وصفات جزائرية

وصفة ميلفاي سهلة انشر للإفادة : العجينة المورقة : 1 كلغ فرينة 20 غ ملح 100 غ زيت ماء بارد للعجين نعجنوها يابسة شوية مش طرية باش تساعدنا في العمل نخلوها ترتاح 15دقيقة 500 غ مارغارين توريق تكون باردة ندخلوها في العجين نديرولها 6 ثور سامبل بين كل ثور نخلو العجينة ترتاح 10 دقائق هاد الوصفة تعطينا 3 بلاطو 40 على 60 سنتيم يعني بلاطو ميلفاي تاع محلات شكرا لكم متنسوش انشر للإفادة كرام باتيسيار 1 لتر حليب 2 بيض 180 غ سكر 160 غ نشاء ملعقة فانيلا

🧀🫓 فطائر المثلثات في مقلاة 🥛 العجينة نحتاج كاس حليب دافى و ربع كاس ماء دافئ ملعقة كبيرة سكر و ملعقة كبيرة خميرة الخبز و ملعقة كبيرة خل نخلطهم جيدا نضيف نصف كيس خميرة الحلوى. 5 غ و نصف كاس فرينة ونخلط جيدا ونخلي الخليط يخمر 10 د ثم نضيف ربع كاس زيت والملح ونلمو بالفرينة حتى نتحصل على عجينة طرية نخليها تخمر 40 د 📐 طريقة التشكيل والطهي نفتح العجينة بسمك متوسط الى 12 كرية نفتحهم على شكل دائري و نحط الحشوة في الوسط والجبن مبشور شيدار والڨودا ونغلقها على شكل مثلث نطيبهم من كل جهات في مقلاة ساخنة على نار متوسطة 🍗 الحشوة لكم الإختيار في مقلاة مع شويا زيت نذبل 2 حبات بصل و 2 فلفل مقطعين رقيق ثم نزيد عليهم شويا ملح و فلفل اسود او توابل دجاج سكنجبير نخلط ثم نضيف صدر دجاج مرحي ونخليه يطيب ثم نضيف عليه قطع جبن طري وشويا كريمة سائلة ونخلطهم على النار.. بصحتكم 😋😍🤤

تحلية باردة وبنينة 👇🏽😍 كاس حليب ندير فيه شوية كاراميل ونشمخ فيه الڨاطو تاعي امبعد نستفو فالمول ندير ثلاثة حبات فوق بعضهم البعض كطبقة اولى في كاسرونة نديرو زوج كيسان حليب + باكي فلان كاراميل حوالى 3 مغارف+ مغرفة ك سكر+ مغرفة ك مايزينة نخطلهم مليح امبعد نديرهم فوق النار وانا نحرك حتى يتقال الخليط ويعقد ونفرغو فوق الڨاطو كطبقة ثانية في كاسرونة نديرو كاس ماء + مغرفة مايزينة+ مغرفة سكر + مغرفة ص كاكاو + كاراميل نخلطهم مليح و نديرهم فوق النار مع التحريك حتى يتقال الخليط ونزيد نفرغها ملفوق كطبقة ثالثة وزدت شوية لوز مرحي ملفوق ودخلتهم يبردو مليح

🥘 طاجين الزيتون بالفريت وكريات دجاج 🥘 طريقة التحضير في طنجرة 🥣، نضع فخذ الدجاج 🍗 مع نصف حبة بصل مقطعة رقيق 🧅، 2 م ك الزبدة 🧈، 2م ك زيت، او سمن 🫗 ورقة الرند، الزعتر إختياري 🌿، و فص ثوم كبير مسكرفج 🧄. نضيف التوابل ( شويا الكركم، راس الحانوت، الفلفل الأسود، والملح) 🧂 نخلطهم و نخليهم تتقلاو جيداً على نار هادئة 🔥. كي يتقلى الدجاج، نضيف كمية من الزيتون منزوع النوى 🫒 (يُغلى مرتين في الماء لنزع الملوحة الزائدة 💧) نمرق بالماء ساخن 💨. نزيد حبة الزرودية ( جزر) مقطعة إلى دوائر 🥕 نخليهم يطيبو مدة 30د حتى 35د ⏱️. تشكيل كريات الدجاج في اناء 🥣 نحط كمية صدر دجاج مرحي 🥩 نتبلو بالمعدنوس، مقطع 🌿 الثوم 🧄، ملح فلفل أكحل راس حانوت 🧂 و م ك زيت 🫗 و م ك شبلور 🍞 نعجنهم مليح نشكلهم كريات 🔴 نقليهم في شويا زيت حتى يتحمرو 🍳 نقلي حبات بطاطا 🍟. بعد ما طيب المرق نحي فخذ الدجاج 🍗 ندهنو بشويا زبدة 🧈 ونحمرو في الفرن 🎛️ ونضيف كريات الدجاج مع مرق نخليهم يتشربو حوالي 10د ⏱️. نحط بطاطا المقلية (لي فريت ) 🍟 في طبق ونقدمو مع مرق الزيتون وكريات دجاج . 💎💎 وبصحتكم 💎💎

وصفة لقطايف في المول الاسطوري 😍😍😍 😋❤️ التحضير نحضر الشراب ( كوب سكر + 3 اكواب ماء و نتركها على النار حتى تعقد و نضعها تبرد و نضيف مغرفة كبيرة عسل و فنجال ماء زهر ) في وعاء نضع مكيالين قطايف ( انا كيلت بغرفية الشربة) نحلهم جيدا ثم نضيف نصف كوب زبدة مذوبة و رشة سكر و نخلطها جيدا حتى يتشرب الزبدة جيدا ندهن المول جيدا بالزبدة ثم نضع طبقة من القطايف و نسويها جيدا ثم طبقة من المكسرات المطحونة او الكاوكاو ثم طبقة ثانية من القطايف و نسويها و نضع قطع صغيرة من الزبدة فوقها و لا نترك المكسرات تصل للاطراف نضعها في الفرن عندما نخرجها نشربها بالشرابات الباردة و نعيد تشريبها بعد عدة ساعات من الاحسن تركها تبيت قبل اكلها و ألف صحة ❤️ منقول

قاطو الياسمينة الطريقة: في وعاء نضع ثلاث حبات بيض مع كاس ناقص اصبع سكر ناعم مع لفاني ورشة ملح ونخلط ونضيف كاس زيت ونزيد كاس ونص ميزينة ونبدا نضيف فالفرينة مع كيس خميرة الحلويات نبقى نضيف فالفرينة حتى نتحصل على عجينة طرية كمية الفرينة حوالي زوج كؤوس ونصف نشكلها كويرات حجم 30 غ نحطها في سنيوة ونجيب طابع الوردة نديرو في الميزينة ونطبع الكويرات وتتشكل على شكل وردة ندخلها لفرن ساخن نحمرها من تحت ومن فوق نشفها فقط بعدما طاب نخليه يبرد ونجيب معجون المشماش نلسق حبة مع حبة ومع الاطراف ندير جوز الهند على حسب الرغبة وفالوسط ندير نقطة معجون وبصحتكووووم 🥰

رووووعة 😍 🤤 الطبقة الاولى : عشرة حبات ڨاطو ماكاو مرحي + مغرفة كبيرة شوكولاطة الطلي الطبقة التانية: كاس ونص حليب + مغرفة كبيرة مايزينة+ زوج مغارف كبار فلان كاراميل ونحطوهم فوق النار وكي تغلي نزيدو باطة فلان كاراميل ونفرغوهم فوق الڨاطو الطبقة الثالثة: كاس ونص حليب + زوج مغارف فلان نوارة شوكو + مغرفة كبيرة مايزينة ونحطو فوق النار كي تغلي نديرو فوقهم باطة دانيت شوكو ونفرغوها فوق الطبقة الثانية لي كانت بردت للتزيين كاوكاو مرحي خشين و الكاراميل لي يجي مع لفلان

وصفة بركوكس بالتعمير من الغرب الجزائري����� المكوّنات بركوكس 2 حبات بصل� 5 حبات جزر� 3 حبات طماطم� ربطة قسبر � ثوم� ملح ,فلفل, سكنجبير (زنجبيل) كركم زعفران , فلفل احمر و راس الحانوت طماطم مصبرة� دجاج� او لحم �و الكفتة الخطوات في قدر نحط 4ملاعق كبار زيت البصل مقطع والدجاج ونقليه مليح من بعد نضيف الخضر وربطة الحشيش� وم.ك طماطم والتوابل ونقليهم ونمرق بالماء سخون ونضيف الحمص البركوكس نغسله بالماء ونحطه في كسكاس يقطر.نحله ونفوره للمرة الاولى باش يجيني طري نحي كاس ماء من قدر لي فار فيه ونسقيه ونحله بيدي ونضيف الملح.لما يبرد نفوره للمرة 2 التعمير: لحم مفروم و 2كيسان خبز مرحي وقسبر و المعدنوز وملح وفلفل وراس الحانوت ثوم مارغرين و نلمه ب2حبات بيض �ونديره حربوش في كيس بلاستيكي ونطيبه مع المرق او في قدر يفور نحي الدجاج و التعمير والحمص ونطحن الخضر بالرحا تع الحريرة نحضر الدرسة ب ربطة قسبر وثوم طماطم و م.ك راس حانوت م.ص فلفل ونضيفه للمرق لما يغلي القدر نزيدله البركوكس ونبقى نحرك .في عادتنا نحط البركوكس في قصعة ونزينه بالحمص والدجاج و الكفتة ونزيدو تعمير دوائر والباقي نفته و رشة معدنوس و بصحتكم.

سوفلي منزلي هشّ وذهبي بحشوة دجاج لذيذة… وصفة تستحق التجربة 😍🔥 المكونات: كأس حليب دافئ ملعقة كبيرة خميرة خبز نصف ملعقة كبيرة سكر ملعقة خميرة حلويات بياض بيضة ربع كأس زيت دقيق حسب الحاجة رشة ملح طريقة التحضير: نخلط الحليب الدافئ مع خميرة الخبز والسكر وخميرة الحلويات وبياض البيضة والزيت والملح جيدًا. نضيف الدقيق تدريجيًا حتى نحصل على عجينة طرية تلتصق قليلًا باليد. نغطي العجينة ونتركها حتى تختمر ويتضاعف حجمها. نشكلها كويرات، ثم نحشوها بالحشوة ونغلقها جيدًا. ندخلها إلى فرن ساخن على درجة حرارة 180 حتى تتحمر وتصبح ذهبية اللون ✨ حشوة الدجاج: في مقلاة، نقطع حبة بصل ونقليها مع قليل من الزيت حتى تذبل. نضيف صدر الدجاج المقطع، ثم نضع الفلفل الأسود، توابل الدجاج، الفلفل الأحمر، ورق الرند، الثوم، الملح، وقليلًا من رأس الحانوت. نخلط جيدًا ونترك المكونات تتقلى قليلًا، ثم نضيف 3 حبات طماطم مبشورة مع القليل من الزيتون الأخضر المقطع. نترك الحشوة تطهى حتى يجف منها الماء، ثم نطفئ النار ونتركها تبرد قبل الاستعمال. وبالصحة والراحة ❤️

🥟 أنجح وأخف سوفلي تقدروا تجربوهم 🥟 يجيو منفخين وخفاف، وصفة لو كان تجربوها ماراحش تبدلوها، سهلة ماهلة وبنتها ولا اروع. 😍🔥 1. العجينة: * المكونات: نص ليترة ماء، حبة بيض، فنجان تاي زيت، زوج مغارف كبار حليب بودرة، زوج مغارف كبار سكر، نص مغرف كبيرة ملح، مغرف صغيرة ونص خميرة الخبز، وباكي خميرة الحلوى. * الطريقة: خلطي المكونات وزيدي الفرينة (حوالي 900 غرام) حتى تولي العجينة طرية وتلصق شوية. اعجنيها وخليها تريح 15 دقيقة، ومن بعد حطيها في الفريجيدير 6 سوايع على الأقل. 2. الحشوة (لاصوص): * الطريقة: ذوبي زوج مغارف كبار زبدة مع زوج مغارف كبار فرينة، وزيدي الحليب بالعقل حتى تتقال. زيدي مغرف كبيرة فرماج طري، فرماج رابي، زيتون مقطع، معدنوس، ملح وثوم بودرة. خليها تبرد مليح قبل الاستعمال. 3. التشكيل والطياب: * التشكيل: حلي العجينة رقيقة بزاف، ديري لداخل لاصوص، التونة، والفرماج. ادهني الجوانب بالماء وأغلقيها مليح. * الطياب: ادهني الوجه بالبيض ودخليها للفور يكون سخون بزاف (أعلى درجة) حتى تتحمر من التحت ومن الفوق. * اللمسة الأخيرة: كي تخرج وهي سخونة، رشيها بشوية زيت زيتون.

بسبوسة خفيفة وبنينة😍😍من اروع ما يكون 💕💕💯 الشاربات : كاس سكر + زوج كيسان ماء + شريحة ليمون نخلطوهم مليح و نديرهم فوق النار حتى يغلو العجين : حبة بيض+ ربع كاس سكر + قرصة ملح+ ربع كاس حليب نديرو غير بلعقل وحنا نخلطو+ ربع كاس زيت نديرو غير بلعقل وحنا نخلطو + مبشور حبة ليمون+ مغرفة ص عصير الليمون+ زوج مغارف جوز الهند+ باكي خميرة الحلوى 10غ + كاس غير ربع سميد متوسط نديرو غير بلعقل وحنا نخلطو امبعد نفرغ الخليط في مول مدهون بالمارغارين والسميد وندخلو يطيب على 150 درجة كي يطيب نشربو بالشاربات لي وجدتها مع الاول امبعد درت ملفوق جوز الهند وكاوكاو مرحي وحبة كرز و بصحتكم.

عصير المشمش 🧊🥵 المكونات : 4 حبات مشمش 3 حبات برتقال سكر حسب الرغبة 2 أكواب ماء بارد الكل في الخلاط تصفية الخليط وإزالة الرغوة وبالصحة والراحة الفيديو متوفر على الصفحة تابع الصفحة للمزيد من الوصفات السهلة والسريعة ❤️

🥟 أنجح وأخف سوفلي تقدروا تجربوهم 🥟 يجيو منفخين وخفاف، وصفة لو كان تجربوها ماراحش تبدلوها، سهلة ماهلة وبنتها كالعادة هبال تع الدنيا. 😍🔥 1. العجينة: * المكونات: نص ليترة ماء، حبة بيض، فنجان تاي زيت، زوج مغارف كبار حليب بودرة، زوج مغارف كبار سكر، نص مغرف كبيرة ملح، مغرف صغيرة ونص خميرة الخبز، وباكي خميرة الحلوى. * الطريقة: خلطي المكونات وزيدي الفرينة (حوالي 900 غرام) حتى تولي العجينة طرية وتلصق شوية. اعجنيها وخليها تريح 15 دقيقة، ومن بعد حطيها في الفريجيدير 6 سوايع على الأقل. 2. الحشوة (لاصوص): * الطريقة: ذوبي زوج مغارف كبار زبدة مع زوج مغارف كبار فرينة، وزيدي الحليب بالعقل حتى تتقال. زيدي مغرف كبيرة فرماج طري، فرماج رابي، زيتون مقطع، معدنوس، ملح وثوم بودرة. خليها تبرد مليح قبل الاستعمال. 3. التشكيل والطياب: * التشكيل: حلي العجينة رقيقة بزاف، ديري لداخل لاصوص، التونة، والفرماج. ادهني الجوانب بالماء وأغلقيها مليح. * الطياب: ادهني الوجه بالبيض ودخليها للفور يكون سخون بزاف (أعلى درجة) حتى تتحمر من التحت ومن الفوق. * اللمسة الأخيرة: كي تخرج وهي سخونة، رشيها بشوية