Бобур Бобомурод расмий канали

*** Ноумидлик солган тўрни қирқаман, Ҳаётни севганлар билан фирқаман. Фақат, ўз ҳаётим етади менга, Биров ҳаётидан жуда қўрқаман... ✍️Бобур Бобомурод 9.8.2026. 10:30. @bobur_bobomurod

#айтишларича Кексаликнинг фожиаси қариликнинг келишида эмас, ёшликнинг кетмаслигидадир. Одам энди ниманидир қандай қилишни билади, лекин қилолмайди. Жисмонан ҳам эмас, балки энг аввало маънан ва ақлан ўзига қўйиладиган тақиқлари кўп бўлади... Афсуски, ҳаёт жуда қисқа... ✍️Бобур Бобомурод @bobur_bobomurod

https://youtu.be/GtTvpy0HFoQ?si=NLabwJ_4ylYanz2n

#tabassum Дам олиш кунида дам олар одам, Аслида одамдан дам олар олам. ✍️Бобур Бобомурод @bobur_bobomurod

🐎 Одамни у минг йиллар ўзига ортди, Одам учун жанг кирди, арава тортди. Лекин пайти келганда, четда қолиб От, Содиқ дўст деб танлади Итни одамзот... ✍️Бобур Бобомурод 13.8.2026. 23:50. @bobur_bobomurod

МИСОЛ Мисол кўпдир маъно изласанг агар: Сувни қамиш ичса — тўкилар шакар. Сигир ичар бўлса — тўкилади сут, Магар илон ичса — тўкилар заҳар. ✍️Бобур Бобомурод @bobur_bobomurod

КЎРДИМ МЕН Дунёда ғалати тутум кўрдим мен: Ғамни кўлу, бахтни ютум кўрдим мен. Ва яна бир ғалат удум кўрдим мен: Лафзда касод, лағвда унум кўрдим мен. Шунданми, ноҳақни уюм кўрдим мен, Адолат бошида қуюн кўрдим мен. Нодоннинг бахтини бутун кўрдим мен, Дононинг бағрини тутун кўрдим мен. Лоқайдлик балосин юқум кўрдим мен, Афсуски, бу ҳолни умум кўрдим мен... ✍️Бобур Бобомурод 9.8.2026. 06:00. @bobur_bobomurod

QORAQALPOQ ELIGA BAG‘ISHLOV   Dо‘stlar, yaxshi kо‘raman Qoraqalpoq elini. Elining azal mashhur – Mardu, tanti fe’lini.   Qadim Turon yerlar bu, Qizilqum sahrosida. Yо‘lbars, bо‘ri, sherlar, bu – Odamlar siymosida.   О‘g‘lonlari – azamat, Hayoli – qiz-kelini.   Yigitlar maromida – Kengliklarning aksi bor. Suluvlar xiromida – Kiyiklarning raqsi bor.   Dо‘stlar, yaxshi kо‘raman Qoraqalpoq elini. Qoratauday viqor, Qalbda mehr selini.   Amudaryoday jо‘shar – Yuragida muhabbat. Olamga chiroy qо‘shar – Bu eldagi chin g‘ayrat.   Dо‘stlar, yaxshi kо‘raman Qoraqalpoq elini. Tо‘rg‘ay kabi kuylagan – Oqinlarin tilini.   Jiyen jirov, Kunxо‘ja, Berdaq va Ajiniyoz. Ibroyim, Tо‘lepbergen – Menga ham erur Ustoz!   Dо‘stlar, yaxshi kо‘raman Qoraqalpoq elini. Dasht-dala osha mag‘rur – Esayotgan yelini.   Mening ham shu yerda bor, Qolgan parcha yuragim. Gullab, yashna, ey diyor, – Shudir barcha tilagim!   Dо‘stlar, yaxshi kо‘raman – Qoraqalpoq elini!   Bobur Bobomurod, О‘zbekistonda xizmat kо‘rsatgan madaniyat xodimi, shoir “Ma’rifat” targ‘ibotchilar jamiyati a’zosi ✅Bizni kuzatishda davom eting! Telegram|Instagram|Facebook|veb-sayt|YouTube

*** Омад пулда бўлса — кармон тўларди, Ҳар хаёл ушалса — армон ўларди. Экилганда ваъда, қасамдан ниҳол — Уммону, саҳролар ўрмон бўларди. ✍️Бобур Бобомурод 9.8.2026. 12:15. @bobur_bobomurod

*** Туртадилар — у ёнга ўтсак, Туртадилар — бу ёнга ўтсак. На ўзлари ўтарлар бир ён, На қўярлар, биз ўтиб кетсак... ✍️Бобур Бобомурод 9.8.2026. 12:40. @bobur_bobomurod

ОДАМ ТУЛКИЛАР Товуқ, қуён овламас, бугун одам-тулкилар, Адирда ин ковламас, бугун одам-тулкилар. Кириб олиб қўйинга, бугун одам-тулкилар, Минмоқ бўлар бўйинга, бугун одам-тулкилар. Одамларга бир-бирин, бугун одам-тулкилар, Гижгижлар, айтиб сирин, бугун одам-тулкилар. Сипо бўлиб, хушқомат, бугун одам-тулкилар, Айлар тоза хушомад, бугун одам-тулкилар. Ё айлаб сохта фарёд, бугун одам-тулкилар, Ҳаётни этар барбод, бугун одам-тулкилар. Тулкиликни ташларми, бугун одам-тулкилар, Одамликни бошларми, бугун одам-тулкилар?!. ✍️Бобур Бобомурод 9.8.2026. 20:45. @bobur_bobomurod

#Videorolik 📌"Barakalla,yo‘lsozlar” 📹 Bobur Bobomurod she’ri 🎤 Muallif ijrosida... ✅Telegram | ✅Facebook |📹You Tube |🌐  Website |▪️ Instagram

ТАБИБ ҲУЗУРИДА Табиб айтди шу жойда: "Шифохона — бефойда. Дори бермайди ёрдам, Сизга керакдир одам..." Жиддий айтди, кулмади, Ҳолбуки, у билмади: Мени, асли қайси дам, Дардга солганди одам... ✍️Бобур Бобомурод 9.8.2026. 21:21. @bobur_bobomurod

Талабларга биноан Кўрсатув қуйидаги ҳаволада https://youtu.be/AB_I8MND9B8?si=M6rH7SHaSCBLo6sL

БЎЛМАСА Ёр қадри қандоқ бўлур агарда ёр бўлмаса, Ё наҳотки гул сўлур ёнида хор бўлмаса. Магар ёринг гул экан, демак йўқ эмас тикан, Ёр қандай ёрлик қилур, озори бор бўлмаса. Жонон таратса жило, жон этар ўзни фидо, Дил ором билгайму ҳеч агар дилдор бўлмаса. Гул атридан умидвор, кўп бўлади талабгор, Боғ мумкин бўлур пайҳон, боғбон ҳушёр бўлмаса. Тун оғуши қайтур пайт, гул шаънига айтур байт, Булбул куйларму саҳар, ишқи бедор бўлмаса. Гул тебранмас ҳавосиз, дард бўлмагай давосиз, Ошиқ топмас шайдолик, ёрдан изҳор бўлмаса. Топганлари гул бўлди, сабаби кангул бўлди, Бобур умри бекордир, ишққа иқрор бўлмаса. Бобур Бобомурод 8.8.2026. 10:10. @bobur_bobomurod

#Mustaqillik35 #ToshkentViloyati 🇺🇿Yangiyo‘l tumanida “Mustaqillik to’yi” festivali doirasida “Kitob karvoni” loyihasi amalga oshirildi 📚 Yangiyo‘l tumani Dehqonobod mahallasida “Kitob karvoni” loyihasi doirasida ezgu tashabbus amalga oshirildi. Loyiha doirasida “Ma’rifat” targ‘ibotchilar jamiyati a’zolari xonadonlarga tashrif buyurib, bolajonlarga turli mavzudagi badiiy va ma’rifiy kitoblarni ulashdilar. Kitob — inson tafakkurini boyitadigan, dunyoqarashini kengaytiradigan va ezgu orzular sari yetaklaydigan bebaho manba. Ayniqsa, yosh avlod qalbida kitobga mehr uyg‘otish kelajak uchun eng muhim qadamlardan biridir. ✅Bizni kuzatishda davom eting! Telegram|Instagram|Facebook|veb-sayt|YouTube

#Mustaqillik35 #ToshkentViloyati 🇺🇿Yangiyo‘l tumanida “Mustaqillik to‘yi” festivali Yangiyo‘l tumani Ahil mahallasida “Mustaqillik to‘yi” festivali doirasida bayram tadbiri bo‘lib o‘tdi. Tadbirda yurtimizda hukm surayotgan tinchlik va osoyishtalik, xalqimizning birdamligi, milliy qadriyatlarimiz hamda istiqlol yillarida erishilayotgan yutuqlar keng targ‘ib etildi. 🎶 Bayramona dasturlar, milliy urf-odat va an’analar, kuy-qo‘shiqlar hamda ko‘tarinki kayfiyat tadbirga o‘zgacha fayz bag‘ishladi. 🇺🇿 Yagona Vatan, yagona xalq bo‘lib, yangi hayot va kelajak yaratamiz! ✅Bizni kuzatishda davom eting! Telegram|Instagram|Facebook|veb-sayt|YouTube

ЮРИБМИЗДА, БИРОДАР Бўридан узр сўраб, Тулки кўнглига қараб. Одам корига яраб, Юрибмиз-да, биродар. Шукур айлаб ҳар кунга, Тушунолмай мардумга. Мазах бўлиб маймунга, Юрибмиз-да, биродар. Шерга яқин бормасдан, Ит бошини ёрмасдан. Меҳнат қилиб, ҳормасдан, Юрибмиз-да, биродар. Фил кучини қоралаб, Туя, от-ла чоралаб. Гоҳ тўнғизлар оралаб, Юрибмиз-да, биродар. Ғалатимиз эҳтимол, Эмасдирмиз лекин мол. Эшакдай - иши ҳалол, Юрибмиз-да, биродар... БОБУР БОБОМУРОД @bobur_bobomurod

ТАШАББУС ҲАҚИДА Илк қадамни асли қўймайди аёл, Осмонда юрганлар заминга қайтсин. Эркакда бор бўлса гар ўзга хаёл, Унда қайси гулни севишин айтсин... ✍️Бобур Бобомурод 6.8.2026. 19:00. @bobur_bobomurod