قناة قصاءد والحان منبريه

قصيده فزاعيه الى الإمام الحسين عليه السلام عندما سحقت جسمه الخيل ماذا قالت زينب عليه السلام ................................................... لاياخيل عوفن صدر الحسين اخته واكفه شو ماتخجلين ................................................ زينب واكفه وتصيح عوفنه هذا ابن امي الغالي سحكتنه شعجب ياخيل شنجن ماعرفتنه زينب واكفه شو ماتخجلين ........................................... ترضن بل الصدر وعيوني اتشوف ماكدر اجي ماخذنه الخوف وكفتو على الحسين اصفوف بصفوف تسحكين الصدر اوماتخجلين ............................................ يخسفن بل الصدر ويلوج خلنه عطشان الولي بسجن دعوفنه خلني اجي ميه اشربنه بسج بعد كافي ماتخجلين ........................................ تلعبن على الصدر وصاير بحاله ماكلتن اخيته واكفه كباله روعتن بناته وتبجي عياله ادوسن بل الحوافر ماتخجلين ............................................. لوعباس حاضر ماتدوسنه تدرن بيه سبع هل الحيد المجنه يكطع روسجن فنجن تأذنه تشوفنه وحيد وماتخجلين ............................................... تأليف خادمة زينب عليه السلام أم حسين المسعراوي من العماره لايجوز حذف الاسم نسالكم الدعاء الفاتحه على روح الشاب علي ابن محمد

٣٤| مصيبة العاشـر | ——— أَلْمُسْتَهَلْ ——— الحافر ثكيــــل ... ماتنحــمل اذيته ويكسّر ضلوع ...لو عالصدر مشيته وشحال لو عشرة اركضن بصدره وبقسوة اسحكن الحافر ثكيل ——— ١ ——— منين الزمك __ حتى اشبكَك الخيل تركض فوگك وعلغبرة نايم ذاك صدرك __ الكله رحمه مطَّشر ومابي ضلع يابوية سالم بيش امنعهن وانه طفلة وصغيرة والحوافر كلــش اثكيلــة وجبيرة ماينحجي الحـال .. فاضت الگاع ابدمك وشلون اصل ليك .. وبيا جفــوف المك وغرك خدي بدمعتي وعيني تنظـــر عمتي الحافر ثكيل ——— ٢ ——— بهل المصيبة__ البيها اشوفن الماكَعد بمظيف كَاعد فوكَ صــدرك كبـــال عيني __ بكــل قساوة الكَاع خشنة والسهام اتصيب ظهرك عوف ابــوي حـــسين لاتكَــطع وريدة والله مشتــاگتله مــن يكمشني بيــدة يل ما رحمتوا ...يــــــلي كطعتــوا نحره اي مو ذبحتوا …إلمــن سحكَتوا صدره عالترب ذيج انرمه وجه متغطي بدمه الحافر ثكَيــل ... ——— ٣ ——— صعبه اشوفه __ اگبالي طايح ودمه من نحره اعله هاي الكاع يمشي صـعـب وظـعة __وشفت ظلعة إمچلب بحافر فــرس مابـــاقي كلشي ضامي عالغــبرة وسـحكَ حـافر بكَلبة إخـيـول اجنـة وعالتـرب كَامـت تكَلبة عوفنة ياخيل … رحمــنةَ ميــت عطشان الحـر يغـيرة … عالــرمــح راســـة ذبلان الحضنة جنة وينشبــك َ أيخلصَّة حافر بالسحكَ الحافر ثكَيــل ——— ٤ ——— ليش جـرك __ من لحيتـك راســك كَبــال اليتامة إيشيلـة ســـلاب سكنة شـافت __ بوية صـاحت تركَض ويدفعهة طاحـت فوكَ التـراب كَلب طفلـة ومــات ابوها بحـافر الخيل بحظنـة متعلمة تنـــام ومــن يجي اليل شبكَتني سكنه … بالــرمح ينــدار حسيـن يابويـة صحنة … مانحجي بس تدمع عين بيا وكـــت ال النبي تنذبح لــــو تنسبي الحافر ثكَيــل ——— ٥ ——— يمك اوكَــف __ عنــدي كلمة الوداعاً بــوية راح نمــوت بالشام الچانت اتنــام __ بحضن دافي هسة فوكَ اتــرابة خشنة بنتك اتنام راحــت ايام الــــدلال وذيج الـــسنين هسه بــــس نار بخيمنا ودمعة بالعين مكسورة المتون …وسياطهم قوية وماترحم اصغار ...ماترحم السبية نمشي نسحك عالجمر وبيــدهم كــــل الامر الحافر ثكَيــل .. ————————— اللهم عجَّل الوليـك الفـرج السيد عبد الرحمن الموسوي ✍🏻 الـقنـــوات الـرسميــة ✔️

شد حيلك تگلي      وآنه متت كلي گمت اعثر بظلي   يا ابوفاضل ابني علي راح     ومني الگلب طاح * ياخويه گلبي محترك      وجرحي عله ابني شكبره ضيعته مدري انه الضعت       وضيعت ذيج العشره ناداني موتني العطش               يابويه اريدن گطره   مگطع ولم بي بدمع              والخيل مني اتطشره شگد تنزف اجروحه     ضامي گضت روحه وگلبي ارتفع نوحه        مگطعينه أميه من صاح     مني الگلب طاح * طاح ورحتله بدمعتي        وحيلي انهدم من شفته بطوله تمددت وصحت            هذا انته لو مو انته حاجيني يبني شيوجعك           گلبي علي گطعته الزم كتر يوگع كتر                يا اباالفضل من شلته جم حافر بصدره     اضلوعه متطشره شميته من نحره      وصحت يبني من طعن الارماح     مني الگلب طاح *** نايم لگيته عله الترب           لو تدري بيه شصاير    مايگدر ايجر النفس             كاسر اضلوعه الحافر   امنين ما الزمه يون             يم جسمه كاعد حاير مگطعينه وبصدره رمح         الظهره رمحهم عابر شگد انطبر راسه     وجم حافر الداسه ايجر گوه انفاسه       معذبينه ما ضني ارتاح       مني الگلب طاح *** ما تنعد اجروحه علي              الطعنه فوك الطعنه   الخيل اعتنت ليه وصحت         ياخيل ابعدن عنه  كافي ابني راح من السحگ       براحه يون عوفنه مگطع وضامي ومنجرح        وشظال بيه شوفنه ما ظل كتر منه       خاطر تسحگنه بهداي رضنه      راح صدره عليه الحجر ناح       من الگلب صاح *** ما تدري جم مره شهگ      بكل شهگه تطلع روحه والشده خويه من شفت        كلهن اتراب اجروحه ابني جبيره مصيبته               وتعبني حيل بنوحه عيوني وحياتي بروحته         راحن بعد فد روحه بونينه شيبني     وبحاله عذبني وبصوابه صوبني     وكسر ظهري بعده الحزن لاح      مني الگلب طاح * روحي گضت يا ابالفضل      شحاله اليموت اوليده فارگني وفراگه صعب              وبعده العمر ماريده  الفاگد ولد المن يظل             ووليده راح من ايده ياجرح المضيع ولد              غير الدمع شيفيده ياخويه جدامي      ابني انذبح ضامي شيردني لخيامي      والله حيره     لازمها الصفاح      مني الگلب طاح * تمت ميثم العمري

قصيدة خل نستراح هنانه مكتوبة كتابة كاملة كلمات الشاعر علي البوحمد خل نستراح اهنانه عمه وعلي تعبانه والناكه فحطها الدرب خليهم اينزلوني توجعني حيل امتوني زحمه ابجي ما بين الغرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عمه حاجي الحادي خل يوكف تعبنه ذوله ما بيهم ولا واحد يحبنه والله لا نشرد ولا نندل دربنه احبالهم ما حاجه مشدوده ابركبنه ادري المن امكيدينه ياذنب المسوينه عالزلم مكتوبه الحرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اه يا سهم الطفوف امنين اجاني ابيا ذنب نيشن على اضلوعي ورماني عمه حاجي الحادي خل يوكف ثواني والله ما بيه امشي مجروحات اذاني عمه اذني مدري شبيها خل ؤوكف وشوفيها توجعني كل ما انضرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اخذيني ذاك الرافع الراس ارد اكلمه راس ابوي ابيا ذنب يهتز يعمه ارد احاجيه بلكي اشوف ابكلبه رحمه راس مو رايه تره امن الهز يلجمه الراس اريده ايعيده والماي لا ما اريده شو مايهم ما ينشرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انتي هم اتحمليني وقبلي عذري ولله توجع لسعة السوط اعلى ظهري عمه موجوعه آنه واتكليلي اصبري امدلله ابين الاهل كضيت عمري بسياطهم اذوني يبست يعمه امتوني والمثلي بيمن ينطلب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عمه خل يوكفلي احلفج الزجيه لا اذب روحي ويحير الجيش بيه راح اطيح وينجبر يوكف عليه وانتي صيحي امن الظعن طاحت رقيه لازم يرد بالناكه الوالدي مشتاكه فدوه ارد احاجيه عن قرب *علي البوحمد*

محرم 38 .. ثلاث دكات لشهادة الامام السجاد عليه السلام.. جابر يجابر ولجَرَه ويه اهلي ما صار شحچي على گطع النحر لو احچيي عالنار ........... عمي يجابر والدمع ظل يجرح العين عُوف الصدر عالهامه خل تلطم عله حسين وعظام صدره العل تُرُب لا تسأل امنين خدَّه احترگ لمن وگع تراب ابشمس حار ........... راحت تِكَّسِر چَم ضِلع الخيول رَّدَّت حُفرَت ورِفسَت كَسَّرَت بحسين مُردَت اشلون مَنظَر جابر من اتشوف هَدَّت الله واكبر عالجَره وبذاك النهار .......... جَرهَه اللحيته من گعَد عالصَدِر ويلاه والسيف مايذبح ابد يعكس اوويَّاه مِن الگُفَه گص النحر بدماه خَلاه والي بأبوي احسين صَّدِگ ابد مادار .......... جابر دريت اعله النهر چفين طاحن وسهام بالجود اويه عين الكُمر لاحَن عمي العِطَش عمي العطش بِنوَات صَاحن رقيه وسكينه وبالگلُب ضيم وقهر فَار ........... الرايه ذيج امَزّگه بس يَمَّه مَتعُوف لسه عليهه قابضه وحده امن الچفوف بآخر ثواني راد اخوه لحسين ملهوف يگله وِفيت وماتِهِم عباس الاخطار ........... جابر تِرَسهه للسِمَه دُخان الخيام يشتموهه عمتي وتنضرب ياعمي تنضام نِدهَت تَراهه وتعِبَت لا واحد الكام بالهَيمَه لا خِدر البُگه لا ظَلَّت استار ........... شحچي يجابر والحچي يوجعلي صدري اعمى انته لاچن بالجرالي اتحِسَّه تدري يحرگ الدنيه لو طلع عالدنيه قهري مشينه سبايه والحزن ويانه هم سار ........... ابو مريم الاسدي .. 2/تموز/2026 ..

(﷽) قصيدة: رد وحده الحسين بصوت: كرار ابو غنيم الشاعر: قحطان الحسناوي الطور: ثلاث دكات ▪️▪️▪️▪️▪️ قبالج تشوفين رد وحده الحسين وين القمر وين رد وحده الحسين رد وحده من كتر النهر هذا ابو اليمه بالقوه يشتم الهوه من ألم همه شو ما اجه وياه القمر لهاذي الخيمة ساكت وعينه للمهد ما نطق كلمه للعايله يعود لا قمر لا جود لعيلته الظامين رد وحده الحسين هذا الحسين برجعته شو قلبه يلهب وعيونه هاي تكلمج ايسي يزينب عالمشرعه عفت القمر بالدم تخضب وحسين شو حتى رمش عيناه شيب بمصاب عباس صار ابيض الراس بعد شتنطرين رد وحده الحسين خلي يزينب بالالم ايدج على الراس ولا صوت حزنج يرتفع لا تسمع الناس حسين الاجه وجف القمر عالثرى تنداس ايسي يزينب بعد مايجي عباس بتراب الطفوف مقطوعه الجفوف بقطعه الجفين رد وحده الحسين ضل الحسين بلا اخو ياهو اليعينه عباس اخيه بالسهم مطفيه عينه وبحومته سهم وحجر متنطرينه حتى الرضيع البمهد هم ذابحينه ينتظره رماي من يطلب الماي وبجمرة البين رد وحده الحسين مايرد عباس القمر بعد شيرده وحسين من بعد بقه بالغربه وحده ساعه ويجي سهم الغدر يجويله جبده وعباس ايديه مقطعة بيمن يقصده ساعه والخيام توقع عالايتام وبرض الميادين رد وحده الحسين الله يساعد كل اخو يفكد اخيه وحسين ظل بغربته بالغاضريه داست على ضلوع الصدر خيل المنيه وعقب اخوتج يم الخدر صرتي سبيه بلهبة الجمرات من قبل لحظات من نبلة العين رد وحده الحسين ▪️▪️▪️▪️▪️ رد وحدة الحسين .. مكتوبة للأستماع 👇 🚫 #اللهم_عجل_لوليك_الفرج #یوسف الزهراء 💔

ثلاث دگات رثاء العباس ﴿ ع ﴾ راح وتوجه للنهر حامي الضعينه ‏شايل الراية بيسرته وسيفه بيمينه ‏ ‏هذا ابن حيدر للشريعة توجه وراح ‏ما همته سيوف العده لا همته رماح ‏صرخة ابوه المرتضى بوجه العده صاح ‏وين ابن ابوه اللي يصل يم سيفي وينه ‏ ‏مثل النسر شبل الوصي عالعلگمي يحوم ‏طشار خلاها العده و تتراجف الگوم ‏جرعة بعد جرعة سگاها بصارمة سموم ‏حتل الفرات بهمته وساعد يقينه ‏ ‏مد إيده عالماي اغترف ليث الميادين ‏من گبل ما يشرب تذكر حال الحسين ‏حاجة النفس گاللها يا نفسي تهونين ‏شلون اشرب وضامي چبد مهجة نبينه ‏ ‏شلون اشرب الماي واخويه حسين عطشان ‏بالخيم عنده عايلة ضامية ورضعان ‏هيهات هاذي مو فعال العنده إيمان ‏جوده ملاه وهالاسد گاصد عرينه ‏ ‏سيفه بيمينه وعالمتن يتلاوح الجود ‏كل گصده من شاطي النهر لمخيمه يعود ‏وتعرضه الجيش واجت متسلحة جنود ‏داروا عليه من كل كتر ومحاوطينه ‏ ‏راواهم الموت الحمر وسط المعارة ‏وتولته سهام ونبل غارة اعلى غارة ‏گطعوا يمينه وبالأثر گطعوا يساره ‏صابوا يويلي بالسهم للگمر عينه ‏ ‏بذاك العمد راسه انهشم ويكابد جروح ‏للخيمة وجه صيحته ومنه الدمه تفوح ‏يا خوية ادركني گبل لا تطلع الروح ‏يحسين وشتاگت إلك روحي الحزينة _الأديب جابر الكاظمي

ثلاث دكات على الطريقه الكربلائيه زينب تصيح بصوت ارجع لعدنه يابو الوفه والجود راعي المحنه ____ ياخويه عوف الماي رد الخيمنه شنهي العطش عباس انته املنه من شوفتك ياحيد نتروه كلنه ردنه يا رواي ونهي عطشنه _ مثل الهلال حسين صار بمشيته محني الضهر والله من فاركيته يكوم ويطيح اردود جبيره رزيته يتعثر ابممشاء من رد علينه ___ انهض لخوك حسين ينحب دليله لا تبقه عل التربان والدم تسيله وسهم النبت بلعين من عدها شيله لا تعتذر عباس اقصد اخيمنه ___ ماشلته سهم العين شنهيه السباب. مائسلك عباس اعرف بلجواب موهينه ندري تشوف تسببنه الجناب ولا هينه ندري عليك مجتوفه ادينه __ ما قصرت عباس كطعت الجفوف اوفوك الجسم خليت اثار السيوف وبوسط كلب اعداك ضل ينبض الخوف يل حيدر مسميك راعي الضعينه الشاعر احمد محسن

(﷽) قصيدة: اسمع يعباس بصوت: حيدر البياتي النجفي الشاعر: مصطفى العيساوي الطور: ثلاث دكات ▪️▪️▪️▪️▪️ اسمع يعباس .. يارفعه الراس مو انه ، هيه الربتك زينب ، امانه بركبتك اسمع يعباس ──────────── اسمع وصيتي يالكمر اسمع وصيتي زينب امانه بذمتك يا بعد بيتي لو بت علي عنك رضت يرتفع صيتي يا بعد العيون عينك على ام عون اريدك يا بوفاضل صكر فوك المحامل هلا بصيتك يكافل عباس يابو فاضل التحبك من زغرها يسمونك كمرها النياگ امسح اثرها عباس يابو فاضل انته من الكماط ، تغلب بالزماط يالغيرت الله بغيرتك زينب امانه بركبتك اسمع يعباس ──────────── يا شيلت امك ياستر يا شيلت امك ما ضمك التالي العمر لختك اضمك يبياض وجهي يا كلف عباس احشمك يهديب يا زين يعيوني الاثنين الك تحله البطوله يمقياس الرجوله شحلات اسمك اكوله عباس يا بوفاضل يالمرجف زلمها تطشرها وتلمها الخيم بيدك علمها عباس يابو فاضل مادامك بخير ، ماينذبح طير راحت گلبها بشوفتك زينب امانه بركبتك اسمع يعباس ──────────── للخيم جبتك ياشهم للخيم جبتك وبني خيمها بالسمه لو رادت اختك يالماي كل هاي الارض من فيض كصتك يمبچي السباع ومغرگ الكاع النهر يحجيلي عنك تره الجربه عله متنك خذت هيبتها منك عباس يا بوفاضل وصيتي وانت يمهم اذا تعطش حرمهم نهر جيب الخيمهم عباس يابو فاضل ياسيد الماي ، يالتسوه كل ماي ترويها جانت ضحكتك زينب امانه بركبتك اسمع يعباس ──────────── جفك و عينك مو الا جفك وعينك وهجم بعينك عالسهم لو صاح وينك ولخاطر حسين ابتسم وكطع يمنك اكطعها يمناك واليسره وياك سند لحسين اريدك ظهر صير العضيدك افتخر لو كطعو ايدك عباس يا بوفاضل شرف هاي الشهاده نلت بيها السياده خدر زينب عباده عباس يا بوفاضل وصيتك بهاي ، لا تشرب الماي جيبلها غيمه بجربتك زينب امانه بركبتك اسمع يعباس ──────────── لحسين فدوه الاربعه لحسين فدوه ربيتله ازلام وعلي ينگطون نخوه يدرون ماعندي مهم. والمهم هوه عدلين ميتين فدوه للحسين ورد اسمه بلساني الحسين وماكو ثاني خبر منك اتاني عباس يا بوفاضل اصل هاي الحكايه كمر شايله رايه وصيحن بالنهايه عباس يا بو فاضل واخر كلمتين ، زينب والحسين بالمعصب اعكد رايتك زينب امانه بركبتك اسمع يعباس ▪️▪️▪️▪️▪️ #اللهم_عجل_لوليك_الفرج_والنصر_والعافية أسمع ياعباس .

:كواجن الله وياهله بهل جيه متانيجن تردن يزينب ليه             بس المشن من كربله حاسبهن                 بل رده ماردن لبوهن كلهن ضعنچ يزينب بعد عوزه بنيه .................    يمكن رقيه وي الضعن ماردت بلشام خافن ماتت وما رجعت من رحتو من يم جسمي كاتله الشوك لو جايه وياكم كبلكم وصلت          يم عون شنهي شصار ببنيتي احچي             وسئلت راسي ودنگ وضل يبچي زينب كلب يحمل تعب مابيه     ....... من گبل لا ترحون اجت مشتاگه تتهطر وي خيلهم تتﻻگه وگعدت بحضني وردت اكله الله وياچ ومن حضني جراه الشمر للناگه                  من کثر ما مشتاگه ليه وحنت                  مرتين يمكن صعدوهه ونزلت وكعد حذايه تعصر برجليه ................. بليلة العاشر جسمي هدت حيله كالتلي بويه الجيش حضر خيله ورفت عباتي وگمت اشوفك مذبوح يحسين خل نرجع لهلنه اليله                 وكضت تراچيه وبچت وتبديت                   وكتله لو ما الله رايد رديت كتله باچرمامش الترچيه ........... الچلمه البكلبچ يخيتي حچيهه كليلي يازينب بنيتي شبيهه يم عون بس ﻻ ماتت بكاع الشام متعيني لو وي فاطمه مخليه                لو ضاله وما ماشيه من مشينه                  جا هسه عدله وگاعده اتانينه وما تدري بيه الخيل داست بيه .............. جواب زينب (ع) ماتت بنيتك بس كلت ماكله ضلت بگلبي وكاضتني الفشله زحمه الزغيره عليك يحسين تموت وانه الچبيره ورادتلك عدله         سامحني يل ماشال جسمك تابوت         عل تل متت يحسين لو بيدي الموت جا هسه يمك مارحت مسبيه. ..   الشاعر حيدر الخزاعي

-القصيدة (خبر الاكبر) خبر للمخيم وصل وانكلب ليل اجو كالو ابنك علي سحكتة الخيل صحت لا صحت لا علي بعده مامات بعدني اشمن بالخيام عطر هيل صدك طايح يا نبع --- صدك كسرولك ضلع كوم احجيلي -- يبني يبني كصدت عليك بهضم --- وصلتك جلد وعظم خلص حيلي --- يبني يبني علي جاوين الربه -- ابوك اليوم انسبه وشيب ليلي --- يبني يبني اعتنيتك ياربه سنيني اعتنيتك اجيتك عفت المخيم واجيتك بحوافر خيل متوزع لكيتك *-*-*-*-*-*-*-*-*-*-*-*-*-*-* علي انا ابوك التبوس ايده كل يوم ابوس ايدك الحلوه يوليدي بس كوم ياول سليب الرمل يلهب وحار افصلك الروح واسويلك هدوم وعلي بس ترجع الي ---ابوس ايدك ياعلي شتريد اكثر --- يبني يبني اذا مو كلبك يدك --- ترة ازعل منك صدك واكعد بالحر --- يبني يبني شوكت لحسينك ترد --- يبو الطول الينحسد ها يمعتبر --- يبني يبني انه ادري بالعطش ماخذ حلاتك دهاك عيوني واعصرهه بلهاتك كبل لا ينسبن رد لخواتك *-*-*-*-*-*-*-*-*-*-*-*-*-*-* اذا ما كمت هسه اطي الوجه وين ترة كبالي وادم شماته وملاعين يالمبجي ابوك اسمع شكالت الناس تكول ابن الحسين علي مبجي الحسين يالمطيح دمعتي _ ويالمجمل غربتي وحاني متوني -- يبني يبني كتلني بويه الحجي _ وذبل جفني من البجي شكد هضموني __ يبني يبني الضحك يابوية الضحك ** ثكيل بكلبي يرك ما حشموني ** يبني يبني بصدور الشماته گلوب موته حجي الشامت ثكيل يغثني صوته ما فزعوله جا ولدة وإخوته *** يمستعجل تروح يمستعجل تموت وأنه لكبري ردتك علي يبني زاتوت ردت من يذبحوني تصبحلي دفان وتلبسني ثوب وتدبرلي تابوت وعلي يابويه استحي ** اضل عاري بمذبحي لا تلجمني ** يبني يبني يكون عليه تمر ** تحط لثوبي عطر وتلبسني ** يبني يبني كلف يمبيض الوجه ** دشد حيلك يانفه وكوم الزمني **يبني يبني يتربات المضايف وانته داري شني معناها زلمه شكبرة عاري كوم وشيل ابوك من الصحاري *** ابو ضامن محمد الزيدي

يـــا حــسرتي ويــن اخــوتـي يرضون اموت ابغربتي ﴿﴾ * ﴿﴾ * ﴿﴾ يـــا زماني اللــــوعاني منك اچم لوعه شـفت وچم مصيبه والاحـــبهم بــــاعدتهم راح امـوت وگلبي ما ساكن نحيبه طلبه عندي آ يـــدهري اتعنه للــــجثه الـبقت بالطف سليبه لو وصلـته خبره بخته ما حضرها اخوانها وماتت غريبه وابـــــــــــــــــگلبي چــــم لــــــــــــــــــوعه وألــــــم بدموعي اكتب قصتي ﴿﴾ * ﴿﴾ * ﴿﴾ والـــــكفلني خبره عنــــي گله تشبح بالنظر بلكن يجيـــها شوفه مـنـك بس تمنــــــت اتموت كون وچفك الدافي ابأديها يختي مگدر لا اتـــــــعذر يختي چفيني الأعادي امگطعيها اه يــــزينب صبري شيب من سمعت اضلوعچ الأثار بيـها يحظر ﮔـــــــــــــــــلت واتـــــــــــــــــأملت بس ما حضر يا حيرتي ﴿﴾ * ﴿﴾ * أمنيـــــاتـي لو وفــــــاتي حانت اتمنه اندفن بالــــــغاضريه يم كـــفيلـي ويــعـتـنـيـلي ابنوره يطرد وحشتي امن ايمر عليه تـــالي لنـي ايخيب ضني بالــغرب واجرعها كاسات المنيه وسفه تــالي الموت اجالي ومحد امن اخـواني هال اترابي اليه مــــــــــــــامش هلي دمعي ايـهــــــــــــلي منهو اليشيل اجنازتي موتي اضــنه من تعـــــــنه اعليه اهون مـن عذاباتي الشفتها يا خنــــــاجر يوم عاشــــر بيها الف موتـه اعله ولياني متتها اتشب خيامي ابلا محـــامي دنيه بس ابـعالم البرزخ عشتها ومن سبونــي وگيــــــدوني روحي گوه المني طلعت صبرتها ويه الـــــــــــــغرب اطلع غــــــــــــــــصب شمر اليگود ابناگتي ﴿﴾ * ﴿﴾ * ﴿﴾ ولــــــرقيـه ابـــكل مسيه امشي والگاها ابــمدامعها وحزينه راس ابوها البيه اجـــوها چنها تنظرله وتــخبره المر علينه اعليه تنـظر واتــــــــحسر وانتذكر بالـــطفوف اشـجاري بينه عگب اهلنه محد الــــــــنه علـــهزل نتــذكر اشلون انسبينه ننزف جــــــــــــــــــرح حد الــــــــــــــــــــصبح ارجع حزينه لحضرتي سيد علي عبد الزهرة الناجي

رد منحني وايده اعلى ظهــره والشيب غاطيه اعلى كبره يحسين كتله شصاير وصــاح عبـاس يختي اطـاج عمـره ــــــــــــــــــــــــــــــــــــــ رد بظهر محني ودمــع ردت الضيــــع كلشــي مــنالنهــر للخيمـة انجسم ظل بس خيال ويمشي يحسيـن كتلــــه بصيحتك شيبت كلبـــي ورمشــي من وجهك ومن مشيتك صاير اعلى عضيدك شي شفتك لفيت تكوم وتطيح كــد مارجيــج ادفعك الريح مابيك حته بحيلك تصيح نفسك ثكيل وشوفك اشحيح بس لا اخيك عافك وراح .... من غير تجوه بكاع صحره ــــــــــــــــــــــــــــــــــــــ مو هذا لونك من رحت خويه الفكر مستغرب يحسيـن مـدري تغيـرت مـدري العيون تجذب تــوك طلعت منـالخيم شـــاب ورجعت مشيب كَلــي ششفت يـــم النهــر خلاك هيـج تحــدب ماعرفتك مستغربه العين هذا الغريب الجاينه منيـن لا هوه لا موهوه الحسين ذاك السـواد بلحيتك ويـن متغيروموذيج الرسوم .... والحيل رايح فرد مرة ــــــــــــــــــــــــــــــــــــــ خويه شلكَيت اعلى النهر شيب رموش عيونك جنك بكَد مـا منكسر شـايل سمه اعلى متـونك حنيت هــلال منالهضم محنــي وتغيــر لـونك حاجــوك لاجن مــادرت بــالك لليحــاجـــونك محني اعلى طولك حنية ذراع مــدنك وراسك لايــح الكَــاع تنحب نحيب الفــاكَد اسبــــاع بس لا حزامك ع النهر ضاع هذا اعلى ثوبك دمه يحسين .... لو صبغته دموعك الحمرة ــــــــــــــــــــــــــــــــــــــ زينب شسولف والكَلب بعيوني شفته مـوذر هذا انه الحسين الصلب كمت بخيالي اتعثـر الكاتلنـي صـار تلث وصل يازينب ويتعـذر عباس لوزارع وفه بكلب الصخر جا خضر ظهري انكسر وانفل الحزام عباس خلاني وغفه ونام مــاكال نتفـــارك لجـــــدام زينب المثلي شلون ينلام عباس واحد وانتي تدرين ... كسرة الواحد بالف كسرة ــــــــــــــــــــــــــــــــــــــ من صاح خويه تحيرت من يا طريج المصرع بس سيـدي بطول الوكت من حلكه جانت تطلع حسبــالي عــود الكــا عدل ثاري حجـاها مكطع زينب اليفكد هيــج اخــو مــو حكــه لمن يجـزع اليفكد مثل عباس معــذور لو شاب راسه وظهره مكسور هسه يزينب صار عاشور مـن فــاركت حمــاي الخـــدور وانوب ضعتي وضعت وياج .... وحسين هسه انكطع نحـــره ــــــــــــــــــــــــــــــــــــــ بديت يم طولـــه الصبر كلي وطحت يــم كلي لا تحز راسي مروتك خـــل يجي حسين يكلي كتله انه الحسين وصحت عباس يا بابعد اهلي خليتني المن يالاخـو ميت ويــــــاك احسنلــي مـــادري المن ظال هناه ما متت مدري شمالني وياه زينب على العباس ويلاه حــركت سهمـه وكالي احـاه عود ارد اوخره وما رضه وكال .... خلي بعيني ولا توخره ــــــــــــــــــــــــــــــــــــــ هســـا يزينب بينت بحسين اخــوج الخله وانــوب المــوادع بـــده والخل اليفارك خله عبــاس جيشي ومن مشه تشتت العسكر كله بالعركة يختي الماله اخو يحتار بوداع اهله وصلي سلامي لام البنين مشكورة كلها يكول الحسين المن بعـــد عشرة تربيـن مـا كصروا ولــدج مكفيـن وكليلها يكول ابو السجاد .... عباس عن مليون عشرة رائد الناشي #اللهم_عجل_لوليك_الفرج

خلصت هاي هيه وياك يحسين هذا اخر وداع وي النساوين امل مابيها ترجع لصواوين انطر لو تگلي سنين وتعود مو عطشانه زينب والضمه يهون سولفلي بغيابك اصبر شلون يارايه التصير فياي لام عون وهاشم من خيمهم طاح عمود ويلاه....ويلاه.....ويلاه......ويلاه......ويلاه __ جويه حيل زينب گبل الطفوف گبل لا جف اخوها تگطعه السيوف اختك هسه ماظن توگف اوگوف انكسر ظهر العقيله بطيحة الجود ويلاه....ويلاه.....ويلاه......ويلاه......ويلاه ___ وهسه انته تريد تروح يحماي وتچمل كسرتي بروحتك هاي ياراي اليضل يحسين ياراي دونك يبن ابوي الراي مفگود ويلاه....ويلاه.....ويلاه......ويلاه......ويلاه __ ياراي اليضل لو طبت النار باجر ع الخيم وتيه الصغار اطفي اخيامي لو ادورهم احتار وزينب حايطتها خيول وجنود ويلاه....ويلاه.....ويلاه......ويلاه......ويلاه __ بهاي تبين الكسره يالاخوان من تتغرب وخدرك مثل چان وهسه تحشم وماتلگة عوان بهاي الساعه بس الموت مريود ويلاه....ويلاه.....ويلاه......ويلاه......ويلاه __ ملا :محمد باقر الخاقاني كلمات:عباس الشبلاوي اسم القصيده: خلصت هاي هي

#تراث تحيرني وتذكرني    يا جابر لا تناشدني ــــــــــــــــــــــــــــــــــــــ يا جابر هيجت حزني يجابر گلبي ذكرته عليمن تنشد وما ظن مثل ضيم الذي شفته عتابك زيد آلامي يا عمي وحيلي هدمته دفنت احسين أبويه اشلون وبديه ابگبره نزلته وكلف وضعي   ويهل دمعي وحيد ومن يساعدني    يا جابر لا تناشدني ــــــــــــــــــــــــــــــــــــــ يا جابر مرمي من شفته هويت اعليه أشمنه وأبد ما تنعد اجروحه وحرت يا جرح أضمدنه يا جابر جسمه الموذر گمت بحفوفي ألمنه وأشوف اضلوعه مهشومه يجابر خاف ألچمنّه انشده فكري  وحرت بأمري   عليل وجرحي ضاهدني   يا جابر لا تناشدني  ــــــــــــــــــــــــــــــــــــــ شفت بعيوني يا جابر شبيه المصطفه الأكبر ذبيح وبالدمه امخضب وأعاين جسمه لموذر يجابر من گمت منه وحگ جدي علي حيدر توچيت اعله وجه الگاع ردت أنهض لچن مگدر حنه ظهري   ونفذ صبري أخويه افگده بيدني  يا جابر لا تناشدني ــــــــــــــــــــــــــــــــــــــ وشفت لمن وگع عمي الچفيل وگطعوا الچفين تعنه الخيمة العباس ابظهر محني أبويه احسين عمدها الطيحه بيده وجذب حسره وتهل العين وأشوفن والدي بحيره وحيد ابولية الصوبين انگطع نحره   انهشم صدره الخطر أصبح يهددني    يا جابر لا تناشدني ــــــــــــــــــــــــــــــــــــــ يجابر قصتي قصه تحير أهل الفكر بيها إلك من يا كتر أبدي لون يجابر أحچيها مسيت العاشر اذكرها ولعيال اشجره اعليها خيم حرگوها والتهبت عليل اشلون أطفيها وخيم شبت   وحرم هجت وأشوف النار التدني   يا جابر لا تناشدني ــــــــــــــــــــــــــــــــــــــ تذكرني ويهل دمعي عله الوجنه شبيه السيل ورماني چم سهم ظالم وأحسه يهدم الحيل شفت أيتام أبويه احسين يجابر ساحگتها الخيل وشفت عيله يضربوها وإلمن تشرد ابها الليل وشفت زينب   غدت تنحب تنادي خويه شاهدني   يا جابر لا تناشدني الشاعر السيد سعيد الصافي

دگت رجل يم باب الحسين گالوا علينا الجايه منين آنه ابني عباس و لتجّت الناس گالوا علينا الجايه منين ـــــــــــــــــــــــــــــــــــــــــــــــــــــــــــــــــ گوة كامت و أنحنت گالتلهم هاي أجت أُم الحِماني عاليتيمات أنتچت أستقبلتها و غمّضت إبنچ عِماني يايمه النعزهم مشوا والشيب يطلع عالشيب ماضل نفس من الهوى اليبقى عدل عندهم عيب علم الفگد جايبته مو علم الغيب گلبچ حنين و گلبي متعوب أم الگمر يخنگها الغروب و لگطع الأنفاس والتجت الناس گالوا علينا الجايه منين دگت رجل يم باب الحسين گالوا علينا الجايه منين آنه ابني عباس و لتجّت الناس گالوا علينا الجايه منين ـــــــــــــــــــــــــــــــــــــــــــــــــــــــــــــــــ دمعة قسمنها و بچن و للكفيل اتچتفن عالتبقى تالي تبچي الليالي بيده مي بس ما روه عطشوا وماتو سوه غالي ويا غالي والراس عالي من شحت الدنيا زلم چان احنا عندنا العباس وحسين كلما يلتفت بلا كلمة يكفيه الناس هو الگمر ويا البشر ما ينقاس اهل الخيم رادوا يموتون للنهر والكافل يعطشون عالين الأحساس و لتجّت الناس گالوا علينا الجايه منين دگت رجل يم باب الحسين گالوا علينا الجايه منين آنه ابني عباس و لتجّت الناس گالوا علينا الجايه منين ـــــــــــــــــــــــــــــــــــــــــــــــــــــــــــــــــ گبله ماتوا لو بطوا كون بعده اتأخروا موصيتهم اني محد يتاني يمه چن كلهم علي الموت لحسين الي صاحوا اخواني ياهو اليتاني الكافل معزب الحرب وبكل وكت حامي السيف يگطع على الموت الدرب ما يطب عند غيره الضيف ميعوفه لو من عنده ما ياخذ حيف الخوة ما تنباع بالسوگ بس للحسين و كافلي تلوگ للغيره مقياس و لتجّت الناس گالوا علينا الجايه منين دگت رجل يم باب الحسين گالوا علينا الجايه منين آنه ابني عباس و لتجّت الناس گالوا علينا الجايه منين ـــــــــــــــــــــــــــــــــــــــــــــــــــــــــــــــــ ما عطش گد ما زعل شبع موت وما ذبل لليوم راوي لليوم راوي چفه شلال الخيم علم بس شايل علم يسوى النعاوي ضل گلبي داوي ما نخسر و جبنا الربح هو الذبح للشجعان الما يميز الباطل منو يحسب حسين الخسران بگلبه سهم بس عنده بالله إيمان المايموت الكاتب الموت كل إبن انثى يشيله تابوت عالرافع الراس و لتجّت الناس گالوا علينا الجايه منين دگت رجل يم باب الحسين گالوا علينا الجايه منين آنه ابني عباس و لتجّت الناس گالوا علينا الجايه منين ـــــــــــــــــــــــــــــــــــــــــــــــــــــــــــــــــ - دگت رجل يم باب الحسين الرادود | هشام الغراوي الشاعر | فاضل حسن الكاتب | الميرزا محمد المياحي

موشح نجفي للخدامه بالاربعينيه حسين دمك فاض من أجل البشر باربعينك فدوه يحسين السهر ............................ يرخص لأجل الدم المنك وكَع كل تعبنه والسهر حته الوجع بالمواكب نخدم الجاي ورجع من اليزورونك على طول الدهر ............................ سيدي والخدمه هاي المهجتك يوم بالحر عالترايب طيحتك كل سنه نحييه هاي امصيبتك وصرخة الخادم تضل مثل الاثر ............................ ياحسين واربعينك مو ملح دوه صار العلتك والكل جرح كَاع جنهه الخدمه واحنه الهه الفلح وغيرة الفلاح تكبر بالخطر ............................ شفنه شيب وشاب واطفال ونسه تعتنيك ابشوفه كلش مؤنسه انت بالحب منهو يكَدر نافسه ماخذ الاول غرامك هالقَدر ............................ فدوه للدم كل تعبنه ابكل زمن فدوه الك كل خادم اعيونه عمن ماتنسينه المصايب والزمن بالجره اعليك وعله اهلك بالقَفر ............................ نوزع الماي اعله زوارك برِد ومن دروب العطش زينبكم ترِد من اليسر وبضعن يمك تنوجِد ابضعن من جور الاعادي اشكد صبر ............................ اشحيح جان الهوه الزينب من اجت بكثر ما عالكافل ولجلك بجت زينب الحره العقيله ام البخت من بعيد الكَبرك اتدير النظر ............................ َاحنه من نستقبل الزاير نحس نشعر استقبلنه ضعنك بالامس والعليل امتعبته انشوف الشمس مانروح الظهر ساعه اثني عشر ............................ فرض مايتعوض ابحته القضه موسم الخدمه الكَضه راح وكَضه مو مثل فرض الصلاه وانعوضه الماي غير اللي مشه ايرد بالنهر ............................ مانوافيك وابد هذا الاقل لاكَدرنه انرجع ايام الاجل احنه بالياليتنه وندعي العجل بلكت الله انشوفك اويه المنتظر الشاعر ياسر العارضي

‏(( #تريد_الصدگ_هذا_الصدگ )) ‏…………………………………………………… ‏ ‏تريد الصدگ . هذا الصدگ . يبنادم ‏زينب نصر  . تنثر خدر  .  عالعالَم ‏هي الصدگ . هي الصدگ …‏…………………… ‏مايلي انطيك نبذه عن حروف ابهالاسم ‏( الزاي ) يعني الزود عدها اقوه من كوكب زلم ‏( الياء ) ياقوته و تعادل گمر و الشمس و نجم ‏( النون ) نصر الساده هي وابن هند المنهزم ‏ ‏( الباء ) يعني البطله المعروفه ‏خورستها الشام وي الكوفه ‏ ‏هذا الاسم .. لوحة عزم .. محلاها ‏شجرة ثمر .. رب البشر .. سمّاها ‏هي الصدگ . هي الصدگ ‏ ..……‏………………………………………… ‏ ‏حرب ما بين العبايه و بين سوط العد شمر ‏طاحت ايده وخسر سوطه و متن زينب منتصر ‏المثل گال و على الساحر ينگلب تالي السحر ‏عود رادوها سبيه وصفت قائد باليسر ‏ ‏لبوه و اتلعثم ابن مرجانه ‏انخطف وجه وما تعرف الوانه ‏ ‏ابچفها أومأت .. كل اسكتت . مخروسه ‏جفها انبرى .. جنّه العصا . العد موسه ‏هي الصدگ . هي الصدگ ‏ ..……‏………………………………… ‏الظاهر اعل الهزل ركبت لچن مو هذا الحصل ‏كوكب المريخ هودج والجمل كوكب زحل ‏ولون من هودجها تنزل ينحي الها الجيل ‏وخاف ظلمه الگمر هاجر بيد بت حيدر نزل ‏ ‏ولون عطشت شنهو الـ يروّيها ‏الفرات و دجله ركضن ليها ‏ ‏شمس و بدر . كله ابأمر . بت فاطم ‏نور وضوه . والها الهوه . الكل خادم ‏هي الصدگ . هي الصدگ ‏ …‏………………………………………………… ‏امبراطور الحكومه ايزيد گاعد عالعرش ‏رجف كله اگبال زينب حتى هدبات الرمش ‏وزراء وقاده ظلت بيهم اتلم و تطش ‏السگف و الارضيه كلها القصر خوفاً يرتعش ‏ ‏هي بت السيفه عاده اگرابه ‏وهمّه ولد إلّي نزعها اثيابه ‏ ‏مو بالبچي .. ابقوة حچي . صگّاره ‏تشبه علي .. وهد الولي . ابفقاره ‏هي الصدگ . هي الصدگ ‏ ……‏…………………………………………… ‏شوف يا سبحانه ربك والوضع كيف انقلب ‏گبل كعدت بالخرابه وهسه گبه امن الذهب ‏فوگ روس الي سبوها علم لم عون انصب ‏يل رميتوا احجار هسه ياهو بالتالي إلـ غلب ‏ ‏هسه بالليل و نصد الحاله ‏الشام ظلمه و گبتج تتلاله ‏ ‏گبه ولوه .. اتوزع ضوه . ابكل ليله ‏للحگ مثل .. بيها الجبل . شد حيله ‏هي الصدگ . هي الصدگ ‏ ……‏…………………………………………… ‏ ‏ايها الجولاني اسمع ارد انصحنك تره ‏گبل جدك كاد كيده و ما گدر هاي المره ‏خاف منعيت الزياره الحور تنزل زائره ‏انتوا عاگول الصحاري وهي شجره المثمره ‏ ‏مريم العذره تجي تنعاها ‏وموكب ايسوي المسيح احذاها ‏ ‏باجر يجي .. ابن النبي . مهدينه ‏ثار الحجر .. ثار النحر . لحسينه ‏هي الصدگ . هي الصدگ  ‏ …‏……………………………………………… ‏✍️ ( سيد خضر الزاملي ) ‏https://t.me/HashamKadmay

Channel photo updated

نوحو على الخيم نوحو على الحرم نوحو على البنات نوحو على الحسين نوحو على الغريب نوحو على السليب نوحو على العريان نوحو على العطشان نوحو على الحسين نوحو على الخيم نوحو على الحرم نوحو على القميص نوحو على الحسين ـــــــــــــــــــ ❁❀❁❀❁ ــــــــــــــــــــ يبو فاضل .. يبو فاضل .. يبو فاضل .. يبو فاضل ـــــــــــــــــــ ❁❀❁❀❁ ــــــــــــــــــــ كلشي فدوه يروحلك بس كون سالم المن الله مسوي زينب كون نايم الماي يمك ليش ماتشرب يهايم قصدك حسين اليعشگه يموت صايم شنهي گلبك وانه اعرفك ذابحينك عاشگينك يبو فاضل عاشگينك ـــــــــــــــــــ ❁❀❁❀❁ ــــــــــــــــــــ الماي لو يعرف صدگ امرك يطيعه ارد اگل للماي سالفتك فضيعه كون شارد منك احسن الله هسه مسوي قبلتنه الشريعه وتربة حسين شكبرها تصير طينك عاشگينك يبو فاضل عاشگينك ـــــــــــــــــــ ❁❀❁❀❁ ــــــــــــــــــــ ليش تجفي عيونك الدنيا شرخصها ليش تبجي الناس ماتعرگ گصصها حصتي انته الدنيا ماوالم حصصها الما لطم بيده اعله زينب خل يگصها وانته بيمن تلطم وفاگد يمينك عاشگينك يبو فاضل عاشگينك ـــــــــــــــــــ ❁❀❁❀❁ ــــــــــــــــــــ ادري نحرك موش الك بس ما تهمله مطرت الدنيا اعله گلبك نبله نبله جان بالك كله زينب والله عمله بوكت جسمك جان ماتكدر تعدله جان عشگك يحله من يكثر ونينك عاشگينك يبو فاضل عاشگينك ـــــــــــــــــــ ❁❀❁❀❁ ــــــــــــــــــــ شلون اموتلك واحس روحي بخيله كون اذا حبك اصير عيون ليله هذا دمعي ما احس يوفي من اسيله كون اسافرلك دمع جنه العليله هيج اريدن حتلو ما شايفينك عاشگينك يبو فاضل عاشگينك ـــــــــــــــــــ ❁❀❁❀❁ ــــــــــــــــــــ ۞اداء:- سيد فاقد الموسوي ۞الشاعر:- ۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيام