قصائد حسينيه كتابه

يابه ضوجه 😢 @tt_xi

صباح الخير🫶🏻 @tt_xi

الزهره هاليله تبچي مفجوعه وبرض سامره العتره مجموعه اليله تشييع الحسن وعتنت له ام الحسن برض سامره ////////////////////////// الليله ام العتره تحضر برض سامره المجلس المسموم ابنها وتهمل العبره تنادي يوليدي المصايب بالقلب جمره جيتك بظلعي التكسر محنة العصره كوم يوليدي وشاهد عيوني حزني واليني وبيك فجعوني حظرت بنوح وحزن وعتنت له ام الحسن برض سامره //////////////////////////// حظرت الزهره المصيبه وحظرو وياها النبي الهادي او وصيه والحسن جاها والحسين الدمعه منه بهم سمعناها ورتفع صوت الحزن والحسره عشناها تنحب الليله والحزن بادي للحسن تنعه عترة الهادي محنه من ادها المحن وعتنت له ام الحسن برض سامره ///////////////////////////// حظرت العتره المصيبه والدمع ساچم والحزن صورة مأاسي للحسن راسم من بچت عترة محمد لعنت الظالم وشتكت من جور اميه بالدعاء فاطم صاحت بحسره يالحسن يبني ادها من ظلعي سمك المني صاحت أباه وتون وعتنت له أم الحسن برض سامره //////////////////////////// الحسن من ودع اجت امه الزچيه تصبر اولاده وتواسي بهل الرزيه المهدي مكسور القلب شتكول هيه نادته تذكر مصاب الغاضريه تذكر حسيني يبني وعياله حركو خيمهم سحكو اطفاله وكل بناته تسلبن وعتنت له ام الحسن برض سامره /////////////////////////// الحسن من مات بغدر وبسم تألم مو مثل حال الحسين الي تخذم الحسن كل اهله اجوه وصار مأتم حسين عل التربان جسمه مغسل بدم عالترب عاري ومحد يحظره وسلبو ثيابه وهشمو صدره وكل نسائه تيسرن وعتنت ام الحسن برض سامره /////////////////////////////// السلام على الزكي العسكري #الشاعر عباس حسن العتابي

صل الله عليك يارسول الله مهبط القرأن وسرار السمه الله ودعهه بمحمد محتمه هذه فيض الباري جاله وبي خلاهه الرساله محتمه -------------------------- الله انزل كل صفاته وجسداهه گله يا طه اخذ مني وخذاهه هالرساله ليك گوم احمل لواهه ونشِر إسمي بالارض وعلن سماهه گله اقرأ بسمي اول لفضته ومن هذاك الغار شاعت قصته من لِفَض إسم الجلاله بي خلاهه الرساله محتمه ------------------------- اوجده من نور قدسي انطاه علمه عَلمَه الاسرار كلهه وفاض حلمه منقذ الانسان طه صار اسمه يامحمد باعثك للناس رحمه فضله المعبود من كل البشر بكل الاديان الاجت اسمه انذكر رحمة الباري اوصاله بي خلاهه الرساله محتمه ------------------------- راية العدل الايلاهي بيده عَلَْت والمشيئه اتحققت ولقدره جَلْت كلشي مخلوق اعله إسمه ابأمر صلت ولخلگ الماتصلي يعني ضَلَت نوره من نور الله لمن ينبثق ايمثل المعبود في هذه الخلق الله راسمهه خصاله وبي خلاهه الرساله محتمه ---------------------------- مصدر التشريع فارض كل سننهه مرسه لل آيات طه اومؤتمنهه منهو غيره قاب قوسين اوإذَنهه الله بس ال طه سناهه وعلنهه قابه قوسينَ وادنى اشگد عجيب بس محمد الله گله انته الحبيب هناك باليجري حچاله وبي خلاهه الرساله محتمه ---------------------------- ملتقى كل الرسل في شخصه صارت وكل علوم الكون يمه ابعلمه حارت كل مجرات الكواكب لجله دارت وبالصلاة وذكر اسمه الدنيا سارت ماخلقت الدنيا لا ارض وسمه الا لجلك يامحمد كلمه هذه قول الباري قاله وبي خلاهه الرساله محتمه --------------------------- علي سليم الحسناوي

الوداع الوداع يارسول الله الوداع ... يارسول الله برحيلك..مطرت ادموع السمه مكه مفجوعه وكئيبه..والمدينه مضلمه لبست اهدوم النواعي..الليله بنتك فاطمه والحسن واحسين يبجون ..إبحضن حامي الحمه واليتامه الليله تصرخ..يامحمد بافتجاع ... جان كلمن شاف وجهك..يامحمد يبتشر وسفه هالوجه السماوي..اتغطه بتراب الكبر علي بتابوتك الليله..شيع احلام العمر والاخو الدافن اخيه.. ايبين بضهره الكسر الفاكد اعزاز بحياته..تخلص ايامه ضياع ... طبع الاتفارك ابوهه..اتعيش مكسورة كلب وفاطمه من المدامع..سوت الكبرك درب ليلة الدفنوك بيهه..حست بخوف ورعب تصرخ وتلطم وجهه..الحجرتك لمن تطب امعصبه بعصابه خظره..وتبجي من دون انقطاع .... مانمت وسط المكابر..بعدك اعله المغتسل والعذاب اعله اهل بيتك..من سقيفتهم نزل أمتك نكرت وصيتك..ردت العصر الجهل المحسن ابطن أمه بعده..وكتلة اكبار انكتل انذبح بالبسمار ضلما.. من كبل يوم الرضاع .... كل سنه انجدد مصابك..يالنبي بآخر صفر والدموع اعليك من دم..يمكن ايترسن نهر احنه ماناسين يومك.. مو مثل بعض البشر كسرة افراكك جبيره..المابجه بيومك خسر وانقطع عنا الوحي.. بغقدك وحك العتره ضاع .... #اللهم-عجل-لوليك_الفرج #محمد_الجماسي

شهادة مولانا رسول الله صلى الله عليه وآله وسلم الرايح حبيب الله ونبيه وميتم الزهرة الزچيه نصبت عزه صبح ومسيه أفضل بشر راح امن أديه لطمت لطم مالاطمته وتبچي بچي ماباچيته وتنعي ابنعي ماناعياته الينعن وغالي الفاگداته نعايه الزهرة اعلفراگه --------------- ومصباح هاشم موش مصباح امفرعه كلها وكاضه أصفاح أبيوت آل هاشم بيهن أصياح لازم عزيز ابهالصبح راح اتهدلو وطينو اللحايه وياكون نلطمله دمايه اليوم أنفگد شيخ البرايه ومن السلف مفگود رايه نثغب وبنيته انواسيهه --------------- الساده ابسلفها اليوم صايح اليوم ابو الزهراء رايح ابكل بيت منصوبه النوايح طايح عمود الدين طايح تهظم رسول الله منيته امغرب وعايف رعيته وستثگلت ون آل بيته ونصبت عله فگده عزيته والزهرة أتون ومهظومة --------------- الهاي المصيبه كون نجزع وي الزچيه الروح تتطلع ونگابنه بالدمعه ينگع حيدر علي گلبه تگطع الثام الحزن داره اعلفگده وتنحب علي عللهادي ولده الفاگد عزيزه أشلون يهده يامالت الله الحيل هده ياثگل الون اعلمصابه رسول رياض

كلمن ايفارك حبيب .... ليلة يكظي بالنحيب وانه فاركت الابو الجانالي خيمة ..... الجانالي خيمة اتفي الي خلصت حياتة عن عيني غاب وما بقت بس ذكرياته راح وتركني للحزن ساعة وافاتة يا وسفة ضماه الكبر حلوة صفاتة ويلي من عظم المصاب ....وجه غطاه التراب عني غاب وغابت ارسومة العظيمة ...... مو هين افراك الابو اعظم مصيبة يترك جرح عاجز يظل يشفي طبيبة ما بي يحس بس الفكد مثلي حبيبة مالومة لو عمرة انكظة بونة ونحيبة الفارك احبابة يجن ..... ليلة وانهارة يون كل فرح ما يبقى عندة يا هضيمة    ....... ما ينشف بعيني الدمع ﻻخر حياتي عالفاركاني ابقى انتحب حتى ابوفاتي ثكل المصيبة والحزن غير صفاتي ا يا عظمهة الفاجعة يشرحة ذاتي عيشتني بالقهر ..... حنت من عندي الظهر  امصيبة مو هينة الصرت بيهة يتيمة  ..... انه البتول الطاهرة انه الزجية نار بدليلي اموجرة العظم الرزية وينة اليواسيني المسة بدمعة جرية مات الحبيب المصطفى راعي الحمية راح وتركني للهظم ...... والدمعت الخد واللطم والبيت الاحزان البنيتة بوسط هيمة ....... دنياتي بعد المصطفى يخنك هواهة ظلمة اصبحت وابلا ضوة غايب ضواهة   غيمت حزن غيمت دمع مطرت سماهة  الفكد النبي روحي اصبحت وحشة تراهة كل فرحة ما ظلت الي ..... بعد النبي يشهد علي قصتي انه من بعد النبي صارت أليمة ....... كلمات موسى الخادم

يااول جرح بينه .. نبعثلك تعازينه ويه العتره هالليله .. نبجيلك يهادينه ———— دنيا ابلايه نورك يالنبي ضلمه ومايسوه العمر بعدك يبو الرحمه امصابك يالنبي وسط الگلب سهمه اوياكون الهوه بهل فرگه منشمه هايه سيدي احبابك .. بيها جمرة امصابك بينه اشما يمر موتك .. ابثگل الهم يخلينه ———— ابنادم من يودع أغله ما عنده تبقى اتودي بيهّ الحسره واترده وبوداعك علي ضل دمعته ابخده ناده والخذاه الموت شيرده اليفرح لو سمع صوتك.يعثر بالمشي بموتك ابفگدك يانبي الأمه .. حيدر الله اليعينه ———— محرابك نعاك ويبچي قرأنك وتبقى ابكل زمن ما تخلص أحزانك يالعطر الوحي ما فارگ أحضانك شلون الزهره تنظر فارغ إمچانك الچنت ابكل وكت يمها .. اليوم الفرگه تهظمها مثل ام الحسن ياهو .. بات الليله بونينه ———- كلشي ضل ينادي سيدي وينك يانور النشوفه من بعد عينك مكسور الحسن وايبوس چفينك واملاك السمه تبچي البچي حسينك وَياهُم اجت تنحب .. ياجَد نادتك زينب لمن تنزل ابگبرك .. ابهمها الدنيا تولينه ———— يالوعه التهون وياهي التعِدي وبينه اجروح تبقى ابكل زمن تِدي بعدك يارسول الله المحن تبدي وماتكظي لحد ما يظهر المهدي ماتطفه المُحب ناره .. وينه الياخذ ابثاره يمته ابعدله يمليها .. طال اغيابه مهدينه ———- سيد مرتضى الموسوي

اللهم إنا.. نشكو إليك.. نشكو إليك.. فقد نبينا اللهم إنا.. نشكو إليك.. نشكو إليك.. غيب والينا اللهم اعطي.... محمداً الفضل والفضيلة... والوسيلة والدرجة الرفيعة وبعثهو مقاماً..... مسدداً الجنة في القيامة    والسلامة والدعوة الشفيعة بفگد النبي صارت فتن وتظاهر اعلينا الزمن بعد النبي وابو الحسن بعد النبي اللهم صلي.. على جروحة وفيض روحه ما بقى ليلٌ أو نهار اللهم صلي  على مصابة وحزنُ بابة بابهُ يحرقوه نار ــــــــــــــــــ اللهم إنا.. نرغُب منكَ..نرغُب منكَ .. بدولة لنا اللهم إنا.. نرغُب منكَ..نرغُب منكَ.. بها تعُزنا اللهم عجل...له الفرج حجتك البقية... الهاشمية والقائمُ وليك بالثإرِ يطالب... بلا حرج بالطلعة البهية    الحيدرية والمذكر نبيك بعد النبي صرنا بخطر اين الامام المنتظر نبحث عن ذاك الاثر بعد النبي اللهم عجل.. لنا اماماً له مقاماً وزدنا ياربي اشتياق اللهم عجل.. له وساماً له سلاماً من كل شيعة العراق ــــــــــــــــــ الشاعر زين العابدين الشمري

يا رسول الله ياهـــــوّه سَمّه ثبتــــت التُهمه هـــاي التَــتمّه..لمقتل محمد /\/\/\/\/\/\/\/\/\/\/\/\/\/\/\/\/\/\/\/\/ حرثو إبستان الفِتَن..وإبليس يمهم يبذُر واول غصن عدهم حچه..إِنَّ الرجل ضل يهجر خلّو شرايين النبي..بيهه الدمه متكسر وجه ام حسن مسّه الضمه..ووجه ام جمل مستبشر ثبـــتت عليهم قتــــلة نبيهم ماصخ حچيهم..دمعه ابحضن خد /\/\/\/\/\/\/\/\/\/\/\/\/\/\/\/\/\/\/\/\/ وضعت السم ام الجمل..والدنيه چانت صنطه فرحت وللزمره مشت..تحچي ابنجاح الخـــطه زوجاته أذّنّه اشكثـــر .. واهــنانه نوضع نقطــه سورة التحريم الحچت..من عدهن اول غلطــه اشلون ايتأمـنن سـر ما يضـمّن اتقاسمن كلمن..مشهدهه اسود /\/\/\/\/\/\/\/\/\/\/\/\/\/\/\/\/\/\/\/\/ شردت وما قبلت علي..ايوگفّهه وايحاچيهه والتشرد امن الحادثه ..تثبت التهمه اعليهه هيه (الحُمَيراء)التي..دست السم بيديهه ووالدهه گال ابهالفعل..شرعيه راح انطيهــه ابهاي البشاره اجتمعو ابداره وحضرهه ناره..الثاني موگد /\/\/\/\/\/\/\/\/\/\/\/\/\/\/\/\/\/\/\/\/ من لا تلدولي الدوه ..ودسو ضاگت ريته والأسَّس الهل واقعه..افته ابقتل ذريــته بس فاطمه چانت حضن.. شابگته وامداريته نسوانه ما چانن سند..نسوانه هدمن بيته سم ابعسلهه ركبت جملهه چانت جُملهه..تصفية احمد /\/\/\/\/\/\/\/\/\/\/\/\/\/\/\/\/\/\/\/\/ تعّبت حيدر هالمره..من عدهه حيدر شيّب وهذا الجمل خلّف هزل..للسبي اخذن زينب ابليس لو يمهه يجي..من عدهه هم يتعجب عن هالنتانه اشگد حچي..ما ينتهي وما يُحسَب حاربت مُصحف مـــهّدت للطف والحچي اشخلّف..تهديم مرقد /\/\/\/\/\/\/\/\/\/\/\/\/\/\/\/\/\/\/\/\/ حسين حيدر اللامي

كذّب المَوتُ فَالحُسينُ مُخلدُ كُلمَا مَرّ زمانٌ ذِكرهُ يَتجددُ ..

موشح (٨٦) 👇👇 اللقاء المفجع👇👇 عمي يا جابر خذتني الحيره شرد اسولف والمصيبه اچبيره ـــــــــــــــــــــــــــــ عمي يا جابر دهتنه الفاجعه شلون شفنه ايام سود امروّعه جفني حد اليوم ما كف مدمعه احچي والمشهد صعب تصويره ـــــــــــــــــــــــــــــ عمي يا جابر تناشدني وشگول حسين ابوي اترضرَض بدوس الخيول امطبّر اموذّر بقه بهاي السهول شلت جسمه للدفن بحصيره ـــــــــــــــــــــــــــــ عمي يا جابر مصاب ايجر مصاب وانظر بعيني على جسوم الشباب علي الاكبر جاسم بحضن التراب والرضيع آيه وصعب تفسيره ـــــــــــــــــــــــــــــ عمي يا جابر عمت عيني الطفوف من وگع عباس مگطوع الچفوف خاسف براسه العمد اروع خسوف وعالشريعه انصاب جود الغيره ـــــــــــــــــــــــــــــ عمي يا جابر گضت كل الرجال ارفعت طرف الخيمه ناديت العيال واصرخت فرن يربّات الحجال وعالخدر چانت اشلون اظهيره ـــــــــــــــــــــــــــــ عمي يا جابر خيمنه اتحرگت واليتامى بخيل اميّه اتسحگت وللحياة اشچم يتيمه فارگت وبالحوافر گضت چم ازغيره ـــــــــــــــــــــــــــــ عمي يا جابر خذونه اعله الهزل بيد زينب عمّتي وبيدي الحبل والشماته من تعاين مو سهل شلون تنشاف الاميره ايسيره ـــــــــــــــــــــــــــــ عمي يا جابر الشام شلون شام احجار رامونه ويسمعونه كلام ابد ما چني امام وابن امام وصرنه من ديره نطب الديره ـــــــــــــــــــــــــــــ عمي يا جابر رجعنه الكربله نرد هاي الروس لجسوم العُله وخل تزور اگبور اهلهه العایله ونشكي آلام وهموم اچثيره ـــــــــــــــــــــــــــــ فراس المحمداوي

قضى الله حوائجكم في ليلة الاربعين بنداء لبيك ياحسين

خويه جيتك كَـوم اليه ١📜 اجيتك مثل المضيعه نبض كَـلبي وحروف اسمي ماخذني التعب والحيل ومن متني يصب دمي اجيتك كلشي بيه ايصيح آه اعليك يبن امي آه // جانت امنيتي امن ارد الكَـبرك آه // حلم يطلع ما امخلص عمرك آه // ومن اجيك اتضمني خويه الصدرك بعد حيلي رد عليه ٢📜📜 اجيتكً من بعد ضيمي وحبال اليسر والطكَـ اجيت اتعثر ابممشاي كَـوه اعله الجدم اسحكَـ من فاركَـتك الهل يوم باحزاني عليك اشهكَـ ريت // تنفض اتراب الكَـبر يا روحي ريت // اتعاين الحالي وتهود نوحي ريت // منك اسمع كلمه تشفي اجروحي ياهو بعدك خويه اليه ٣📜📜📜 أجيت وجايبه وياي راسك يا بعد عمري بين اجفوفي شايلته ودمعاتي عليه تجري كَـضيت الدرب يحسين حارسته مثل خدري ليك // ما بقت بعيوني دمعه اجريهه ليك //  لو يصح بيدي العيون ابجيهه  ليك // روحي يبن الزهره فدوه افديهه  يا بو عبدالله ورقيه ٤📜📜📜📜 وصلت الأربعينك كَـوم مشتاقتلك اهوايه وي زوارك اليمشون اجيت وشايله الرايه ازورك والضعن وياي إجاك بدمعه شجايه  كَـوم // اتلكَـه ضعني الجايك اويه احبابك  كَـوم // لا تخليني اعيش  امصابك  كَـوم //  لا تسد ابوجه زينب بابك كَـوم لختك يل حميه ======================= ✍️🏻 كلمات #موسى_الخادم ٢٠٢٦

اسم القصيدة: هاي اخر زياره 🎤أداء: سيد سلام الحسيني 🖋️كلمات: مصطفى الكناني ــــــــــــــــــــــــــــــــــــــــــــــــــــــ هاي اخر زياره من قصر الإماره عطشان و زاير عطشان الدم يبني مواقف .. نصره الدمي نازف طايحلك والموت الوان زاير وانت أعلم .. تراني أبمقامي ياوارث ادم .. عليك سلامي الصبح زرتك سفارة او دم اصالةمن گلب طاهر و نياية عن گلب طوعة التمنت تنخلق عاجر عشت عبدك يبو الاكبر وابن عم عشتك وناصر ولان ابكل وكت تنزار صرتلك كل وكت زاير زاير طف خلودك .. وتدري الله لوجودك خالقني اعله مودك .. حسيني ابدربك گلبي احفظه .. ودونك كلشي ارفضه حاشا ابغيرك ارضى .. حسيني بـ تربيتك يغالي .. راسك يبقى عالي ماارضى ابذل لا يحسين الحب عقيدة .. بس ارضاك اريده (لاء) مسلم مااسولف وجهين زرت بگلبي مرقد .. يوضح كلامي ياوارث احمد .. عليك سلامي ــــــــــــــــــــــــــــــــــــــــــــــــــــــ نويت زياره امواساة و گلبي بكل جرح يهتف اليعطش خاطر حسينه يكفيه يرتوي ابـموقف ومومسلم اليشرب ماي اذا شاف النهر ينزف واعدتك عطش للموت وحاشا بالوعد اخلف توضيت ابدمائي .. حتى اكتب وفائي لحسين انتمائي .. ويقيني يامالك قراري .. بس انت اختياري منك بيه ناري .. ويقيني الشك ماله مطرح .. لو حبك يوضح وتدري الحب من يفرض راي مايگطع گلامه .. الماسور الأمامه وصيت الحب أكبر من ماي أعطش اروى لازم .. والك ابقى ظامي يا وارث فاطم .. عليك سلامي ــــــــــــــــــــــــــــــــــــــــــــــــــــــ زرتك واكف لوحدي وتوجهت ابدمع سايل وذكرتك والحبل بيدي وگلت ياعازة الكافل وذكرتك والظهر خالي وسلمت اعله ابو فاضل وزرت من القصر طايح وچف لموادعك شايل شايل چفي اگلك .. ظعنك خوفي يهلك رد يحسين بأهلك .. امانه العطش بالكوفة نية .. رد رجع رقية خدر الهاشمية .. أمانه سلطان البرايا .. اخر چلمة هايه اجروحي لظعنك ماتلتام رد يبن الزچية .. من مسلم وصية نار الفرگة تريد اخيام قد مت لأحيا .. وأبكي خيامي يا وارث يحيى .. عليك سلامي ــــــــــــــــــــــــــــــــــــــــــــــــــــــ عشت مرة ومت مرات غير حسين موجرحي خسارة مصافح الدنيا وموتي بنصرتك ربحي هاي اخر زياره وياك چانت وانقبل ذبحي وهذا انت برمح تنزار وازورك من عله رمحي وتلاگينه تالي .. روس اعله العوالي بجروح الليالي .. اودعك آخر عهدي منك .. ليك امتاعي حزتك ودع گلبي ظعنك .. و اودعك تممت السفارة .. ماضايگ خسارة ريحان اوغالبني الشوگ لغيرك ما احالف .. وبس بيك السوالف بس بيك انت حسين أتلوگ گلبي اللي يجيسه .. مصابي ابامامي يا وارث عيسى .. عليك سلامي ــــــــــــــــــــــــــــــــــــــــــــــــــــــ

‏ابيات نعي ‏ ‏اجيت عليك ادور خويه يحسين ‏وجدمي من التعب مابي خطوتين ‏التظيع اخوتهه ضايع شوفهه العين ‏ابليل وغربه حيره تلتجهه وين ‏ ‏اخوي من الظهر بلحافر انداس ‏شفت احسين ظل جثه بلأ راس ‏الخيل الفوگه ابد ماعدهن احساس ‏والطف بس شماته بلايه حراس ‏ ‏تمنيت انذبح من شفته مذبوح ‏طايح علترب ظل شابع جروح ‏اخو زينب صفه عله الترب مطروح ‏مطبور ابنحر بي فاظت الروح ‏ ‏من خيامه بچي ركظن بناته ‏الحسين ابذبح خلصت حياته ‏يباوع للخيم ساعت مماته ‏تحرگ بلخيم شفنه الشماته ‏ ‏لگنه من السحگ متساوي علگاع ‏تموت زينبك ساعات الوداع ‏عليهه ابكربله حته الهوه ظاع ‏ماصدگ الخوه خلصت ابساع ‏ ‏  سلام البهادلي ‏

قصيدة الامام الرضا ع عيني اشتاقت تشــــــوف المناره وبـاب الرضـا اقـــــــــــره الزيـاره       ــ⊱☆☆❀☆☆⊰ــ مشـــهد حيل مشـــــــــتاق اعتنيها مـــــــــولاي الرضـا موجـــــــود بيها واللـه زيـارته ابروحــــي اشــــــتريها وتبــــــرك اريدن مـــــــن مـــزاره           ــ⊱☆☆❀☆☆⊰ــ ما تبـــرد ابگلـبي احــــرورة الشوگ ورتاح امن اطب حضرت المعشوگ ما يحــــــتاج اشـــد بيبــــانه بعلوگ ينطـــــيني الاريــــده ابلا خســـاره         ــ⊱☆☆❀☆☆⊰ــ بـاب الحـاجه هـوه اليسـعد الناس بالراحه ابضريحه ايحيطك احساس هوه الضـــــــامن البي نرفع الراس كلش تطمـــــئن يمه الحيـــــــاره           ــ⊱☆☆❀☆☆⊰ــ للعشاگ صـــــــاير صـــحنه عنـوان تتوافــــد عليــــــه امنــــين ماچـان كل محتاج يرجــــــــــــع منه مليان امشـــــــــــــرع للكرم بيبان داره           ــ⊱☆☆❀☆☆⊰ــ ادعـــي اللـه يحـقق طلبــــــتي هاي وگصــد للرضا امـــن البيت مشاي مشــــــــــتاق الگلب لزيارته اهواي وبشــــــــــوفة المرقد تطفه ناره          ــ⊱☆☆❀☆☆⊰ــ ✍الخادم كامل السعيدي

اسم القصيدة: عين الجمال 🎤أداء: سيد سلام الحسيني 🖋️كلمات: ميثاق المالكي ــــــــــــــــــــــــــــــــــــــــــــــــــــــ لن تنالوا البر حتى تنفقوا .. مثلها ام البنين صادقه وام الرجال الصدقوا .. الصدقت بحب الحسين وصارت على الحب مثال .. لانفقت عين الجمال وصدقت بحب الحسين من باب العطايا ادموع تنثرها من صد على روحي الروح ناضرها ابتدت من التحبه هواي ويسرها قدمتله اسمها الجان اسرها فدوه اعز اسم .. تكله مو مهم انته سميني على كيفك .. يا بعد هلي سمي ماشئت .. لأسمي لن شفت فاطمه يجرحك ياغالي .. ودمعك يهلي فاطمه وفدوه الدموعك فاطمه .. كل حرفه منها يكول شكد تحب جانت اسمها وحالمه .. فاطمه بيت البتول وصار اسمها واستطال ..لأنفقت عين الجمال وصدقت بحب الحسين ــــــــــــــــــــــــــــــــــــــــــــــــــــــ ماهمها النسب و فحول اهاليها و حليلة حيدر الكرار واليها غالي وهالفخر مابين اعليها نحرت كل فخرها كبال غاليها تكله سيدي .. لجاهي ارتدي منك ومعنى لوجودي .. يمك ابتدى ونية الگلب بدارك من اطب خادمه مولاي اجيتك .. ماني والده چلمه الـ يمه التحبها كل مره بيها ضحت للحبيب وبدلت الـ يمه بخدمته الطاهره هاذا سر حبها العجيب وعجبت حتى الكمال .. لأنفقت عين الجمال لن تنالوا البر حتى تنفقوا .. مثلها ام البنين صادقه وام الرجال الصدقوا .. الصدقت بحب الحسين وصارت على الحب مثال .. لانفقت عين الجمال وصدقت بحب الحسين ــــــــــــــــــــــــــــــــــــــــــــــــــــــ دنياها ونوايا الناس تتغير ونيتها البقت فد لون حك تفخر وحبها الي انسگه بحسين وتجذر من خضر گمر لام عون من خضر ساكن الجفن غالي هالابن وغذته بصافي لبنها بالوفه امتله تكله ياكمر حيلك انذخر .. من يطب ضعن العقيله يمه كربله للذبح ذخرت حلمها الطالبه .. لا عطش يلفي الضعون وتبقه كل خيمه بخدرها محجبه .. وزينب بوسط العيون همها بخيام الدلال .. لأنفقت عين الجمال وصدقت بحب الحسين لن تنالوا البر حتى تنفقوا .. مثلها ام البنين صادقه وام الرجال الصدقوا .. الصدقت بحب الحسين وصارت على الحب مثال .. لانفقت عين الجمال وصدقت بحب الحسين ــــــــــــــــــــــــــــــــــــــــــــــــــــــ الذابحها البعد وفراك سيدها وما عدها فده وتغديه ماعدها وتاخذها الاخبار بعيد وتردها وهل الطارش الصاح حسين بر يدها سمعته التوت .. عثرت وهوت والفضل طاح من ايديها طيحت العلم كلها منذبح .. وراسه عالرمح واليطيح بدار غربه ضعنه ما سلم خلصتها بفي خدمته مايرد .. حكها وتعيش بعذاب تنذبح عالغالي من كثر النشد .. من وصل ضعن المصاب تعيش من بعده محال .. لأنفقت عين الجمال لن تنالوا البر حتى تنفقوا .. مثلها ام البنين صادقه وام الرجال الصدقوا .. الصدقت بحب الحسين وصارت على الحب مثال .. لانفقت عين الجمال وصدقت بحب الحسين ــــــــــــــــــــــــــــــــــــــــــــــــــــــ

اربعينيه الامام الحسين عليه السلام كبر الصوت هـله بالموت جينه نتحده المـنـيـه بربعـيـن الـغـاضريه ١ انصيح كلنه بصوت واحد زيارته واجب امر وي علي السجاد اجينه حسـيـن ماخلـه عـذر من اجل عاشور يبقه عـدنـه ويظـل الــذكــر كلنه مشايـه اجـيــنـه وبـيـدنــه رايـــة نصـر تصرخ الروح على المذبـوح انواسي كل احنه الزجيه بربعيـن الغاضريــه ٢ نعبر اندوس المنايه بربعـين المنذبح الف واربعميت عام ولسه ينزح هالجرح واحنه مشايه اجينه من اجل هذا الصرح ماندور جاه احـنــه بحبـه واندور ربـح خل يفجرون مايمنعـــون جينه كل احنه سويه بربعين الغاضريــــه ٣ بربعـين حسين اجينه نقسم وننطي العــهـد وعد ماننساك احنـه كل سنه انزورك وعـد بالحشر انته حمـانه انـريــدك احنه والسند ارضعنه كل احنه محبتك ياحسين من المهد حسين عطشان صـار عـنــوان هذا صوت الجعـفـريـه بربعــيـــن الغاضريــه ٤ رادو يمنعـونــه رادو وينه كل واحـد منع هذا نجم حسـيـن هذا بالسمه لاح وسطـع بربعـيـنه انهار من دم لجله واحـدنـه دفع وهسه كل زاير تعنه صوته بالحق ارتفع بـدمعـت العيـن انزور الحسين جينه نختمها الهــويـــه بربعــيـــــن الغاضريــه ٥ هددونه بهل زياره رادو انعيش بخطر مادرونه احنه منها ناخذ ادروس وعبر مايهمني ايام نمشي تعب لو بيها سهر لان متيقنين احنه ويانه يمشي المنتظر كل محب صاح نفـدي الارواح الدمعه ماتنشف جريه بربعــيـــن الغاضريــه لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

كأني بمولاتي زينب في طريق العوده الى ديار المدينة وديار الذكريات تتكلم بـ(هل ياترُى) هل ياترُى .. لديار اهلنه من أطب هل ياترُى .. الگه أخوي اعللدرب هل ياترُى .. عللباب گاعد ينتضر هل ياترُى .. ويطفي نيران الگلب رجعت ودربي كله أمنياات ودمعي اهله عسه ابخير الحنين ولازم الباب حلم كون المصايب وحلم ذيچ الخرايب وماكو كربله ولاشام وصواب رديت رديت ابهظم لرض المدينة وحايره احچاية احسين انذبح ادعي الله أبد ماصايره وماعندي خيمه امن الخيم نار وزلم تولاهه وزينب على التل أوچبت لاصايره ولادايره ---_--- هل ياترُى .. أم البنين الجيتي هل ياترُى .. بالراية تمسح دمعتي هل ياترُى .. وعباس أخوي ابلهفته هل ياترُى .. يرگض ينوخ ناگتي كفيلي وشيخ اخوته يطمن گلبي صوته هلا بزينب اخيتنه الحنينه يطمني امن اشوفه يجي وعنده چفوفه ولامگطوع اله ايسار ويمينه بيده اعلراسي لو مسح يوگف دمعها اعيوني وگعد وگله يالكمر ليش أبحلم عفتوني وليش امن أناديلك تجي ماسمعك اتحاجيني مهظومه چني والعده أصعد هزل يردوني ---_--- هل ياترُى .. مـاجـايــه مـن اليسر هل ياترُى .. وماأسمع ابسوگ وقصر هل ياترُى .. محد يسولف عن هظم هل ياترُى .. حرمه اوحيده ابلا خدر عسى محد أسمعه يگول احسين ضلعه تهشم بالحوافر سحگته الخيل ولاأسمع بناته مشن وي الشماته بسبي وبنص خرايب گعدن الليل ايطيح كل هذا التعب ويهيد بالي الحاير امن اسمع احسين ابلا ذبح وبيته هسا حاضر وادم لخوي اعللدرب يارايحه وياراده هنا اقتنع لو شاهدت مامر ابزينب عاشر ---_--- هل ياترُى .. مامايله الدنيا ابد هل ياترُى .. وماضاله أبعازت سند هل ياترُى .. مارايحين الكربله هل ياترُى .. وعبدالله نايم بالمهد جذب مارگضوهن ولاغربه سبوهن علاوي احسين كلهن يم ابوهن اخياته الحنينات ماصعدن هزيلات وجذب ديوان غربه طببوهن لبيوتنه أتمنيت أصل وهناك الاگي احسينهه وكابوس كل هذا الجره والهيمه ماماشينهه وماكو الي ابطف كربله أخوه اشكثر مذبوحه وللشام زينب ع هزل ماصايره أمودينهه رسول رياض