قصائد مكتوبة مع اللحن

عظم الله لنا ولكم الاجر بذكرى أستشهاد النبي الاعظم، خاتم الأنبياء والمرسلين سيدنا وحبيبنا ونبينا محمد صلى الله عليه وآله وسلم.

وداع الزهراء و النبي محمد ص انشد ولا خليت واحد شصاير يمن بالروح گاعد يابويه اول مره هايه ملگاك هيج يصير بارد يالعلمتني شلون بيه كل ما اجيك تشم اديه شو هسه مدري شصار بويه متگوم تتلگه الزجيه اخ ياشلعان گلبي  وياجرح ليل الضلام بويه محتاجه لحنانك  فكلي حضنك ارد انام يا سلام الباقي ليه  وطايح اگبالي السلام يابويه   يابويه ،،،،،،،،،،،،،،،،،،،،،،،،،،،،،،،،،،،، فراگك ولا بياش حيله من البجي نگعت الشيله ابنيه من ايموت ابوها لا والله ماترتاح لليله يالفرگت عيونك هضيمه والروح من بعدك يتيمه ترجعلي لو مابيك جيه دنياي صارت جنها هيمه يالرحت من بين اديه  خلاف وجهك امشي وين الموت موطلعان روح  الموت من تفگد حنين بعد يابيت اليلمني   اتطشرت كل السنين يابويه   يابويه ،،،،،،،،،،،،،،،،،،،،،،،،،،،،،،،،،،،، شتگول لو نرجع سويه لو رحت بويه وهاي هيه جا ليش ماتاخذني وياك شمتانيه ابروحي المنيه حاجيني بيش يسكتوها ابنيه من اتريد ابوها لا يا ابو الزهراء صعبه تتعثر ابنيتك لگوها لو حلم سير عليه  ولاتهد روحي بجفاك يالرحت خليت حيدر  يركض مهدل وراك وين رايح يابو عمري  امده الموت الخذاك يابويه   يابويه ،،،،،،،،،،،،،،،،،،،،،،،،،،،،،،،،،،،، يالگتلي اوصيج ابوصيه يبنيتي لا تبجين اليه يابويه اعرف قصدك هواي كل البجي اعله الغاضريه باجر يضل حسين ثاري مذبوح فوگ الرمل عاري والجثه تسحگها الحوافر ونار الخيام اتصير ناري باجر انه انشر قميصه  وبالسمه يصير الونين منذبح وبعيني اشوفه  ابقه اصرخ يا حسين لا اخو اليبقاله وسفه  وعالنهر توگع ادين يابويه    يابويه ابوفايز الرافضي

ستشهاد النبي محمد ص يالرحت من بين اديه فرگتك تصعب عليه ماترد يابو الزجيه   ... أخي گلبي وي جفني بجالك انه هم فاگد دلالك يارسول الله شجرالك  ... أخي انه اليفدي ليك الروح  كون ابگلبي اضمنك بفراشك  انام  اليوم    ماريد ابتعد منك   بالكت من يجيك الموت  يلگاني ويفك عنك صدمه من تفگد حنين يابو فاطم تمشي وين انه حيدر انه اخوك خلافك شتسوه السنين أخي يارسول الله   أخي يارسول الله ،،،،،،،،،،،،،،،،،،،،،،،،،،،،،،،،،،،،، عيني متفرهد ضواها والبجي خلافك خذاها روحي بس الهم وراها  ... حرام انته اخوي وانته ضهري الله بس ابحالي يدري مختنگ بالفرگه صدري ... حرام ياريته يلمني الموت  الدنيا ابلا اخوي ضلمه العينه تفارگ المحبوب  لابد بالبجي تعمه اسمعها المدينه تصيح  حيدر راح ابن عمه الشال خيبر حيله راح والله بعدك كلشي طاح حته رمش عيوني شاب گلبي يابو الزهره ناح أخي يارسول الله   أخي يارسول الله ،،،،،،،،،،،،،،،،،،،،،،،،،،،،،،،،،،،،، بحالتك حين الحجولي مابقيت امشي اعله طولي وحته  عدواني  بجولي    ...  ضلام گلبي مايصبر يغاتي منحني جني ابصلاتي يانبي خلافك حياتي  ... ضلام ماشافتها عيني  النوم   ولا فد ساعه مطبوگه مايفهم حجي المخنوگ  بس الروحه مخنوگه صارت ريتي من فرگاك   مثل الورقه محروگه يابوفاطم عمري ضاع وانه ما احمل وداع الشال خيبر من جفاك ماتشيله الليله گاع أخي يارسول الله   أخي يارسول الله ،،،،،،،،،،،،،،،،،،،،،،،،،،،،،،،،،،،،، صدمت سنيني بغيابك روحي شاتلها اعله بابك يكسر الخاطر غيامك   ... اضيع اذكر الگعده سويه وينك اتحطها عليه يالرحت ياهو اليه  ... اضيع يابس دمي بالشريان  وصاير گوه اجر حيلي ابجي الفاطم من الضيم  وفاطم هيه تبجيلي حجيلي شلونج بهل حال  وهيه تجاوب حجيلي اثنينه  لازم  نموت والله ذابحنه السكوت بخنگت المغرب نعيش والهوى ماضل يفوت أخي يارسول الله   أخي يارسول الله العبد ابوفايز الرافضي

گعدية

شهادة مولانا رسول الله صلى الله عليه وآله وسلم يَا فَاطِمَةُ، قُومِي إِلَى النَّحِيبْ يَا فَاطِمَةُ، قَدْ فَارَقَ الحَبِيبْ يَا فَاطِمَةُ، قُومِي إِلَى العَزَاء يَا فَاطِمَةُ، مِنْهُ إِلَى السَّلِيبْ أتجهزي الشوغة ألم من النبي العياله غمضها عينه اعللدمع ودموعه تروي حاله يبنيتي من بعدي دمه عينچ يصب بچيها وتصير دارچ للحزن ياشجرة الرساله يافاطمة صوت النبي الهادي سكت والزهرة بمصابه انحنت وحته السماء اتناحبت حيدر علي ضل اوحيد يافاطمة باب اليطرقه من يمر يطرقه غداً چف الغدر أضلوع أم أبيها تنعصر ورذال تهظمها اتريد --------------- يَامُهْجَتِي، بِخَافِتِ النِّدَاءٰ يَامُهْجَتِي، آتَجَهَّزِي لِلْبَلَاءْ يَامُهْجَتِي، أَسْتَوْدِعُج رَحِيمُاٌ يَامُهْجَتِي، مِنْ خَشْيَةِ الْبُكَاءْ أستودع الباري الأمر ومرج اله دعيته يافاطمة طه الخلگ ماتاخذ ابوصيته هونج على ماينبغي كل لچمه ماتمره بس گلبج أرباب الغدر تتحاشم الأذيته يافاطمة (افأن مات) النبي يعني حرم آل النبي باجر ثكاله وتنسبي من اديار تددخل لديار يافاطمة (أفأن مات) ورحل يم الحسن حان الأجل وچلمة(وأن)بيها أنقتل أزغر ولي اباب النار --------------- آلِ الطُّهْرِ، كَسِيرَةُ القُلُوبْ آلِ الطُّهْرِ، بِفَقْدِهِ تَلُوبْ آلِ الطُّهْرِ، الحُزْنُ وَالعَذَابْ آلِ الطُّهْرِ، فِي دُورِهِمْ يَجُوبْ أم الحسن متألمه ونصبت عزه أم ابيها وحيدر يحاول منحني يهون الحزن عليها حاول لچن ماينخفي دمعه وثقل أنينه وريحانت الهادي عله ونهه وكثر بچيها يافاطمة نادا على ريحانته وحاول يضمها دمعته بفراش موته طلبته حسين وحسن يمه ايجون يافاطمة ياجدي بيهم من سمع مر اعلباله امن أندفع بابه ونفس بنته انگطع كض گلبه وتغير لون --------------- رَيْحَانَتِي، نَادَاهُمْ أَبِشَجُونْ رَيْحَانَتِي، وَتَذْرِفُ العُيُونْ رَيْحَانَتِي، نَادَهُ وَحَصَلَ قُنُوتْ رَيْحَانَتِي، هَمٌّ عَسَىٰ يَهُونْ جابتهم الزهره أله وحتضنوا اليحبهم وصدهم رسول الله لحد مافارگ اليودهم استبصر عذابات الـ(وأْن)وستذكر المخيم أيتام وخيول وعطش والغربة حاوطتهم يافاطمة (اليهجر) هجير أشكم جسد باجر بناته ابلا سند وسبطه ابقناه راسه صعد وحزانه ترويهه أدموع يافاطمة يروي مصيبه أبكل دمع أبيوت آله كلهه تنفجع والهاظّمه يُكسر ضلع شي خيل شي باب أجذوع رسول رياض

بصوت. مسلم المطيري ثالث النوح أدفنك ياحبيبي كلمات الشاعر حاتم صبري الكاظمي

قصيدة دفن الأجساد المقدسة .. للامام زين العابدين السجاد ع بـثالث النوح...أدفنك يا حبيبي بدمعة الروح...أدفنك ياحبيبي وسط گبرك أنزلك على نحرك أقبلك...ياحبيبي ......... من أجيتك...لطـــــفوف من اليسُر شفت منك...مطشره عظام الصدُر هنانه أيدك بس شفت ناقصهه إصبِع وبحصيره ضلوع صدرك گمت اجمِع دمعي هـــمال...بديه شلون اشيلك مگطع أوصال...بديه شلون اشيلك حِرت مابين احملَك على نحـــرك أقبلك...ياحبيبي .......... عِفت زينب...مادَرَت جاي الدفن لون تــدري...تــــجي ويّايه أظن ريحة الخــــوّه تدليهه اعله جسمك تجي وتصبغ للوجه من فيض دمك خايف تمـوت...إذا حاچاهه نحرك تردَك ابصوت....إذا حاچاهه نحرك يريت ابإيدي اجَـبلَك على نحـــرك أقبــلك....ياحبيبي ......... جايب وياي...ماي اشرُّب مَنحرك أسمع تگول...يبني شنهو الأخرك بدمعي أگلك چنــت يم الفاطميه بحضني چانت نايمه أختي رقيّه خايف اتفز...تگلي وين أبويه چلمه وتعز...تگلي وين أبويه تصيح وتسأل أهلك على نحـــرك أقبلك...ياحبيبي ......... بيدي گبــرك...أحفر ودمعي يهل وانه اسولف...عالحبال وعالهزل حاله مَرَّت عمتي والله شـصعُبهه بويه واحد بالرمح شفته ضربهه وانه معلول...حسيناً واحسينا اسمع تگول...حسيناً واحسينا ونيابه جيــت أگلك على نحـــرك أقبلك....ياحبيبي ......... أحمِل وياي...شـويّــه من أغله دموع من العقيله...أرد ارشهه اعله الضلوع حته تشتَم عطر لحجاب الحبيبه عمّـتــي المدللـه صارت غــــريبه سـلّبوهه...بعد عين ابو فاضل شتموهه...بعد عين ابو فاضل بدمع عمتي أغسلَك على نحـــرك أقبلك....ياحبيبي الشاعر حاتم صبري الكاظمي

بصوت. مسلم المطيري يعمه وين ادور وين عليك ومنشغل بالي كلمات الشاعر سيد رياض الرسل الجابري

حوار بين السيده زينب والامام السجاد في ليلة دفن الاجساد يعمه وين ادور وين عليك ومنشغل بـالي بس انته التحامينه يعمه أبقيت والوالي نـادت والـدمع سچـاب لمن شافت الهـيــبــه وينك ياعـلي ويــنـــك عفتنه بهاي المصيبه احسك غـبـت ياعـمــه وخفت لتطول الغـيبه اسأل والگلب نصيـن لمن غبت عن العـين ياعـمه رحت لاويــن جاوبني يبعــد الروح وارحم عـمــه دلالـــي جاوبهـــا علي السجـاد انطوتلي الگاع ياعمه بأذن الله ورحت للطف لبويــه وگعــدت يمــه دفنته والجسم عـــاري وماغـسلـتــه من دمـه ابويـه من نــزل لحـده يعــمــه شــدتي شــده دفنته وراس ماعـنـده بهاي الشده ياعــمــه الباري وياي يــبـرالي ومن نحره يعمه صوت اسمعه والـدمع يجــــري يگـلـي يـاعـلـي يـبـنــي رضيعي اتوسده صدري وعلي الاكبر اريده يصير يبني ياعـلـي بكـتـــري جبت عبد الله يم صـدره واخويه الاكبر بكـتـــره والچ شميتـه من صدره يعـمه ورايـد الـبــاري بمحنتي يـرحـم بحـالـي زينب تسأل السجـــــاد والسجاد يسمعــهــــا تگله الجاب زينب وين ومن الوطن طـلعـهـا تنشده ادفنته ياعــمــه تحچي ويهل مدمعهـا تسأل عن ابو النومـــاس اخويه البي رفعت الراس دفنته العـمــك العـــبــاس اخويه والنعــم منـــــه كفيلي وكافل اعيالي يگـلهــا ادفنته ياعـمــه لاچـن حالـتـي حـالــه شفـتـه راسه المهـشــم بچيت بدمعـه هـمـالـه وشفت الجود مابي ماي الچان أيـريـده لعيالـه وشفت چفينه والرايه يعـمه اعـلـه المسنايه ظـلـن عــالنـهـر آيــه اچفوفه العوض مو هسه يريدنه العوض تالي ورحـت للقاسم العـريس دفنته ودمعــي يتجاره ابن عمي الحسن للموت ماتطفه ابــــد نـــــاره وگبر احفرت يم حسيـن يعـمـه وجبت انصاره گبـر انصاره يم گبـره لبويه وصارو بكتــره ذوله الفرحو الزهـره مابخلو علينه بالــــدم العزيز انطونه والغالي لاتنسون والدي وابني عباس من الرحمه والفغران خادمكم رياض الرسل الجابري

نعي بصوت. مسلم المطيري الشاعر العراقي

نعي نعي نعي نعي لسان حال السيده زينب عليها السلام تخاطب الامام السجاد عليه السلام بعد رجوعه من دفن الاجساد عمه علي وين الگبر صار دليني گلبي صاير ابنار عمه انه عفته بعج الغبار مطروح بالميدان مطعون عمه ارد انشدك هم سكيته وبالماي كبرته بلليته عطشان عمه انه جفيته وگلبي اويه جسمه صار مرهون ياعمه كلي شلون بيه هم ناشدك عمه عليه عفته رمي بالغاضريه وماغمضت من عنده العيون ياعمه انشدك عن جفيلي من راح راح اوياه حيلي ياعمه لو ماخذ دليلي وياه عمه ريته مدفون الشاعر العراقي

بصوت. مسلم المطيري ياله فزعزله بعراضه وخل نگوم الدفنته كلمات الشاعر رائد الاسدي

دفن الاجساد يلله افزعولة بعراضة وخل نكَوم لدفنــتة موش من شيمة عربنا الميت اتظل جثتة --------------------------------------------------- اليوم ثالث صاير الها هالجثث فوكَ التراب لا غسل لاچفن ظلت اه من هذا المصاب اموذرة بسيف المنية كهول واطفال وشباب اطيب من الطيب صارت ياهو نشتم ريحتة -------------------------------------------------- هذا ابن بت الرسول ونايم بحر الشمس لاهدم عدة ويسترة سلباه منة الرجس جثة مسحوكة بحوافر بيها اثار الرفس مرضرض مكسرة ضلوعة ال مية خلتة -------------------------------------------------- ﷲ واكبر يا جماعة هالطفل شنهي الجناه بالسهم مصيوب نحــرة كَلبة مارف الرماه مكَمط ومكَطوع راسة والرمل صـاير غطاه يا بني سد شوفوا حالة العطش فت چبدتة -------------------------------------------------- اه يا حال الشـباب عليه كثروه النياح ماسلم ياوسفة جسمة مكَطع ابيض الصفاح ماكتر سـالم نشيلة شلنا واحد ثاني طاح چا ابوه شلون حـــالة من نظرها حالتة -------------------------------------------------- هذا عريس الشباب ولابس احمر شالسبب من نزف نحرة اوريدة ثوبة بالدم انخضب ماكو يا ظلام رحمة وين نخوتها العرب سيوف ورماح وعساكر ليش صارت زفتة --------------------------------------------------- ياحرب دارت رحاها وطحنت انصار الحسين هالجثث ابطال كلها وعالتـراب اموسدين نيف وسبعين واحد كالاضاحي مذبحين وكَفوا لحد المنيــة للحسـين ونصرتة --------------------------------------------------- ذاك من بعيد واحد طايح اعلى المشرعة حاضن الجربة اعله صدرة والچفوف مكَطعة سهام صدرة الصوبنة من كَفاه شو طالعة ما تلكَة الـكَاع بيدة وعلة صدرة طيحتة أسالكم الدعاء رائد الاسدي

بصوت. مسلم المطيري #نعـي يا ناس عندي وليد سمّوه بسم المنيه چبده مردوه بلا دفن فوگ السطح خلوه من شربة اميه ليش حرموه بحسين ذكرني يهالناس بس الفرق جسمه عله الراس ما شفت جسمه بخيل ينداس ولا اخت عنده بين الارجاس مريت يدهري حنظل وللريج مريت وعله اوليدي الجواد بضيم مريت جرع سمهم وذاب الگلب من ريت سم الگطع گلبه يصير بيه ... يمهم ويلادي اروحن دوم يمهم ويومي تمنيته گبل يمهم كل ساعه يصيح الموت يا امهم الحگ اوليدچ بحضن المنيه كرار حسين الكربلائي #اللهم_عجل_لوليك_الفرج

بصوت. مسلم المطيري هالله. هالله. جسام الحومه طب صگارها كلمات الشاعر ابو احمد الطائي

قصائد مولاي القاسم ع هالله هالله جسام الحومه طب صكارها طبهم المايطي عطوه ولايصالح سيفه بهدته العريس خله الدنيه تمشي بكيفه عيناني حسين قائد واعمل بتكليفه وسيفي گانوص الحرايب هذا اسم توضيفه وخله كاع الميدان تنزف من اكتارها تباهت بزوده العقيلة وأمه رفعت راية ذراعه شافنه ثكيل وهز لمسنايه دمهه واصل للرجاب الخيل والمشايه وزلم المفتله الشوارب شردت مدمايه دنگت يم رجليه ازغارهم و كبارها اعشگ الصعبه و طبهه  السهله ما ادنيها وافرح بجيت الحريبه بنبض روحي اشريها تگوم وي سيفي القيامه الدنيه كلها الغيها والحرب كشايه عندي ريشه ونفخ بيها حاوط بسيفه الكون وكربله شب نارها صاكر الفرسان اسمه سيفي كلش قاسي والمراجل ارث ابوي  وعمي وعباسي راح اذبح بيها وادم اكثر من انفاسي وكربلاء والشام اذلها من احطهه ابراسي براسي حطيت الكوم والا امحي اثارها كربله اطبگهه عليكم مثل طبكت عيني وابن ابوه اليجر سيفه واليجي يلاگيني راح حتى السيف اذبه وافزع بجفيني وارد ادور شكو واحد غاث كلب حسيني انهزمت اصفوف اصفوف من.دخل مغوارها حسين كبر لبن اخوه وسمع صوته يصيحه وكام يحصد بالعساكر حتى كلبه يريحه ميه يردمها اعله ميه ويه كل تسبيحه وعفيه عفيه بين اخوي هيج كام يصيحه من سمع صوت حسين اگحم اعله اخطارها خادم الزهراء ع ابو احمد الطائي

بصوت. مسلم المطيري لا يدنيه. ليش تقسي ويه الشباب كلمات الشاعر ابو احمد الطائي

قصائد القاسم ع لايدنيه. ليش تقسي اويه الشباب اوجوه حلوه. والله مو مالت تراب خصمج اصير الزجيه جبرتي جاسم عالمنية. لايدنيه. لا يدنيه .ـــــــــــــــــــــــــــــــــــــ كلتيلي اود ال النبي. وجذابه حيل اطلعتي وبصعب شدايدهم ولج. سيف الحرب جرتي ادورين باعمار. الولد. ويم جاسمي وكرتي وخنجر غدر يادنيتي منج زرف خاصرتي هذا طبعج.. غادره ومالج صحاب واليئمنج. مثل الي يئمن السراب شلنه بيها الغاضريه. جبرتي جاسم عالمنية. لايدنيه. لا يدنيه ـــــــــــــــــــــــــــــــــــــ بالله احلفج دنيتي. اتنصفيني لو بحجايه هم شفتي زفه لو. عرس. تنصب بمسنايه ويه الحسين وموكبه أوجرتي حيل اهوايه احلا شباب اعلى الارض. بفيض الدمه امحنايه شنهو نفعج.     من شباب اوليدي غاب ها فرحتي.     عرسه سويتي مصاب بدمه شبعتي الوطيه. جبرتي جاسم عالمنية. لايدنيه. لا يدنيه ـــــــــــــــــــــــــــــــــــــ بنفسي ادوفن حنته. وبعرسه اكحل عيوني وبزفته. جان الامل. احبابي ايهنوني اكرام وعليه اجمعوا. لكن اجوه عزوني وبمجان دمعات الفرح. اللطم هدلي متوني ضاع حلمي. من نوه اوليدي الذهاب شنهو ذنبي. اختم احلامي بعذاب راحت العيشه الهنيه.    جبرتي جاسم عالمنية.    لايدنيه.   لا يدنيه ـــــــــــــــــــــــــــــــــــــ شاف الجنود اتحزمت. يحد كلمن بسجينه وعمه وحيد بكربله. الكون ضاك بعينه طشريها . صينة الشمع. وهذا العرس تلغينه ابنج نذر دم ركبته. العمه وراح يعينه هايدنيه. للحزن فكيتي باب شاب كلبي. وبعد جاسم جفني شاب ناصريتي انذال اميه.   جبرتي جاسم عالمنية.    لايدنيه.   لا يدنيه ـــــــــــــــــــــــــــــــــــــ سالفته جان بكشخته. وشكد شبابه يحبه وكلمن يعاشر ضنوتي. ايسميه حلو الصحبه يادنيه ليش بياسبب . اوليدي اندفن بالغربه وحتى الطيور البسمه.    . اتحبه وتحب گربه حلو طبعه. العاشراه. بطبعه. ذاب جاسم ابني.    شاب جان واحله شاب ڰعدته ضلت خليه.   جبرتي جاسم عالمنية.          لايدنيه.   لا يدنيه ـــــــــــــــــــــــــــــــــــــ لاسامح الله دنيتي. طعنتني باكبر طعنه انا وضنوتي بفد نفس وكوه الوكت فرگنه شافتنه نتنفس سوه. وهالحاقده حسدتنه ونكمله براحه العمر. هالدنيه ماخلتنه ياهضيمه. سند روحي عني غاب وطحت اسيرة. وهو ضل اعله تراب بذمتج لامو بريه.  جبرتي جاسم عالمنية.          لايدنيه.   لا يدنيه خادم الزهراء ع ابو احمد الطائي