POST TIME

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបានសព្វព្រះរាជហឬទ័យស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីសម្ពោធជានិមិត្តរូបតាមរូបភាព ដែលជាព្រះរាជសមិទ្ធិផលដ៏ថ្លៃថ្លារបស់ ព្រះករុណាព្រះមហាក្សត្រ ដែលមានដូចជាអគារសិក្សា ផ្លូវលំ ស្រះទឹក និងអណ្តូងទឹក ព្រមទាំងប្រោស ព្រះរាជទានដល់ប្រជារាស្ត្រ គ្រូបង្រៀន សិស្សានុសិស្ស និងអាជ្ញាធរ ឋិតក្នុងខេត្តកំពង់ឆ្នាំង ខេត្តបន្ទាយមានជ័យ ខេត្តកែប ខេត្តកំពត និងខេត្តកំពង់ស្ពឺ ចូលក្រាបថ្វាយបង្គំគាល់ ដើម្បីទទួលយកនូវព្រះរាជអំណោយអំពីព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត។

ក្រសួងអប់រំ៖ ការប្រឡបាក់បិទបញ្ចប់បានប្រព្រឹត្តទៅដោយរលូន សភាពស្ងប់ស្ងាត់ និងរបៀបរៀបរយល្អ ភ្នំពេញ៖ ក្រសួងអប់រំ យុវជន និងកីឡា បានឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៖ ១០ សីហា ២០២៦ បានប្រព្រឹត្តទៅរយៈពេលពីរថ្ងៃ គឺថ្ងៃទី១០ និងថ្ងៃទី១១ ខែសីហា ឆ្នាំ២០២៦ បានប្រព្រឹត្តទៅដោយរលូន សភាពស្ងប់ស្ងាត់ និងរបៀបរៀបរយល្អ ក្រោមការយកចិត្ត ទុកដាក់បំពេញតួនាទី ភារកិច្ច និងទំនួលខុសត្រូវខ្ពស់ពីសំណាក់គណៈមេប្រយោគទូទាំងប្រទេស គណៈកម្មការ អប្បមាទទូទាំងប្រទេស ជំនួយការអប្បមាទទូទាំងប្រទេស ប្រធាន អនុប្រធានមណ្ឌល គណៈកម្មការកណ្តាល គណៈកម្មការត្រួតពិនិត្យអគារ និងគណៈកម្មការអនុរក្ស ព្រមទាំងមានការចូលរួមសង្កេតការណ៍ដោយអង្គភាព ប្រឆាំងអំពើពុករលួយ និងកិច្ចសហការល្អពីសហភាពសហព័ន្ធយុវជនកម្ពុជា មន្ត្រីសុខាភិបាល កងកម្លាំង និង អាជ្ញាធរមានសមត្ថកិច្ចពាក់ព័ន្ធគ្រប់លំដាប់ថ្នាក់ ។

បង្គោលភ្លើងសូឡា១ដើម ៨លានរៀល! អភិបាលខេត្តកំពង់ឆ្នាំង ក៏យល់​ថាតម្លៃ​មិនសម​និង​បានចាត់មន្ត្រីចុះ​សួរនាំ ភ្នំពេញ៖ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានបញ្ជាឱ្យមន្ត្រីជំនាញ ចុះទៅ​សាកសួរ​មន្ត្រីមូលដ្ឋាន ​ពាក់ព័ន្ធនឹងករណីបង្គោលភ្លើងសូឡា១ដើម មានតម្លៃរហូតដល់៨លានរៀល ក្នុងឃុំទឹកហូត ស្រុករលាប្អៀរ។ ចំណាត់ការរបស់អភិបាលខេត្ត ធ្វើឡើងបន្ទាប់ពីឃើញមហាជន បានចែកចាយព័ត៌មាននេះ លើបណ្ដាញសង្គម ជាហូរហែ ហើយសាធារណជន ក៏ប្រតិកម្មខ្លាំងនឹងតម្លៃបង្គោលភ្លើងសូឡាដែរ។ ប្រភព និងដកស្រង់ពី៖ ThmeyThmey

របាយការណ៍របស់លោកមេឃុំទឹកហូត ស្រុករលាប្អៀរ ខេត្តកំពង់ឆ្នាំង ពាក់ព័ន្ធគម្រោងដេញថ្លៃនៅមូលដ្ឋាន ដែលបង្គោលភ្លើងសូឡាថ្លៃ ៨លានរៀល។ គាត់ថា គម្រោងដេញថ្លៃនៅក្នុងឃុំរបស់លោកទាំងលូ ផ្លូវ និងបង្គោលសូឡា ត្រូវបានក្រុមហ៊ុន «ឡាយ ផល្លា» ដេញថ្លៃបាន។