خواطر تشادية

خواطر تشادية pinned «المفروض لازم ما ننسى انفسنا مشكلتنا كبشر، او يمكن مشكلتي بس اني، اننا نسى روحنا في سبيل نحصل اشياء نعتقد احنا نريدها او نحتاجها نسعى، نضيع وقت، طاقة، ومرات حتى كرامتنا، لأجل امور او و بالخصوص اشخاص هم ما يستاهلون هلشي، ظنا اننا بلحظة معينة راح نكسبهم، بس…»

المفروض لازم ما ننسى انفسنا مشكلتنا كبشر، او يمكن مشكلتي بس اني، اننا نسى روحنا في سبيل نحصل اشياء نعتقد احنا نريدها او نحتاجها نسعى، نضيع وقت، طاقة، ومرات حتى كرامتنا، لأجل امور او و بالخصوص اشخاص هم ما يستاهلون هلشي، ظنا اننا بلحظة معينة راح نكسبهم، بس السؤال الي ما سألناه مرة لانفسنا، ليش اصلا لازم نكسبهم؟ واني اسمع اغنية get lucky استوقفتني عبارة خلتني اعيد حساباتي كلها: We've come too far to give up who we are So, let's raise the bar and our cups to the stars والي هو احنا تجاوزنا هواي حتى نستسلم او نترك الي وصلنا اله، (وعلى الرغم مو هذا مقصد الاغنية) فعلا احنا ليش ننسى روحنا هيج؟ على الأقل بالنسبة الي، اني عابر كومة صعوبات، من اكتئابي المستمر منذ المتوسطة، الى تحملي لمدير توكسك باول شغل الية لأن اريد اعتمد على نفسي، الى تحملي 3 وظائف وية الجامعة والى والى والى مرة اضطريت ابيع بيه تلفوني لأن ما عندي شغل وما اريد اعتمد على احد ثاني، وكومة مرات اضطريت اتعامل وية ناس مزعجين واغبياء بس لأن عندي شغل وياهم، و اكدر احسب عدد المرات الي وصل بيه اكتئابي للانتحار باكثر من اصابع ايدي، وعدد المرات الي اجيت انهار بيها من الشغل بعد أكثر عبرت هواي صعوبات بحياتي، جزء جبير منهن جان بوحدي بدون مساعدة احد، وكلش فخور بهل شي, بس دائما انسى واتحمل اشياء المفروض ما اتحملها من اشخاص المفروض ما اتحملهم وغالبا انت هم نفس الشي، عابر ومتجاوز صعوبات بس انت تدري بيها، كل هذا يستمر، لحد ما توكف وية نفسك بلحظة وتكول كافي وتبدي تخلي قواعد أكثر صرامة، وخطوط حمرة لكل شخص يدخل حياتك، وعلى كولة الأغنية جوز منهم لا تعاتبهم بعد جوز

هواي جنت اشتاق لعلاقة سابقة عندي وكلمة اشتاق قليلة للامانة، كل ما امر بموقف سيء اتذكر فلانة شلون جانت تساعدني، وتخفف علية، وشكد جانت الدنيا سهلة وياها، وارجع احزن واكتئب على رحيلها كل ما اسمع لفؤاد سالم لو قحطان العطار، مرة سمعت اغنية بين علية الكبر لحسين نعمة وحلمت بيها اليوم الي بعده، ويعني للاسف اعيش دور ضحية نفس ما حجيت بالبوست السابق بس اكيد الوقت كفيل يعالج كلشي، خف الاشتياق شوية شوية، كمت ما اتذكرها وية الاغاني لحد ما نسيتها المشكلة ما بطل الحزن والاكتئاب، هم بعدني احس بالاشتياق من اسمع لقحطان العطار, بس اشتياق لشنو؟ لمنو؟ ما كدرت اعرف، لحد قبل فترة سمعت اغنية تمنيت اعود لبيتنا، وعلى الرغم اني كاعد بين اهلي بجيت، وظليت صافن اني ليش كاعد ابجي؟ اني مو ببيتنا؟ ليش اشتاقلهم واني مو بعيد عنهم؟ بعد صفنات طويلة وجكاير هواي توصلت، اني ما مشتاق لفلانة، ولا جنت اريد اعود لبيتنا بالتحديد، اني جنت مشتاق لمشاعر قدمتها فلانة جانت تسد فراغ تكون بس صدمات ومشاكل نفسية بحياتي، وبيتنا جنت اقصد مكان خيالي جانت الحياة بيه مختلفة، افضل واكثر صحية، شي اني ويمكن اغلبنا ما حصلوه غالبا انت ما مشتاق للاكس مالتك/ج، غالبا مشتاق لمشاعر هذا الاكس وفرها، مشاعر ما حصلتها بفترة طفولتك فصار عندك نقص حاولت تمليه باي شخص بس الى متى نظل نحاول نعدل حالتنا النفسية بمصادر خارجية؟ الى متى نستخدم اي شي حتى نهرب من نفسنا ونعلق روحنا بذكريات خلصن وانتهن؟ والاهم شوكت نبطل نعيش بالماضي؟ الله اعلم

خلال الاسبوع الراح ما تجاوز عدد ساعات نومي باليوم الواحد 3 ساعات، من الأرق واكدر اكول عدم النوم قد يكون اسوء من التعذيب الحقيقي، توتر، مشاعر غريبة ومخربطة عبالك تقلبات مرأة حامل بس هاي الحالة المزاجية المتقلبة وكعدة وية صديقي المقرب خلتني ادرك شغلة كلش الها تأثير على افكاري وبالتالي مشاعري الي هي الاغاني الحزينة شكد ما تبدو هاي الاغاني بريئة، بس هواي اوقات تخلينا نلعب دور الضحية، وكأن الفراق دائما هو بسبب الطرف الثاني، واحنا ما نحتمل اي مسؤولية او ما مسوين فعل سيء بس اذا احنا كلنا انخاينا، منو الخاين؟ غالبا داخل كل شخص بينا انسان سيء وخاين، كبر او صغر حجمه يبقى موجود ألاغاني الحزينة تنسينا احنا هواي مرات صرنا ناس سيئين، نظل عايشين بعالم خيالي بيه احنا ابطال وباقي الناس كلهم اشرار بس هو لا، كلنا مرة وحدة على الاقل صرنا ناس سيئين، وحتى لو ما جنا سيئين احنا سمحنا للطرف الثاني يكون سيء ويانا، والا الحدود الصحيحة تمنع اي بشر يغلط ويانا سواء جنت قاتل او مقتول، انت قاتل ومقتول

مساء الخير ناوي اكتب واصور محتوى عن القطاع الخاص والشغل، موجه للشباب الي يردون يبدون يشتغلون وبعدهم ما بادين وما يعرفون شنو يسوون شنو المواضيع والاسئلة الي تخص هلشي ببالكم؟ ردوا على البوست او البوت براحتكم @Talkwithchad11bot

يكلك i dont care if i sing off key من اغاني سيا المفضلة الي هي bird set free تبدي الأغنية بتشبيه رمزي لطير مكسور جناحه حزين على فقدانه لحريته(احنا) وعدم قدرته على الغناء بسبب الكسر بجناحه(الادمان) Clipped wings, I was a broken thing Had a voice, had a voice but I could not sing You would wind me down I struggled on the ground, oh بس على الرغم من كلشي اكو صوت بداخلنا نحاول ننساه واحنا تايهين، بس على الرغم من هذا يبقى موجود وما نكدر ننكر وجوده، الضمير الي ياكل بينا بأخر الليل عن طموحنا واهدافنا الي ما حققناها او ما سعينا الها، امكانيتنا الي ما وصلنها But there's a scream inside that we all try to hide We hold on so tight, we cannot deny Eats us alive, oh it eats us alive, oh بس احنا، اهلنا والي يحبونا يعرفون هذا الضمير موجود، وهنا تقدم الاغنية فكرتين كلش عظيمات: -hope in despair وعن تجربة شخصية كومة، تجينا لحظات بحياتنا بنص فوضى وازمة تكون كلش فارقة بحياتنا، مشكلة جبيرة او فشل فضيع او حتى الم لا يطاق، اذا قررنا وكتها نتعامل بطريقة صحيحة جديدة راح يتغير مسار حياتنا للأفضل محد يريد يموت، حتى لو مجازيا، بالنسبة الي الموت هو ما اوصل للامكانية الي انولدت حتى اوصلها، وكل ما اصير انسان خامل واكع بكومة ادمانات اعتبر روحي ميت، مجازيا I don't wanna die, I don't wanna die, yeah ، وهنا تجي أفضل جزئية بالأغنية، ما لازم نهتم بادائنا بشغلة معينة، الغناء او الكتابة مثلا(شي نعتبره شغفنا) مو مهم طلعت درجة سيئة، فشلت بمقابلة، دخول قسم او حتى تحصيل الكراش، لأن (بالنسبة الي على الأقل) الكة نفسي بالعملية نفسها، من اكتب ومن اشتغل ومن اتمرن ومن كل يوم اكعد الصبح على المنبه لأن لازم اكعد، مو لأن لازم احصل نتيجة معينة لأن لازم استمر اسعى واتحرك، هيج احس روحي حر كطائر طليق And I don't care if I sing off key I find myself in my melodies I sing for love, I sing for me I shout it out like a bird set free انصحكم تسمعون الأغنية، واي كان الي يعيقكم توصلون لامكانياتكم تتخصلون منه، وتلكون نفسكم بشغلة معينة، so you can shout it out like a bird set free

خواطر تشادية pinned «يا الله»

مو دائما العدمية تفكير سيء بالغالب ترتبط العدمية وي الاكئتاب, الأفكار الأنتحارية, وبشكل عام فكرة اذا الحياة مالها معنى, ليش كاعد اتعب روحي بيها او اسعى او أتالم؟ وفعلا, اكو نوع من الصحة بهذا الترابط, لأن من اهم المحركات الي تدفعنا نسوي شيء معين هو المعنى والسبب لهل شي بس بنفس الوقت, مو فكرة ان الحياة مالها معنى نوعا ما تخلينا أحرار؟ أذا الحياة كلها مالها معنى, هل الشعور بالاحباط اله معنى؟ هل فقدان ناس اله معنى؟ صحيح هلتفكير راح يخلي الحياة نوعا ما باهتة، بس بنفس الوقت ما مؤلمة, منطقيا ما يصير اتالم على شي ماله معنى(اي حدث سلبي يصير) فكرة الحرية شكد ما حلوة, شكد ما مخيفة وبالنهاية هذا البوست اقرب لتفكير بصوت عالي, لأ تاخذوه بجدية

بالنسبة الي نادرا ما اكو شي اسمه خطأ يخرب كلشي او مشكلة ممكن تنهي حياتي، او حياة اي احد بهاي الحياة الحياة تجارب، وكل خطأ هو احسن تجربة نكدر نتعلم منها، او مسار القدر مخليه النا قبل سنة جان اختصاصي الجامعي هندسة طب حياتي، خلال الوقت اكتشفت انه اختصاص مو مناسب الية، فتركته بالنسبة لأي شخص جان هذا قرار مجنون، شلون تترك هيج اختصاص عالي؟ ليش تضيع سنة من حياتك؟ حتى اني جنت متندم بس خلال السنة الي تركت بيها الدراسة، اشتغلت، طلعت وطبيت وسويت كومة نشاطات وية كومة ناس، صرت مسؤول اكثر وكمت اعرف اسولف اكثر تعلمت دروس كلش هواي ما جان ممكن اتعلمها لو باقي، ورجعت مرة ثانية واني عندي رؤية اوضح لحياتي ولدراستي وشغلي، الي خلاني اعبر بقية الطلاب من ناحية نضج شخصي او شغل مهني الاخطاء كلش ضرورية بالحياة، حتى نعرف شنو الصح بعدين

📣💡 انضم إلى مجتمع Lilo Scholars! المكان الذي يجتمع فيه الطلاب، والباحثون، والمبدعون، وروّاد المستقبل للتعلّم والنمو ✨ 🚀 في Lilo Scholars، نلتقي يوميًا في جلسات مباشرة نناقش فيها: 🎓 كيف تبدأ مسيرتك الأكاديمية وتكتب أبحاثًا قوية 📚 طرق اجتياز اختبار IELTS بثقة…

شنو الفرق الحقيقي بين الي ينجح والي يبقى يحاول؟ مو دائما الحل بالجهد،مرات الجهد وحده ما يكفي، والسر هو بالخطة والتنظيم، العشوائية هي مقبرة النجاح—ولهذا دفتر نديم موجود. سواء كنت طالب سادس، طالب جامعة، أو شخص تطمح تبني شركتك، دفتر تحقيق الأهداف من نديم هو صديقك اللي يساعدك تنتقل من الفوضى للوضوح، من المسختة للإنجاز وتصير احسن نسخة من نفسك! اطلب الدفتر، رتّب خططك، نظم أولوياتك، وابدأ رحلتك بتحقيق أهدافك من اليوم!

Channel name was changed to «خواطر تشادية»

الفرصة الوحيدة الي تخسرها، هي الفرصة الي ما تتقدم حتى تحصلها بالبداية اتفق وياكم، فكرة اخذ المبادرة مرعبة، من بوحدك تختار طريق مجهول، ما تعرف اذا راح تفشل نفسك لو تنجح دائما النتائج المجهولة صعبة، بس بنفس الوقت أكثر شي يجيب نتائج بالحياة، حسب تجربتي المتواضعة بالحياة اكثر شي خلاني احصل فرص لطيفة بالحياة هي المبادرة -شغلي الحالي حصلته لأن لحيت على ابو ال hr ودزيت اشياء هو ما طالبها حتى اقنعه -العلاقات والمعارف الي حصلتها اغلبها هم من المبادرة، -قبل فترة حصلت مقابلتين شغل بس لأن اعرف هاي الشركات عدهم شاغر وظيفي يناسبني ورحت حجيت وي مسؤولين التوظيف بشكل مباشر -المبادرة (والملحة يمكن ههههههه) خلتني قبل فترة اكعد وي اشخاص ما توقعت اكعد وياهم بحياتي ابد(كمدراء شركات ومسؤولين) واي هواي متفشل (هههههههه) لأن مو كل الناس راح يجاوبون بايجابية، هواي مرات انلبس ومرات اكو ردات فعل سلبية، بس هذا كله جزء من الرحلة انت ما راح تحصل رد اذا ما تدك الباب، ممكن ورة الباب شخص يصيح عليك لأن الموقع خاطئ، ممكن تدخل وغايتك صحيحة، بس بكل الاحوال لازم تدك فبادرو، سواء جان نشاط تحبون تسووه، محتوى تردون تنشرونه، مسؤول توظيف تردون منه نصيحة، بنية تريد تعترفلها وعلى كولة الشاعر، فاز باللذات من كان جسورا

عيد أضحى مبارك يا أفندية🥳 عيديتنا الكم هاي قائمة المواضيع حتى تصفحون المواضيع بسهولة وبراحتكم😎 شنو صنعة أفندي وشلون راح نفيدكم؟ تعلم شلون تكتسب علاقات مهنية تخليك تحصل شغل! شلون تحصل علاقات مهنية داخل الافنتات؟ شلون تحصل علاقات مهنية بعد الأفنتات شلون…

عيد أضحى مبارك يا أفندية🥳 عيديتنا الكم هاي قائمة المواضيع حتى تصفحون المواضيع بسهولة وبراحتكم😎 شنو صنعة أفندي وشلون راح نفيدكم؟ تعلم شلون تكتسب علاقات مهنية تخليك تحصل شغل! شلون تحصل علاقات مهنية داخل الافنتات؟ شلون تحصل علاقات مهنية بعد الأفنتات شلون تقدم صح على الفرص المتنوعة! شلون تعرف الفرصة حقيقية لو سكام شلون تطوع وي الأمم المتحدة! أساسيات القبول بالفرص أي اسئلة، أقتراحات او مشاكل عدكم شاركوني ياها هنا @askafandybot

الشيء الجميل والمحزن بالحياة اننا نموت ونعيش أكثر من مرة، نتقدم ونرجع، ندور بنفس الدائرة ونطلع، نتغير هواي لحد ما ننسى احنا منو جنا مثل الافعوانة او قطار الموت عدنا بالعراق، كومة صعود وهبوط وفرة تخليك ترجع للبداية، مفارقة تخليني اصدك بمقولة "احنا نصير الأشياء الي نكرهها" هم على الأقل، تخليني ارجع اتذكر شكد احب الكتابة، من الأفكار تترتب من الزم الكيبورد, وأكتب بشكل تلقائي أفكار مرتبة بعد ما جانت مبعثرة, واعرف تشاد اني ما جنت اعرفه قبل، او اعرفه بس أعيد اكتشافه الكتابة والكلمات تكون قوية كلش، وقوية على الكاتب نفسه بكد اذا مو أكثر من القارئ، من بداية علوم تشادية جنت أكتب لنفسي حقيقة، وحتى من كانت كتاباتي مو أفضل شي مو مهم على كولة سيا: ما أهتم اذا كان غنائي سيء فأني اجد نفسي في الحاني اغني للحب، واغني لنفسي اصيح مثل طائر اطلق سراحه وبما أني اجد نفسي بالكتابة مثل افكر أرجع اكتب خواطر، أفكار، دروس، اكتب لنفسي والكم، بنفس هذا أسلوبي، معلومات مفيدة؟ ممكن لا، بس الله يعلم، بس المهم أكتب شتكولون؟ شاركوني ارائكم بالتعليقات

يمكن راح اخبصكم بهل المشروع الجديد هههه بس للامانة صدك راح يكون مفيد خصوصا للأشخاص الي يردون يبدون يشتغلون https://t.me/Forsa_afndy/8 بهل مقالة حجيت عن العلاقات المهنية وشلون تبدي تكونها، أول شغل بحياتي حصلته قبل سنة ونص جان عن طريق العلاقات الثاني كذلك الخامس كذلك هذا ما عدى المعلومات الى حصلتها من الاختلاط والعلاقات، أقرو واستفادوا

خواطر تشادية pinned «مشروع جديد كاعد اشتغل عليه🥳 مو نفس علوم تشادية لأن راح يكون نتاج خبرة وتجارب بالقطاع الخاص والشغل، انصحكم تدخلون منا https://t.me/Forsa_afndy أو النسخة النسائية منه منا https://t.me/Forsa_khatoon»

مشروع جديد كاعد اشتغل عليه🥳 مو نفس علوم تشادية لأن راح يكون نتاج خبرة وتجارب بالقطاع الخاص والشغل، انصحكم تدخلون منا https://t.me/Forsa_afndy أو النسخة النسائية منه منا https://t.me/Forsa_khatoon

أهلا اصدقائنا🫶🏼 بمناسبة أعلاننا عن الدفتر، راح نفتح التقديم لتجمع نديم مرة ثانية🥳 احنا فتحنا التقديم للتجمع اكثر من مرة, بس هاي المرة راح تكون الأخيرة لذلك ننصحكم تقدمون وتستغلون الفرصة التجمع راح يكون مساحة امنة للأشخاص الي يردون يلتزمون بعادة صحية وبالخصوص التدوين✨ وهذا راح يكون رابط التقديم https://forms.gle/GRXa7nA3sEoiq1LJ9