باك شعبة آداب وفلسفة 🍃 ‧ ˚

❗️❗️ملاحظة مهمة خذوها بعين الاعتبار ثاني حاجة لازم قبل ما تبدا تقراها لازم تكون متمكن في المنهجيات الجدلية والاستقصاء بالوضع و تحليل نص وتدي فكرة على البرنامج وطريقة توزيع النقاط في المقالة ووو ✨

نبداو بمعذبة الادبيين 🥲 ✅بزاف تلاميذ يعانو من مشكل مع مادة الفلسفة ... نبداو خطوة بخطوة و نتمنى تستفيدوا 🔴 مادة الفلسفة الكثير من الناس يفهوموها بطريقة خاطئة و يدوا تجارب فاشلة بعين الاعتبار ، مادة الفلسفة ليست حفظ ❌ ليست علوم إسلامية او اجتماعيات ❗️ مادة الفلسفة من اسمها هي من التفلسف ، و التفكير .. أول حاجة نبداو بفلسفة هيا مادة فهم أكثر منها حفاظة يعني لما تكون فاهم خير من تكون حافظ وأساس تميز في المادة تاعها لازم يكون عندك شوية إبداع وشوية ثقافة عامة لأنها تقريبا راح توظف بعض الامثلة من الواقع 🤌🏻🙌🏻 يعني كي قلت إبداع يعني ماش يمدلك الاستاذ المقالة تروح تحطها فوطو كوبي أرجوكم لا لازم يكون عندكم شوية إبداع في المقالة وحاجة باينة كل ما كانت المقالة تاعك كبيرة راح تكون نقطة مليحة ✨🫡 أهم الاساتذة لي تقدرو تعتمدو عليهم الاستاذ عادل مقرود الاستاذ فارس الاستاذة ضيف الاستاذ هواري الاستاذ خليل سعيداني الاستاذ عفيف الاستاذ محيوس وأنا شخصيا كنت نتبع أستاذي في ليكور ❗️ملاحظة انا لما كنت نتفرج في اليوتيوب نتفرج من شحال استاذ باش ندي الفكرة و نطور ونخلي المقالة تاعي ممتازة بشرط استاذة ملاح ✨ سما هذوك لي يقولو ندير مصدر واحد مكاش منها وكل واحد كيفاه يقرا وكل واحد كيفاه الاستوعاب تاعو كتب خارجة ✨ كتاب الهدى كافي و وافي وفيه مقالات بزاف ملاح كتاب خليل سعيداني الأن كيفاش نقراو الفلسفة ✨ ... اول خطوة نديرو كراس مخصص للمقالات الشخصية و هذي خطوة تنظيمية مهمة لانوا كاين لي يعتمدو على المطبوعات من عدة مصادر و في نهاية العام تبدى فوضى ، اذن نتجنبو هذا الامر و نديرو كراسي سبيسيال للمقالات 🔴 الان نروحو للمقال ، اول حاجة لازم نعرفو الطريقة تاع كتابة المقال و طبعا وهي لي تقدمها الاستاذة فالدرس ، بعدها نحاولو نفهمو الافكار جيدا ، كل فكرة ندوها فالدرس نديرولها تحليل شخصي و نفهموها مليح ، نقدرو نعتمدو على مصادر اخرى و نزيدو نجيبو اكبر عدد من الافكار لانو المقالة كل ما تزيد فيها الافكار خارج الدرس يزيد الفرصة للحصول على علامة اعلى 🔴 بعد ما نجيبو كامل الافكار لي تحصلنا عليهم الان وقت باش نربطو بيناتهم و نكونو المقالة الشخصية في كراس المقالات 🔴 اهم حاجة نركز عليها انو الافكار متكتفوش بالدرس ، لازم تزيدو افكار اخرى لانو لي يكتفي بافكارر الدري ماكسيمون يمدولو 12 على المقالة او اقل الا انو المقالة لي تعجب المصحح لي تكون فيها بزاف افكار 🔴 لازم تكثرو الاقوال و الامثلة الواقعية 🔴 بالنسبة لطول المقال ، من وجهة نظر فقط المقالة لي فيها صفحة واحدة تعتبر مقالة قصيرة جدا بالنسبة لمقال وكيما قلتلكم انا كنت ندي الافكار من شحال من استاذ ساعات حتى ربعة فيديوات باش نحس المقالة تاعي فانتاستك ✨👌🏻 يتبع ... 🤭🌚

Hiiiiiiiiiiiiiii 🤗 عساكم بخير 🌚يادرا وشراكم مع السخانة 🥲 لا علينا حبييت نبدا معاكم موسم مليء بتحديات 🙈👌🏻 وقبل هذا راح نمدلم لمحة واش راح تقراو لكل مادة 🤭 وأهم المصادر ✨ موفقين 🪻🪻

🙂🙂

خوتي 🫶🏻💗… بغيت نحكي حاجة ويلزم نحكيها بما أني فاتحة قناة تدعم طلاب bac 2027📚 ان شاء الله . ولي وليت نشوفها بكثرة في القروبات ولا  خارج نطاق مواقع تواصل ؛ طلاب  تسقسي في سؤال ولي قاع نعرفوه  ولي هو ؛ ( بديتو تحضرو لي لباك  ..؟ ) ⋆ عارفة هاذ سؤال من جانب إيجابة تاعو  كاين لي يرتاح كي يلقا أناس  كيفو مزال موجدوش آي مزال ما حضروش 🥲  ‌… و كاين لي يبدا يخمم يطلع ويهبط  كيلقا أناس راهم يحضرو و هو لا 😉. ⋆ عزيزي تلميذ..!  اولا يلزم عليك تعرف أن الباك مثل أي أختبار عادي وراح يكون نتيجة تاعو  مقدرة باجتهادك 🤏🏻🤍 . وثانيا أنايا كي نسقسي واحد إذا كان راه يحفظ ولا واش دراك بلاك  كي يقولك " لا " ممكن راه يكذب عليك وهو راه مكمل الوحدة كاملة  ياك صح .؟ يدي فكرة تاع  دركه  يعيني ولا يحسدني مانقولوش ..  بصح لوم عليك  نتا .  اصلا واش دخلك فيه حظر ولالا إلها بروحك عقلك و عقلو ماشي لاصقين في بعض  كمثال ؛ نتا كإنسان  هدفك هو الآخرى  ماشي الدنيا .. الدنيا نورمالمو بنسبة لأي إنسان فاهم حاجة  مغرية  " لماشي فاهم شمعنى مغرية  كشغل ملذات معاصي و كذا " و أعمالك و أفعالك هم لي راح يحدولك إذا راح تروح للجنة ولا نار  ماشي أعمالك نتاا و صاحبك ولا نتي و صاحبتك ماناش في حصة أعمال   تطبيقية  في القسم .  وكي تموت لا قدر الله راح تموت وحدك و تبقا في قبرك  وحدك  ..! ⋆ تسما اخطيك من هديك تاع  تسقسي و كي يبدا صاحبك مراجعة تبداا معاه  فهمت  🌚..!!  . و تاني حاجة دخلت لقراية مبداتش علاااه راك تخمم و إذا كنت مستعجل في الحفظ روح ابداها المواد لي ناقص فيهم  : « رياضيات  ولا لغات » تعلم كيفاه تصيغ سؤال تعلم كيفاه تستخرج من نص تعلم كيفاه  تجمع الافكار  و كلش راه بين يديك شوف قناتي قنوات لخرين قاع هايلين في تلقرام و شوف قناة اساتذه  مثلا  ; ناصري و منير شبوة . حيقون اسامة . بورنان .  وكاين بزاف نتا خير غير لاستاذ لي ترتاحلو و تفهم عندو و ماتخلطش  .. نتا عليك دير غير حاجة وحدة وراح  تتسهلك كل أمورك وننصحك ماتضيعهاش  و تستاهينش بيها وإلي هي : الصلاة ⛧ᐟ. تارك الصلاة 🌱 ‏ولا تُجاب له دعوة، ولا يُدعى إلى وليمة ! ‏ ‏ قال النبي ﷺ ‏«إنَّ العَهدَ الذي بيننا وبينهم الصَّلاةُ، فمَن تَرَكها فقد كفر» اللهم لا تنسني ذكرك ولا تؤمني مكرك ولا تجعلني من الغافلين  لمن يتكاسل عن الصلاة يلتزم بهذه الأدعية🌸🫀 ... ربي هب لي قلباً لا يتكاسل عن صلاتك 🌸 ... اللهم ايقظني في احب الاوقات إليك🌸 ... ربي اجعلني مقيم الصلاة ومن ذريتي 🌸 ... اللهم يا مقلب القلوب ثبت قلبي على دينك🌸 ...اللهم اعني على ذكرك و شكرك و حسن عبادتك اللهم اجعل قرة عيني في الصلاة اللهم حببني لصلاتك الللهم ايقظني في احب الاوقات اليك اللهم علق قلبي بالصلاة اللهم اجعلني محافظة على الصلاة اللهم هب لي قلبا لايتكاسل على صلاتك ولا يؤخرها .🩷🩷 قراءة القرآن ولو صفحة في يوم ⛧.ᐟ ⋆تَمْضِي الحياة وأنتَ تَطلب أُنْسَها ‏و الأُنْس كُل الأُنْسِ في القُرآن !. طاعة الوالدين ⛧.ᐟ الوالدين قاع نعرفو بيلي علينا طاعتهم خطراكش هم لجابوك و ربوك و علموك و باينه راح يحبو يشوفوك ناجح  في حياتك قدام عينيهم ..!! ﴿ قال تعالى  : فلا تقل لهما أف ولا تنهرهما وقل لهما قولا كريما ﴾ وإن شاء الله ربي يوفقنا كامل و ننجحو في bac 2027 💗🫶🏻

دير جدول خاص بيك تنظم بيه وقتك متقراش وخلاص دير مثلا واش نقرا ليوم المهام تاوعك زيد دير في كامل سيمانة ودير كامل واش لازم تكون كملت في شهر وبداو من سبتمبر ولا دروك بدوا بالمكتسبات القبلية تاع كل مادة بمعنى المواد الاساسية مهما كانت شعبة نتاعك واكبر خاين🤣 ولي يدي الوقت ويشتتكم هو الهاتف سيو الماكسيموم تبعدوه عليكم كي تبدوا تقروا وصلاتكم ثم صلاتكم ثم صلاتكم في وقتها وماتنساوش يالوكان تقروا صفحتين من القرآن الكريم وتدعوا ربي يوفقكم ويشرح صدركم مكاش كيما صلاة تريح قلوبكم وايفيتو الناس سلبية بمعنى الناس لي مافيهاش فايدة هذاك لي يقلك انا منبداش دروك مزال الحال لباك واش دير بيه..... هذو كامل بعدوا عليهم ودير هدف حاب انك توصلو لانو اذا مادرتش هدف مراكش رايح توصل لوين حاب طاعة الوالدين وطاعة الله ♥ وتجنبوا العلاقات الغير شرعية🙄 ماتقلولي والو كامل علبالنا واش راه صاري 🙂 المهم هذو هوما نصائح تاوعي وربي ينجحنا كامل 🤲🏻🌿

《متغلطش غلطتي 》🤍 قدم نصيحة لتلاميذ بكالوريا 2027 تكون بناءة وأهم الاخطاء لي ممكن ماش راح يديروها 🥹✨ ولا الامتيازات للتلاميذ لي جابو موايا مليحة تقدرو تنصحو بيها اتركوا لي رسالة نقراهم و نحطها في الكانال 🤍🌱

BAC 2027 ?? 🥹

ألف ألف ألف مبروووووك🥹😊 الناجحين نسأل الله لكم بداية موفّقة في درب الجامعة والعلم ولمن لم يوفّق هذا العام نجاحك لم يلغَ، بل تأجّل وكل تأخير فيه حكمة من ربّ حكيم لا تيأس، فالسنة القادمة قد تكون بداية قصة نجاح عظيمة 🥺🩷

.📍📍 اللي ما يقدرش يشوف التصحيح ويعرف روحو راح يتوتر الأفضل ما يشوفوش أصلا بصراحة بسك مشاهدة التصحيح ما راح تغير حتى شيء والنتيجة راهي مكتوبة سواء شفتو ولا ما شفتوش. حافظوا على راحتكم النفسية وما تشغلوش بالكم بأمور لا حول لكم فيها و لا قوة و تفاءلوا خيرا تجدوه بإذن الله 🤍🪻 موفقين 🫶🏻

🔗التصحيح الوزاري لمادة الفرنسية 🤍🪻

🖇التصحيح الوزاري لبكالوريا لمادة الرياضيات 2026شعبة اداب ولغات و الفنون🤍🪻