جاززع

‏جسور لو نشت فالجاهليه عوّد ابو زيد ‏يداري عبرته ويبادل يدينه على زوره

‏والله إن كني على صالي النار الشبوب ‏من لهبها يفهقون الغواري والدلال ‏عقلي اللي كان يبغى من الواقع هروب ‏تالي الايام يبغى الهروب من الخيال ‏ما تنحّت ضيقتي يوم لاحيت الهبوب ‏زال شيءٍ من همومي وشيءٍ لا يزال ‏ضيقّوك وجابوا اقصاك يالصدر الرحوب ‏كل ماراحو و عادوا على نفس السؤال

‏ماني أعمى بصيرة بس وش عاد أسوي ‏ما يطيب الجريح إن كان ما ينتداوى ‏كن حبه على حدب الضلوع مْتطوي ‏كيف ابقوى وأنا بيبان صدري تهاوى ‏شوف قلبي من جروح البعاد مْتكوي ‏عقب ما قلت جرح العام طاب وتشاوى ‏يوم ساقوا ركايبهم وشبّيت ضوي ‏ما تخوفت وسباع الخلا لي تعاوى ‏أشهد إنه تعكّر عقب ما راح جوي ‏ما نسيته وزوله للعيون يتراوى ‏زلّ وقت الوعد ما عاد فيها تروي ‏بس انا وانت يا حرف القصيد نتخاوى ‏قلهم يا قصيدي لا يروحون توي ‏ماني اللي حضوره مع غيابه تساوى ‏رد عني علومٍ ما تنومس عدوي ‏قلهم "متعب التركي" عليل وتداوى

‏يا مل قلب ٍتقول يلامسه جمره ‏بين المعاليق كن النار تصلاني ‏غروً على اول صباه ومستوى عمره ‏جيته وجاني واخذ قلبي وخلاني ‏معطيه ربي جمالً قاطفٍ ثمره ‏متعزلٍ كن عوده عود ريحاني

‏ذكّريني متى كانت حياتي سفاير ‏نصف عمري رحيل وليل موحش وظلماء ‏ما توسّمت في وجه الزمان البشاير ‏ليت الأفواه عن بعض المشاريه بلمى ‏عذربوني على عينٍ تهلّ العباير ‏كن دمع الرجل ماهو من الملح والماء!

والي ينشد عن القصيد من تالي مبتلا الشعر 😞

الي يقول وين مختفي كنت في ميامي ومنها ندعم منتخب الكويت بس للاسف طلع بدري

https://tellonym.me/user82739299/hnest

علومكم

‏مشكلة غلطتك ماتقبل أنصاف الحلول ‏و المصيبه لك ‏معزه ‏وتقدير ‏وغلا ‏قلت سامحني ‏وانا الصدق مدري وش اقول ‏خايف اسامحك مره ‏ثم تاخذها … حلا

‏جادلٍ منها القمر ياخذ ملامح ‏والثريا قلدت لبّة نحرها ‏وقلدتها مهرةٍ فالخيل جامح ‏يوم تفرد ذيلها كنه شعرها

‏"من لا يصبّح حاجته لا بغاها ‏أقفوا بها اللي يعشقون المغابيش" ‏هذا البيت بمثابة المنبة صباحًا، أفضل من يعزز استمرارية السعي.

‏يابو سعد قدام لا اسج وتروح ‏نبغي من ديار المقام انتقازا ‏ننزل وزان اللي معاميله تفوح ‏عليه عيرات الركايب تنازا ‏مجالسه من يوم خلقت لها روح ‏فيها السوالف والشعر والمحازا ‏طرايفٍ فيها دوى كل مجروح ‏عيد المداوم ، والخفير المجازا

يامرحبا يابو وجه ماهو بأبو عشرة وجيه ‏ وجهً اليامن ضاقت الدنيا بعينك تذكره

‏يارفيق الدرب ملّينا نصارع ‏همّنا حتى من الديره قرفنا ‏إن خرجنا ضايقة فينا الشوارع ‏وإن دخلنا ضايقة فينا غُرفنا

‏راجعه نفسي لعادتها القديمة ‏كل ماهب الهواء يا شهر مارس ‏للبحر وقفة على الدنيا مقيمة ‏مع طلوع الشمس وأصوات النوارس ‏حاجتي حاجه عواقبها وخيمه ‏دونها سورٍ طويل وعين حارس ‏مير ما والله يقنّع بالهزيمه ‏واحدٍ للرمح في صدره مغارس ‏اشهد اني يوم ذبيت الخريمه ‏مادريت اني عقبت بلاد فارس ‏للغزال اللي عطى للشعر قيمه ‏والقوام الغضّ والنجل الخوارس ‏محتمي لعيون ريم، شداد ريمه ‏حاذفٍ من دونها روس الفوارس

‏يالمترف اللي عليك انقى بيوتي تغار ‏عيد الفطر مر عادي في عيون الحزين ‏ما عندي الا قصيدٍ يجهل الاختصار ‏بالذات لا صار فيك يصير الاسهاب زين ‏عيد الضحية وصل والقلب بالانتظار ‏اخاف يصبح ضحية ذكريات وحنين ‏انا لو احلامي من اوّل بوصلك كبار ‏ما عاد ابي غير يا جعلك من العايدين ‏مشاعري ما لها غير المحبة شعار ‏والعقل عودٍ ماغير يردّد الله يعين ‏اهزم تغلّيك لا يشعرك بالانتصار ‏هزيمة الحب نصر وطاري البعد شين

‏أنا في الرياض وصاحبي من ورا الحره ‏جنوب البقوم وحايٍل نجد من دونه ‏ولاياقمر بوصيك كاننك بتمره ‏توصل سلامٍ من محبٍ لمضنونه ‏لجل ياقمر مايلحقك شك بالمره ‏ولو في نحرها شافك العود بعيونه

كل عام وانتم بخير 🥰🥰