چەمەڕایی چەم

چــن دڵـی پــەڕوو وەتــەنی حـەیفا بــێ‌گـونـاح بلی و نـەمـەنـی حەیفا جـوانێ و باوشەو کەفەنی حـەیفا شـەرەفی جەبێخ هۆرکەنی حەیفا وەتەن پــەڕ بــیەن شیوەن و زاری خــوڐا بێ‌زحـمـەت بـڐیــەرە واری #خەمیار_هەورامی @chamaraiy7

هـەو پەڕوو سینەیەو حەر نامێ تۆ ! دڵــوو مـن چێــگە پــــەڕا زامــێ تۆ بــۆ خــەیاڵێ پـەی دەوای کەم مارا تۆ نـەبی ئی شــارە ئێتر کـەی شارا دوورەکـێ ! دەرڐێ دڵـی یــانێ تــۆ بــە هــەر جـۆرێـو وەشیێ بانـێ تۆ ئــای وەهــاروو ئــی ڕوا دێــر ئـاما تــۆ مـــەزانـی جــەسـەمـا چن زاما بۆ کـەسـم وەختـوو دەوایـا پـەیما نەفـەسـەت حۆکموو هەوایا پەیما بۆ تەمــاشەت پەڕوو یانەو تاسەی! مەڐەما هەم دەسوو ئاوات واسەی تـــۆ بــۆ دەرمانە چـەمێو وەسمانە دەسوو تـــۆ چـن مــەنەیا دەسمانە #خەمیار_هەورامی چــەمــەڕایـی چــەم @chamaraiy7

شــــێعرێوە بـــە نـــامێ تـــۆ ئــــەڐا بـــۆنــە دەوانە بـــەزمــــوو وەشـــەویسیـنە چ لازم کــــەرۆ شــانە ســــاتێــوە نیـا دڵ نـــەکــەرۆ چێـــگە  خــــەیــاڵت ئـی حــاڵە وەشــەیــما مـــەلــە بـــــۆ ویــنە بــزانــە کەیوەن بە سەروو وێت قەسەمی سەرقەسەما پەیم دیــسان بــەســەروو وێت خـــەفــەتا ، بێ تــۆ زەمانە بـــەشــــەکەم بـــە تــــەمـــاشێوە بڕی چێگە بەهانێ تـــاکــــەی دڵەکەم پــــەی تـــۆ مشــۆ گــێرۆ بــەهانە حــــاڵی مـــەبـــۆ ئی دڵمە نــــەبی لاشـــەنـــە ساتێو بــــۆ ویــنە خـــەیـــاڵـت بــــە بـــــوەو تـــۆوە زیـانە هــــەرچــن چــەمـــەکا تــۆنـە زەمان مـــدرۆ مەگێڵۆ ژیـــوایـە تـــەرا ، ســـاتێ کــە گــم بیـــنە چــــەمــانە مـــــەرڐا چـــــەمـــەڕاییـنە مشـــۆ کــەی بــۆ تەوافت ((  تـــاکــی بــە تمــــنای وصـــــال تــــو یـــگــانـــە؟!)) #تەزمینوو شێعرێوە جە شەیخ بەهایی تدوین :شهرام غلامی ،تاڤگە فیلم #خه‌میار_هه‌ورامی @chamaraiy7

بــە تامــوو بــێ‌قـــەراری چن ڕوێ لامـەو گنا باست خـــەیاڵێت ها بەرا ڕۆحـی و خـــوێ لامەو گنا باست بە مەیلوو تۆن هەواو حاڵوو دڵیما ئەی بە تۆ دڵ وەش ! خــەمێ دووریت شـەوێ  تا سەدٚ توێ لامەو گنا باست بە تەژنەی باخەکەو جارا قـــەسەم بۆ پەی تەماشێوی هــەزار جـــارێ بــە بێ‌تاقـــەت جـوێ لامەو گنا باست کەمێو سەرتەرجە شەوبۆ یاچنووروو سەرکەشاو تاسەی شــەمـــاڵ وەختێ مـیاوۆ چــن بــوێ لامــەو گنا باست شــــەوێ و بــەزمێ هــەوارێوی و ملـودی دڵ‌تەمادٚاری بــە شاهیٚدٚی هــــەســـارا چــن کــوێ لامەو گنــا باست قژێ خاوێ و هەناسەو وای، وەشا بەزموو وەشەسیایی! خــەیاڵێت خـــۆ  کــــەرا کارێـو مــوێ لامــەو گنا باست #خه‌میار_هه‌ورامی @chamaraiy7

بــە تــەنیایی چــەنی وێم خاسەنا خۆ جـە خـێڵوو ڕەنگـــەکا چـن یاسەنا خۆ ســـەرەم مێشۆ جــە ئەژناسای بـڕێوی دەمـێوا چێگە مـن حــــەر پاســەنا خۆ #خه‌میار_هه‌ورامی @chamaraiy7

کەسێوت هەن ئەگەر تاوۆ خەمێ وەیلان کەرۆ وەستا خوەو یاڐوو کەسێ شادی کەمێو مێمان کەرۆ وەستا چــەنی وێت ئـەر ملی گم بی دلێ بەحــروو خەیاڵارە دەسێو گەرمی وزۆ ڕۆحی و دڵی دەرمان کەرۆ وەستا #خه‌میار_هه‌ورامی @chamaraiy7

کەسم تاسێ دیەو تۆ حەر مەنێنێ خەمێت حەرتا بەیانێ حەر کەمێنێ دیەیت هەرچن دەسوو ئێمە مەیاوۆ خەیاڵێت پەی دڵی تەنگی وەسێنێ خەمیار هەورامی @chamaraiy7

جــە بێ دەنگی چە هاوارێ مڕانێ چــە ئاواتێ پـــەڕوو شارێ مرانێ زەمین و ئـــاسمـان مــاچانێ یۆیۆ  چـە حـــەیفا چێــگە نازارێ مرانی یاڐت تا ژیوای بەردەوام بۆ ئینا دڵمانە و لوایت مەحاڵا خەمیار هەورامی @chamaraiy٧

#خه‌میار_هه‌ورامی چەمەڕایی چەم @chamaraiy7

یــەلــدا شەوەکێ  من جـە شـەوا، ساڵێ فرێنێ بێ تۆ  خـــەمــەکا مـن جـە خــەما واڵێ فرێنێ پــایێزە شــەوێ چێــگـە درێــژینێ جــە کەیوە ســاتێــوە نــەبـی لامــەو خــەمێ تــاڵێ فرێنێ بــەزمــوو چـەمــەکا تــۆ چ تــەوافێــوە مـوازۆ پــەی سێــحرە تــەمــاشێوە جـە تۆ باڵێ فرێنێ ڕەسموو شـەوەکا چێگە درێژین و جە دووریت زانـی کـە خــەیــاڵێ  وەلـێ ســەر قــاڵێ فرێنێ سەرڐی نەفەسەو وەرزوو خەزانی بەدەسووتۆن دووریتـەنـــە یــەلـدا شــەوێ بـێ حـاڵێ فـرێنێ یـــەلـدا جـــە درێــژی قــژەکا تــــۆنــە مـــەنۆوە عـــەمڕێوە بــە یـــاڐوو تــۆ خــەمێ لاڵێ فرێنێ دووریـنەنــە زمــسـانـــە نــــەیارێــوەنە گم بوو خێـلوو وەشــــەویسینە وەلــێ فـــاڵــێ فرێنێ شــاڵێو بـــە بوەو تـۆوە مــەگــەر یــاوۆ بە داڐم ســـاکـــوو جلـەکا تـــۆنــە زوەن شـاڵــێ فرێنێ #خه‌میار_هه‌ورامی چەمەڕایی چەم @chamaraiy7

... دیـــدە و دڵـم پـــەی دیــڐەنی  تــاسێـنێ بــــۆ بـێ تــاقـەتی ســەڐ  کاغــەزێ  ئا سێنێ  بۆ وەختـــێ نــەبی هیچێو نیــا دڵ وەش کەرۆ ئی گـــرڐ خــەمـا ئــــەر تـۆ نەبی کێ لا بەرۆ؟ بۆرەی هەناسەو پەنجەرەی کەوتەن خەتەر لاڵ و بێ دەنگ  زەنگوو بەرەی کەوتەن خەتەر پــەرســا هــــەواڵت لامنـــەو سەر بانەکێ تــەژنــەو دەســا تــۆنی کـــەسم گوڵدانەکێ چـــن عـــەزابا  وەر جــیا بـــۆ سەرکەلی ئامــای وەشــا  ، وەختێوە مــەی ئێتر نەلی!! هەفت ئاسمانوو دڵوەشی حەر وێتەنی ! یانـــەو دڵی دەنگێش ملا بەر وێتەنی خەمیار هەورامی @chamaraiy7

مزانی چەمەڕایی @chamaraiy7

پەی دما ڕۆی بیەیت لازم کەرۆ پەی وەڵاتەکەیما شێعرت شعووروو ئەنە یاوای و هەستت چووزەو بەڕەزاو سەرشاخەکاو هەورامانین ئەگەر گۆشێو پەی ژنیەی بۆ

فستیواڵوو گەلاوێژی و سەرەنجێوە وێمانێ ! پەی ویس‌وهەشتومین کەڕەتی فستیواڵوو گەلاوێژی جارێوە تەر باوشەو شاروو فەرهەنگینە جە سلیمانی زیا و وێش ئەرمانا، لاو منی هەورامیەو ئی جارە گەلاوێژ هەر فرە پرشنگ دارتەر و زەریفتەر  بێ، چوون پەی ئەوەڵ جاری شێعرەی تازێ هەورامیە جە هەستە زەریف و بێ وێنەکەو ناسک خەیاڵی وەشەویسی کاک دوکتور " سەلمان خودامورادی" جە ئەنجۆمەنوو ئاوەزوو شاروو سنەی بەشداریش کەرد و هۆرچنیا، کارم نیا سەروو ئانەیەو کە کێ چی بەشێ شێعریەنە بێنێ و کێ‌وکێ  هۆرچنیای کە تاک تاکشا دلێ شێعرەی تازێ کوردیێنە نامیێنێ وەلێ قورسه .و یاگێ دەسەلاتی و ویری شێعری. مەزانوو چی وەلێ هەرچن پەی فرەو ئانیشا فستیواڵەکەنە بێنێ شێعرەی تازی هەورامیە غەریبە بێ و نەژناسیا وەلێ فرێچ بێنێ کە عال ئەژناسێنێش و وێشا دێنێ پەو ڕاکێرە، مەگەر هەورامی شێعرەی تازێش هەنە ؟؟؟! بە باوەڕوو من دوکتور سەلمانی ئازیز عال تاواش ڕچێو ماڕۆ پەی ئێساڵوو گەلاوێژی و گەڵاوێژانێوتەری، پەی ئەوەڵ جاری بەشداری شێعرەی هەورامیێ و هۆرچنیایش و چاگەنە ئەوەوانایش و دکلەمەش، کاروو هەر کەسی نەبێ، لاو منەو بە ئەنازەو هەزار هەمایش و ئەرەنیشتەی کەڵکێ و دەسکردێش پەی ئیسە و دمارۆی هەنێ و چڕێش گۆشوو گەلاوێژیرە: ئیمەیچ هەنمێ بەڵام بەرز،  پێسەو عودالٚانی و تەتە و داڵانی. تا ئێگەش فرە بارک و پیرۆزا هەم سەروو شێعرەی تازێ و هەم سەروو ناسک خەیاڵی ئازیزی دوکتور سەلمان خودامورادی جە ئەنجومەنوو ئاوەزوو شاروو سنەینە، دماو چن ڕوا و گێڵایەو دوکتور سەلمانی و هەر پاسە وایراڵ بیەی فیلموو وانای شێعرەکێش و هەرپاسە عەکسەو هۆرچنیایەکا دلێ پەیجەکەو دوکتور سەلمانیەنە ، سەرەم سڕ مەن ئیمە پێسە وەردەنگوو شێعرەکێ و هەرپاسە شاعێر و نویسەر و فەرهەنگی  خەریکوو چێشیەنمێ و چێشمانە؟؟! وختێو کەسێو خاس سەرەنجەو پەیجەکەو دوکتور سەلمانی بدٚۆنە و ئا پوستێ کە جە بارەو فستیواڵوو گەلاوێژیەو نریاینێرە،   خەم موەرۆ و بێزار بۆ جە شاعێر و نویسەر و فەرهەنگی هەورامانی کە چن لایک چن کامنتێ و چن ئێستوریێ دەس وەشی و بارک واتەی نریایرە؟؟ دڵم مەنەو پەی وێما خەریکێ چێشیەنمێ ئەگەر کەسێو جە مۆکریان لوابیەی ئا یاگێ دوکتور سەلمان لوان، دەسەو  شاعێرا و نویسەرا خودٚا زانۆ چێشش پەی کەرێنێ! مەزانوو واچوو قینیەنە، بەخاڵەتا، وەش نامایا، غەرەزا مەزانوووووووووو کە ئێستۆری کامنت یا لانی کەم لایکێو چێش کەم کەرۆ جە ئاسانەی موبارەکێتا؟؟ پاڵپشتی لاماوە تێکەڵ بیەن چنی غەرەزی وقینی و بەخێڵی و حەز نمەکەرمێ کەس سانتێو جە علمی شەل و وێرانیما سەر بۆ ... و سوالێوە تەرە ویریم تەکنۆ کە ئەگەر جیای دوکتور سەلمانی خاتوونێوە زوڵف واشانە بیەی هەرچن شێعرەکێچش عالە نەبیەی ئێستۆری، کامنت و لایک هەر پیسە بێ؟ وێتا و کڵاوەتا قازی . ئاواتم ئانەن هێزوو پاڵپشتی و یۆگێریما ڕۆبەڕۆ فرەتەر بۆ، بێ ئانەی فکرێ کەرمێوە بە حاشیەکا، تەنیا ویرما زوانی ئەدٚایی بۆنە و ئاوەدٚانی هەورامانی. #خەمیار هەورامی

@chamaraiy7 چەمەڕایی چەم #خەمیار_هەورامی

تا بەرۆما بەحرەکەو  ئی گرڐ خیاڵا خاسەنا تا سەروو خێڵوو خەما تۆ چێگە قاڵا  خاسەنا ئەر وەشی کریۆ قڕان و دەس نەڐۆ پەی بێ کەسی ویرەکێ تۆ تا هەنێ چا دوورە ساڵا خاسەنا ئاخرش هەر پەی تەوافێوی گنۆ نۆبەو وەشی پا ئۆمێڐەو دڵ وەرۆ ئی داخە تاڵا خاسەنا بۆ وزەم باوەشەو خەمێوی زوو بە زوو بەش بێزیەوش تا خەمت حەر یەک نەفەس لامەو بە تاڵا خاسەنا تۆ نەبی یاگێ قەراری بێ قەراری خێزنۆ بێ خەبەر سۆتەی وەشا پەی سۆتە باڵا خاسەنا چرکە ساتێو دیڐەنت مێژۆ کە عەمرێو خەم وەری بێ خەفەت یاوای بە یاری چن مەحاڵا خاسەنا #خه‌میار_هه‌ورامی @chamaraiy7 چەمەڕایی چەم

ژیوای کە نەبێ تۆ مەبۆ تەفسیر و مزانی شادی مەبۆ بێ تۆ مەبۆ تەقدیر و مزانی ئێشەو خەمێ تا وەر بەرەتا خەیلێ چڕیشا بەسیان بە دەس و پاوە چ زەنجیر و مزانی بۆ وینە خەمت ڕۆحی به چن  جۆرێ برێژۆ داخێتەنە دڵ سەڐ توێ دڵگیر و مزانی هەو ئاوەڕوو شێعرا دڵە سۆتەی مەڵە بۆڕەی حەر خەم کەرۆ سەڐ سالێ دڵی پیر و مزانی سەڐ یاگێ دڵی پینە موازانێ دەساتەو هەرسی جە شەمێ  گەش کەرۆ ئاویر و مزانی وەرموو شەوە تارێنە وەشی ئێمە  چڕێ خۆ شاڐی بە خەمێ کریۆ بە تەعبیر و مزانی #خەمیار_هەورامی @chamaraiy7

‍ 🌷🌷بیسوو شەهریوەروو 1404 وەراوەرا چنی بیسوو شەهریوەروو پەنجا و ششی ڕۆ ئەڐا بیەیم🌷🌷 ساڵێوتەر لوا ..... پەی ڕۆ ئەڐا بیەیم کەمێو شەوبۆ  هەواری بارە بۆ باقێوو چنووروو سەرکەشا بەرزی نساری بارە بۆ وو باوشێو تەماشەی پڕ بە دڵ، بەشکەم مجی ژیوایەرە پەی ئێنتێزاروو ئاچەما سێحروو قەراری بارە بۆ دەی وارە زڵفی بەشکەتێ تاڵێ گنۆ شاروو دەسا حەر پەی خەڵاتێ نازەنین تاجەو  هەناری بارە بۆ بەش فوو کەری تا ئی خەمێ  یەک ڕۆ بلانێ ساڵەنە شاڐی چنی نازوو چەما دیڐەو نێگاری بارە بۆ مەر بەی کە ڕۆ ئەدا بیەیم تەنیا چەنی تۆ بۆ وەشی جامێو شەرابوو دیڐەنی پەی ئێنتێزاری بارەبۆ ئەر بەی بە جارێو دڵ وەشی کریۆ سەنەد پەی ساتەکام سا ورڐە بەزمێو دڵ وەشی  پەی دەرڐەداری باری بارەبۆ خەمیار هەورامی ده نگ ‌‌;سعید احمدی @chamaraiy7

وەهــــــار!! چرکە چرکەو ساتەکا یۆیۆ ملا ئاما وەهار پەی دڵەی بێ‌تاقەتی تۆ دوورە بی کاما وەهار ئایێروو نەوڕۆزەکەیما حەر بە دیدٚەن هۆرگڕۆ بێ تەماشەو ئا چەما ئەی چێگە بێ‌تاما وەهار سوورە گۆراڵێ بڕێو جارێ جە داخێ بەر مەیا کەس مەزانۆ چی زەمانەی چی دڵش زاما وەهار ساڵەتازێ حەر چڕۆما هەو بەهانێ دڵوەشی مەر چەنی وێت بەختە بارۆ بەیوە سەر ڕاما وەهار خاس متاوی وێت کەری کارێو وەهاری پا بەسی پێسە مێمانی جە کەیوەن سەر مدٚۆ لاما وەهار نەرمە واران چن مێلۆدی فاڕیای حاڵوو دڵین پەی کەسێوی بێ‌قەراری ئاوێنە و جاما وەهار #خه‌میار_هه‌ورامی چەمەڕایی چەم @chamaraiy7