قصائد موكب شهيد الجمعه

وين بنعش امنه تريد بي ريض يمولانه خلي نكابل التابوت وبجي انته ع مبجانه @@@@@@@@@@@@@ خلي نكابل التابوت ياحيدر علي رده طول امي الزجيه الراح ماي منيد وتبده كلبي العافته ام حسين ياهو خلافهة يهوده بيت العافته الزهراء طاح نهدم بنيانه @@@@@@@@@@@@@ شالوه النعش والروح شالت وي الجنازه موحش بيتج ام حسين بس ياعازتج عازه مايرهمه اي ضماد كلبي وفارك اعزازه كلبي يلوج من فركاج ماضن تطفي نيرانه @@@@@@@@@@@@ نار موجره بالدلال شبت والحزن بينه خل نودع الزهراء لا تبعد علي اعلينه شالت فرحتي بدنياي هسه الحزن غاطينه وزينب هسه يم حسين عگبج حيل تعبانه @@@@@@@@@@@@ تعبانه ونحيله تلوج زينب حايره اليله محني حسين ضهره عليج مامش جف يتجيله وياحال الحسن متعوب بانت خلته وميله موش الحزن بس بالبيت كل الديره حزنانه @@@@@@@@@@@@ الديره خلافج ام حسين ضلت موحشه وضلمه هضمه تعوفنه الزهراء ياناس شكثر هضمه لو رحتي الحسين يموت بالطف ينطحن عضمه وزينب تركض ع التل صوب حسين لهفانه @@@@@@@@@@@@ كرار السعيدي

اليوم طبو والزلم  محتاره كربله نكلبت بجف انصاره …… … .. اذن الحجاج وشتد القتال وطب سعيد بصدره يتلكه النبال واسلم السواه ماصاير محال              وفزعو لسبط الرسول احراره … .. … . طلع اول شيخ يصرخ يا مجيب صال عله العسكر ونسمع بس ثغيب تكوه صاح حسين حي الله حبيب                         تركض الوادم ودم تجاره … .. …… طبو ليوث  الحرب عاليعتدون جعفر وعبد الله عابس ويه جون وحشمت زينب تكله افزع يعون                 وليجهبك راسه حدر اكتاره …… …… دخل صوب الحرب ويسابك الطير الحومه شردت من دخل ليهة زهير ولزم ضهره الكلف حي الله برير                 الجيش خلص بدو من اكباره … .. ،،،،،،، طلع شاب من الخيم يجوي اللهب واليجهبه بسجل الاموات نكتب حشمتله امه وفزع ليهم وهب           الموت الاحمر من يكض بتاره … .. …… . طب شبيب وشوذب وكردوسهة وقاسط الما خلهة ترفع روسهة الطائي عمار بجدامه يدوسهة                    موتو حته اليودي اخباره …… …… يا عباد ابن المهاجر يا عباد كوم سل سيفك بده وحان الجهاد سوار ابن منعم فلا كف العناد          والامامه حسين تربي انضاره …… ……… هد عليهة وابد ماضن تستراح مايهمه اسهام ومكاطف ارماح هذه حر ونسله من ابن الرياح              حجر سجيل وتخوف امطاره … .. …… تكوه كالو صال يحيى المازني صوت جابر وي جناده اليعتلي طبهة سلمان وخلسهة البجلي                ايه ليث الما عرفنه اسراره … .. …… . حنظله مكطع ركبهة ويا سويد وهاذه ابن عوسجه شما زادت يزيد وصال منجح مو حرب جن يوم عيد                     خل تشوف الغاضريه امراره .… … .. قره ابن قره الغفار الميلين وقارب المهيوب يندب يا حسين وعبد للرحمان ابن عروه الامين              وكوروهة الزلم مثل الكاره … .. …… وشد عليهة الحارث العسكر خنس سيف لازم ضهره من طبهم انس الا كه سيفه الضرغمه دم انترس                 ذوله اصحاب الكرم والشاره … .. … .. وكل سفير نذكر اول مو اخير قيس وي هاني ابنه يقطر و السفير الكوفه من طباها مسلم تستجير                       جنه حيدر مسلم بفقاره … . … . وياشرارت كربلاه وصوت الحسين وياسفير البصره حيو ابنه رزين وياسليمان العصر طول السنين           حسين من دون الخليقه اختاره …… … .. وعبد للرحمان الانصاري يصيح وهد جوين العسكر يكوم ويطيح وعمرو ابن خالد اصح من الصحيح               الدنيه ضلمه وسيفه تضوي انواره …… …… وكال اميري حسين بال نعم الامير وهاذه ابن المرتضى لروحي نذير شاب عمرو ومثله مانلكه نضير                 عيت وبالحومه تلهب ناره             …… . …… . وجبله بيدي يكول اطحنهة الجبال شردت ويالحكهة نافع بن هلال وتنكشف بيدك يجندب هالرجال                 وشد عليهة يريد ياخذ ثاره …… .. ……… وكايل النعمان ادخل وحدي وهاذه ابو ثمامه عمرو الصائدي وكال الادهم أفدي روح  لسيدي                   القاده بالحومه يجرهة جراره …… . …… . واضح التركي دخل صوت النداء مالك استئذن ترس بيهة الفلاء وي كنانه وبيهة ضكت كربلاء               كلهة ميته ومكو حل لا جاره … .. …… .. وشد عليهة بزوده انيس الاصبحي و زاهر بعزمه يطبهة الاسلمي وعبد الاعلى فزع لبنك ياعلي                     وادم ادور الموت ادواره … .. … .. وال ابي طالب ترد  حملاتهة وكلبو الطف من بدت صولاتهة وال جعفر ترعب احجاياتهة                   الخلو الحومه صفت طشاره … .. … .. كتر بالحومه خذو ولدك يحيد محمد الاصغر السواهم عبيد ويه عثمان الكلف يرعد رعيد                  حاوط الحومه ويشد اوزاره …… . …… . هاذه مرسال الامامه البي شجن كال افزعو لعمكم بوكت المحن هدو اعله الحرب ولدك يالحسن                   وعن اخيك همه ردو غاره …… . …… .. من نسولف بالحرب لازم نميل ونذكر الاكبر وجاسم والعليل كفو منهم صحنه يولادك عقيل                حسين بستان وتموت ازهاره …… …… .. ودخل ليهة الكافل وكلشي رجف وحول اعله النهر وبجدمه نخسف العركه بالطف والزلم برض النجف                زغير طفهم طلع موش اكداره …… … .. صوت الى من ناصرن شدو الحزام وطلع عبد الله الرضيع من الخيام بنحره موش بصدره يتلكه السهام                       وحرمو ماي الفرات اشراره …… . …… وجب ندكره الطلع اخر شهيد ياعجيد البصره تسلم ياعجيد طبهم الهفهاف ويلاوي الحديد                  ميت ولحسين وده ابشاره …… … .. كرار السعيدي

اليوم حسين والعباس طبوها عن الگاع شيـل الزلـم شالوها ،،،،،،،،،،،،،،،،،،،،،،،،،،،،،،،،،،،،،،،،،،،،،، طبو ال هاشم والحرب شـــــدت وخيل الاگـــــــت العباس ماردت هدت لاچـــــن بيا حال من هدت رجالـــه الزلــم صوبيـــــن ردوها ،،،،،،،،،،،،،،،،،،،،،،،،،،،،،،،،،،،،،،،،،،،،،، اليوم شيوخ هاشم للحرب گعدو لاطلبوش عطوه ولازلـــــــم ودو صـــح ثنين لاچـــــــن كفو اوفو گبل الماي روس الزلــــم جابوها ،،،،،،،،،،،،،،،،،،،،،،،،،،،،،،،،،،،،،،،،،،،،،، هاي ازلام كلفه ودوم ماتبـــــــرد وين الحيــــد والبيه الضهر ينشد اخوان ام عون للعياله حطو حـد لاگوها برحابت صـــــــدر لاگوها ،،،،،،،،،،،،،،،،،،،،،،،،،،،،،،،،،،،،،،،،،،،،، طلابه وال حيدر بيها متحزمين للعباس نص ونص لخوه حسين من العدلين صارو اكثـر الميتين كل جيمه بكتـــــر ياناس خلوها ،،،،،،،،،،،،،،،،،،،،،،،،،،،،،،،،،،،،،،،،،،،،،،،،، اليوم الخيل تركض والزلم تركض والعباس شايـــــل بيرغه ويفرض ياصوب اليطبه الموت بي يعرض صفوها النشامـــــه بساع صفوها ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، مصطفئ الصالحي نزال

اليوم يوم انصارك الوفايه الحرب دونك نعتنيها اعنايه .............. دخل شيخ انصارها وبيهم يصيب ماسلم منه البعيد ولاجريب وكفو من صولاته ابن ظاهر حبيب فاض بالطف بس عزم وكفايه ............. وحاسها وذب الجبير اعله الزغير طلك المال وركض للطف زهير كال غير حسين ماعدنه امير ابو افياي الماكو مثل افيايه ............ لونها اصفر غدت جن لون الذهب الحومه لمن حول اعليها وهب هناك بلطف طيح اطوال الشنب وعالعساكر كام يفرض رايه .......... بالصعايب عابس ولا ينجرع هناك ذب السيف بلطف والدرع بوجه كل هندس يضل واكف شمع وشال كلمن تنسمعله احجايه ............. اوكف كردوس ورفع صوته ويصيح سوه لوجه حسين نتعنه ونطيح غلط هاي الناس وحسين الصحيح حسين شيخ وننحسب ودايه ........... حسين صله اواكف اكباله سعيد مايريد الدنيه يستشهد يريد حلوه دون حسين من توكع شهيد نطيح كلنه ولاتطيح الرايه ........... جون صاح حسين لاتهتم ابد مانهم بجيوشهم عده وعدد وياك يامولاي منطينك وعد واحنه نركض للحمل تجايه ............. حسين شريف

حياك حياك يمسلم يافحــل ،،،،،،،،،،،،،،،،،،،،،،،،،،،،،،،،،،،،،،،،،،،،،،،، للكوفه طــــب ولاتشوف الكوفه مابيها لون وجوهــــا من الخوفه چنه ابوفاضل مـن يشيل چفوفه دخيلك يمسلم صاح ياهو يشوفه سويها لله وخلنـــــه نشـــرد مــنا والتوبــــه اذا ردينــــه مسلم لهنا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، مخبوصــه كلها وخايفه ومحتاره اواحــد يگل للثاني شنهي الچاره مسلم دخلها وشـــــــــادلها وزاره چن ثار عده وجاي ياخـــــذ ثاره لاخيـــل ضلــت لازلــــم لافرسان حيلين بي وعالذبح طب عطشان ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، بس رايه عوزه يصير مثل العباس لو كضله زلمه يرده كـــون بلاراس خلها مســــــلم ناس تعثر بالــناس المالاحه سيف يموت من الوهواس مشلوع گلب الجيش منه ومتعوب هذا اليريــــد يموت ذاك المصيوب ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، كل هذا وحده شلون لو يمه حسين يگولون تقبــــــه هناك وادم عدلين دخيل الله مسلم ترس بيها الصوبين عدلين گام اطيــــــح فوگ الميتين خيال يذبــــــــــــح گام بيهم خيال وجنازه فـــوگ جنازه ضلت تنشال ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، مصطفئ الصالحي

وصت ام الاربعه اولادهه يمه هاي التضيحه الله الرادهه وصت ام الاربعه ام البنين يمه فدوه الروح طوهه للحسين هذا ابن الانبياء المرسلين لاتهمكم الجيوش اعدادهه ......................... وصته ام البنين الطاهره يمه يل عباس سبع الكنطره لاتخلي اختك ييمه محيره وحان يوم الوفه وحل ميعادهه ........................ قسم العباس اصفوف القتال وحملو اولاد العفيفه عل نزال عفيه يمه بصوت حي الله الا بطال جنهه بلطف حشمت بنشادهه ........................... مايصح بلدنيه مثلج بلوفه وصليتي جروح زينب للشفه انتي يلحره العفيفه مشرفه وضمديتي لمايصح اضمادهه ......................... كون بلطف حاضره تهل العيون تمشي يم التل تحشم بليجون عفيه يمه اولادي جعفر ويه عون وهذا عبدالله يعيد امجادهه ........................... وصت العباس تمشي لل نهر الماي يمه تجيبه بيدك يل كمر وخلي كلبك يمه اقوه من الصخر وصير لختك يمه انته اسنادهه أمجد الحمداني

مولاتي العليله قصيدة الليله الرابعه الليل اخلصه عليك ابجي وهايمه بويه من يوم الرحت ما نايمه ############### الليل يخلص بالونين وبالبجي راح متني الجنت انه عليه انتجي بويه كلش حيل يوجعني الحجي بغربه ضلت بويه عكبك فاطمه ############### انته ابوي وانته امي والخوي جنت لوعطشانه بيك انه ارتوي بويه من اذكرك حيل انجوي وماشربت الماي عكبك صايمه ############### عليك ما احمل تعب بويه وبعد طحت جن طيح الندى فوك الورد ياهو يسأل عني بويه من انفكد تموت روحي حسين كلش عازمه ############### بويه ماضنتي يرد بينه الزمن ولاتعود ايامنه بويه المضن بوطن انته وانه يابويه بوطن وحيلي بويه بروحتك ثق هادمه ############### ظهري بويه عليك والله انه التوه المرض كاتلني كتل وانته الدوه بريتي من يوم الرحت مامر هوى وكلبي مثلوم. وغيابك ثالمه ############### يانجمم جا ليش فاركت السمه وليش طايح عالرمل كلك دمه ريت بويه عليك صاباني العمه ولا اضلن بويه. عكبك سالمه ############### حسين شريف

لسان حال ام البنين لأولادها وصيه عندي ولازم اتسمعونها كون بالطف زينب اتشيمونها ___ عفيه يالابطال ولد ام البنين هناك ماريدن كلب منكم يلين احنه مخلوقين من اجل الحسين والحمول الطايحه تشيلونها ___ من يميل حسين صيروله ظهر وكون فيكم يخجل اكباله الشجر لو عطش يم جدمه جيبوله النهر وهامت امكم باجر اترفعونها ___ وما اريدن روس موش امكطعه كلب كلبوها ييمه الواقعه. بالجثث خل تغص كل المشرعه شجابت ام الاربعه يعرفونها ___ اوصي اخوتك يابو فاضل ياكلف عله اركاب الجيش صارمهم يرف كون. واحدكم يعدونه بالف والصدور لزينب ادكونها ___ ماتقصرون ادري بيكم والنعم صيحو بسم حسين يزداد العزم زلم انتم ماكو ابد منكم. زلم والشوارب بالطف اتجرونها ___ حسين شريف

ام البنين ع ام البـنين بعـتـبك جـاعـده عليك ياهو الي يمر تناشده جاعده وعين الها تربي على درب والمناطر عل يحب تدري صعب لـيمـت تـردون ويـهـيـد الـكـلـب فاكده يعين الله شوك الفاكده مني مل الدرب من كثر النشد عله حسين او وني يفطر بالجبد رغم ما ويا عدي اربع ولد لجن كلبي ابن الزجيه المارده عامره الدار شوكت يكضي الهجر وتكعد بكوسرها وتزين الصدر كون سالم فدوه كل شيبي الكثر هاي كل دعواها تدري الوالده صعـب حـال الفاكـد وشيـوصفه لو اجـه المـغرب على ديارة ولفه شـوف الـعـيون بـتـوالي يكـلفه وبلّت اثيابه التضل الشاهده يعـين الله البلهـجر كـلبه انجـوه تـصـير دكـة بابـهـم راحـه ودوه يـفـز كـل مـاحـرك الـباب الهـوه والجدم يا رايحه وياراده اللهم عجل لوليلك الفرج خادمكم قاسم الحجامي

اليله كل الكون يبجي يهل دمه فكدت العباس ابنهه فاطمة اليله تبجي الزهره والمدمع يسيل عكب عينك يمه اخوك بلايه حيل كوم حاجي حسين يمه يل كفيل وروحه عكب عيون اخو امسلمه .................. وصت ام الاربعه الحيد الشهم يمه يل عباس يا زين الزلم ضحي لجل حسين اخوك ولاتهم وخله يكثر حيل سيل من الدمه ...................... وردت الزهره تدور عل جفوف يمه يل عباس ماضل عدي شوف يمه شنهي الصار حل يوم الطفوف وزينب الحره عليك مهدمه ........................ نادت الحره العقيله عل نهر شلون بينه عكب عينك يل كمر وسفه يا عباس دولابه الدهر فرنه حيل ودنيه هاي مقسمه ..................... جاوب العباس وابصوته الانين روحي فدوه انطيهه انه للحسين فدوه راحت عيني واثتين الوتين وماشربت الماي ضليت بضمه ...................... الحرم ياعباس ضلت تنتظر ويبو فاضل خويه يابعد العمر كوم شوف احسين ماضله نضر الدنيا يا عباس عكبك مضلمه أمجد الحمداني

هل شهر الذبح وليوم بجوهن عيون المابجت لحسين ذبوهن ** هل شهر الحزن نبديه بل مذبوح ثلث ايام لجل شيعه ضل مطروح كلهاذه والخيل علي تجي وتروح واعياله عطاشه بغربه مشوهن ** بلكي والله نصير مثلك ياحبيب خل نشد احزامنه ونجمع نحيب  ولو مرضنه نروحلك موش طبيب نرجع وكلنه فارح داووهن ** ساجلنه يابو الاكبر بخدامك  كل احنه نصير تراب لجدامك مامحسوب منه الماهو بيامك شكم زله بحياتي فدوه طيحوهن ** ريت الخيل هايهه سحتك مولاي فوك اضلوعي تسحك يابعد عيناي تتفطر اشفافك امداه الماي متعيني ضلوعك دوس داسوهن الشاعر مقتدى حمود

الليله زينب مو مثل كل ليلـه گـمـر هاشـم رايـح وتـبجـيلـه رايـح الـعباس عـنـهـا ومايـرد زيـنـب اللـيلـه گـلبـهـا يـنمـرد ولسبيهـا الشمر نـاوي يستعـد ولشـام باجـر عـالـضعـن تمشيلـه تمشي وين تروح زينب حايـره الزلم ضلت علـه المخيم دايـره ورغم كل الصار زينب صابره وزينب السجادهه اتجيلهه زيـنـب تنـادي يخويـه الضامـي بـطيحتك محـد يضل يحامـي صعـبه اشوفك منذبـح گـدامـي مـن رحـت مـحـد صفالي اشكيله اللـيلـه زيـنـب مايـضل بيهـا صـبـر طـيحـت الـعبـاس يـالتـكسر ضـهـر مـالــت الدنيـا وگـصـت بأم الخـدر وياهـو ضـل منهـم بـعـد تحـجـيلــه يـعينهـا اللـه ام عـون منهـد حيلـهـا بـالـهـضـم والـنــوح گــضـت لـيلـهـا بـغــربـه ضـلـت يـاهــو اليتـجـيلـهـا بــس دمــع للـگـمـر ضــل تــهـديـلـه طـايـح الــعبـاس وسفـه عالـثـره والـجفـوف بـعـيـد عــنـه مـكـتـره وزيـنـب احتـارت خيمهـا مـوجـره وبـــس عــتــب يــازيـنـب تـوديـلــه علي حسام الاسدي

لاتهل يهلال حزني الليله حملي باجر محد ايتجيله _ لاتهل وكون مايطلع صبح حسين باجر راسه ينشال برمح خواني باجر راح ياخذهم ذبح بغربه ماضل واحد واشكيله _ حسين باجر يبقه مرمي بلانعش بعيني اشوفن جسمه عالكاع انفرش فطور بشفافه تصير من العطش ومحد اليفزع صدك ويشيله _ باجر اتعب لمن انه اسمع خبر حسين عالكافل صدك ظهره انكسر يبقه مرمي الحيد فوك اعله النهر ومو دمع دم اعله اخوي ابجيله _ تروح لمتنه الكبل جانت سوه وكلبي عالخوان يهلال انجوه اخ ماخذ حيلي طفج نينوى والحزن وياي شداه حيله __ باجر بطف كربله يصير اليتم بس حرم. يهلال ماتبقه زلم جرحي لوهليت يدي وينلجم وكافلي من الناكه اضل اوميله __ حسين شريف

عيت الگوفه ونزل واليهه وابن اخو الكرار شاخ اعليهه حشمت طوعه تكله انهض يحيد كوم اشهر سيفك الماهمه ويد ناس ذوله للشمر صارو عبيد عمت عين الكوفه وحدك بيهه $$$$$$$$$$$$$$$$$$$$$ كون اشوفك حيدر وحمزه الشجاع ياشهم ياحيد تربات الاسباع كون اشوف الحسن وحسين الاطباع البيهم انت تردهه وتساويهه $$$$$$$$$$$$$$$$$$$$$$$$ وين عباس البطل هل يوم وين كون الاكبر يجي ومحمد الحين ترد كوفان الاصل بدر وحنين وبيده مسلم كوفته يصفيهه $$$$$$$$$$$$$$$$$$$$$$$ كلهه اصبري طوعه هسه تمهلي عمي كرار الحرب حيدر علي اله اذل جيوشهه وتركع الي الكوفه واهل الكوفه هسه افنيهه $$$$$$$$$$$$$$$$$$$$$$$$ فتك بيهه الكوفه واشتد النزال كام يضرب بيهه ماهمه القتال طشر جيوش الكفر من لا محال وراد ماي الجبدته يرويهه الشاعر. أمجد الحمداني

اليوم ناده بكربله امناديها طبت ضعون الهواشم ليها ... ياهلا بضعن الهواشم ياهلا من مدينة جدهم لحد كربله قافله وحسين راعي القافله بهيبته وهيبة علي ايمشيها ..... نزل خطار المجد برض المجد كربله اتلكي الهوادج بالحمد بالبنات حسين جاي وبالولد اعيال بيت المصطفى اتلكيها ... نزلت القران نزلو بالطفوف كعبه والعز والمجد بيهم يطوف ناس بالايمان كلفه وبالسيوف عاشكه وجمر العشك جاويها ..... وصلت بخير وسلامه العايله واختلط عطر المدينه بكربله جيه حلوه ونصب المخيم حله وخيمه خيمه اهل الخيم تبنيها ...... زلم جابتها النوايه الصافيه طبت بزود وشجاعه وعافيه جني بيها عله المصارع غافيه والدمه وذاري الثره امغطيها ..... وجني بالوادم اتغير رايها وتذبح الضيف العزيز الجايها تبخل بنسمة هواها ومايها ويصبح الدم والدمع جاريها .... حسام الحسني

حـسين كوم وشوف حالي شلونـي اعــداي غــربـه وگــامــو يـسبـونـي ـــــــــــــــــــــــــــــــــــــــــــــــــــــ من رحـت يحسين مـاضل والـي التـمـت الـعـدوان خـويـه گبالـي وبيـه تـدري شصـار هسه بحالـي بسناسـل عــل هــزل گــادونــي ـــــــــــــــــــــــــــــــــــــــــــــــــــــ هواي بيك جـروح خويه وضامـي جـسمـك عـل الگـاع ضـل گـدامـي حـيـل مـاضـل بـعـد بيـهـا جدامـي وردت اجـيـلك خـويـه ماخـلـونـي ـــــــــــــــــــــــــــــــــــــــــــــــــــــ طـايـح ومنحـور نحـرك عـالتـرب تـريـد لينـه تكـوم وتــرد تـنـگلـب مصيبتك ياخـويـه ماخلـت گـلـب حـسيـن خـويه بذبحتـك فجعونـي ـــــــــــــــــــــــــــــــــــــــــــــــــــــــ سهـام صدرك منترس من كل كتـر وعلـه ضهـرك ليش طايـح منشمـر بـطيحتك يـحسين ضهـري مـنكسر لـشـام عـگـبك مــن طـحـت ودونـي ــــــــــــــــــــــــــــــــــــــــــــــــــــــــ حـاوطـوك حسيـن يـاهـو يـعـينـك جـدامـي مـن الـخـوف ماتـمشيلـك بـس دمـع ياخـويـه ضـل اهـديلـك وخـلصته كـلـه عـليك دمـع عيـونـي ــــــــــــــــــــــــــــــــــــــــــــــــــــــــ شگـد صحت بجفاك خويه اتأخـرت عــالـهـزل لـشــام مـسبـيــه رحــت بـالسبـي مـتـعـوبـه حـيـل تـعـذبـت بـسـوط عـگـبـك ورمـولـي مـتـونـي ـــــــــــــــــــــــــــــــــــــــــــــــــــــــــ علي حسام الاسدي

ضعن الامام الحسين يحسين رد بضعونك نية ذبح يردونك »»»»»»»»»»»»»»» هذا الدرب جذاب رد لبيتك مو منها لله الوادم امتانيتك طمعانه هاي الناس تكطع راسك يحسين هاي الناس ماشاريتك ارجع بالطف تنذبح راسك ينشال ابرمح يردونك »»»»»»»»»»»»»»» لاتوصل لكربله وريض اجدامك عبد الله باجر ينذبح جدامك حافر الخيل بصدرك يضل طابع وام عون تتعب من تشوف اسهامك باجر بس اه اودمع باجر. كلبك ينشلع يردونك »»»»»»»»»»»»»»» لايضل كافل لاتضل اجفوفه عالنهر مرمي بدمه راح تشوفه بالخيم تاكل نارهم بالعاشر وتنوخذ زينب عالهزل مجتوفه زينب يشتمها الشمر كلبك بالطف ينكسر يردونك »»»»»»»»»»»»»»» بس الحرم يحسين تبقى بدارك تتلفت لوحدك اوصرعه انصارك من الطعن. بسيوفهم يالغالي مجروح بالطف من جميع اكتارك عسكر عالخيمه يهب بالطف كلك تنسلب يردونك »»»»»»»»»»»»»»» تطلب الماي ومحد اليصغيلك تتعب. هناك ومايعينك حيلك رد للمدينه حسين ضعنك عوفه بالشمس باجر محد ايفيلك. ارجع فدوه اويه الضعن تشبع بالطف بس محن يردونك »»»»»»»»»»»»»»» حسين شريف

طلعت من أرض المدينه اسيادها نحور لطف حل وكت ميعادها ... وداع خوش وداع حافل بالعويل اليوم ضعن الغانمه ايشد الرحيل نوك من ثكل الشرف والعز تميل ارجال ثكلت بالشهامه اجيادها ... غصت ابطون الهوادج بالدعاء وبالسلامه الكاع تهتف والسماء عرجت اضعون الهدايه الكربلاء هناك موعد موتها وميلادها ... حسين راي الضعن كله ورايته يريد وجه الله بسفرته وغايته ضعن فتح الله التخاذل فايته يريد ناس الموت مثل اعيادها .... عد كبر سيد رسلها اشجابها حطت النوك الثجيله ارجابها احباب واتوادع تريد احبابها واليزيد اتروح وابن ازيادها ... طاف بيت الله ضعنهم وانحدر وضاعت أطراف المدينه عله النظر حسين خطوه بخطوه يحسب للقدر يدري سفرة موته لاجن رادها ... لاح كاع الطف ضعنهم لاحها تلمع من بعيد روس ارماحها تلاكت انحور الوفه بذباحها وارخصت ام الاولاد أولادها ... وصار ماصار بهذيج الواقعه والزلم كلمن اتهنه ابمصرعه وللمدينه الضعن ياهو ايرجعه من يرد هاي الحرم لبلادها . حسام الحسني

رايحه اوياهم واظن مارايحه مدري اروح ومدري اظل بالنايحه .. هي جلمه وبلجي ابوي ايكولها وين اختكم فاطمه صيحولها امجان يمكم بالضعن سوولها طفله وايام الامفارك جارحه ... كاعده اكبال الهوادج كاعده باجر اول وحده اكولن صاعده ميته واكلوب الفواطم بارده كلها نامت وانه بالهم سارحه ... شطوله صار الليل بيه شطوله وعله جانت عايزه المعلوله انشالله بوجه الصبح محلوله بالهوادج وي خواتي امصابحه ... خاف اظل لا سامح الله اهنانه واكضي عمري بس سهر ومتانه والنشد زعلانه مو علانه تجاوبه ادموع الوداع الطايحه ... منين ماجيب السفر ماسافر شحو اهلي بس دمعهم وافر شنتظر وامتاني ابوي الحافر عسن يذبح راسي سيف الذابحه ... شما نمت طف كربله يصحيني وتوكف اسيوف ورماح بعيني ميته ميته المن هلي مخليني جروحي خضره والمدامع مالحه ... حسام الحسني

اليوم مسلم هد عليهاا الكوفه خله ذرعان الزلم مجتوفه @@@ الخيل والعل خيل شردت ماتصول لمن شافو مسلم بنصهم يجول بيده شمرها الخيول على الخيول وخله بگلوب العساجر خوفه @@@ صال بيهاا وصاح ياخير العمل وحيد راواهاا العجايب من حمل جنه حيدر من برز يوم الجمل وبعد مسلم ضربته معروفه @@@ فات بيهاا المعركه حر وياحيد نسل هاشم بالوغى بيهم يصيد بيده لاواهاا الركب مثل الحديد وسيفه عزبها الركاب ضيوفه @@@ صال بيها لصولته تشهد عداه كر عليها اطشرت جنهم شياه وكسر سيفه والدرع يامن لگاه وشردت ازلام العرب ملهوفه @@@ كب عويل الكوفه جن حيدر نزل وشرد كلمن جابله طاح وهزل وشد على رگبهم شبه منجل بزل وخله عورات الزلم مكشوفه @@@ نزل بيها وزلزل وغيضه صعد وحيل طوفان الحرب شد ورعد وجره سيفه بالحرب مسلم بعد بيده گاع الموزمه مخسوفه سيد همام الظاهري