﴿ وَخَلَقْناكُمْ أَزْواجاً ﴾

على الزوجة المؤمنة أن تبحث عن الأسباب التي أدت إلى الخلاف والتهديد، فقد تقوم المرأة بعمل يثير غضب الزوج، وإن كان الرجل في مقام العمل، يكيل الكيل بشكل مضاعف!.. استحضري حالة الرقابة الإلهية، إذ أنه مطلع على كل خلاف، ويعلم الجانب الذي معه الحق. أرجو أن ترجعي إلى الزوج قربة إلى الله تعالى، لترين حلاوة الإيمان في قلبك، وكيف أن مقلب القلوب، يقلب القلوب بين إصبعيه!. وأخيرا عليكم بالتوسل بالله تعالى وبأوليائه (ع)، لتليين القلوب، فإن قلب العبد-كما روي- بين إصبعين من أصابع الرحمن: ﴿وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لا يَحْتَسِبُ﴾.

علمت بنتي اليوم... إن من تسبحين كولي قربةً لله تعالى صح هو شئ لج وانت ترتاحين من تصيرين نظيفة بس كولي بهذا الشئ الزين أريد اتقرب من رب العالمين ما دام يحب هالشي... لأن رب العالمين يجازينا على شغلات رغم هي لنا بيها فائدة بس يعطينا بيها أجر وثواب من تصيرين نظيفة من تلبسين ملابس نظيفة من تخلين عطر...أي شيء زين ينطينا بي أجر ومن نتعلم نكول قربة لله تعالى بعد راح نظل نسوي بس الشغلات الزينة وبسهولة ما نسوي شغلات موزينة لأن ما نكدر نكول على شئ موزين قربة لله تعالى لأن ما يصير نقدم لرب العالمين شي موزين #ذريـة_طيبـة

الله قدر هذا والله كفيل به

هواي تجيني اسئلة شلون من أحد يسمعج كلام مؤذي ما تتأذين أو تتحملين وما تردين.... شلون احد يتجاوز عليج وتتغافلين مختصر الجواب.... اكو اللي تتحمل عيالها المؤذيين وتكول لخاطر زوجي لان زين وياي اكو إللي تتحمل زوجها القاسي لخاطر اطفالها وتخلي عينها بعين رب العالمين ... ف إلي يسهل الأمر ويخففه ويجعلنا اكثر قدرة على التحمل ودفع الاساءة بالاحسان وأتحمل نفوس الناس المختلفة هو لخاطر محمد وال محمد أتقرب بهذا فعلي لرب العالمين. ول محمد وال محمد لهم خاطر جبير عندي وادري بيهم ما راح يضيعوني وحقي يرجع مضاعف عاجلا غير أجل

س: السلام عليكم تعبت هواي ويا زوجي أي طريقة متفيد إني دائما ما أحب احجي من طرف واحد بس ما عندي غير حل هو مو صادق وياي ولا عندي امان ولا إستقرار وحياتنا عبارة عن حرب دائما يحاربني باطفالي ودوامي قبل فترة آخذهم مني ٤٥ يوم وهسة هم صارت مشكلة طردني واخذهم رغم إني متحملة وساكتة علمود أطفالي بس احس نار بكلبي اذا انت الطرف المظلوم ف كوني واثقة بالله راح يكون نعم الناصر والمحامي والسند ، والتزمي الدعاء.. أنت الآن تعيشين الوحدة والوحشة ، ولا يوجد مساعد في هذا الكون إلا الله تعالى، فعليك بالتوسل بإمامك بقية الله في أرضه عجل الله فرجه الشريف. وابذلي جهدك حتى تحلين المشكلة مع زوجك، وأظهري له دائما بالطريقة التي يحب من الكلام واللباس والزينة ومايحب من الطعام ، هذه من المجربات التي غيرت سوء خلق الكثير مم الرجال فإذا وجد الرجل ما يحب ويرتاح له سيصعب عليه التضحية بكل هذا وان مسه نزغ من الشيطان سيندم سريعا ان اجتهدت بتطبيق ما ذكرت والتجأتي بصدق لله في ان يلين قلبه ويجعل بينكم مودة ورحمة ثقي بأن حياتكم ستختلف

جداً مهم الثقة واليقين بتقديرات رب العالمين اذا الانسان سعى وبذل جهده وحتى لا يبقى يعيش بدوامة الملامة والندم لازم يتوجه للدعاء السلاح اللي المفروض كل مبتلى يلتجئ اله وما يتركه ويكون عنده يقين ان الدعاء سلاح يصنع المعجزات ويغير الاقدار مهما كانت مؤذية وبنظرتنا صعب تتغير

#رواية_نبوية • أَهَمِّيَّة اَلدُّعَاءِ: ‏عن عبد الله بن سنان قال سمعت أبا عبد الله عليه السلام يقول: اَلدُّعَاء يَرُدُّ اَلْقَضَاءُ بَعْدَمَا أُبْرِمَ إِبْرَامًا، فَأَكْثَر مِنْ اَلدُّعَاءِ فَإِنَّهُ مِفْتَاحُ كُلِّ رَحْمَةِ وَنَجَاحِ كُلِّ حَاجَةٍ وَلَا يَنَالُ مَا عِنْدَ اَللَّهِ- عَزَّ وَجَلَّ- إِلَّا بِالدُّعَاءِ وَأَنَّهُ لَيْسَ بَابٌ يَكْثُرُ قَرْعُهُ أَلَّا يُوشِكَ أَنْ يَفْتَحَ لِصَاحِبِهِ. ‏ -وسائل الشيعة. تعليق : كونوا على يقين كل بلاء مصيبة ما الها حل غير التوجه والتضرع والالحاح على رب العالمين والقسم عليه بمحمد وآله اذا ما تنقضي الحاجة بالصورة اللي انتوا متخيليها ف رب العالمين راح ينزل عليكم صبر وقوة حتى تتحملون اكثر هواي امور ما متخيلين نعيشها او نمر بيها بس الدنيا خلتنا نعيش ونجرب كلشي وبكل مرة نعيش بلاء نكول بيه يمكن هاهي وصلنا للنهاية بس رب العالمين ينطينا صبر وقوة و يعوضنا بطريقة ما متخيليها بس اهم شي ما نيأس ونبقى نلح ونتوسل بأحب الخلق اليه محمد وذريته ونلتزم بقراءة زيارة عاشوراء ودعاء علقمة ثقوا واعتقدوا اصعب الإبتلاءَات هانت بيهن على مقدار الصبر ان شاء الله تعالى رب العالمين يعوضكم هالكلام موجه لكل زوج او زوجة صابرين على بعض ومتحملين سوء خلق المقابل وتذكروا لما دايما تستذكرون الهدف اللي من أجله تزوجتوا راح رب العالمين يزيد بقوتكم وصبركم (( اصْبِرُوا إِنَّ اللَّهَ مَعَ الصَّابِرِينَ ))

هسه اذا تكول للشيطان اكو ألف واحد جاي يتعبد بالصحراء واكو زوجين متحابين متصالحين يحبون محمد وال محمد يكلك أجند كل جنودي للزوجين الالف عابد ما يضروني بكد هذا البيت إلي اساسه حب الله تعالى هذا البيت اذا تركته راح ينتج اجيال واجيال صالحة.... إلي كتبته مو ضغطة زر ويصير يحتاج لها اختبارات واختبارات ومواقف يلا يتركنا الشيطان بحالنا... كل فكرة تجيج كل ظن يجيج كل إشارة شوفيها منين من الرحمن لو من الشيطان بس خلي ببالج شعار أن مااخلي الشيطان يتونس بينا.... يجيج من اليمين دوري وجههج للشمال

بنات.... الشيطان من يجيج بصاع رجعيه له بصاعين لا تخلين الشيطان يتونس بيكم والله مرة صار خلاف بيني وبين ابونا.... دزيتله رسالة كتله مستحيل اخلي الليلة تعبر والشيطان متونس بينا ومحمد وال محمد متأذين من عندنا مستحيل اخلي بيتنا مرتع للشيطان مستحيل تغمض عيني واحنه واحد شايل عالثاني وأنا ماادري باجر نكعد عدلين لولا صيري اشطر من إبليس خليج قوية بإيمانج شككج بزوجج كليله اي هسه ادعي رب العالمين إن يهديه ويقوي ايمانه...لا تصيرين لعبة بيده ساعة يلعب بقلبج ساعة بظنونج ساعة بأحاسيسج المؤمن القوي خير من المؤمن الضعيف وفيه كل خير كل مشاكلنا وتهديم عوائلنا بسبب إتباع خطوات الشيطان

-تغيير الحجاب و لبس السواد مع قصيدة حُسينيّة. - قِراءة القصيدة و التأثُّر مع الرادود -صورتكِ الشخصيّة مع القصيدة الحُسينيّة -كشف الذراعين أثناء الطبخ و تحضير الطعام، و النشر دون مراعاة ما يظهر من أجزاء الجسد. خُذنَ حذركُن، لَسْتُنّ محتوىٰ. هذا ما لا يجب أن يُصوّر و يُنشَر، فكُلّ فِعل يعكس مدىٰ تمسّكنا الحقيقي بمبادِئنا، لا تتيحنَّ المجال للمتربّصين بالأخطاء ليجعلوا منكُنَّ حجَّة. مَثِّلنَ تضحيّات آل البيت "عليهم السّلام" بالوِقار و العِفّة؛ أسمىٰ و أعزّ مثال، كُنّ للأُخريات قدوة. -هالة الجبوري

اللهمَّ اجعلني أُمًّا هادئةً حكيمةً صبورة، لا يغلبُني غضبي ولا يُبهتُني تعبي، اللهمَّ ارزُقني حُسنَ التربية وألهِمني الصبرَ على ما أنعمتَ عليَّ من أمانةٍ، واهدِني لأكونَ لأبنائي رحمةً وسَكَنًا وأمنًا وحُبًّا.

الأخوات الزائرات نحط اطراف عباياتكم تيجان على راسنا .. والله يتقبل زياراتكم رجاء .. وانتوا اهل الزيارة والطهارة حاسبوا مرة .. ومرتين .. وثلاث في الي تنشرونه من مقاطع اكيد نواياكم الطاهرة قصدها نقل أجواء الزيارة للعالم .. لكن حاولوا إن هذا النقل ما تشوبه أي شائبة ! حاولوا ما تطلعون شخوصكم ووجوهكم الكريمة والمصونة في المقاطع .. انا ما اتكلم عن حلال وحرام، اتكلم عن مبدأ مولاتنا فاطمة وزينب "عليهما السلام" واسوا من كانت تتستر بكفوفها💔 قلدناكم الدعاء والزيارة .. انتبهوا لحالكم، هالله هالله بالستر ..

بالوقت اللي أجهزة هواي من الزوار كثيرا ما ترفع بسبب التصوير المفروض الواحد يحمد الله ويشكره لان لحد الآن ما طالع بفيديو ريل وهو ما يدري ! مدري كم مخدرة لاحتها الكاميرا وهي ما تدري.. والكلام ما ينطبق على الزوار بس وانما بكل مكان وبكل وقت اليريد يصور يصور نفسه منو سمحلك تصور الناس؟ او تنشر نفسك وغيرك وجهه طالع بالفيديو ؟

📢للزائرات المؤمنات الطيبات : أيتها المؤمنات لابد عليكن قبل أن تذهبن لزيارة الأربعين مشياً أن تعرفن الى من أنتن سائرات ، وكيف سيكون حالكن ،أخلاقكن ،ستركن ، عفافكن ...؟ كله لابد أن يكون كما كانت مولاتكن زينب "سلام الله عليها" ،فأنتن معزيات ذاهبات للتعزية والبكاء والنحيب لا لحفلٍ إستعراضي ! كما وأرجو من الزائرات أن تكون زيارتهن هذه الآيام قبل الإزدحام الكثيف لأنه سيؤدي الى تضارب الرجال بالنساء وهذا مالايقبله الإمام الحسين عليه السلام ولاإمام زماننا ! أتمنى لكُنَ زيارة مباركة مأجورة ، ولاتنسين إمام زمانكن بإهدائه خطوات والزيارة بالإنابة ،والدعاء له بالفرج طول الطريق . نسألكنَّ الدعاء كثيراً 💚

ذات مرة.... صادف أن صرفياتنا هواي بهذا الشهر لأمور ضرورية وطارئة وباقي على موعد الراتب 10 أيام ف اجيت احسب إلي باقي من المصرف حتى اشوفه يكفينا لولا... لزمت الفلوس ورأسا عفتهن كلت شنو هالجرأة مني على رب العالمين شنو كاعدة افكر يكفينا لولا ليش أفكر بشئ انا ما مسؤولة عنه إلي ما نسانه ذيج السنين كلها هسه ينسانه بهاي ال10 أيام أدبت نفسي في محضر الله تعالى وعفتهن.... والله بنفس اليوم اجانه رزق ما متوقعته أبد يكفينا فوق الشهر سلموا حياتكم لرب العالمين تعيشون سعداء مستقرين النفس❤️ هكذا مواقف مااضمهن أبد على ابونا حتى يعرف أن رزقنا هو من فضل الله تعالى حتى يعرف صح أنا كاعدة بالبيت بس ساندته بدعائي ويقيني وان حياتنا محاطة بعناية رب العالمين وألطاف محمد وال محمد

الانسان السهل الله تعالى يسهل حياته❤️

سلمت امري لرب العالمين وهذا اعظم انجاز سويته بحياتي أعظم هدية قدمتها لنفسي ولعائلتي ما ندمت على كل شئ بحياتي كان عنوانه لأجل رب العالمين..... مرة ومرات اضوج من كلام شخص لي وينقبض قلبي حيل واتأسف على الفعل واكول ليش هيج الإنسان يسوي ويأذي الغير... مرة على مرة كعدت وصفنت وي نفسي كلت اذا اهونها تهون لولا؟ أي والله شو تهون لأجل رب العالمين مادام ما خربت علاقتي وي رب العالمين ليش ضايجة مادام ما ابتعدت عن رب العالمين على شنو انقهر ليتك ترضى والأنام غضابُ وليت الذي بيني وبينك عامرٌ وبيني وبين العالمين خرابُ إذا صح منك الود فالكل هينٌ وكل الذي فوق التراب ترابُ" النبي وممن أتبع خطاه مِن يسمعون كلام مؤذي من الناس وما يتأثرون ولا تمتلئ قلوبهم حقد وغيظ ومحافظين على سلامة قلوبهم وطهارتها مو لأن ما يحسون أو ما يتأذون بالعكس هيج شخصيات قمممة بالإحساس والمشاعر بس يكلك مادام هذا الكلام ماراح يأثر على علاقتي برب العالمين ولا راح يسبب بُعد روحي عن رب العالمين فما يهمني ولا اقف عنده لأن أنا همي وسعيي بالحياة هو شلون أبقى قريب من رب العالمين ،شلون ابقى عبد صالح ،شلون ارجع لرب العالمين بقلب سليم

الكثير من الزوجات يشكن يكولن ازواجنا ما يسولفون ويانا كلمة كلمتين ويسكت... ووي جماعتهم تعاي شوفي السوالف والضحك ولا عبالك هم الصراحة لأن الكثير من الزوجات تتظاهر بعدم المعرفة كدام زوجها فيعني طبيعي الزوج يشوفها ما تعرف شئ عن اموره فما يسولف وياها مثل هسه انت تكعدين وي طفل وتسولفين له عن وظيفتج أو شغلج بالبيت وطبخج أكيد لا.... لأن تعتبرينه ما يفهم كلامج كذلك الزوج من يسولف وياي عيوني واذاني تصغى له واظهر له أن انا كل شئ أعرف وفعلا اعرف مو مجاملة حتى عن الرياضة اكعد استمع له واتجاوب وياه وعن شغله إلي هو أصلا بس رجال تشتغل بي ولا امرأة وكل هذا اتجاوب وياه وسؤال وجواب واربط بالمواضيع واخليها ببالي وبعد فترة هم ارجع اسأله عن فلان شغلة سياسة احجي وياه بالسياسة رياضة احجي وياه بالرياضة حرب احجي وياه عن الحرب دين احجي وياه عن الدين طب احجي وياه عن الطب.... وبنفس الوقت مااظهر له أن أنا اكثر معرفة بكذا موضوع أو اعرف هالشي قبلك أو اتسابق وياه بالمعلومة

قال الإمام الحسن(ع): ليست العفة بدافعة رزقا ، ولا الحرص بجالب فضلا ، فإن الرزق مقسوم ، واستعمال الحرص استعمال المآثم . المصدر : بحار الأنوار الامام الكريم شيكول بهذا الحديث ناخذه مثال واحد فقط من الأمثلة الكثييييرة عليه أنا إذا لبست عباءة وتعمقت بالستر والعفة ومااختلطت بالرجال وخروجي من البيت ما يكون إلا للضرورة هنا شلون بعد راح يعرفوني شلون راح أتزوج سديت بوجهي ابواب كثيرة وطرق كثيرة للزواج بس الامام يجي ويفند هالتفكير البائس ويكول ليست العفة بدافعة رزقا يعني إذا انت مكتوبلج تتزوجين راح تتزوجين عفتج ماراح تمنع هالزواج حتى لو محد يعرفج لان رب العالمين الي خلقج يعرفج ومن خلقج وعدج بالرزق والزواج من الأرزاق ف اطمئني راح يجيج رزقج وانت عفيفة مستورة من عالم الذر ومن قبل لا نجي للدنيا كل واحد مكتوب له رزقه وكلنا رب العالمين اخذ من عندنا مواثيق ان نريد نتزوج لولا فالعفة ليست دافعة رزقا والي ما يجيج على عفتج ودينج لا خير فيه

امي ما قبلت زوجي اعترض السيارة مدري شبيها ما تشتغل ابني ظل بس يبجي النت انكطع فجأة طلعتلي شغلة ما متوقعتها.... ذني كلهن اعتبرهن منبهات من رب العالمين إن الشئ إلي رايدته تراجعي عنه،مو بصالحج،ما راح تحصلين إلي تردينه... إذا لم اتعظ وتجاوزتهن كلهن والا اسوي إلي اريده... معناها هنا أوكلت الأمر لنفسي وكأني لا أريد أن أسلم امري لرب العالمين... إلي اريده لازم اسويه... فبعدها لا ألوم نفسي إذا حصل ما لا يُرضيني وما يشقيني هاي الأمور شكد تشوفوها بسيطة بس من خلالها راح تربي نفسك على التسليم لله تعالى ونتيجة هالتربية ستصل إلى الراحة النفسية والسكينة والطمأنينة هذا مو مجرد كلام... هذا واقع هذه تجربة... اتذكر قبل سنوات ردت اروح للدكتورة وامي اعترضت كالت أجليها ع باجر لان ما حاجزين وخاف ما نلكاها بس انا عاندت الا اروح... ورحنا ولكينا الدكتورة ما كاعدة وبس تعبنا وخسرنا كراوي ورجعنا ليش؟ لان اوكلت الأمر لنفسي....ولم أسلمه إلى الله تعالى وغيرها وغيرها الكثير... بعد كم تجربة وكم درس يلا انتبهت على نفسي وتعلمت إن أي حاجز يصير كدامي ما متوقع معناها اوكف...وانتظر واصبر فهسه اصلا افرح من يصير كدامي منبه حتى أسلم الأمر لرب العالمين مباشرة واشوف صدق نفسي بالتسليم