សាលារៀនសហគមន៍២១ - Community 21 School

🎉 អបអរសាទរ ពិធីសម្ពោធជាផ្លូវការ ទីតាំងថ្មី សាលារៀនសហគមន៍២១ សាខាទី៨ ពញាឮ! 🥳✨ សាលារៀនសហគមន៍២១ មានកិត្តិយសសូមគោរពអញ្ជើញ មាតាបិតា អាណាព្យាបាលសិស្ស និងសាធារណជនទាំងអស់ ចូលរួមក្នុង «ពិធីសម្ពោធជាផ្លូវការ» ទីតាំងថ្មីរបស់យើងខ្ញុំ ដើម្បីទទួលបានព័ត៌មានបន្ថែមអំពីកម្មវិធីសិក្សាស្តង់ដារ និងការចុះឈ្មោះសិក្សាសម្រាប់បុត្រធីតារបស់លោកអ្នក! 📅 កាលបរិច្ឆេទ៖ ថ្ងៃសុក្រ ទី១៤ ខែសីហា ឆ្នាំ២០២៦ ⏰ វេលាម៉ោង៖ ចាប់ពីម៉ោង ៨:៣០ ព្រឹក ដល់ម៉ោង ១១:០០ ព្រឹក 👉 ចូលរួមជាមួយពួកយើងដើម្បីកសាងអនាគតដ៏ភ្លឺស្វាងសម្រាប់កូនៗរបស់លោកអ្នក! #Community21School #សាលារៀនសហគមន៍២១ #GrandOpening #ពិធីសម្ពោធជាផ្លូវការ

📣 ជួបគ្នាថ្ងៃស្អែក! 🏆 ការប្រកួត ក្លឹបសិស្សពូកែ វគ្គផ្តាច់ព្រ័ត្រ នឹងប្រព្រឹត្តទៅនៅ ថ្ងៃទី២៥ ខែកក្កដា ឆ្នាំ២០២៦✨ នៅសាលារៀនសហគមន៍២១សាខាបឹងធំ🌟 នេះគឺជាឱកាសដ៏មានតម្លៃសម្រាប់សិស្សានុសិស្សក្នុងការបង្ហាញនូវចំណេះដឹង សមត្ថភាព ភាពក្លាហាន និងទំនុកចិត្ត ដែលបានខិតខំអភិវឌ្ឍពេញមួយវគ្គសិក្សា🌟 សូមជូនពរដល់បេក្ខជនទាំងអស់ឱ្យមានភាពជឿជាក់ ធ្វើបានល្អបំផុត និងទទួលបានជោគជ័យក្នុងការប្រកួត។ សូមអញ្ជើញមាតាបិតា និងអាណាព្យាបាលចូលរួមលើកទឹកចិត្តកូនៗ ដើម្បីបង្កើនទំនុកចិត្ត និងជាកម្លាំងចិត្តដ៏មានតម្លៃសម្រាប់កូនៗ 🌟 ជោគជ័យកើតចេញពីការខិតខំប្រឹងប្រែង និងការមិនបោះបង់ #ក្លឹបសិស្សពូកែ #វគ្គផ្តាច់ព្រ័ត្រ #FinalClubContest #BestStudents #LearningForSuccess

នាថ្ងៃទី១៣ ខែមិថុនា ឆ្នាំ២០២៦ បុគ្គលិកគ្រប់ផ្នែកនៃសាលារៀនសហគមន៍២១ នៃក្រុមហ៊ុន វេសឡាញ អេឌ្យូខេសិនគ្រុប បានចូលរួម «សិក្ខាសាលាអប់រំ និងកិច្ចប្រជុំផ្សព្វផ្សាយកម្មវិធី និងសេវាអប់រំ» ។ នាសិក្ខាសាលានេះផងដែរ នាយក និងនាយិកាសាខានីមួយៗរបស់បណ្ដាញគ្រឹះស្ថានអប់រំ វេសឡាញ បានធ្វើបទបង្ហាញអំពីទិសដៅ ក៏ដូចជាភាពល្អឯកនៃសេវាកម្មរបស់សាលានីមួយៗ។ ក្នុងឱកាសនោះ ឧកញ៉ាបណ្ឌិត ប៉ិច បូឡែន ប្រធានក្រុមប្រឹក្សាភិបាល និងជាអគ្គនាយកក្រុមហ៊ុន វេសឡាញ អេឌ្យូខេសិន គ្រុប ក៏បានរំលេចពីទិសដៅរួមគ្នាមួយ គឺធ្វើយ៉ាងណារក្សាគុណតម្លៃរួមមាន៖ គុណភាព សេវាកម្ម សុវត្ថិភាព សុខភាព សោភ័ណភាព វិន័យ និងផ្ដល់សេវាអប់រំដ៏ល្អមួយ ទៅដល់សិស្សានុសិស្សដែលជាធនធានមនុស្សដ៏សំខាន់សម្រាប់ប្រទេសជាតិ។ លោកអគ្គនាយកក៏បន្តជម្រុញលើកទឹកចិត្តបុគ្គលិក ឱ្យខិតខំប្រឹងប្រែងជាមួយគ្នា ដើម្បីបុព្វហេតុកសាងធនធានមនុស្សដែលមានសមត្ថភាព៕ Westline Education Group Co., Ltd. @សាលារៀនសហគមន៍២១

នាព្រឹកថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦ ឧកញ៉ា ប៉ិច បូឡែន អគ្គនាយក និងជានាយកប្រតិបត្តិក្រុមហ៊ុន Westline Education Group រួមទាំងសហការី មានឱកាសដ៏ខ្ពង់ខ្ពស់ពីសំណាក់ ឯកឧត្តម ពេជ សោភ័ន បានអនុញ្ញាតឲ្យចូលជួបសម្ដែងការគួរសម និងសុំអនុសាសន៍ណែនាំ សម្រាប់ការបញ្ជ្រាបកម្មវិធី 7 Habits នៅតាមសាលារៀនគោលដៅរបស់ គ.វ.អ. ដើម្បីរួមចំណែកលើកកម្ពស់ការអប់រំ ការអភិវឌ្ឍអត្តចរិត និងភាពជាអ្នកដឹកនាំ