Elite Anatomy 💀

فكرتني نسيانك و ما لح نزلك رسالة🥹❤️‍🔥 🔴 اول و اهم شي خليك رايق بهي الاثناء لا تضوج و تتلبك اذا مو ملحق هالضوجة يلي ضايجا لح تأثر عليك سلبا بزيادة مو ناقصك انت .. صح ؟ طبيعي انك تكون متوتر و خايف .. بس المو طبيعي تخلي هالتوتر يسيطر عليك خليك متحكم بنفسك و دايما عم تقول جواتك " انا قدا " 🔴 تاني شي حاول من هلق لبكرا الصبح تضل عم تقرأ بهل وراثة اقرأ اكبر قدر ممكن من المعلومات كل شي بتقرأو حاليا بنسبة كبيرة لح تتذكرو بكرا اذا في شي فصل مو دارسو ابدا شوف الفيديوهات فورا او اقرأ من الملحق المهم لا تروح عالفحص و في فصل مو مارق عليه كتير اوقات بالوراثة مجرد فهمك للفصل كافي يخليك تحل كامل اسئلتو .. ما شرط تكون باصمو مية بالمية 🔴 حل بترتيب الورقة لا تحل بعشوائية اذا شفت مسألة شجرة النسب حلا فورا ما تتركا و ترجعلا للاخير 🔴 لا تقارن علامتك بعلامة طالب بغير دفعة مو اذا شفت طلاب جايبة ١٠٠ يعني انت لااازم تجيب ١٠٠ في دفعات بتجي الاسئلة سهلة بتقدر الطلاب الدارسة تجيب ١٠٠ و في دفعات بتكون الاسئلة سم .. يعني علامة ٩٠ تساوي ال ١٠٠ اطمح لل ١٠٠ دايما .. بس اذا ما جبتا لا تكتئب مو نهاية العالم هااانت ما عاد بقيان شي موفقين🙏🏻🙏🏻

يعطيكم العافية يا اكابر اشتقنالكم ❤️❤️❤️❤️ نصايح مهمة بالنسبة لفحص بكرا 🫡🫡 1- النص يا صديقي النص لا تفوت عالفحص و انت مرعوب منو و شايل من مخك فورا 10 علامات و معتبر انك ما لح تعرف تحل شي منو اذا بدك تفوت بهي العقلية ما لح يمشي الحال خليك Positive صدقني حتفرق معك 💯 2- النص هو حصيلة دراستك للانكليزي كاملة يعني بعد ما تكون أتقنت القواعد و المفردات و ال writing .. وقتا انت قادر انك تسكر النص او شبه تسكرو 3- النص تركو لاخر شي 4- في سوء تفاهم بالنص كتير طلاب بتوقع فيه بفكرو انو هنن لاااازم يترجمو كل حرف و كل كلمة بالنص لحتى يقدروا يحلوا اسئلتو كاملة .. متل ايام البكلوريا و هالشي طبعا خطأ لانك هيك أولاً بتكون ضيعت وقت كتير تانياً ما بتكون ركزت على فهم سياااق النص .. و انما ركزت على ترجمة كل كلمة المطلوب منك تفهم سياق النص .. تفهم الفكرة العامة .. عادي يكون في شي 10 20 كلمة جداد عليك بالنص ما تعرف شو معناتن مع هيك تقدر تفهم الفكرة منو بدك تحاول تتحربق و تفهم الفكرة من النص هاد لبجبلك علامات 5- النص لما بدك تحلو ما تقرأو كامل بعدين تحل اسئلتو بتبلش بأول سؤال بتقرأو بتفهم شو بدو من السؤال و بتروح عالمقطع لبل نص لعم يحكي عن فكرة السؤال لقريتو هاد المقطع هو لبتقراه و بتفهمو و بعدين بتحل و نفس الشي بتساوي ببقية الاسئلة 6- انتبه من وين حتبلش تحبير لانك تركت اول كم سؤال تبع النص لآخر شي 7- عادي تشوف جايبلك اسئلة من خارج الكتاب المثال بكون من خارج الكتاب بس فكرة السؤال هي اكيد من كتابك يعني اكيد ما حيجبلك قاعدة خارجية القاعدة حتكون من القواعد لدرستن اكيد 8- اخيراً لح اتركك مع هي الجملة انت لازم تترجما و تعرفا لحالك 😂 True Confidence is knowing you have what it takes to succeed rise even if you fail 🫡❤️‍🔥❤️‍🔥 Goodluck everyone , I believe in you 💪🏻❤️‍🔥❤️‍🔥❤️‍🔥❤️‍🔥 https://t.me/Elitechemistry

فويس من القلب الى القلب بس هالمرة مو اصعب دورة على الاطلاق 😂❤️ رأيي باسئلة اليوم ❤️‍🔥 https://t.me/Elitechemistry

بوست للذكرى 🥹❤️❤️❤️ https://www.instagram.com/p/Da8TKxRih1w/?igsh=Njg5eTQzZ20zczZn

دورة 2026 بري 11 التشريح العام 💀❤️‍🔥❤️‍🔥❤️‍🔥❤️‍🔥 المسا منحكي عن مستوى الاسئلة و منتناقش 🫡 https://t.me/Elitechemistry

🥁🥁🥁🥁🥁🥁

رغم انو السؤال سهل و بينحل عالاستبعاد برياحة بس مجرد فكرة انو لقيت بأحد الخيارات فكرة مو موجودة بالمنهاج و قايلك تحفظا من الرسمات لحالا بتبسط 😂❤️‍🔥 عم نشتغل عالملف لح ينزل الحل قريبا 🔜

سؤال عضلات ضرة اليد متأكدين هيك السؤال كان 👇🏼 لا ينتمي لعضلات ضرة اليد : A- مقربة الخنصر B- قابضة الخنصر C- باسطة الخنصر D- مقابلة الخنصر متأكدين كان بالخيارات في مقربة الخنصر و باسطة الخنصر ؟ يعني كانو الخيارين سوا ؟

سؤال عضلات ضرة اليد متأكدين هيك السؤال كان 👇🏼 لا ينتمي لعضلات ضرة اليد : A- مقربة الخنصر B- قابضة الخنصر C- باسطة الخنصر D- مقابلة الخنصر متأكدين كان بالخيارات في مقربة الخنصر و باسطة الخنصر ؟ يعني كانو الخيارين سوا ؟

الف الف الف مبروك جميعا الخلاص من اول مادة عخير و سلامة طمنوني كيف قدمتوا و كيف كان مستوى الاسئلة ؟ بلشو عالم منيح يبعتولي عالخاص انو الاسئلة منطقية للشخص الدارس و التعبان عالمادة و اكيد أي فحص لا يخلو من كم سؤال تمييزي بين الطلاب المهم طلع الفحص اسهل من الاختبار الشامل تبعنا 😂❤️‍🔥 بدنا ننزلكم حل اكيد لهيك ابعتولي برسالة وحدة متكاملة نص السؤال مع الخيارات الأربعة على البوت و ابعت السؤال مرة وحدة مشان ما نضيع 👇🏼 @Elite_Anatomy11_bot

نصائح داخل قاعة الامتحان 👇🏼 1- ما في طريقة ثابتة للتحبير بتمشي عليا كل الطلاب كل حدا بيرتاح عشي معين بس اهم شي لما تحبر تضل عم تقول بمخك رقم السؤال و جوابو لبينما تقلب الورقة و تحبر يعني مثلا حليت السؤال 3 و طلع جوابو B انت و عم تقلب الورقة بتضل عم تقول بمخك 3B 3B 3B 3B لحتى ما تخربط بالتحبير 2- لما ما تعرف تحل شي سؤال او ما تكون متأكد من جوابك لا تضيع وقتك بهاد السؤال و تضل معلق عليه ساعة حط جنبو اشارة و انتقل فورا عالسؤال يلي بعدو بجوز بعدين لما ترجع تقرأو مرة تانية تعرف تحلو و تتفاجأ كيف ما عرفت تحلو اول مرة هي القصة صايرة معي كتير بالفحوص 3- اذا كان مثلا بالسؤال بدو اختر الخاطئة و لقيت خيار ما كتير معروف اذا صح او خطأ بس في خيار غيرو وااااضح انو خطأ يعني متأكد مية بالمية انو خطأ و ما عندك لا كل ما سبق صحيح و لا كل ما سبق خطأ ف بتروح بتختار هاد الخيار اوقات في اسئلة ممكن ما تعرف كل الخيارات يلي فيها و مع هيك تجاوب صح 4- اذا شفت سؤال فيو خيارين صح او خيارين خطأ و متأكد انو فيو خلاف هالسؤال .. لا تضيع وقتك عليه و تضل تتعارك معو دكاترة التشريح بالعادة متعاونين بهل موضوع فعلا أي سؤال فيو خلاف او خطأ بيحذفوه و بتتوزع علامتو لا تخاف 5- التوتر و الخوف شي طبيعي و ما في مهرب منن اول ما تمسك الورقة و تبلش حل اول تاني سؤال بتنسى الخوف و بصير كامل تركيزك بورقة الامتحان تفااااءل بالخير تجده ❤️ لا تفوت عقاعة الامتحان متشائم مهما كان وضعك سيء خليك متفائل و عم تقول جواتك : " لح جيبا معدل " 🙏🏻 6- الفحص بكرا ببلش الساعة 11 الصبح كون قبل بوقت منيح بالجامعة لتعرف وين قاعتك وقف شوي مع رفقاتك قبل ما تفوت عالقاعة احكوا شوي مع بعض هي الاحاديث قبل الامتحان كنت حبا بتخفف عنا التوتر شوي 😂 ان شاء الله بكرا بكون كل شي متل ما بدكن انا واثق فيكن و انتو قدا موفقين 🥹❤️❤️❤️❤️❤️🙏🏻

من اكتر الجمل يلي بحبا ❤️❤️❤️ ◽️ احلى شي بالحياة تكون عم تعمل كل شي بتقدر عليه اكيييد النتيجة النهائية بتهمنا .. الواحد بينقهر اذا ما وصل للشي لبدو يا .. الموضوع مو بإرادتنا بس خلي ببالك شغلة كتير مهمة مو دايما مقدّر النا نحقق كل شي عم نتعب مشانو بجوز تتعب كتييير على شي معين و بالاخير ما ينجح معك تروح تبلش بشي جديد و بتعب قليل و ينجح معك رب العالمين بيختار الشي المناسب لكل حدا فينا ليعوض تعبنا المهم انو نضل عم نسعى و بنية حسنة ◽️ انا نزلت كل شي بدي نزلو عقناة المكتبة فرمنا التشريح فرم و اخدت المادة اكتر من حقا بصراحة كل شي موجود قدامك سواء هون او عالمكتبة او عالتطبيق ما عاد نزل شي جديد لحتى ما شتتك ركز بالوقت الباقي ◽️ النوووم مهم جدا اوعا تروح عالفحص مو نايم مو يعني تنام 7-8 ساعات فيك تنام 5-6 مناح بليلة الفحص حتى لو مزنوق كتير .. نام 3-4 ساعات بس اوعا تروح عالفحص مو نايم ابداً بتفرط ◽️ فيق الصبح و لا تنسى تفطر مو تروح عالفحص و معدتك فاضية بس كمان مو تروح طارق منسف و تنام بنص القاعة 😂 كول شي خفيف و بعد الفحص ساوي يلي بدك ◽️ لح رد عكل الاسئلة لبعتولي ياها سهران معكم اليوم ❤️❤️❤️

مو الرسالة الختامية .. بس شبه الختامية🥹 ◽️تذكر من سنة وين كنت شو كان تفكيرك - عقليتك - قدراتك التحضيرية خلتك تكتشف ذاتك الحقيقية شوف حالك بهي اللحظات انت كيف عم تتصرف مع الوقت البقيان ؟ لساتك عم تحاول لآخر لحظة او استسلمت للامر الواقع ووقفت ؟ انا متأكد انو الغالبية فيكن لسا عم يحاول بكل شي عندو ليوصل لحلمه هي اللحظات كلها عم تصنع منك انسان بصفات خارقة انت عم تصنع نفسك حاليا للمستقبل عم تجهز حالك لتفوت بهاد المجال الصعب هاد المجال بدو ناس قادرة على تحمل الضغوطات و انت عم تأثبت هاد الشي لنفسك هلق ◽️شوف النص المليان من الكاسة حتى لو ما فتت الفرع يلي بدك ياه انت تغيرت كلياً بهل سنة تعلمت تجارب كتير و تغيرت طريقة تفكيرك بسنة وحدة عملت نقلة نوعية غيرك مستحيل بهيك فترة قصيرة يعيش يلي انت عشتو ف انت عم تطور بشكل كتير كبير كون فخور بنفسك انك لساتك صامد بهي السنة التعجيزية و لساتك عم تقاتل مشان حلمك ◽️ بري 11 يلي فعلاً اكابر انا كنت جدا جدا سعيد اني درستكم هالسنة شفت طاقة و طموح فيكن هائل و انا واثق بكل حدا انو حيكون مميز بالمستقبل❤️❤️ متواجد معكن لوقت تفوتوا عالقاعة بكرا اسألوني يلي بدكن عالخاص انستا او مناقشات❤️

◽️ آلية المراجعة يوم الجمعة 💀❤️‍🔥❤️‍🔥❤️‍🔥 ◽️ الوقت المقدر لقراءة كل فصل ◽️ اهم الفصول بمادة التشريح يلي بيجي عليها اكتر شي اسئلة و يلي لازم تبلش فيها اول كقراءة ◽️ كل طالب يتصرف حسب وضعو لا تسعى للمثالية اليوم مو ضروري تروح عالفحص عامل كل شي بس ضروري تروح عالفحص مساوي كل شي بتقدر عليه و قارء اكبر قدر ممكن من المعلومات https://t.me/Elitechemistry

#تجميعات هاااام ابعتا لكل رفقاتك حكيناها بالفيديوهات و بفيديو لمحة السادس التروية الدموية للأنبوب الهضمي 💀❤️‍🔥❤️‍🔥 🔴 الجذع البطني (الزلاقي) يروّي : 👈🏼 المريء البطني 👈🏼 المعدة 👈🏼 القسم العلوي من العفج 👈🏼 الكبد و الطرق الصفراوية 👈🏼 الطحال 👈🏼 البنكرياس 🔴 الشريان المساريقي العلوي يروّي : 👈🏼 القسم السفلي من العفج 👈🏼 الصائم 👈🏼 اللفائفي 👈🏼 الأعور 👈🏼 الزائدة الدودية 👈🏼 القولون الصاعد 👈🏼 الثلثان القريبان من القولون المستعرض 🔴 الشريان المساريقي السفلي يروّي : 👈🏼 الثلث المتبقي البعيد من القولون المستعرض 👈🏼 القولون النازل 👈🏼 القولون السيني 👈🏼 المستقيم 👈🏼 القسم العلوي من القناة الشرجية ◽️ ملاحظاااات للتوضيح : 1- العفج بيتلقى تروية من الجذع الزلاقي + الشريان المساريقي العلوي 2- المستقيم بيتلقى تروية من الشريان المساريقي السفلي + الشريان الحرقفي الداخلي 👈🏼 المساريقي السفلي عبر الشريان المستقيمي العلوي 👈🏼 الحرقفي الداخلي عبر الشريان المستقيمي المتوسط و المستقيمي السفلي 3- القناة الشرجية تتلقى تروية من الشريان المساريقي السفلي + الشريان الحرقفي الداخلي " متل المستقيم " لا تتوسع اكتر من هيك خالصين 🫡❤️‍🔥❤️‍🔥❤️‍🔥❤️‍🔥 https://t.me/AnatomyEN

لكل حدا عم يطلب اني ساوي مثبتة للتجميعات لعم تنزل عالمكتبة صديقي انا مجمعلك ياهن من خلال الهاشتاغ لعم اكتبو بهل فيديو موضحلك كيف تلاقيون ١- بتكبس عالرسالة : المثبتة الامتحانية ٢- بتنزل لاخر الرسالة بتلاقي هاشتاغ التجميعات بتكبس عليه ٣- بتكبس على this chat او هذه المحادثة ٤- بتلاقيون كلن 👍🏼

اسئلة مكررة كتير بهي الفترة من بعض الطلاب سؤالك اكيد موجود جوابو بهي الرسالة ف يا ريت تقرأها 👇🏼 🔴 مصطلحات الرسمات في امل نعرف نحلن بدون ما نكون دارسينن او حضرانين فيديوهات ؟ لحسن الحظ حسب دورة 2024 و 2025 مصطلحات الرسمات يلي اجو قادر انت تحلن عالاستبعاد حتى لو مو دارسن ابدا بدك تكون جيد جداً بالمصطلحات يلي بقلب الفقرات ما منعرف هي السنة اذا بصعبو مصطلحات الرسمات او لا بس لحد هلق حسب شو جاي سابقاً بتقدر تحلن عالاستبعاد انا بقلك تدرسن لانو ما منعرف شو ممكن يصير تغيرات هالسنة و اذا انت لهلق لسا ما درستن ما عاد في وقت تدرسن اتركن و راجع المادة اهم و لا تسألني اديش بيجي عمصطلحات الرسمات لانو هنن عن جديد بلشوا يجي منن و حسب يلي جاي منن سهلين لهلق بس ما حدا بيعرف اذا بصعبون او لا انا عطيتك خلال السنة كل شي لا تخاف يلي متابع من الاول 🫡❤️‍🔥❤️‍🔥 🔴 لكل حدا عم يعاني من فصل العضلات و تحديداً عضلات الطرف السفلي : 👈🏼 حضار فيديو وظائف عضلات الطرف السفلي بخانة التجميعات 👈🏼 و في فيديوهين ربط بين الفصل 2 و 3 حاكي كل شي مناشئ و مرتكزات للعضلات حسب منهاجك كمان حضرو صرت حاكي عن هل 3 فيديوهات الف مرة ما بعرف ليش في عالم عم تعذبني و مصرّة ما تحضرن 😂 🔴 يلي مزنوق و مو حالل لسا دورات : حل عالاقل دورة 2025 و 2024 و 2022 نظامية هدول اصعب دورات تشريح على الاطلاق 🔴 المراجعة التالتة مهمة جدا للذاكرة البصرية لا تتهرب منها و تقلي منيح اذا بعمل بدالا هيك او هيك قراءة من نفس مصدر الدراسة يلي درست و راجعت منو لااااااااا تغير يا حبيبي لااااا تغير 🔴 لا تفصّل بالرسمات زيادة من عندك ادرس متل ما قلتلك بمصطلحات الرسمات بس في ناس لح تجلطني .. قال ماسكين كل رسمة و عم يتمعّنوا فيا و يطلعوا نكشات منا 😣😣 🔴 يلي ما خلص المراجعة التانية شو يعمل بالمراجعة التالتة ؟ محسسيني كل مراجعة عم تدرس منهاج شكل 😂 صديقي انت بالمراجعة التانية مثلا راجعت اول 6 فصول و الباقي لا شو تعمل ؟ ببساطة سرّع رتم دراستك و امشي اسرع اقرأ اخر 6 فصول برتم اسرع مشان تخلصن و ترجع لاول 6 فصول تعملن وش قراءة سريع كمان خلي ببالك اهمممم فصوووول بالمادة هنن : 1 2 3 4 5 6 10 هدول لحالن حيجي عليون تقريبا 70 سؤال ف هدول اكييييد لازم ينعملن مراجعة اخيرة قبل الفحص 🔴 اديش راجع باليوم الواحد ؟ لا تحط limit معين لما تحط كمية تخلصا باليوم بتقيّد حالك بتصير ترتخي اذا كنت ماشي منيح لانو قربت تخلص هي الكمية فيق باليوم راجع قد ما بتقدر لح اعطيك برسالة منفصلة اديش لازم كل فصل كقراءة بعيونك و تقليب صفحات لازم ياخد معك وقت بكرا 🫡❤️‍🔥❤️‍🔥 🔴 لمحات الفصول والفقرات النسيجية الموجودة ضمن الفصول كم ممكن يجي عليهن اسئلة ؟ ما بيجي بالعادة ولا سؤال بس انا بعطيون لحتى كون غطيت كامل المادة لك حرية الاختيار بدراستن او لا بس المفروض كانو يندرسو قبل مو هلق هلق في كتير شغلات اهم منن اختار أولوياتك صح 👍🏼 https://t.me/Elitechemistry

انت و رايح عفحص يوم السبت ما بدي ياك تكون شايل هموم و ضغوط الدنيا على كتافك اهلك فخورين فيك بغض النظر عن نتيجتك و نحنا فخورين بكل واحد فيكم لانك رغم كل شي ضدك .. عم تقاتل لآخر لحظة لتحقق حلمك حلمك ما بيتوقف على علامة او ورقة او معدل حلمك اكبر من هيك بكتير حلمك مستمر بغض النظر عن نتيجتك بالتحضيرية يوم السبت روح عالفحص و كلك ثقة بنفسك اذا قدمت متل ما بدك ف الحمدلله عكل شي و اذا ما قدمت متل ما بدك ف كمان الحمدلله عكل شي الفرصة يلي بين ايديك مئات الاف الطلاب بتتمناها و الخسارة بتتحول لنجاح كبير لما تكون مآمن بالطريق يلي كاتبلك ياه رب العالمين لما تستمر بالسعي و الإعطاء حتى لو كان كل شي ضدك لما ما تستسلم حتى لو شايف انو العودة صارت صعبة و انا شايف كتار منكم حيوصل و حيجيب علامات خارقة .. واثق فيكم ❤️❤️❤️❤️ ◽️ اهم شي بتعملو بهل يومين هو الاستمرار بالمراجعة اذا في شي مو دارسو لسا حضرو من الفيديوهات اذا راجعت و لسا عندك مراجعة تانية او تالتة اقرأ من نفس مصدرك الورقي كتاب او نوطة او موجز لاااا تغير مصدر دراستك هلق ◽️ حنزل تباعا عالقناة نصايح ذهبية هالفترة لجميع انواع الطلاب معكن مستمرين للنهاية 🫡❤️‍🔥❤️‍🔥❤️‍🔥❤️‍🔥