قصائد حسينيه مكتوبه الناشر ابو الاكبر

—

العبرات الحسينية: *{شيعوها روحي}* شيعوها روحي الشيعوا نَعْشَه بدمع النظر صلّيت إلَه الْوَحْشَة   ١/ مِن يموتِ الأَب تِصِيرِ الدِّنْيَة سودَه مگبرة ايصبح البيت بلا وجوده هذا بوية العشت بالدنية اعلى موده ربي لو تاخذ حياتي لو تعوده حته الإله اهتز ركن عرشه بدمع النظر صلّيت إله الْوَحْشَة   ٢/ صدگ من گال الأبو يا ناس خيمة العنده أب خل يدعي من الله يديمه راح من ايدي محمد يا هضيمه الله يرضه فاطمه الزهرة يتيمة خلاني أبوي بحيرة و بدهشة بدمع النظر صلّيت إله الْوَحْشَة   ٣/ راح أبوية التارس البيت بضحكته وسفه ذاك الطول بالتابوت شفته علي من شال النعش مالت رگبته صاح چن العرش فوگ أچتافي شلته جنّاز أبوية ايعثر بالممشة بدمع النظر صلّيت إله الْوَحْشَة   ٤/ چان حيدر للنبي نفسه و عضيده اشلون حيدر گدر يدفن نفسه بيده من رجع للبيت و اتراب اعله جيده رحت گتله البگه براسك يالصميده حيدر يموت من القهر أخشه بدمع النظر صلّيت إله الْوَحْشَة   ٥/ فوگ هضمي اعله الأبو و فگده و غيابه الناس بس غاب النبي انگلبت ذيابه و الصحابة بس إسم طلعوا صحابة بالگلب كفروا بدين الله و كتابه ناس برداء الدين تتغشّه بدمع النظر صلّيت إله الْوَحْشَة   ٦/ يا محمد يالمشيت و فارگتنه الناس عافت دين ربك من عفتنه الناس باعتنه تره و ما بايعتنه بعدك بنار و حطب للدار إجتنه طير الحزن وسط الگلب عِشّه بدمع النظر صلّيت إله الْوَحْشَة *الشاعر الموفق كرار حيدر الخفاجي* رابط قصيدة " شيعوها روحي " : | عندي حسين | آنه عندي احسين ما مش عندي غيره هوّه ابو الخير النبت لحمي اعله خيره آنه حب احسين يتماشى ابدمائي بسّ اله والمنبره كون انتمائي كلشي ما چنت اوعملني كربلائي.. چنت ميّت لكن احياني عبيره آنه من دونه رخيص ومالي قيمة مشرد وآواني تالي بخوش خيمة بخيمة الماتم نلت عيشة كريمة اوقيمتي بالخدمة سوّاها چبيره هوّه ابو الخير وأصل هذا وجودي هوّه روحي اوراحتي اوجنّة خلودي اليبس عوده حتى يحيي بيّة عودي اشما حچيت ابحگه لحچاية گصيره ايشدني بابه اشما تبعدني ذنوبي العاري هوّه الساتر عليّه عيوبي نور ابو السجّاد نوّرلي دروبي وبالگبر باچر يجي الگبري اوينيره امتاني يوم الموت ساع اليدفنوني كون بحسين اوجماله اتقر اعيوني اهناك يا وحشة اوظلام ايخوفوني وآنه يمّي بالگبر شيخ العشيره ___ الرادود | هادي السيهاتي الشاعر | حيدر الدر العاملي هندسة صوتيه | حسن مرهون مخطوطة  | محمد المزيدي الأربعين 1448هـ مجلس ديوانية المرحوم السيد احمد كأني بالنبي المصطفى (ص) في آخر ساعاتِ حياتِه يتوجه إلى ابنتهِ الصديقة فاطمةَ الزهراء (ع) مُخاطباً: صبراً على مُرِّ البـلا يا فَاطِمهْ سُرعانَ ما ألْقاكِ بعدِيَ قادمهْ سُرعانَ ما ينعى السلامةَ فيكمُ فقْدي فلا تبقَى حياتُكِ  سالِمَهْ يا من لها يرضى الإلهُ وعندَها تهوي الملائكُ منْ عُلاها خادِمَهْ إني أراكِ وبابُ دارِكِ مُضْرَمٌ وعليْكِ تدْفعُهُ عُتاةٌ غاشمهْ تدْعِينَ "وااأبتي" فتجْري عَبْرتي أسَفِي فمَا من راحِم أو راحِمَهْ آهٍ لآهِكَ حينَ يُسْقَطُ "مُحسنٌ" غضباً لَهُ تغلي الجحيمُ الحاطمهْ مِنْ رفْسَةِ الطاغوتِ يُخْسَفُ بدْرُهُ فَيَؤولُ صُبْحُكِ كالليالي القاتِمَهْ خداكِ: خدٌّ قدْ تأثَّرَ من لظى نارٍ،  وخدٌّ من أيادٍ لاطِمَهْ جنباكِ :جنبٌ لا تقرُّ ضلوعهُ ألماً، وجنبٌ من سياطٍ ظالمهْ ولفرطِ ما يدميكِ قنفذُ يا بنتي تبقى دموعُكِ للمنيَّةِ ساجِمهْ زهراءُ صبراً إِنْ رأيتِ المُرتضى بالحبلِ تسْحبهُ الكفوفُ الآثمهْ أمضي إلى ربّي وأنتِ وصيِّتي: يا شيعتي فابكوا الشهيدَةَ فَاطِمهْ إبْنُوا بيوتَ الحُزْنِ واقْضُوا عُمْرَكُمْ دمعًا فهذا الدمعُ حُسْنُ الخاتِمهْ #الهجوم_على_الدار #اللهم_عجل_لوليك_الفرج

يابو صالح  ،،  اليوم حضرت شيعتك يابو صالح  ،،   هالجنازه       الوالدك -------------------------------------- من  بقاع    الكون    نحضر   للعزاء اليوم       سامراء     تشبه   كربلاء ثورة     المظلوم      تكتب  بالدماء يا وداع   العسكري    بعين  السماء يابو صالح  ،،    والحشود     الرادتك يابو صالح  ،،   هالجنازه       الوالدك -------------------------------------- نرفع   الرايات     ونشيل     الچفوف اليوم  بيعه وهالارض صارت طفوف يا  امام      الناس      ألآف    الالوف مستعده   وتنتظر      يوم    السيوف  يابو صالح  ،،    والجميع      بأمرتك يابو صالح  ،،   هالجنازه       الوالدك -------------------------------------- اليوم   تشييع   وطلب   ثار    وبعد عدنه  وي  سيد الامر  باچر     وعد    هاي      كل   الناس   تهتف   بالمدد عدنه جيش   الينتظر    من    المهد يابو صالح  ،،    هالجموع     تساندك يابو صالح  ،،   هالجنازه       الوالدك -------------------------------------- تجتمع     ارواح       تهتف     للأمام عجل       الله  الفرج     كل    الكلام  هاي شيعه  وتنتظر   صوت  الحسام يا    لثارات    الضلع       ضد   اللئام يابو صالح  ،،     والنفوس    تعاهدك يابو صالح  ،،   هالجنازه       الوالدك --------------------------------------- بالدموع  نشيل   نعش   الطاهرين ما  تموت  السالفه البيهه  الحسين للنصر    وياك     قطعآ      سائرين باچر     بزودك  نسمى    الفاتحين يابو صالح  ،،      هالمناحر كلهه  الك يابو صالح  ،،   هالجنازه       الوالدك كلمات الخادم  /  رعد الفريجي 30 /صفر / 1448 ثوابها الى روح والدتي🌹 ⤵️ ثگيل الشوگ ،،،، فزز الدمعه الشوگ،،،، يخنگ الشمعه خنگت مماة،، فراگ الحياة ،،، الشوفت الغالي يامهدي وين،، فاض الحنين،،،، ونته تبرالي يامهدي ،،، يامهدي ---------------------------------------------------------- فارش الجيتك يامهدي جم نهر عيون تسابگ عليك من النضر فارش اعيوني ابمحطات السفر بلكي اشوفن طولك بتالي العمر احساس ،،، الجيت المهدي احساس،،، ينزل ابخدي كحل العيون ،، وشوگ الضنون،، كله من ردتك انته القريب ،، علاج الطيب،، يوصف لجيتك يامهدي ،،، يامهدي -------------------------------------------------------------- اآ يامهدي الشوگ كاتله محب ناگع الجيتك اضل مثل اشلب المايعرفك على بشر ماينحسب عمره عايش بل المذله والغرب انفاس،، اتناطر الملكه انفاس،، جيتك شهكه حلمي بديك،، يامهدي ليك ،، لاخر انفاسي بهاي الحياة،، وجيت المماة،،،انته عد راسي يامهدي ،، يامهدي ------------------------------------------------------ يامام الغيبه يا ضي دنيتي امنيتي اشوفك انيس لدمعتي يامام الشوگ يافي خيمتي ببيتك انته ينفتح سر خدمتي اعيون ،،، بيهن ابجيلك اعيون،،،، بيهن احجيلك اعيوني فدئ ،،، بسكون اجئ،،، الغايب المهدي عشگ ونصيب،، اي القريب،،، هل عشگ عذري يامهدي ،، يامهدي -------------------------------------------------------- ياحبيبي امنيتي الكالك صور طلب ايريدك يامحبوبي نظر ياحبيبي الشوگ مايفهم سفر وين ادورك ونته جزيك الهجر نار ،، ابد ماتطفئ نار،،لجيتك تكوئ والله حيره ،،انته ديره،، يابوصالح يلحبيب والله حسره ،، بيه جمره،، بيه لك حفنة نحيب يامهدي ،، يامهدي الخادم محمد باسم العكيلي

—

—

—

خل يتحظر الما آمن ابگلبه وابسفل جهنم ربك ايصلبه بيده تچوي الاصفاد طفو نورچ اوغاد .................................... كل چف عالورد هادود خل يگطع شكو ضنه* گطنه امن اذنه خل يشيل ما يسمع اسم جنه* الدايس نعمة الله اهناك دربه السقر يتعنه* الشاعل حطب يم الباب بسمه ابليس يتغنه* تُرحبّ بيه جهنم طابعه ابگصته هوه وربعه كلهه وزائدآ بنته كلهم حتى الاحفاد طفو نورج اوغاد ...................................... جرحچ يحرگ العشاگ يبقى اشما عتگ اخظر* يچوينه الدمع وانريد شباچ وعليه نفتر* يا ملجئ حزنه الشوگ بينه بكل وكت يكبر* چا يمته الفرج وانشوف حظره ورايه للكوثر* وانصلي ابحظرتچ وابنچ ايأمنه وايفز من گلبنه لو يجي دمنه وننفظ عنّه الارماد طفو نورج اوغاد علاء المياحي الفاتحه لروح والدي على مر العصور .... صور متناقله الكصد بابه يزور ... كزاير كربله سلام الله ... على الضامن ... ابو محمد رضا ....... تشبه حضرته حضرت ابو سكينه اليدخلهه يحس جن زاير حسينه مثل جده الحسين ايحيي بالزاير وينطي امراد للكاصده ابجفينه كرم جوده يفور  .... عظيم المنزله الكصد بابه يزور .... كزاير كربله سلام الله ... على الضامن ... ابو محمد رضا ....... كلمن عنده حاجات ويهم بيهه خل يكصد غريب الطوس يكضيهه ما واحد كصدله ومنه رد خالي موش انه الاحجيهه الناس تحجيهه ذكر اسمه يدور .... يحل كل مشكله ...... حاير ما يعوفه اليعتني البابه مفتاح الفرج دمعه على اعتابه من طبعه سخي مثل الحسن طبعه للغربه يعزب اشلون بحبابه عطاءاته بحور  .... شهد كلشي اله ...... ابو محمد رضا شمحلاه محله اسمه شمس الله الجبيره التجلي كل ظلمه يمه الصعبه تسهل ما تظل صعبه وكل مهموم صدره ينشرح يمه على كل السطور ... ذكر اسمه حله ....... الضامن للغزاله ضامن الزاره يحضر دفنته ويصير خطاره يشفع لليزوره بعمره لو مره هاي اعظم ابشاره الكم يزواره كبر زواره نور .... امن اخيره الاوله ....... هنياله الصبح خادم لبو محمد باجر بالقيامه جاهه ما ينعد يجوز اعله الصراط ابصاية الخدمه ويدخله الجنه بيده المصطفى احمد الحواري والقصور ... ابهله تستقبله ....... كلمات موسى الخادم

نعم ضگت ابغرب كاس المنيه ولك ماتت اخت معصومه هيه لچن عمتك تظل اعظم رزيه السبوها وعلهزل طلعت سبيه في كفِها     حبلٌ غدا في مَتنِها    سوطُ العِدى واُمُها  الزهراءُ   ياللهِ   تُشتَم   ــــــــــــــــــــــــــــــــــــــ كرم چفك غزير وسامع اني تحقق لليزور اتلث اماني وٱنه اطلب بالخدامه اتعلي شاني واصيرن مَرضِي عد صاحب زماني ثالثُ  ما      أسألُكُم أسكنُ في    جَنَتِكُم بِكُم  أفوزُ  يومَ  لاتَ   حينَ  مَندم ـــــــــــــــــــــــــــــــــــــ سيد علي عبدالزهره الناجي يا انيس النفوس ... ياغريباً بطوس يا ملاذ الحياره ... الحياره اكتبلي يمك زياره ... زياره ...... الك مديت الجفوف وادري متردهه خليه سخي معروف بعطائك مثل حماي الحمية عليك امشي حسينك وعباس والزهره الزجية اعلية تتكرم ازورك كبل ميعاد المنية يا كريم العطاء ... لا ترد الدعاء امنيتي اشوف المناره ... المناره ...... ارزقني مولاي الزياره منهه لا تحرمني فدوه كلشي بالدنية ميسوه ازيارتك بس هي تسوه الف هنياله الاجاك ومن عذب مايك ترَّوه ياملاذ الخائفين الشوفته الاملاك تهوه يا امير  الخلود ... انت سر الوجود بيدك الكون ومساره .. ومساره ..... سارح ابعالم جمالك  يا امامي عمري جبته اعليه كل يوم اليعدي اجري الك دمعاتي سكته انا ذاك الماله غيرك انت المترجمهه قصته كلبي حبيته اعله مودك جي يحب ذكرك عشكته انت معنى الجمال ... انت زين الرجال يا امير الغياره ... الغياره ..... على جنح الطير ابعث الك اشواكي وسلامي خادم ازغير اعله بابك ريت اصيراً يا امامي اليوزع الماي بسمك يروي كل انسان ضامي كلشي ما ريد ابحياتي بس رضاتك يا غرامي خادمك ريت اصير ... عبد عندك ياامير خدمتك اعظم تجاره ... تجاره ...... سامع الزارك يحصَّل كل طلب منك يطلبه وانه كل طلبات عندي تحضر الكبري وتطبه من يحفروهه حفرتي وعني يمشون الاحبه جيَّتك مولاي اتاني تدري هاي الساعه صعبه مالي غيرك ينور ... يحضر الكبري يزور وحشه كبري ابلا زياره ... زياره ...... كلمات موسى الخادم قال مولانه الرضا // ورواه ابنُ شبيبْ إنَّ جَديَ الحُسين // ماتَ عطشاناً غريبْ //////////////////// ١= هايه معناهه الرضا جان اعله جده بروحه ناصب فاتحه ودمعه اعله خده لحد يوم السمو الضلام جبده يشكي حال حسين  من خلوه وحده دامياً في كربلاء // عاريَ الجسمِ سليبْ إنَّ جديَ الحُسين // ماتَ عطشاناً غريبْ ///////////////////////////// ٢== عاش بالغربه  لحد آخر حياته  مخاوي حزنه ولوعته وهضمه الوفاته جرع كاس المر على حسين وبناته وعلى زينب شيَّب وتشهد صلاته    ولخدرِ زينبٍ // شيَّبهُ صارا كثيبْ إنَّ جديَ الحُسين // ماتَ عطشاناً غريبْ //////////////////////// ٣=== ذبحت العطشان يذكر كل مسيه بالهضم  والنوح و الونه الخفيه  وعمره ما بطل بواجيه الرقيه خلصاهه يصيح ويلي اعله السبيه يا عزيزةَ الحسين // يا ترى هل من مجيبْ إنَّ جديَ الحُسين // ماتَ عطشاناً غريبْ ///////////////////////////// ٤==== ليله ما شاف الفرح ثغره وتبسم وجابهه من الصغر هم ابكتر هم اسنينه مسبيه اعله عماته تكلم ومحترك كَـلبه مثل حرك المخيم يا أبا الجود الرضا //، قد قضى العمر نحيبْ إنَّ جديَ الحُسين // ماتَ عطشاناً غريبْ /////////////////////////// ٥===== وبنهاية صفر ودعهن سنينه وعاف ذكراه المجالس على حسينه كربله ما فاركَـت لحضات عينه والشهود بهاي يا سامع ونينه للشفاهِ الذابلات /// دمعهُ امسى خضيبْ  إنَّ جديَ الحُسين // ماتَ عطشاناً غريبْ ////=====================//// ✍️🏻 كلمات #موسى_الخادم يبقى اول جرح بگلوبنه الزهره من گبل الخلق عشناه وعالفطره صرنه والجرح زاد طفو نورچ اوغاد ...................................... بدوچ البشر يا ماي واهمه ابعازة الگطره* ذبّل كل ورد بالگاع من استخبر السطره* ذولاك البشر عميان ما شافو ضوه الزهره* مكتوبه اعله كل قرآن بس وينه اليجي ويقره* كوكب دري وايطش نور يالكوثر يم العرش ربنه اختارچ الحيدر وصاغچ للنبي امراد طفو نورچ اوغاد ................................... يا اول ستر بالكون غطى الناس المفرعه* باعو كل شرفهم يوم جابو نار بالفزعه* چنتي الكل شرف جوعان يركض سترچ ايشبعه* ايحبون الظلام اهواي وانتي ابينهم شمعه* خلف الباب چنتي ونارهم تحچي زينب من وراچ امن الهضم تبچي وانتي بنت الاجواد طفو نورچ اوغاد ................................... يالبابچ رزق يا خير مو ياهو اليجي وزاره* نزّل ربنه هذا الباب للما عنده اي چاره* ابيتچ خظّر القرآن ربنه امنزل اسراره* آيس من حنان الله اليمه ويشعل ابناره*

الناشر مصطفى المياحي💔: الزهره هاليله   تبچي مفجوعه وبرض سامره العتره مجموعه اليله تشييع الحسن وعتنت له ام الحسن برض سامره ////////////////////////// الليله ام العتره تحضر برض سامره المجلس المسموم ابنها وتهمل العبره تنادي يوليدي المصايب بالقلب جمره جيتك بظلعي التكسر محنة العصره كوم يوليدي وشاهد عيوني حزني واليني وبيك فجعوني حظرت بنوح وحزن وعتنت له ام الحسن برض سامره //////////////////////////// حظرت الزهره المصيبه وحظرو وياها النبي الهادي او وصيه والحسن جاها والحسين الدمعه منه بهم سمعناها ورتفع صوت الحزن والحسره عشناها تنحب الليله والحزن بادي للحسن تنعه عترة الهادي محنه من ادها المحن وعتنت له ام الحسن برض سامره ///////////////////////////// حظرت العتره المصيبه والدمع ساچم والحزن صورة مأاسي للحسن راسم من بچت عترة محمد لعنت الظالم وشتكت من جور اميه بالدعاء فاطم صاحت بحسره يالحسن يبني ادها من ظلعي سمك المني صاحت أباه وتون وعتنت له أم الحسن برض سامره //////////////////////////// الحسن من ودع اجت امه الزچيه تصبر اولاده وتواسي بهل الرزيه المهدي مكسور القلب شتكول هيه نادته   تذكر    مصاب    الغاضريه تذكر حسيني يبني وعياله حركو خيمهم سحكو اطفاله وكل بناته تسلبن وعتنت له ام الحسن برض سامره /////////////////////////// الحسن من مات بغدر وبسم تألم مو مثل حال الحسين الي تخذم الحسن كل اهله اجوه وصار مأتم حسين عل التربان جسمه مغسل بدم عالترب عاري ومحد يحظره وسلبو ثيابه وهشمو صدره وكل نسائه تيسرن وعتنت ام الحسن برض سامره /////////////////////////////// السلام على الزكي العسكري #الشاعر عباس حسن العتابي دِعْبِل اشـگـال وقره ابــ ابياته ؟ والرضا اعله الــخد همل دمعاته ويلاه يـــــــــا فاطمه ــــــــــــــــــــــــــــــــــــــــــــــ دعبل ابـ أبياته ياناس اشقره وخله نيران الإمام امـــوجره يلزچيه احسينچ انحز منحره واثنعش طبره الــنحر طبراته ويلاه يـــــــــا فاطمه ــــــــــــــــــــــــــــــــــــــــــــ فاطمه ولو شفتي صدره امن  انسحَگ علـــــــــ ضهر من ثگل الـخيول انطُبَگ كل عظم معناها من اعظـــامه طَـــــگ ضلعه بالخيمه انسمع طگــــــــــــــــاته ويلاه يـــــــــا فاطمه ـــــــــــــــــــــــــــــــــــــــــــــــ فاطمه ودارت على احسينچ اُلـوف بالحجاره وبالرماح وبالــــــــسيوف مو فقط خنصر إله انگطعت چفوف ويشهد الــــــــــــــجمّال  ذن  زلاتـه ويلاه يـــــــــا فاطمه ـــــــــــــــــــــــــــــــــــــــــــــ فاطمه وبجروحه ما يوفي الشرح مو جرح الــــــــف وتسعمية جرح بالرمل ممليه الجروح وملـــــــــح وُ وحده فوگ الثانيه طعنــــــــاته ويلاه يـــــــــا فاطمه ــــــــــــــــــــــــــــــــــــــــــــ حلِّـلو دمه ابــــشهر حرمة قتال ومثلو بي  من بعد ما دمه سال جسمه كالـقنفذ صُبح من النبال ومن بعد چتله احرگو خيماته ويلاه يـــــــــا فاطمه ـــــــــــــــــــــــــــــــــــــــــــ ظل ثلث تيام علــــــغبره الـــغريب تصهر ابجسمه الشمس حد المغيب للحشر وجروحه لا ماظن تطيــــب واعظم اجروحه السبي وجمراتـــه ويلاه يـــــــــا فاطمه ــــــــــــــــــــــــــــــــــــــــــــــ ابيا وكت زينب تصد ليها الزلم والشمر يحديها بـسياط وشتم شنهي چا وين التكفلها الشهــم طايح وعگبه افرحت شمــــاته ويلاه يـــــــــا فاطمه ــــــــــــــــــــــــــــــــــــــــــــ سيد علي عبدالزهره الناجي قالَ الرضا ياشيعتي من زارني في غُربتي أزورُهُ  أحضَرُهُ  أمرٌ   تَحَتَمْ ـــــــــــــــــــــــــــــــــــــــ حديثك يلرضا ابنص گلبي كامن يضامن للغزاله وروحي ضامن أنه ابيوم الحشر وحسابي آمن لأن زرتك يمن للعتره ثامن من طافَ  في    صحنِ الرضا بالحشرِ لن       يخشى اللضا فَمَشهَدٌ   من زارها   بالحشرِ  يَسلم ــــــــــــــــــــــــــــــــــــ اليزورك يلرضا ابكل عمره مره تسجّـلّـه الف حجه اويه عمره كَأَن زاير مُحمد يُصبح اجره وعلى المعبر بديك انته التعبره إن زُلزِلَت      زِلزالها لا لن يرى     أهوالَها مُستبشراً   أعمالُهُ   بالخيرِ   تُختَم ــــــــــــــــــــــــــــــــــــــ نذر لو جيت الك يلوالي ناذر مثل دِعبل أون وانعه ابمشاعر (  أفَاطِمْ  ) سحگت احسينچ حوافر (  أفاطِم  ) وذِّرت جسمه البواتر مُثلثٌ     في مُهجَته وَسُلِبت    عِمامَته لم يَبقَ   عظمٌ  منهُ   الا  قد  تهشّم ــــــــــــــــــــــــــــــــــ يمن اسمك مُهيج ٱحزان الطفوف على العباس اريد اقرالك احروف على الشاطي الگمر طاحت أله اچفوف وگع واعله العقيله اندارت اصفوف لِفقدِهِ         ناحَ الأبي في حتفِهِ    حانَ السبي صلى  على  وفاءهِ   الطفُ   وسلم ـــــــــــــــــــــــــــــــــــــــ

—

🌴تجمّع الزهراء ع العاشورائي🌴: بين الزهراء والرسول الكريم (ص) الك بدموع      تون وتلوع يبويه وتنحب الزهره ١ تعاين بالحزن وتشوف ابوها ولونه صار اصفر اجتي بدمعت الاحزان تمشي وگام تتعثر وصلت يم ابوها بعين تبچي وگوه تتصبر گعدت يمه وتشم بيه ويمها شاهدت حيدر على المطروح تون وتنوح ابوها لمن اتنظره ٢ تعاين بالدمع وتنوح لبوها ونزلت الدمعه الرسول بآخر الانفاس تگله احچيلي وتسمعه يصد بعينه گوه يريد يحچي وتسمع البضعه عرفت اخر اللحظات عدها وگامت اتودعه   گلبها انصاب بدمع سجاب الزهره وحارت بأمره ٣ الزهره تسولف وتشكي يبويه وانظر عيوني باچر حمره راح اتصير عليها من يسطروني وعليه الباب اصحابك يدفعوها ويعصروني من اتروح يابويه بعدك مايرحموني يضربوني يأذوني وعيني من الضرب حمره ٤ عني لو غبت وتروح ابقه بدمعتي واحتار بين امصابك واحزان جرحك والدمع مدرار يجوني اشرار هاي الناس ويحرگون باب الدار عليه واركض بدمعات عيني ارد اطفي النار تشب داري بلهب ناري وگلبي يشتعل جمره ٥ گلبي ابين جرح الموت وبين عيونك التدمع روحك بويه من تطلع روحي وياها هم تطلع اخر چلمه من عندي احچيها والك تسمع بداعت خاطري المكسر بداعت لهفتي ارجع يبو الزهره بألم عبره الليله شخصك انخسره لاتنسون والدي ووالدتي وأبني عباس من الرحمه والمغفره خادمكم رياض الرسل الجابري تجليبه الرسول الاكرم (ص) محمد من رحل هالقصه مرويه بعد حجت الوداع اهدعش هجريه ١ بعد رحله طويله ايعيشها المختار نشر دعوة اسلامه البيها چان اسرار من مكه واليثرب دعوته والغار ما چل وتعب والدعوه يوميه ٢ صحح كل مسار العالم الفقره الچانت گبله وادم تمشي عالفطره اعلن دین بارینه ابو الزهره بأخلاقه وأفعاله الكلها عالنيه ٣ سيد عالبشر والدنيه والاكوان کلش زين عرفوها محمد چان  الباري کرمه وانطا وجاها وشان وترس گلبه ترافه اوفه وحنیه ٤ خطب خطبت وداع بعالمه وناسه وملائكة السمه والدنيه حراسه خل نسأل محمد وين حط راسه بأخر لحظه لمن مات تاليه ٥ مات بيا حضن نسأل ونعرف وين بحضن حيدر وينظر چان عين بعين عين المصطفى غمضها ابو الحسنين القصه واضحه وماضنها منسيه ٦ بأمر رب الجلاله من ختم عمره محمد بين حيدر چان والزهره نادت بالدمع فاطمه وبالحسره صد ليه حبيبي وعاين اعليه ٧ مالحگ يعاين من مشه المختار ينظر للزچيه وحيدر الكرار عيونه غمضت بس بيها چان اسرار واتضل للأبد اسراره مخفيه لاتنسون والدي ووالدتي وابني عباس من الرحمه والمغفره خادمكم رياض الرسل الجابري

اتحمل اذه وآلام ٠٠ محّد مثيلك والوصف بيك ايحير وبعترتك شيصير خل نشتكيلك ـــــــــــــــــــــــــــــ من امتك اكثر نبي انشوفك تأذّيت من گد بغضهم ويوم الخميس بعترتك يالهادي وصيت وانكر بعضهم ويدرون بس المرتضى عالأمّه خلّيت وبين رفضهم والثاني يهجر گال ٠٠ وانکر خلیلك وشگد اله تأثير وبعترتك شيصير خل نشتكيلك ـــــــــــــــــــــــــــــ افعال نخجل يامحمد من ذكرها وشاهد زمانك وحدك بقيت اجنازتك محّد حضرها مارعو شانك واهل الضلاله اتمادو اعليك بأثرها سلبو اچفانك هذا الجرم مشهود ٠٠ نكرو جميلك اثم الاصحاب اچبیر وبعترتك شيصير خل نشتكيلك ـــــــــــــــــــــــــــــ غمّضت عينك يالنبي وغطاك التراب اعظم فجيعه فوگ الثلث ميّة شخص هجمو عله الباب اهل الخديعه والظالم الگایل وإن من رفسته انصاب ضلع الوديعه وذاك الجنين الطاح ٠٠ يصرخ دخيلك وچف المنایه ایشیر وبعترتك شيصير خل نشتكيلك ـــــــــــــــــــــــــــــ لوما الوصیه اللي انچتف بیها الوصي چان ماخله واحد وبذو الفقاره تنوكل زمرة الخذلان نازل وصاعد لكن بصبره المرتضى اتحملهم وصان نهج العقايد صبر الوصي الكرار ٠٠ كلّه بسبيلك الكل مسأله تقدير وبعترتك شيصير خل نشتكيلك ـــــــــــــــــــــــــــــ يالهادي تخلص عترتك بالذبح والسم وينچتل حیدر والحسن ينظر بالطشت چبده ايتخذم وبناره يسعر وحسين بالطف ينذبح وايغسله الدم وصدره ايتكسر يالهادي عشر اخيول ٠٠ تسحگ قتیلك شگد يصعب التصوير وبعترتك شيصير خل نشتكيلك ـــــــــــــــــــــــــــــ فراس المحمداوي ٢٨ صفر ١٤٤٨ هـ ماتَ أو قتِل .. بالحالْتين   يْصير    الاْنقلاب والّي ينسئِل .. ما عنده جرأه ويمتلك جواب بيمن محمد وصّه مِن بعده؟     شبسرعه ماي المستحه تْبدّه؟ ...................................................... غرّبت شمْس النبوّه وطر فجر واضح  لحلم  السقيفه  وللغدِر نفّذوا خطة  حرگـ  دار و كسِر والبالخلافه  الچان اوّل  ينعبر كلشي گاله المصطفى وْ وصّاهه بيْه      إمِّتَه ابلا مستحه انقلبت عليه مِن  لَيَهْجر   كلشي   بيَّن    للعَيَان       والّي صافَح للغدِر ممدوده اديه كلشي منرِسِم .. بچْفوف أهْل الخسَّه والنفاق عِدهم العِلِم .. رَفْض الوصيَّه وفَرْض الاتفاق مات الرسول وصارت الرِدَّه      شبسرعه ماي المستحه تبدّه؟   ......................................................   مِن فَدَك تبدي وكسِر باب وضِلِع وفاطِمه  بطارف  رمحهم  تندفع بالطفل  من  بعد  ابوهه  تنفجِع يا  غدير  اليحچي  ويرد  الفزِع محّد  يْبدِد   جمِع   أهْل    الشَنَار     مْن الغدِر بيمن يلوذ المالهغار بس علي وبعيونه ينظر عاليصير     حبْل الوْصيَّه  اليِگيِّد   ذوالفِقار حيدر       اليِرِد ..  كل جيوش الدنيا ماله حيل خصمه عن قصِد .. يوگف ابَّاب  الحَمِلته  سيل يدري الوصيّه الگيِّدت ردّه      شبسرعه ماي المستحه تبدّه؟   ميِّت  اْو مقتول لا  ما  تختلِف بالثنين الغيره من عدهم تجِف هيَّ  الافعال  الدنيئه  التعتِرِف تبقى وصمة نارهم ما تنحِذف ماكو شي يلمع وَسَط هذا السواد      بالخيانه    الگوم   عدهم   اعتِقاد الله  بلّغ  غير   تقبلهه    العقول      الچانت اوهن حتى من عقل الجَراد تدرك الفعِل .. وْ تقنع  بِأنَّ هالخطَأ صحيح هايه تنعِقِل .. فاطم تِحاول توگف ، وتِطيح جنّه وعليهه المُذنِب تْعَدَّه      شبسرعه ماي المستحه تبدّه؟   ......................................................   يندفن طه وْ خططهم   تتّضِح مِن حرِگـ دار لْحَرِگـ خيمه وذبِح چف سقيفَتهم رغب هَدْم الصَرِح وما يهمهم كلشي خاين ينفضح كلشي يسأل عن حقدهم والجِحود     وْ عَن هتِك حرمة مضامين العُهود سِلسِلتهم   ما   يقيِّدهه   الضمير     توصل  لنعش ا لحسن وتبدي جود يبقى للابد .. هالحِقد  ما ينتهي   وْ  يِزول حتى للمهد .. توصل سِهام الخانت الرسول ويبقى الظلم لو طالت المده     شبسرعه ماي المستحه تبدّه؟    …………… هالصحابه الرفضوا الواقع كَمَن عاش كل عمره وثن عابد وثن باقي ما يخفى الامر طول الزمن همّه زرعوا سَمهم بذاك البَدَن مِن اديهم هالامر لا مو بِعيد      الچانوا لأمَّارة السوء العَبيد لو تِگلّب كل روايات العصور     تلگه بيهن احْمَدٌ ماتَ شهيد شاهِد الحِصَل .. بس غمض عينه ابتده الصياح والنذِل حِمَل .. ناره و لدار   الزچيّه     راح وحزام غيض اعله الذِكِر شَدَّه      شبسرعه ماي المستحه تبدّه؟ علي قاطع البهادلي

صاحت الزهرا وداعاً يارسول الله  وداعاً ………… اودعة الله ياحبيبي والله وياك دام ينبض گلبي بويه صعبه انساك الابو لبنيته هيبه وهيبه طرواك خوفي من تغمض عيونك تهجم اعداك كون اموت اويا. وداعاً …………. غمض اعيونك حبيبي وموت مرتاح وانه راح ابقه بدونك لازمه اصفاح على الراح هواي تسوه صفگة الراح فرگة الغالي يعالم طعنة ارماح المثله صعبه انساه. وداعاً ……… الابو خيمة محنه وخيمة افياي اليعطش وما يمه ابوو مايرتوي ابماي حگي من اصفگ يبويه اعليك يمناي كلشي ما ويايه دامك موش وياي قبلت يمنا وداعاً يامحمد وكتي بعدك لابد ايدور وراح اجيلك بويه ابچي وخدي مسطور اليدفن الوالد تگله الناس مأجور الا انه بويه خلو ضلعي مكسور ضلعي ضاع ادواه. وداعاً ………. باخر انفاسك عليه هجمت الناس التمو اعله الباب بويه لمت ارجاس غيره مامش بويه عدهم ما مش احساس لعنة اللهِ عليهم عدد الانفاس يعله صوت الاه. وداعاً عباس هابيل الزينبي مظلمه الدنيه ابفـﮕـد سلطانها       يارسول الله وعليك احزانـها                يا ابو الـــقاسم يسر كل الــوجود    والله مو لآدم ألك ﭼـان الــسجود للجحيم الــــخالف اوصيتك وقود    ويصطلي ابــيوم الحشر نيرانها               والعليك الـﮕـــال تهجر يلرسول    من بعد عينك كسر ظلع الــبتول أنكر ولايت علي فحل الــــفحول    حُرمت اهل البيت ابد ما صانها                 من  درو  لا ما  يسل حيدر فقار     بالـسقيفه اهل الشرك علنو قرار يستعر باب الـــزﭼـيه الزهره نار    بضعتك محد رعاها وعــــــانها                 من قبل معراج روحك للـــــــقدير   علـ خلافه اتنازعو ياهو اليصير أبد  ما  ﭼـنك  ﮔـلت يوم الغدير :    بس علي سيد أنسها وجــــــانها                ما حزن لــــــــرزيتك بس حيدره    وبس جفن فاطم عليك اللي جره والـــــــــــبقيه اعله الحكم متآمره    رجعت لــ لات وهبل أوثــــانها اُمتك  بالــــــباب  تعصر  فاطمه    وتطبر ابـــمحرابه حماي الحمه والـــــــحسن بعدك يويلي اتسممه    ولــعِتــرتك هذا هوه أحســـانها                 والحُسين ابــــــيوم  أقدِم  كــاتبوه    غدرو وﮔـلبه ابــــمُثلث صوبوه وانذبح  عطشان  بالــطف  سلبوه    وعلصدر ضلت ترض فرسانها                 علـــــرمح راس ارتفع لبنك شهيد    ايرتل  القرآن  والذكر  الــــمجيد ما أذل هيهات يهتف يـــــــــا يزيد    ودم بـﭽـتله السبعه وي أكوانها                 يــــــارسول الله ويضل أعظم  أمر   من مشت بت فاطمه ابحال اليسر من عـﮕـب عباس حاديها الــشمر   هلــــ دهر خوان طبعه وخـانها ـــــــــــــــــــــــــــــــــــــــــــــــ سيد علي عبدالزهره الناجي نزله شهادة الرسول ص الى الوداع سيدي تبجيلك املاك السمه.... إلى الوداع سيدي ولطمت وجهه فاطمه .... الى الوداع سيدي مكسور حماي الحمه.... الى الوداع سيدي بين على حسين الضمه .... إلى الوداع سيدي والحسن چبده يألمه .... إلى الوداع سيدي يحدي الهجر بيهم حدي . . . . يامن صرت للأمة اب.....إلى الوداع سيدي حزنك على العرش انكتب.....إلى الوداع سيدي واتكأب الطير ونحب ....إلى الوداع سيدي وبين على اهلك تعب ....الى الوداع سيدي ياذهب ومفارگ ذهب ...إلى الوداع سيدي وفرحان ليش المعتدي . . . . يالرايح الربك غدر ... إلى الوداع سيدي تنعاك ايات الذكر....إلى الوداع سيدي وجبريل نازل منكسر...إلى الوداع سيدي يا صبر ينفع يا صبر... إلى الوداع سيدي والمثلك ايضمه الگبر... الى الوداع سيدي ويعيش بالدنيا الردي . . . . الدمع جارح جم جفن ...إلى الوداع سيدي وفطرس خفگ جنحه بحزن...إلى الوداع سيدي الدنيا عگب كالسجن...إلى الوداع سيدي بعدك حجوا كلمة وان ...إلى الوداع سيدي وطلعت على الزهره اللسن... الى الوداع سيدي وتنادي آه يا والدي . . . . لحظات دفنك قاتله ...إلى الوداع سيدي حزن الملأ ضج واعتله... إلى الوداع سيدي وي مكه تنحب كربله ... إلى الوداع سيدي للوحي ماضلت هله ...إلى الوداع سيدي الانجيل عزه البسمله ...إلى الوداع سيدي باقي العزاء الاحمدي . . . . كل كافر بموتك فرح...إلى الوداع سيدي والمؤمن الحق انجرح ... إلى الوداع سيدي وگلبه يمولاي انقرح ...إلى الوداع سيدي والحاربك لا ما ربح ...إلى الوداع سيدي العاداك ضد الله صبح .... إلى الوداع سيدي ويصبح عذابه سرمدي الشاعر عبدالله الشويلي ٣٩٣- استشهاد رسول الله صلى الله عليه وآله ماتطفه بالدلال ٠٠ جمرة رحيلك عيون الزچیه اتدير وبعترتك شيصير خل نشتكيلك ـــــــــــــــــــــــــــــ آدم وكل الانبياء ربّك خلقهم من ضي جبينك انطاهم مقامات وشأن عالي رزقهم من اجل عينك حقهم تسيل ادموعهم هالليله حقهم ايسمعون انينك

انته تعرف هواي ومصدري. خادم الهادي وبنه العسكري ** خادم العسكري امامي.  وكبته بكلبي تشع سيدي والي نعمتي.  وضني بي ما ينكطع هاي صرخات الغياره.  عالمنابر ترتفع كل بشر بالدنيه يخسر.  بس خدمته اكبر نفع انه خادم ثري واكبر ثري خادم الهادي وبنه العسكري *** العسكري مولاي اخدمه  وهوه يدري بخدمتي امن اطلب الحاجه بضريحه.   بساع يكضي حاجتي غيره ما دكيت بابه.  ولا جهبته بشدتي ادري ابو المهدي يحلها.  بس اصفي نيتي وانه باجي وهويتي تنقري خادم الهادي وبنه العسكري ** انه سامره امن اطبها.   صدري كلش ينشرح امن الزم الشباج بيدي.  وحده ايطيب الجرح كلشي بالدنيه خساره.  بس خدمته اكبر ربح العسكري يمشي بوريدي.  وانضر الهذا الصرح وعاشك المهدي اخط بدفتري خادم الهادي وبنه العسكري ** بكل فرض ارفع اديه.  واشكر الله اعله النعم بهل المكان الطاهر اخدم.  واسمي صار ويالخدم هاي سامره العضيمه.  وهيه منبع للشيم والإمام المهدي بيها.  واكف وبيده العلم وصرخة الحب هتفها منحري خادم الهادي وبنه العسكري ** يالتريد اجواب مني.  وين كضيت العمر عمري كضيته بخدمته.  وانه بالخدمه افتخر تركض السامره روحي. اسمه لمن ينذكر عطره بالدنيه يعالم.  ما شفت مثله عطر وغير حبه ابد ما اشتري خادم الهادي وبنه العسكري * تمت تحسين الخفاجي شهادة الرسول الحبيب المصطفى ... بمَقتلي لا تِجْزَعون وكُفّو دمعات العُيون من اعاين للحُسين كل مصايبنه تِهون •────────────• يا علي لا تِحني ظهرك   يا بَعد ظَهري لو شِلِت جثماني بيدك   واحفَرت گبري احسينك بلا دفِن يبقه    بكربله تِدري يظل ثَلِثة ايام عاري    ومَنحره يجري وزينب تحَشمك يبوي ما تِجي وتدفن اخوي امصابه وين امصابي وين كل مصايبنه تهون •────────────• بويه يا زهراء گلبچ    لا تِصَدعينه ابهَيده يا مظلومه نَعشي   مِن تودعينه اهوَن احنه توادعينه    وسِوه حنّينه حسين من فوگ الهزيله   توادعه اسكينه اوداع من ظَهْر النياق بلا كلام ولا عِناق من بُعِد شالَت الادين كل مصايبنه تهون •────────────• يالحسَن بمصاب جدّك   خفّف الآلام بكربله لحسين تدري   هالزمان شضام باچر انتّ تگلّه يومك   اصعب الأيام وينذبح جاسم ورمله    تنسبي للشام الجزع كِلّه اعله الذبيح واحسيناه خل نصيح (لِقَطِيعِ الوَدَجَيْنِ) كل مصايبنه تهون •────────────• زينب عيونچ يجدّي    لا تِوَجعيهه اليوم عاشور الفجيعه   الدمعه ضُمّيهه من تدوسه اخيول عَشره   وما تِمنعيهه ومن على التل يِعله صوتچ   لحّگ اعليهه لحّگ اعله اختك يحِيد گبُل لا تمشي ليزيد وتنسبي وتنظرهه عَين كل مصايبنه تهون •────────────• حسين ياروحي وحياتي   اخفِي دمعاتك اتهون مأساتي يغالي    اگبال مأساتك مِتِت ما مخضوب شيبي    مثل شيباتك وجسمي مابي طَعنه وانتّ  شكثُر طعناتك متِت سالم منحري بچّفي باقي خنصري لطبره بِيك او طبرتين كل مصايبنه تهون •──────────── أشَد من بابچ يزهره    الخيل البصَدره واشَد من طبرتك حيدر    الـ اثنعش طَبر ويالحسن من سَمّك افجَع   ذَبحِته بنَحره واصعب من الذبح زينب    تمشي متيسره بموت كل اهل الكساء ما حِصَل سبي النساء لغربة اخت الحسنين كل مصايبنه تهون •──────────── بالغدر قتلو نبينه    واهدرو دمّه وبكتاب وعتره وصّه   ونكرت الأمّه بس غُمَص عينه اعله داره   صارت الهجمه فاطمه امّه وبضعته   وروعو أمّه واحنه هم مِثل الرسول كل رزايانا تزول من نعاين للحسين كل مصايبنه تهون •──────────── ياسر حسن ¹⁴⁴⁸ (لحن يا عباس فگدك هضمنه) بوية شلون اني الحبيبة بوية شلون بعدك غريبة ــــــــــــــــــ بوداعك جني  بالهيمة مثل طفلة بوسط خيمة دمعتي مطرت الغيمة حزن فگدك يبو الشيمة يبوية والفگد ظيمة صعب يا بوية تعضيمة بوية شلون موتك عجيبة بوية شلون بعدك غريبة ــــــــــــــــــ انا اتنفس وسط ريتك انا عافيتي عافيتك يخيمة راسي خاجيتك يبوية اذكر وصيتك انا اول اهل بيتك اموت والگة حنيتك بوية شلون موتي شيجيبة بوية شلون بعدك غريبة ــــــــــــــــــ يبوية بقلبي واحجيلك يغالي بفگدك اشيكلك ولا خلوني ابجيلك يبوية ومنعو اهديلك انا لليلة اصليلك يغالي بدمعتي ادعيلك بوية شلون دعوة مجيبة بوية شلون بعدك غريبة ــــــــــــــــــ مصايب من جرت الية يبوية وصبت اعلية تصير الدنيا مطوية إذا شافتهن شوية ولا هود جرح بية الحزن يگطع هوه الرية بوية شلون صعبة المصيبة بوية شلون بعدك غريبة ــــــــــــــــــ دمعتي القرحت جفني ولا يهدة وسكت وني يبوية ومن رحت عني بعد عينك متت جني الالم من الحزن ذبني فگد وجهك يلوعني بوية شلون قلبي ولهيبة بوية شلون بعدك غريبة ــــــــــــــــــ انا المشدوهه وبدمعي انا ابنيتك شفت وضعي على الونة صبح طبعي طفى بوية الفگد شمعي وكسر بوية الهجر ضلعي اسولف بالصبر وادعي بوية شلون جفني ونحيبة بوية شلون بعدك غريبة ــــــــــــــــــ للشاعر : زين العابدين الشمري

الناشر مصطفى المياحي💔: حسن حسين         ودع اغله الاحباب عزاء    بكاء          جدكم جوه التراب   اخـــــذ وياه كـل ذيــــچ المحنه الفــــارگ وجهه چن فارگ الجنه              ----------1------------   تره الـــدافن حبيبه ايموت كــلــســـاع اعيونه اعله السمه بس روحه بالگاع احـس كلشي انتها وحتى الــعمر ضاع تمــنيـــت الاجـــــل من ذاك الــــوداع   حنين   انين              هـــاليله البدر غاب عزاء    بكاء            جدكـم جوه التراب   راح الــچـان بحـضانه يلــمنه الفارگ وجهه چن فارگ الجنه    -----------2----------- اصيحـن أه بس مـــايطلع الصوت احس ثوبي چفن والـــدنيه تابوت عافاني الصبر  ومـــرافگه الموت كــل اشــويه امــوتن انه بسكوت       رحيل   عويل      جرح الفرگه ماطاب عزاء     بكاء        جـدكم جوه التراب  غـــاب الــچان هـوه كـل اهلنه الفارگ وجهه چن فارگ الجنه            -------------3------------ ماابطل ونيني وحالي ياحـــــال علَيَ ثوب المناحه افصل افصال اگبالي الــسم ابوي وهــذا چتـال صفه ضيم الهموم بـثگل الاجبال   اگول    تهون        يرجع ذاك المصاب عـزاء    بكاء         جدكم جوه التراب   حسافه الراح لا مـايـرجع النه الفارگ وجهه چن فارگ الجنه           -----------4------------      يسمــعـون الـبـواچــي ليل ونـهـار اشــوف انه الـشماته امگابله الدار يگولولي اسكتي والحچي تحجار بـهـاي الــدنيه اگـلــهـم اني خطار   الكلام   سهام        عني چنهم اغراب عزاء    بكاء         جدكم جوه التراب   بعد الهادي بس يحـچون عنه الفارگ وجهه چن فارگ الجنه           -------------5--------------    علي لو ماعلي چان اگلب الكون بـس ارفـع الـشيـله مــايلحگون انسى المصطفى ياوادم اشلون لا الاول ولا الـثــاني يـفـهــمون   دموع   تسيل      تبقى اليوم الحساب عزاء     بكاء      جـدكم جـــوه التراب   بـعـد الــبـــــاري ثار الله  املـنه الفارگ وجهه  چن فارگ الجنه   -------------------------- الحمد لله والشكر رحيم الوائلي 2027 ودّع رســـول الله والــــــدنيه حزنانه ناعي الفجيعه اليوم جن حاضر ويانه   *** چـنه بــودااع حــسين ردينه مــشايه الصوب النجف ماشين ما تنزل الرايه انــعــزي عـلي بهاليوم للمولى وفايه   خير العمل للدوم مفتوحه بيبانه   ***   شــلــنه مــواكـبنه والحيدر امشينه بــخـــــدمة نبي الله احنه واهالينه كل خادم اعله الباب حضر دمع عينه   امنبعيد ابو الحسنين چفه تلكانه   ** ننصب عزه وبصوت نهديله لطميه نـــدري المدينه اهناك مابيها ناعيه بس بالـــعراق النوح تشهد نواحيه   صاير مضيف الكون والكرم عنوانه   ****   كل شارع وكل بيت ننصب مجالسنه مــصـيبة ابو الزهراء تبقئ بضمايرنه لبيك اااالــف لبيك صاحت حناجرنه   والمايعجبه الصوت تتهزهز اركانه   ***   اجر الوصل عناي كل خطوه محسوبه هــدومه سـواد الليل ما عاف ابد ثوبه باجـــر ابو الزهراء ايمر اعله محبوبه   يختم جوازه هناك بالجنه جيرانه   **   بوادي السلام هناك تكصد لعد بابه تقره الــزياره بشوك واتقبل اعتابه يم ااادم ويم نوح اااااتعزي احبابه   الروح بضريحه دوم ماتبقى حيرانه            ***          الحمد لله والشكر رحيم الوائلي يم نرجس اتعنه بحسرتك   والسيده اطلبها بدمعتك ام صاحب الزمان   للخائفين امان  يا موالي ** نرجس ام المهدي هايه   وما ترد محتاج ابد گبل لا تنزل دمعتك   تنكضي بساع الشدد شوف جم واحد اجاها   وكلبه بارد لهله رد الله يا ناس اصطفاها   والشرف يمها انولد سر الامام المهدي هيه   والها الشرف ياخذ تحيه واطهر اللسان   للخائفين امان   يا موالي **** اتشرفت سامره بيها   هلجليله العالمه طاهره ودوم بكبرها   تخدم املاك السمه المهدي لمن غاب عنها   بجت عالمهدي دمه ومن هذاك اليوم ضلت    بالكبر متالمه ومن عادت التفكد ضناها   اتحن الابنها الفاركاها ويتكاثر الحنان   للخائفين امان   يا موالي ** تنزل اعليك السكينه   للصحن لمن تطب راحه نفسيها صحنها   ويمها يرتاح الكلب حره والمعصوم ابنها  عينه تربي اعله الدرب اثنين معصومين يمها   اندفنو بديرة غرب وبصفها مدفونه حكيمه   ما تنوصف هاي العضيمه وكت الزياره حان   للخافئين امان   يا موالي * السيده نرجس كريمه.   وبيها محتاره السنين من يحط يمها يأمن.   شافو الطير الحزين بعتبة الحضره تنادي.   يا هله بالزائرين وكل سنه نتعنه ليها.   مثل يوم الأربعين ايروح التعب من ندخل الها.   حره وابد ماكو مثلها وشمحله هالمكان.  للخائفين امان.  يا موالي ** بدمعي اصيح اتكفليني   انه حيره حيرتي والله لو ما فيض عطفج   ضعت انه بدنيتي عمري خلصته بخدمتج   فدوه قبلي خدمتي ولا تعوفيني احلفج   من تكرب موتتي رايد وكفتج باجر وياي   انتي عليه امفضله اهواي بيج اعتل الاذان   للخائفين امان   يا موالي **** تمت تحسين الخفاجي

لمّا يخرُّ السبطُ عَنْ ميمونِهِ وتراهُ زينبُ بالسيوفِ يُبضَّعُ تَجْري عَلَيْهِ الخيلُ في ميدانِها أسفي عَلَيْهِ في الصّعيدِ يوَزَّعُ الشاعر علي عسيلي العاملي #النبي_الأعظم #اللهم_عجل_لوليك_الفرج

ليك المشتكه وتدري ابوضعي نحيله امعصبه ومعيوب ضلعي وايمنعونّي من سيل دمعي يستكثرون اعليك وني امسيت مكروبه او حزينه وگطعوا على گلبي ونينه او طردونّي من المدينه إطلعت اويه ولدي لبيت حزني اجيك اعله الگبر وتشوف حالي اشلون امعذبه او مشدوه بالي ما صارله لموتك ليالي بس ذني الليالي شيبنّي اجي لگبرك واصيح بعالي وني وايديه اعله ضلعي او يهل جفني آمر على عبده او ضربني ومن ضربته للگاع ذبني منتظر الجنابي #اللهم_عجل_لوليك_الفرج لطميه فزاعيه على طور الجنوبي الى استشهاد رسول الله لسان حال مولاتي الجليله فاطمة الزهراء عليها السلام ============= كضه مسموم ياسيد البريه وام شبر تجر ونه شجيه == ونت والكلب ماتطفى نارة احا احا مهضومه الدمع منها تجاره صدك شال النبي وشاعت اخباره تصيح ام الحسن وشلون بيه كضه مسموم ياسيد البريه == اليوم ام الحسن ماغمضت العين ومكطع كلبها وصار نصين تصيح احا يبويه وكرت العين تجر وناتها الزهره الزجيه كضه مسموم ياسيد البريه === تون اليل كله ام الاطهار مسموم النبي وضلمت الدار الف وسفه يسمونك يمختار بنيتك صارخه بهاي المسيه كضه مسموم ياسيد البريه == مست بتك يتيمه شلون بيها بعد وصيمتن عكبك عليها تدري بلعده تلتم عليها الف ياحيف يم باب الرزيه كضه مسموم ياسيد البريه == اخلافك محد الزهره حشمها يبو ابراهيم تشكيلك المها سطرو عينها ويزود همها عليك تصيح بويه الحك اليه كضه مسموم ياسيد البريه == تمت بحمد الله تعالى بقلمي شاعرة وخادمة اهل البيت عليهم السلام ملا زينب الطويرجاوي ١١ ٨ ٢٦ ٠ ٢ قصيده شور للنبي محمد ص (محمد يا محمد) محمد يامحمد يامحمد عليه عرش السمه صاح وتشهد .................. عليه عرش السمه حزنان هاليوم ماميت تره مقتول مسموم وضل گلب العقيله امحمل اهموم ذب اعمامته حيدر تنهد ...................... ذب اعمامته ضل ينعه اخيه الله يعظم اجرج يالزچيه راح السند منچ والتچيه گلبج ذاب يالبضعه وتمرد ................ تعال وشوف من هجموا على الدار شبوا بابها وشعلوها بالنار زينب صارخه واتنوح الزغار واسمع صوت صاح الله ولحد ................ ................... هذا الصوت چنه صوت الحسين يصيح هنا ييمه لاتونين يكسرون الضلع واتشوفج العين المحسن طاح عالعتبه وتمدد ................. رفسها ابخاصرتها الطاغي ياحيف هدوا عالزچيه ابنار وابسيف حلم هذا الجره ياناس لوطيف جرح امي غميج وعيب ينشد ....................... تمت بحمد الله وتوفيقه بقلمي الشاعره أم حسين العسكري ناصريه يحرم الحذف والتلاعب ونسالكم الدعاء والفاتحه لولدي محمد علاء تمت بتاريخ ٢٠٢٦/٧/١٥الموافق (١ صفر) قصيدة مربعة لشهادة النبي مجلسنه انعقد للهادي هالليلة حضرت فاطمة والمدمع تسيلة ــــــــــــــــــــــــــــــــــ ننصب فاتحة ونلطم على امصابة الزهرة حاضرة واتصيح يا يابة طويل افراگ ابوهه ايطول يغيابه نعازي حيدره وخطوات نمشييله ــــــــــــــــــــــــــــــــــ نعازي حيدره وانروح مشـاية ابكل مجلس عزاء انعلگ الراية تجينه ام الحسن من تسمع اقراية على الهادي تنوح الشيعة تبچيلة ــــــــــــــــــــــــــــــــــ على الهادي تنوح وتكسر الخاطر ما يدري النبي بالزاچية اشصاير اشيصير ابحالهه ابطلعت فجر باچر اعداه اهل السقيفه امدبرة الحيلة ــــــــــــــــــــــــــــــــــ اعداه اهل السقيفه تسطر الزهرة ابو ابراهيم حفرو ياوسف گبره يضربوهه اعله خدها وتوجع السطرة بيت احزان يبني حامي ادخيلة ــــــــــــــــــــــــــــــــــ بيت احزاان تبچي اعله الولي وتنعه شدنه اللطم وانعازي البضـــعه ويه فاطمة المختار خنودعة تسجل الحاضر والطلب تگضيله ــــــــــــــــــــــــــــــــــ تشوف الحاضرة الزهرة تسجلكم تسمع هالعزة تلطم الطمتكم مذخورة اعله ابوها هاي دمعتكم ترفع چف اديهه الحضر تدعيله ــــــــــــــــــــــــــــــــــ تمت بعون الله تعالى بقلم الخادمة ام وليـــ✍🏻ــد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي ▪️في استشهاد النبي الأعظم (صلى الله عليه وآله) أيُّ العوالمِ عينُهُ لا تدْمعُ وإلى السَّما روحُ النبوَّةِ تُرْفعُ خفِّضْ ملاكَ الموْتِ واسمَعْ أنَّةً في كلِّ أنْحاءِ المدينَةِ تُسْمَعُ تنَدكُّ أعْمِدةُ الوجودِ لِوَقْعِها ويزِيدُ لَوْعَتَها البطينُ الأنْزَعُ هذا أَبُو الزَّهراءِ هذا المُصطفى خيْرُ الورى يا لَلمصابِ يوَدِعُ رمقَ البتولَ بِنَظْرَةٍ أبَويَّةٍ فيها مصائبُ قلْبِهِ تتجَمَّعُ صدْرٌ ومِسمارٌ وآهٌ في الحشا سوطٌ ووكزٌ بالسيوفِ وأضلعُ سِقْطٌ وآلامٌ وبابٌ مُضْرمٌ ضرْبٌ وترويعٌ وخدٌّ يُصفعُ أبتاهُ بعْدكِ يا لَرُزءِ المُرتضى بالسيفِ يطْبِرُهُ الشَّقيُّ فيُصرعُ ويُدافُ سمُّ الغدرِ للحسنِ الذي يقضي ومُهجةُ قلْبِهِ تتقطّعُ وأشدُّ خطبٍ يومُ وقْعةِ كربلا خطبٍ لَهُ عرشُ العُلى يتصدَّعُ

#في_الخدمة_المقدسة #الليالي_المحمدية #شهادة_الرسول (ص) وداع السيدة الزهراء(ع) لوالدها المصطفى(ص) (#طور اسمع عتابي) دمعه ويه حسره.. ودلالي جمره وتگتلني نظره.. بآخر وداع گلي يا حيدر.. شلون اتّصبر گلبي تفطر.. وفگده ضياع أبد ما راعوه.. باحشاءه سمّوه والليله هجروه .. أهل الخداع تنعى المدينه.. الدين وأمينه وتبگى حزينه.. بآخر وداع (#طور يا ناقتي) يا والدي .. يا كل الهيبه والجلال يا والدي .. يرحل معك كل الدلال يا والدي .. بفگدك أموتن لا محال آه يا النبي .. ريتن وگف بيّا الزمن آه يا النبي .. وما شفتك الليله بكفن آه يا النبي .. مصابك بداياتِ المحن #منال_بجيجي أعظم الله أجوركم الله اليعينك ياعلي .. لكَ العزاء ياعلي ويلاه يبن عم النبي .. لكَ العزاء ياعلي بمصاب طه يالولي .. لكَ العزاء ياعلي نازل يواسيك الوحي .. لكَ العزاء ياعلي غدرو محمد ياعلي .. لكَ العزاء ياعلي لكَ العزاء ياعلي .. لكَ العزاء ياعلي --------------- ماينحمل يالمرتضى .. لكَ العزاء ياعلي فگد النبي المصطفى .. لكَ العزاء ياعلي يامن على الكون أصطفى .. لكَ العزاء ياعلي فگده هظم شيوصفه .. لكَ العزاء ياعلي والزهرة ناحلهه البچي .. لكَ العزاء ياعلي لكَ العزاء ياعلي .. لكَ العزاء ياعلي --------------- يالسادة جدكم منكسر .. لكَ العزاء ياعلي وي الزچية اعللگبر .. لكَ العزاء ياعلي بغضوه يهل خضر الغتر .. لكَ العزاء ياعلي أطباعهم بس الغدر .. لكَ العزاء ياعلي علجروحه حيدر ينتچي .. لكَ العزاء ياعلي لكَ العزاء ياعلي .. لكَ العزاء ياعلي --------------- محني گفاك ومنلچم .. لكَ العزاء ياعلي اتعاين عله الزهرة أبهظم .. لكَ العزاء ياعلي مو هين اعليها اليتم .. لكَ العزاء ياعلي وباچر يحيدر تنضلم .. لكَ العزاء ياعلي بغضاً ببوها تنولي .. لكَ العزاء ياعلي لكَ العزاء ياعلي .. لكَ العزاء ياعلي رسول رياض " ختام " شهادة مولانا رسول الله صلى الله عليه وآله وسلم يهل البخت الله ولحد اليوم كون الحيل ينهد السادة كلها ابلا عمايم چي فارگو جدهم محمد مامش حيل .. ايضل ماينهد ::::::::::::::::::::::::::: هذا الفگد بگلوبنه أيحز ويخلي ون الفاگده أيفز صرنه يتامه أبهذا المصاب وكون الطم بعيونه يبز كل اثنين .. امگابل تلطم ::::::::::::::::::::::::::: ننصب عزه ونحيب ننصب نواسي علي والحضرته أنطب ع مغتسل حيدر حبيبه وحيدر دمعته أعللخد أتصب كون اليوم .. اعليه نتوزر ::::::::::::::::::::::::::: امكابل لطمكم والحچي يفض الزهره گلبهه گوه ينبض شايل حبيب الله ورسوله بثغيبنه نواسيهه نعرض للزهراء .. انون ونثغب ::::::::::::::::::::::::::: اليله البجي بسم الزجيه وفكدت أبوه بهل مسيه ماضل حيل معصبه الراس نواسيهه ام اعظم رزيه صعب يوم .. يمر عليكم صــباح جــهاد #نعـي لسان حال الزهراء في شهادة النبي صلوات الله عليه واله .. الـوديـعـه أمـست تـهـل الـدمـع غـدارن علـى طـيـب نسـبـهـا وســيد الأكـــوان فـگـدك وسـم اعـلـى الـگـلـب نـيـشـان يـبــو الـقـاسـم وزاد إِعـلـيــه الأحــزان الـوادم مـن تـجـي تـشـوفـك شـگـلـهـا وتـريـد أخـبـار عـن ســيد رســـلـــهــا يـبـويـه روحــتـك مــوش أبـمـحلــهـا بـعـدهـي الـروح مـحـتـامـه لــهــلـهــا يـاهــو الـبـعـد يـفـگــدنـه أو يـمــرنـه يـبـويــه لــو غـبــت عـنــه وعـفـتـنــه وأنــت اعـلـى الــمـحـنــه عـودتــنـــه يـالـچـــنـت فـيّ الـنــه وتـلــمـــنـــه يــالـمـــوت مــالــك مـــاجـــزيــتـــه ومـابــدلـــت غــيـــره وخـــذيـــتـــه أبـسـاع أبـســاع عـجـلـت ابـمـنـيتــه وتــدري ألأبــو فـيّ اعـلـــى بـيـــتــه أولــون أيـصــح بــدل چــا بــدلـيـتـه يـبـو الـقـاسـم صـعـب عالـروح فـرگـاك بـعـدنـه مـاشـبـعـنـه امـســـامـر أويــاك يـحـگ طـول الـدهـر نـنـحـب ونـنـعــاك وكـل هـــذا يـبـويــه أو مــاوفـيـنـــاك ربـيـنــه أبـجـالــك أعــزاز أوكـبـــرنــه ويـبـويـه اعـلـى الـمـواصـل عـلـمـتـنـه اشـبـديـنـه اعـلـى الأيـام الـفـرگـتـنــه وعـن أحـبـابـنـــه گـــوه أبـعـــدتــنــه نسألكم الدعاء… السيد حسين الياسري #اللهم_عجل_لوليك_الفرج #نعـي هونك عليه أو بيه هالله ولتگول بويه اوداعة الله وين المثل عطفك نحصله واخلافك الدنيا اتزيد حزني جبت الكسا وجيت اعله ناري عسا اتگوم ابسلامه وتطب داري ثاري الچبد مسموم ثاري وأنه بجبدي النوايب صوبني يالجنت تنسر من تصدلي شتگول من تشوف شكلي وأنه جسمي يصير اعدال ضلي وافراگك يبو الزهره نحلني بويه اشلون وانته بگومك ادره نيتهم على أهل البيت گشره امتانيك تغمض يبو الزهره من تغمض ايسطرون جفني من هسه نار امحظريها يردون بويه احترگ بيها والجنت انته تبوس اديها نيرانهم بيها چوتني بعدك حالتي لحيدر تجرحه نوبه اعليه يغمى ونوبه اصحه و مكسوره من اضلوعي صفحه ومخيوب من الگوم ضني

لستة دعم كريم اهل البيت عليهم السلام ( 1 ) 💜💜💜💜💜💜💜💜💜 ــــــــــــــــــــــــــ قناة منقذ البشريه 313 💜 @ansar_emam_mahdi ـــــــــــــــــــــــــ طريق الهداية الى الله 💜 @tarekalhedayaa قناة ساقي عطاشي کربلاء 💜 @saghiatashaalkarbala قصائد حسينية مكتوبة الناشرابو الاكبر 💜 @Qqaassaad المأتم الخالده 💜 @AlHosaene اسرار وخفايا اهل البيت عليهم السلام 💜 @a_313gg برداً وسلاماً 💜 @ibraheam11 سيدة نساء العالمين 💜 @nooralatrh العتبه الفاطميه المقدسه 💜 @alfatamae عبرة وعظه 💜 @Ebra_w_Eza اشراقات نورانيه 💜 @hope_pictures الحسين مصباح الهدي 💜 @Husain_Alrouh آنتظاري قائم حتى ظهور القائم 💜 @Husseinee خادمة اهل البيت ام عدنان 💜 @molaomadnan عشاق الحسين صوتيات 💜 @ashaghalhosseinmidya متن وسبك مداحي 💜 @madahifarsii طب وعلوم اهل البيت عليهم السلام 💜 @AlwumAhlAlpyet سراديب العشق 💜 @khadim_ahil_albayt دروس في تجويد المبسط 💜 @Quoraaaan 💚💜💚💜💚💜💚💜💚💜💚💜💚 ⚠️#شروط_الدعم 1⃣غير مبري الذمه يخالف قوانين دعم مدير القناة احذف لسته من بعد وقت مذكور 2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر 3⃣تحذف البوت يحذف قناتك متحب تبقي بالدعم بلغ مدير الدعم 4⃣اوقات نشر ساعه 4 العصر  و 10 مساء قنوات مقبوله من 500 متابع فما فوق 5⃣زياده مضمونه أن شاء الله 🔺للاشتراك بدعم عبر معرف مثبت↙️ @ansar_313_m @satobmnbot https://t.me/satob_mn_ajl_al_mahde

نزله للسيده زينب ع نفس طور مايحاجيها للرادود حيدر البياتي *** من الشام إجت تعبانه أم عون للكاظم تزوره إويه اليزورون طبت للضريح وحمره العيون تسلم عالغريب المات مسجون إمحززه إيدي          مثلك يابو طلبه ** عالشباج اطوف ودمعي بالعين أنعه عالذبيح الضامي بونين اعرفنك تحب النعي لحسين مثلك جبد أبو السجاد نصين جبده صابوهه         بسهام المنيه *** أعازيك وتعازيني عالمصاب بعيونك وعيني الدمع سجاب جن صوتك أسمعه إمحمل إعتاب ماحاضر جنت عباس من غاب السوط بمتوني        ولا متونج يعمه *** شما طال الزمان ودارت أيام تكتل يابو طلبه غربة الشام جرحي مابره وبالموت يلتام بكلبي تستعر جمرات الخيام إخيامي حركوهه      من طاحت الرايه ** آنه الماطلعلي إخيال بين الناس بدواوين الزلم وكفوني الأرجاس حرمه إستوحدوني بغير حراس بيه اتشمتوا  هاي إخت عباس ضحكة الشامت       هضمتني يعمه ** طالت غربتي يابو الجوادين سبي ثاني سبوني هالملاعين منعوهه الزياره وصار سنتين ولازاير وصلني ينعه الحسين موش أهالينه         أهل الشام غربه ** أم علي الكاظمي