قصايد مكتوبه كتابه

بسرعه خلصن * شهر عاشور وصفر خوفي ترحـل * ياحبيبي المنتظـر باقي بس يوم الرســول خايـف غيابــك يطــول وين اشوفك * وين اشوفك ــــــــــــــــــــ مو لساني يخاطبك گلبي الشجي خاف مــا عيشن بعد عـام اليجـي لهالسبب جيت اعله بابك ارتجي اعليك ضـلع الرضّه حافر اعوجي العشره الاولى * ندري تگضيها لطم ولذلــــك * كـل محـرم بــي طـعـم خاف هالنعــمه تـزول خايف غيابك يطــول وين اشوفك * وين اشوفك ـــــــــــــــــــــ ويوم عاشر ادري بي تشبع الم انته گايلها دموعك تجـــري دم گوه بالركضه تشيل انته الجدم بعده يخنگ بيك دخان الخيــم وي ركضتك * خطوه خطوه تضل تعد ومن ضريحه * يصيحلك عبد الله رد تأخرت يمته الوصول خايف غيابك يطــول وين اشوفك * وين اشوفك ـــــــــــــــــــــ ثاني عشره اگضيتها تنوح وتــون نحت من يوم اهدعش لــم الحزن وندري يوم اثلطعش بي ممتـحن احضرت وي زين العباد انته الدفن وبدفنتـــــه * اضــن ايدك حـاضـره بصلب جدك * وانته تبچي لخنصره شگد عليه مرّن خيول خايف غيابك يطــول وين اشوفك * وين اشوفك ــــــــــــــــــــــ ادري ثالث عشــره وين توجهت بوسط هاي العشره للغرقد رحت يم گبر زين العبــاد انتـه گصــدت بس صحن ماكو لعد وين گعــدت أرد اسألك * لچــن كاتلـنــي القهـــر گبره طفته * شلون طفت اعله الصخر؟ انته زرته احنه شــنگول خايف غيــابك يطــــول وين اشوفك * وين اشوفك ــــــــــــــــــــــ اول العشــره بصفـر لمن يهـــل موعــدك للشــــام لازم تنـــتقل يم رقيه تفك اديها من الحــبل زغيره عمتك عالهجر ما تحتمل و ابو محمد * يوم سابع ليه ترد وبالمديــنه * للمآتـــم تســتـعد وهم تمر اعله عالبتول؟ خايف غيابك يطـــول يمته اشوفك * يمته اشوفك ـــــــــــــــــــــــ وترجع وتلگه المواكب تنّصـب وتبقى عينك بس تباوع عالدرب باربعــين حسين عمتك من تطب تضمها بعيونك عن عيون الغــرب وانته بيدك * تترس الشارع عبــي حتـــى زيـنب * تنســى ايام السبي لأن عمتك بت أصول خايف غيابك يطــول وين اشوفك * وين اشوفك ــــــــــــــــــــــــ بهذن كلهن جفني صاحي وماغــفه وشمعي ضل يتاني تحضــر ما طفى دخيل عندك بس وفاة المصطفى رايـــدك بـــس هالعــــزاء تشــــرّفه راح اخلي * عيون گلبي مركـّـزه بلكي اشوفك * لان هذا آخر عزه الورد ما يحمل ذبـول خايف غيابك يطـول وين اشوفك * وين اشوفك ـــــــــــــــــــــــــــ الشاعر مهدي التقي

ماخَلَّت حيل...عندي الآلآم زين وردِّيت...عَدله امن الشام حُسيناً...واحُسيناه آنه ام الصبر زينب..أميره وآنه علويَّه وسف فگد اخوتي والطف...حِنَنِّي وأثّرن بِيَّه إجيت الكربله ابهيبه...ومنهه اطلعت مَسبِيَّه عگب الشفته زين آنه...وعشت للاربعينيَّه ناري البالروح...چن نار اخيام زين وردِّيت...عدله امن الشام حُسيناً...واحُسيناه ....................................... يهل تنشد على احوالي..اشعجب عدله بگيت آني مَشيئة ربنا خَلَّتني...أرد لگبور ولياني لوما حكمة الباري...بالطف مَيته تلگاني امبارَك بس نَفَس ضلّيت...عگب افراگ خُوَّاني كَبَّرني النّوح...مدري اشچم عام زين وردّيت...عدله امن الشام حُسيناً....واحُسيناه ..................................... تِهِد الرَّاسِيَه احزاني...وتِشَيب الطفل سالفتي واعله اجروحي الاحچيله..يگول اشعجب عدله انتي گد ما بالسَّبي اتأذّيت...وراواني العَجَب وكتي أون امن الهظم والنُّوگ..تون وتنحب الوَنْتِي وجفن المهظوم...مجروح اينام زين وردّيت...عدله امن الشام حُسيناً...واحُسيناه ........................................ من اليسر للوادي...رجعنه ابروس اهالينه وصلنه وذكريات الضيم...كلهه انعادت اعلينه اهنا صحنه وبچينه اهنا...واهنا طاح ابو اسكينه واهنا مات ابو فاضل...وكلهه اتشمتت بينه ومِنَّا يحدون...بينه الضِّلاَّم زين وردّيت...عدله امن الشام حُسيناً....واحُسيناه ..................................... ملهوفه اعله اخوي حسين..واحسب يمته نتلاگه امن الناگه هويت آنه...گبل ما توصل الناگه وقبل ماأحچي عن جرحي..وعن حزني وعن افراگه ناديته ابجرح گلبي...وحگ الزهره مشتاگه ورحت العباس...والطم عالهام زين وردّيت...عدله امن الشام حُسيناً....واحُسيناه ...................................... من البَچي محرومين...وبينه الحسره مختنگه ترسنه المگبره بالنوح...بلكي انعوّض الحِرگه كل حُرمه اعله غاليهه...تحن وتشتكي الفرگه الهظيمه للمدينه اشلون...نرد وكلشي مانلگه انعيش الآهات...ابموت الأحلام زين وردّيت....عدله امن الشام حُسيناّ....واحُسيناه سيد علي الموسوي

گبرك وين حاچيني يعباس ....... جيت امن السبي بعيال ويتام. گبرك وين حاچيني يعباس احچيلك عـذابي بطبّت الشام. گبرك وين حاچيني يعباس مسبيه وحملت جـــروح وآلام گبرك وين حاچيني يعباس تتفرج علية وتنظر الناس گبرك وين حاچيني يعباس ............. ميته ولا رحت للشام ياريت گبرك وين حاچيني يعباس گوم وشوف حالي شلون رديت گبرك وين حاچيني يعباس من ضيم السبي عباس سلّيت. گبرك وين حاچيني يعباس من حچيّ الشماته شيّب الراس. گبرك وين حاچيني يعباس .............. زينب آنه اختك ياضوه العين. گبرك وين حاچيني يعباس جيتك من عذاب الشام والبين. گبرك وين حاچيني يعباس بية اصّار وسئلني چنت وين. گبرك وين حاچيني يعباس كلشي يطيب ألّا جرح الاحساس. گبرك وين حاچيني يعباس ............. للطف جيت خويه بعد لغياب. گبرك وين حاچيني يعباس عندي وياك دمعه وشكوه وعتاب. گبرك وين حاچيني يعباس شلون تعوف زينب بين الاجناب. گبرك وين حاچيني يعباس جرح الشام ظل يسعر بالانفاس. گبرك وين حاچيني يعباس ............. طر تراب گبرك ونهض وگوم. گبرك وين حاچيني يعباس يا عباس جينه امن السبي اليوم گبرك وين حاچيني يعباس گلبي عليك يسعر حيل ملچوم. گبرك وين حاچيني يعباس جينه امن الشماته بلايه حراس. گبرك وين حاچيني يعباس .............. تحت تراب نايم وختك تصيح. گبرك وين حاچيني يعباس من گد التعب لو عثرت اطيح. گبرك وين حاچيني يعباس تميل ويالهوى لو هبت الريح. گبرك وين حاچيني يعباس حزني بأي حزن هيهات ينقاس. گبرك وين حاچيني يعباس سيد زيد الفحام

#نعـي لشهادة مولاي الرضا روحي فداه يامن يسرج الشكره امن الخيول ويطر الصحاري ويصل الفحول بني هاشم ومن يوصلهم يگول وليكم سمموه بارض مشهد . وليكم ماله من الخلك عونه من السم تراه انگلب لونه ويريد ابنه الذي يغمض عيونه يريد ابنه على ايده يتوسد . حگة لو طلب هالساعه ابنه شكثر صار الرضا محروم منه ابوه وبشوفة ابنه ما تهنه وين ابنه تراه الرضا امدد . وين ابن الاكارم وابن الحيود الجواد العلى كل الوادم يجود يدري بالغريب بروحه متهود اذا مو هله يمه لو تشهد . وهو اعلم بعد بالماله عوان من يبگى وحيد ابين عدوان جده حسين ضل عالترب عريان ثلثتيام ضل اللهُ الاحد . ثلثتيام باگي بهوه الصحره وتحت حر الشمس مطروح صدره الا ابنه اعتناه والحده بگبره لوله ابنه فلا يدناله احد عبدالله الفريجي اللهم_عجل_لوليك_الفرج

صاح ابو فاضل هله وشد النطاق وطلعت المشايه من كل العراق طلعت ورفت الرايات الخضر وأبو فاضل شال جفينه السمر للحسين المنذبح دگو صدر واسم زينب بالكلب كِتبوه وثاق . . . . طفل' شايب' شاب كلها محزمه هاي وادم عالحسين معلمه والنسِه طلعت تعزي فاطمه تحشمت بالغيره وانذل النفاق . . . . ذوله ناس اترابهم يسوه الذهب حرگه بيهم عالخيم حرگت وهب اذا صاحو يا علي يموت التعب والگلوب الكربله سوت سباق . . . . . وين امثال الكرم خل تنضرب موكب بصف موكب انحَط بالدرب بيت واحد ناسها لا مو غرب خدمة أهل البيت ما بيها شقاق . . . . طفح نهر الكرم وابدًا ما يجف اذا ينسد موكب يفتح الالف عد الحسين الخدم كلهم عرف تمنو الخدمه عمُر مابي فراق . . . . هبت البصره وگصِدها كربله وصاحت الزهره هله وميت هله وطلعت اعمارتنا طلعه معدله وهاي ذي قار الفخر كلها اشتياق . . . . والعوابس من سماوتنا الفخر صار ممشاهم مثل ممشه النهر اتحدوا اويه أهل النجف صارو بحر ورفعو الرايات من بعد العناق . . . . الدوانيه على الحله انطوت وگامت اديالى  شرارة وما طفت ويه أهل بغداد للعز اگصدت والشمال الكربله أعلن انطلاق الشاعر عبدالله الشويلي

رديت  بضعن  وبدمعي  اناشدكم شعجب ماواحد اتلگاني من عدكم ======================== من  الشام  الكم   يخوتي   رديت بس ارماد باقي من الخيام  الگيت اون واصفگ  بديه وبلبچي ظليت وبدمعي  وحسرتي  اليوم  اعاتبكم رديت  بضعن  وبدمعي  اناشدكم ========================= رديت  وحسبت  احسابي  تتلگون زينب وعله حالي  والسبي  اسئلون نومه  اعله  الثره ماحسبت  تبقون يخوتي  وأنه  زينب  جيت  افزعكم رديت  بضعن  وبدمعي  اناشدكم ========================== افزعكم  اريد  واشتكي   من  الصار بالشام انشتمنه  وشامرونه  أحجار ووجوه  الشماته  علينه   من  تندار يگولون   ب علي  بغضا   نعذبكم رديت  بضعن  وبدمعي  اناشدكم ========================== رديت  وأريد  اشكي  الجره  بحالي تموت  التبقه    بالغربه   وبلا  والي وأنه وحيده وغريبه ودمعي  يبرالي اناشد  ونتظر  ياهل  الشيم  ردكم رديت  بضعن  وبدمعي  اناشدكم ========================= رديت   ورقيه   ماجابتهه   وياي ظلت   بالخراب   ياضوه  عيناي عطشانه اعله راسك ماتت بلا ماي الچانت يا ابن ابوي مدلله بسدكم رديت  بضعن  وبدمعي  اناشدكم ========================== المن   اشتكي  حاچوني  يخواني وانتم عله  الثره  ومحد  تلگاني مچتوفه  وسبيه  دهري   خلاني عگب  ذاك  الخدر  ياهاشم وعزكم رديت  بضعن  وبدمعي   اناشدكم ========================== فوگ  اكبوركم  هل  الضعن  دمعه وگعدنه   انوح  يمكم  وبحزن  ننعه وياهوه  الي  نعوفه  وياهوه النودعه وتهد  اجبال  وتشيب   مصيبتكم رديت  بضعن  وبدمعي  اناشدكم ======================== الشاعر احسان الحميداوي

هــــلا بالمشايه الشايلين الرايه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ماتگضي كون ولاتخلص يحسين نوصلك ونطلع بعـــــد مشايــــــه تبقه المجالس كون مـــــنا للموت والخدمه تبقـــه ومانزل رايـــــــه تزيد المواكـــــب ماتخلص مولاي وقرايـه تگضي وتبدي يمها قرايه ،، لاطمـــــــــــع لاغايه صدگ موش حچايه لوگلت حبيـــــــــــته هــوه راحـــــت بالي اول ومـــــــــــو تالي بالكلب خليتــــــــــه خــادم يسمـــــــوني  خادم وخيعـــــــوني هـــــــــــــذا التمنيته ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، يـــوم اربعينــــك موش بس الزوار حتئ انبيــــاء ورســــــــل تتحفالك شمسوي بيــه وهيچ اجيلك محتام گبـــــــــل الزياره حسيــــن وتعنالك چاغير كون من اوصل اشبع يحسين كل مااگومن الگــــــــه روحي گبالك ياتعــــــــــب يمنعني وعنــــــــك يرجعنـي وانتــــــه تعبك راحه اتعلگ بشباچــــــــك وكضـي عمري ابابك چفي اذا مالاحــــــه عشگ عاشــك دربك بگلبي قافـــل حبك والعشـــــگ مفتاحه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، حي الله باچـــــــــر كربله تضل تصيح والحسن واگــــــــــف ينتضــــر زوارك يترس مضيفه الحسن باچــــــــر زوار ويگلـه جاســــــــــــــم لاتخمــــد نارك جبريل باچـــــــــــــر يوگف يوزع ماي وتهلي بالزوار عتبــــــــــــــــــت دارك البألسمه وبالدنيــــه كلها الك متعنيــــــه وفاطمه تعزبهــــــم ماي زمزم باچـــــــر توزع اعلئ الزايــــر وكلهم تشـربهـــــــم حيل باچــر زينـــب توزع اعله اليتعـب ويمـــــــــك تگربهم ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، شنسوي بيها الدنيا اذا مـــــــــو وياك شطانه غيـــــــرك حتئ نمشي الغيرك تخلص الوادم لابــــــــــد وكلها تموت بس انتــــه باقي ومايخلص خيــــرك كلشي الله سوه وكلشي حط بي تفسير وانتـــــه الوحيــــــد النعجز بتفسيرك ياغني ويازاهــــــــد ياملك ياعبــــــــــــد يالمحيـــــــــر الوادم ياعشــــــــگ ماينمل وياك يبقـــــــه مدلل كل حياتـــــه الخادم اسمــــــــــك مكفيني قبلتي انتـــــه وديني وگلبي بأسمك هايـــم ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، مصطفئ الصالحي

فزاعية ينوحن ولسبي... بلا حيل خلاهن حته النـــوك ضـــلت تبجي وياهن ........ يمـــشن ودرب كل حيلــــهن هده وكامت وحده تسند روحه بوحده عله ضهور الهزل ايسلـهـمن كعده الزمان بلا ابو فاضل ويــل راوهن ............ بعد ذاك الدلال وخدر المعـــتبر وجهن محترك من شمس ولحر يحدبن بالمشي وجروحهن تكبر ومن ديره لديره الشمر فراهن ــــ من ديره لديره وحــالهن حاله خدرهن طاح لـمن طاح كفاله بي زينب احتارت ياهو تنعاله عليهه الحرم تنعه وهيه تنعاهن ......... تنعه وشابحــه للـــعلرمح نحره وتباوع لحيته من الدمه حمره تنشد وين اخوي عماته الخضره بمتوني اشدهه الصوط اذاهن ......... هاشم وين عني اوينهه اولاده درو بالغرب طكو عمت الساده الطف غير وجهنه وحركه ورماده جمر خيامي اديه شكثر جواهن ــ.......... الشاعر مصطفى الحسني اللهم_عجل_لوليك_الفرج

يدفان ارد انشدنك على حسين دفنته ابلا غسل وبغير تچفين . حاچيني ارد انشدنك يدفان على الظلت جثثهم فوگ تربان لا يمهم اهل لا يمهم اخوان بس ظل العليل اويا نساوين . گلي حسين اخيي اشلون وسدته خده اعله التراب اشلون رهمته وخنصر ايده گلي اوياه هم جبته دفنته وحدك لو يمك امعين . يدفان ارد انشدك علي كافلني مثل ظلي اجيت اوياه امناطرني ما ظنيت وبهالحاله يتركني ظل عالمشرعه من غير چفين . الكافل من دفنته اشلت من عده چفينه شلتهن همه وي زنده بصوب المشرعه عباس ظل وحده اوراسه بالعمد مطرور نصين.ق.

[[عشت الالام]] بآخر لحضاته علي السجاد ع يتكلم عن مصائب كربلاء لأستشهاد مولاي السجاد ع عشت الالام --- وخنگة الشام الله ليـــــرد --- ذيـــــچ الايام ◾◽◾◽◾◽◾◽◾ الدنيا ليل ماكو حيل مضيعين اهل المحنه بالغـــرب گام طاح اعلــيه صاح الشامت وانه انعصر مني الگلب يناس الفاگد احبابـــه الله يعيـــنه لمصـــابه طلابه راحته طـــلابه -- ونـــيـن وأنه الضاعولي هوايه سوت دنيتي ســـوايه طاح الشايـــــل الرايه -- الحنـين ناري بحشاي --- راح الفياي ما عرفـــــتـه --- وين منواي ◾◽◾◽◾◽◾◽◾ بالخيــــام شلون انام واني ادري الموت قادم ع الاهل گمت الوج وحزني روج لحدما ضلع الولــــي يمي وصـــل شيهود بناته تصـــــــيح وزينب مثل سعفه بريح بنيه تگوم الاخرى تطيح -- انـــين شسوي وحالتي تبــچي ياهو اليسمع واحــــچي الفاگد بيمن يــــــــتچـي -- حزيــن التفت غــاد -- نار ورمــــاد التفت هيچ -- تركض اولاد ◾◽◾◽◾◽◾◽◾ هم عــــليل هــــم نحيل مشتــــــــت البال بنوايب أثّرن بالي اقسام يــــم الايتام وبال يم اختي العليله البالحزن وحيده ضلـــــــت بحـيره وعلى ضيم الجفه ازغيره ما تدري احنه يا ديـــــــره -- تنوح انولينه وناس ما تـــــرحم واه البــــينه مــــا تنضــــم متني امن الزجــــــــر ورم -- جروح امشي واعثر -- والدي بحّر وهدم حيـلي -- علي الاكبر ◾◽◾◽◾◽◾◽◾◽ هنـانه اخوي ذاك ابـــوي هنانه عمي ذاك ابن عمي شفت والاصحـــاب ع التــراب ولن عبد مذبوح گدامي ومـتت اجيــنه اضعون متروسه بذيچ الــزلم محروســــه انوب الطايــح اتدوســـه -- الخيول ضمايا ومايـــنه ما صـح شح اعله المخــيم شــح بسوالف ضيمنه شأشرح -- تطـول الغاضــريات -- دمعه واهــات بيها الحسين -- يا وسف مات ◾◽◾◽◾◽◾◽◾ بالحـــديد چتــفو ايد واحد بآخر تگـــــــيدنه غــــــــــصب انسبيــــت وانــــوليت وماگدرت احميها عمتي امن الضرب سياط بسكنه ورقـيه ما شفنه الهنـه شـويه وخواتي بنوگ محنيه -- اركبن بسـوگ وناس فـــرونه ودفــع للكوفـــه ودونه عفنه اويه اللي عافونه -- الوطن كلشي شفته -- ويلي عشته راح امـــوتن -- سكته سكته ◾◽◾◽◾◽◾◽◾◽ عبد العليلـه ✍حيدر ابو كيان الفاطمي

" الأربعين )) يا عقيلة علي مــــن رديتي للشمس لـــــو للكمر حنيتي بأربعين حسين من رد الظعن وين حنيتي يبت ام الحسن کافلج لو للضلوعه تكسرن آه يبن امــــي بحزن ناديتي ــــــــــــــــــــــــــ بالدمع صــــار المعاتب عالنهر يبو فاضل نجمه و تعاتب كمر صوت ذابل والدمع ينزل قهر یون كلب حسين لو ونيتي ـــــــــــــــــــــــــ لا تكثرين العتب يابت عــــلي هذا حزنج للأبد مـــــــا ينجلي كربله بهاي الأرض راحو هلـــي راح كلشي الخدر عزي وصيتي ـــــــــــــــــــــــــ عشره وثلاثين ليله من الفراك رحت بس الروح ظلت بالعراك سنين جنهن والكلب طرة اشتياك وجيت اشوفك بعد روحي وبيتي ـــــــــــــــــــــــــ شظال عندي وبعد المن راجعه وأنه بسنين البقن ما قانعــــــه خويه كلها اوجاع دنيه وفازعه الهضم هدني والحزن تغذيتي ـــــــــــــــــــــــــــ آه واويلاه يفراك الأعزاز حتى يفرق بالدمع جنه گزاز لا تهيد الروح والحسره انتهاز آه يادنيــــه اشبعد خليتـــي ــــــــــــــــــــــــــــ راحو الجانو ذره وسور وأمــان راحو الجانو ضوه وراحه وحنان راحو الجانو يونسون المكــــان مدري والله خلافهــم تاليتــــي ـــــــــــــــــــــــــــــ الشاعر كاظم

من ضيم السبي والشام ردينه عدنه أعتاب اگعد خويه حاچينه ========================= يم گبره گعدنه بحسره وبلوعه چم وحده اعله ابنهه البينه مفجوعه وناظرهه يهل من الدمه ادموعه وذكرينه الخيل ذيج السحگت اضلوعه وذكرينه اخيامنه الحرگوهن علينه عدنه أعتاب اگعد خويه حاچينه =========================== گعدنه وسولفينه الصار بالشام بخرابه اعله الرمل من ضيمنه انام من جور الزمان وجور الايام لو تدري اشجره بزينب والايتام يذوب الصخر من يسمع بواچينه عدنه أعتاب اگعد خويه حاچينه ============================ كصدنه ال گبر ابو فاضل بالدموع ومن كثر الهظم نتباچه ونلوع نبچي وندري صوت الليل مسموع عدنه اشچم متن گناله موجوع گناله الحبل جرح ايادينه عدنه أعتاب اگعد خويه حاچينه ============================ مشت ليله للاكبر تنحب بهمه شلون تعوف امك گلي يايمه گلبي عليك زاد اعله الجبل همه تشيل اتراب گبره وظلت اشمه ظل كلشي بفگدكم يمه ياذينه عدنه أعتاب اگعد خويه حاچينه =========================== الرباب تعنت العبد الله بالنوح بالمثلث عسنه نحري مذبوح فراگك خله بيه اهات وجروح دللول الولد يلماخذ الروح اسبايه فراگ وجهك يبني سابينه عدنه أعتاب اگعد خويه حاچينه ============================ رمله لجاسم بونهه تعنت شعلت شمعه يم گبره وتحنت ونين الدوح عله العريس ونت بعدك لا تظن روحي تهنت نعينه وبچت الدنيا نواعينه عدنه أعتاب اگعد خويه حاچينه ======================== الشاعر احسان الحميداوي

‏لا مــو عوايدكم يهاشم نومه ‏علويه عدكم باليسر مهضومه ‏~~~ ‏وين اهلي وين أهل الرحم واخواني ‏ويـــن الكفــلني بـيا وضــــع خـــلاني ‏عگـب الدلال مـــذبحـــيين اخــــواني ‏وانطك واشـــــوف المر عگب ولياني ‏ ‏ومن چلمة الخويه صرت محرومه ‏علويه عدكم باليــسر مهـــضومه ‏~~~ ‏كلكم مشيتو وانـــي مــــن يبــقالي ‏المن اسولف واشكي ضيم احوالي ‏مهضومه وبعيني الدمـــوع اتــلالي ‏وسوط الشمر ياخـويه بهـذل حالي ‏ ‏وامتون اختكم بالضرب ملجومه ‏علويه عدكم باليــسر مهـــضومه ‏~~~ ‏مكطوع گلبي أمنالبجي واعروكه ‏ورجليه من سحك الجمر محروكه ‏مطبوكه اديه اعلل حبل مبـطوكه ‏مجتوفه طببني الشمر نص سوكه ‏ ‏تكعدني شتمه وضربه وكت الكومه ‏علويه عدكم باليــسر مهـــضومه ‏~~~ ‏يجيبون راس اهلي برمح كدامي ‏تمنيت موتي وتكضي كـل ايامي ‏ساعة استراح أمنلمشي احلامي ‏ومحد يطكــهن لو يسب ايـتامي ‏ ‏ثاري لسبي يخواني مثل الحومه ‏علويه عدكم باليــسر مهـــضومه ‏~~~ ‏بنص الخرابه انـــام مامش خيمه ‏وينشاف طولي شلون يهل لشيمه ‏حر وعطش درب السبي وياضيمه ‏وسابيني واحد ماله ابد كل قيمه ‏ ‏زينب يهل زينب تره مالومه ‏علويه عدكم باليــسر مهـــضومه ‏~~~ ‏عباس طالب الديواني ‏

نوگ هزله وبالمشي تدبي دبي وعمري بالخمسين مو مالت سبي اتعثر بخطواتي.    والتمن ابنياتي. خويه مو مالت سبي //////////////////////////////////1   من كسر حافرهم ضلع.     ياخويه كلت انه انفجع. وبقه غريبه يحسين مو مالت سبي.  واليمشي وياي اجنبي. انه الحبيبه   دورت كل السوالف  ما لگيت سالفه اتردك اليه يالمشيت مو دمع دم عله طاريك بجيت يالعفتني بهيمه للهيمه انحنيت   وحدي والصحراء ما بيها خيام وگمت اگولن اه لو حل الضلام اتوجع ابحسراتي .     والتمن ابنياتي. خويه مو مالت سبي ///////////////////////////////////2 خويه اصبحت مثل الجمر.   بساع يشتعل لمن تمر. نسمه عله روحه وبجي كمت مثل الطفل.     من يبچي دوم ماينسأل. ويلم جروحه     بيا كتر جرحك تگلي حته اجيك بلكت اطيب وترد مو روحي بيك شلون ترهم شامت ايساوم عليك وانه زينبكم ترى بروح اشتريك     چم جرح عليه چلچل من طحت ومثل تيهت ماي وبرمله تهت وسݘبت دمعاتي.      والتمن ابنياتي. خويه مو مالت سبي     /////////////////////////////////3 دهري ذر بيه الحزن.      وعليك كمت أنه اون. ياخويه اريدك عله النهر عفته الاخو.     وتوزعت اعله العدو. ياهو اليعيدك     يهنياله السهم ضل گاعد بعينك وانه بالساني بقت جلمة الوينك كمت اون عليك من اسمع ونينك وعالجروح البيك گلت الله يعينك       هيچ ياخويه السهم نساك اخيتك انه من گالو طحت زحف اعتنيتك يمخضر بجلماتي.   والتمن ابنياتي. خويه مو مالت سبي   ////////////////////////////////4   ردلي يا چلمة هله.     وياك اضل امدلله. ومايصدلي سوطه ردلي يا وجه النده.   اختك ترى يم العده. واعلن شروطه     شرط من تمشي ما تذكر الكافل بس تذكره السوط يحچي ابلا تسائل انه حرمه وسوگ وبچفي سناسل وناگه هزله وفوكها تميل المحامل     حرت والحيره الشفتها اشكثر صلفه يا حسافه العدو خله اشروط كلفه انتخي بلوعاتي.   والتمن ابنياتي. خويه مو مالت سبي   ////////////////////////////////5   انه الاميره بت علي.       ياخويه رجعني الهلي. شفت الخرابه داري صار ابلا سگف.   والحالة صعبه تنوصف. عشت ابغرابه     حالتي حال اليتيم امضيع الدروب يبچي والدنيه ازرعت شمس الغروب جان مشيي اوياك مهيوب عالمهيوب ومن بعد ضلك يخويه الخدر مسلوب     بروحتك يحسين زينبكم  يتيمه وانه والميمون نصرخ هالظليمه اقره كمت اياتي.   والتمن ابنياتي. خويه مو مالت سبي   ////////////////////////////////////6   عكب وجهك ماكو راي.  يمغطي كل وجهي وكفاي. ماطبگ چفني عين ضلت عالعيال.      وعين منها الدمع سال. ونطفح وني     بالخرابه وگمت ارسم خويه خيمه لچن صار الهوه ضدي ورسم هيمه خويه من اعطش جنت تصير غيمه هسه عطشانه وگلت والله هضيمه     شما اغمض العين تندهني الجروح حرت بعيالي بعدكم وين اروح انطفن شمعاتي.  والتمن ابنياتي. خويه مو مالت سبي   ///////////////////////////////////7 مو زاعلت حته الهوه . ودلالي بچفاكم حوه.    بس الالام من الصبه انه ادركت .    تروح ياخويه ورحت. وترافگ اسهام   گلي شنطاك السهم اوغبت عني يالزرعت الشوگ بيه شو عفتني كلي عطاب وعلي لو دورتني ولو سألت عليه اگلك هذه متني     تعبانه حيل واعثر ابطرف العبايه من عفتني الشمر ضل يمشي ورايه كلفة اصبحت حياتي.   والتمن ابنياتي. خويه مو مالت سبي   /////////////////////////////////// سعد الزيدي

مظلومة .. مظلومة ..زينب مشت مظلومة . . . عذاب.. درب اليسُر نساء .. منّه تمر نشوف .. ام الخدر .. نشوف مهمومة .. مهمومة .. طول السبي مهمومة مظلومة .. مظلومة ..زينب مشت مظلومة جروح .. طف كربلة دماء .. هل قافلة تصيح .. العايلة.. تصيح بلـ حومة .. بلـ حومة .. نامت زلم بلـ حومة مظلومة .. مظلومة ..زينب مشت مظلومة حُسين .. زينب مشت حُسين .. وتغرّبت حُسين .. شمعة و طُفت .. حُسين من يومه .. من يومه .. زاد الجرح من يومه مظلومة .. مظلومة ..زينب مشت مظلومة يزيد .. لعنك وِجَب مكان .. گبرك حطب سعير .. فوكلــ لهب .. سعير مذمومة .. مذمومة .. روحك تضل مذمومة مظلومة .. مظلومة ..زينب مشت مظلومة كلام .. زينب دمع عتاب .. ماينسمع حُسين .. رض الضلع .. حُسين مهجومة.. مهجومة .. خيل السحِك مهجومة مظلومة .. مظلومة ..زينب مشت مظلومة كفيل .. ابلا علم و رضيع .. صابه السهم نحيب .. صوت الخدَم .. نحيب ملجومة .. ملجومة .. لِيـها الخدَم ملجومة مظلومة .. مظلومة ..زينب مشت مظلومة ،، ... الشاعر عزيز فرحان شور سريع ... وترهم ثكيل يازينب 💔

يانوگ اليسر يانوگ .. اريد احچي عله احزاني اجيت بهيبة الخوّان .. رحت ابلايه خواني ــــــــــــــــــــــــــــــــــــــ يانوگ الطريج اطويل .. وآنه وياچن ارد احچي واسولف عالمشو عنّي .. وچلمه اشهگ وچلمه ابچي بلچي ولني گبل الشام .. يلفيني الأجل بلچي ولا هاي الشماته اتشوف .. جيتي بدون ولياني ــــــــــــــــــــــــــــــــــــــ يانوگ السوالف هاي .. نار وتاكل بچبدي آنه بت علي الوالي .. وهيبة فاطمه عندي اجيت من الوطن عبّاس .. چان بناگتي يحدي وهسه بلا چفيل امشيت .. واليحدوني عدواني ــــــــــــــــــــــــــــــــــــــ يانوگ اليسر عباس .. رحت وبعد ماشوفه حنينه وچلمة الخوه .. افگدتها بطيحة اچفوفه شلون امشي بيسر وادخل .. اسيره بديرة الكوفه وعيون الشماته احجار .. كلمن بيها راماني ــــــــــــــــــــــــــــــــــــــ يانوگ اليسر راحو .. اهلي ومابعد رجعه كلهم عالترب نومه .. ذبايح والجثث صرعه عفت حسين جوه الخيل .. تدوس وتطحن بضلعه الم اضلوعه منعوني .. وشمر بسياطه اذّاني ــــــــــــــــــــــــــــــــــــــ يانوگ اليسر بالله .. صبري هم حصل مثله وياي اثنين وثمانين .. بين الطفل والطفله رقيّه وعاتكه وسكنه .. وحميده الغاليه وخوله اسكّت هاي تنحب هاي .. هيچ الدهر خلاني ــــــــــــــــــــــــــــــــــــــ يانوگ اليسر والروس .. فوگ ارماح رفعوها ولمن يجري راس حسين .. يعني طفله روعوها والتبچي المصايبها .. يضربوها ويمنعوها خلصت من الخيم والنار .. جمر اليسر چواني ــــــــــــــــــــــــــــــــــــــ يانوگ اليسر بهداي وادري الدرب هوّه بعيد خل ايطول درب الشام .. ولا طب عله الطاغي ايزيد تراها طبة الديوان .. صعبه والشماته اتچيد بيت المرتضى حيدر .. هوه الچان ديواني فراس المحمداوي

بويه حسين.. بويه حسين مسبية وضـاع الـدلـل... بـويه حسين فـوك الـهزل نـمشي بـعجل...بـويه حسين وصل الخبر للخيّـم...والنسوه ظلّت بـلا زلم محد إلهن ظل بعد.. واليوم جـا هدم الخيم فـرّن ركـض بالهـيمة.. لا والـي ظـل ولا علم ركضن بناتك يا حسين.. ودموعهن تجري بدم صاحن يبويه بهالعجل.. ركضن بناتك ع الهزل وشافن الراس عله الرمح.. من شافته عيني انذهلا صاحت رقيه يا بويه .. وينك يبويه وينه صرت الحادي سـبانا وانهضمنه..ومن التعب ارجف صرت ما بيّه ع فراكك تـرى..ومن البچي دمي جرّه أنا زغيرة بهالعمر.. وعيوني لـجلك تـعـبت كلبي وِكَف يوم الشفت.. راسك بطشت وطحت بلحظتها متت ومـا عشت.. يـا بـويه لـجلك متت فوك الهموم البالكلب..بنـاتك غـدن للضـيم راحت أيام الدلل..وهـسـه نـسـيـر بـلا غــيم نامن خواتك بالخرابه.. وبـلا سـگف وبلهيمه وحبالهم حزّت يـدي..وصـرنـا بـوجع مقـيم من موتك لليوم بتـعب..والـعـطش بـيـنا شگـد لـعب ماتت رقية من الهضم..والـحادي بـينا شگـد شـعـب وطبّـبنـا ذاك القصر..وتشـوفـنـا عـيـون الـزلم ياريت باب القصر غاب..ولا شـفـنا ذيـچ النـقـم نتگابل وحـده عـله وحـده..والـگلـب بـيـنا انـلچم ونـعـاين لروس الأهـل..فـوگ الـرماح وبـألـم وشفنا الهضم بعيوننا.. مـن شـفنا راسـك يـا أبـوي هزون براسك للصبح.. ويـنـادوا ويـنـه الـمـنـتخو اللهم_عجل_لوليك_الفرج الخادم : كرار شايع

#تـراث زينب صارت بيا حال من خان الدهر بيها تمسي وتصبح على النوح سهم البين ماذيها ــــــــــــــــــــــــــــــــــــــ زينب يا دهر شتريد بعد منها اشبعد عدها ايام وليالي تنوح ظلت لبن والدها تجيد حسين منها وراح وفراگه الذي ضهدها تگضي الليل بالحسرات والعبرات تجهدها يا ليل المصايب طول وعلى النوح ساعدها والمجروح خله ينوح بايامه ولياليها ــــــــــــــــــــــــــــــــــــــ ياليل التمر عالناس بيك الناس يتهنون بعض ابعض تتسامر احباب وبيك يتجمعون بعد ما ينگضي منك ويطر للنوم يتجهون والـفاجد شلون ينام وشلون تغمض له عيون يظل سهران طول الليل والمافاجده ينامون والمجروح خله ينوح بايامه ولياليها ــــــــــــــــــــــــــــــــــــــ ياليل التمر كل بيت بيك إنجمعت عياله وكل أم وأبو ياليل البيك يونس أطفاله لا چن الذي مفجوع لا أم لا أبو شحاله ويتذكر زمان المر عليه والحزن يبراله هـذي حالة الأيتام تظل بدموع هماله والمجروح خله ينوح بايامه ولياليها ــــــــــــــــــــــــــــــــــــــ يا ليل الذي مريت إنت بنفسك علينه شـفت ذاك الخدر والعز شفت ببيوت أهالينه مزهره وتزهر على الناس وتمثل معالينه وكل الناس تخدمنه وكلها تريد طارينه يا وسفه ويا الف يا حيف هذا يصير تالينه والمجروح خله ينوح بايامه ولياليها ــــــــــــــــــــــــــــــــــــــ يـا لـيل الصبر يا ريت لا بين علينه وطر شگل للناس لو تنشد جواب شلون شتعذر عن حسين... عن عباس عن جسام.. والأكبر يـصير مصاب فوگ مصاب علينه عظام بعد واكثر إذا شمات وينشدون چبدي بهاي يتأثر والـمـجـروح خـلـه يـنـوح.. بـيـامه ولياليها ــــــــــــــــــــــــــــــــــــــ شگول وشـعـتذر مني لو غياب ويعودون منهم شالته ومنهم حزين وهاللذي ينشدون وانا انظر ودير العين أخاف من اللي يشمتون وبيه فرحت الشمات مو منها الگلب مامون بهاي تحيرت وانتم ياخوتي بحالتي تدرون ــــــــــــــــــــــــــــــــــــــ ياريت العمر لاطال ولاشوفنكم بعيني جـثث فوگ الثرى تظلون وانه الدهر سابيني تحملت الهضم والظيم ولا واحد يسليني ماريد الحياة الموت اريده بسهم يرميني عگب ذاك الـخدر والعز بعد دهري شيراويني الشاعر المرحوم السيد عباس السيد كامل الموسوي اللهم_عجل_لوليك_الفرج

وينه الينوح اعلــــه العليل ويومه هالليله روحه املوعـه و مسمومه *** وينه الينوح بحركته اعله ايمامه وينه اليدك ويلطــــم اعله الهامه خلصت حياته بالحــــزن وايامه وين الي روحه بهالمسه مهمومه *** وينه اليواســــــي فاطمــــــه والباقر ايدفنونه امامـــــــك بالتــرايب باجر اهواي المصيبه اهواي كسرة خاطر وظلن بناته املجــــــــــمه مهمومه *** وظلن بناته اميتمـــــــــات ويبجن ياحيف راعي البيت شال اينوحن بثياب ابوهــن والله صار ايطلعن ايشمن ويبجـن والله فوك اهدومه *** ايشمن بثوبـــــــه وطلعن جفيته ماهوه عطره الجان تارس بيته ذكرن ابوهـــــــن ونون الحنيته كل التحبه وشــــــيعته مهظومه *** كل اليحبه امصابه كاســر ظهره دمعه ايتجاره ومـــختنك بالعبره طالع يعزي ايواسي والله الزهره والناعي يقــره بنبـرته الملجومه *** والناعي يقره وباللطم شد حيله ماتم ابو الباقر ننصـــــبه الليله بجرح القصايد والشـعر نرثيله انواس اهاليتــــه البقت مالومه *** الشاعر ابو علي الركابي

الامام علي السجاد ــــــــــــــــــــــــــــــــــــ لاتضن بس للسبي رايح علي راح يكمل ثورة حسين الولي ،،،،،،،،،،،،١،،،،،،، يمشي لرض الشام  وبهيئة أسر بالحقيقة رافع أعلام النصر والدليل بخطبته اهتز القصر والكتب بفعاله  صارت تمتلي راح يكمل ثورة حسين الولي ،،،،،،،،،،٢،،،،،،،،، علي أمير ابن الأمير أبن الأمير علي جده چان للهادي وزير علي هو الملك  ويزيد الحقير يفضح  أميه وحكمها الجاهلي راح يكمل ثورة حسين الولي ،،،،،،،،،،،،،٣،،،،،،،،،،، رغم ثگل السلسله  ونار  الحرب علي يشبه علي  لا ماينغلب بگلب عدوانه علي  يبقى رعب السانه ينطق ذهب بالحق منطلي راح يكمل ثورة حسين الولي ،،،،،،،،،،،٤،،،،،،،،،،،،، علي بالحج گال ماعرفه هشام منهو هذا الناس تبديله أحترام مكة كلهه اتصيح  اجه ايزور الامام ياهشام اتعرفه هذا ابن  النبي راح يكمل ثورة حسين الولي ،،،،،،،،،،،،،،،٥،،،،،،،،،،،، علي بسم الغدر وسفه ينچتل غسله الباقر وظل دمعه يهل بجسمه أثار السلاسل والحبل  من مصايب كربله ظل مبتلي راح يكمل ثورة حسين الولي ،،،،،،،،،،،٦،،،،،،،،،،،،،،،،،،، عذبت گلبه مصيبة كربله شاف ابوه حسين  طايح بالفله اعليه تدوس الخيل  لاناصر اله علي بين الگوم وحده ينولي راح يكمل ثورة حسين الولي ...................................... حيدر موسى الرميثي