فضفضة

وصلت رسالة جديدة 💌 صارلي اشهر مريضة و اخذت علاجات و مافاد دمي ينزل بشكل مو طبيعي و احتاج عملية يلا يعرفون السبب بنفس الوقت اني عندي امتحانات و احب دراستي كلش ومن بداية السنة اني ادرس و اتعب تالي بفترة الامتحانات كل شي بحياتي يصير اسوء صحتي و نفسيتي كلش خايفة على نفسي ومستقبلي و جاي اعيش اسوء فترة بحياتي بس الله يعلم شكد جاي اعاني و ماعندي حتى أشخاص يساعدوني ولا صديقات احجي الهم واهلي بغير عالم وعلاقاتي انتهت بشكل يأذي بديت انهار وبدون مبالغة احس اذا بقى وضعي هيج اكثر راح اموت أتمنى تدعولي وضعي يصير احسن قبل الامتحانات و أنجح

وصلت رسالة جديدة 💌 هلو شباب عندي سؤال هم تصير عندكم اعراض مرض توصل بيكم حتى للموت او ما تكدرون ماتمارسون حياتكم ومن تسوون فحوصات تطلع كلها زينه وماكو اي شي حتى الطبيب ما ينطيكم علاج ؟ عفيه افيدونا كمت احس احد داعي عليه بعّله محد يعرف دواها + نفسيتي زينه

وصلت رسالة جديدة 💌 هلو من واني طفلة يتنمرون على طريقة كلامي ويقلدون علية ويقلدون الطريقة الي احجي بيها ورة كل كلمة ويصيحولي بالقاب مو حلوة بسبب هالشيء ويموتون ضحك ولله م^ذيني هل شيء متأذية حيل صرت حته ماحب اكعد يمهم من يصيرون اكثر من شخص لان اعرف كلامهم كله حيصير بس على الطريقة الحاجي بيها  واذا صارت وبقيت يمهم راح ابقى ساكته صارلي موقف اليوم ومجاي اكدر يجي طريق نص ساعة همة بس يضحكون علية ويگلولي الفاهية المايعة ومن وصلوني بيتنا يگلولي لتضوجين من عدنا رجعت وحد هسه اني منهارة بجي شسمة ماريد نصيحة لو شيء بس ردت احجي

وصلت رسالة جديدة 💌 عجزت افهم اهلي يعني ماعرف لو الصوج بية لو بيهم حرفياااا يخلوني احير انو انا سيئة وعاق لو همة قبل شوي جان اكو نقاش المهم اختي سادس وعاجبها تخدير ابوي يقول على كص ركبتي على جثتي تدخلين تخصص بالطب اني مستحيل بناتي يداومن مستشفى اذا تريدون دخلو تربية كيمية انكليزي المشكلة انا قسمي هندسة امن سيبراني بقالي سنتين واتخرج المهم ضل يكول محد منكم تتعين ماكو تعين بدائرة وكله رجال كلت له بعصبية انفعلت حرفياااا انا بسع انفعل كلت له شنو منتعين ضليت اكل لامي شنو هاي ليش هيج احنا تعبنا ودرسنا يكول انتِ قسمج قبلت لان كلتي شغله بالبيت اني انرعبت حرفياااا صح اكو شغل بالبيت بس هالسنة عندي تطبيق وكلت لامي شلون وامي كامت ترزل تكلي انت جلبة وحقيرة وناكرة معروف ابوج مو هيج قصده ترا يقبل تطبقين وضلت تسب (ملاحضة قبل ما انفعل ابوي ضل يحلف ولا وحدة تتعين الا نتزوج) وتكول الجلب احسن منكم على الاقل يقدر اللكمة اللي ياخذه وانتم كلكم حتتعذبون بزواجكم لان عاقات وابوي كال وربي رزل كال مال هسة امنعج من الجامعة الحمدلله ما سواها بس تخيلو كبو كبو اني هم كبيت كتلة شنو يعني منتعين الا مكان نساء ماكو يعني الا اا تريدني اروح اتعين بمرقد السيدة زينب ادز اشعارات للسمة وربي حرفياااا كمت احجي ايشيء لان اهلي متشددين بالدين ويعني اذا نسمع اغاني وفجأة ابوي يدخل حرفياااا عسبالك داعش مو ابوي من الرعب فيعني حبابين كولوا اني جلبة وعاق وربي صار عندي رعب انو اخاف اتزوج وزوجي يكون سيء لان اهلي يقلون مستحيل تحصلين شخص زين ويكعدون يشبهوني باقربائي وحدة مكروهة جدآ المهم انتهة النقاش ابوي دفر اختي الصغيرة لان يقول صارت تشبهني بلسانها وصلافتهة واختي اللي بدت سادس امي ضلت تعيرها وتقلها ترا انت جنتي كسلانة وخاليج صف خاص ونست انو اخر سنتين اختي بس تطلع اعفاء وهالسنة بالخامس اعفاء عام واني ترزلت وطلعت انو اني حياتي مثل البهايم اكل ونوم واخلاق ماعندي وناكره معروف وعاق ومستحيل احصل زوج زين واطفال زين ولا عائلة سعيدة

وصلت رسالة جديدة 💌 تجيني أفكار إنتحارية هواي بالفترة الأخيرة، أحس دائماً افكر شوكت الوقت المناسب و الطريقة المناسبة بس أخاف .. مو أخاف من انو اسويها و لا أخاف أأذي نفسي، أخاف أن حتى بعد ما أخلص من هذا العالم الناس راح تصل تحچي عليه ليش سويت هيچ و محد يذكرني بالخير. ماريد أسوي هل شي بس دا ياخذ كل تفكيري يومياً، أحس محتاجة أسمع كلام يريح گلبي مو رزالة و غلط لأن سمعتهن هواي.

وصلت رسالة جديدة 💌 هواي مليانه كلام وعتب واريد اضحك عليه شلون انطى بيه ورجعت عليه بنفس اللحظة بس مبلكني من كل مكان واني هم مبلكته بس باقي بنفسي اكله شكد هو سيء وحتى ناسه انطو بي بس خايفه يرد رد نفس السم وانغث اكثر لان كلش اتحسس فهسه اني بنفسي احجي وبنفس الوقت اكول لا مايفيد فشسوي

وصلت رسالة جديدة 💌 عندي سوال ياريت الي يعرف يفيدني معدل طب البصرة هاي السنة ممكن يصعد ١٠٠؟ معدلي ٩٩.٩٨ انقبل لو لا شكرا الكم

وصلت رسالة جديدة 💌 ادعولي كون الله يهدي اهلي وياخذوني للطبيب لان صارلي فتره طويله تعبانه ومحد يحس

وصلت رسالة جديدة 💌 صحيح معدل التقديم ع مدارس المتميزين نزل لل٩٠؟ اختي سادس ابتدائي معدلها ٩٤ تكدر تقدم؟

وصلت رسالة جديدة 💌 ما طلعت من 3 الاوائل ولا مره حصلت الشي الي اريده دائماً خسرانة وفاشلة

وصلت رسالة جديدة 💌 محتاجة احجي ويا شخص علاقتي استمرت ويا سنوات و انتهت صار اشهر رغم تواصل ويايه قبل فترة بس ما جاوبت ما اعرف شنو السبب بس اليوم كله احس محتاجة احجي ويا و اكو حجي بداخلي رغم ما احس باشتياق ولا اريد فرصة ارجع ويا مترددة

وصلت رسالة جديدة 💌 اصعب شي بالحياة الكتمان هم كتمان عن الماضي وكتمان عن المستقبل شلونن تتعاملون ويا الكتمان؟؟ اريد اخذ رأيي كم شخص بهل موضوع لان اني هيج كتوم بس بداخلي بركان ولله

وصلت رسالة جديدة 💌 السلام عليكم من جنت صغيرة والدي جان يضرب اخواني و اني جنت كلش اخاف و ابجي بسبب ضربة الهم يعني كلش ارتعب و من شافني هيج هو ما ضربهم بعد بس بقى يحجي عليهم هسه اني كبرت و واحد من اخواني تزوج و عايش ويانه بنفس البيت و زوجتة هسه تضرب جهالها و احس ترجع الي ذكريات قديمة و ارجع اعيش نفس الشعور الجنت اعيشه من جنت صغيرة و حتى ابقى افكر هواي بجهال اخوي و بنفسي لدرجة يصعب عليه النوم (هي مو دائما تضربهم) حجيت وياها و حاولت امنعها بس ما تسمع كلامي و حتى مرات احسها تسوي بالعناد اريد حل شلون امنع نفسي انو ارجع لنفس الشعور و شلون ما افكر هواي كلش تعبني هذا الشي

وصلت رسالة جديدة 💌 عفيه ادعولي انجمع مع الاحبه ولله كلبي راح يوكف من القهر

وصلت رسالة جديدة 💌 لما الظروف تجبرك تتحمل الاذيه النفسيه من ذكريات شخص عزيز عليك وهم من اهلك الي ساكن وياهم شلون تتحمل؟؟؟ علمود نفسك ومصلحتك ومستقبلك😔😔😔😔😔 لان مرات نفسيتي تتعب وهواي حجي بس هذا مختصرر

وصلت رسالة جديدة 💌 My life isn't over actually.. I'll wake up and try again tomorrow..you too can.

وصلت رسالة جديدة 💌 صار موقف ضجت كلش وصارلي بالنص ساعة بس ابجي عمري كلة ساكتة من جنت جاهلة جنت ابجي بحدي وهذا الشي من قبل لا ادخل مدرسة جنت من اضوج او ازعل ما اتمرغل بالكاع ابجي بحدي ومن كبرت صرت ما اريد احد يشوفني وانا ابجي ابد ابد يعني هذا شي جزء مني انا فلانة هيج ما احب احد يشوفني وانا ابجي دائما اتلاحك روحي بس هيج احس بالغصة او البجية ما اكدر احبسها انسحب بكل هدوء و ابجي وحدي وما اخلي حتى احد يحس ليش هيج ليش ليش لييييييش اليوم من دون كل الايام ومن دون كل الساعات جانو كلهم موجودين العائلة كلهم شلع قلع ودمعت عيني وجان ممكن احبسها جان ممكن ارجعها جان ممكن مايصير شي لوما ذيج باعت بنص عيني وكالت ياء هاي شبيها انا هنا ماكدرت اكثر ورغما عني دموعي طاحن عشرة عشرة وما ادري وين انطي وجهي جانت الغرفة متروسة وين ما اباوع عيون عيون كلها عينها بعيوني دنكت هيج وكعدت بمكاني ما اكدر اطلع وما اكدر ابقى اكره هيج حصرة الجلب ... وهذا يوم ماراح ينمحي من ذاكرتهم ادري كل واحدة منهن لان اليوم يوم مميز الهن النا وزربت بنصة رباه هسه انا كاعدة بغير مكان وكلهم ملتمين وكل فرد منهن براسة السبب اللي يريده عن ليش بجيت ما اكدر احجي ما اعرف ليش اقصد حتى بحالتي العادية ما اكدر احجي عن اي شي مضوجني مهما جان زغير مهما جان زغير يعني هيج هيج اصغر واتفه شي بالدنيا اذا مضوجني هالكد ما اكدر احجي ياربي ليش انا هيج ؟ والله ما ادري ياعمري انتي ليش ؟ واذا واحد سألني اكول ما ادري او اجذب زين انتي انطيتي سبب جذابي ليش ماتكدرين تكولين السبب الصدكي ؟ مامتعلق بالسبب اي سبب بالدنيا مضوجني او مبجيني ما اكدر احجي هيج حلكي يوكف بالعباس ابو فاضل ما اكدر كلواحد هسه عدها صورتها الخاصة مني قطعة زغيرونة هيج وانا ابجي كدامهم وحده منا راح تتذكر الاضاءة هيج والثانية الكاعدة منا راح تتذكر شي ثاني لان شعري جان من هاي الصفحة وثانية راح تتذكر شي ليش ما احجي ليش انا مو مثل البشر ليش من واحد يكول ليش اكول ما ادري لو اكول شي تافه ليش انطيهم هاي الصورة عني ليش ليش حتى من واحد ياخذ حقـي من حلكي اخذ ما اكدر اكول لا ما اكدر اكول حتى لـيش ؟ ما اكدر اسأل ربي ليش انا هيج هيج انا انسان بعدين من اصير بين الناس بالعالم الحقيقي راح ياكلوني ويزر*بوني راح يدوسون علي ما اريد اصير هذا الواحد اكره روحي لا ما اكره روحي اكره شخصيتي اكره شخصيتي اكره شخصيتي شلون ماتكون ختكون بس مو اليدوسون علي ويمشون اللي ينطونة حقوقه كأنما مسوين علي فضل اتمننننى من كل كلبي تعوفون الحجي اللي فوك وماتردون علي كانما ما موجود بس منو يعرف خوش بداية لقراءة علم النفس السريري

وصلت رسالة جديدة 💌 العام هيج يوم اعترفت بحبي بطريقة غير مباشرة لشخص وهو قال انه هو ما يحبني وقتها كان عندي احساس انه هو يحبني بس ماقدر يقولها ف ببقيت احاول احصل الجواب وقال انه يحبني بس من يومها لليوم واني مشمئزة من نفسي .

وصلت رسالة جديدة 💌 اخوان عندي صديقة عرفتها قبل سنتين بالجامعة هي من عائلة متوسطة أو فقيرة يعني مرات تجي للجامعة وماعندها مصروف تشتري شي تاكله ف اني جنت انطيها وعادي احبها واعتبرها مثل اختي بس مرة گالتلي ان هي عندها صديقة ثانية تصرف عليها وگالت همين انو هي ماتحب صديقتها وإنما داتستغلها حتى تنطيها فلوس وتعزمها على أكل وتجيبلها هدايا وانو هي تكرهها وحتى شتم تشتمها للحظة اني فكرت انو هي ممكن دتعاملني نفس الشي ! خصوصاً بالفترة الأخيرة حتى بالعطلة صارت تطلب مني رصيد هواي واني بسبب سذاجتي جنت كلشي انطيها وإذا عندي وما انطيها ضميري يگوم يأنبني وما ارتاح أبد كرهت تصرفاتها كلش لمن تجي يمي وتحجي على صديقاتها وتطعن بيهن ولمن تصادفهن تسلم عليهن وتضحك وياهن ! اخاف فد يوم تختلف عليه وتطعنني وتأذيني لأن كلشي اتوقع منها بعد الي صار صرت ما ارتاح وياها ولا اطمئن لكلامها تسولف بالدين وهي ترسل صورها للشباب مقابل فلوس ورصيد تسولف بالدين وتحجي عالناس وتسبهم وتطعن بشرف البنات هاي هسة دا انصدم واكتشفها بالجديد لأن جانت تمثل عليه طول هالسنتين

وصلت رسالة جديدة 💌 خاب شلون اختفي من الدنيا الوضعية احسها مو مريحة ابدًا ومو ع راحتي واحسني مقيد ومجبر ع هواية شغلات ما اريدها الوضعيةةة داجة