لطميات حسينية مكتوبة

طبرو راس الاسلام      فجعو كل الايتام كل ساعه تمر بعام    يمج زينب &&&& ندري احنه بي عالي الجبل     محد گدر ويلوحه واليوم اشوفنه الجبل       كثرت براسه اجروحه ظليت اظمن عبرتي            بس بالدمع مفضوحه عدله انه زينب امشي صح   بس انه احس مذبوحه حيلچ شدي يم عون    حيدر عودچ مدفون شالو بجنازه الكون   ظلت تنحب &&&& البيت اذا ما بي ابو         مثل المگابر طبته خيمه وتحس طاح العمد    بسهله صارت جرته بيتك يصير بلا طعم        ماتت بعد سالفته معقوله ما يدري علي       منتظره زينب بنته بيتك يصبح تابوت     وياه تتمنه تموت مثلك حيدر منعوت     راسه تصوب &&&& محضره الفطور الجيتك   نگعد سوه اعله السفره سالم اريدنك تجي    بس لا تجيني بطبره حسيت انه بروحتك   خنگتني بويه العبره ما احتمل جرحك علي    ما طاب جرح الزهره احمل جرحك جرحين     جرحك جرح ام حسين غيرني هواي البين       نار وتلهب &&&& بيتك تخيله بلا علي    شيصير من تدخله البيت يصبحلك گبر     تبين عليه الخله الموت تانيته بعجل   جا ليش بس يندله خليت عله بروحتك   جيتك وتشفي العله ما احمل بويه هواي    غصيت بشربة ماي من ما حسيتك جاي    كلش اتعب &&&& گالو عزيزه البنت اذا    موجود اذن والدها تحس بالامان وبالفرح   وحده الابو يدللها لو راح ابوها وما رجع    ضيعت كلشي العدها ايام ذيج الي مضت     راحت بعد شيردها   لو تگعد يمه تشوف  ميمر بيك ابدن خوف      وبجاله شگد معروف     وانته مرتب &&&& علي جبار الكعبي       الفاتحه لوالدي

جرح   الامير ع ناظر اختك يالحسن لينه وصِل نـزلـوني منـها اذانـي الخـجـل       +++++++++ ابنيتي واعرفها شكثر متألمـه وگفت اعله الباب تشبه فاطمه مسحو عن الشيب يولادي الدمه حيل خطفت لونها شلتني شل      *** السؤال ابـنظره مـتوجـه  الي انت هذا المنحمل حيدر علي حته لو چان اليشيـلك كافلي ما اصدگ عيني غير انت الفحل       ++++++++++ اقره من نظراتها اسوالف دمع ينفهم حچي الدمع  ماينسمع چنها نظرة فاطمه بكسر الضلع من تصد لعيوني مدمعها نزل       ++++++++++ نزلوني خل اسير  اعله الجدم الخاطر اختك گادر اتحمل الم ابگلبي احسها نظرة الحره سهم ابقى اشبع موت من قبل الاجل     +++++++ سارع الها واحضن اختك يالگمر يبني روح وخفف اعليها الخبر گلها ما مات الفحل بـس انطبر راجع الها خل يضل عدها امل      +++++++ هلّله كل هلله باختكم والخدر كونه سالم مو مهم عدنه العمر ليلة الوحشه تألـمني اشكـثر اتگلي كافل خدري يابويه انكتل      +++++++ گـِلها ذيچ الساعه تلحگ عالبچي عالهزيله ماكـو تچـوه وتـنتچي تحچي المن ياهو ليسمعه الحچي ماكو راي ايصير للماعدها اهل      +++++++++

ميلاد زين العابدين ع اجانه والفرح زاد هله يا زين الاعباد        +++++++++++ نزل للدنيه بس امذبله اجفونه ابطن امه عباده مساهره عيونه المن من بچه چنهم يعرفونـه تربه وسبحه جابوله يسكتونه       علي السجاد من صار      بجبينه شافوا آثـار     تسع اشهوره سجاد     هله يا زين الاعباد         +++++++++ دلّاعة الولد من صار جابوله امصلايه لان شيريد عرفوله كاروكه بشكل محراب صنعوله بصلاة اعلى محمد من يهزوله         ساجد ليلته ايبات         آيه واهله آيات        لهل الارض اوتاد        هله يا زين الاعباد         +++++++++ امـه بـالمهـد مستغربـه الأمـره محتاره الولد شيتمتم ابثغره اصابع ايده بيهن يحسب اتنظره اثاري ايسبح  بتسبيحة الزهره       بكلشي ابن الميامين       يشبه والده حسين      طوله وحسنه ينعاد      هله يازين الاعباد       +++++++++ زينب شالته وناغته يالغالي اشحلاتك يالولد تتبسم اگبالي تِعرف وآني هم اعرفها يالوالي انته وآني رفجه نبقى للتالي     بعد عمتك يمزيون    جمالك مالي لعيون    يوجهك احله لعياد    هله يا زين الاعباد    ثائر الربيعي

#اللهم_أدعوك_وفقني .        الـلـهـمَ ادعـــوك وفـقـنـي اخـــدم فــاطــمـه          الـلـهـمَ ادعـــوك وفـقـنـي اخـــدم فــاطــمـه                           *---------------*---------------*                  امـنـيـتـي يـارب الـعـرش هــايـه                  عمري اخـلـصـه ابـنـوح وقـرايـه                  دمـعـاتـي تجري لــ فاطمه الغايه                  أسّـرنـي حُـبـهـه ورافــع الـرايــه          هـذا اعـتـقـادي وللموت بالأول وبـالـخـاتـمـه                           *---------------*---------------*                  ارزقني اصـيـرن بالعَـزه شـمـعـه                  الحـد المـنـيـه وتـهـمـل الـدمـعـه                  ودوم لـ ضلعهه روحــي منفجعه                  الكل المجـالـس اعشگ الـفـزعـه          ادري الزجيه الزهراء تشفعلي من الحـاطـمـه                           *---------------*---------------*                  نــاذر حــيــاتــي بـالـلـطـم إلـهـه                  وفقني ربي وخدمـتـي اقـبـلـهـه                  كون الـدمـوع الـلـيـلـه اوشـلـهـه                  ولجل الـزچـيـه الـونـه مـامـلـهـه          مـاهمّن لـ هـذا وذاك بـالـمـنـهـج الـمـتـعـلّـمّـه                           *---------------*---------------*                  هنياله الـيـخـلـصـه باللطم عمره                  ويذكر مصـيـبـة فـاطـمـه الزهره                  الماينسه ضلع الـطـاهـره وكسره                  مـتـعـوفه هي وقـطـعـاً اتحضره          صگ الشـفـاعـه مـضـمـون بس بإديه اتسلمّه                           *---------------*---------------*                  الماعنده خدمه كلشي مـا عـنـده                  بـس الامــيــر الـدمـعـتـه بـخـده                  اينوح لــ مـصـاب التشبه الـورده                  الذبحوا حـلـمـهـه الماكمل بـعـده          ماانسه يـوم الـبـسـمـار الـبـچّـه املاك السمه                           *---------------*---------------*                  ياهـو الـيـلـومـه العايش ابنوحه                  الواسه الـزچيه بحزنه وجروحه                  شـمـعـه يـصـيـر وتحترگ روحه                  هـاي الخدامـه الـبـيـهـه الملوحه          خليني اعيشن بالنوح لـ كسر الوديعه العالِمه                           *---------------*---------------* ✍️خادم فاطمة ع الشاعر رعد الچريخي

مشاية ضعن الحسين ع••& نزال حزن مشتاگه زينب هل اجت مشايه هـيه اوضـعنها تـعـنت الـوفـايه ـــــــــــــــــــــــــــــــــــــــــــــــــــ متـعوبه زينب والحزن غـاطيها ضلـت تلوج مـن الـجرح والبيها هوه الـحنان يـلـوگ بس اعـليها ام الستر هـيه وستـرهه الغايـه ـــــــــــــــــــــــــــــــــــــــــــــــــــ ليـوم اربـعينه تـعنت المجروحه عگب الـدلاال من سبي مذبوحه حسره بـگلبها ومابرد كـل نـوحه للخوه اجت مـن شوگـها وعنايه ـــــــــــــــــــــــــــــــــــــــــــــــــــ يمشي لضعن متعوب كثره الاامه وبـس الـعليـل الـبقـه مـن ازلامـه رمله وربـاب وسكنه تـلطم هـامه عـالـضـلـو ابـلا روس وبــلا رايــه ـــــــــــــــــــــــــــــــــــــــــــــــــــ ام الـمـصائب صـارت يسمـوهـه وعـگب الكـفالـه للسبي يسبوهه متـعوبه حـيـل وحيل ماراعوهه كـل الضعن عـطشان رايد مـايـه ـــــــــــــــــــــــــــــــــــــــــــــــــــ تمشي الغـريبه وبـالـگلب محروگه عالطاحو وفوگ الاارض مسحوگه وروح الـمحنه بــلا جــدم مسبوگه يــم الـتحبهـم وصـلـت مـچـوايـه ـــــــــــــــــــــــــــــــــــــــــــــــــــ تعنت حزينه بـكل حـنان وحسره بيوم اربـعـينه يـزور كـلـمن گـبره زارت أخـوهـا والـچـفـيل ابـعـبره تشتم عطرهم زيـنب ابـكـل ايـه ـــــــــــــــــــــــــــــــــــــــــــــــــــ خادم الحسين ع مهند العايدي تمت بفضل الله وال محمد ع نسالكم الدعاء//1447ه‍

#تراث اليوم أبو ابراهيم سيد اكوانها گوظ أوناحت إنسها وجانها ــــــــــــــــــــــــــــــــــــــ گوض اليوم النبي او داره بگت موحشه او لجله الديار اتگدرت والملايك ناحت الفگده او بچت والجنان أو حورها او ولدانها ــــــــــــــــــــــــــــــــــــــ اليوم مچدر اصبح الفگده السمه گام يبچي او للخطب يمطر دمه وشمسه صايبها الكسوف او مظلمه والأرض لبست عليه احزانها ــــــــــــــــــــــــــــــــــــــ لبست اثياب الحزن لجله الأرض واظلم الكون وبچه اعليه الفرض واحنه نبچي اوهالمياتم ما تفض للقيامه والحزن عنوانها ــــــــــــــــــــــــــــــــــــــ للقيامه انضل ننوح او ما نمل حيث من يوم ارتحل سيد الرسل حل باهل بيته وباهل وده الكتل وردت الأمة تَعبَد أوثانها ــــــــــــــــــــــــــــــــــــــ شتتوهم بین مسموم اوچتیل او بين مسجون او غده ایون او عليل وبين بديار الغرب اصبح نزيل او منها ذاهت وضربت وديانها ــــــــــــــــــــــــــــــــــــــ هاي حالة عترة الهادي الرسول اصبحت بالهم عگب عينه تجول ريت يالهادي تجي اتشوف البتول تبچي ضلت والحزن ديدانها ــــــــــــــــــــــــــــــــــــــ او من حزنها ابواب صارت للحزن منها ضلت عترة الهادي تون هذا شارد ذاك محجور ابسجن او هذا خايف من غدر عدوانها ــــــــــــــــــــــــــــــــــــــ أمهم الزهره الگضت بأخطر أمر حاله بيها ايضيج من عدها الصدر بيها كثره اجروح وأعظمها الكسر ضلت ابگلب المحب نيرانها ــــــــــــــــــــــــــــــــــــــ اه يا ضلع الزجيه او كسرته اه ياذاك الجنين أو طيحته اه يا حامي الحميه او عبرته اه يدمعة زينب أوجـروانـها ــــــــــــــــــــــــــــــــــــــ اه يونات الحسن حين النظر للزچيه الوالده أو دمعه الحدر اه يا الحسين النده ظهري انكسر حين شاف امه عليها اچفانها ــــــــــــــــــــــــــــــــــــــ شيعوها ابليل والمدمع يسيل من دفنها اشلون حماي الدخيل او يم گبرها اشلون صار الهم عويل زلزل الدنية أو هدم اركانها الشاعر المرحوم ناعي الزهراء السيد جاسم الطويرجاوي

قصيده الابو الفضل العباس عليه السلام 🖊️🖊️📙 ظل اعلى الثره مگطوع الجفوف عباس الذي ما يعرف الخـوف •✦•┈✿•✦•✿••✦•✿••✦•••✦ يبره للضعن راسه اعلى رمحه دموم تسيل منه تغطي جرحه امر يصعب وضع مابيه اشرحه خيمنه محرگه عدوانه اتحوف ✍️الفاطميه •✦•┈✿•✦•✿••✦•✿••✦•••✦ طاح اعلثره ودمومه تــجــري واخلافه بقيت مـــحير أمــري على فگده اگـــل للروح صبري وذرته الكفلني اسهام وسيوف ✍سهام المالكي •✦•┈✿•✦•✿••✦•✿••✦•••✦ تره بطرك العبي لليسر رحـــنه نصيح بصـوت انهض يـاكفلنه بعدك ضــــاع رجــوانه واملنه ذبحك طاري ضل يمر بلطيوف ✍الفاطميه •✦•┈✿•✦•✿••✦•✿••✦•••✦ رحت امسيره والراس ويــاي لو اصد للرمح يتفتت اجلاي بعــدك يالولي متوجره اعظاي اشوفنه العليل بحبل مچتوف ✍️ سهام المالكي •✦•┈✿•✦•✿••✦•✿••✦•••✦ مشيت اميسره بعدك يضرغام ودخلوني العده المجلس الضلام وگلبي عالحـرم يلوالي محتام مهظومه ودمعهن دمــه مذروف ✍سهام المالكي •✦•┈✿•✦•✿••✦•✿••✦•••✦ تمت باقلام خادمتي الزهراء الفاطميه +سهام المالكي نهديها لأرواح المؤمنين والمؤمنات وجميع الشهداء ومن لم يذكرهم ذاكر

على طور (يبن امي عالتربان)لشهادة الامام الحسن عليه السلام.. يبن امي ليل اوداع هاي المِسِيَّه مو حجي صار ادموع لِترِد عَلَّيه ............. ياخويه جرحي اغميج وداني لُمَّك اذكرهه كلما جيت ياخويه واشِمَّك بعيونك انته خيام جن ينصبهه هَمَّك كلما اصدك ليش أفرِك بيديه ............. تغَطِي الطَشت بِعبَاك شنهو التِضُمَه جن مِختِنِك وتشِح يخويه اعليك نَسمَه ماجَن هوى بالرِيَّه جَن البيهه لَجمَه سهم الدهر بِحشَاك خويه رِمِيَّه ............ ياخويه مالك حيل تَوكَف اشوفك مِن الوِجَع مَتشِيل جِسمَك جفوفك دنيايه جَابَت موت لا ما تِعُوفَك جنهه تكلي اتحَضِّري الهاي المِنِيَّه ............ كتلي يزينب كَرُّبِي ارد آنه اخبِرِج باجر احسين اليذبحه جَنَّه يذبحج جم سوط من بعد الخيم لاح ويجِرحِج ومتُونِج من اسياطهم خَيتي دِمِيَّه ............ كِتلِي تِطيحِي بناس لا رَحمَه بيهم حتى الطفل لِرضيع اتذبحه ايديهم وحدج ولا عباس باكي ايهِد عليهم اتحَملِي يا أم عون لو تِمشِي سِبِيَّه ............ غَمُضَّت عينك خويه وماظَلَّت انفاس نار الخيم هالساعه ابصدري تنقاس شلون اعيش بدنيه لو مات الاحساس لحد الكبر دمعات عيني جِرِيَّه ............ ابو مريم الاسدي .. 31/تموز/2025 ..

قصيدة المشايه مشاي اعتنيله وسابگ الريح يم حسين كل اذنوبك اطيح       ــ⊱☆☆❀☆☆⊰ــ يالگاصد حسين اتزوره مشاي وعـايف ديرتك وطفالك وجـاي سعيك مايضيع وخدمتك هاي وخطواتك لبو السجاد تسـبيح        ــ⊱☆☆❀☆☆⊰ــ لاتترك طريق حســـين هيهات اتســــلح بالفكر ونشر ثقافات لا تتقـــيد ابطول المســــافات كل اهموم كلبك بيــهن اتزيح        ــ⊱☆☆❀☆☆⊰ــ مو وحدك اتسير بدرب الحسين طه وحيــــــــــــدره وياك ماشين وام حسين تمشي وتهمل العيـن وحي الله ابضيوف اوليدنه تصيح        ــ⊱☆☆❀☆☆⊰ــ ابدربه اتشوف اجود صــــور للجود امــــدلل تمشي حد ما لهلك اتعود كلشي اعله الطريق اتشوفه موجود والخـــــــدمه الك كل مطلب اتيح          ــ⊱☆☆❀☆☆⊰ــ سبح ودعي وستغفر ابممشاك وقتك لاتضـــــــيعه بهذا وبذاك اخلص حتى ابوســـكينه ايتلگاك وللواضـح صعب يراد توضــــيح         ــ⊱☆☆❀☆☆⊰ــ ✍الخادم كامل السعيدي

مـنـج يـا رقـيـه امـرادنه نريده نحلفچ بالذبيــح وحزت وريده ............................................ جـيـنـه لمـجلـسـج والـدمـعـه هلينه وصحنه بجاه ابوچ اليوم حضرينه الــطـالـب حاجـه انـتــي التفرحينه خــايــب مــا يــرد الــچ ايــده 🔮🔮🔮🔮🔮🔮 زغـيـرونـه ووگـفـتـچ ڪلش چبيره الـمـهـمـوم ونخـاج وطــايـح بحيره بـس بـذڪر ابـوج وصـاحب الغيره يحصل عاليريده وماهي ابعيده 🔮🔮🔮🔮🔮🔮 مـاهـي ابعـيـده عنـچ انتـي معروفه باب الـحـاجه صـرتـي الوادم اطوفه بالــطـيـبـه وڪرم والـجـود معروفه نضره بجاه ابوچ الضامي و وليده 🔮🔮🔮🔮🔮🔮 نـضـره بـجـاه ابـوچ وعمتﺟ الحره اجـيـــنـالـج نـون وبـالـگــلـب جمره بـوسـط صـدورنـه متڪسره العبره عدنه شگد حوائج كلفه واشديده 🔮🔮🔮🔮🔮🔮 حـاجـات شڪـثر صـعـبه وطلبناها ومــنـج يــارقــيـه الــيــوم ردنـاهـا مـا فـاد الـطـبيــب الـعـلـه شـافـاها بس انتي المريض ادواج اليفيده ............................................ تمت

وينج أووين السبي يمدلله شسوت بحالج يزينب كربله يازينب.              يازينب 🧿🧿🧿🧿🧿🧿🧿🧿🧿🧿🧿🧿 يوم شلتي والدمع منج يسيل حايره تحشمين جاوين الكفيل الحادي يوم الراد بضعونج يشيل صحتي ياعباس رد القافله يازينب.               يازينب 🧿🧿🧿🧿🧿🧿🧿🧿🧿🧿🧿🧿 خلي أبو فاضل يشاهد حالتي يشوف بعيونه الكيود وناكتي تبجي العيون الصخر ياحالتي انده الحكني يبن عقد الوله يازينب.           يازينب 🧿🧿🧿🧿🧿🧿🧿🧿🧿🧿🧿🧿 خويه مروني عليكم من مشيت وبيك ياعباس ياخويه انتخيت من شفت عالكاع مشمورات اديك ضلت عيوني عليكم سايله يازينب.            يازينب 🧿🧿🧿🧿🧿🧿🧿🧿🧿🧿🧿🧿 من سمع عباس زينب نادته تكورت بيهه الحميه أوشيمته شلون يفزعلج أوطاحت يمنته ولا مشه بضعون نام أبكربله يازينب.          يازينب 🧿🧿🧿🧿🧿🧿🧿🧿🧿🧿🧿🧿 اليوم ماكام الولي من النهر يصعب أعله اهلج يبعد اهلي الامر شلون يقبل زينب تروح أبيسر وركبوهه فوك ناكه مهزله يازينب          يازينب 🧿🧿🧿🧿🧿🧿🧿🧿🧿🧿🧿

يـمـه ذكـريـنـي مـن تـمـر زفـة شـباب مـن الـعـرس مـحـروم ... حـنتي دم المصاب شــمــعـة شـبـابـي مـن يـطـفـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب ------ بـزغ  من برج المخيم ..... جاسم ونوره يتشعشع نـاشر  جعوده  على متنه .... ومثل طير الجنه يلمع هـلهلت  رمله وتگله ..... هاك إخذ گلبي المگطع شـنـهـي يـجـاسم نيتك.... ثاير بجمرة همتك چـنـك وفيت برگبتك.... صاح إلي دوفي المرضع مـن  ثـدي الـنـيـبـه راضـع بصافي الحليب وبـهـالـشـهـاده صـار إلـي قسمه ونصيب حــوفـتـي بـدمـي خـل يـفـرشـوهـا حـنـتـي دمـي .. والـجـفـن ذاري التراب يـمـه ذكـريـنـي مـن تـمـر زفـة شـباب ------ هـلـلـه هـلله شلون فزعه من فزع جاسم لعمه ضـاگت بـعـيـنـه الوسيعه والوفا يطشه ويلمه تـنـومـسـت رمله بولدها حنت ضلع الصبر يمه صـاحت  النيه  راشده... وگلب أمك الله يساعده صـاح  إلـي يـوصي والده... عالوصيه يبيع دمه أهـلـي  وصـونـي بـالـوفـا يـوم الطفوف مـن  دم  وريـدي يـصـبح خضاب الچـفوف هـذي  وصـيـتـي يـالـتـسـمـعـوهـا حـنـتـي  دمـي.. والچـفـن ذاري الـتراب يـمـه ذكـريـنـي مـن تـمـر زفـة شـباب ----- هـنـا  يـهالغذيت روحك من ثمر روحي وحليبي مـن نـصـيـبـك هالشهاده واليسر يبني نصيبي بـالـجـهد بيض لي وجهي يا ضوه عيوني وحبيبي ناداها  لا يصيبج رعب..... جدميلي لامات الحرب والـنـايـبات شماتصب..... إدعي والصارم مجيبي والـوفـا شـانـه يـنـعـدم بـيـه الـوجود وآنـه  وجـدانـي يـغـتـنـم جـنـة الخلود نــيـتـي  بـديـوان جـدي كـتـبـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب ----- ضـمـتـه  بـصـدر المحنه وانطبع رسمه بصدرها وتـشـم ريـحـانـة جماله وتكف دمعتها بصبرها وذكـرت  أيـام الرضاعه ولوجت الروح وسهرها وصـاحت  شوصاك  الحسن.. يا منوتي ونعم المضن هاك إلبس ثياب الچـفن ... يا أمل رمله ويا ذخرها يـوم الـمـبـارك أصـبـح لـديـنـي شهيد وافـزع لـعـمـي مـن يـضـل بالطف وحيد ورمــلـه بـمـصـابـي خـل يـواسـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب ----- يـمـه  حـاسبني ضميري وشفت مگصود اليريده والـضـمـيـر يـريـد مني أتخضب بدم العقيده والـيـريـد  الـغانمات  على الطعن يعرض وريده صـاحـت الـنيه راشده ... نيتي ويا نيتك واحده وجاسم سفر عن ساعده .. وسيف ابوه الحسن بيده صـاح  أنـا بـديـنـي مـلـتزم فرع وأصول أفـدي وجـدانـي والأجـر عـنـد الـرسول وامــي الــزهــره خــل يـهـنـوهـا حـنـتـي  دمـي والچـفـن ذاري الـتـراب يـمـه ذكـريـنـي مـن تـمـر زفـة شـباب ----- لـزمـت  الـدلال  بـيـد وإيد بيها إلزمت ريعه ونـادتـه  ودعـك عـنـدي الحسن يمدلل وديعه الـيـوم چـنك ضيعتني وضعت مني شلون ضيعه نـاداهـا  يمي  تيتمت...... وبحجر عمي ترعرعت ربـانـي  ولـيـوم إنـشأت.. ولربايه اليوم ابيعه دهـري يـتـمـنـي والـتـزم عـمـي برباي ومـا اعـز عـنـه مـهـجـتي وروحي ودماي يـمـه ذكـريـنـي مـن تـمـر زفـة شـباب

قصيدة للقاسم(قاسمچ راح) ❥━──➸➽❥❂❥━──➸➽❥❂ قاسمچ راح يرمله قاسمچ راح عدي الجراح دگومي عدي الجراح گومي طفي شمعته .. واچفي طاسة حنته قاسمچ راح يرمله قاسمچ راح ❥━──➸➽❥❂❥━──➸➽❥❂ گومي بسرعه يرمله وطفي الشموع بدال زفته يالحزينه هلي الدموع راح منچ بعد ما يرجعلچ ارجوع عليه ظلي ابچي بحزن وبگلب موجوع والله تفجع قصته .. واچفي طاسة حنته قاسمچ راح يرمله قاسمچ راح ❥━──➸➽❥❂❥━──➸➽❥❂ كعبة جسمه اصبح يويلي تطوفه السيوف دارت اعليهه الكتائب ويه الصفوف ومن دمه الهامه تحنت ذيچ الچفوف شحالها امه نظرته واللون مخطوف ماكو مثل مصيبته .. واچفي طاسة حنته قاسمچ راح يرمله قاسمچ راح ❥━──➸➽❥❂❥━──➸➽❥❂ منهو مثله ضحه لأجل الدين دمه وگال عمري كله فدوة لابو اليمه وبدماه بدال عرسه انفجعت امه  اه يا جاسم گلب امك تلچمه شلون طيحة طيحته .. واچفي طاسة حنته قاسمچ راح يرمله قاسمچ راح ❥━──➸➽❥❂❥━──➸➽❥❂ بيوم جابه للخيام ويبچي الحسين واجت مذهوله تلگته النساوين ورمله نادت يالولد يبني طحت وين اليوم يبني عليك خلها تعمي العين وبدمعها نادته .. واچفي طاسة حنته قاسمچ راح يرمله قاسمچ راح ❥━──➸➽❥❂❥━──➸➽❥❂ نادته عني رحت يالذخر مريود شلون طولك عالترايب يمه ممدود بعد ما احلم ييمه لحضني تعود طاح وي طيحتك گلبي وچن مموجود راح منها وفگدته .. واچفي طاسة حنته قاسمچ راح يرمله قاسمچ راح ❥━──➸➽❥❂❥━──➸➽❥❂ *بقلم ✍🏻خادمة اهل البيت ع* *الشاعرة العلوية مريم النور. نسألكم الدعاء الفاتحه الى روح اختي ولأمواتكم:🍃*

لطمية للقاسم ابن الحسن عليهما السلام (( جيبولي الولد )) جيبولي الولد ... خلوني ازفنه حضرت الشموع وعاجنه الحنه حضرت الشموع وبانيه الكله تلطم عالجبين وحشمت رمله عرس ابن الحسن ماصح عرس مثله مانسمع هلاهل نسمع الونه جيبولي الولد ... خلوني ازفنه محد هلهلت نتلاطم وننعه جاسم وين لاجاسم ولاربعه انه امه وشريت الياس والشمعه افرح من يرد سالم واشوفنه جيبولي الولد ... خلوني ازفنه افرح من يرد سالم الصيوانه شنهو العطل اوليدي بميدانه مدري اشمال گلبي تفور نيرانه ياجمر المصايب بيش ابردنه جيبولي الولد ... خلوني ازفنه ياجمر المصايب يحرگ افادي ابو السجاد انصبن فاتحه اينادي كلشي ولاوگع جسام بالوادي ميت مو عدل رده الغريب النه جيبولي الولد ... خلوني ازفنه ميت مو عدل من الحرب جابه ضل بس الشمع والياس واثيابه شيحمل فرگته وشيحمل اغيابه ماريد العمر والموت اريدنه جيبولي الولد ... خلوني ازفنه ماريد العمر واليوم اريد الموت اصيح بصوت يبني ولايگعده الصوت ضميته الكبرتي وموش للتابوت ضاع ارباي ذاك شحصلت منه جيبولي الولد ... خلوني ازفنه بس ضيم وتعب ماحصلت كلشي مدري اشلون اعوفه بمصرعه وامشي ولچ ياروح نوحي وبالحزن بلشي بعد شمتانيه ومچتول المچنه جيبولي الولد ... خلوني ازفنه ✍شاعرة اهل البيت ام هجران العمارچية

🥀قصيده للقاسم ع🥀 الوزن نصاري قصيده ثكيله ابني من العرس محروم منه ليش بياذنب بعدوني عنه **** جابولي الولد سابح بدمه وهواصغير واني شلت همه محروم العرس جاشنهي ذنبه وتالي للكبر بيدي ازتنه **** كثر همي يزينب زاد وني ليش اليوم انه ظليت وحدي وين الفاكده خل تساعدني علعريس راح وما تهنه **** بلحومه رميه وتهل عينه منه يسيل دمه الله يعينه انه بخيمه ابني انعه وحزينه والدمعه تظل للدوم بينه **** زينب من الولد انه حرموني تعاي وياي شاركيني بهمومي يستاهل تره العريس كومي وخلاف الولد ولله نسبينه **** راح الولد مني ياهظيمه المن بعد همي اني اشتكيله حسين ايصيح شنهاي الظليمه من دمومه تره احنه تخظبينه **** تمت✍ الحمد لله بقلمي الشاعره ام احمد شهد الرضوي

قصيدة انه وامي شكد شبه بيناتنه* انه وامي شكد شبه بيناتنه متنه لا ام لا أبو اثنيناتنه ماتت وخوان ما عدها الزچيه وانه خواني گضو بالغاضريه انه زينب انه زينب اثنينه اصبرنه وحنينه للمصيبه ضهورنه محنة الباب الفجيعه وكربله وعاشورنه انه والزهرة الزچيه بنار حرگو دورنه اثنينه احتركت عبينه وسلبوها خدورنه طلعت وردو عليها يرجعوها وانه شمر يصيح زينب طلعوها امي ردت من رجع حامي الحميه وانه خواني گضو بالغاضريه انه زينب انه زينب __ انه وامي متنه حسره اثنينه بفد نايبه بظلع ظامي ماتت امي وانه متت امسلبه ماتت الزهرة الزچيه بدم ابنها مخضبه وانه متت امتوني زرگه والعبايه متربه امي ماتت لچن مكسورة گلب وانه مكتوب اندفن بين الغرب يا هو غمض عيني واسبلهن اديه وانه خواني گضو بالغاضريه انه زينب انه زينب امي بفراش المنازع من دنت ليها المنيه اتوصي بحسين ابو اليمه والصميده يوصي بيه وانه متت بدار غربه ياهو احملنه الوصيه رفعت صوتي بالمنازع بلكي تسمعني رقيه أرد اوصيها تعدل داري خاف عالغفله ويطب خطاري عمه يا خطار تحضر هالمسيه وانه خواني گضو بالغاضريه انه زينب انه زينب _ أرد احلفها باخوهه وجسم أبوها العاري وهيه تدري انه غريبه وهظم گلبي وناري عمه باچر يا رقيه انتي شمعة داري مسحي بيدچ يا رقيه روس كل زواري هلي بيهم يا هله ومية هله عمه بيهم ريحه من طف كربله وبعد بيهم ريحه حسين وأخيه وانه خواني گضو بالغاضريه انه زينب انه زينب _ حال امي بهالرزيه هنانه أشد من حالي لنهه تدري حيل تدري بالاخو شگد غالي لون بالطف صار موتي من الهظيمه اشوالي ولا اطب ديوان وابقه بالخرايب تالي والشمر رد هسه جايبلي حبل يم ظريحي اردود جابوها الهزل رددوها الگوم يردوها سبيه وانه خواني گضو بالغاضريه انه زينب انه زينب _ امي ماتت من حزنها والوصي الي شالها لاچن امي بالمغيسل ما جفل غسالها اندفنت بطيبه وأبوها وكل ولدها گبالها موش مثلي صار يمها لفرحو بشل حالها امي ماتت ألم لو ما عدها داي امي ماتت من بواجيها لبچاي مو لبوها الزهرة اظن تبچي عليه وانه خواني گضو بالغاضريه انه زينب انه زينب

✏قصيده ثگيله الخدام الحسين ختام المجالس  تحضر كل سنه الزهره    تسجل الدمعـه والعبره اتشوف اليحضر المجلس  يهنياله الحضه بنظره ¢¢¢¢¢¢¢¢¢¢¢¢¢¢¢¢ كل مجلس عزه ومأتـم  لابنهه الزچيه الطاهره مايخفه عنهـه على المظلوم ما ينگطع ونهــه عليه طول الدهر مافل حزنهه دمعها عالوجن يجره__ يهنياله الحضه بنظره ¢¢¢¢¢¢¢¢¢¢¢¢¢¢¢¢ من تحضر تسجل دمعه دمعـه واليبچـي بحـزن  هيـه تسمعه آ يحسين يـبني بصوت تنـــعه  نوحوا اوياها  عالهشمـو ضلعه لابنها المنگطع نحره __ يهنياله الحضه بنظره ¢¢¢¢¢¢¢¢¢¢¢¢¢¢¢¢ مثل ماجيتوا  هـم هـيه تجيكم تجي اذكـركم  الزهـره  أبجيـكـم اويانه حاضره رفعوهـــا  اديـكـم كـون ام الحــسن ترضـه عليكـم تشوف اليلطم ويقره__يهنياله الحضه بنظره ¢¢¢¢¢¢¢¢¢¢¢¢¢¢¢¢ بس انشوفهـا   محنـي ضلعهـا اوضعهـا يختلف كلـش وضعها مـن العيـن يــنــزل  دم دمعـهـا بعده بخدها اثـر جف الصفعهـا خدها بي اثر سطره__يهنياله الحضه بنظره ¢¢¢¢¢¢¢¢¢¢¢¢¢¢¢¢ محرم وصفــر شــهرين ويانـه اعله اولادها والنــبي حزنــانـه ويه فاطمــــه ما يبطل ابچانـه  يوم الحشـر باجـر توكف ويانـه تجي  للخادم بگبره __ يهنياله الحضه بنظره ¢¢¢¢¢¢¢¢¢¢¢¢¢¢¢¢ كل بيت النصب لابني  عـزيــه يحصل صاحبه مــــني  هديـــه مجالسكم امسجلتهه  ابأديـــــه ماقصرتوا   وي ابـن  الزجيـــــه يل واسيتو الحره__ يهنياله الحضه بنظره ¢¢¢¢¢¢¢¢¢¢¢¢¢¢¢¢ كل  شاعـر كتـب بيده قصيده يرثـي اوليدهـا  الحزو وريـده مـن يكتـب  يبجيهـا   تـريـــده اباب الجنـه فاطـم تلـزم ايــده الخدمها بيدها تعبره __ يهنياله الحضه بنظره ¢¢¢¢¢¢¢¢¢¢¢¢¢¢¢¢ تمـت بـعـون الله تعالـى بـ✍🏻خادمـة الحسين "عليه السلام" الملـه أم مـجتبـى  نسالكـم الدعـاء بتعجيل الفـرج لصاحـب الزمـان( عـج) 🏴أنت المعزى سيدي يا صاحب الزمان ... عظم الله اجوركم💔