الفيزيولوجيا مع الدكتور يزن القطان

السلام عليكم طلابي الاعزاء فيه مشاكل بلأنترنت بمنطقتي صاير قصص ف اعذروني ما قدرت ضل معكم طول الوقت😔 المهم بكرا ان شاء الله بتخلصوا من كل الهم يلي عليكم اهم الشي لا تخافوا حتى لو مقصرين يا شباب إنكم تقصروا بفصل و تخسرو 5 ل 6 اسئلة احسن من إنكم ترتعبوا و تروحو امتحان كامل بأذن الله ما بيضيع تعب حدا و منشوفكم بكرا طالعين بأسئلة سهلة بأذن الله😁 موفقين جميعا دكاترتي❤️

3⃣مفرزات المعدة (شهيييق🫩) 🔵مكونات العصارة المعدية (تفرز المعدة 2 لتر يومياً) ⭕️الماء والشوارد: يشكل الماء 95% منها وتحتوي على شوارد غنية مثل الصوديوم و البوتاسيوم و البيكربونات والكلور. ⭕️إنزيم الببسين: يفرز بلأول بشكل غير نشط (الببسينوجين) ولما يتفعل بوجود الحمض بيصير (ببسين) ووظيفته يفكك البروتينات ويهضمها. ⭕️بروتينات البلازما: ألبومين وغلوبرولينات مناعية. ⭕️العامل الداخلي (Intrinsic Factor): بروتين تفرزه الخلايا الجدارية بالمعدة بيمسك بـ فيتامين B12 وبيحميه من الهضم عشان يقدر الجسم يمتصه بعدين 🔵العوامل المنشطة للأفراز ⭕️هرمون الغاسترين يفرز من المعدة و العفج ⭕️ الهيستامين بيأثر على مستقبلات H2 مشان هيك اذا بستعمل أدوية حاصرات H2 ببطئ من نشاط الإفراز ⭕️هبوط سكر الدم (بدي لحق سكر الدم ف بستعجل بالهضم) ⭕️رائحة الأكل، رؤيته، أو حتى مجرد التفكير فيه. (المنعكسات) ⭕️تنبيه الأعصاب اللاودية ببساطة بتنشط الجهاز الهضمي ف بتنشط الإفراز 🔵العوامل المثبطة للأفراز ⭕️المنعكس المعوي - المعدي: لما تزيد حموضة الأكل الواصل للأمعاء بتبعت إشارة للمعدة مشان تهدي الإفراز (تثبيط) ⭕️هرمونات متل السكرتين بتنفرز من العفج و بتثبط الإفراز ⭕️الغلوكاكون و الستوماتوستاتين بينفرزو من جزر لانغرهانس و بيثبطو الإفراز المعدي ⭕️تنبيه الأعصاب الودية عكس اللاودي😁 🔵وظائف مفرزات المعدة ⭕️الدفاع لان عندها حمض بيقتل البكتيريا ⭕️تحريض البنكرياس على افراز عصارة غنية بالشوارد ⭕️تحريض العفج على افراز السكرتين (حكينا ليش) ⭕️المساعدة على امتصاص الحديد و الكالسيوم لان بيعمل وسط حمضي ⭕️تحويل مولد الببسين ل ببسين (لان الوسط حمضي) ⭕️ الحفاظ على فيتامين B12 بسبب العامل الداخلي 🔵مراحل افراز الحمض اثناء الهضم ⭕️الطور الرأسي: تبدأ المعدة تفرز حمض قبل ما ينزل الأكل أساساً (بمجرد ما تفكر بالأكل، تشمه، أو تشوفه) ⭕️الطور المعدي: يزيد الإفراز جداً لما ينزل الأكل للمعدة بسبب توسعها وبسبب وجود البروتينات ⭕️الطور المعوي: لما يوصل الأكل للأمعاء (العفج) الأمعاء بتفرز السكرتين مشان يوقف حمض المعدة استثناء لو كان الأكل مليان بروتينات او دسم الأمعاء بتفرز غاسترين بدلاً من السكرتين فبتزيد حموضة المعدة 🔵خطوط دفاع المعدة ⭕️طبقة المخاط: جدار عازل يغلف بطانة المعدة ويحميها ⭕️البيكربونات: تعتبر مواد تفيد بتعديل الحموضة تفرزها خلايا المعدة لما تزيد الحموضة (أقل من pH 3) لتعديل الحمض فوراً على السطح ⭕️التجدد السريع: خلايا بطانة المعدة بتجدد نفسها بسرعة وترمم أي تلف ف اذا برمم بسرعة ما بخرب بسرعة ⭕️البروستاغلاندينات: هي "المشرف" على كلشي قبل بتزود المخاط والبيكربونات وتحسن تدفق الدم. ❗️نقطة مهمة: المسكنات (مضادات التهاب غير الاستيروئيدية) والتقدم بالسن بيقللوا البروستاغلاندينات وهاد السبب الرئيسي لظهور القرحة واضطرابات المعدة عند الكبار بالعمر

وظائف المخاط بشكل عام

2⃣مفرزات المريء المريء بس بيفرز مخاط لا اكتر ليسهل عبور اللقمة للمعدة وظائفه كمان رح صورها و أشرح اللازم

🥰الوظيفة الافرازية🥰 اهم وظيفة بجهاز الهضم (و اطول وحدة😭) رح اختصر المقدمة لان كلها رح تنعاد لقدام المفرزات 1⃣اللعاب Salvia 🔵بينفرز من الغدد اللعابية الكبيرة بشكل اساسي 🔵بيفرز الانسان لتر لعاب يوميا تقريبا 🔵بيشكل 99% من تركيبه ماء 🔵تركيز شوارد الصوديوم و الكلور في اللعاب اقل من البلازما (اللعاب طعمه مالح شي؟ لا مشان هيك كلوريد الصوديوم فيه قليل) _تركيز البوتاسيوم و البيكربونات اكبر من تركيزهم بالبلازما 🔵انزيمات اللعاب الاميلاز اللعابي و الليباز اللساني و الليزوزومات 🔵ضوابط افراز اللعاب منعكسات غريزية (شفت اكل او عم تاكل هاد الاكل) منعكسات شرطية (شميت ريحة اكل او سمعت الوالدة عم تقلك عاملتلك ملوخية) 🔵فوائد اللعاب ما رح اكتبن واضحين🙂

5⃣ الفعالية الحركية للأمعاء الغليظة 🛑حركات ضعيفة لها نوعين 🔵حركات مزج عرك المواد تبع الكيموس لحد ما يصير قوامه عجيني كمان بتدفش و بتدفع الكيموس 🔵حركات كتلية حركات تقلصية بتنشأ من القولون المستعرض تدفع الفضلات بأتجاه المستقيم هام❗️ هي الحركات بتظهر بعد ما الواحد ياكل بتدوم ل 20 ثانية بتروح بترجع 20 ثانية بتروح بترجع .... الخ هييييك لمدة 20 ل 30 دقيقة 6⃣الفعالية الحركية للمستقيم 🔵حصر مواد الغائط كيف فيني احصر الغائط؟ لازم كون مسكر مدخله و مخرجه ⭕️يعني لازم ارفع الضغط بمنطقة اتصال السيني بالمستقيم (المدخل) ⭕️معصرة الشرج الخارجية بتخضع للأرادة ف بتضغط كمان (المخرج) ⭕️في عامل تالت هو انو المستقيم بيقدر يسترخي و بالتالي بيقدر يستوعب كميات من مواد الغائط 🔵التغوط لما توصل مواد الغائط للمستقيم و يصير الحصر متل ما حكينا بيصير فيه رغبة انو الواحد بدو يفوت الحمام طبعا لما تكون الظروف مو ملائمة فيه معصرة خارجية بتخليني اتحكم بالموضوع و لما تكون الظروف مناسبة بيتنشط الفعالية الحركية تبع المستقيم و بترتخي المعصرتين الشرجيتين ❗️حركات التغوط بتتدعم مع تقلصات بالبطن و عضلة الحجاب الحاجز كرمال ارفع الضغط و سهل الخروج فوق هيك بتتسكر الحنجرة

4⃣ الفعالية الحركية للأمعاء الدقيقة نوعين من الحركات 🔵حركات مزج تقوم بها عضلات ملساء دائرية تمزج الكيموس مع العصارات الهاضمة و تؤمن سطح مناسب بين الكيموس و الزغابات للأمتصاص 🔵حركات الدفع تقوم بها العضلات الدائرية و الطولانية تسهم بدفع الكيموس للقولون تزداد الحركات التمعجية عند الاسهالات

3⃣الفعالية الحركية للمعدة قبل ما نبدأ نحكي افكار سريعة ⭕️وظيفة المعدة الاساسية خزن الطعام و سعتها لتر و نص لان جدرانها بتقدر تتمدد / المسؤول الاساسي عن الخزن هو القسم العلوي ⭕️تفتيت الطعام و تشكيل الكيموس مسؤول عنه القسم السفلي من المعدة منبدأ شرح عندي اختراع اسمو بواب و عفج المعدة بتفرغ الكيموس بالعفج عن طريق البواب لما تبلش الحركات التمعجية تبع المعدة (رح نحكي عنها بعد شوي) بيكون البواب مفتووح بس يوصل الكيموس لعند الغار (قبل البواب بشوي) بيتضيق البواب بشكل كبير طب منطقيا انا كان عندي حشد بشر رايح يطلع من باب و لما وصل لعند الباب سكرته بوشهم شو رح يصير الناس رح ترتد لورا و ترجع تقرب و ترجع ترتد و ما بيمرق من الباب غير الشباب النحاف و الصغار لعند العفج كل الحكي فوق بصير للكيموس و شرحتو هيك مشان يعلق براسكم😉 قال هي الشغلة يلي حكيتها فوق (تبع يجي الكيموس يرتد من عن البواب المتضيق و ما بيمرق غير الجزيئات الصغيرة و الماء) مين بيعملها؟ الحركات الغارية التمعجية ❗️هي الحركات بتتميز انها قوية و اقوى من حركات المزج يلي بتصير بالمعدة ❗️يستغرق إفراغ وجبة طعام من 3 الى 5 ساعات العوامل المؤثرة بسرعة الافراغ (هااام) 1⃣حجم الطعام كل ما زاد حجم الطعام زادت سرعة الافراغ طب ليش؟ لان زيادة الحجم = زيادة الضغط ف بيزداد الضغط تبع الطعام و بيتغلب على ضغط البواب و بيفتحه ❗️زمن الافراغ بيزداد لان كمية الاكل يلي لازم فرغها بتزيد لما زيد حجم الطعام 2⃣خصائص الكيموس كل ما زادت حموضة الكيموس بيزيد الافراغ الشرح : المعدة بتفرز حمض كلور تمام؟ ف هي بتضل بتفرز شي حمضي و الاكل يلي جاية عم يعدل الحموضة و يخففها طب لما يصير الكيموس حمضي حمضي يعني انا ما ضل عندي اكل غير مهضوم لان كللل الاكل نهضم و المعدة مازالت عم تفرز عم حمض و صار الكيموس حمضي😉 مشان هيك اذا الاكل نهضم كامل ليش لخليه بالمعدة😂 بزيد الافراغ مشان اخلص منه🔥 3⃣الوجبات الصلبة بتاخد اكتر من الوجبات السائلة وقت بلأفراغ لان الوجبات الصلبة بدها وقت اكتر من السائلة لحتى تتكسر لجزيئات صغيرة تقدر تعبر البواب 4⃣الضغط الحلولي لما يزيد بيزيد الافراغ لان لما أهضم كلشي اكل بالكيموس بصير اغلب الاكل منحل بالماء يعني كمية ضخمة من الجزيئات الصغيرة منحلة بالماء (حلولية عالية)😉 5⃣غنى الكيموس بالمواد الدسمة و البروتينات (لساتها شقفة وحدة) بيقلل الافراغ و بيأخره لان الاكل لسا ما نهضم قال بصير عندي منعكس معوي-معدي (لان المنعكس اجى من المعي و اثر بالمعدة) بيثبط الحركية و الافراغ (مشان أعطي الاكل وقت ينهضم اكتر ) عن طريق افراز الكوليسيستوكينين يلي بيثبط حركة المعدة و بيزيد الضغط على معصرة البواب

2⃣البلع swallowing يتكون من تلت اطوار 🔵الطور الفموي مرحلة إرادية بيتم فيه نقل الطعام من الفم للبلعوم 🔵الطور البلعومي لاارادي بيصير فيه اغلاقين اغلاق لجوف الانف عن طريق شراع الحنك اغلاق الحنجرة عن طريق الفلكة ليش بصير هيك مشان لما ابلع بضغط الطعام بأتجاه التجاويف المفتوحة مشان هيك ما بخلي شي مفتوح الا المريء ❗️لما ابلع بسكر مجرى التنفس و بيوقف التنفس فتح معصرة المريء العلوية لان بالوضع العادي بتكون مسكرة 🔵الطور المريئي لا ارادي بتمشي اللقمة من الاماكن التالية ⭕️معصرة المريء العلوية اول تلاتة cm من المريء بتتكون من عضلات مخططة إرادية بترتخي لما ابلع ⭕️جسم المريء نصه العلوي عضلات مخططة و نصه السفلي عضلات ملساء لما توصل اللقمة للمريء بصير عندي نوعين حركات اول نوع حركات تمعجية أولية غايتها تدفش اللقمة لتحت على المعدة و ثانوية غايتها تنضف المريء من بقايا الطعام يلي ما ندفشت بلأولية ⭕️معصرة المريء السفلية هي معصرة فيزيولوجية (يعني مو حقيقية او تشريحية) الضغط فيها مرتفع مشان يمنع الطعام يلي بالمعدة و الحموضة من الارتجاع اذا صار و تم ارتجاع مواد المعدة الحامضية بالمنطق كأنك كبيت حمض على ايدك رح يحترق و يتخرش و اخر شي مع التكرار بيتليف (بيصير فيه طبقة جديدة يعني بالمشرمحي سرطان) العوامل المؤثرة في ضغط المعصرة السفلية (هاااام👀) 1⃣الغاسترين و بنت الغاسترين بتزيد الضغط 2⃣زيادة حموضة المعدة بتزيد الضغط (منطقيا لان اذا زادت الحموضة لحد كبير و كان الضغط خفيف رح يصير ارتجاع..... يعني مصيبة😀) 3⃣تنبيه الالياف اللاودية كمان بيزيد الضغط (لان لما يتفعل اللاودي يعني الجسم بحالة راحة ف لازم أهضم صح ف بزيد الضغط) 4⃣الطعام البروتيني بزيد الضغط 5⃣مضادات التشنج بتخفف التشنج و بترخي العضلات (يعني شباب مالها فيزيا واضح شو بتعمل😂) بتقلل الضغط 6⃣الكافيين و التدخين و الشوكولاته بيقللو الضغط (احفظوهم لان شرحهم جريدة😭) 7⃣التنبيه الودي بيقلل الضغط (اكيد سمعانين بحدا عصب عصب او خاف خاف بعدين صار معه حرقة من المعدة هي نفس الفكرة😁)

أ سهل ب يعني اذا بلعت اكل حوافه حادة الجهاز الهضمي رح ينجرح ج كل ما صار حجم الطعام اصغر كل ما زادت مساحة سطحه (بيولوجيا فصل 3😒) بالتالي اسهل التعرض للأنزيمات د الفواكي و الخضار بيحيط فيها سيلليوز و هو غشاء مقاوم للأنزيمات الهاضمة البشرية بالتالي لأستفيد…

أ سهل ب يعني اذا بلعت اكل حوافه حادة الجهاز الهضمي رح ينجرح ج كل ما صار حجم الطعام اصغر كل ما زادت مساحة سطحه (بيولوجيا فصل 3😒) بالتالي اسهل التعرض للأنزيمات د الفواكي و الخضار بيحيط فيها سيلليوز و هو غشاء مقاوم للأنزيمات الهاضمة البشرية بالتالي لأستفيد من المواد الغذائية جوات الخلايا النباتية لازم كسرها

الفعاليات الحركية.... بلشنا بالجد ركزو😏 1⃣المضغ mastication _حركات ميكانيكية بلأسنان تقوم بها العضلات الماضغة (يلي هي عضلات إرادية😱) +عضلات تانية متل اللسان و الخدين _تقوم بتحريك الطعام و تقطيعه و مزجه مع اللعاب فوائدها ما رح اكتبن رح صورهم مشان الوقت و يلي بدو شرح رح اشرحه

🛑ضبط الوظيفة الحركية عندي نوعين ضبط متل كلشي اجهزة تقريبا بالجسم ضبط عصبي و هرموني 🔵نجي نحكي عن الضبط العصبي ⭕️عنا تعصيب داخلي😭(مليتو من الفروع) يتألف من نوعين من الضفائر 1⃣ضفيرة اورباخ موقعها بين العضلات الطولانية و الدائرية يلي قبل شوي حكيت عنهم بما انها بين عضلات ف وظيفتها حركية.... يعني مسؤولة عن حركات أنبوب الهضم 2⃣ضفيرة مايسنر موقعها بالطبقة تحت المخاطية بما انها بطبقة عندها اطلالة على جوف الهضم ف وظيفتها افرازية يعني مسؤولة عن المفرزات بالجهاز الهضمي ⭕️عنا تعصيب خارجي 1⃣الاعصاب اللاودية (العصب 10 مثلا) بتحرر استيل كولين و بتزيد نشاط الجهاز الهضمي 2⃣ الاعصاب الودية من العقد على جانبي العامود الفقري بتعطي نورادرينالين و هيك قصص بتثبط الفعالية الهضمية 🔵الضبط الهرموني ك اهمية بالنسبة لحركية الجهاز الهضمي يعتبر اقل اهمية من الضبط العصبي (بالنسبة لتنظيم حركية الجهاز الهضمي بس يا شباب مو تفكروا بكلشي🙂) بتشارك فيه هرمونات بنذكرها بعدين كلشي بوقتو حلووو😝

🔥الوظيفة الحركية🔥 🛑انواع العضلات تكون 1⃣عضلات مخططة إرادية مواقعها كلشي فيك تحركه بالجهاز الهضمي الفم/البلعوم/القسم العلوي من المريء/معصرة الشرج الخارجية 2⃣عضلات ملساء لا إرادية باقي ما تبقى 🛑بنية جدار أنبوب الهضم رح نحكي الشغلات المهمة بشرح و الي مو مهم عالسريع الطبقات 1⃣طبقة مصلية(مش مهم) 2⃣طبقة عضلية و تتكون من قسمين ألياف طولانية خارجية ألياف دائرية داخلية 3⃣طبقة تحت مخاطية (ضفيرة مايسنر تذكرو كلامي😉) 4⃣طبقة مخاطية كمان مو مهمة كلامنا على العضلات❗️ فيه نوعين حركات بتعملها العضلات الملساء بالجهاز الهضمي 1⃣حركات مزجية بتخلط المحتويات يلي اكلتها مع العصارات الهاضمة 2⃣حركات تمعجية وظيفتها انها تدفع كلشي اكلته على طول الجهاز الهضمي هيييك للشرج

رح نقسم الفصل 4 اقسام اساسية حركية/افرازية/هضمية/امتصاص🥰 بسم الله نبدأ

مبدئيا اللمحة التشريحة ما كتير مهمة لان انتو عم تدرسو فيزيولوجيا و ليس تشريح يعني ما بيجيبو اسئلة تشريح هون😆

فصل 10😭 اخد معي كتير وقت بلشت فيه 6 و ما خلصت ل الساعة 8 و نص و انا عم راجعه (لهلق عم بكتب فيه😀)