هـــاي  النوايـــب  والعنــــاء ◆ ◆◆◆◆◆◆◆◆ خـــادم اهـــل البيــــت علـــي الخـــاقاني

يمج يا شريفة اليوم نبچي وتنزل الدمعة نبچي وصوتنه انعليه وكل العالم تسمعه =================؛ يمچ ياشريفة اليوم يربات العزوبية اصعب حاجة عند الناس يمچ سهلة مگضية ماخاب الإجاچ وراد حاجاته يعلويه واليگصدها ضل ربحان فارغ دوم مترجعه ==================؛ يا بت الحسن من چان ماخله احد ابعازة وتكرمين كلمن جاج خير امن الله يتجازة والغاز الكرم والجود يمكم واضحة الغازه ابوكت الضلمة جانت ناس انتم جنتم الشمعة ==================؛ يوم الواقعة انت هناك شفتي حسين وامصابه واحد واحد يوموتون اصحابه ورة اصحابه والتميتو بعد احسين والماي النذل جابه واحدهم غده ابلا راس والنسوان منفجعة =============-؛ اطفال وكهل وكبار كلها اتلوذ يم بابج من كل صوب اجينه انريد نعزي المهدي بمصابج شكرا للحتوف اهواي يمنه شلون من جابج خله العالم اعله الباب يمج كلها منجمعه ================؛ بعدج مادريتي الصار يا علوية السادة طبن بعدج اعله النوك للكوفان وازياده متي لخاطر المتعوب يصحه وياخذ امراده طحتي لخاطر الموجوع وانت هواي من وجعة =============؛ ضل خالد ذكركم دوم ضل طول الزمن يبقه حبل الله المتين الزين وانتو العروة الوثقه والعاداكم اهل البيت غير الحرگ مايلقه يامن رحتو لجل الدين ضل الكم بعد رجعه ***؛ محمد رعد الكعبي

https://t.me/boost/azali60

خلصت العشره ويه أهلنه وعمه سكنه ورايحين نومه محد كعد لينه وكال خويه مودعين /////////////////////////////////////////////// عمي اعتب عل كفلني وجابني وبحماه أجيت وعيني مافاركت عينه وعله طوله تعوديت وسفه نايم عل شريعه وبخواتك مادريت واه ياهضم علينه خلافكم وميسرين /////////////////////////////////////////////// وسلمت شمس الاخوه وعزي وي عباس راح وامست صياط عله متني وصبحينه عله نياح باجر بهزل انسبينه وضرب يبن اني وصياح وباجر الكوفه ورانه وبحبال مجتفين /////////////////////////////////////////////// كلبي لامافاركيت يلخذت من عندي اخوتي ولضهر زينب حنيت من الزغر دولبت زينب وياك يادهر الجنيت خذت كل اعزاز كلبي العشت وياه السنين وي اخوتي ردت موتي ولااعوفنهم وروح /////////////////////////////////////////////// عكب اخوتي وذاك عزي بالهضم ضلت الروح حيل متعوبه اختكم غفت بحضاني الجروح مودعين الله يخوتي وغصب عنكم شايلين وراحت الايام ذيج وراح وياه الدلال

زينب اتنادي وين اهل الشيم طايح احسيني محترگة الخيم ==================؛ ليلة احسيني مو ليلة وتروح ليلة مامنها بس دم وجروح دم اخوتي علی الغبرة يفوح يا سيوف الّي مامنها سلم ==================؛ عاتكه  ضلت  اتنوح وتصب انسحگت ونامت اب بين الترب ضلت اتنادي والوادم غرب والضربها فلا يملك رحم ==================؛ يا جميلاً رأيتُ امن الوعاض عاليتامی السلامة والحفاظ مريم اعليها من جاء المخاض ليتَ منسيّة گالت للعِلم ===================؛ قد نزل بيها وحي الله المبين وگالهه ايسلم اعليج الحُسين وانتِ ذكرج وصل للخافقَين يا دليل الهواشم والقلم ==================؛ طبت الشام وعينك ماتشوف بس حرب صارت اصوات وطفوف حرب زينب بدت وبلا سيوف اني زينب وانه راس الهرم ===================؛ اني زينب اميرة وبت علي اليوم اخلي الفضايح تعتلي يايزيد اعله عمرك تبتلي راسك اتنزله يا أبن العدم ===================؛ راسك اتنزله شرّاب الكؤوس باجر اعله الجمر جدمك يدوس اخ۠وِتي كلها مرفوعة الرؤوس عالرماح وعلی قصرك همم ===================؛ محمد رعد الكعبي

ها يل كمر زيــنب تصيــح الليلة وين ابن ابوي ليوم عازت حيله ويــــــــن ابن ابـــوي اليوم يتعنها يطبك يســار الحومــه وي يمناها زيـنب وحيده وبس حــــــرم ويها ويـــن الكفيل تصيح حته اشكيله ـــــــــــــــــــــــــــــــــــــــــــــــــ يفزع يكوم الحومه هــــد الحومه ويـــــن الكفلني السابكات علومه مايرضه بل ذله الكمر مــــن يومه يا عازته يكـــــــوم ويـــــرد العيله ــــــــــــــــــــــــــــــــــــــــــــــــ حال الزجيه بيا وكـــــــت شفتوها تنعه اعله اخـوهه شلون ما خلوها هيبة علي  خلاف الكمر شتموها مهضومه واعله الجفن دمـع تسيله ــــــــــــــــــــــــــــــــــــــــــــــــ زيــــنب تنوح شما تصـــد للهيمه منضر فطـر كلب العقيلة بضيمه صاحت يخوي الكمر يابو الشيمه طايح عضيــدك والصعــب ترتيله ـــــــــــــــــــــــــــــــــــــــــــــــــ ها يل كمر كــــوم  بعزم كردسها نشمي نتخيتــك ولحرب فارسها كـــــــــون بيمينك  وزلم دايسها مايل حملنه ونته بـــــــس تشيله ــــــــــــــــــــــــــــــــــــــــــــــــ إلحك يخوي المنطي حك الخوه بينه يتشمـت يسوه ول ما يسـوه سبت ابـــوي الماكو عدهه مروه وحسيـــن اخيـــك محد يتجيله . محمد حمزه التميمي

من ذبــــح والــيها .. ولهـضم مالـيها زيـــــنب ومحتاره .. دنيه دارت بيها بـــلايـه والي اليله **  زيـــنـب ومـحـتاره خــايفـه الـعلويـه  ** وخـيل شــنت غاره حــسين ما تـندله **  لا تــعـرف اخـبـاره هـضم مالي عيونهه.. والــــقـهر سابــــيها ــــــــــــــــــــــــــــــــــــــــــــــــــ صـيحت يــخـواني ** مــوش وكت النـومـة ليوم هـيبة حـيدر ** دنـــكت مـهضومه والشمـس بحـسينهه ** غـــيرتـله رسـومـه صـيحت بل هيـمه.. مــايـــــرد غـالـــيـها ـــــــــــــــــــــــــــــــــــــــــــــــــ ســــده لـيـل علـيهه ** وصـوبها الخيــاله يا وكـــت شـفتـوهـا **عـيله عل عـــيــاله تـــنخت بـعبـــاسهه ** ويــمنته الــجتالـه بـلايه جف ضرغامهه.. عــمره ما نــاسيها ـــــــــــــــــــــــــــــــــــــــــــــــــ نـــار شـبــت ليـــنه ** وسمعت شـتمونـه منين هـاي الـدارت ** والضـعن يــحدونـه صـبط احـمد ويــنه ** بــلايـه رد ميمونه بـلايه راعي خيمهم .. مـــنـصرع راعــيها ــــــــــــــــــــــــــــــــــــــــــــــــ ام عــون يهل الـغيره ** منـذبـح عـوانهـا ويــن حـــيدر ويـنــه ** صيحت وخوانها هـــاشم وابـــطـالـهه ** وبـكمر عـدنانـها ويــن عــم الــسـاده ..  يــــفـزع الـواديـها ـــــــــــــــــــــــــــــــــــــــــــــــ مـن الـونين الفاكـده ** ما تــهيد عـيونها راحـــت ويــخوانـها ** ماضن يـودعونها بـت جـبير الـطايـفه ** شــو تــغـير لونها حــيل ما ضـل لـيها ...  الـحيـدر مـربـيها  . محمد حمزه التميمي

ماهـو اخـوها حـسين هاي الليله ما بـقـه لــزينب اخــو تـشـكـيلـه ــــــــــــــــــــــــــــــــــــــــــــــــــــــ لابـقه لأم عـون نــاصـر لا مـُعـين لابـقـه عـباس عدها ولا حـسيــن آلـ هـاشـم بالصحاري مـطـشريـن بـس بـقه السجاد مـنـهـد حـيلـه ــــــــــــــــــــــــــــــــــــــــــــــــــــــ ام عون ماتت من ألم درب السبي بنـاگه هـزله وجان حاديهه اجنبي وسـفـه هـذه الصار بعـيال النـبـي بالحـبل مـگـيوده كــــــل الـعـيله ــــــــــــــــــــــــــــــــــــــــــــــــــــــ الصـار وي أم عـون مـا صار بـشر شـافت العـباس من طـاح الـگمـر والحسين شلون رد محني الضهر منـحني ومـحد بـقـه يـتـچـيلـه ــــــــــــــــــــــــــــــــــــــــــــــــــــــ فــوكَ كل الـصـار مـاتـت بالغرب راحت ومتعوبه من طول الـدرب يا هـظيمه تـمـوت مشلوعة گلب ماتت وتعبانه زينبكم نحيله ــــــــــــــــــــــــــــــــــــــــــــــــــــــ محد الــشاله نـعـشـها الـطاهـره ام عون ماتت بين غربه ميـسره اخـوان زينب كلهه ضلت عالثره ونعـش زيـنب بـقه يـاهو يـشيله ــــــــــــــــــــــــــــــــــــــــــــــــــــــ #سيد_منتظر_الهاشمي ــــــــــــــــــــــــــــــــــــــــــــــــــــــ

الليلة السابعة يلساقي دخيلك.........يلساقي ـــــــــــــــــــــــــــــــــــــــــــــــــ شيـخ الـزلم عـبـاس صـال اعليهه بالـحـومـه مـاكـو ازلام ويـلاگـيهه طـراهـا طـر الـكـافـل ابـن الساده خـيل وزلـم تركض سوه امخليهه وتخاف وتخاف.. من عنده الزلم نوماس نوماس.. عـباس وشـهم ـــــــــــــــــــــــــــــــــــــــــــــــــ مـحـتـزم سبـع الـگنـطـره طباها تـتـراجـف الـقـاده وعـلي خلاها محد يگابل سيفه مرعوبه الزلم تاهـت اعليها اليسره من يمناها خـيـال خـيـال..زلـمـه ومـا يفر عـبـاس عـباس..طـبـاهـا الگمر ـــــــــــــــــــــــــــــــــــــــــــــــــ صاح انه ابن حيدر علي والكافل وين اليـريـد الـمـوت خـلي يقاتل مـا گـربـو يم صوبه جيش وقاده عبـاس واحـد بس ألووف يعادل نـدمـان نـدمـان... اليـمـــه گــرب بالسيف بالسيف.. يشمرها الرگب ـــــــــــــــــــــــــــــــــــــــــــــــــ طـب للشـريعه وشال ماي بأيده ما شـرب منه گبل اخو وعضيده واتـذكـر العطشان والنسوه سوه والمـاي طـلـبت منه سكنه تريده تنخاه تنخاه.. بالصعبه وشدد وفـاي وفاي.. مـايخلـف وعـد ـــــــــــــــــــــــــــــــــــــــــــــــــ            نزال شور... ـــــــــــــــــــــــــــــــــــــــــــــــــ   #سيد_منتظر_الهاشمي ـــــــــــــــــــــــــــــــــــــــــــــــــ

ضاك اليوم صــــدره نفذ عبـــــاس صبره ،،،،،،،،،،، نفذ صبره ابو فاضل اكلـــوب الكـوم عامي  يجوي السيف بجفوفه بكثر ما دمه حامي بعد ما تحمل عيونه يشوف احسين ضامي ما تحمل تشوف احسين عينه طلع عرك الغضب كله بجبينه بــعد ياهو الينحره ضاك الــيوم صدره ،،،،،،،،،،، مو عباس طبلها عـــــلـي وجدامها تشوف مو بس بل وجه حته وصل لرياكهه الخوف زلام التنعد بميه بكـــت تشمرها الاسيوف يهزم بس ابــــد ماكو اليهزمه ما يثبت كباله الـــــــيوم زلمه جذب ماكو اليكدره ضـاك الــيوم صدره ،،،،،،،،،،،، الصعبه المنها ماصارت بجف الكافل تصير شحطت من كثر دمها وروس وي الهوه اطير الما حارت كبل كلها نزل عبـــــاس ختحير سبعين الف ما ضل منها واحد الزلمه الكلف بيهم امسه شارد ما يصحه اليصـطره ضاك الــيوم صدره ،،،،،،،،،،، وين اتروح حيرها الزلم  يا صوب ومنين شو عــدلين جدامه هـــوت للكاع ميتين دخيلك كله رد كافي زلمها تصيح يحسين تهج ما تثبــــــــت كباله تشوفه كــــل هده يهد توصـــل الكوفه وجلمه انطه للـحره ضاك الـــيوم صدره ،،،،،،،،،،، هـواي العادت احسينه وجا يتعبهم اهواي التمت يم ابن جوشن وصاحت ها شنو الرأي جـنه ايريــد يفنينا ابــد مـــــــو نيته الماي بيده وما تـــــــركها  دوم بيده طحـــــت رايته  كلش بعيده الجبل سيفه يشطره ضاك الـــيوم صدره ،،،،،،،،،،، محمد حمزه التميمي #

مسلم حاطته الكوفان ملتها غدرت ولغدر يحسين عادتها   كون تشوف مسلم حاطته الكوفان كون تشوف ضل محتار ما همه الائجل وعليك صار الخوف بـس اسيـوف دايـرته وحيــــد اعلية كام اطوف ابجتله اطالب ومعروفه غايتها ــــــــــــــــــــــــــــــــــــــــــــــــ طبع تخون مامش كل غريب الكوفه طبع تخون طوعه تشوف واليته الزلم كل عطوه ما ينطون لا نغار يـفزع للفحل لا هــــــــــــــاشم يسمعـون مسلم وحده ودايــرته قادتها ــــــــــــــــــــــــــــــــــــــــــــــــ وسفه اليوم دارت ع سفير الكوفه وسفه اليوم  طوعه تصيح راويهم عــذاب القارعه الهم كوم هاي الكوم باعت كل شرف ما عدها هاي لكوم هد عل كوفه كوم وذلها سادتها ـــــــــــــــــــــــــــــــــــــــــــــــــ ضل محتار مسلم حاطته الكوفان ضل محتار خـــــوفه اعليك لو تتعنه ليهم وزمــن يندار باجر حيف تبقه الوحدك وتشب خيامك نار ميته العادتك يل والي غيرتها ـــــــــــــــــــــــــــــــــــــــــــــــــ ضل وحـــــيد مسلم يابو لاكبر بيها ضل وحد صاحو ثار مـــــن مسلم تطالب كله منه تريد عدهم عيد دارت على سفير وجتله عدهم عيد حيل اجسرت منهم وصل حدها ــــــــــــــــــــــــــــــــــــــــــــــــ يردد كام بسمك يابو عشكه وما يهم بسهام كالو زاد جيش الكوفه مسلم لا يــرد لاهام صله وكام دك روس الزلم يم جدمه دك كل هام لاكن بل غدر طاح الغدر عدها .. محمد حمزه التميمي

ليلة 5  محرم حيّهم يمسلم حملت الخيـاله  ولعمه حيدر خل يبيّـن أفعاله  ❖────────❖────────❖  حيّهم يمسلم يوم من طبّـاها  بلا يه رؤوس الزلم شوو خلّـاها  طشّر الجيش بكبره من لاكـاها  تشرد اگباله العده لمن جـاها  الجيش كله تهتـور حاله  ولعمه حيدر خل يبيّـن أفعاله  ❖────────❖────────❖  وگال عمي حيدر انه الكـرار  حيّر الجيش بكبره بيهم منغـار  بسيفه يطحن بالعده هالبتـار  احتارت أهل الكوفة شنهو الصـار  يطحن بيهم خيل وي خيـاله  ولعمه حيدر خل يبيّـن أفعاله  ❖────────❖────────❖  ياهو يبارز مسلم من الكوفه  شردوا گباله صار بيهم خووفه  أفعاله عند البشر هالمعرووفه  جاوين هاشم خل تجي وتشوفه  بس طوعه اتحشّم بكت تبراله  ولعمه حيدر خل يبيّـن أفعاله  ❖────────❖────────❖  يكسر اضهور الزلم من لاكـاها  الجث وي الكاع هلساواها  أجيوشم بوحده من لاواها  وأفعال عمه اباله ما ينسـاها  الفخر وي المجد هوه النـاله  ولعمه حيدر خل يبيّـن أفعاله  ❖────────❖────────❖  من نسل هاشم بيه هوه اكفـايه  أهل الكرم والجود أهل وفـايه  ما طاحت من ايده ترف رايـايه  طشّر الزلم خيّـاله ورمّـايه  بأمر حسين دمه اليوم سـاله  ولعمه حيدر خل يبيّـن أفعاله  ❖────────❖────────❖  خادم أهل البيت  علي الخاقاني